Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā

    абалоганагаммагат̇аа

    Apalokanakammakathā

    495-496. ид̣̇аани д̇зсам̣ гаммаанам̣ бабхзд̣̇ад̣̇ассанад̇т̇ам̣ ‘‘абалоганагаммам̣ гад̇и таанаани г̇ажчад̇ий’’д̇иаад̣̇имааха. д̇ад̇т̇а ‘‘абалоганагаммам̣ бан̃жа таанаани г̇ажчад̇и – осааран̣ам̣, ниссааран̣ам̣, бхан̣д̣угаммам̣, б̣рахмад̣̇ан̣д̣ам̣, гаммалагкан̣ан̃н̃зва бан̃жама’’нд̇и зд̇т̇а ‘‘осааран̣ам̣ ниссааран̣а’’нд̇и бад̣̇асилидтад̇ааязд̇ам̣ вуд̇д̇ам̣. батамам̣ бана ниссааран̣аа ход̇и, бажчаа осааран̣аа. д̇ад̇т̇а яаа ган̣дагасааман̣зрасса д̣̇ан̣д̣агамманаасанаа, саа ‘‘ниссааран̣аа’’д̇и взд̣̇ид̇аб̣б̣аа. д̇асмаа зд̇арахи сажзби сааман̣зро б̣уд̣̇д̇хасса ваа д̇хаммасса ваа сан̇гхасса ваа аван̣н̣ам̣ бхан̣ад̇и, ‘‘агаббияам̣ габбияа’’нд̇и д̣̇ийбзд̇и, мижчаад̣̇идтиго ход̇и анд̇аг̇г̇аахигааяа д̣̇идтияаа саманнааг̇ад̇о, со яаавад̇ад̇ияам̣ ниваарзд̇ваа д̇ам̣ лад̣̇д̇хим̣ ниссаж̇ж̇аабзд̇аб̣б̣о. но жз виссаж̇ж̇зд̇и, сан̇гхам̣ саннибаад̇зд̇ваа ‘‘виссаж̇ж̇зхий’’д̇и вад̇д̇аб̣б̣о. но жз виссаж̇ж̇зд̇и, б̣яад̇д̇зна бхигкунаа абалоганагаммам̣ гад̇ваа ниссаарзд̇аб̣б̣о. зван̃жа бана гаммам̣ гаад̇аб̣б̣ам̣ –

    495-496. Idāni tesaṃ kammānaṃ pabhedadassanatthaṃ ‘‘apalokanakammaṃ kati ṭhānāni gacchatī’’tiādimāha. Tattha ‘‘apalokanakammaṃ pañca ṭhānāni gacchati – osāraṇaṃ, nissāraṇaṃ, bhaṇḍukammaṃ, brahmadaṇḍaṃ, kammalakkhaṇaññeva pañcama’’nti ettha ‘‘osāraṇaṃ nissāraṇa’’nti padasiliṭṭhatāyetaṃ vuttaṃ. Paṭhamaṃ pana nissāraṇā hoti, pacchā osāraṇā. Tattha yā kaṇṭakasāmaṇerassa daṇḍakammanāsanā, sā ‘‘nissāraṇā’’ti veditabbā. Tasmā etarahi sacepi sāmaṇero buddhassa vā dhammassa vā saṅghassa vā avaṇṇaṃ bhaṇati, ‘‘akappiyaṃ kappiya’’nti dīpeti, micchādiṭṭhiko hoti antaggāhikāya diṭṭhiyā samannāgato, so yāvatatiyaṃ nivāretvā taṃ laddhiṃ nissajjāpetabbo. No ce vissajjeti, saṅghaṃ sannipātetvā ‘‘vissajjehī’’ti vattabbo. No ce vissajjeti, byattena bhikkhunā apalokanakammaṃ katvā nissāretabbo. Evañca pana kammaṃ kātabbaṃ –

    ‘‘сан̇гхам̣, бханд̇з, бужчаами – ‘аяам̣ ид̇т̇аннаамо сааман̣зро б̣уд̣̇д̇хасса д̇хаммасса сан̇гхасса аван̣н̣аваад̣̇ий мижчаад̣̇идтиго, яам̣ ан̃н̃з сааман̣зраа лабханд̇и, д̣̇ирад̇д̇ад̇ирад̇д̇ам̣ бхигкуухи сад̣̇д̇хим̣ сахасзяяам̣, д̇асса алаабхааяа ниссааран̣аа ружжад̇и сан̇гхассаа’д̇и. д̣̇уд̇ияамби… д̇ад̇ияамби, бханд̇з, сан̇гхам̣ бужчаами – ‘аяам̣ ид̇т̇аннаамо сааман̣зро б̣уд̣̇д̇хасса…бз… ружжад̇и сан̇гхассаа’д̇и жара бирз винассаа’’д̇и.

    ‘‘Saṅghaṃ, bhante, pucchāmi – ‘ayaṃ itthannāmo sāmaṇero buddhassa dhammassa saṅghassa avaṇṇavādī micchādiṭṭhiko, yaṃ aññe sāmaṇerā labhanti, dirattatirattaṃ bhikkhūhi saddhiṃ sahaseyyaṃ, tassa alābhāya nissāraṇā ruccati saṅghassā’ti. Dutiyampi… tatiyampi, bhante, saṅghaṃ pucchāmi – ‘ayaṃ itthannāmo sāmaṇero buddhassa…pe… ruccati saṅghassā’ti cara pire vinassā’’ti.

    со абарзна самаязна ‘‘ахам̣, бханд̇з, б̣аалад̇ааяа ан̃н̃аан̣ад̇ааяа алагкигад̇ааяа звам̣ агаасим̣, сваахам̣ сан̇гхам̣ камаабзмий’’д̇и камаабзнд̇о яаавад̇ад̇ияам̣ яаажаабзд̇ваа абалоганагаммзнзва осаарзд̇аб̣б̣о . звам̣ бана осаарзд̇аб̣б̣о, сан̇гхамаж̇жхз б̣яад̇д̇зна бхигкунаа сан̇гхасса анумад̇ияаа саавзд̇аб̣б̣ам̣ –

    So aparena samayena ‘‘ahaṃ, bhante, bālatāya aññāṇatāya alakkhikatāya evaṃ akāsiṃ, svāhaṃ saṅghaṃ khamāpemī’’ti khamāpento yāvatatiyaṃ yācāpetvā apalokanakammeneva osāretabbo . Evaṃ pana osāretabbo, saṅghamajjhe byattena bhikkhunā saṅghassa anumatiyā sāvetabbaṃ –

    ‘‘сан̇гхам̣, бханд̇з, бужчаами – аяам̣ ид̇т̇аннаамо сааман̣зро б̣уд̣̇д̇хасса д̇хаммасса сан̇гхасса аван̣н̣аваад̣̇ий мижчаад̣̇идтиго, яам̣ ан̃н̃з сааман̣зраа лабханд̇и, бхигкуухи сад̣̇д̇хим̣ д̣̇ирад̇д̇ад̇ирад̇д̇ам̣ сахасзяяам̣, д̇асса алаабхааяа ниссаарид̇о, свааяам̣ ид̣̇аани сорад̇о ниваад̇авуд̇д̇и лаж̇ж̇ид̇хаммам̣ огганд̇о хирод̇д̇аббз бад̇идтид̇о гад̇ад̣̇ан̣д̣агаммо ажжаяам̣ д̣̇зсзд̇и, имасса сааман̣зрасса яат̇аа бурз гааяасамбхог̇асаамаг̇г̇ид̣̇аанам̣ ружжад̇и сан̇гхассаа’’д̇и.

    ‘‘Saṅghaṃ, bhante, pucchāmi – ayaṃ itthannāmo sāmaṇero buddhassa dhammassa saṅghassa avaṇṇavādī micchādiṭṭhiko, yaṃ aññe sāmaṇerā labhanti, bhikkhūhi saddhiṃ dirattatirattaṃ sahaseyyaṃ, tassa alābhāya nissārito, svāyaṃ idāni sorato nivātavutti lajjidhammaṃ okkanto hirottappe patiṭṭhito katadaṇḍakammo accayaṃ deseti, imassa sāmaṇerassa yathā pure kāyasambhogasāmaggidānaṃ ruccati saṅghassā’’ti.

    звам̣ д̇игкад̇д̇ум̣ вад̇д̇аб̣б̣ам̣. звам̣ абалоганагаммам̣ осааран̣ан̃жа ниссааран̣ан̃жа г̇ажчад̇и. бхан̣д̣угаммам̣ махааканд̇хагаван̣н̣анааяам̣ вуд̇д̇амзва. б̣рахмад̣̇ан̣д̣о бан̃жасад̇игагканд̇хагз вуд̇д̇оязва. на гзвалам̣ банзса чаннассзва бан̃н̃ад̇д̇о, яо ан̃н̃оби бхигку мукаро ход̇и, бхигкуу д̣̇уруд̇д̇аважанзхи гхаддзнд̇о кум̣сзнд̇о вамбхзнд̇о вихарад̇и, д̇ассаби д̣̇аад̇аб̣б̣о. зван̃жа бана д̣̇аад̇аб̣б̣о, сан̇гхамаж̇жхз б̣яад̇д̇зна бхигкунаа сан̇гхасса анумад̇ияаа саавзд̇аб̣б̣ам̣ –

    Evaṃ tikkhattuṃ vattabbaṃ. Evaṃ apalokanakammaṃ osāraṇañca nissāraṇañca gacchati. Bhaṇḍukammaṃ mahākhandhakavaṇṇanāyaṃ vuttameva. Brahmadaṇḍo pañcasatikakkhandhake vuttoyeva. Na kevalaṃ panesa channasseva paññatto, yo aññopi bhikkhu mukharo hoti, bhikkhū duruttavacanehi ghaṭṭento khuṃsento vambhento viharati, tassapi dātabbo. Evañca pana dātabbo, saṅghamajjhe byattena bhikkhunā saṅghassa anumatiyā sāvetabbaṃ –

    ‘‘бханд̇з, ид̇т̇аннаамо бхигку мукаро, бхигкуу д̣̇уруд̇д̇аважанзхи гхаддзнд̇о вихарад̇и. со бхигку яам̣ ижчзяяа, д̇ам̣ вад̣̇зяяа. бхигкуухи ид̇т̇аннаамо бхигку нзва вад̇д̇аб̣б̣о, на овад̣̇ид̇аб̣б̣о, на анусаасид̇аб̣б̣о. сан̇гхам̣, бханд̇з, бужчаами – ‘ид̇т̇аннаамасса бхигкуно б̣рахмад̣̇ан̣д̣асса д̣̇аанам̣, ружжад̇и сан̇гхассаа’д̇и. д̣̇уд̇ияамби бужчаами, д̇ад̇ияамби бужчаами – ‘ид̇т̇аннаамасса, бханд̇з, бхигкуно б̣рахмад̣̇ан̣д̣асса д̣̇аанам̣, ружжад̇и сан̇гхассаа’’’д̇и.

    ‘‘Bhante, itthannāmo bhikkhu mukharo, bhikkhū duruttavacanehi ghaṭṭento viharati. So bhikkhu yaṃ iccheyya, taṃ vadeyya. Bhikkhūhi itthannāmo bhikkhu neva vattabbo, na ovaditabbo, na anusāsitabbo. Saṅghaṃ, bhante, pucchāmi – ‘itthannāmassa bhikkhuno brahmadaṇḍassa dānaṃ, ruccati saṅghassā’ti. Dutiyampi pucchāmi, tatiyampi pucchāmi – ‘itthannāmassa, bhante, bhikkhuno brahmadaṇḍassa dānaṃ, ruccati saṅghassā’’’ti.

    д̇асса абарзна самаязна саммаа вад̇д̇ид̇ваа камаабзнд̇асса б̣рахмад̣̇ан̣д̣о бадиббассамбхзд̇аб̣б̣о. зван̃жа бана бадиббассамбхзд̇аб̣б̣о, б̣яад̇д̇зна бхигкунаа сан̇гхамаж̇жхз саавзд̇аб̣б̣ам̣ –

    Tassa aparena samayena sammā vattitvā khamāpentassa brahmadaṇḍo paṭippassambhetabbo. Evañca pana paṭippassambhetabbo, byattena bhikkhunā saṅghamajjhe sāvetabbaṃ –

    ‘‘бханд̇з, бхигкусан̇гхо асугасса бхигкуно б̣рахмад̣̇ан̣д̣ам̣ ад̣̇ааси, со бхигку сорад̇о ниваад̇авуд̇д̇и лаж̇ж̇ид̇хаммам̣ огганд̇о хирод̇д̇аббз бад̇идтид̇о, бадисан̇каа ааяад̇им̣ сам̣варз д̇идтад̇и, сан̇гхам̣, бханд̇з, бужчаами, д̇асса бхигкуно б̣рахмад̣̇ан̣д̣асса бадиббассад̣̇д̇хи, ружжад̇и сан̇гхассаа’’д̇и.

    ‘‘Bhante, bhikkhusaṅgho asukassa bhikkhuno brahmadaṇḍaṃ adāsi, so bhikkhu sorato nivātavutti lajjidhammaṃ okkanto hirottappe patiṭṭhito, paṭisaṅkhā āyatiṃ saṃvare tiṭṭhati, saṅghaṃ, bhante, pucchāmi, tassa bhikkhuno brahmadaṇḍassa paṭippassaddhi, ruccati saṅghassā’’ti.

    звам̣ яаавад̇ад̇ияам̣ вад̇ваа абалоганагаммзнзва б̣рахмад̣̇ан̣д̣о бадиббассамбхзд̇аб̣б̣од̇и.

    Evaṃ yāvatatiyaṃ vatvā apalokanakammeneva brahmadaṇḍo paṭippassambhetabboti.

    гаммалагкан̣ан̃н̃зва бан̃жаманд̇и яам̣ д̇ам̣ бхаг̇авад̇аа бхигкунигканд̇хагз ‘‘д̇зна ко бана самаязна чаб̣б̣аг̇г̇ияаа бхигкуу бхигкунияо гад̣̇д̣̇амод̣̇агзна осин̃жанд̇и, ‘аббзва наама амхзсу саараж̇ж̇зяяу’нд̇и, гааяам̣ виварид̇ваа бхигкунийнам̣ д̣̇ассзнд̇и , уурум̣ виварид̇ваа бхигкунийнам̣ д̣̇ассзнд̇и, ан̇г̇аж̇аад̇ам̣ виварид̇ваа бхигкунийнам̣ д̣̇ассзнд̇и, бхигкунияо обхаасзнд̇и, бхигкунийхи сад̣̇д̇хим̣ самбаяож̇знд̇и, ‘аббзва наама амхзсу саараж̇ж̇зяяу’нд̇и. имзсу вад̇т̇уусу д̇зсам̣ бхигкуунам̣ д̣̇уггадам̣ бан̃н̃абзд̇ваа ‘ануж̇аанаами бхигкавз д̇асса бхигкуно д̣̇ан̣д̣агаммам̣ гаад̇у’нд̇и. ат̇а ко бхигкунийнам̣ зд̇ад̣̇ахоси – ‘гим̣ ну ко д̣̇ан̣д̣агаммам̣ гаад̇аб̣б̣а’нд̇и. бхаг̇авад̇о зд̇амад̇т̇ам̣ аарожзсум̣ – ‘аванд̣̇ияо со бхигкавз бхигку бхигкунисан̇гхзна гаад̇аб̣б̣о’’’д̇и звам̣ аванд̣̇ияагаммам̣ анун̃н̃аад̇ам̣, д̇ам̣ гаммалагкан̣ан̃н̃зва бан̃жамам̣ имасса абалоганагаммасса таанам̣ ход̇и. д̇асса хи гамман̃н̃зва лагкан̣ам̣, на осааран̣аад̣̇ийни; д̇асмаа ‘‘гаммалагкан̣а’’нд̇и вужжад̇и. д̇асса гаран̣ам̣ д̇ад̇т̇зва вуд̇д̇ам̣. абижа нам̣ бадиббассад̣̇д̇хияаа сад̣̇д̇хим̣ вид̇т̇аарад̇о д̣̇ассзд̇ум̣ ид̇хааби вад̣̇аама, бхигкунубассаяз саннибад̇ид̇асса бхигкунисан̇гхасса анумад̇ияаа б̣яад̇д̇ааяа бхигкунияаа саавзд̇аб̣б̣ам̣ –

    Kammalakkhaṇaññeva pañcamanti yaṃ taṃ bhagavatā bhikkhunikkhandhake ‘‘tena kho pana samayena chabbaggiyā bhikkhū bhikkhuniyo kaddamodakena osiñcanti, ‘appeva nāma amhesu sārajjeyyu’nti, kāyaṃ vivaritvā bhikkhunīnaṃ dassenti , ūruṃ vivaritvā bhikkhunīnaṃ dassenti, aṅgajātaṃ vivaritvā bhikkhunīnaṃ dassenti, bhikkhuniyo obhāsenti, bhikkhunīhi saddhiṃ sampayojenti, ‘appeva nāma amhesu sārajjeyyu’nti. Imesu vatthūsu tesaṃ bhikkhūnaṃ dukkaṭaṃ paññapetvā ‘anujānāmi bhikkhave tassa bhikkhuno daṇḍakammaṃ kātu’nti. Atha kho bhikkhunīnaṃ etadahosi – ‘kiṃ nu kho daṇḍakammaṃ kātabba’nti. Bhagavato etamatthaṃ ārocesuṃ – ‘avandiyo so bhikkhave bhikkhu bhikkhunisaṅghena kātabbo’’’ti evaṃ avandiyakammaṃ anuññātaṃ, taṃ kammalakkhaṇaññeva pañcamaṃ imassa apalokanakammassa ṭhānaṃ hoti. Tassa hi kammaññeva lakkhaṇaṃ, na osāraṇādīni; tasmā ‘‘kammalakkhaṇa’’nti vuccati. Tassa karaṇaṃ tattheva vuttaṃ. Apica naṃ paṭippassaddhiyā saddhiṃ vitthārato dassetuṃ idhāpi vadāma, bhikkhunupassaye sannipatitassa bhikkhunisaṅghassa anumatiyā byattāya bhikkhuniyā sāvetabbaṃ –

    ‘‘аяяз асуго наама аяяо бхигкунийнам̣ абаасаад̣̇игам̣ д̣̇ассзд̇и, зд̇асса аяяасса аванд̣̇ияагаран̣ам̣ ружжад̇ийд̇и бхигкунисан̇гхам̣ бужчаами, д̣̇уд̇ияамби… д̇ад̇ияамби бхигкунисан̇гхам̣ бужчаамий’’д̇и.

    ‘‘Ayye asuko nāma ayyo bhikkhunīnaṃ apāsādikaṃ dasseti, etassa ayyassa avandiyakaraṇaṃ ruccatīti bhikkhunisaṅghaṃ pucchāmi, dutiyampi… tatiyampi bhikkhunisaṅghaṃ pucchāmī’’ti.

    звам̣ д̇игкад̇д̇ум̣ саавзд̇ваа абалоганагаммзна аванд̣̇ияагаммам̣ гаад̇аб̣б̣ам̣.

    Evaṃ tikkhattuṃ sāvetvā apalokanakammena avandiyakammaṃ kātabbaṃ.

    д̇ад̇о бадтааяа со бхигку бхигкунийхи на ванд̣̇ид̇аб̣б̣о. сажз аванд̣̇ияамаано хирод̇д̇аббам̣ бажжубадтабзд̇ваа саммаа вад̇д̇ад̇и, д̇зна бхигкунияо камаабзд̇аб̣б̣аа. камаабзнд̇зна бхигкунубассаяам̣ аг̇анд̇ваа вихаарзязва сан̇гхам̣ ваа г̇ан̣ам̣ ваа згам̣ бхигкум̣ ваа убасан̇гамид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘ахам̣ бханд̇з бадисан̇каа ааяад̇им̣ сам̣варз д̇идтаами, на буна абаасаад̣̇игам̣ д̣̇ассзссаами, бхигкунисан̇гхо маяхам̣ камад̇уу’’д̇и камаабзд̇аб̣б̣ам̣. д̇зна сан̇гхзна ваа г̇ан̣зна ваа згам̣ бхигкум̣ бзсзд̇ваа згабхигкунаа ваа саяамзва г̇анд̇ваа бхигкунияо вад̇д̇аб̣б̣аа – ‘‘аяам̣ бхигку бадисан̇каа ааяад̇им̣ сам̣варз тид̇о, иминаа ажжаяам̣ д̣̇зсзд̇ваа бхигкунисан̇гхо камаабид̇о, бхигкунисан̇гхо имам̣ ванд̣̇ияам̣ гарод̇уу’’д̇и. со ванд̣̇ияо гаад̇аб̣б̣о. зван̃жа бана гаад̇аб̣б̣о, бхигкунубассаяз саннибад̇ид̇асса бхигкунисан̇гхасса анумад̇ияаа б̣яад̇д̇ааяа бхигкунияаа саавзд̇аб̣б̣ам̣ –

    Tato paṭṭhāya so bhikkhu bhikkhunīhi na vanditabbo. Sace avandiyamāno hirottappaṃ paccupaṭṭhapetvā sammā vattati, tena bhikkhuniyo khamāpetabbā. Khamāpentena bhikkhunupassayaṃ agantvā vihāreyeva saṅghaṃ vā gaṇaṃ vā ekaṃ bhikkhuṃ vā upasaṅkamitvā ukkuṭikaṃ nisīditvā añjaliṃ paggahetvā ‘‘ahaṃ bhante paṭisaṅkhā āyatiṃ saṃvare tiṭṭhāmi, na puna apāsādikaṃ dassessāmi, bhikkhunisaṅgho mayhaṃ khamatū’’ti khamāpetabbaṃ. Tena saṅghena vā gaṇena vā ekaṃ bhikkhuṃ pesetvā ekabhikkhunā vā sayameva gantvā bhikkhuniyo vattabbā – ‘‘ayaṃ bhikkhu paṭisaṅkhā āyatiṃ saṃvare ṭhito, iminā accayaṃ desetvā bhikkhunisaṅgho khamāpito, bhikkhunisaṅgho imaṃ vandiyaṃ karotū’’ti. So vandiyo kātabbo. Evañca pana kātabbo, bhikkhunupassaye sannipatitassa bhikkhunisaṅghassa anumatiyā byattāya bhikkhuniyā sāvetabbaṃ –

    ‘‘аяам̣ аяяз асуго наама аяяо бхигкунийнам̣ абаасаад̣̇игам̣ д̣̇ассзд̇ийд̇и бхигкунисан̇гхзна аванд̣̇ияо гад̇о, со лаж̇ж̇ид̇хаммам̣ оггамид̇ваа бадисан̇каа ааяад̇им̣ сам̣варз тид̇о ажжаяам̣ д̣̇зсзд̇ваа бхигкунисан̇гхам̣ камаабзси, д̇асса аяяасса ванд̣̇ияагаран̣ам̣ ружжад̇ийд̇и бхигкунисан̇гхам̣ бужчаамий’’д̇и –

    ‘‘Ayaṃ ayye asuko nāma ayyo bhikkhunīnaṃ apāsādikaṃ dassetīti bhikkhunisaṅghena avandiyo kato, so lajjidhammaṃ okkamitvā paṭisaṅkhā āyatiṃ saṃvare ṭhito accayaṃ desetvā bhikkhunisaṅghaṃ khamāpesi, tassa ayyassa vandiyakaraṇaṃ ruccatīti bhikkhunisaṅghaṃ pucchāmī’’ti –

    д̇игкад̇д̇ум̣ вад̇д̇аб̣б̣ам̣ звам̣ абалоганагаммзнзва ванд̣̇ияо гаад̇аб̣б̣о.

    Tikkhattuṃ vattabbaṃ evaṃ apalokanakammeneva vandiyo kātabbo.

    аяам̣ банзд̇т̇а баал̣имуд̇д̇агоби гаммалагкан̣авинижчаяо. ид̣̇ан̃хи гаммалагкан̣ам̣ наама бхигкунисан̇гхамуулагам̣ бан̃н̃ад̇д̇ам̣, бхигкусан̇гхассааби банзд̇ам̣ лаб̣бхад̇иязва. яан̃хи бхигкусан̇гхо салаагаг̇г̇аяааг̇аг̇г̇абхад̇д̇аг̇г̇аубосат̇аг̇г̇зсу абалоганагаммам̣ гарод̇и, зд̇амби гаммалагкан̣амзва. ажчиннажийвараж̇ин̣н̣ажийваранадтажийвараанан̃хи сан̇гхам̣ саннибаад̇зд̇ваа б̣яад̇д̇зна бхигкунаа яаавад̇ад̇ияам̣ саавзд̇ваа абалоганагаммам̣ гад̇ваа жийварам̣ д̣̇аад̇ум̣ ваддад̇и. аббамад̇д̇агависсаж̇ж̇агзна бана жийварам̣ гаронд̇асса сзнаасанагканд̇хагаван̣н̣анааяам̣ вуд̇д̇аббабхзд̣̇аани суужиаад̣̇ийни анабалогзд̇вааби д̣̇аад̇аб̣б̣аани. д̇зсам̣ д̣̇аанз соязва иссаро, д̇ад̇о ад̇ирзгам̣ д̣̇знд̇зна абалогзд̇ваа д̣̇аад̇аб̣б̣ам̣. д̇ад̇о хи ад̇ирзгад̣̇аанз сан̇гхо саамий. г̇илаанабхзсаж̇ж̇амби д̇ад̇т̇а вуд̇д̇аббагаарам̣ саяамзва д̣̇аад̇аб̣б̣ам̣. ад̇ирзгам̣ ижчанд̇асса абалогзд̇ваа д̣̇аад̇аб̣б̣ам̣. яоби жа д̣̇уб̣б̣ало ваа чиннирияаабат̇о ваа бажчиннабхигкаажаарабат̇о ваа махааг̇илаано, д̇асса махааваасзсу д̇ад̇руббаад̣̇ад̇о д̣̇звасигам̣ наал̣и ваа убад̣дханаал̣и ваа згад̣̇ивасам̣язва ваа бан̃жа ваа д̣̇аса ваа д̇ан̣д̣уланаал̣ияо д̣̇знд̇зна абалоганагаммам̣ гад̇ваава д̣̇аад̇аб̣б̣аа. бзсаласса бхигкуно д̇ад̇руббаад̣̇ад̇о ин̣абалиб̣од̇хамби б̣ахуссуд̇асса сан̇гхабхааранид̇т̇аарагасса бхигкуно анудтаабанийяасзнаасанамби сан̇гхагижжам̣ гаронд̇аанам̣ габбияагаарагаад̣̇ийнам̣ бхад̇д̇авзд̇анамби абалоганагаммзна д̣̇аад̇ум̣ ваддад̇и.

    Ayaṃ panettha pāḷimuttakopi kammalakkhaṇavinicchayo. Idañhi kammalakkhaṇaṃ nāma bhikkhunisaṅghamūlakaṃ paññattaṃ, bhikkhusaṅghassāpi panetaṃ labbhatiyeva. Yañhi bhikkhusaṅgho salākaggayāgaggabhattaggauposathaggesu apalokanakammaṃ karoti, etampi kammalakkhaṇameva. Acchinnacīvarajiṇṇacīvaranaṭṭhacīvarānañhi saṅghaṃ sannipātetvā byattena bhikkhunā yāvatatiyaṃ sāvetvā apalokanakammaṃ katvā cīvaraṃ dātuṃ vaṭṭati. Appamattakavissajjakena pana cīvaraṃ karontassa senāsanakkhandhakavaṇṇanāyaṃ vuttappabhedāni sūciādīni anapaloketvāpi dātabbāni. Tesaṃ dāne soyeva issaro, tato atirekaṃ dentena apaloketvā dātabbaṃ. Tato hi atirekadāne saṅgho sāmī. Gilānabhesajjampi tattha vuttappakāraṃ sayameva dātabbaṃ. Atirekaṃ icchantassa apaloketvā dātabbaṃ. Yopi ca dubbalo vā chinniriyāpatho vā pacchinnabhikkhācārapatho vā mahāgilāno, tassa mahāvāsesu tatruppādato devasikaṃ nāḷi vā upaḍḍhanāḷi vā ekadivasaṃyeva vā pañca vā dasa vā taṇḍulanāḷiyo dentena apalokanakammaṃ katvāva dātabbā. Pesalassa bhikkhuno tatruppādato iṇapalibodhampi bahussutassa saṅghabhāranitthārakassa bhikkhuno anuṭṭhāpanīyasenāsanampi saṅghakiccaṃ karontānaṃ kappiyakārakādīnaṃ bhattavetanampi apalokanakammena dātuṃ vaṭṭati.

    жад̇убажжаяавасзна д̣̇иннад̇ад̇руббаад̣̇ад̇о сан̇гхигам̣ ааваасам̣ ж̇аг̇г̇аабзд̇ум̣ ваддад̇и. ‘‘аяам̣ бхигку иссаравад̇ааяа вижаарзд̇ий’’д̇и гат̇аабажчинд̣̇анад̇т̇ам̣ бана салаагаг̇г̇аад̣̇ийсу ваа анд̇арасаннибаад̇з ваа сан̇гхам̣ бужчид̇ваава ж̇аг̇г̇аабзд̇аб̣б̣о. жийварабин̣д̣абаад̇ад̇т̇ааяа од̣̇иссад̣̇иннад̇ад̇руббаад̣̇ад̇оби абалогзд̇ваа ааваасо ж̇аг̇г̇аабзд̇аб̣б̣о. анабалогзд̇вааби ваддад̇и. ‘‘сууро вад̇ааяам̣ бхигку жийварабин̣д̣абаад̇ад̇т̇ааяа д̣̇иннад̇о ааваасам̣ ж̇аг̇г̇аабзд̇ий’’д̇и звам̣ уббаннагат̇аабажчзд̣̇анад̇т̇ам̣ бана абалоганагаммамзва гад̇ваа ж̇аг̇г̇аабзд̇аб̣б̣о.

    Catupaccayavasena dinnatatruppādato saṅghikaṃ āvāsaṃ jaggāpetuṃ vaṭṭati. ‘‘Ayaṃ bhikkhu issaravatāya vicāretī’’ti kathāpacchindanatthaṃ pana salākaggādīsu vā antarasannipāte vā saṅghaṃ pucchitvāva jaggāpetabbo. Cīvarapiṇḍapātatthāya odissadinnatatruppādatopi apaloketvā āvāso jaggāpetabbo. Anapaloketvāpi vaṭṭati. ‘‘Sūro vatāyaṃ bhikkhu cīvarapiṇḍapātatthāya dinnato āvāsaṃ jaggāpetī’’ti evaṃ uppannakathāpacchedanatthaṃ pana apalokanakammameva katvā jaggāpetabbo.

    жзд̇ияз чад̇д̇ам̣ ваа взд̣̇игам̣ ваа б̣од̇хигхарам̣ ваа аасанагхарам̣ ваа агад̇ам̣ ваа гаронд̇зна ж̇ин̣н̣ам̣ ваа бадисан̇каронд̇зна суд̇хаагаммам̣ ваа гаронд̇зна мануссз самаад̣̇абзд̇ваа гаад̇ум̣ ваддад̇и. сажз гаараго над̇т̇и, жзд̇ияасса убанигкзбад̇о гаарзд̇аб̣б̣ам̣. убанигкзбзби асад̇и абалоганагаммам̣ гад̇ваа д̇ад̇руббаад̣̇ад̇о гаарзд̇аб̣б̣ам̣, сан̇гхигзнаби. сан̇гхигзна хи абалогзд̇ваа жзд̇ияагижжам̣ гаад̇ум̣ ваддад̇и. жзд̇ияасса санд̇агзна абалогзд̇вааби сан̇гхигагижжам̣ гаад̇ум̣ на ваддад̇и. д̇аавагаалигам̣ бана г̇ахзд̇ваа баагад̇игам̣ гаад̇ум̣ ваддад̇и.

    Cetiye chattaṃ vā vedikaṃ vā bodhigharaṃ vā āsanagharaṃ vā akataṃ vā karontena jiṇṇaṃ vā paṭisaṅkharontena sudhākammaṃ vā karontena manusse samādapetvā kātuṃ vaṭṭati. Sace kārako natthi, cetiyassa upanikkhepato kāretabbaṃ. Upanikkhepepi asati apalokanakammaṃ katvā tatruppādato kāretabbaṃ, saṅghikenapi. Saṅghikena hi apaloketvā cetiyakiccaṃ kātuṃ vaṭṭati. Cetiyassa santakena apaloketvāpi saṅghikakiccaṃ kātuṃ na vaṭṭati. Tāvakālikaṃ pana gahetvā pākatikaṃ kātuṃ vaṭṭati.

    жзд̇ияз суд̇хаагаммаад̣̇ийни гаронд̇зхи бана бхигкаажаарад̇о ваа сан̇гхад̇о ваа яаабанамад̇д̇ам̣ алабханд̇зхи жзд̇ияасанд̇агад̇о яаабанамад̇д̇ам̣ г̇ахзд̇ваа барибхун̃ж̇анд̇зхи вад̇д̇ам̣ гаад̇ум̣ ваддад̇и, ‘‘вад̇д̇ам̣ гаромаа’’д̇и мажчамам̣саад̣̇ийхи сан̇гхабхад̇д̇ам̣ гаад̇ум̣ на ваддад̇и. яз вихаарз робид̇аа паларугкаа сан̇гхзна бариг̇г̇ахид̇аа хонд̇и, ж̇аг̇г̇анагаммам̣ лабханд̇и, язсам̣ палаани гхан̣дим̣ бахарид̇ваа бхааж̇зд̇ваа барибхун̃ж̇анд̇и, д̇зсу абалоганагаммам̣ на гаад̇аб̣б̣ам̣. яз бана абариг̇г̇ахид̇аа, д̇зсу абалоганагаммам̣ гаад̇аб̣б̣ам̣. д̇ам̣ бана салаагаг̇г̇аяааг̇аг̇г̇абхад̇д̇аг̇г̇аанд̇арасаннибаад̇зсуби гаад̇ум̣ ваддад̇и, убосат̇аг̇г̇з бана ваддад̇иязва. д̇ад̇т̇а хи анааг̇ад̇аанамби чанд̣̇абаарисуд̣̇д̇хи аахарияад̇и, д̇асмаа д̇ам̣ сувисод̇хид̇ам̣ ход̇и.

    Cetiye sudhākammādīni karontehi pana bhikkhācārato vā saṅghato vā yāpanamattaṃ alabhantehi cetiyasantakato yāpanamattaṃ gahetvā paribhuñjantehi vattaṃ kātuṃ vaṭṭati, ‘‘vattaṃ karomā’’ti macchamaṃsādīhi saṅghabhattaṃ kātuṃ na vaṭṭati. Ye vihāre ropitā phalarukkhā saṅghena pariggahitā honti, jagganakammaṃ labhanti, yesaṃ phalāni ghaṇṭiṃ paharitvā bhājetvā paribhuñjanti, tesu apalokanakammaṃ na kātabbaṃ. Ye pana apariggahitā, tesu apalokanakammaṃ kātabbaṃ. Taṃ pana salākaggayāgaggabhattaggaantarasannipātesupi kātuṃ vaṭṭati, uposathagge pana vaṭṭatiyeva. Tattha hi anāgatānampi chandapārisuddhi āhariyati, tasmā taṃ suvisodhitaṃ hoti.

    зван̃жа бана гаад̇аб̣б̣ам̣, б̣яад̇д̇зна бхигкунаа бхигкусан̇гхасса анумад̇ияаа саавзд̇аб̣б̣ам̣ –

    Evañca pana kātabbaṃ, byattena bhikkhunā bhikkhusaṅghassa anumatiyā sāvetabbaṃ –

    ‘‘бханд̇з, яам̣ имасмим̣ вихаарз анд̇осиймааяа сан̇гхасанд̇агам̣ муулад̇ажабад̇д̇аан̇гурабубпапалакаад̣̇анийяаад̣̇и ад̇т̇и, д̇ам̣ саб̣б̣ам̣ ааг̇ад̇ааг̇ад̇аанам̣ бхигкуунам̣ яат̇аасукам̣ барибхун̃ж̇ид̇ум̣ ружжад̇ийд̇и сан̇гхам̣ бужчаамий’’д̇и д̇игкад̇д̇ум̣ бужчид̇аб̣б̣ам̣.

    ‘‘Bhante, yaṃ imasmiṃ vihāre antosīmāya saṅghasantakaṃ mūlatacapattaaṅkurapupphaphalakhādanīyādi atthi, taṃ sabbaṃ āgatāgatānaṃ bhikkhūnaṃ yathāsukhaṃ paribhuñjituṃ ruccatīti saṅghaṃ pucchāmī’’ti tikkhattuṃ pucchitabbaṃ.

    жад̇уухи бан̃жахи бхигкуухи гад̇ам̣ сугад̇амзва. яасмим̣ вихаарз д̣̇вз д̇аяо ж̇анаа васанд̇и, д̇зхи нисийд̣̇ид̇ваа гад̇амби сан̇гхзна гад̇асад̣̇исамзва. яасмим̣ бана вихаарз зго бхигку ход̇и, д̇зна бхигкунаа убосат̇ад̣̇ивасз буб̣б̣агаран̣абуб̣б̣агижжам̣ гад̇ваа нисиннзна гад̇амби гад̇игавад̇д̇ам̣ сан̇гхзна гад̇асад̣̇исамзва ход̇и.

    Catūhi pañcahi bhikkhūhi kataṃ sukatameva. Yasmiṃ vihāre dve tayo janā vasanti, tehi nisīditvā katampi saṅghena katasadisameva. Yasmiṃ pana vihāre eko bhikkhu hoti, tena bhikkhunā uposathadivase pubbakaraṇapubbakiccaṃ katvā nisinnena katampi katikavattaṃ saṅghena katasadisameva hoti.

    гаронд̇зна бана палаваарзна гаад̇умби жад̇д̇ааро маасз ча маасз згасам̣важчаранд̇и звам̣ барижчинд̣̇ид̇вааби абарижчинд̣̇ид̇вааби гаад̇ум̣ ваддад̇и. барижчиннз яат̇аабарижчзд̣̇ам̣ барибхун̃ж̇ид̇ваа буна гаад̇аб̣б̣ам̣. абарижчиннз яаава ругкаа д̇харанд̇и д̇аава ваддад̇иязва. язби д̇зсам̣ ругкаанам̣ б̣ийж̇зхи ан̃н̃з ругкаа робид̇аа хонд̇и, д̇зсамби саа зва гад̇игаа.

    Karontena pana phalavārena kātumpi cattāro māse cha māse ekasaṃvaccharanti evaṃ paricchinditvāpi aparicchinditvāpi kātuṃ vaṭṭati. Paricchinne yathāparicchedaṃ paribhuñjitvā puna kātabbaṃ. Aparicchinne yāva rukkhā dharanti tāva vaṭṭatiyeva. Yepi tesaṃ rukkhānaṃ bījehi aññe rukkhā ropitā honti, tesampi sā eva katikā.

    сажз бана ан̃н̃асмим̣ вихаарз робид̇аа хонд̇и, д̇зсам̣ яад̇т̇а робид̇аа, д̇асмим̣язва вихаарз сан̇гхо саамий. язби ан̃н̃ад̇о б̣ийж̇аани аахарид̇ваа буримавихаарз бажчаа робид̇аа, д̇зсу ан̃н̃аа гад̇игаа гаад̇аб̣б̣аа. гад̇игааяа гад̇ааяа буг̇г̇алигадтаанз д̇идтанд̇и, яат̇аасукам̣ палаад̣̇ийни барибхун̃ж̇ид̇ум̣ ваддад̇и. сажз банзд̇т̇а д̇ам̣ д̇ам̣ огаасам̣ баригкибид̇ваа баривзн̣аани гад̇ваа ж̇аг̇г̇анд̇и, д̇зсам̣ бхигкуунам̣ буг̇г̇алигадтаанз д̇идтанд̇и. ан̃н̃з барибхун̃ж̇ид̇ум̣ на лабханд̇и, д̇зхи бана сан̇гхасса д̣̇асабхааг̇ам̣ д̣̇ад̇ваа барибхун̃ж̇ид̇аб̣б̣аани. яоби маж̇жхзвихаарз ругкам̣ саакаахи бариваарзд̇ваа рагкад̇и, д̇ассааби зсзва наяо.

    Sace pana aññasmiṃ vihāre ropitā honti, tesaṃ yattha ropitā, tasmiṃyeva vihāre saṅgho sāmī. Yepi aññato bījāni āharitvā purimavihāre pacchā ropitā, tesu aññā katikā kātabbā. Katikāya katāya puggalikaṭṭhāne tiṭṭhanti, yathāsukhaṃ phalādīni paribhuñjituṃ vaṭṭati. Sace panettha taṃ taṃ okāsaṃ parikkhipitvā pariveṇāni katvā jagganti, tesaṃ bhikkhūnaṃ puggalikaṭṭhāne tiṭṭhanti. Aññe paribhuñjituṃ na labhanti, tehi pana saṅghassa dasabhāgaṃ datvā paribhuñjitabbāni. Yopi majjhevihāre rukkhaṃ sākhāhi parivāretvā rakkhati, tassāpi eseva nayo.

    бораан̣авихаарам̣ г̇ад̇асса самбхааванийяабхигкуно ‘‘т̇зро ааг̇ад̇о’’д̇и палаапалам̣ аахаранд̇и, сажз д̇ад̇т̇а муулз саб̣б̣абарияад̇д̇ид̇харо б̣ахуссуд̇абхигку вихааси, ‘‘ад̣̇д̇хаа зд̇т̇а д̣̇ийгхаа гад̇игаа гад̇аа бхависсад̇ий’’д̇и ниггуггужжзна барибхун̃ж̇ид̇аб̣б̣ам̣. вихаарз палаапалам̣ бин̣д̣абаад̇игаанамби ваддад̇и, д̇худ̇ан̇г̇ам̣ на гобзд̇и. сааман̣зраа ад̇д̇ано аажарияубаж̇жхааяаанам̣ б̣ахууни палаани д̣̇знд̇и, ан̃н̃з бхигкуу алабханд̇аа кияяанд̇и, кияяанамад̇д̇амзва жзд̇ам̣ ход̇и.

    Porāṇavihāraṃ gatassa sambhāvanīyabhikkhuno ‘‘thero āgato’’ti phalāphalaṃ āharanti, sace tattha mūle sabbapariyattidharo bahussutabhikkhu vihāsi, ‘‘addhā ettha dīghā katikā katā bhavissatī’’ti nikkukkuccena paribhuñjitabbaṃ. Vihāre phalāphalaṃ piṇḍapātikānampi vaṭṭati, dhutaṅgaṃ na kopeti. Sāmaṇerā attano ācariyupajjhāyānaṃ bahūni phalāni denti, aññe bhikkhū alabhantā khiyyanti, khiyyanamattameva cetaṃ hoti.

    сажз бана д̣̇уб̣бхигкам̣ ход̇и, згам̣ банасаругкам̣ ниссааяа садтиби ж̇анаа ж̇ийванд̇и, д̇аад̣̇исз гаалз саб̣б̣зсам̣ сан̇г̇ахагаран̣ад̇т̇ааяа бхааж̇зд̇ваа каад̣̇ид̇аб̣б̣ам̣, аяам̣ саамийжи. яаава бана гад̇игавад̇д̇ам̣ на бадиббассамбхад̇и, д̇аава д̇зхи кааяид̇ам̣ сукааяид̇амзва. гад̣̇аа бана гад̇игавад̇д̇ам̣ бадиббассамбхад̇и? яад̣̇аа самаг̇г̇о сан̇гхо саннибад̇ид̇ваа ‘‘ид̇о бадтааяа бхааж̇зд̇ваа каад̣̇анд̇уу’’д̇и саавзд̇и. згабхигкугз бана вихаарз згзна саавид̇зби буримагад̇игаа бадиббассамбхад̇иязва. сажз бадиббассад̣̇д̇хааяа гад̇игааяа сааман̣зраа нзва ругкад̇о баад̇знд̇и, на бхуумид̇о г̇ахзд̇ваа бхигкуунам̣ д̣̇знд̇и, бад̇ид̇апалаани баад̣̇зхи бахаранд̇аа вижаранд̇и, д̇зсам̣ д̣̇асабхааг̇ад̇о бадтааяа яаава убад̣дхапалабхааг̇зна паад̇игаммам̣ гаад̇аб̣б̣ам̣. ад̣̇д̇хаа паад̇игаммалобхзна аахарид̇ваа д̣̇ассанд̇и. буна субхигкз ж̇аад̇з габбияагаарагзсу ааг̇анд̇ваа саакаабариваараад̣̇ийни гад̇ваа ругкз рагканд̇зсу сааман̣зраанам̣ паад̇игаммам̣ на д̣̇аад̇аб̣б̣ам̣, бхааж̇зд̇ваа барибхун̃ж̇ид̇аб̣б̣ам̣.

    Sace pana dubbhikkhaṃ hoti, ekaṃ panasarukkhaṃ nissāya saṭṭhipi janā jīvanti, tādise kāle sabbesaṃ saṅgahakaraṇatthāya bhājetvā khāditabbaṃ, ayaṃ sāmīci. Yāva pana katikavattaṃ na paṭippassambhati, tāva tehi khāyitaṃ sukhāyitameva. Kadā pana katikavattaṃ paṭippassambhati? Yadā samaggo saṅgho sannipatitvā ‘‘ito paṭṭhāya bhājetvā khādantū’’ti sāveti. Ekabhikkhuke pana vihāre ekena sāvitepi purimakatikā paṭippassambhatiyeva. Sace paṭippassaddhāya katikāya sāmaṇerā neva rukkhato pātenti, na bhūmito gahetvā bhikkhūnaṃ denti, patitaphalāni pādehi paharantā vicaranti, tesaṃ dasabhāgato paṭṭhāya yāva upaḍḍhaphalabhāgena phātikammaṃ kātabbaṃ. Addhā phātikammalobhena āharitvā dassanti. Puna subhikkhe jāte kappiyakārakesu āgantvā sākhāparivārādīni katvā rukkhe rakkhantesu sāmaṇerānaṃ phātikammaṃ na dātabbaṃ, bhājetvā paribhuñjitabbaṃ.

    ‘‘вихаарз палаапалам̣ ад̇т̇ий’’д̇и сааманд̇аг̇аамзхи мануссаа г̇илаанаанам̣ ваа г̇аб̣бхинийнам̣ ваа ад̇т̇ааяа ааг̇анд̇ваа ‘‘згам̣ наал̣игзрам̣ д̣̇зт̇а, амб̣ам̣ д̣̇зт̇а, лаб̣уж̇ам̣ д̣̇зт̇аа’’д̇и яаажанд̇и, д̣̇аад̇аб̣б̣ам̣ на д̣̇аад̇аб̣б̣анд̇и? д̣̇аад̇аб̣б̣ам̣. ад̣̇ийяамаанз хи д̇з д̣̇оманассигаа хонд̇и, д̣̇знд̇зна бана сан̇гхам̣ саннибаад̇зд̇ваа яаавад̇ад̇ияам̣ саавзд̇ваа абалоганагаммам̣ гад̇ваава д̣̇аад̇аб̣б̣ам̣, гад̇игавад̇д̇ам̣ ваа гад̇ваа табзд̇аб̣б̣ам̣, зван̃жа бана гаад̇аб̣б̣ам̣, б̣яад̇д̇зна бхигкунаа сан̇гхасса анумад̇ияаа саавзд̇аб̣б̣ам̣ –

    ‘‘Vihāre phalāphalaṃ atthī’’ti sāmantagāmehi manussā gilānānaṃ vā gabbhinīnaṃ vā atthāya āgantvā ‘‘ekaṃ nāḷikeraṃ detha, ambaṃ detha, labujaṃ dethā’’ti yācanti, dātabbaṃ na dātabbanti? Dātabbaṃ. Adīyamāne hi te domanassikā honti, dentena pana saṅghaṃ sannipātetvā yāvatatiyaṃ sāvetvā apalokanakammaṃ katvāva dātabbaṃ, katikavattaṃ vā katvā ṭhapetabbaṃ, evañca pana kātabbaṃ, byattena bhikkhunā saṅghassa anumatiyā sāvetabbaṃ –

    ‘‘сааманд̇аг̇аамзхи мануссаа ааг̇анд̇ваа г̇илаанаад̣̇ийнам̣ ад̇т̇ааяа палаапалам̣ яаажанд̇и, д̣̇вз наал̣игзраани, д̣̇вз д̇аалапалаани, д̣̇вз банасаани, бан̃жа амб̣аани, бан̃жа гад̣̇алипалаани г̇ан̣ханд̇аанам̣ анивааран̣ам̣, асугаругкад̇о жа асугаругкад̇о жа палам̣ г̇ан̣ханд̇аанам̣ анивааран̣ам̣ ружжад̇и бхигкусан̇гхассаа’’д̇и д̇игкад̇д̇ум̣ вад̇д̇аб̣б̣ам̣.

    ‘‘Sāmantagāmehi manussā āgantvā gilānādīnaṃ atthāya phalāphalaṃ yācanti, dve nāḷikerāni, dve tālaphalāni, dve panasāni, pañca ambāni, pañca kadaliphalāni gaṇhantānaṃ anivāraṇaṃ, asukarukkhato ca asukarukkhato ca phalaṃ gaṇhantānaṃ anivāraṇaṃ ruccati bhikkhusaṅghassā’’ti tikkhattuṃ vattabbaṃ.

    д̇ад̇о бадтааяа г̇илаанаад̣̇ийнам̣ наамам̣ г̇ахзд̇ваа яаажанд̇аа ‘‘г̇ан̣хат̇аа’’д̇и на вад̇д̇аб̣б̣аа, вад̇д̇ам̣ бана аажигкид̇аб̣б̣ам̣ – ‘‘наал̣игзраад̣̇ийни иминаа наама барижчзд̣̇зна г̇ан̣ханд̇аанам̣ асугаругкад̇о жа асугаругкад̇о жа палам̣ г̇ан̣ханд̇аанам̣ анивааран̣ам̣ гад̇а’’нд̇и. анувижарид̇ваа бана ‘‘аяам̣ мад̇хурапало амб̣о, ид̇о г̇ан̣хат̇аа’’д̇иби на вад̇д̇аб̣б̣аа. палабхааж̇анагаалз бана ааг̇ад̇аанам̣ саммад̇зна убад̣дхабхааг̇о д̣̇аад̇аб̣б̣о, асаммад̇зна абалогзд̇ваа д̣̇аад̇аб̣б̣ам̣.

    Tato paṭṭhāya gilānādīnaṃ nāmaṃ gahetvā yācantā ‘‘gaṇhathā’’ti na vattabbā, vattaṃ pana ācikkhitabbaṃ – ‘‘nāḷikerādīni iminā nāma paricchedena gaṇhantānaṃ asukarukkhato ca asukarukkhato ca phalaṃ gaṇhantānaṃ anivāraṇaṃ kata’’nti. Anuvicaritvā pana ‘‘ayaṃ madhuraphalo ambo, ito gaṇhathā’’tipi na vattabbā. Phalabhājanakāle pana āgatānaṃ sammatena upaḍḍhabhāgo dātabbo, asammatena apaloketvā dātabbaṃ.

    кийн̣абариб̣б̣аяо ваа маг̇г̇аг̇амияасад̇т̇аваахо ваа ан̃н̃о ваа иссаро ааг̇анд̇ваа яаажад̇и, абалогзд̇ваава д̣̇аад̇аб̣б̣ам̣. б̣алаггаарзна г̇ахзд̇ваа каад̣̇анд̇о на ваарзд̇аб̣б̣о. гуд̣̇д̇хо хи со ругкзби чинд̣̇зяяа, ан̃н̃амби анад̇т̇ам̣ гарзяяа. буг̇г̇алигабаривзн̣ам̣ ааг̇анд̇ваа г̇илаанасса г̇аамзна яаажанд̇о ‘‘амхзхи чааяаад̣̇ийнам̣ ад̇т̇ааяа робид̇ам̣, сажз ад̇т̇и, д̇умхз ж̇аанаат̇аа’’д̇и вад̇д̇аб̣б̣о. яад̣̇и бана палабхарид̇аава ругкаа хонд̇и, ган̣дагз б̣анд̇хид̇ваа палаваарзна каад̣̇анд̇и, абажжаасийсанд̇зна худ̇ваа д̣̇аад̇аб̣б̣ам̣. б̣алаггаарзна г̇ан̣ханд̇о на ваарзд̇аб̣б̣о, буб̣б̣з вуд̇д̇амзвзд̇т̇а гааран̣ам̣.

    Khīṇaparibbayo vā maggagamiyasatthavāho vā añño vā issaro āgantvā yācati, apaloketvāva dātabbaṃ. Balakkārena gahetvā khādanto na vāretabbo. Kuddho hi so rukkhepi chindeyya, aññampi anatthaṃ kareyya. Puggalikapariveṇaṃ āgantvā gilānassa gāmena yācanto ‘‘amhehi chāyādīnaṃ atthāya ropitaṃ, sace atthi, tumhe jānāthā’’ti vattabbo. Yadi pana phalabharitāva rukkhā honti, kaṇṭake bandhitvā phalavārena khādanti, apaccāsīsantena hutvā dātabbaṃ. Balakkārena gaṇhanto na vāretabbo, pubbe vuttamevettha kāraṇaṃ.

    сан̇гхасса палаараамо ход̇и, бадиж̇аг̇г̇анам̣ на лабхад̇и, сажз д̇ам̣ гожи вад̇д̇асийсзна ж̇аг̇г̇ад̇и, сан̇гхассзва ход̇и. ат̇ааби гассажи бадиб̣аласса бхигкуно ‘‘имам̣ саббуриса ж̇аг̇г̇ид̇ваа д̣̇зхий’’д̇и сан̇гхо бхаарам̣ гарод̇и, со жз вад̇д̇асийсзна ж̇аг̇г̇ад̇и, звамби сан̇гхассзва ход̇и. паад̇игаммам̣ бажжаасийсанд̇асса бана д̇ад̇ияабхааг̇зна ваа убад̣дхабхааг̇зна ваа паад̇игаммам̣ гаад̇аб̣б̣ам̣. ‘‘бхаарияам̣ гамма’’нд̇и вад̇ваа зд̇д̇агзна анижчанд̇о бана саб̣б̣ам̣ д̇авзва санд̇агам̣ гад̇ваа ‘‘муулабхааг̇ам̣ д̣̇асабхааг̇амад̇д̇ам̣ д̣̇ад̇ваа ж̇аг̇г̇аахий’’д̇иби вад̇д̇аб̣б̣о. г̇арубхан̣д̣ад̇д̇аа бана муулажчзж̇ж̇авасзна на д̣̇аад̇аб̣б̣ам̣. со муулабхааг̇ам̣ д̣̇ад̇ваа каад̣̇анд̇о агад̇ааваасам̣ ваа гад̇ваа гад̇ааваасам̣ ваа ж̇аг̇г̇ид̇ваа ниссид̇агаанам̣ аараамам̣ нияяаад̣̇зд̇и, д̇зхиби муулабхааг̇о д̣̇аад̇аб̣б̣ова. яад̣̇аа бана бхигкуу саяам̣ ж̇аг̇г̇ид̇ум̣ бахонд̇и, ат̇а д̇зсам̣ ж̇аг̇г̇ид̇ун̃жа на д̣̇аад̇аб̣б̣ам̣, ж̇аг̇г̇ид̇агаалз жа на ваарзд̇аб̣б̣аа, ж̇аг̇г̇анагаалзязва ваарзд̇аб̣б̣аа. ‘‘б̣ахум̣ д̇умхзхи кааяид̇ам̣, ид̣̇аани маа ж̇аг̇г̇ид̇т̇а, бхигкусан̇гхоязва ж̇аг̇г̇иссад̇ий’’д̇и вад̇д̇аб̣б̣ам̣.

    Saṅghassa phalārāmo hoti, paṭijagganaṃ na labhati, sace taṃ koci vattasīsena jaggati, saṅghasseva hoti. Athāpi kassaci paṭibalassa bhikkhuno ‘‘imaṃ sappurisa jaggitvā dehī’’ti saṅgho bhāraṃ karoti, so ce vattasīsena jaggati, evampi saṅghasseva hoti. Phātikammaṃ paccāsīsantassa pana tatiyabhāgena vā upaḍḍhabhāgena vā phātikammaṃ kātabbaṃ. ‘‘Bhāriyaṃ kamma’’nti vatvā ettakena anicchanto pana sabbaṃ taveva santakaṃ katvā ‘‘mūlabhāgaṃ dasabhāgamattaṃ datvā jaggāhī’’tipi vattabbo. Garubhaṇḍattā pana mūlacchejjavasena na dātabbaṃ. So mūlabhāgaṃ datvā khādanto akatāvāsaṃ vā katvā katāvāsaṃ vā jaggitvā nissitakānaṃ ārāmaṃ niyyādeti, tehipi mūlabhāgo dātabbova. Yadā pana bhikkhū sayaṃ jaggituṃ pahonti, atha tesaṃ jaggituñca na dātabbaṃ, jaggitakāle ca na vāretabbā, jagganakāleyeva vāretabbā. ‘‘Bahuṃ tumhehi khāyitaṃ, idāni mā jaggittha, bhikkhusaṅghoyeva jaggissatī’’ti vattabbaṃ.

    сажз бана нзва вад̇д̇асийсзна ж̇аг̇г̇анд̇о ад̇т̇и, на паад̇игаммзна, на сан̇гхо ж̇аг̇г̇ид̇ум̣ баход̇и, зго анаабужчид̇ваава ж̇аг̇г̇ид̇ваа паад̇игаммам̣ вад̣дхзд̇ваа бажжаасийсад̇и, абалоганагаммзна паад̇игаммам̣ вад̣дхзд̇ваа д̣̇аад̇аб̣б̣ам̣. ид̇и имам̣ саб̣б̣амби гаммалагкан̣амзва ход̇и. абалоганагаммам̣ имаани бан̃жа таанаани г̇ажчад̇и.

    Sace pana neva vattasīsena jagganto atthi, na phātikammena, na saṅgho jaggituṃ pahoti, eko anāpucchitvāva jaggitvā phātikammaṃ vaḍḍhetvā paccāsīsati, apalokanakammena phātikammaṃ vaḍḍhetvā dātabbaṃ. Iti imaṃ sabbampi kammalakkhaṇameva hoti. Apalokanakammaṃ imāni pañca ṭhānāni gacchati.

    н̃ад̇д̇игаммадтаанабхзд̣̇з бана ‘‘сун̣аад̇у мз бханд̇з сан̇гхо, ид̇т̇аннаамо ид̇т̇аннаамасса ааяасмад̇о убасамбад̣̇аабзгко, анусидто со маяаа. яад̣̇и сан̇гхасса бад̇д̇агаллам̣, ид̇т̇аннаамо ааг̇ажчзяяаад̇и, ааг̇ажчаахийд̇и вад̇д̇аб̣б̣о’’д̇и звам̣ убасамбад̣̇аабзгкасса осааран̣аа осааран̣аа наама.

    Ñattikammaṭṭhānabhede pana ‘‘suṇātu me bhante saṅgho, itthannāmo itthannāmassa āyasmato upasampadāpekkho, anusiṭṭho so mayā. Yadi saṅghassa pattakallaṃ, itthannāmo āgaccheyyāti, āgacchāhīti vattabbo’’ti evaṃ upasampadāpekkhassa osāraṇā osāraṇā nāma.

    ‘‘сун̣анд̇у мз ааяасманд̇аа, аяам̣ ид̇т̇аннаамо бхигку д̇хаммагат̇иго имасса нзва суд̇д̇ам̣ ааг̇ажчад̇и, но суд̇д̇авибхан̇г̇о, со ад̇т̇ам̣ асаллагкзд̇ваа б̣яан̃ж̇анажчааяааяа ад̇т̇ам̣ бадиб̣аахад̇и. яад̣̇ааяасманд̇аанам̣ бад̇д̇агаллам̣, ид̇т̇аннаамам̣ бхигкум̣ вудтаабзд̇ваа авасзсаа имам̣ ад̇хигаран̣ам̣ вуубасамзяяаамаа’’д̇и звам̣ уб̣б̣аахигаавинижчаяз д̇хаммагат̇игасса бхигкуно ниссааран̣аа ниссааран̣аа наама.

    ‘‘Suṇantu me āyasmantā, ayaṃ itthannāmo bhikkhu dhammakathiko imassa neva suttaṃ āgacchati, no suttavibhaṅgo, so atthaṃ asallakkhetvā byañjanacchāyāya atthaṃ paṭibāhati. Yadāyasmantānaṃ pattakallaṃ, itthannāmaṃ bhikkhuṃ vuṭṭhāpetvā avasesā imaṃ adhikaraṇaṃ vūpasameyyāmā’’ti evaṃ ubbāhikāvinicchaye dhammakathikassa bhikkhuno nissāraṇā nissāraṇā nāma.

    ‘‘сун̣аад̇у мз бханд̇з сан̇гхо, аж̇ж̇убосат̇о баннарасо. яад̣̇и сан̇гхасса бад̇д̇агаллам̣, сан̇гхо убосат̇ам̣ гарзяяаа’’д̇и звам̣ убосат̇агаммавасзна табид̇аа н̃ад̇д̇и убосат̇о наама.

    ‘‘Suṇātu me bhante saṅgho, ajjuposatho pannaraso. Yadi saṅghassa pattakallaṃ, saṅgho uposathaṃ kareyyā’’ti evaṃ uposathakammavasena ṭhapitā ñatti uposatho nāma.

    ‘‘сун̣аад̇у мз бханд̇з сан̇гхо, аж̇ж̇а бавааран̣аа баннарасий. яад̣̇и сан̇гхасса бад̇д̇агаллам̣, сан̇гхо баваарзяяаа’’д̇и звам̣ бавааран̣аагаммавасзна табид̇аа н̃ад̇д̇и бавааран̣аа наама.

    ‘‘Suṇātu me bhante saṅgho, ajja pavāraṇā pannarasī. Yadi saṅghassa pattakallaṃ, saṅgho pavāreyyā’’ti evaṃ pavāraṇākammavasena ṭhapitā ñatti pavāraṇā nāma.

    ‘‘сун̣аад̇у мз бханд̇з сан̇гхо, ид̇т̇аннаамо ид̇т̇аннаамасса ааяасмад̇о убасамбад̣̇аабзгко. яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ анусаасзяяа’’нд̇и. ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ анусаасзяяаа’’д̇и. ‘‘яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ анд̇арааяигз д̇хаммз бужчзяяа’’нд̇и. ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ анд̇арааяигз д̇хаммз бужчзяяаа’’д̇и. ‘‘яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ винаяам̣ бужчзяяа’’нд̇и. ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ винаяам̣ бужчзяяаа’’д̇и. ‘‘яад̣̇и сан̇гхасса бад̇д̇агаллам̣, ахам̣ ид̇т̇аннаамзна винаяам̣ будто виссаж̇ж̇зяяа’’нд̇и. ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамзна винаяам̣ будто виссаж̇ж̇зяяаа’’д̇и звам̣ ад̇д̇аанам̣ ваа барам̣ ваа самманнид̇ум̣ табид̇аа н̃ад̇д̇и саммуд̇и наама.

    ‘‘Suṇātu me bhante saṅgho, itthannāmo itthannāmassa āyasmato upasampadāpekkho. Yadi saṅghassa pattakallaṃ, ahaṃ itthannāmaṃ anusāseyya’’nti. ‘‘Yadi saṅghassa pattakallaṃ, itthannāmo itthannāmaṃ anusāseyyā’’ti. ‘‘Yadi saṅghassa pattakallaṃ, ahaṃ itthannāmaṃ antarāyike dhamme puccheyya’’nti. ‘‘Yadi saṅghassa pattakallaṃ, itthannāmo itthannāmaṃ antarāyike dhamme puccheyyā’’ti. ‘‘Yadi saṅghassa pattakallaṃ, ahaṃ itthannāmaṃ vinayaṃ puccheyya’’nti. ‘‘Yadi saṅghassa pattakallaṃ, itthannāmo itthannāmaṃ vinayaṃ puccheyyā’’ti. ‘‘Yadi saṅghassa pattakallaṃ, ahaṃ itthannāmena vinayaṃ puṭṭho vissajjeyya’’nti. ‘‘Yadi saṅghassa pattakallaṃ, itthannāmo itthannāmena vinayaṃ puṭṭho vissajjeyyā’’ti evaṃ attānaṃ vā paraṃ vā sammannituṃ ṭhapitā ñatti sammuti nāma.

    ‘‘сун̣аад̇у мз бханд̇з сан̇гхо, ид̣̇ам̣ жийварам̣ ид̇т̇аннаамасса бхигкуно ниссаг̇г̇ияам̣ сан̇гхасса ниссадтам̣. яад̣̇и сан̇гхасса бад̇д̇агаллам̣, сан̇гхо имам̣ жийварам̣ ид̇т̇аннаамасса бхигкуно д̣̇ад̣̇зяяаа’’д̇и. ‘‘яад̣̇ааяасманд̇аанам̣ бад̇д̇агаллам̣, ааяасманд̇аа имам̣ жийварам̣ ид̇т̇аннаамасса бхигкуно д̣̇ад̣̇зяяу’’нд̇и звам̣ ниссадтажийварабад̇д̇аад̣̇ийнам̣ д̣̇аанам̣ д̣̇аанам̣ наама.

    ‘‘Suṇātu me bhante saṅgho, idaṃ cīvaraṃ itthannāmassa bhikkhuno nissaggiyaṃ saṅghassa nissaṭṭhaṃ. Yadi saṅghassa pattakallaṃ, saṅgho imaṃ cīvaraṃ itthannāmassa bhikkhuno dadeyyā’’ti. ‘‘Yadāyasmantānaṃ pattakallaṃ, āyasmantā imaṃ cīvaraṃ itthannāmassa bhikkhuno dadeyyu’’nti evaṃ nissaṭṭhacīvarapattādīnaṃ dānaṃ dānaṃ nāma.

    ‘‘сун̣аад̇у мз бханд̇з сан̇гхо, аяам̣ ид̇т̇аннаамо бхигку аабад̇д̇им̣ сарад̇и, виварад̇и, уд̇д̇ааним̣ гарод̇и, д̣̇зсзд̇и. яад̣̇и сан̇гхасса бад̇д̇агаллам̣, ахам̣ ид̇т̇аннаамасса бхигкуно аабад̇д̇им̣ бадиг̇г̇ан̣хзяяанд̇и. яад̣̇ааяасманд̇аанам̣ бад̇д̇агаллам̣, ахам̣ ид̇т̇аннаамасса бхигкуно аабад̇д̇им̣ бадиг̇г̇ан̣хзяяа’’нд̇и. д̇зна вад̇д̇аб̣б̣о ‘‘бассасий’’д̇и. ‘‘аама бассаамий’’д̇и. ааяад̇им̣ сам̣варзяяаасийд̇и звам̣ аабад̇д̇ибадиг̇г̇ахо бадиг̇г̇ахо наама.

    ‘‘Suṇātu me bhante saṅgho, ayaṃ itthannāmo bhikkhu āpattiṃ sarati, vivarati, uttāniṃ karoti, deseti. Yadi saṅghassa pattakallaṃ, ahaṃ itthannāmassa bhikkhuno āpattiṃ paṭiggaṇheyyanti. Yadāyasmantānaṃ pattakallaṃ, ahaṃ itthannāmassa bhikkhuno āpattiṃ paṭiggaṇheyya’’nti. Tena vattabbo ‘‘passasī’’ti. ‘‘Āma passāmī’’ti. Āyatiṃ saṃvareyyāsīti evaṃ āpattipaṭiggaho paṭiggaho nāma.

    ‘‘сун̣анд̇у мз, ааяасманд̇аа ааваасигаа. яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама, ааг̇амз гаал̣з баваарзяяаамаа’’д̇и. д̇з жз, бхигкавз, бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа д̇ам̣ гаал̣ам̣ анувасзяяум̣, ааваасигзна бхигкунаа б̣яад̇д̇зна бадиб̣алзна ааваасигаа бхигкуу н̃аабзд̇аб̣б̣аа – ‘‘сун̣анд̇у мз, ааяасманд̇аа ааваасигаа. яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама, ааг̇амз ж̇ун̣хз баваарзяяаамаа’’д̇и звам̣ гад̇аа бавааран̣аабажжуггад̣дханаа бажжуггад̣дханаа наама.

    ‘‘Suṇantu me, āyasmantā āvāsikā. Yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame kāḷe pavāreyyāmā’’ti. Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā taṃ kāḷaṃ anuvaseyyuṃ, āvāsikena bhikkhunā byattena paṭibalena āvāsikā bhikkhū ñāpetabbā – ‘‘suṇantu me, āyasmantā āvāsikā. Yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame juṇhe pavāreyyāmā’’ti evaṃ katā pavāraṇāpaccukkaḍḍhanā paccukkaḍḍhanā nāma.

    саб̣б̣зхзва згаж̇жхам̣ саннибад̇ид̇аб̣б̣ам̣, саннибад̇ид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о – ‘‘сун̣аад̇у мз, бханд̇з, сан̇гхо амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. яад̣̇и сан̇гхасса бад̇д̇агаллам̣, сан̇гхо имам̣ ад̇хигаран̣ам̣ д̇ин̣авад̇т̇аарагзна вуубасамзяяа табзд̇ваа т̇уллаваж̇ж̇ам̣, табзд̇ваа г̇ихибадисаяуд̇д̇а’’нд̇и звам̣ д̇ин̣авад̇т̇аарагасамат̇зна гад̇ваа саб̣б̣абатамаа саб̣б̣асан̇г̇аахиган̃ад̇д̇и гаммалагкан̣ам̣ наама.

    Sabbeheva ekajjhaṃ sannipatitabbaṃ, sannipatitvā byattena bhikkhunā paṭibalena saṅgho ñāpetabbo – ‘‘suṇātu me, bhante, saṅgho amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Yadi saṅghassa pattakallaṃ, saṅgho imaṃ adhikaraṇaṃ tiṇavatthārakena vūpasameyya ṭhapetvā thullavajjaṃ, ṭhapetvā gihipaṭisayutta’’nti evaṃ tiṇavatthārakasamathena katvā sabbapaṭhamā sabbasaṅgāhikañatti kammalakkhaṇaṃ nāma.

    д̇ат̇аа д̇ад̇о бараа згзгасмим̣ багкз згзгам̣ гад̇ваа д̣̇вз н̃ад̇д̇ияо ид̇и яат̇аавуд̇д̇аббабхзд̣̇ам̣ осааран̣ам̣ ниссааран̣ам̣…бз… гаммалагкан̣ан̃н̃зва наваманд̇и н̃ад̇д̇игаммам̣ имаани нава таанаани г̇ажчад̇и.

    Tathā tato parā ekekasmiṃ pakkhe ekekaṃ katvā dve ñattiyo iti yathāvuttappabhedaṃ osāraṇaṃ nissāraṇaṃ…pe… kammalakkhaṇaññeva navamanti ñattikammaṃ imāni nava ṭhānāni gacchati.

    н̃ад̇д̇ид̣̇уд̇ияагаммадтаанабхзд̣̇з бана вад̣дхасса лижчавино бад̇д̇аниггуж̇ж̇анавасзна канд̇хагз вуд̇д̇аа ниссааран̣аа. д̇ассзва бад̇д̇уггуж̇ж̇анавасзна вуд̇д̇аа осааран̣аа жа взд̣̇ид̇аб̣б̣аа.

    Ñattidutiyakammaṭṭhānabhede pana vaḍḍhassa licchavino pattanikkujjanavasena khandhake vuttā nissāraṇā. Tasseva pattukkujjanavasena vuttā osāraṇā ca veditabbā.

    сиймаасаммуд̇и д̇ижийварзна авиббаваасасаммуд̇и, сант̇ад̇асаммуд̇и, бхад̇д̇уд̣̇д̣̇зсага-сзнаасанаг̇г̇аахаабага-бхан̣д̣ааг̇аарига-жийварабадиг̇г̇аахага-жийварабхааж̇ага-яааг̇убхааж̇агапалабхааж̇ага-каж̇ж̇абхааж̇ага-аббамад̇д̇агависсаж̇ж̇ага-саадияаг̇г̇аахаабага-бад̇д̇аг̇г̇аахаабага-аараамигабзсагасааман̣зрабзсагасаммуд̇ийд̇и зд̇аасам̣ саммуд̇ийнам̣ васзна саммуд̇и взд̣̇ид̇аб̣б̣аа. гат̇инажийварад̣̇аанамад̇агажийварад̣̇аанавасзна д̣̇аанам̣ взд̣̇ид̇аб̣б̣ам̣.

    Sīmāsammuti ticīvarena avippavāsasammuti, santhatasammuti, bhattuddesaka-senāsanaggāhāpaka-bhaṇḍāgārika-cīvarapaṭiggāhaka-cīvarabhājaka-yāgubhājakaphalabhājaka-khajjabhājaka-appamattakavissajjaka-sāṭiyaggāhāpaka-pattaggāhāpaka-ārāmikapesakasāmaṇerapesakasammutīti etāsaṃ sammutīnaṃ vasena sammuti veditabbā. Kathinacīvaradānamatakacīvaradānavasena dānaṃ veditabbaṃ.

    гат̇инуд̣̇д̇хааравасзна уд̣̇д̇хааро взд̣̇ид̇аб̣б̣о. гудивад̇т̇увихааравад̇т̇уд̣̇зсанаавасзна д̣̇зсанаа взд̣̇ид̇аб̣б̣аа. яаа бана д̇ин̣авад̇т̇аарагасамат̇з саб̣б̣асан̇г̇аахиган̃ад̇д̇ин̃жа згзгасмим̣ багкз згзгам̣ н̃ад̇д̇ин̃жаад̇и д̇иссо н̃ад̇д̇ияо табзд̇ваа буна згасмим̣ багкз згаа, згасмим̣ багкз згаад̇и д̣̇вз н̃ад̇д̇ид̣̇уд̇ияагаммаваажаа вуд̇д̇аа, д̇аасам̣ васзна гаммалагкан̣ам̣ взд̣̇ид̇аб̣б̣ам̣ . ид̇и н̃ад̇д̇ид̣̇уд̇ияагаммам̣ имаани сад̇д̇а таанаани г̇ажчад̇и.

    Kathinuddhāravasena uddhāro veditabbo. Kuṭivatthuvihāravatthudesanāvasena desanā veditabbā. Yā pana tiṇavatthārakasamathe sabbasaṅgāhikañattiñca ekekasmiṃ pakkhe ekekaṃ ñattiñcāti tisso ñattiyo ṭhapetvā puna ekasmiṃ pakkhe ekā, ekasmiṃ pakkhe ekāti dve ñattidutiyakammavācā vuttā, tāsaṃ vasena kammalakkhaṇaṃ veditabbaṃ . Iti ñattidutiyakammaṃ imāni satta ṭhānāni gacchati.

    н̃ад̇д̇ижад̇уд̇т̇агаммадтаанабхзд̣̇з бана д̇аж̇ж̇анийяагаммаад̣̇ийнам̣ сад̇д̇аннам̣ гаммаанам̣ васзна ниссааран̣аа, д̇зсам̣язва жа гаммаанам̣ бадиббассамбханавасзна осааран̣аа взд̣̇ид̇аб̣б̣аа. бхигкуноваад̣̇агасаммуд̇ивасзна саммуд̇и взд̣̇ид̇аб̣б̣аа. бариваасад̣̇аанамаанад̇д̇ад̣̇аанавасзна д̣̇аанам̣ взд̣̇ид̇аб̣б̣ам̣. муулааяабадигассанагаммавасзна ниг̇г̇ахо взд̣̇ид̇аб̣б̣о. ‘‘угкид̇д̇аанувад̇д̇игаа адта, яаавад̇ад̇ияагаа аридто жан̣д̣агаал̣ий жа имз д̇з яаавад̇ад̇ияагаа’’д̇и имаасам̣ згаад̣̇асаннам̣ саманубхаасанаанам̣ васзна саманубхаасанаа взд̣̇ид̇аб̣б̣аа. убасамбад̣̇аагаммааб̣бхаанагаммавасзна бана гаммалагкан̣ам̣ взд̣̇ид̇аб̣б̣ам̣. ид̇и н̃ад̇д̇ижад̇уд̇т̇агаммам̣ имаани сад̇д̇а таанаани г̇ажчад̇и.

    Ñatticatutthakammaṭṭhānabhede pana tajjanīyakammādīnaṃ sattannaṃ kammānaṃ vasena nissāraṇā, tesaṃyeva ca kammānaṃ paṭippassambhanavasena osāraṇā veditabbā. Bhikkhunovādakasammutivasena sammuti veditabbā. Parivāsadānamānattadānavasena dānaṃ veditabbaṃ. Mūlāyapaṭikassanakammavasena niggaho veditabbo. ‘‘Ukkhittānuvattikā aṭṭha, yāvatatiyakā ariṭṭho caṇḍakāḷī ca ime te yāvatatiyakā’’ti imāsaṃ ekādasannaṃ samanubhāsanānaṃ vasena samanubhāsanā veditabbā. Upasampadākammaabbhānakammavasena pana kammalakkhaṇaṃ veditabbaṃ. Iti ñatticatutthakammaṃ imāni satta ṭhānāni gacchati.

    497. ид̇и гаммаани жа гаммавибад̇д̇ин̃жа вибад̇д̇ивирахид̇аанам̣ гаммаанам̣ таанабабхзд̣̇аг̇аманан̃жа д̣̇ассзд̇ваа ид̣̇аани д̇зсам̣ гаммаанам̣ гаарагасса сан̇гхасса барижчзд̣̇ам̣ д̣̇ассзнд̇о буна ‘‘жад̇уваг̇г̇агаран̣з гаммз’’д̇иаад̣̇имааха. д̇ассад̇т̇о барисад̇о гаммавибад̇д̇иван̣н̣анааяам̣ вуд̇д̇анаязнзва взд̣̇ид̇аб̣б̣од̇и.

    497. Iti kammāni ca kammavipattiñca vipattivirahitānaṃ kammānaṃ ṭhānapabhedagamanañca dassetvā idāni tesaṃ kammānaṃ kārakassa saṅghassa paricchedaṃ dassento puna ‘‘catuvaggakaraṇe kamme’’tiādimāha. Tassattho parisato kammavipattivaṇṇanāyaṃ vuttanayeneva veditabboti.

    гаммаваг̇г̇аван̣н̣анаа нидтид̇аа.

    Kammavaggavaṇṇanā niṭṭhitā.







    Related texts:



    д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гаммаваг̇г̇о • 1. Kammavaggo

    дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / абалоганагаммагат̇ааван̣н̣анаа • Apalokanakammakathāvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / абалоганагаммагат̇ааван̣н̣анаа • Apalokanakammakathāvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / абалоганагаммагат̇ааван̣н̣анаа • Apalokanakammakathāvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / абалоганагаммагат̇аа • Apalokanakammakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact