| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
චොදනාකණ්‌ඩං
Codanākaṇḍaṃ
අනුවිජ්‌ජකකිච්‌චවණ්‌ණනා
Anuvijjakakiccavaṇṇanā
360. පාළියං යං ඛො ත්‌වන්‌තිආදීසු ත්‌වං, ආවුසො, යං ඉමං භික්‌ඛුං චොදෙසි, තං කිම්‌හි දොසෙ චොදෙසි, කතරාය විපත්‌තියා චොදෙසීති අත්‌ථො. එවං සබ්‌බත්‌ථ.
360. Pāḷiyaṃ yaṃ kho tvantiādīsu tvaṃ, āvuso, yaṃ imaṃ bhikkhuṃ codesi, taṃ kimhi dose codesi, katarāya vipattiyā codesīti attho. Evaṃ sabbattha.
361. අසුද්‌ධපරිසඞ්‌කිතොති අසුද්‌ධාය අට්‌ඨානෙ උප්‌පන්‌නාය පරිසඞ්‌කාය පරිසඞ්‌කිතො. තෙනාහ ‘‘අමූලකපරිසඞ්‌කිතො’’ති.
361.Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tenāha ‘‘amūlakaparisaṅkito’’ti.
364. පාළියං උපොසථො සාමග්‌ගත්‌ථායාති විසුද්‌ධානං භික්‌ඛූනං අඤ්‌ඤොඤ්‌ඤනිරපෙක්‌ඛො අහුත්‌වා උපොසථො උපොසථට්‌ඨානං සන්‌නිපතිත්‌වා ‘‘පාරිසුද්‌ධිං ආයස්‌මන්‌තො ආරොචෙථ, පරිසුද්‌ධෙත්‌ථායස්‌මන්‌තො, පරිසුද්‌ධො අහං ආවුසො’’තිආදිනා අඤ්‌ඤමඤ්‌ඤං පරිසුද්‌ධිවීමංසනාරොචනවසෙන අයුත්‌තෙ විවජ්‌ජෙත්‌වා යුත්‌තෙහෙව කායචිත්‌තසාමග්‌ගීකරණත්‌ථාය.
364. Pāḷiyaṃ uposatho sāmaggatthāyāti visuddhānaṃ bhikkhūnaṃ aññoññanirapekkho ahutvā uposatho uposathaṭṭhānaṃ sannipatitvā ‘‘pārisuddhiṃ āyasmanto ārocetha, parisuddhetthāyasmanto, parisuddho ahaṃ āvuso’’tiādinā aññamaññaṃ parisuddhivīmaṃsanārocanavasena ayutte vivajjetvā yutteheva kāyacittasāmaggīkaraṇatthāya.
විසුද්‌ධාය පවාරණාති දිට්‌ඨසුතාදීහි අඤ්‌ඤමඤ්‌ඤං කථාපෙත්‌වා විසුද්‌ධිසම්‌පාදනත්‌ථායාති අත්‌ථො. උභො එතෙති ආමිසපුග්‌ගලනිස්‌සයනෙ එතෙ උභො.
Visuddhāya pavāraṇāti diṭṭhasutādīhi aññamaññaṃ kathāpetvā visuddhisampādanatthāyāti attho. Ubho eteti āmisapuggalanissayane ete ubho.
අනුවිජ්‌ජකකිච්‌චවණ්‌ණනා නිට්‌ඨිතා.
Anuvijjakakiccavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
1. අනුවිජ්‌ජකඅනුයොගො • 1. Anuvijjakaanuyogo
2. චොදකාදිපටිපත්‌ති • 2. Codakādipaṭipatti
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā
අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
චොදකපුච්‌ඡාවිස්‌සජ්‌ජනාවණ්‌ණනා • Codakapucchāvissajjanāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
