| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
១២. អបគតសុត្តវណ្ណនា
12. Apagatasuttavaṇṇanā
២០១. ‘‘អហមេត’’ន្តិ អហំការាទីនំ អនវសេសប្បហានេន អច្ចន្តមេវ អបគតំ។
201. ‘‘Ahameta’’nti ahaṃkārādīnaṃ anavasesappahānena accantameva apagataṃ.
អបគតសុត្តវណ្ណនា និដ្ឋិតា។
Apagatasuttavaṇṇanā niṭṭhitā.
ទុតិយវគ្គវណ្ណនា និដ្ឋិតា។
Dutiyavaggavaṇṇanā niṭṭhitā.
ទ្វីសូតិ បឋមវគ្គាទីសុ។ ទេសនាយ អសេក្ខភូមិយា ទេសិតត្តា អសេក្ខភូមិ កថិតា។ បឋមោតិ បឋមវគ្គោ ‘‘សាធុ មេ, ភន្តេ, ភគវា’’តិអាទិនា អាយាចន្តស្ស, ទុតិយោ អនាយាចន្តស្ស ថេរស្ស អជ្ឈាសយវសេន កថិតោ។ វិមុត្តិបរិបាចនីយធម្មា នាម វិវដ្ដសន្និស្សិតា សទ្ធិន្ទ្រិយាទយោ។ តេន បន វិបស្សនាយ កថិតត្តា កថិតា ឯវាតិ។ តំតំទេសនានុសារេន ហិ ថេរោ តេ ធម្មេ បរិបាកំ បាបេសិ។ តថា ហិ ភគវា ទុតិយវគ្គំ អនាយាចិតោបិ ទេសេសិ។
Dvīsūti paṭhamavaggādīsu. Desanāya asekkhabhūmiyā desitattā asekkhabhūmi kathitā. Paṭhamoti paṭhamavaggo ‘‘sādhu me, bhante, bhagavā’’tiādinā āyācantassa, dutiyo anāyācantassa therassa ajjhāsayavasena kathito. Vimuttiparipācanīyadhammā nāma vivaṭṭasannissitā saddhindriyādayo. Tena pana vipassanāya kathitattā kathitā evāti. Taṃtaṃdesanānusārena hi thero te dhamme paripākaṃ pāpesi. Tathā hi bhagavā dutiyavaggaṃ anāyācitopi desesi.
សារត្ថប្បកាសិនិយា សំយុត្តនិកាយ-អដ្ឋកថាយ
Sāratthappakāsiniyā saṃyuttanikāya-aṭṭhakathāya
រាហុលសំយុត្តវណ្ណនាយ លីនត្ថប្បកាសនា សមត្តា។
Rāhulasaṃyuttavaṇṇanāya līnatthappakāsanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១២. អបគតសុត្តំ • 12. Apagatasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១២. អបគតសុត្តវណ្ណនា • 12. Apagatasuttavaṇṇanā
