| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
жуул̣асан̇г̇аамо
Cūḷasaṅgāmo
анувиж̇ж̇агасса бадибад̇д̇иван̣н̣анаа
Anuvijjakassa paṭipattivaṇṇanā
365. жуул̣асан̇г̇аамз сан̇г̇аамааважарзна бхигкунаад̇и сан̇г̇аамо вужжад̇и ад̇хигаран̣авинижчаяад̇т̇ааяа сан̇гхасаннибаад̇о. д̇ад̇ра хи ад̇д̇абажжад̇т̇игаа жзва саасанабажжад̇т̇игаа жа уд̣̇д̇хаммам̣ уб̣б̣инаяам̣ сад̇т̇у саасанам̣ д̣̇ийбзнд̇аа самосаранд̇и взсаалигаа важ̇ж̇ибуд̇д̇агаа вияа. яо бхигку д̇зсам̣ бажжад̇т̇игаанам̣ лад̣̇д̇хим̣ мад̣̇д̣̇ид̇ваа сагаваад̣̇ад̣̇ийбанад̇т̇ааяа д̇ад̇т̇а аважарад̇и, аж̇жхог̇аахзд̇ваа винижчаяам̣ бавад̇д̇зд̇и, со сан̇г̇аамааважаро наама яасад̇т̇зро вияа. д̇зна сан̇г̇аамааважарзна бхигкунаа сан̇гхам̣ убасан̇гаманд̇зна нийжажид̇д̇зна сан̇гхо убасан̇гамид̇аб̣б̣о. нийжажид̇д̇знаад̇и маанад̣̇д̇хаж̇ам̣ нибаад̇зд̇ваа нихад̇амаанажид̇д̇зна. раж̇охаран̣асамзнаад̇и баад̣̇абун̃чанасамзна; яат̇аа раж̇охаран̣асса сам̣гилидтз ваа асам̣гилидтз ваа баад̣̇з бун̃чияамаанз нзва рааг̇о на д̣̇осо; звам̣ идтаанидтзсу араж̇ж̇анд̇зна ад̣̇уссанд̇знаад̇и ад̇т̇о. яат̇аабад̇ируубз аасанзд̇и яат̇аабад̇ируубам̣ аасанам̣ н̃ад̇ваа ад̇д̇ано баабун̣анадтаанз т̇зраанам̣ бхигкуунам̣ бидтим̣ ад̣̇ассзд̇ваа нисийд̣̇ид̇аб̣б̣ам̣. анаанаагат̇игзнаад̇и наанаавид̇хам̣ д̇ам̣ д̇ам̣ анад̇т̇агат̇ам̣ агат̇знд̇зна. ад̇иражчаанагат̇игзнаад̇и д̣̇идтасуд̇амуд̇амби рааж̇агат̇аад̣̇игам̣ д̇иражчаанагат̇ам̣ агат̇знд̇зна. саамам̣ ваа д̇хаммо бхаасид̇аб̣б̣од̇и сан̇гхасаннибаад̇адтаанз габбияаагаббияаниссид̇аа ваа руубааруубабарижчзд̣̇асамат̇аажааравибассанаажаарадтаананисаж̇ж̇авад̇д̇аад̣̇иниссид̇аа ваа гат̇аа д̇хаммо наама. зваруубо д̇хаммо саяам̣ ваа бхаасид̇аб̣б̣о, баро ваа аж̇жхзсид̇аб̣б̣о. яо бхигку д̇ат̇ааруубим̣ гат̇ам̣ гат̇зд̇ум̣ баход̇и, со вад̇д̇аб̣б̣о – ‘‘аавусо сан̇гхамаж̇жхамхи бан̃хз уббаннз д̇вам̣ гат̇зяяаасий’’д̇и. арияо ваа д̇ун̣хийбхааво наад̇иман̃н̃ид̇аб̣б̣од̇и арияаа д̇ун̣хий нисийд̣̇анд̇аа на б̣аалабут̇уж̇ж̇анаа вияа нисийд̣̇анд̇и. ан̃н̃ад̇арам̣ гаммадтаанам̣ г̇ахзд̇ваава нисийд̣̇анд̇и. ид̇и гаммадтаанаманасигааравасзна д̇ун̣хийбхааво арияо д̇ун̣хийбхааво наама, со наад̇иман̃н̃ид̇аб̣б̣о, гим̣ гаммадтаанаануяог̇знаад̇и нааваж̇аанид̇аб̣б̣о; ад̇д̇ано бад̇ируубам̣ гаммадтаанам̣ г̇ахзд̇ваава нисийд̣̇ид̇аб̣б̣анд̇и ад̇т̇о.
