| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၂. အပဂတသုတ္တဝဏ္ဏနာ
12. Apagatasuttavaṇṇanā
၂၀၁. ‘‘အဟမေတ’’န္တိ အဟံကာရာဒီနံ အနဝသေသပ္ပဟာနေန အစ္စန္တမေဝ အပဂတံ။
201. ‘‘Ahameta’’nti ahaṃkārādīnaṃ anavasesappahānena accantameva apagataṃ.
အပဂတသုတ္တဝဏ္ဏနာ နိဋ္ဌိတာ။
Apagatasuttavaṇṇanā niṭṭhitā.
ဒုတိယဝဂ္ဂဝဏ္ဏနာ နိဋ္ဌိတာ။
Dutiyavaggavaṇṇanā niṭṭhitā.
ဒ္ဝီသူတိ ပဌမဝဂ္ဂာဒီသု။ ဒေသနာယ အသေက္ခဘူမိယာ ဒေသိတတ္တာ အသေက္ခဘူမိ ကထိတာ။ ပဌမောတိ ပဌမဝဂ္ဂော ‘‘သာဓု မေ, ဘန္တေ, ဘဂဝာ’’တိအာဒိနာ အာယာစန္တသ္သ, ဒုတိယော အနာယာစန္တသ္သ ထေရသ္သ အဇ္ဈာသယဝသေန ကထိတော။ ဝိမုတ္တိပရိပာစနီယဓမ္မာ နာမ ဝိဝဋ္ဋသန္နိသ္သိတာ သဒ္ဓိန္ဒ္ရိယာဒယော။ တေန ပန ဝိပသ္သနာယ ကထိတတ္တာ ကထိတာ ဧဝာတိ။ တံတံဒေသနာနုသာရေန ဟိ ထေရော တေ ဓမ္မေ ပရိပာကံ ပာပေသိ။ တထာ ဟိ ဘဂဝာ ဒုတိယဝဂ္ဂံ အနာယာစိတောပိ ဒေသေသိ။
Dvīsūti paṭhamavaggādīsu. Desanāya asekkhabhūmiyā desitattā asekkhabhūmi kathitā. Paṭhamoti paṭhamavaggo ‘‘sādhu me, bhante, bhagavā’’tiādinā āyācantassa, dutiyo anāyācantassa therassa ajjhāsayavasena kathito. Vimuttiparipācanīyadhammā nāma vivaṭṭasannissitā saddhindriyādayo. Tena pana vipassanāya kathitattā kathitā evāti. Taṃtaṃdesanānusārena hi thero te dhamme paripākaṃ pāpesi. Tathā hi bhagavā dutiyavaggaṃ anāyācitopi desesi.
သာရတ္ထပ္ပကာသိနိယာ သံယုတ္တနိကာယ-အဋ္ဌကထာယ
Sāratthappakāsiniyā saṃyuttanikāya-aṭṭhakathāya
ရာဟုလသံယုတ္တဝဏ္ဏနာယ လီနတ္ထပ္ပကာသနာ သမတ္တာ။
Rāhulasaṃyuttavaṇṇanāya līnatthappakāsanā samattā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၂. အပဂတသုတ္တံ • 12. Apagatasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၂. အပဂတသုတ္တဝဏ္ဏနာ • 12. Apagatasuttavaṇṇanā
