анувиж̇ж̇агасса бадибад̇д̇иван̣н̣анаа

Anuvijjakassa paṭipattivaṇṇanā

365. жуул̣асан̇г̇аамз самааг̇аманам̣ сан̇г̇аамо, самааг̇амзнд̇и саннибад̇анд̇и зд̇т̇аад̇и ваа сан̇г̇аамод̇и важанад̇т̇ам̣ д̣̇ассзнд̇о ааха ‘‘сан̇г̇аамо вужжад̇и…бз… сан̇гхасаннибаад̇о’’д̇и. саннибад̇анам̣ саннибаад̇о, саннибад̇анд̇и зд̇т̇а д̣̇зсзд̇и ваа саннибаад̇о, сан̇гхасса саннибаад̇о сан̇гхасаннибаад̇о. сан̇г̇аама яуд̣̇д̇хзд̇и д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 18 магааранд̇ад̇хаад̇у) вуд̇д̇ам̣. д̇ад̇т̇а яуд̣̇д̇хам̣ наама ад̇т̇ад̇о ад̇хигаран̣авинижчаяод̇и г̇ахзд̇аб̣б̣ам̣. д̇ад̣̇ад̇т̇ам̣ вид̇т̇аарзнд̇о ааха ‘‘д̇ад̇ра хий’’д̇иаад̣̇и. д̇ад̇т̇а д̇ад̇раад̇и д̇асмим̣ сан̇г̇аамз, самосаранд̇ийд̇и самб̣анд̇хо. ад̇д̇абажжад̇т̇игаад̇и ад̇д̇ано бадибагкам̣ ад̇т̇аяанд̇и. уд̣̇д̇хамманд̇и д̇хаммад̇о вияог̇ам̣. д̣̇ийбзнд̇аа худ̇ваад̇и яож̇анаа. гз вияаад̇и ааха ‘‘важ̇ж̇ибуд̇д̇агаа вияаа’’д̇и. со бхигку бавад̇д̇зд̇ийд̇и самб̣анд̇хо. лад̣̇д̇хинд̇и уд̣̇д̇хаммаад̣̇иваад̣̇ам̣. д̇ад̇т̇аад̇и сан̇г̇аамз. аважарад̇ийд̇и ог̇аахзд̇ваа жаарзд̇и бавад̇д̇зд̇и. д̇амзвад̇т̇ам̣ д̣̇ассзнд̇о ааха ‘‘аж̇жхог̇аахзд̇ваа винижчаяам̣ бавад̇д̇зд̇ий’’д̇и. зд̇т̇а ‘‘аж̇жхог̇аахзд̇ваа’’д̇и иминаа авад̇яуубасаг̇г̇асса ог̇аахад̇т̇ам̣ д̣̇ассзд̇и. ‘‘винижчаяам̣ бавад̇д̇зд̇ий’’д̇и иминаа жарад̇хаад̇усса гаарид̇анд̇ог̇ад̇хад̇д̇аа сахагаарид̇агаммзна бавад̇д̇анад̇т̇ам̣ д̣̇ассзд̇и. иминаа сан̇г̇аамз аважарад̇ийд̇и сан̇г̇аамааважарод̇и ниб̣б̣ажанам̣ д̣̇ассзд̇и. го вияаад̇и ааха ‘‘яасад̇т̇зро вияаа’’д̇и. маанад̣̇д̇хаж̇анд̇и гзд̇угамяад̇аабажжубадтаанамаанасан̇каад̇ам̣ д̇хаж̇ам̣. раж̇охаран̣асамзнаад̇и зд̇т̇а раж̇ам̣ харад̇и абанзд̇и анзнаад̇и раж̇охаран̣ам̣, баад̣̇абун̃ж̇анам̣, д̇зна самзнаад̇и д̣̇ассзнд̇о ааха ‘‘баад̣̇абун̃ж̇анасамзнаа’’д̇и. баад̣̇ам̣ бун̃ж̇ад̇и сод̇хзд̇и анзнаад̇и баад̣̇абун̃ж̇анам̣, д̇зна само баад̣̇абун̃ж̇анасамо, д̇зна. самаагаарам̣ д̣̇ассзнд̇о ааха ‘‘яат̇аа’’д̇иаад̣̇и. раж̇охаран̣асса нзва рааг̇о ход̇ийд̇и самб̣анд̇хо. яат̇аабад̇ируубанд̇и бад̇ируубасса ануломам̣, бад̇ируубаанад̇игганд̇анд̇и ад̇т̇о. агат̇знд̇зна нисийд̣̇ид̇аб̣б̣анд̇и самб̣анд̇хо. саамам̣ ваа д̇хаммод̇и зд̇т̇а д̇хаммо наама год̇и ааха ‘‘габбияаагаббияаниссид̇аа ваа’’д̇иаад̣̇и. руубааруубабарижчзд̣̇о жа самат̇аажааро жа вибассаанаажааро жа таанавад̇д̇ан̃жа нисаж̇ж̇авад̇д̇ан̃жа, аад̣̇исад̣̇д̣̇зна жан̇гамавад̇д̇аад̣̇ийни сан̇г̇ан̣хаад̇и. жуд̣̇д̣̇асамахаавад̇д̇аад̣̇ийнам̣ ‘‘габбияаагаббияаниссид̇аа’’д̇и бад̣̇зна г̇ахид̇ад̇д̇аа вад̇д̇асад̣̇д̣̇зна таанавад̇д̇аад̣̇ийни зва г̇ахзд̇аб̣б̣аани, аад̣̇исад̣̇д̣̇зна жан̇гамавад̇д̇аад̣̇ийни г̇ахзд̇аб̣б̣аани. баро ваа аж̇жхзсид̇аб̣б̣од̇и яоваа со ваа гожи аж̇жхзсид̇аб̣б̣од̇и ааха ‘‘яо’’д̇иаад̣̇и. иминаа на яо ваа со ваа гожи аж̇жхзсид̇аб̣б̣о, самад̇т̇оязва бана аж̇жхзсид̇аб̣б̣од̇и ваа д̣̇ассзд̇и. ‘‘аавусо’’д̇иаад̣̇инаа вад̇д̇аб̣б̣аагаарам̣ д̣̇ассзд̇и. арияо ваа д̇ун̣хийбхаавод̇и зд̇т̇а на гзвалам̣ гат̇зд̇ум̣ асамад̇т̇авасзна д̇ун̣хийбхааво, гаммадтаанаманасигааравасзна банаад̇и ааха ‘‘гаммадтаанаманасигааравасзна д̇ун̣хийбхааво’’д̇и. арияаанам̣ зсо арияо, д̇ун̣хийбхааво. ‘‘нааваж̇аанид̇аб̣б̣о’’д̇и иминаа наад̇иман̃н̃ид̇аб̣б̣од̇и бад̣̇асса ад̇иггамма на ман̃н̃ид̇аб̣б̣од̇и д̣̇ассзд̇и.

365. Cūḷasaṅgāme samāgamanaṃ saṅgāmo, samāgamenti sannipatanti etthāti vā saṅgāmoti vacanatthaṃ dassento āha ‘‘saṅgāmo vuccati…pe… saṅghasannipāto’’ti. Sannipatanaṃ sannipāto, sannipatanti ettha deseti vā sannipāto, saṅghassa sannipāto saṅghasannipāto. Saṅgāma yuddheti dhātupāṭhesu (saddanītidhātumālāyaṃ 18 makārantadhātu) vuttaṃ. Tattha yuddhaṃ nāma atthato adhikaraṇavinicchayoti gahetabbaṃ. Tadatthaṃ vitthārento āha ‘‘tatra hī’’tiādi. Tattha tatrāti tasmiṃ saṅgāme, samosarantīti sambandho. Attapaccatthikāti attano paṭipakkhaṃ atthayanti. Uddhammanti dhammato viyogaṃ. Dīpentā hutvāti yojanā. Ke viyāti āha ‘‘vajjiputtakā viyā’’ti. So bhikkhu pavattetīti sambandho. Laddhinti uddhammādivādaṃ. Tatthāti saṅgāme. Avacaratīti ogāhetvā cāreti pavatteti. Tamevatthaṃ dassento āha ‘‘ajjhogāhetvā vinicchayaṃ pavattetī’’ti. Ettha ‘‘ajjhogāhetvā’’ti iminā avatyūpasaggassa ogāhatthaṃ dasseti. ‘‘Vinicchayaṃ pavattetī’’ti iminā caradhātussa kāritantogadhattā sahakāritakammena pavattanatthaṃ dasseti. Iminā saṅgāme avacaratīti saṅgāmāvacaroti nibbacanaṃ dasseti. Ko viyāti āha ‘‘yasatthero viyā’’ti. Mānaddhajanti ketukamyatāpaccupaṭṭhānamānasaṅkhātaṃ dhajaṃ. Rajoharaṇasamenāti ettha rajaṃ harati apaneti anenāti rajoharaṇaṃ, pādapuñjanaṃ, tena samenāti dassento āha ‘‘pādapuñjanasamenā’’ti. Pādaṃ puñjati sodheti anenāti pādapuñjanaṃ, tena samo pādapuñjanasamo, tena. Samākāraṃ dassento āha ‘‘yathā’’tiādi. Rajoharaṇassa neva rāgo hotīti sambandho. Yathāpatirūpanti patirūpassa anulomaṃ, patirūpānatikkantanti attho. Akathentena nisīditabbanti sambandho. Sāmaṃ vā dhammoti ettha dhammo nāma koti āha ‘‘kappiyākappiyanissitā vā’’tiādi. Rūpārūpaparicchedo ca samathācāro ca vipassānācāro ca ṭhānavattañca nisajjavattañca, ādisaddena caṅkamavattādīni saṅgaṇhāti. Cuddasamahāvattādīnaṃ ‘‘kappiyākappiyanissitā’’ti padena gahitattā vattasaddena ṭhānavattādīni eva gahetabbāni, ādisaddena caṅkamavattādīni gahetabbāni. Paro vā ajjhesitabboti yovā so vā koci ajjhesitabboti āha ‘‘yo’’tiādi. Iminā na yo vā so vā koci ajjhesitabbo, samatthoyeva pana ajjhesitabboti vā dasseti. ‘‘Āvuso’’tiādinā vattabbākāraṃ dasseti. Ariyovā tuṇhībhāvoti ettha na kevalaṃ kathetuṃ asamatthavasena tuṇhībhāvo, kammaṭṭhānamanasikāravasena panāti āha ‘‘kammaṭṭhānamanasikāravasena tuṇhībhāvo’’ti. Ariyānaṃ eso ariyo, tuṇhībhāvo. ‘‘Nāvajānitabbo’’ti iminā nātimaññitabboti padassa atikkamma na maññitabboti dasseti.

убаж̇жхааяод̇и жод̣̇агажуд̣̇ид̇агаанам̣ убаж̇жхааяо. саб̣б̣ад̇т̇аад̇и саб̣б̣зсу ‘‘на аажарияо бужчид̇аб̣б̣о’’д̇иаад̣̇ибад̣̇зсу. гуламзва ж̇аад̇инаамаг̇од̇д̇авасзна аяанд̇и абад̣̇исияад̇ийд̇и гулабад̣̇зсо. ад̇рассаад̇и зд̇т̇а ад̇ра ассаад̇и бад̣̇ажчзд̣̇ам̣ гад̇ваа ад̇расад̣̇д̣̇о буг̇г̇алависаяо, ассасад̣̇д̣̇о аакяаад̇игод̇и ааха ‘‘ад̇ра буг̇г̇алз’’д̇иаад̣̇и. д̇ад̇т̇а ‘‘бхавзяяаа’’д̇и иминаа ассасад̣̇д̣̇асса саб̣б̣анаамад̇д̇ан̃жа ‘‘бхавад̇ий’’д̇и вад̇д̇амаанигабхааван̃жа бадигкибад̇и. барисаанувид̇хааяагзнаад̇и барисааяа анумад̇ам̣ гаронд̇зна. иминаа но барисагаббигзнаад̇и зд̇т̇а габбасад̣̇д̣̇о вижхад̇т̇од̇и д̣̇ассзд̇и. яанд̇и важанам̣. на хад̇т̇амуд̣̇д̣̇аад̇и муд̣̇анд̇и зд̇ааяаад̇и муд̣̇д̣̇аа, сагкараман̇г̇улияам̣ хад̇т̇асса муд̣̇д̣̇аа аваяавиаваяававасзна самб̣анд̇хад̇д̇аад̇и хад̇т̇амуд̣̇д̣̇аа. д̇ассаа вигааро ‘‘хад̇т̇амуд̣̇д̣̇аа’’д̇и г̇ахзд̇аб̣б̣од̇и ааха ‘‘хад̇т̇авигааро’’д̇и.

Upajjhāyoti codakacuditakānaṃ upajjhāyo. Sabbatthāti sabbesu ‘‘na ācariyo pucchitabbo’’tiādipadesu. Kulameva jātināmagottavasena ayanti apadisiyatīti kulapadeso. Atrassāti ettha atra assāti padacchedaṃ katvā atrasaddo puggalavisayo, assasaddo ākhyātikoti āha ‘‘atra puggale’’tiādi. Tattha ‘‘bhaveyyā’’ti iminā assasaddassa sabbanāmattañca ‘‘bhavatī’’ti vattamānikabhāvañca paṭikkhipati. Parisānuvidhāyakenāti parisāya anumataṃ karontena. Iminā no parisakappikenāti ettha kappasaddo vijhatthoti dasseti. Yanti vacanaṃ. Na hatthamuddāti mudanti etāyāti muddā, sakkharamaṅguliyaṃ hatthassa muddā avayaviavayavavasena sambandhattāti hatthamuddā. Tassā vikāro ‘‘hatthamuddā’’ti gahetabboti āha ‘‘hatthavikāro’’ti.

‘‘ад̇т̇ам̣ анувид̇хияанд̇знаа’’д̇и зд̇т̇а ад̇т̇анд̇и винижчаяад̇т̇ам̣. анувид̇хияанд̇знаад̇и саллагкзнд̇зна. ид̇и имамад̇т̇ам̣ д̣̇ассзнд̇о ааха ‘‘винижчаяабадивзд̇хамзва саллагкзнд̇знаа’’д̇и. саннибаад̇аман̣д̣алзд̇и саннибаад̇ааяа барисааяа самуухз, саннибаад̇аман̣д̣аласса маж̇жхзд̇и ад̇т̇о. на вийд̇ихаад̇аб̣б̣анд̇и зд̇т̇а вийд̇ихаран̣ам̣ наама ад̇т̇ад̇о хаабананд̇и ааха ‘‘на винижчаяо хаабзд̇аб̣б̣о’’д̇и. д̣̇уруд̇д̇аваажанд̇и жод̣̇агажуд̣̇ид̇агаанам̣ д̣̇уруд̇д̇аваажам̣. хид̇абарисагинаад̇и зд̇т̇а хид̇ам̣ бари зсад̇ийд̇и хид̇абарисаго, гарун̣аа жа гарун̣аабуб̣б̣абхааг̇о жа, со зд̇ассад̇т̇ийд̇и хид̇абарисагий, буг̇г̇ало, д̇зна хид̇абарисагинаа. д̇амзвад̇т̇ам̣ д̣̇ассзнд̇о ааха ‘‘хид̇зсинаа хид̇аг̇авзсинаа’’д̇и . гарун̣аад̇и аббанаабад̇д̇аа гарун̣аа. гарун̣аабуб̣б̣абхааг̇од̇и аббанаабад̇д̇ааяа гарун̣ааяа буб̣б̣абхааг̇з бавад̇д̇аа баригаммаубажаарагарун̣аа. бад̣̇ад̣̇ваязбийд̇и ‘‘хид̇аанугамбинаа гаарун̣игзна бхавид̇аб̣б̣ам̣. хид̇абарисагинаа асампаббалаабинаа бхавид̇аб̣б̣а’’нд̇и бад̣̇ад̣̇ваязби. аяам̣ ад̇хиббааяо взд̣̇ид̇аб̣б̣од̇и яож̇анаа. ‘‘асунд̣̇араважана’’нд̇и иминаа асуруд̇д̇анд̇и зд̇т̇а сунд̣̇арам̣ уд̇д̇ам̣ суруд̇д̇ам̣, на суруд̇д̇ам̣ асуруд̇д̇анд̇и важанад̇т̇ам̣ д̣̇ассзд̇и. бариг̇г̇ахзд̇аб̣б̣од̇и баривиймам̣сид̇ваа г̇ахзд̇аб̣б̣о.

‘‘Atthaṃ anuvidhiyantenā’’ti ettha atthanti vinicchayatthaṃ. Anuvidhiyantenāti sallakkhentena. Iti imamatthaṃ dassento āha ‘‘vinicchayapaṭivedhameva sallakkhentenā’’ti. Sannipātamaṇḍaleti sannipātāya parisāya samūhe, sannipātamaṇḍalassa majjheti attho. Na vītihātabbanti ettha vītiharaṇaṃ nāma atthato hāpananti āha ‘‘na vinicchayo hāpetabbo’’ti. Duruttavācanti codakacuditakānaṃ duruttavācaṃ. Hitaparisakināti ettha hitaṃ pari esatīti hitaparisako, karuṇā ca karuṇāpubbabhāgo ca, so etassatthīti hitaparisakī, puggalo, tena hitaparisakinā. Tamevatthaṃ dassento āha ‘‘hitesinā hitagavesinā’’ti . Karuṇāti appanāpattā karuṇā. Karuṇāpubbabhāgoti appanāpattāya karuṇāya pubbabhāge pavattā parikammaupacārakaruṇā. Padadvayepīti ‘‘hitānukampinā kāruṇikena bhavitabbaṃ. Hitaparisakinā asamphappalāpinā bhavitabba’’nti padadvayepi. Ayaṃ adhippāyo veditabboti yojanā. ‘‘Asundaravacana’’nti iminā asuruttanti ettha sundaraṃ uttaṃ suruttaṃ, na suruttaṃ asuruttanti vacanatthaṃ dasseti. Pariggahetabboti parivīmaṃsitvā gahetabbo.

д̇ассаад̇и ад̇хаммажод̣̇агасса. аносадам̣ вад̇т̇унд̇и зд̇т̇а ‘‘жод̣̇агажуд̣̇ид̇агзхи вуд̇д̇а’’нд̇и бад̣̇ам̣ ад̇хигааравасзна взд̣̇ид̇аб̣б̣ам̣. зд̇т̇а жа аносаданд̇и винижчаяам̣ аносаданд̇и ад̇т̇о. гим̣ баг̇г̇ан̣хид̇аб̣б̣од̇и ааха ‘‘нану д̇ва’’нд̇иаад̣̇и. ануяог̇авад̇д̇анд̇и ‘‘гаалзна вагкаамий’’д̇иаад̣̇инаа (жуул̣ава. 399; бари. 362, 437) вуд̇д̇ам̣, ‘‘сажжз жа агуббз жаа’’д̇и (жуул̣ава. 401) жа вуд̇д̇ам̣ ануяун̃ж̇анавад̇д̇ам̣. д̇ан̃хи яасмаа анзна вад̇д̇зна жод̣̇аго жуд̣̇ид̇агам̣, жуд̣̇ид̇аго ваа жод̣̇агам̣ ануяун̃ж̇ад̇и, жод̣̇агзна жуд̣̇ид̇аго, жуд̣̇ид̇агзна ваа жод̣̇аго ануяун̃ж̇ияад̇и, д̇асмаа ануяог̇авад̇д̇анд̇и вужжад̇и. гат̇аабзд̇ваад̇и жод̣̇агажуд̣̇ид̇агзхзва гат̇аабзд̇ваа. д̇ассаад̇и жод̣̇агасса ваа жуд̣̇ид̇агасса ваа, саараж̇ж̇анд̇и бхаяам̣. д̇зд̇и д̇ава. вад̇ваабийд̇и мукзна вад̇вааби. бисад̣̇д̣̇зна гааяавигаарам̣ д̣̇ассзд̇ваабийд̇и самбин̣д̣зд̇и. ‘‘ануяог̇авад̇д̇а’’нд̇и д̇хаад̇угаммам̣, ‘‘со бхигкуу’’д̇и гаарид̇агаммам̣ аж̇жхаахарид̇аб̣б̣ам̣, д̇ам̣ гаммам̣ д̇аб̣б̣абажжаяо вад̣̇ад̇и. асужи вибхаавзд̇аб̣б̣од̇и зд̇т̇а над̇т̇и сужи сийламзд̇ассаад̇и асужийд̇и вуд̇д̇з алаж̇ж̇ийд̇и ааха ‘‘алаж̇ж̇и’’нд̇и. уж̇у сийлаваа гааяаван̇гаад̣̇ирахид̇о ход̇ийд̇и яож̇анаа. зд̇т̇а жа гааяаван̇гаад̣̇ирахид̇о ход̇ийд̇и иминаа уж̇уно гааран̣ам̣ д̣̇ассзд̇и. гааяаван̇гаад̣̇ирахид̇ад̇д̇аа уж̇у ход̇ийд̇и ад̇хиббааяо. сод̇и бхигку. мад̣̇д̣̇авзнзваад̇и муд̣̇убхаавзнзва. убажарид̇аб̣б̣од̇и гат̇зд̇аб̣б̣о. иминаа уж̇умад̣̇д̣̇авзнаад̇и бад̣̇асса самб̣анд̇хадтаанам̣ баатасзсам̣ д̣̇ассзд̇и. яод̇и бхигку. аяамзваад̇и звасад̣̇д̣̇зна на д̇хаммаг̇аруго, буг̇г̇алаг̇аруго, д̇хаммзсу жа буг̇г̇алзсу жа на маж̇жхад̇д̇од̇и взд̣̇ид̇аб̣б̣од̇и д̣̇ассзд̇и.

Tassāti adhammacodakassa. Anosaṭaṃ vatthunti ettha ‘‘codakacuditakehi vutta’’nti padaṃ adhikāravasena veditabbaṃ. Ettha ca anosaṭanti vinicchayaṃ anosaṭanti attho. Kiṃ paggaṇhitabboti āha ‘‘nanu tva’’ntiādi. Anuyogavattanti ‘‘kālena vakkhāmī’’tiādinā (cūḷava. 399; pari. 362, 437) vuttaṃ, ‘‘sacce ca akuppe cā’’ti (cūḷava. 401) ca vuttaṃ anuyuñjanavattaṃ. Tañhi yasmā anena vattena codako cuditakaṃ, cuditako vā codakaṃ anuyuñjati, codakena cuditako, cuditakena vā codako anuyuñjiyati, tasmā anuyogavattanti vuccati. Kathāpetvāti codakacuditakeheva kathāpetvā. Tassāti codakassa vā cuditakassa vā, sārajjanti bhayaṃ. Teti tava. Vatvāpīti mukhena vatvāpi. Pisaddena kāyavikāraṃ dassetvāpīti sampiṇḍeti. ‘‘Anuyogavatta’’nti dhātukammaṃ, ‘‘so bhikkhū’’ti kāritakammaṃ ajjhāharitabbaṃ, taṃ kammaṃ tabbapaccayo vadati. Asuci vibhāvetabboti ettha natthi suci sīlametassāti asucīti vutte alajjīti āha ‘‘alajji’’nti. Uju sīlavā kāyavaṅkādirahito hotīti yojanā. Ettha ca kāyavaṅkādirahito hotīti iminā ujuno kāraṇaṃ dasseti. Kāyavaṅkādirahitattā uju hotīti adhippāyo. Soti bhikkhu. Maddavenevāti mudubhāveneva. Upacaritabboti kathetabbo. Iminā ujumaddavenāti padassa sambandhaṭṭhānaṃ pāṭhasesaṃ dasseti. Yoti bhikkhu. Ayamevāti evasaddena na dhammagaruko, puggalagaruko, dhammesu ca puggalesu ca na majjhattoti veditabboti dasseti.

366. д̇зна жа бана анувиж̇ж̇агзнаад̇и яож̇анаа. суд̇д̇аад̣̇ийсууд̇и аад̣̇исад̣̇д̣̇зна винаяаанулома бан̃н̃ад̇д̇аануломигаани сан̇г̇ахзд̇аб̣б̣аани. суд̇д̇ам̣ сам̣санд̣̇анад̇т̇ааяа ход̇ийд̇и яож̇анаа. гзсам̣ сам̣санд̣̇анад̇т̇ааяаад̇и ааха ‘‘аабад̇д̇аанаабад̇д̇ийнам̣ сам̣санд̣̇анад̇т̇а’’нд̇и. обаммам̣ ад̇т̇ад̣̇ассанад̇т̇ааяа ход̇ийд̇и яож̇анаа. зсзва наяо сзсзсуби. бажжзгадтааяино ависам̣ваад̣̇агадтааяинод̇и зд̇т̇а бажжзгасмим̣ д̇идтанд̇и сийлзнаад̇и бажжзгадтааяино, ависам̣ваад̣̇агз д̇идтанд̇и сийлзнаад̇и ависам̣ваад̣̇агадтааяинод̇и д̣̇ассзнд̇о ааха ‘‘исса…бз… тид̇аа’’д̇и. ‘‘иссарияаад̇хибажжаж̇здтагадтаанз’’д̇и иминаа бажжзгасаруубам̣ д̣̇ассзд̇и. д̇зд̇и сан̇гхзна анумад̇аа буг̇г̇алаа.

366. Tena ca pana anuvijjakenāti yojanā. Suttādīsūti ādisaddena vinayaanuloma paññattaanulomikāni saṅgahetabbāni. Suttaṃ saṃsandanatthāya hotīti yojanā. Kesaṃ saṃsandanatthāyāti āha ‘‘āpattānāpattīnaṃ saṃsandanattha’’nti. Opammaṃ atthadassanatthāya hotīti yojanā. Eseva nayo sesesupi. Paccekaṭṭhāyino avisaṃvādakaṭṭhāyinoti ettha paccekasmiṃ tiṭṭhanti sīlenāti paccekaṭṭhāyino, avisaṃvādake tiṭṭhanti sīlenāti avisaṃvādakaṭṭhāyinoti dassento āha ‘‘issa…pe… ṭhitā’’ti. ‘‘Issariyādhipaccajeṭṭhakaṭṭhāne’’ti iminā paccekasarūpaṃ dasseti. Teti saṅghena anumatā puggalā.

гимад̇т̇ам̣ ‘‘винаяо сам̣варад̇т̇ааяаа’’д̇иаад̣̇и вуд̇д̇анд̇и ааха ‘‘ид̣̇ааний’’д̇иаад̣̇и. ид̣̇аани д̣̇ассзд̇ум̣ аахаад̇и самб̣анд̇хо. яз манд̣̇аа манд̣̇аб̣уд̣̇д̇хино худ̇ваа звам̣ вад̣̇зяяунд̇и яож̇анаа. ат̇а ваа манд̣̇аа манд̣̇аб̣уд̣̇д̇хино яз буг̇г̇алаа звам̣ вад̣̇зяяунд̇и яож̇анаа. сагалааби винаяабан̃н̃ад̇д̇и убаниссаяо ход̇ийд̇и самб̣анд̇хо. иминаа ‘‘сам̣варад̇т̇ааяаа’’д̇иаад̣̇ийсу ‘‘анубаад̣̇аабариниб̣б̣аанад̇т̇ааяаа’’д̇ибарияосаанзсу д̇зрасаваагязсу ‘‘убаниссаяо ход̇ий’’д̇и баатасзсо аж̇жхаахарид̇аб̣б̣од̇и д̣̇ассзд̇и. ‘‘бажжаяо’’д̇и иминаа ‘‘убаниссаяо’’д̇и бад̣̇асса убаниссаяабажжаяод̇и ад̇т̇ам̣ д̣̇ассзд̇и. саб̣б̣ад̇т̇аад̇и саб̣б̣зсу д̣̇ваад̣̇асаваагязсу. висзсам̣ д̣̇ассзнд̇о ааха ‘‘абижзд̇т̇аа’’д̇иаад̣̇и. д̇ад̇т̇а абижа висзсам̣ вагкаамийд̇и яож̇анаа. зд̇т̇аад̇и ‘‘авиббадисаарад̇т̇ааяаа’’д̇иаад̣̇ийсу. д̇анд̇и сукам̣. д̇арун̣авибассанаа наама гасса ад̇хиважананд̇и ааха ‘‘уд̣̇аяаб̣б̣аяан̃аан̣ассзд̇амад̇хиважана’’нд̇и. нану ‘‘вирааг̇о’’д̇и зд̇т̇а жад̇уб̣б̣ид̇хасса арияамаг̇г̇асса г̇ахид̇ад̇д̇аа ‘‘вимуд̇д̇ий’’д̇и зд̇т̇ааби жад̇уб̣б̣ид̇хам̣ палам̣ г̇ахзд̇аб̣б̣ам̣, гасмаа бана ‘‘вимуд̇д̇ийд̇и арахад̇д̇апала’’нд̇и вуд̇д̇анд̇и ааха ‘‘жад̇уб̣б̣ид̇хоби хий’’д̇иаад̣̇и. хийд̇и сажжам̣, яасмаа ваа. абажжаяабариниб̣б̣аанад̇т̇ааяаад̇и асан̇кад̇абариниб̣б̣аанад̇т̇ааяа. над̇т̇зд̇т̇а хи бариниб̣б̣аанз гожи бажжаяо, д̇асмаа абажжаяабариниб̣б̣аананд̇и вужжад̇и. д̇анд̇и вимуд̇д̇ин̃аан̣ад̣̇ассанам̣. д̇асмим̣ануббад̇д̇зд̇и д̇асмим̣ вимуд̇д̇ин̃аан̣ад̣̇ассанз ануггамзна бад̇д̇з. авассанд̇и д̇хувам̣ зганд̇знаад̇и ад̇т̇о. зд̇ад̣̇ад̇т̇аад̇и зсо анубаад̣̇аа бариниб̣б̣аанасан̇каад̇о ад̇т̇о баяож̇анам̣ имиссаа гат̇ааяаад̇и зд̇ад̣̇ад̇т̇аа. гат̇аад̇и ад̇т̇асса гат̇аа. манд̇анаад̇и д̇хаммасса манд̇анаа. зд̇ад̣̇ад̇т̇аа убанисаад̇и зд̇т̇а убанисаасад̣̇д̣̇о бажжаяаваажагод̇и ааха ‘‘барам̣барабажжаяад̇аабий’’д̇и. барам̣барабажжаяо хи яасмаа зд̇т̇а барам̣барапалам̣ убаг̇анд̇ваа нисийд̣̇ад̇и, д̇асмаа убанисаад̇и вужжад̇и. ‘‘винаяо сам̣варад̇т̇ааяаа’’д̇иаад̣̇игаа аяам̣ барам̣барабажжаяад̇аабийд̇и яож̇анаа. сод̇аавад̇хаананд̇и ог̇аахзд̇ваа д̇хияад̇з табияад̇з авад̇хаанам̣, сод̇асса авад̇хаанам̣ сод̇аавад̇хаанам̣. имам̣ гат̇анд̇и ‘‘винаяо сам̣варад̇т̇ааяаа’’д̇иаад̣̇им̣ имам̣ гат̇ам̣. яам̣ н̃аан̣ам̣ уббаж̇ж̇ад̇и, д̇амби зд̇ад̣̇ад̇т̇анд̇и яож̇анаа. яад̣̇ид̣̇ам̣ анубаад̣̇аа жид̇д̇ассаад̇и зд̇т̇а ‘‘яад̣̇ид̣̇а’’нд̇и нибаад̇о ‘‘вимогко’’д̇и бад̣̇амабзгкид̇ваа яо аяанд̇и ад̇т̇ам̣ вад̣̇ад̇и. анубаад̣̇аад̇и зд̇т̇а ‘‘саяам̣ абхин̃н̃аа’’д̇иаад̣̇ийсу (махаава. 11) вияа яагааралобо ход̇и, д̇асса бад̣̇асса гаран̣ам̣ бана ‘‘жад̇уухи убаад̣̇аанзхий’’д̇и взд̣̇ид̇аб̣б̣ам̣. ид̇и има мад̇т̇ам̣ д̣̇ассзнд̇о ааха ‘‘яо аяам̣ жад̇уухи убаад̣̇аанзхи анубаад̣̇ияид̇ваа’’д̇и. зд̇т̇а жад̇уухи убаад̣̇аанзхи анубаад̣̇ияид̇ваа жид̇д̇асса арахад̇д̇апаласан̇каад̇о яо аяам̣ вимогко ад̇т̇и, соби зд̇ад̣̇ад̇т̇ааяа ход̇ийд̇и яож̇анаа. ‘‘арахад̇д̇апаласан̇каад̇о’’д̇и иминаа ‘‘вимогко’’д̇и бад̣̇асса ад̇т̇ам̣ д̣̇ассзд̇и. арахад̇д̇апалан̃хи яасмаа вируд̣̇д̇хзхи, висзсзна ваа саб̣б̣агилзсзхи мужжид̇т̇а, д̇асмаа вимогкод̇и вужжад̇и. ‘‘абажжаяабариниб̣б̣аанад̇т̇ааяа зваа’’д̇и иминаа зд̇ад̣̇ад̇т̇ааяаад̇и бад̣̇асса ад̇т̇ам̣ д̣̇ассзд̇и.

Kimatthaṃ ‘‘vinayo saṃvaratthāyā’’tiādi vuttanti āha ‘‘idānī’’tiādi. Idāni dassetuṃ āhāti sambandho. Ye mandā mandabuddhino hutvā evaṃ vadeyyunti yojanā. Atha vā mandā mandabuddhino ye puggalā evaṃ vadeyyunti yojanā. Sakalāpi vinayapaññatti upanissayo hotīti sambandho. Iminā ‘‘saṃvaratthāyā’’tiādīsu ‘‘anupādāparinibbānatthāyā’’tipariyosānesu terasavākyesu ‘‘upanissayo hotī’’ti pāṭhaseso ajjhāharitabboti dasseti. ‘‘Paccayo’’ti iminā ‘‘upanissayo’’ti padassa upanissayapaccayoti atthaṃ dasseti. Sabbatthāti sabbesu dvādasavākyesu. Visesaṃ dassento āha ‘‘apicetthā’’tiādi. Tattha apica visesaṃ vakkhāmīti yojanā. Etthāti ‘‘avippaṭisāratthāyā’’tiādīsu. Tanti sukhaṃ. Taruṇavipassanā nāma kassa adhivacananti āha ‘‘udayabbayañāṇassetamadhivacana’’nti. Nanu ‘‘virāgo’’ti ettha catubbidhassa ariyamaggassa gahitattā ‘‘vimuttī’’ti etthāpi catubbidhaṃ phalaṃ gahetabbaṃ, kasmā pana ‘‘vimuttīti arahattaphala’’nti vuttanti āha ‘‘catubbidhopi hī’’tiādi. Hīti saccaṃ, yasmā vā. Apaccayaparinibbānatthāyāti asaṅkhataparinibbānatthāya. Natthettha hi parinibbāne koci paccayo, tasmā apaccayaparinibbānanti vuccati. Tanti vimuttiñāṇadassanaṃ. Tasmiṃanuppatteti tasmiṃ vimuttiñāṇadassane anukkamena patte. Avassanti dhuvaṃ ekantenāti attho. Etadatthāti eso anupādā parinibbānasaṅkhāto attho payojanaṃ imissā kathāyāti etadatthā. Kathāti atthassa kathā. Mantanāti dhammassa mantanā. Etadatthā upanisāti ettha upanisāsaddo paccayavācakoti āha ‘‘paraṃparapaccayatāpī’’ti. Paraṃparapaccayo hi yasmā ettha paraṃparaphalaṃ upagantvā nisīdati, tasmā upanisāti vuccati. ‘‘Vinayo saṃvaratthāyā’’tiādikā ayaṃ paraṃparapaccayatāpīti yojanā. Sotāvadhānanti ogāhetvā dhiyate ṭhapiyate avadhānaṃ, sotassa avadhānaṃ sotāvadhānaṃ. Imaṃ kathanti ‘‘vinayo saṃvaratthāyā’’tiādiṃ imaṃ kathaṃ. Yaṃ ñāṇaṃ uppajjati, tampi etadatthanti yojanā. Yadidaṃ anupādā cittassāti ettha ‘‘yadida’’nti nipāto ‘‘vimokkho’’ti padamapekkhitvā yo ayanti atthaṃ vadati. Anupādāti ettha ‘‘sayaṃ abhiññā’’tiādīsu (mahāva. 11) viya yakāralopo hoti, tassa padassa karaṇaṃ pana ‘‘catūhi upādānehī’’ti veditabbaṃ. Iti ima matthaṃ dassento āha ‘‘yo ayaṃ catūhi upādānehi anupādiyitvā’’ti. Ettha catūhi upādānehi anupādiyitvā cittassa arahattaphalasaṅkhāto yo ayaṃ vimokkho atthi, sopi etadatthāya hotīti yojanā. ‘‘Arahattaphalasaṅkhāto’’ti iminā ‘‘vimokkho’’ti padassa atthaṃ dasseti. Arahattaphalañhi yasmā viruddhehi, visesena vā sabbakilesehi muccittha, tasmā vimokkhoti vuccati. ‘‘Apaccayaparinibbānatthāya evā’’ti iminā etadatthāyāti padassa atthaṃ dasseti.

367. вад̇т̇ум̣…бз… на ж̇аанаад̇ийд̇и зд̇т̇аад̇и яож̇анаа гаад̇аб̣б̣аа. д̇асмаад̇и яасмаа самб̣анд̇хо, д̇асмаа. зд̇т̇аад̇и имаасу г̇аат̇аасу. самзна жаад̇и зд̇т̇а ‘‘самзнаа’’д̇и бад̣̇ам̣ ‘‘ан̃н̃аан̣знаа’’д̇и ад̇т̇асса ваажагам̣ руул̣хийбад̣̇анд̇и д̣̇ассзнд̇о ааха ‘‘д̇знзва буб̣б̣аабарам̣ аж̇аананасса самзна ан̃н̃аан̣знаа’’д̇и. баал̣ияам̣ гзна гааран̣зна гад̇аагад̇ам̣ на ж̇аанаад̇ийд̇и ааха ‘‘самзнаа’’д̇и. самзна буб̣б̣аабарасса ан̃н̃аан̣зна гад̇аагад̇ам̣ на ж̇аанаад̇ийд̇и ад̇т̇о. званд̇иаад̣̇и ниг̇аманам̣ . яам̣ банзд̇ам̣ важанам̣ вуд̇д̇анд̇и яож̇анаа. ‘‘д̇ад̇т̇аа’’д̇и жа ‘‘аагаарааговид̣̇о’’д̇и жа аад̇хаараад̇хзяяаанамабхзд̣̇о ход̇и, д̇асмаа аваяавий аад̇хааро, аваяаво аад̇хзяяод̇и д̣̇адтаб̣б̣ам̣. аагаарасад̣̇д̣̇о ин̇г̇ид̇ад̇т̇од̇и ааха ‘‘гааран̣аагааран̣з’’д̇и. гааран̣аагааран̣асан̇каад̇з ин̇г̇ид̇зд̇и ад̇т̇о. аагаарассаад̇и бхуммад̇т̇з саамиважанам̣. аагаарасминд̇и хи ад̇т̇о.

367.Vatthuṃ…pe… na jānātīti etthāti yojanā kātabbā. Tasmāti yasmā sambandho, tasmā. Etthāti imāsu gāthāsu. Samena cāti ettha ‘‘samenā’’ti padaṃ ‘‘aññāṇenā’’ti atthassa vācakaṃ rūḷhīpadanti dassento āha ‘‘teneva pubbāparaṃ ajānanassa samena aññāṇenā’’ti. Pāḷiyaṃ kena kāraṇena katākataṃ na jānātīti āha ‘‘samenā’’ti. Samena pubbāparassa aññāṇena katākataṃ na jānātīti attho. Evantiādi nigamanaṃ . Yaṃ panetaṃ vacanaṃ vuttanti yojanā. ‘‘Tatthā’’ti ca ‘‘ākāraakovido’’ti ca ādhārādheyyānamabhedo hoti, tasmā avayavī ādhāro, avayavo ādheyyoti daṭṭhabbaṃ. Ākārasaddo iṅgitatthoti āha ‘‘kāraṇākāraṇe’’ti. Kāraṇaakāraṇasaṅkhāte iṅgiteti attho. Ākārassāti bhummatthe sāmivacanaṃ. Ākārasminti hi attho.

д̇ат̇зваад̇и яат̇аа вад̇т̇уаад̣̇ийни на ж̇аанаад̇и, д̇ат̇зва. ид̇ийд̇и звам̣. явааяанд̇и яо аяам̣ бхигку. ‘‘бхаязнаа’’д̇и иминаа бхаяаад̇и зд̇т̇а гааран̣ад̇т̇з ниссаггаважананд̇и д̣̇ассзд̇и. бхаяаа бхаязна г̇ажчад̇ийд̇и яож̇анаа. зсзва наяо саммохзна мохаа г̇ажчад̇ийд̇и зд̇т̇ааби. чанд̣̇аад̇и чанд̣̇зна. д̣̇осаад̇и д̣̇осзна. ад̇д̇анаа н̃аад̇ум̣ асамад̇т̇ад̇ааяа на сан̃н̃ад̇д̇ияаа гусалод̇и ааха ‘‘барам̣ сан̃н̃аабзд̇ум̣ асамад̇т̇ад̇ааяаа’’д̇и. гасмаа ниж̇жхад̇д̇ияаа жа аговид̣̇од̇и ааха ‘‘гааран̣аа…бз… д̇ааяаа’’д̇и. ‘‘барисааяа лад̣̇д̇хад̇д̇аа’’д̇и иминаа лад̣̇д̇хо барисасан̇каад̇о багко язнаад̇и лад̣̇д̇хабагкод̇и важанад̇т̇ам̣ д̣̇ассзд̇и. сажз д̇аад̣̇исаго бхигку ход̇и, со бхигку ‘‘абадигко’’д̇и вужжад̇ийд̇и яож̇анаа. зсзва наяо хздтааби. ‘‘на бадигкид̇аб̣б̣о’’д̇и иминаа бадимукам̣ на игкид̇аб̣б̣од̇и абадигкод̇и важанад̇т̇ам̣ д̣̇ассзд̇и. ‘‘на ологзд̇аб̣б̣о’’д̇и иминаа игкад̇хаад̇уяаа д̣̇ассанад̇т̇ам̣ д̣̇ассзд̇и.

Tathevāti yathā vatthuādīni na jānāti, tatheva. Itīti evaṃ. Yvāyanti yo ayaṃ bhikkhu. ‘‘Bhayenā’’ti iminā bhayāti ettha kāraṇatthe nissakkavacananti dasseti. Bhayā bhayena gacchatīti yojanā. Eseva nayo sammohena mohā gacchatīti etthāpi. Chandāti chandena. Dosāti dosena. Attanā ñātuṃ asamatthatāya na saññattiyā kusaloti āha ‘‘paraṃ saññāpetuṃ asamatthatāyā’’ti. Kasmā nijjhattiyā ca akovidoti āha ‘‘kāraṇā…pe… tāyā’’ti. ‘‘Parisāya laddhattā’’ti iminā laddho parisasaṅkhāto pakkho yenāti laddhapakkhoti vacanatthaṃ dasseti. Sace tādisako bhikkhu hoti, so bhikkhu ‘‘apaṭikkho’’ti vuccatīti yojanā. Eseva nayo heṭṭhāpi. ‘‘Na paṭikkhitabbo’’ti iminā paṭimukhaṃ na ikkhitabboti apaṭikkhoti vacanatthaṃ dasseti. ‘‘Na oloketabbo’’ti iminā ikkhadhātuyā dassanatthaṃ dasseti.

ид̇и жуул̣асан̇г̇аамаван̣н̣анааяа яож̇анаа самад̇д̇аа.

Iti cūḷasaṅgāmavaṇṇanāya yojanā samattā.

Next: махаасан̇г̇аамам̣ • Mahāsaṅgāmaṃ

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. анувиж̇ж̇агассабадибад̇д̇и • 1. Anuvijjakassapaṭipatti

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / анувиж̇ж̇агасса бадибад̇д̇иван̣н̣анаа • Anuvijjakassa paṭipattivaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇г̇аамад̣̇ваяаван̣н̣анаа • Saṅgāmadvayavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анувиж̇ж̇агассабадибад̇д̇иван̣н̣анаа • Anuvijjakassapaṭipattivaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анувиж̇ж̇агасса бадибад̇д̇иван̣н̣анаа • Anuvijjakassa paṭipattivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact