| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਚੂਲ਼ਸਙ੍ਗਾਮਂ
Cūḷasaṅgāmaṃ
ਅਨੁવਿਜ੍ਜਕਸ੍ਸ ਪਟਿਪਤ੍ਤਿવਣ੍ਣਨਾ
Anuvijjakassa paṭipattivaṇṇanā
੩੬੫. ਤਤ੍ਰ ਹੀਤਿ ਤਸ੍ਮਿਂ ਸਨ੍ਨਿਪਾਤੇ। ਅਤ੍ਤਪਚ੍ਚਤ੍ਥਿਕਾਤਿ ਲਜ੍ਜਿਪੇਸਲਸ੍ਸ ਚੋਦਕਪਾਪਗਰਹੀਪੁਗ੍ਗਲਸ੍ਸ ਅਨਤ੍ਥਕਾਮਾ વੇਰੀਪੁਗ੍ਗਲਾ। ਸਾਸਨਪਚ੍ਚਤ੍ਥਿਕਾਤਿ ਅਤ੍ਤਨੋ ਅਨਾਚਾਰਾਨੁਗੁਣਂ ਬੁਦ੍ਧવਚਨਂ ਪਕਾਸੇਨ੍ਤੋ ਤਣ੍ਹਾਗਤਿਕਾ, ਦਿਟ੍ਠਿਗਤਿਕਾ ਚ। ਅਜ੍ਝੋਗਾਹੇਤ੍વਾਤਿ ਅਲਜ੍ਜਿਅਭਿਭવਨવਸੇਨ ਸਙ੍ਘਮਜ੍ਝਂ ਪવਿਸਿਤ੍વਾ। ਸੋ ਸਙ੍ਗਾਮਾવਚਰੋਤਿ ਸੋ ਚੋਦਕੋ ਸਙ੍ਗਾਮਾવਚਰੋ ਨਾਮ। ਦਿਟ੍ਠਸੁਤਮੁਤਮ੍ਪਿ ਰਾਜਕਥਾਦਿਕਨ੍ਤਿ ਦਿਟ੍ਠਸੁਤવਸੇਨੇવ ਰਾਜਚੋਰਾਦਿਕਥਂ, ਮੁਤવਸੇਨਪਿ ਅਨ੍ਨਾਦਿਕਥਞ੍ਚ ਅਕਥੇਨ੍ਤੇਨਾਤਿ ਯੋਜੇਤਬ੍ਬਂ। ਕਪ੍ਪਿਯਾਕਪ੍ਪਿਯਨਿਸ੍ਸਿਤਾ વਾਤਿਆਦੀਸੁ ਰੂਪਾਰੂਪਪਟਿਚ੍ਛੇਦਪਦੇਨ ਸਕਲਅਭਿਧਮ੍ਮਤ੍ਥਪਿਟਕਤ੍ਤਂ ਦਸ੍ਸੇਤਿ। ਸਮਥਾਚਾਰਾਦੀਹਿ ਪਟਿਸਂਯੁਤ੍ਤਨ੍ਤਿ ਸਕਲਸੁਤ੍ਤਨ੍ਤਪਿਟਕਤ੍ਤਂ। ਤਤ੍ਥ ਸਮਥਾਚਾਰੋ ਨਾਮ ਸਮਥਭਾવਨਾਕ੍ਕਮੋ। ਤਥਾ વਿਪਸ੍ਸਨਾਚਾਰੋ। ਠਾਨਨਿਸਜ੍ਜવਤ੍ਤਾਦਿਨਿਸ੍ਸਿਤਾਤਿ ਸਙ੍ਘਮਜ੍ਝਾਦੀਸੁ ਗਰੁਚਿਤ੍ਤੀਕਾਰਂ ਪਚ੍ਚੁਪਟ੍ਠਪੇਤ੍વਾ ਠਾਨਾਦਿਕ੍ਕਮਨਿਸ੍ਸਿਤਾ ਚੇવ ਚੁਦ੍ਦਸਮਹਾવਤ੍ਤਾਦਿવਤ੍ਤਨਿਸ੍ਸਿਤਾ ਚ, ਆਦਿ-ਸਦ੍ਦੇਨ ਅਪ੍ਪਿਚ੍ਛਤਾਦਿਨਿਸ੍ਸਿਤਾ ਚਾਤਿ ਅਤ੍ਥੋ। ਪਞ੍ਹੇ ਉਪ੍ਪਨ੍ਨੇਤਿ ਕੇਨਚਿ ਉਪ੍ਪਨ੍ਨੇ ਪਞ੍ਹੇ ਪੁਚ੍ਛਿਤੇ। ਇਦਞ੍ਚ ਉਪਲਕ੍ਖਣਮਤ੍ਤਂ, ਯਂ ਕਿਞ੍ਚਿ ਉਪਟ੍ਠਿਤਂ ਧਮ੍ਮਂ ਭਾਸਸ੍ਸੂਤਿ ਅਧਿਪ੍ਪਾਯੋ।
365.Tatrahīti tasmiṃ sannipāte. Attapaccatthikāti lajjipesalassa codakapāpagarahīpuggalassa anatthakāmā verīpuggalā. Sāsanapaccatthikāti attano anācārānuguṇaṃ buddhavacanaṃ pakāsento taṇhāgatikā, diṭṭhigatikā ca. Ajjhogāhetvāti alajjiabhibhavanavasena saṅghamajjhaṃ pavisitvā. So saṅgāmāvacaroti so codako saṅgāmāvacaro nāma. Diṭṭhasutamutampi