| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
жуул̣асан̇г̇аамо
Cūḷasaṅgāmo
1. анувиж̇ж̇агассабадибад̇д̇и
1. Anuvijjakassapaṭipatti
365. 1 сан̇г̇аамааважарз бхигкунаа сан̇гхам̣ убасан̇гаманд̇зна нийжажид̇д̇зна сан̇гхо убасан̇гамид̇аб̣б̣о раж̇охаран̣асамзна жид̇д̇зна; аасанагусалзна бхавид̇аб̣б̣ам̣ нисаж̇ж̇агусалзна; т̇зрз бхигкуу анубакаж̇ж̇анд̇зна, навз бхигкуу аасанзна аббадиб̣ааханд̇зна, яат̇аабад̇ируубз аасанз нисийд̣̇ид̇аб̣б̣ам̣; анаанаагат̇игзна бхавид̇аб̣б̣ам̣ ад̇иражчаанагат̇игзна; саамам̣ ваа д̇хаммо бхаасид̇аб̣б̣о баро ваа аж̇жхзсид̇аб̣б̣о арияо ваа д̇ун̣хийбхааво наад̇иман̃н̃ид̇аб̣б̣о.
365.2 Saṅgāmāvacare bhikkhunā saṅghaṃ upasaṅkamantena nīcacittena saṅgho upasaṅkamitabbo rajoharaṇasamena cittena; āsanakusalena bhavitabbaṃ nisajjakusalena; there bhikkhū anupakhajjantena, nave bhikkhū āsanena appaṭibāhantena, yathāpatirūpe āsane nisīditabbaṃ; anānākathikena bhavitabbaṃ atiracchānakathikena; sāmaṃ vā dhammo bhāsitabbo paro vā ajjhesitabbo ariyo vā tuṇhībhāvo nātimaññitabbo.
сан̇гхзна анумад̇зна буг̇г̇алзна анувиж̇ж̇агзна анувиж̇ж̇ид̇угаамзна на убаж̇жхааяо бужчид̇аб̣б̣о, на аажарияо бужчид̇аб̣б̣о, на сад̣̇д̇хивихаариго бужчид̇аб̣б̣о, на анд̇зваасиго бужчид̇аб̣б̣о, на самаанубаж̇жхааяаго бужчид̇аб̣б̣о, на самаанаажарияаго бужчид̇аб̣б̣о, на ж̇аад̇и бужчид̇аб̣б̣аа, на наамам̣ бужчид̇аб̣б̣ам̣, на г̇од̇д̇ам̣ бужчид̇аб̣б̣ам̣, на ааг̇амо бужчид̇аб̣б̣о, на гулабад̣̇зсо бужчид̇аб̣б̣о, на ж̇аад̇ибхууми бужчид̇аб̣б̣аа. д̇ам̣ гим̣ гааран̣аа? ад̇расса бзмам̣ ваа д̣̇осо ваа. бзмз ваа сад̇и д̣̇осз ваа, чанд̣̇ааби г̇ажчзяяа д̣̇осааби г̇ажчзяяа мохааби г̇ажчзяяа бхаяааби г̇ажчзяяа.
Saṅghena anumatena puggalena anuvijjakena anuvijjitukāmena na upajjhāyo pucchitabbo, na ācariyo pucchitabbo, na saddhivihāriko pucchitabbo, na antevāsiko pucchitabbo, na samānupajjhāyako pucchitabbo, na samānācariyako pucchitabbo, na jāti pucchitabbā, na nāmaṃ pucchitabbaṃ, na gottaṃ pucchitabbaṃ, na āgamo pucchitabbo, na kulapadeso pucchitabbo, na jātibhūmi pucchitabbā. Taṃ kiṃ kāraṇā? Atrassa pemaṃ vā doso vā. Peme vā sati dose vā, chandāpi gaccheyya dosāpi gaccheyya mohāpi gaccheyya bhayāpi gaccheyya.
сан̇гхзна анумад̇зна буг̇г̇алзна анувиж̇ж̇агзна анувиж̇ж̇ид̇угаамзна сан̇гхаг̇аругзна бхавид̇аб̣б̣ам̣ но буг̇г̇алаг̇аругзна, сад̣̇д̇хаммаг̇аругзна бхавид̇аб̣б̣ам̣ но аамисаг̇аругзна, ад̇т̇авасигзна бхавид̇аб̣б̣ам̣ но барисагаббигзна, гаалзна анувиж̇ж̇ид̇аб̣б̣ам̣ но агаалзна, бхууд̇зна анувиж̇ж̇ид̇аб̣б̣ам̣ но абхууд̇зна, сан̣хзна анувиж̇ж̇ид̇аб̣б̣ам̣ но парусзна, ад̇т̇асам̣хид̇зна анувиж̇ж̇ид̇аб̣б̣ам̣ но анад̇т̇асам̣хид̇зна, мзд̇д̇аажид̇д̇зна анувиж̇ж̇ид̇аб̣б̣ам̣ но д̣̇осанд̇арзна, на убаган̣н̣агаж̇аббинаа бхавид̇аб̣б̣ам̣, на ж̇имхам̣ бзгкид̇аб̣б̣ам̣, на агки никан̣ид̇аб̣б̣ам̣, на бхамугам̣ угкибид̇аб̣б̣ам̣, на сийсам̣ угкибид̇аб̣б̣ам̣, на хад̇т̇авигааро гаад̇аб̣б̣о, на хад̇т̇амуд̣̇д̣̇аа д̣̇ассзд̇аб̣б̣аа.
Saṅghena anumatena puggalena anuvijjakena anuvijjitukāmena saṅghagarukena bhavitabbaṃ no puggalagarukena, saddhammagarukena bhavitabbaṃ no āmisagarukena, atthavasikena bhavitabbaṃ no parisakappikena, kālena anuvijjitabbaṃ no akālena, bhūtena anuvijjitabbaṃ no abhūtena, saṇhena anuvijjitabbaṃ no pharusena, atthasaṃhitena anuvijjitabbaṃ no anatthasaṃhitena, mettācittena anuvijjitabbaṃ no dosantarena, na upakaṇṇakajappinā bhavitabbaṃ, na jimhaṃ pekkhitabbaṃ, na akkhi nikhaṇitabbaṃ, na bhamukaṃ ukkhipitabbaṃ, na sīsaṃ ukkhipitabbaṃ, na hatthavikāro kātabbo, na hatthamuddā dassetabbā.
аасанагусалзна бхавид̇аб̣б̣ам̣ нисаж̇ж̇агусалзна, яуг̇амад̇д̇ам̣ бзгканд̇зна ад̇т̇ам̣ анувид̇хияанд̇зна сагз аасанз нисийд̣̇ид̇аб̣б̣ам̣, на жа аасанаа вудтаад̇аб̣б̣ам̣ , на вийд̇ихаад̇аб̣б̣ам̣, на гуммаг̇г̇о сзвид̇аб̣б̣о, на б̣аахаавигкзбагам̣ 3 бхан̣ид̇аб̣б̣ам̣, ад̇урид̇зна бхавид̇аб̣б̣ам̣ асаахасигзна, ажан̣д̣игад̇зна бхавид̇аб̣б̣ам̣ важанагкамз , мзд̇д̇аажид̇д̇зна бхавид̇аб̣б̣ам̣ хид̇аанугамбинаа, гаарун̣игзна бхавид̇аб̣б̣ам̣ хид̇абарисаггинаа, асампаббалаабинаа бхавид̇аб̣б̣ам̣ барияанд̇абхаан̣инаа, авзравасигзна бхавид̇аб̣б̣ам̣ анасуруд̇д̇зна, ад̇д̇аа бариг̇г̇ахзд̇аб̣б̣о, баро бариг̇г̇ахзд̇аб̣б̣о, жод̣̇аго бариг̇г̇ахзд̇аб̣б̣о, жуд̣̇ид̇аго бариг̇г̇ахзд̇аб̣б̣о, ад̇хаммажод̣̇аго бариг̇г̇ахзд̇аб̣б̣о, ад̇хаммажуд̣̇ид̇аго бариг̇г̇ахзд̇аб̣б̣о, д̇хаммажод̣̇аго бариг̇г̇ахзд̇аб̣б̣о, д̇хаммажуд̣̇ид̇аго бариг̇г̇ахзд̇аб̣б̣о, вуд̇д̇ам̣ ахаабзнд̇зна авуд̇д̇ам̣ абагаасзнд̇зна од̇ин̣н̣аани бад̣̇аб̣яан̃ж̇анаани саад̇хугам̣ бариг̇г̇ахзд̇ваа баро бадибужчид̇ваа яат̇аа бадин̃н̃ааяа гаарзд̇аб̣б̣о, манд̣̇о хаасзд̇аб̣б̣о 4, бхийруу ассаасзд̇аб̣б̣о, жан̣д̣о нисзд̇хзд̇аб̣б̣о, асужи вибхаавзд̇аб̣б̣о, уж̇умад̣̇д̣̇авзна на чанд̣̇ааг̇ад̇им̣ г̇анд̇аб̣б̣ам̣, на д̣̇осааг̇ад̇им̣ г̇анд̇аб̣б̣ам̣, на мохааг̇ад̇им̣ г̇анд̇аб̣б̣ам̣, на бхаяааг̇ад̇им̣ г̇анд̇аб̣б̣ам̣, маж̇жхад̇д̇зна бхавид̇аб̣б̣ам̣ д̇хаммзсу жа буг̇г̇алзсу жа. зван̃жа бана анувиж̇ж̇аго анувиж̇ж̇амаано сад̇т̇у жзва саасанагаро ход̇и, вин̃н̃уунан̃жа саб̣рахмажаарийнам̣ бияо жа ход̇и манаабо жа г̇ару жа бхааванийяо жа.
Āsanakusalena bhavitabbaṃ nisajjakusalena, yugamattaṃ pekkhantena atthaṃ anuvidhiyantena sake āsane nisīditabbaṃ, na ca āsanā vuṭṭhātabbaṃ , na vītihātabbaṃ, na kummaggo sevitabbo, na bāhāvikkhepakaṃ 5 bhaṇitabbaṃ, aturitena bhavitabbaṃ asāhasikena, acaṇḍikatena bhavitabbaṃ vacanakkhame , mettācittena bhavitabbaṃ hitānukampinā, kāruṇikena bhavitabbaṃ hitaparisakkinā, asamphappalāpinā bhavitabbaṃ pariyantabhāṇinā, averavasikena bhavitabbaṃ anasuruttena, attā pariggahetabbo, paro pariggahetabbo, codako pariggahetabbo, cuditako pariggahetabbo, adhammacodako pariggahetabbo, adhammacuditako pariggahetabbo, dhammacodako pariggahetabbo, dhammacuditako pariggahetabbo, vuttaṃ ahāpentena avuttaṃ apakāsentena otiṇṇāni padabyañjanāni sādhukaṃ pariggahetvā paro paṭipucchitvā yathā paṭiññāya kāretabbo, mando hāsetabbo 6, bhīrū assāsetabbo, caṇḍo nisedhetabbo, asuci vibhāvetabbo, ujumaddavena na chandāgatiṃ gantabbaṃ, na dosāgatiṃ gantabbaṃ, na mohāgatiṃ gantabbaṃ, na bhayāgatiṃ gantabbaṃ, majjhattena bhavitabbaṃ dhammesu ca puggalesu ca. Evañca pana anuvijjako anuvijjamāno satthu ceva sāsanakaro hoti, viññūnañca sabrahmacārīnaṃ piyo ca hoti manāpo ca garu ca bhāvanīyo ca.
366. суд̇д̇ам̣ сам̣санд̣̇анад̇т̇ааяа, обаммам̣ нид̣̇ассанад̇т̇ааяа, ад̇т̇о вин̃н̃аабанад̇т̇ааяа, бадибужчаа табанад̇т̇ааяа, огаасагаммам̣ жод̣̇анад̇т̇ааяа, жод̣̇анаа сааран̣ад̇т̇ааяа, сааран̣аа саважанийяад̇т̇ааяа, саважанийяам̣ балиб̣од̇хад̇т̇ааяа, балиб̣од̇хо винижчаяад̇т̇ааяа, винижчаяо санд̇ийран̣ад̇т̇ааяа, санд̇ийран̣ам̣ таанаатаанаг̇аманад̇т̇ааяа, таанаатаанаг̇аманам̣ д̣̇умман̇гуунам̣ буг̇г̇алаанам̣ ниг̇г̇ахад̇т̇ааяа, бзсалаанам̣ бхигкуунам̣ самбаг̇г̇ахад̇т̇ааяа, сан̇гхо самбариг̇г̇ахасамбадижчанад̇т̇ааяа, сан̇гхзна анумад̇аа буг̇г̇алаа бажжзгадтааяино ависам̣ваад̣̇агадтааяино.
366. Suttaṃ saṃsandanatthāya, opammaṃ nidassanatthāya, attho viññāpanatthāya, paṭipucchā ṭhapanatthāya, okāsakammaṃ codanatthāya, codanā sāraṇatthāya, sāraṇā savacanīyatthāya, savacanīyaṃ palibodhatthāya, palibodho vinicchayatthāya, vinicchayo santīraṇatthāya, santīraṇaṃ ṭhānāṭhānagamanatthāya, ṭhānāṭhānagamanaṃ dummaṅkūnaṃ puggalānaṃ niggahatthāya, pesalānaṃ bhikkhūnaṃ sampaggahatthāya, saṅgho sampariggahasampaṭicchanatthāya, saṅghena anumatā puggalā paccekaṭṭhāyino avisaṃvādakaṭṭhāyino.
винаяо сам̣варад̇т̇ааяа, сам̣варо авиббадисаарад̇т̇ааяа, авиббадисааро баамуж̇ж̇ад̇т̇ааяа, баамуж̇ж̇ам̣ бийд̇ад̇т̇ааяа, бийд̇и бассад̣̇д̇хад̇т̇ааяа, бассад̣̇д̇хи сукад̇т̇ааяа, сукам̣ самаад̇хад̇т̇ааяа, самаад̇хи яат̇аабхууд̇ан̃аан̣ад̣̇ассанад̇т̇ааяа, яат̇аабхууд̇ан̃аан̣ад̣̇ассанам̣ ниб̣б̣ид̣̇ад̇т̇ааяа, ниб̣б̣ид̣̇аа вирааг̇ад̇т̇ааяа, вирааг̇о вимуд̇д̇ад̇т̇ааяа, вимуд̇д̇и вимуд̇д̇ин̃аан̣ад̣̇ассанад̇т̇ааяа, вимуд̇д̇ин̃аан̣ад̣̇ассанам̣ анубаад̣̇аабариниб̣б̣аанад̇т̇ааяа. зд̇ад̣̇ад̇т̇аа гат̇аа, зд̇ад̣̇ад̇т̇аа манд̇анаа, зд̇ад̣̇ад̇т̇аа убанисаа, зд̇ад̣̇ад̇т̇ам̣ сод̇аавад̇хаанам̣ – яад̣̇ид̣̇ам̣ анубаад̣̇аажид̇д̇асса вимогкод̇и.
Vinayo saṃvaratthāya, saṃvaro avippaṭisāratthāya, avippaṭisāro pāmujjatthāya, pāmujjaṃ pītatthāya, pīti passaddhatthāya, passaddhi sukhatthāya, sukhaṃ samādhatthāya, samādhi yathābhūtañāṇadassanatthāya, yathābhūtañāṇadassanaṃ nibbidatthāya, nibbidā virāgatthāya, virāgo vimuttatthāya, vimutti vimuttiñāṇadassanatthāya, vimuttiñāṇadassanaṃ anupādāparinibbānatthāya. Etadatthā kathā, etadatthā mantanā, etadatthā upanisā, etadatthaṃ sotāvadhānaṃ – yadidaṃ anupādācittassa vimokkhoti.
367.
367.
ануяог̇авад̇д̇ам̣ нисаамаяа, гусалзна б̣уд̣̇д̇химад̇аа гад̇ам̣;
Anuyogavattaṃ nisāmaya, kusalena buddhimatā kataṃ;
сувуд̇д̇ам̣ сигкаабад̣̇аануломигам̣, г̇ад̇им̣ на наасзнд̇о самбарааяигам̣.
Suvuttaṃ sikkhāpadānulomikaṃ, gatiṃ na nāsento samparāyikaṃ.
вад̇т̇ум̣ вибад̇д̇им̣ аабад̇д̇им̣, нид̣̇аанам̣ аагаарааговид̣̇о;
Vatthuṃ vipattiṃ āpattiṃ, nidānaṃ ākāraakovido;
буб̣б̣аабарам̣ на ж̇аанаад̇и, гад̇аагад̇ам̣ самзна жа.
Pubbāparaṃ na jānāti, katākataṃ samena ca.
гамман̃жа ад̇хигаран̣ан̃жа, самат̇з жааби аговид̣̇о;
Kammañca adhikaraṇañca, samathe cāpi akovido;
рад̇д̇о д̣̇удто жа муул̣хо жа, бхаяаа мохаа жа г̇ажчад̇и.
Ratto duṭṭho ca mūḷho ca, bhayā mohā ca gacchati.
на жа сан̃н̃ад̇д̇игусало, ниж̇жхад̇д̇ияаа жа аговид̣̇о;
Na ca saññattikusalo, nijjhattiyā ca akovido;
лад̣̇д̇хабагко ахириго, ган̣хагаммо анаад̣̇аро;
Laddhapakkho ahiriko, kaṇhakammo anādaro;
вад̇т̇ум̣ вибад̇д̇им̣ аабад̇д̇им̣, нид̣̇аанам̣ аагаараговид̣̇о;
Vatthuṃ vipattiṃ āpattiṃ, nidānaṃ ākārakovido;
буб̣б̣аабаран̃жа ж̇аанаад̇и, гад̇аагад̇ам̣ самзна жа.
Pubbāparañca jānāti, katākataṃ samena ca.
гамман̃жа ад̇хигаран̣ан̃жа, самат̇з жааби говид̣̇о;
Kammañca adhikaraṇañca, samathe cāpi kovido;
арад̇д̇о ад̣̇удто амуул̣хо, бхаяаа мохаа на г̇ажчад̇и.
Aratto aduṭṭho amūḷho, bhayā mohā na gacchati.
сан̃н̃ад̇д̇ияаа жа гусало, ниж̇жхад̇д̇ияаа жа говид̣̇о;
Saññattiyā ca kusalo, nijjhattiyā ca kovido;
лад̣̇д̇хабагко хиримано, суггагаммо саг̇аараво;
Laddhapakkho hirimano, sukkakammo sagāravo;
са вз д̇аад̣̇исаго бхигку, саббадигкод̇и вужжад̇ийд̇и.
Sa ve tādisako bhikkhu, sappaṭikkhoti vuccatīti.
жуул̣асан̇г̇аамо нидтид̇о.
Cūḷasaṅgāmo niṭṭhito.
д̇ассуд̣̇д̣̇аанам̣ –
Tassuddānaṃ –
нийжажид̇д̇зна бужчзяяа, г̇ару сан̇гхз на буг̇г̇алз;
Nīcacittena puccheyya, garu saṅghe na puggale;
суд̇д̇ам̣ сам̣санд̣̇анад̇т̇ааяа, винаяаануг̇г̇ахзна жа;
Suttaṃ saṃsandanatthāya, vinayānuggahena ca;
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / анувиж̇ж̇агасса бадибад̇д̇иван̣н̣анаа • Anuvijjakassa paṭipattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇г̇аамад̣̇ваяаван̣н̣анаа • Saṅgāmadvayavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анувиж̇ж̇агассабадибад̇д̇иван̣н̣анаа • Anuvijjakassapaṭipattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анувиж̇ж̇агасса бадибад̇д̇иван̣н̣анаа • Anuvijjakassa paṭipattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / анувиж̇ж̇агасса бадибад̇д̇иван̣н̣анаа • Anuvijjakassa paṭipattivaṇṇanā