365. Cūḷasaṅgāme saṅgāmāvacarena bhikkhunāti saṅgāmo vuccati adhikaraṇavinicchayatthāya saṅghasannipāto. Tatra hi attapaccatthikā ceva sāsanapaccatthikā ca uddhammaṃ ubbinayaṃ satthu sāsanaṃ dīpentā samosaranti vesālikā vajjiputtakā viya. Yo bhikkhu tesaṃ paccatthikānaṃ laddhiṃ madditvā sakavādadīpanatthāya tattha avacarati, ajjhogāhetvā vinicchayaṃ pavatteti, so saṅgāmāvacaro nāma yasatthero viya. Tena saṅgāmāvacarena bhikkhunā saṅghaṃ upasaṅkamantena nīcacittena saṅgho upasaṅkamitabbo. Nīcacittenāti mānaddhajaṃ nipātetvā nihatamānacittena. Rajoharaṇasamenāti pādapuñchanasamena; yathā rajoharaṇassa saṃkiliṭṭhe vā asaṃkiliṭṭhe vā pāde puñchiyamāne neva rāgo na doso; evaṃ iṭṭhāniṭṭhesu arajjantena adussantenāti attho. Yathāpatirūpe āsaneti yathāpatirūpaṃ āsanaṃ ñatvā attano pāpuṇanaṭṭhāne therānaṃ bhikkhūnaṃ piṭṭhiṃ adassetvā nisīditabbaṃ. Anānākathikenāti nānāvidhaṃ taṃ taṃ anatthakathaṃ akathentena. Atiracchānakathikenāti diṭṭhasutamutampi rājakathādikaṃ tiracchānakathaṃ akathentena. Sāmaṃ vā dhammo bhāsitabboti saṅghasannipātaṭṭhāne kappiyākappiyanissitā vā rūpārūpaparicchedasamathācāravipassanācāraṭṭhānanisajjavattādinissitā vā kathā dhammo nāma. Evarūpo dhammo sayaṃ vā bhāsitabbo, paro vā ajjhesitabbo. Yo bhikkhu tathārūpiṃ kathaṃ kathetuṃ pahoti, so vattabbo – ‘‘āvuso saṅghamajjhamhi pañhe uppanne tvaṃ katheyyāsī’’ti. Ariyo vā tuṇhībhāvo nātimaññitabboti ariyā tuṇhī nisīdantā na bālaputhujjanā viya nisīdanti. Aññataraṃ kammaṭṭhānaṃ gahetvāva nisīdanti. Iti kammaṭṭhānamanasikāravasena tuṇhībhāvo ariyo tuṇhībhāvo nāma, so nātimaññitabbo, kiṃ kammaṭṭhānānuyogenāti nāvajānitabbo; attano patirūpaṃ kammaṭṭhānaṃ gahetvāva nisīditabbanti attho.
на убаж̇жхааяо бужчид̇аб̣б̣од̇и ‘‘го наамо д̇уяхам̣ убаж̇жхааяо’’д̇и на бужчид̇аб̣б̣о. зса наяо саб̣б̣ад̇т̇а. на ж̇аад̇ийд̇и ‘‘кад̇д̇ияаж̇аад̇ияо д̇вам̣ б̣раахман̣аж̇аад̇ияо’’д̇и звам̣ ж̇аад̇и на бужчид̇аб̣б̣аа. на ааг̇амод̇и ‘‘д̣̇ийгхабхаан̣агоси д̇вам̣ маж̇жхимабхаан̣аго’’д̇и звам̣ ааг̇амо на бужчид̇аб̣б̣о. гулабад̣̇зсод̇и кад̇д̇ияагулаад̣̇ивасзнзва взд̣̇ид̇аб̣б̣о. ад̇расса бзмам̣ ваа д̣̇осо ваад̇и ад̇ра буг̇г̇алз зд̇зсам̣ гааран̣аанам̣ ан̃н̃ад̇аравасзна бзмам̣ ваа бхавзяяа д̣̇осо ваа.
Na upajjhāyo pucchitabboti ‘‘ko nāmo tuyhaṃ upajjhāyo’’ti na pucchitabbo. Esa nayo sabbattha. Na jātīti ‘‘khattiyajātiyo tvaṃ brāhmaṇajātiyo’’ti evaṃ jāti na pucchitabbā. Na āgamoti ‘‘dīghabhāṇakosi tvaṃ majjhimabhāṇako’’ti evaṃ āgamo na pucchitabbo. Kulapadesoti khattiyakulādivaseneva veditabbo. Atrassa pemaṃ vā doso vāti atra puggale etesaṃ kāraṇānaṃ aññataravasena pemaṃ vā bhaveyya doso vā.
но барисагаббигзнаад̇и барисагаббагзна барисаанувид̇хааяагзна на бхавид̇аб̣б̣ам̣; яам̣ барисааяа ружжад̇и, д̇ад̣̇зва жзд̇зд̇ваа габбзд̇ваа на гат̇зд̇аб̣б̣анд̇и ад̇т̇о. на хад̇т̇амуд̣̇д̣̇аа д̣̇ассзд̇аб̣б̣аад̇и гат̇зд̇аб̣б̣з жа агат̇зд̇аб̣б̣з жа сан̃н̃ааж̇ананад̇т̇ам̣ хад̇т̇авигааро на гаад̇аб̣б̣о.
No parisakappikenāti parisakappakena parisānuvidhāyakena na bhavitabbaṃ; yaṃ parisāya ruccati, tadeva cetetvā kappetvā na kathetabbanti attho. Na hatthamuddā dassetabbāti kathetabbe ca akathetabbe ca saññājananatthaṃ hatthavikāro na kātabbo.
ад̇т̇ам̣ анувид̇хияанд̇знаад̇и винижчаяабадивзд̇хамзва саллагкзнд̇зна ‘‘ид̣̇ам̣ суд̇д̇ам̣ убалаб̣бхад̇и, имасмим̣ винижчаяз ид̣̇ам̣ вагкаамий’’д̇и звам̣ барид̇улаяанд̇зна нисийд̣̇ид̇аб̣б̣анд̇и ад̇т̇о. на жа аасанаа вудтаад̇аб̣б̣анд̇и на аасанаа вудтааяа саннибаад̇аман̣д̣алз вижарид̇аб̣б̣ам̣, винаяад̇харз удтид̇з саб̣б̣аа барисаа удтахад̇и. на вийд̇ихаад̇аб̣б̣анд̇и на винижчаяо хаабзд̇аб̣б̣о. на гуммаг̇г̇о сзвид̇аб̣б̣од̇и на аабад̇д̇и д̣̇ийбзд̇аб̣б̣аа. асаахасигзна бхавид̇аб̣б̣анд̇и на сахасаагааринаа бхавид̇аб̣б̣ам̣; сахасаа д̣̇уруд̇д̇аважанам̣ на гат̇зд̇аб̣б̣анд̇и ад̇т̇о. важанагкамзнаад̇и д̣̇уруд̇д̇аваажам̣ каманасийлзна. хид̇абарисаггинаад̇и хид̇зсинаа хид̇аг̇авзсинаа гарун̣аа жа гарун̣аабуб̣б̣абхааг̇о жа убадтаабзд̇аб̣б̣од̇и аяам̣ бад̣̇ад̣̇ваязби ад̇хиббааяо. анасуруд̇д̇знаад̇и на асуруд̇д̇зна. асуруд̇д̇ам̣ вужжад̇и виг̇г̇аахигагат̇аасан̇каад̇ам̣ асунд̣̇араважанам̣; д̇ам̣ на гат̇зд̇аб̣б̣анд̇и ад̇т̇о. ад̇д̇аа бариг̇г̇ахзд̇аб̣б̣од̇и ‘‘винижчинид̇ум̣ вуубасамзд̇ум̣ сагкиссаами ну ко но’’д̇и звам̣ ад̇д̇аа бариг̇г̇ахзд̇аб̣б̣о; ад̇д̇ано бамаан̣ам̣ ж̇аанид̇аб̣б̣анд̇и ад̇т̇о. баро бариг̇г̇ахзд̇аб̣б̣од̇и ‘‘лаж̇ж̇ияаа ну ко аяам̣ барисаа, саггаа сан̃н̃аабзд̇ум̣ уд̣̇ааху но’’д̇и звам̣ баро бариг̇г̇ахзд̇аб̣б̣о.
Atthaṃ anuvidhiyantenāti vinicchayapaṭivedhameva sallakkhentena ‘‘idaṃ suttaṃ upalabbhati, imasmiṃ vinicchaye idaṃ vakkhāmī’’ti evaṃ paritulayantena nisīditabbanti attho. Na ca āsanā vuṭṭhātabbanti na āsanā vuṭṭhāya sannipātamaṇḍale vicaritabbaṃ, vinayadhare uṭṭhite sabbā parisā uṭṭhahati. Na vītihātabbanti na vinicchayo hāpetabbo. Na kummaggo sevitabboti na āpatti dīpetabbā. Asāhasikena bhavitabbanti na sahasākārinā bhavitabbaṃ; sahasā duruttavacanaṃ na kathetabbanti attho. Vacanakkhamenāti duruttavācaṃ khamanasīlena. Hitaparisakkināti hitesinā hitagavesinā karuṇā ca karuṇāpubbabhāgo ca upaṭṭhāpetabboti ayaṃ padadvayepi adhippāyo. Anasuruttenāti na asuruttena. Asuruttaṃ vuccati viggāhikakathāsaṅkhātaṃ asundaravacanaṃ; taṃ na kathetabbanti attho. Attā pariggahetabboti ‘‘vinicchinituṃ vūpasametuṃ sakkhissāmi nu kho no’’ti evaṃ attā pariggahetabbo; attano pamāṇaṃ jānitabbanti attho. Paro pariggahetabboti ‘‘lajjiyā nu kho ayaṃ parisā, sakkā saññāpetuṃ udāhu no’’ti evaṃ paro pariggahetabbo.
жод̣̇аго бариг̇г̇ахзд̇аб̣б̣од̇и ‘‘д̇хаммажод̣̇аго ну ко но’’д̇и звам̣ бариг̇г̇ахзд̇аб̣б̣о. жуд̣̇ид̇аго бариг̇г̇ахзд̇аб̣б̣од̇и ‘‘д̇хаммажуд̣̇ид̇аго ну ко но’’д̇и звам̣ бариг̇г̇ахзд̇аб̣б̣о. ад̇хаммажод̣̇аго бариг̇г̇ахзд̇аб̣б̣од̇и д̇асса бамаан̣ам̣ ж̇аанид̇аб̣б̣ам̣. сзсзсуби зсзва наяо. вуд̇д̇ам̣ ахаабзнд̇знаад̇и жод̣̇агажуд̣̇ид̇агзхи вуд̇д̇аважанам̣ ахаабзнд̇зна. авуд̇д̇ам̣ абагаасзнд̇знаад̇и аносадам̣ вад̇т̇ум̣ аббагаасзнд̇зна. манд̣̇о хаасзд̇аб̣б̣од̇и манд̣̇о момуухо баг̇г̇ан̣хид̇аб̣б̣о, ‘‘нану д̇вам̣ гулабуд̇д̇о’’д̇и уд̇д̇зж̇зд̇ваа ануяог̇авад̇д̇ам̣ гат̇аабзд̇ваа д̇асса ануяог̇о г̇ан̣хид̇аб̣б̣о. бхийруу ассаасзд̇аб̣б̣од̇и яасса сан̇гхамаж̇жхам̣ ваа г̇ан̣амаж̇жхам̣ ваа аносадабуб̣б̣ад̇д̇аа саараж̇ж̇ам̣ уббаж̇ж̇ад̇и, д̇аад̣̇исо ‘‘маа бхааяи, виссадто гат̇зхи, маяам̣ д̇з убад̇т̇амбхаа бхависсаамаа’’д̇и вад̇вааби ануяог̇авад̇д̇ам̣ гат̇аабзд̇аб̣б̣о. жан̣д̣о нисзд̇хзд̇аб̣б̣од̇и абасаад̣̇зд̇аб̣б̣о д̇аж̇ж̇зд̇аб̣б̣о. асужи вибхаавзд̇аб̣б̣од̇и алаж̇ж̇им̣ багаасзд̇ваа аабад̇д̇им̣ д̣̇зсаабзд̇аб̣б̣о. уж̇умад̣̇д̣̇авзнаад̇и яо бхигку уж̇у сийлаваа гааяаван̇гаад̣̇ирахид̇о, со мад̣̇д̣̇авзнзва убажарид̇аб̣б̣о. д̇хаммзсу жа буг̇г̇алзсу жаад̇и зд̇т̇а яо д̇хаммаг̇аруго ход̇и на буг̇г̇алаг̇аруго, аяамзва д̇хаммзсу жа буг̇г̇алзсу жа маж̇жхад̇д̇од̇и взд̣̇ид̇аб̣б̣о.
Codako pariggahetabboti ‘‘dhammacodako nu kho no’’ti evaṃ pariggahetabbo. Cuditako pariggahetabboti ‘‘dhammacuditako nu kho no’’ti evaṃ pariggahetabbo. Adhammacodako pariggahetabboti tassa pamāṇaṃ jānitabbaṃ. Sesesupi eseva nayo. Vuttaṃahāpentenāti codakacuditakehi vuttavacanaṃ ahāpentena. Avuttaṃ apakāsentenāti anosaṭaṃ vatthuṃ appakāsentena. Mando hāsetabboti mando momūho paggaṇhitabbo, ‘‘nanu tvaṃ kulaputto’’ti uttejetvā anuyogavattaṃ kathāpetvā tassa anuyogo gaṇhitabbo. Bhīrū assāsetabboti yassa saṅghamajjhaṃ vā gaṇamajjhaṃ vā anosaṭapubbattā sārajjaṃ uppajjati, tādiso ‘‘mā bhāyi, vissaṭṭho kathehi, mayaṃ te upatthambhā bhavissāmā’’ti vatvāpi anuyogavattaṃ kathāpetabbo. Caṇḍo nisedhetabboti apasādetabbo tajjetabbo. Asuci vibhāvetabboti alajjiṃ pakāsetvā āpattiṃ desāpetabbo. Ujumaddavenāti yo bhikkhu uju sīlavā kāyavaṅkādirahito, so maddaveneva upacaritabbo. Dhammesu ca puggalesu cāti ettha yo dhammagaruko hoti na puggalagaruko, ayameva dhammesu ca puggalesu ca majjhattoti veditabbo.
366. суд̇д̇ам̣ сам̣санд̣̇анад̇т̇ааяаад̇иаад̣̇ийсу д̇зна жа бана звам̣ саб̣рахмажаарийнам̣ бияаманаабаг̇арубхааванийязна анувиж̇ж̇агзна самуд̣̇аахадзсу суд̇д̇аад̣̇ийсу суд̇д̇ам̣ сам̣санд̣̇анад̇т̇ааяа; аабад̇д̇аанаабад̇д̇ийнам̣ сам̣санд̣̇анад̇т̇анд̇и взд̣̇ид̇аб̣б̣ам̣. обаммам̣ нид̣̇ассанад̇т̇ааяаад̇и обаммам̣ ад̇т̇ад̣̇ассанад̇т̇ааяа. ад̇т̇о вин̃н̃аабанад̇т̇ааяаад̇и ад̇т̇о ж̇аанаабанад̇т̇ааяа. бадибужчаа табанад̇т̇ааяаад̇и бужчаа буг̇г̇аласса табанад̇т̇ааяа. огаасагаммам̣ жод̣̇анад̇т̇ааяаад̇и вад̇т̇унаа ваа аабад̇д̇ияаа ваа жод̣̇анад̇т̇ааяа. жод̣̇анаа сааран̣ад̇т̇ааяаад̇и д̣̇осаад̣̇осам̣ сараабанад̇т̇ааяа. сааран̣аа саважанийяад̇т̇ааяаад̇и д̣̇осаад̣̇осасааран̣аа саважанийяагаран̣ад̇т̇ааяа. саважанийяам̣ балиб̣од̇хад̇т̇ааяаад̇и саважанийяам̣ ‘‘имамхаа ааваасаа барам̣ маа баггамий’’д̇и звам̣ балиб̣од̇хад̇т̇ааяа. балиб̣од̇хо винижчаяад̇т̇ааяаад̇и винижчаяам̣ баабанад̇т̇ааяа. винижчаяо санд̇ийран̣ад̇т̇ааяаад̇и д̣̇осаад̣̇осам̣ санд̇ийран̣ад̇т̇ааяа д̇уланад̇т̇ааяа. санд̇ийран̣ам̣ таанаадтаанаг̇аманад̇т̇ааяаад̇и аабад̇д̇ианаабад̇д̇иг̇аругалахугаабад̇д̇иж̇аананад̇т̇ааяа . сан̇гхо самбариг̇г̇ахасамбадижчанад̇т̇ааяаад̇и винижчаяасамбадиг̇г̇ахан̣ад̇т̇ааяа жа; сувинижчид̇ад̣̇уб̣б̣инижчид̇абхааваж̇аананад̇т̇ааяа жаад̇и ад̇т̇о. бажжзгадтааяино ависам̣ваад̣̇агадтааяинод̇и иссарияаад̇хибажжаж̇здтагадтаанз жа ависам̣ваад̣̇агадтаанз жа тид̇аа; на д̇з абасаад̣̇зд̇аб̣б̣аад̇и ад̇т̇о.
366.Suttaṃ saṃsandanatthāyātiādīsu tena ca pana evaṃ sabrahmacārīnaṃ piyamanāpagarubhāvanīyena anuvijjakena samudāhaṭesu suttādīsu suttaṃ saṃsandanatthāya; āpattānāpattīnaṃ saṃsandanatthanti veditabbaṃ. Opammaṃ nidassanatthāyāti opammaṃ atthadassanatthāya. Attho viññāpanatthāyāti attho jānāpanatthāya. Paṭipucchā ṭhapanatthāyāti pucchā puggalassa ṭhapanatthāya. Okāsakammaṃ codanatthāyāti vatthunā vā āpattiyā vā codanatthāya. Codanā sāraṇatthāyāti dosādosaṃ sarāpanatthāya. Sāraṇā savacanīyatthāyāti dosādosasāraṇā savacanīyakaraṇatthāya. Savacanīyaṃ palibodhatthāyāti savacanīyaṃ ‘‘imamhā āvāsā paraṃ mā pakkamī’’ti evaṃ palibodhatthāya. Palibodho vinicchayatthāyāti vinicchayaṃ pāpanatthāya. Vinicchayo santīraṇatthāyāti dosādosaṃ santīraṇatthāya tulanatthāya. Santīraṇaṃ ṭhānāṭṭhānagamanatthāyāti āpattianāpattigarukalahukāpattijānanatthāya . Saṅgho sampariggahasampaṭicchanatthāyāti vinicchayasampaṭiggahaṇatthāya ca; suvinicchitadubbinicchitabhāvajānanatthāya cāti attho. Paccekaṭṭhāyino avisaṃvādakaṭṭhāyinoti issariyādhipaccajeṭṭhakaṭṭhāne ca avisaṃvādakaṭṭhāne ca ṭhitā; na te apasādetabbāti attho.
ид̣̇аани яз манд̣̇аа манд̣̇аб̣уд̣̇д̇хино звам̣ вад̣̇зяяум̣ ‘‘винаяо наама гимад̇т̇ааяаа’’д̇и д̇зсам̣ важаногаасабид̣̇аханад̇т̇амад̇д̇ам̣ д̣̇ассзд̇ум̣ винаяо сам̣варад̇т̇ааяаад̇иаад̣̇имааха. д̇ад̇т̇а винаяо сам̣варад̇т̇ааяаад̇и сагалааби винаяабан̃н̃ад̇д̇и гааяаважийд̣̇ваарасам̣варад̇т̇ааяа. ааж̇ийвависуд̣̇д̇хибарияосаанасса сийласса убаниссаяо ход̇и; бажжаяо ход̇ийд̇и ад̇т̇о. зса наяо саб̣б̣ад̇т̇а. абижзд̇т̇а авиббадисаарод̇и баабабун̃н̃аанам̣ гад̇аагад̇авасзна жид̇д̇авиббадисаараабхааво. баамуж̇ж̇анд̇и д̣̇уб̣б̣алаа д̇арун̣абийд̇и. бийд̇ийд̇и б̣алаваа б̣ахалабийд̇и. бассад̣̇д̇хийд̇и гааяажид̇д̇ад̣̇арат̇абадиббассад̣̇д̇хи. суканд̇и гааяигажзд̇асигасукам̣. д̇ан̃хи д̣̇увид̇хамби самаад̇хисса убаниссаяабажжаяо ход̇и. самаад̇хийд̇и жид̇д̇згаг̇г̇ад̇аа. яат̇аабхууд̇ан̃аан̣ад̣̇ассананд̇и д̇арун̣авибассанаа; уд̣̇аяаб̣б̣аяан̃аан̣ассзд̇ам̣ ад̇хиважанам̣. жид̇д̇згаг̇г̇ад̇аа хи д̇арун̣авибассанааяа убаниссаяабажжаяо ход̇и. ниб̣б̣ид̣̇аад̇и сикаабад̇д̇аа вудтаанаг̇ааминиб̣алававибассанаа. вирааг̇од̇и арияамаг̇г̇о. вимуд̇д̇ийд̇и арахад̇д̇апалам̣. жад̇уб̣б̣ид̇хоби хи арияамаг̇г̇о арахад̇д̇апаласса убаниссаяабажжаяо ход̇и. вимуд̇д̇ин̃аан̣ад̣̇ассананд̇и бажжавзгкан̣аан̃аан̣ам̣. вимуд̇д̇ин̃аан̣ад̣̇ассанам̣ анубаад̣̇аабариниб̣б̣аанад̇т̇ааяаад̇и абажжаяабариниб̣б̣аанад̇т̇ааяа. абажжаяабариниб̣б̣аанасса хи д̇ам̣ бажжаяо ход̇и, д̇асмим̣ ануббад̇д̇з авассам̣ бариниб̣б̣ааяид̇аб̣б̣ад̇од̇и. зд̇ад̣̇ад̇т̇аа гат̇аад̇и аяам̣ винаяагат̇аа наама зд̇ад̣̇ад̇т̇аа. манд̇анаад̇и винаяаманд̇анаа зва. убанисаад̇и аяам̣ ‘‘винаяо сам̣варад̇т̇ааяаа’’д̇иаад̣̇игаа барамбарабажжаяад̇ааби зд̇ад̣̇ад̇т̇ааяа. сод̇аавад̇хаананд̇и имиссаа барамбарабажжаяагат̇ааяа сод̇аавад̇хаанам̣. имам̣ гат̇ам̣ суд̇ваа яам̣ уббаж̇ж̇ад̇и н̃аан̣ам̣, д̇амби зд̇ад̣̇ад̇т̇ааяа. яад̣̇ид̣̇ам̣ анубаад̣̇аа жид̇д̇асса вимогкод̇и яо аяам̣ жад̇уухи убаад̣̇аанзхи анубаад̣̇ияид̇ваа жид̇д̇асса арахад̇д̇апаласан̇каад̇о вимогко, соби зд̇ад̣̇ад̇т̇ааяа; абажжаяабариниб̣б̣аанад̇т̇ааяа зваад̇и ад̇т̇о.
Idāni ye mandā mandabuddhino evaṃ vadeyyuṃ ‘‘vinayo nāma kimatthāyā’’ti tesaṃ vacanokāsapidahanatthamattaṃ dassetuṃ vinayo saṃvaratthāyātiādimāha. Tattha vinayo saṃvaratthāyāti sakalāpi vinayapaññatti kāyavacīdvārasaṃvaratthāya. Ājīvavisuddhipariyosānassa sīlassa upanissayo hoti; paccayo hotīti attho. Esa nayo sabbattha. Apicettha avippaṭisāroti pāpapuññānaṃ katākatavasena cittavippaṭisārābhāvo. Pāmujjanti dubbalā taruṇapīti. Pītīti balavā bahalapīti. Passaddhīti kāyacittadarathapaṭippassaddhi. Sukhanti kāyikacetasikasukhaṃ. Tañhi duvidhampi samādhissa upanissayapaccayo hoti. Samādhīti cittekaggatā. Yathābhūtañāṇadassananti taruṇavipassanā; udayabbayañāṇassetaṃ adhivacanaṃ. Cittekaggatā hi taruṇavipassanāya upanissayapaccayo hoti. Nibbidāti sikhāpattā vuṭṭhānagāminibalavavipassanā. Virāgoti ariyamaggo. Vimuttīti arahattaphalaṃ. Catubbidhopi hi ariyamaggo arahattaphalassa upanissayapaccayo hoti. Vimuttiñāṇadassananti paccavekkhaṇāñāṇaṃ. Vimuttiñāṇadassanaṃ anupādāparinibbānatthāyāti apaccayaparinibbānatthāya. Apaccayaparinibbānassa hi taṃ paccayo hoti, tasmiṃ anuppatte avassaṃ parinibbāyitabbatoti. Etadatthā kathāti ayaṃ vinayakathā nāma etadatthā. Mantanāti vinayamantanā eva. Upanisāti ayaṃ ‘‘vinayo saṃvaratthāyā’’tiādikā paramparapaccayatāpi etadatthāya. Sotāvadhānanti imissā paramparapaccayakathāya sotāvadhānaṃ. Imaṃ kathaṃ sutvā yaṃ uppajjati ñāṇaṃ, tampi etadatthāya. Yadidaṃ anupādā cittassa vimokkhoti yo ayaṃ catūhi upādānehi anupādiyitvā cittassa arahattaphalasaṅkhāto vimokkho, sopi etadatthāya; apaccayaparinibbānatthāya evāti attho.
367. ануяог̇авад̇д̇аг̇аат̇аасу батамаг̇аат̇аа вуд̇д̇ад̇т̇аа зва.
367. Anuyogavattagāthāsu paṭhamagāthā vuttatthā eva.
вад̇т̇ум̣ вибад̇д̇им̣ аабад̇д̇им̣, нид̣̇аанам̣ аагаарааговид̣̇о буб̣б̣аабарам̣ на ж̇аанаад̇ийд̇и ‘‘вад̇т̇у’’нд̇иаад̣̇ийни ‘‘на ж̇аанаад̇ий’’д̇и бад̣̇зна самб̣анд̇хо. ‘‘аговид̣̇о’’д̇и бад̣̇асса ‘‘са вз д̇аад̣̇исаго’’д̇и иминаа самб̣анд̇хо. д̇асмаа аяамзд̇т̇а яож̇анаа – яо бхигку баарааж̇игаад̣̇ийнам̣ вад̇т̇ум̣ на ж̇аанаад̇и, жад̇уб̣б̣ид̇хам̣ вибад̇д̇им̣ на ж̇аанаад̇и, сад̇д̇авид̇хам̣ аабад̇д̇им̣ на ж̇аанаад̇и, ‘‘ид̣̇ам̣ сигкаабад̣̇ам̣ асугасмим̣ наама наг̇арз бан̃н̃ад̇д̇а’’нд̇и звам̣ нид̣̇аанам̣ на ж̇аанаад̇и, ‘‘ид̣̇ам̣ буримаважанам̣ ид̣̇ам̣ бажчимаважана’’нд̇и буб̣б̣аабарам̣ на ж̇аанаад̇и, ‘‘ид̣̇ам̣ гад̇ам̣ ид̣̇ам̣ агад̇а’’нд̇и гад̇аагад̇ам̣ на ж̇аанаад̇и. самзна жаад̇и д̇знзва буб̣б̣аабарам̣ аж̇аананасса самзна ан̃н̃аан̣зна, ‘‘гад̇аагад̇ам̣ на ж̇аанаад̇ий’’д̇и вуд̇д̇ам̣ ход̇и; звам̣ д̇аава наж̇аанаад̇и-бад̣̇зна сад̣̇д̇хим̣ самб̣анд̇хо взд̣̇ид̇аб̣б̣о. яам̣ банзд̇ам̣ ‘‘аагаарааговид̣̇о’’д̇и вуд̇д̇ам̣, д̇ад̇т̇а аагаарааговид̣̇од̇и гааран̣аагааран̣з аговид̣̇о. ид̇и явааяам̣ вад̇т̇уаад̣̇ийниби на ж̇аанаад̇и, аагаарасса жа аговид̣̇о, са вз д̇аад̣̇исаго бхигку абадигкод̇и вужжад̇и.
Vatthuṃ vipattiṃ āpattiṃ, nidānaṃ ākāraakovido pubbāparaṃ na jānātīti ‘‘vatthu’’ntiādīni ‘‘na jānātī’’ti padena sambandho. ‘‘Akovido’’ti padassa ‘‘sa ve tādisako’’ti iminā sambandho. Tasmā ayamettha yojanā – yo bhikkhu pārājikādīnaṃ vatthuṃ na jānāti, catubbidhaṃ vipattiṃ na jānāti, sattavidhaṃ āpattiṃ na jānāti, ‘‘idaṃ sikkhāpadaṃ asukasmiṃ nāma nagare paññatta’’nti evaṃ nidānaṃ na jānāti, ‘‘idaṃ purimavacanaṃ idaṃ pacchimavacana’’nti pubbāparaṃ na jānāti, ‘‘idaṃ kataṃ idaṃ akata’’nti katākataṃ na jānāti. Samena cāti teneva pubbāparaṃ ajānanassa samena aññāṇena, ‘‘katākataṃ na jānātī’’ti vuttaṃ hoti; evaṃ tāva najānāti-padena saddhiṃ sambandho veditabbo. Yaṃ panetaṃ ‘‘ākāraakovido’’ti vuttaṃ, tattha ākāraakovidoti kāraṇākāraṇe akovido. Iti yvāyaṃ vatthuādīnipi na jānāti, ākārassa ca akovido, sa ve tādisako bhikkhu apaṭikkhoti vuccati.
гамман̃жа ад̇хигаран̣ан̃жаад̇и имзсамби бад̣̇аанам̣ ‘‘на ж̇аанаад̇ий’’д̇и бад̣̇знзва самб̣анд̇хо. аяам̣ банзд̇т̇а яож̇анаа – д̇ат̇зва ид̇и явааяам̣ гамман̃жа на ж̇аанаад̇и, ад̇хигаран̣ан̃жа на ж̇аанаад̇и, сад̇д̇аббагаарз самат̇з жааби аговид̣̇о, рааг̇аад̣̇ийхи бана рад̇д̇о д̣̇удто жа муул̣хо жа, бхаязна бхаяаа г̇ажчад̇и, саммохзна мохаа г̇ажчад̇и, рад̇д̇ад̇д̇аа бана д̣̇удтад̇д̇аа жа чанд̣̇аа д̣̇осаа жа г̇ажчад̇и, барам̣ сан̃н̃аабзд̇ум̣ асамад̇т̇ад̇ааяа на жа сан̃н̃ад̇д̇игусало, гааран̣аагааран̣ад̣̇ассанз асамад̇т̇ад̇ааяа ниж̇жхад̇д̇ияаа жа аговид̣̇о ад̇д̇ано сад̣̇исааяа барисааяа лад̣̇д̇хад̇д̇аа лад̣̇д̇хабагко, хирияаа бариб̣аахирад̇д̇аа ахириго, гаал̣агзхи гаммзхи саманнааг̇ад̇ад̇д̇аа ган̣хагаммо, д̇хаммаад̣̇арияабуг̇г̇алаад̣̇арияаанам̣ абхаавад̇о анаад̣̇аро, са вз д̇аад̣̇исаго бхигку абадигкод̇и вужжад̇и, на бадигкид̇аб̣б̣о на ологзд̇аб̣б̣о, на самманнид̇ваа иссарияаад̇хибажжаж̇здтагадтаанз табзд̇аб̣б̣од̇и ад̇т̇о. суггабагкаг̇аат̇аанамби яож̇анаанаяо вуд̇д̇анаязнзва взд̣̇ид̇аб̣б̣од̇и.
Kammañca adhikaraṇañcāti imesampi padānaṃ ‘‘na jānātī’’ti padeneva sambandho. Ayaṃ panettha yojanā – tatheva iti yvāyaṃ kammañca na jānāti, adhikaraṇañca na jānāti, sattappakāre samathe cāpi akovido, rāgādīhi pana ratto duṭṭho ca mūḷho ca, bhayena bhayā gacchati, sammohena mohā gacchati, rattattā pana duṭṭhattā ca chandā dosā ca gacchati, paraṃ saññāpetuṃ asamatthatāya na ca saññattikusalo, kāraṇākāraṇadassane asamatthatāya nijjhattiyā ca akovido attano sadisāya parisāya laddhattā laddhapakkho, hiriyā paribāhirattā ahiriko, kāḷakehi kammehi samannāgatattā kaṇhakammo, dhammādariyapuggalādariyānaṃ abhāvato anādaro, sa ve tādisako bhikkhu apaṭikkhoti vuccati, na paṭikkhitabbo na oloketabbo, na sammannitvā issariyādhipaccajeṭṭhakaṭṭhāne ṭhapetabboti attho. Sukkapakkhagāthānampi yojanānayo vuttanayeneva veditabboti.
жуул̣асан̇г̇аамаван̣н̣анаа нидтид̇аа.
Cūḷasaṅgāmavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. анувиж̇ж̇агассабадибад̇д̇и • 1. Anuvijjakassapaṭipatti
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇г̇аамад̣̇ваяаван̣н̣анаа • Saṅgāmadvayavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анувиж̇ж̇агассабадибад̇д̇иван̣н̣анаа • Anuvijjakassapaṭipattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анувиж̇ж̇агасса бадибад̇д̇иван̣н̣анаа • Anuvijjakassa paṭipattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / анувиж̇ж̇агасса бадибад̇д̇иван̣н̣анаа • Anuvijjakassa paṭipattivaṇṇanā