rājakathādikanti diṭṭhasutavaseneva rājacorādikathaṃ, mutavasenapi annādikathañca akathentenāti yojetabbaṃ. Kappiyākappiyanissitā vātiādīsu rūpārūpapaṭicchedapadena sakalaabhidhammatthapiṭakattaṃ dasseti. Samathācārādīhi paṭisaṃyuttanti sakalasuttantapiṭakattaṃ. Tattha samathācāro nāma samathabhāvanākkamo. Tathā vipassanācāro. Ṭhānanisajjavattādinissitāti saṅghamajjhādīsu garucittīkāraṃ paccupaṭṭhapetvā ṭhānādikkamanissitā ceva cuddasamahāvattādivattanissitā ca, ādi-saddena appicchatādinissitā cāti attho. Pañhe uppanneti kenaci uppanne pañhe pucchite. Idañca upalakkhaṇamattaṃ, yaṃ kiñci upaṭṭhitaṃ dhammaṃ bhāsassūti adhippāyo.
ਕੁਲਪਦੇਸੋ ਨਾਮ ਖਤ੍ਤਿਯਾਦਿਜਾਤਿਯਮ੍ਪਿ ਕਾਸਿਕਰਾਜਕੁਲਾਦਿਕੁਲવਿਸੇਸੋ। ਏਤਮੇવਾਹ ‘‘ਕੁਲਪਦੇਸੋ ਖਤ੍ਤਿਯਕੁਲਾਦਿવਸੇਨੇવ વੇਦਿਤਬ੍ਬੋ’’ਤਿ। ਸਨ੍ਨਿਪਾਤਮਣ੍ਡਲੇਤਿ ਅਤ੍ਤਨੋ ਅਨੁવਿਜ੍ਜਮਾਨਪ੍ਪਕਾਰਂ ਸਙ੍ਘਸ੍ਸ ਞਾਪਨਤ੍ਥਂ ਉਟ੍ਠਾਯ ਸਙ੍ਘਸਨ੍ਨਿਪਾਤਮਜ੍ਝੇ ਇਤੋ ਚਿਤੋ ਚ ਪਰੇਸਂ ਮੁਖਂ ਓਲੋਕੇਨ੍ਤੇਨ ਨ ਚਰਿਤਬ੍ਬਂ। ਯਥਾਨਿਸਿਨ੍ਨੇਨੇવ ਧਮ੍ਮવਿਨਯਾਨੁਗੁਣਂ વਿਨਿਚ੍ਛਯਂ ਯਥਾ ਸਬ੍ਬੇ ਸੁਣਨ੍ਤਿ, ਤਥਾ વਤ੍ਤਬ੍ਬਨ੍ਤਿ ਅਤ੍ਥੋ।
Kulapadeso nāma khattiyādijātiyampi kāsikarājakulādikulaviseso. Etamevāha ‘‘kulapadeso khattiyakulādivaseneva veditabbo’’ti. Sannipātamaṇḍaleti attano anuvijjamānappakāraṃ saṅghassa ñāpanatthaṃ uṭṭhāya saṅghasannipātamajjhe ito cito ca paresaṃ mukhaṃ olokentena na caritabbaṃ. Yathānisinneneva dhammavinayānuguṇaṃ vinicchayaṃ yathā sabbe suṇanti, tathā vattabbanti attho.
ਪਾਲ਼ਿਯਂ ਅਚਣ੍ਡਿਕਤੇਨਾਤਿ ਅਕਤਚਣ੍ਡਭਾવੇਨ, ਅਫਰੁਸੇਨਾਤਿ ਅਤ੍ਥੋ। ‘‘ਹਿਤਾਨੁਕਮ੍ਪਿਨਾ’’ਤਿ ਏਤੇਨ ਮੇਤ੍ਤਾਪੁਬ੍ਬਭਾਗੋ વੁਤ੍ਤੋ। ‘‘ਕਾਰੁਣਿਕੇਨ ਭવਿਤਬ੍ਬ’’ਨ੍ਤਿ ਇਮਿਨਾ ਅਪ੍ਪਨਾਪ੍ਪਤ੍ਤਕਰੁਣਾ વੁਤ੍ਤਾ। ‘‘ਹਿਤਪਰਿਸਕ੍ਕਿਨਾ’’ਤਿ ਇਮਿਨਾ ਕਰੁਣਾਪੁਬ੍ਬਭਾਗੋ। ਤੇਨਾਹ ‘‘ਕਰੁਣਾ ਚ ਕਰੁਣਾਪੁਬ੍ਬਭਾਗੋ ਚ ਉਪਟ੍ਠਾਪੇਤਬ੍ਬੋਤਿ ਅਯਂ ਪਦਦ੍વਯੇਪਿ ਅਧਿਪ੍ਪਾਯੋ’’ਤਿ। ਲਜ੍ਜਿਯਾਤਿ ਲਜ੍ਜਿਨੀ।
Pāḷiyaṃ acaṇḍikatenāti akatacaṇḍabhāvena, apharusenāti attho. ‘‘Hitānukampinā’’ti etena mettāpubbabhāgo vutto. ‘‘Kāruṇikena bhavitabba’’nti iminā appanāppattakaruṇā vuttā. ‘‘Hitaparisakkinā’’ti iminā karuṇāpubbabhāgo. Tenāha ‘‘karuṇā ca karuṇāpubbabhāgo ca upaṭṭhāpetabboti ayaṃ padadvayepi adhippāyo’’ti. Lajjiyāti lajjinī.
ਅਨੁਯੋਗવਤ੍ਤਂ ਕਥਾਪੇਤ੍વਾਤਿ ‘‘ਕਾਲੇਨ વਕ੍ਖਾਮੀ’’ਤਿਆਦਿਨਾ (ਪਰਿ॰ ੩੬੨) વੁਤ੍ਤવਤ੍ਤਂ। ਅਨੁਯੁਞ੍ਜਨਾਚਾਰਕ੍ਕਮੇਨੇવ ਅਨੁਯੁਞ੍ਜਨਂ ਅਨੁਯੋਗવਤ੍ਤਂ ਨਾਮ, ਤਂ ਕਥਾਪੇਤ੍વਾ ਤੇਨੇવ ਕਮੇਨ ਅਨੁਯੁਞ੍ਜਾਪੇਤ੍વਾਤਿ ਅਤ੍ਥੋ। ਉਜੁਮਦ੍ਦવੇਨਾਤਿ ਏਤ੍ਥ ਅਜ੍ਝਾਹਰਿਤਬ੍ਬਪਦਂ ਦਸ੍ਸੇਤਿ ‘‘ਉਪਚਰਿਤਬ੍ਬੋ’’ਤਿ। ‘‘ਧਮ੍ਮੇਸੁ ਚ ਪੁਗ੍ਗਲੇਸੁ ਚਾ’’ਤਿ ਇਦਂ ‘‘ਮਜ੍ਝਤ੍ਤੇਨ ਭવਿਤਬ੍ਬ’’ਨ੍ਤਿ ਪਕਤੇਨ ਸਮ੍ਬਨ੍ਧਿਤਬ੍ਬਨ੍ਤਿ ਆਹ ‘‘ਧਮ੍ਮੇਸੁ ਚ ਪੁਗ੍ਗਲੇਸੁ ਚ…ਪੇ॰… ਮਜ੍ਝਤ੍ਤੋਤਿ વੇਦਿਤਬ੍ਬੋ’’ਤਿ। ਯਞ੍ਹਿ ਯਤ੍ਥ ਕਤ੍ਥਚਿ ਕਤ੍ਤਬ੍ਬਂ, ਤਂ ਤਤ੍ਥ ਅਤਿਕ੍ਕਮਨ੍ਤੋ ਮਜ੍ਝਤ੍ਤੋ ਨਾਮ ਨ ਹੋਤਿ, ਧਮ੍ਮੇਸੁ ਚ ਗਾਰવੋ ਕਤ੍ਤਬ੍ਬੋ। ਪੁਗ੍ਗਲੇਸੁ ਪਨ ਮੇਤ੍ਤਾਭਾવੇਨ ਪਕ੍ਖਪਾਤਗਾਰવੋ। ਤਸ੍ਮਾ ਇਮਂ વਿਧਿਂ ਅਨਤਿਕ੍ਕਨ੍ਤੋવ ਤੇਸੁ ਮਜ੍ਝਤ੍ਤੋਤਿ વੇਦਿਤਬ੍ਬੋ।
Anuyogavattaṃkathāpetvāti ‘‘kālena vakkhāmī’’tiādinā (pari. 362) vuttavattaṃ. Anuyuñjanācārakkameneva anuyuñjanaṃ anuyogavattaṃ nāma, taṃ kathāpetvā teneva kamena anuyuñjāpetvāti attho. Ujumaddavenāti ettha ajjhāharitabbapadaṃ dasseti ‘‘upacaritabbo’’ti. ‘‘Dhammesu ca puggalesu cā’’ti idaṃ ‘‘majjhattena bhavitabba’’nti pakatena sambandhitabbanti āha ‘‘dhammesu ca puggalesu ca…pe… majjhattoti veditabbo’’ti. Yañhi yattha katthaci kattabbaṃ, taṃ tattha atikkamanto majjhatto nāma na hoti, dhammesu ca gāravo kattabbo. Puggalesu pana mettābhāvena pakkhapātagāravo. Tasmā imaṃ vidhiṃ anatikkantova tesu majjhattoti veditabbo.
੩੬੬. ਸਂਸਨ੍ਦਨਤ੍ਥਨ੍ਤਿ ਆਪਤ੍ਤਿ વਾ ਅਨਾਪਤ੍ਤਿ વਾਤਿ ਸਂਸਯੇ ਜਾਤੇ ਸਂਸਨ੍ਦਿਤ੍વਾ ਨਿਚ੍ਛਯਕਰਣਤ੍ਥਂ વੁਤ੍ਤਨ੍ਤਿ ਅਧਿਪ੍ਪਾਯੋ। ਅਤ੍ਥਦਸ੍ਸਨਾਯਾਤਿ ਸਾਧੇਤਬ੍ਬਸ੍ਸ ਆਪਤ੍ਤਾਦਿਉਪਮੇਯ੍ਯਤ੍ਥਸ੍ਸ ਚੋਦਕਚੁਦਿਤਕੇ ਅਤ੍ਤਨੋ ਪਟਿਞ੍ਞਾਯ ਏવ ਸਰੂਪવਿਭਾવਨਤ੍ਥਂ। ਅਤ੍ਥੋ ਜਾਨਾਪਨਤ੍ਥਾਯਾਤਿ ਏવਂ વਿਭਾવਿਤੋ ਅਤ੍ਥੋ ਚੋਦਕਚੁਦਿਤਕਸਙ੍ਘਾਨਂ ਞਾਪਨਤ੍ਥਾਯ ਨਿਜ੍ਝਾਪਨਤ੍ਥਾਯ, ਸਮ੍ਪਟਿਚ੍ਛਾਪਨਤ੍ਥਾਯਾਤਿ ਅਤ੍ਥੋ। ਪੁਗ੍ਗਲਸ੍ਸ ਠਪਨਤ੍ਥਾਯਾਤਿ ਚੋਦਕਚੁਦਿਤਕੇ ਅਤ੍ਤਨੋ ਪਟਿਞ੍ਞਾਯ ਏવ ਆਪਤ੍ਤਿਯਂ, ਅਨਾਪਤ੍ਤਿਯਂ વਾ ਪਤਿਟ੍ਠਾਪਨਤ੍ਥਾਯ। ਸਾਰਣਤ੍ਥਾਯਾਤਿ ਪਮੁਟ੍ਠਸਰਾਪਨਤ੍ਥਾਯ। ਸવਚਨੀਯਕਰਣਤ੍ਥਾਯਾਤਿ ਦੋਸੇ ਸਾਰਿਤੇਪਿ ਸਮ੍ਪਟਿਚ੍ਛਿਤ੍વਾ ਪਟਿਕਮ੍ਮਂ ਅਕਰੋਨ੍ਤਸ੍ਸ ਸવਚਨੀਯਕਰਣਤ੍ਥਾਯ। ‘‘ਨ ਤੇ ਅਪਸਾਦੇਤਬ੍ਬਾ’’ਤਿ ਇਦਂ ਅਧਿਪ੍ਪੇਤਤ੍ਥਦਸ੍ਸਨਂ। ਤਤ੍ਥ ਅવਿਸਂવਾਦਕਟ੍ਠਾਨੇ ਠਿਤਾ ਏવ ਨ ਅਪਸਾਦੇਤਬ੍ਬਾ, ਨ ਇਤਰੇਤਿ ਦਟ੍ਠਬ੍ਬਂ।
366.Saṃsandanatthanti āpatti vā anāpatti vāti saṃsaye jāte saṃsanditvā nicchayakaraṇatthaṃ vuttanti adhippāyo. Atthadassanāyāti sādhetabbassa āpattādiupameyyatthassa codakacuditake attano paṭiññāya eva sarūpavibhāvanatthaṃ. Attho jānāpanatthāyāti evaṃ vibhāvito attho codakacuditakasaṅghānaṃ ñāpanatthāya nijjhāpanatthāya, sampaṭicchāpanatthāyāti attho. Puggalassa ṭhapanatthāyāti codakacuditake attano paṭiññāya eva āpattiyaṃ, anāpattiyaṃ vā patiṭṭhāpanatthāya. Sāraṇatthāyāti pamuṭṭhasarāpanatthāya. Savacanīyakaraṇatthāyāti dose sāritepi sampaṭicchitvā paṭikammaṃ akarontassa savacanīyakaraṇatthāya. ‘‘Na te apasādetabbā’’ti idaṃ adhippetatthadassanaṃ. Tattha avisaṃvādakaṭṭhāne ṭhitā eva na apasādetabbā, na itareti daṭṭhabbaṃ.
ਅਪ੍ਪਚ੍ਚਯਪਰਿਨਿਬ੍ਬਾਨਤ੍ਥਾਯਾਤਿ ਆਯਤਿਂ ਪਟਿਸਨ੍ਧਿਯਾ ਅਕਾਰਣਭੂਤਪਰਿਨਿਬ੍ਬਾਨਤ੍ਥਾਯ। ਪਰਿਨਿਬ੍ਬਾਨਞ੍ਹਿ ਨਾਮ ਖੀਣਾਸવਾਨਂ ਸਬ੍ਬਪਚ੍ਛਿਮਾ ਚੁਤਿਚਿਤ੍ਤਕਮ੍ਮਜਰੂਪਸਙ੍ਖਾਤਾ ਖਨ੍ਧਾ, ਤੇ ਚ ਸਬ੍ਬਾਕਾਰਤੋ ਸਮੁਚ੍ਛਿਨ੍ਨਾਨੁਸਯਤਾਯ ਪੁਨਬ੍ਭવਾਯ ਅਨਨ੍ਤਰਾਦਿਪਚ੍ਚਯਾ ਨ ਹੋਨ੍ਤਿ ਅਞ੍ਞੇਹਿ ਚ ਤਣ੍ਹਾਦਿਪਚ੍ਚਯੇਹਿ વਿਰਹਿਤਤ੍ਤਾ। ਤਸ੍ਮਾ ‘‘ਅਪ੍ਪਚ੍ਚਯਪਰਿਨਿਬ੍ਬਾਨ’’ਨ੍ਤਿ વੁਚ੍ਚਤਿ। ਤਨ੍ਤਿ વਿਮੁਤ੍ਤਿਞਾਣਦਸ੍ਸਨਂ। ਤੇਨੇવਾਹ ‘‘ਤਸ੍ਮਿ’’ਨ੍ਤਿ। વਿਨਯਮਨ੍ਤਨਾਤਿ વਿਨਯવਿਨਿਚ੍ਛਯੋ। ਸੋਤਾવਧਾਨਨ੍ਤਿ ਸੋਤਸ੍ਸ ਓਦਹਨਂ, ਸવਨਨ੍ਤਿ ਅਤ੍ਥੋ। ਤੇਨਾਹ ‘‘ਯਂ ਉਪ੍ਪਜ੍ਜਤਿ ਞਾਣ’’ਨ੍ਤਿ। ਯਥਾવੁਤ੍ਤਾਯ વਿਨਯਸਂવਰਾਦਿਕਾਰਣਪਰਮ੍ਪਰਾਯ વਿਮੁਤ੍ਤਿਯਾ ਏવ ਪਧਾਨਤ੍ਤਾ ਸਾ ਪੁਨ ਚਿਤ੍ਤਸ੍ਸ વਿਮੋਕ੍ਖੋਤਿ ਉਦ੍ਧਟੋਤਿ ਆਹ ‘‘ਅਰਹਤ੍ਤਫਲਸਙ੍ਖਾਤੋ વਿਮੋਕ੍ਖੋ’’ਤਿ। ਅਥ વਾ ਯੋ ਯਂ ਕਿਞ੍ਚਿ ਧਮ੍ਮਂ ਅਨੁਪਾਦਿਯਿਤ੍વਾ ਪਰਿਨਿਬ੍ਬਾਨવਸੇਨ ਚਿਤ੍ਤਸ੍ਸ ਚਿਤ੍ਤਸਨ੍ਤਤਿਯਾ, ਤਪ੍ਪਟਿਬਦ੍ਧਕਮ੍ਮਜਰੂਪਸਨ੍ਤਤਿਯਾ ਚ વਿਮੋਕ੍ਖੋ વਿਮੁਚ੍ਚਨਂ ਅਪੁਨਪ੍ਪવਤ੍ਤਿવਸੇਨ વਿਗਮੋ, ਏਤਦਤ੍ਥਾਯ ਏਤਸ੍ਸ વਿਗਮਸ੍ਸਤ੍ਥਾਯ ਏવਾਤਿ ਏવਂ ਨਿਗਮਨવਸੇਨਪੇਤ੍ਥ ਅਤ੍ਥੋ વੇਦਿਤਬ੍ਬੋ।
Appaccayaparinibbānatthāyāti āyatiṃ paṭisandhiyā akāraṇabhūtaparinibbānatthāya. Parinibbānañhi nāma khīṇāsavānaṃ sabbapacchimā cuticittakammajarūpasaṅkhātā khandhā, te ca sabbākārato samucchinnānusayatāya punabbhavāya anantarādipaccayā na honti aññehi ca taṇhādipaccayehi virahitattā. Tasmā ‘‘appaccayaparinibbāna’’nti vuccati. Tanti vimuttiñāṇadassanaṃ. Tenevāha ‘‘tasmi’’nti. Vinayamantanāti vinayavinicchayo. Sotāvadhānanti sotassa odahanaṃ, savananti attho. Tenāha ‘‘yaṃ uppajjati ñāṇa’’nti. Yathāvuttāya vinayasaṃvarādikāraṇaparamparāya vimuttiyā eva padhānattā sā puna cittassa vimokkhoti uddhaṭoti āha ‘‘arahattaphalasaṅkhāto vimokkho’’ti. Atha vā yo yaṃ kiñci dhammaṃ anupādiyitvā parinibbānavasena cittassa cittasantatiyā, tappaṭibaddhakammajarūpasantatiyā ca vimokkho vimuccanaṃ apunappavattivasena vigamo, etadatthāya etassa vigamassatthāya evāti evaṃ nigamanavasenapettha attho veditabbo.
੩੬੭. ਅਨੁਯੋਗવਤ੍ਤਗਾਥਾਸੁ ਕੁਸਲੇਨ ਬੁਦ੍ਧਿਮਤਾਤਿ ਸਮ੍ਮਾਸਮ੍ਬੁਦ੍ਧੇਨ। ਕਤਨ੍ਤਿ ਨਿਬ੍ਬਤ੍ਤਿਤਂ, ਪਕਾਸਿਤਨ੍ਤਿ ਅਤ੍ਥੋ। ਤੇਨੇવਾਤਿਆਦੀਸੁ ਤੇਨੇવ ਕਤਾਕਤਸ੍ਸ ਅਜਾਨਨੇવ ਪੁਬ੍ਬਾਪਰਂ ਅਜਾਨਨਸ੍ਸ, ਅਞ੍ਞਸ੍ਸਪਿ ਭਿਕ੍ਖੁਨੋ ਯਂ ਕਤਾਕਤਂ ਹੋਤਿ, ਤਮ੍ਪਿ ਨ ਜਾਨਾਤੀਤਿ ਅਤ੍ਥੋ। ਅਤ੍ਤਨੋ ਸਦਿਸਾਯਾਤਿ ਯਥਾવੁਤ੍ਤੇਹਿ ਦੋਸੇਹਿ ਯੁਤ੍ਤਤਾਯ ਅਤ੍ਤਨਾ ਸਦਿਸਾਯ।
367. Anuyogavattagāthāsu kusalena buddhimatāti sammāsambuddhena. Katanti nibbattitaṃ, pakāsitanti attho. Tenevātiādīsu teneva katākatassa ajānaneva pubbāparaṃ ajānanassa, aññassapi bhikkhuno yaṃ katākataṃ hoti, tampi na jānātīti attho. Attano sadisāyāti yathāvuttehi dosehi yuttatāya attanā sadisāya.
ਅਨੁવਿਜ੍ਜਕਸ੍ਸ ਪਟਿਪਤ੍ਤਿવਣ੍ਣਨਾ ਨਿਟ੍ਠਿਤਾ।
Anuvijjakassa paṭipattivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਅਨੁવਿਜ੍ਜਕਸ੍ਸਪਟਿਪਤ੍ਤਿ • 1. Anuvijjakassapaṭipatti
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਅਨੁવਿਜ੍ਜਕਸ੍ਸ ਪਟਿਪਤ੍ਤਿવਣ੍ਣਨਾ • Anuvijjakassa paṭipattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਙ੍ਗਾਮਦ੍વਯવਣ੍ਣਨਾ • Saṅgāmadvayavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨੁવਿਜ੍ਜਕਸ੍ਸਪਟਿਪਤ੍ਤਿવਣ੍ਣਨਾ • Anuvijjakassapaṭipattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਨੁવਿਜ੍ਜਕਸ੍ਸ ਪਟਿਪਤ੍ਤਿવਣ੍ਣਨਾ • Anuvijjakassa paṭipattivaṇṇanā
