| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
абалоганагаммагат̇аа
Apalokanakammakathā
495-6. д̇ад̇т̇аад̇и жад̇уусу гаммзсу. зд̇т̇аад̇и осааран̣аад̣̇ибаатз. бад̣̇асилидтад̇ааяаад̇и логз бад̣̇аанам̣ силидтабхаавад̇о. д̇ад̇т̇аад̇и осааран̣аад̣̇ийсу бан̃жасу. ган̣дагасааман̣зрасса яаа саа д̣̇ан̣д̣агамманаасанаа ад̇т̇и, саа ниссааран̣аад̇и яож̇анаа. ‘‘мижчаад̣̇идтиго ход̇ий’’д̇и вад̇ваа д̇амзвад̇т̇ам̣ д̣̇ассзд̇ум̣ ‘‘анд̇аг̇г̇аахигааяа д̣̇идтияаа саманнааг̇ад̇о’’д̇и вуд̇д̇ам̣. мижчаад̣̇идти хи лин̇г̇анаасанааяа гааран̣ам̣ ход̇и. сод̇и сааман̣зро, ‘‘ниссаж̇ж̇аабзд̇аб̣б̣о’’д̇и бад̣̇з гаарид̇агаммам̣, вуд̇д̇агаммам̣ ваа. д̇ам̣ лад̣̇д̇хинд̇и д̇хаад̇угаммам̣, авуд̇д̇агаммам̣ ваа. гинд̇и гаад̇аб̣б̣анд̇и ааха ‘‘зван̃жа бана гаммам̣ гаад̇аб̣б̣а’’нд̇и.
495-6.Tatthāti catūsu kammesu. Etthāti osāraṇādipāṭhe. Padasiliṭṭhatāyāti loke padānaṃ siliṭṭhabhāvato. Tatthāti osāraṇādīsu pañcasu. Kaṇṭakasāmaṇerassa yā sā daṇḍakammanāsanā atthi, sā nissāraṇāti yojanā. ‘‘Micchādiṭṭhiko hotī’’ti vatvā tamevatthaṃ dassetuṃ ‘‘antaggāhikāya diṭṭhiyā samannāgato’’ti vuttaṃ. Micchādiṭṭhi hi liṅganāsanāya kāraṇaṃ hoti. Soti sāmaṇero, ‘‘nissajjāpetabbo’’ti pade kāritakammaṃ, vuttakammaṃ vā. Taṃ laddhinti dhātukammaṃ, avuttakammaṃ vā. Kinti kātabbanti āha ‘‘evañca pana kammaṃ kātabba’’nti.
гаад̇аб̣б̣аагаарам̣ д̣̇ассзнд̇о ааха ‘‘сан̇гхам̣ бханд̇з’’д̇иаад̣̇и. яам̣ сахасзяяам̣ лабханд̇ийд̇и яож̇анаа. д̇ассаад̇и сахасзяяасса. алаабхааяаад̇и алаабхад̇т̇ааяа. ‘‘жара бирз винассаа’’д̇и иминаа ниссааран̣аагаарам̣ д̣̇ассзд̇и. ад̇т̇о банасса хздтаа вуд̇д̇оязва.
Kātabbākāraṃ dassento āha ‘‘saṅghaṃ bhante’’tiādi. Yaṃ sahaseyyaṃ labhantīti yojanā. Tassāti sahaseyyassa. Alābhāyāti alābhatthāya. ‘‘Cara pire vinassā’’ti iminā nissāraṇākāraṃ dasseti. Attho panassa heṭṭhā vuttoyeva.
сод̇и саман̣зро, осаарзд̇аб̣б̣од̇и самб̣анд̇хо.
Soti samaṇero, osāretabboti sambandho.
свааяанд̇и со аяам̣ сааман̣зро, ажжаяам̣ д̣̇зсзд̇ийд̇и самб̣анд̇хо. сорад̇од̇и сунд̣̇аралад̣̇д̇хияам̣ рад̇о, д̣̇улад̣̇д̇хид̇о ваа судту орад̇о. яат̇аа бурзд̇и яат̇аа буб̣б̣з ружжад̇и, д̇ат̇аад̇и яож̇анаа. гааяасамбхог̇асаамаг̇г̇ид̣̇аананд̇и гааязна жа самбхог̇зна жа саамаг̇г̇ияаа д̣̇аанам̣.
Svāyanti so ayaṃ sāmaṇero, accayaṃ desetīti sambandho. Soratoti sundaraladdhiyaṃ rato, duladdhito vā suṭṭhu orato. Yathā pureti yathā pubbe ruccati, tathāti yojanā. Kāyasambhogasāmaggidānanti kāyena ca sambhogena ca sāmaggiyā dānaṃ.
званд̇иаад̣̇и ниг̇аманам̣. яасмаа бана б̣рахмад̣̇ан̣д̣о бан̃жасад̇игагканд̇хагз (жуул̣ава. 445) чаннассзва бан̃н̃ад̇д̇о, д̇асмаа д̇ассзва д̣̇аад̇аб̣б̣од̇и ааха ‘‘на гзвала’’нд̇иаад̣̇и. зсаад̇и б̣рахмад̣̇ан̣д̣о, ан̃н̃оби яо бхигку вихарад̇и, д̇ассаби д̣̇аад̇аб̣б̣од̇и самб̣анд̇хо. гинд̇и д̣̇аад̇аб̣б̣од̇и ааха ‘‘зван̃жа бана д̣̇аад̇аб̣б̣о’’д̇и. д̣̇аад̇аб̣б̣аагаарам̣ д̣̇ассзнд̇о ааха ‘‘сан̇гхамаж̇жхз’’д̇иаад̣̇и.
Evantiādi nigamanaṃ. Yasmā pana brahmadaṇḍo pañcasatikakkhandhake (cūḷava. 445) channasseva paññatto, tasmā tasseva dātabboti āha ‘‘na kevala’’ntiādi. Esāti brahmadaṇḍo, aññopi yo bhikkhu viharati, tassapi dātabboti sambandho. Kinti dātabboti āha ‘‘evañca pana dātabbo’’ti. Dātabbākāraṃ dassento āha ‘‘saṅghamajjhe’’tiādi.
яам̣ важанам̣ ижчзяяа, д̇ам̣ важананд̇и яож̇анаа. камаабзнд̇ассаад̇и сан̇гхам̣ камаабзнд̇асса д̇асса бхигкуссаад̇и яож̇анаа.
Yaṃ vacanaṃ iccheyya, taṃ vacananti yojanā. Khamāpentassāti saṅghaṃ khamāpentassa tassa bhikkhussāti yojanā.
бадисан̇каад̇и бадисан̇кааяа, н̃аан̣зна бажжавзгкид̇ваад̇и ад̇т̇о.
Paṭisaṅkhāti paṭisaṅkhāya, ñāṇena paccavekkhitvāti attho.
яанд̇и аванд̣̇ияагаммам̣, анун̃н̃аад̇анд̇и самб̣анд̇хо. гзна анун̃н̃аад̇анд̇и ааха ‘‘бхаг̇авад̇аа’’д̇и. гисмим̣ канд̇хагз анун̃н̃аад̇анд̇и ааха ‘‘бхигкунигканд̇хагз’’д̇и. гзсу вад̇т̇уусу анун̃н̃аад̇анд̇и ааха ‘‘д̇зна ко бана…бз… имзсу вад̇т̇уусуу’’д̇и (жуул̣ава. 411). гим̣ гад̇ваа анун̃н̃аад̇анд̇и ааха ‘‘д̣̇уггадам̣ бан̃н̃абзд̇ваа’’д̇и. гинд̇и анун̃н̃аад̇анд̇и ааха ‘‘ануж̇аанаами…бз… гаад̇аб̣б̣о’’д̇и. д̇ассаад̇и аванд̣̇ияасса. ‘‘на осааран̣аад̣̇ийний’’д̇и иминаа звасад̣̇д̣̇асса чад̣д̣зд̇аб̣б̣ад̇т̇ам̣ д̣̇ассзд̇и. д̇ассаад̇и гаммалагкан̣абхууд̇асса аванд̣̇ияасса. д̇ад̇т̇зваад̇и бхигкунигканд̇хагзязва. нанд̇и гаммалагкан̣ам̣. ид̇хаабийд̇и бариваарз гаммаваг̇г̇зби.
Yanti avandiyakammaṃ, anuññātanti sambandho. Kena anuññātanti āha ‘‘bhagavatā’’ti. Kismiṃ khandhake anuññātanti āha ‘‘bhikkhunikkhandhake’’ti. Kesu vatthūsu anuññātanti āha ‘‘tena kho pana…pe… imesu vatthūsū’’ti (cūḷava. 411). Kiṃ katvā anuññātanti āha ‘‘dukkaṭaṃ paññapetvā’’ti. Kinti anuññātanti āha ‘‘anujānāmi…pe… kātabbo’’ti. Tassāti avandiyassa. ‘‘Na osāraṇādīnī’’ti iminā evasaddassa chaḍḍetabbatthaṃ dasseti. Tassāti kammalakkhaṇabhūtassa avandiyassa. Tatthevāti bhikkhunikkhandhakeyeva. Nanti kammalakkhaṇaṃ. Idhāpīti parivāre kammavaggepi.
абаасаад̣̇иганд̇и абасаад̣̇аавахам̣, абасаад̣̇аж̇анагам̣ ваа.
Apāsādikanti apasādāvahaṃ, apasādajanakaṃ vā.
д̇ад̇од̇и аванд̣̇ияагаран̣ад̇о. иманд̇и бхигкум̣. ванд̣̇ияанд̇и ванд̣̇ид̇аб̣б̣ам̣, ванд̣̇анам̣ ваа.
Tatoti avandiyakaraṇato. Imanti bhikkhuṃ. Vandiyanti vanditabbaṃ, vandanaṃ vā.
зд̇т̇аад̇и абалоганагаммз, бхигкунисан̇гхамуулагам̣ гад̇ваа бан̃н̃ад̇д̇анд̇и яож̇анаа. бхигкусан̇гхассаабийд̇и бисад̣̇д̣̇о на бхигкунисан̇гхассзваад̇и д̣̇ассзд̇и. банасад̣̇д̣̇о самбхааванад̇т̇о, д̇ат̇аа бхигкунисан̇гхамуулагам̣ бан̃н̃ад̇д̇амбийд̇и ад̇т̇о, лабхид̇аб̣б̣абхаавам̣ вид̇т̇аарзна д̣̇ассзнд̇о ааха ‘‘яам̣ хий’’д̇иаад̣̇и. яам̣ абалоганагаммам̣ гарод̇ийд̇и яож̇анаа. аббамад̇д̇агависсаж̇ж̇агзна бана д̣̇аад̇аб̣б̣аанийд̇и самб̣анд̇хо. д̇зсанд̇и суужиаад̣̇ийнам̣. соязваад̇и аббамад̇д̇агависсаж̇ж̇агоязва. д̇ад̇од̇и аббамад̇д̇агад̇о. д̇ад̇т̇аад̇и сзнаасанагканд̇хагаван̣н̣анааяам̣ (жуул̣ава. адта. 321). вуд̇д̇аббагаарам̣ г̇илаанабхзсаж̇ж̇амбийд̇и самб̣анд̇хо. яоби жаад̇и бхигкуби жа ход̇ийд̇и самб̣анд̇хо. д̇асса д̣̇аад̇аб̣б̣аад̇и самб̣анд̇хо. д̇ад̇руббаад̣̇ад̇од̇и д̇асмим̣ махааваасз уббаад̣̇абажжаяад̇о, г̇ахзд̇ваад̇и самб̣анд̇хо. ‘‘бзсалассаа’’д̇иаад̣̇инаа д̣̇уссийлаад̣̇ийнам̣ д̣̇аад̇ум̣ на ваддад̇ийд̇и д̣̇ассзд̇и.
Etthāti apalokanakamme, bhikkhunisaṅghamūlakaṃ katvā paññattanti yojanā. Bhikkhusaṅghassāpīti pisaddo na bhikkhunisaṅghassevāti dasseti. Panasaddo sambhāvanattho, tathā bhikkhunisaṅghamūlakaṃ paññattampīti attho, labhitabbabhāvaṃ vitthārena dassento āha ‘‘yaṃ hī’’tiādi. Yaṃ apalokanakammaṃ karotīti yojanā. Appamattakavissajjakena pana dātabbānīti sambandho. Tesanti sūciādīnaṃ. Soyevāti appamattakavissajjakoyeva. Tatoti appamattakato. Tatthāti senāsanakkhandhakavaṇṇanāyaṃ (cūḷava. aṭṭha. 321). Vuttappakāraṃ gilānabhesajjampīti sambandho. Yopi cāti bhikkhupi ca hotīti sambandho. Tassa dātabbāti sambandho. Tatruppādatoti tasmiṃ mahāvāse uppādapaccayato, gahetvāti sambandho. ‘‘Pesalassā’’tiādinā dussīlādīnaṃ dātuṃ na vaṭṭatīti dasseti.
ж̇аг̇г̇аабзд̇ум̣ ваддад̇ийд̇и зд̇т̇а абужчид̇ваа ж̇аг̇г̇аабзд̇ум̣ ваддад̇ийд̇и ааха ‘‘аяам̣ бхигкуу’’д̇иаад̣̇и. од̣̇иссаад̇и уд̣̇д̣̇исид̇ваа.
Jaggāpetuṃ vaṭṭatīti ettha apucchitvā jaggāpetuṃ vaṭṭatīti āha ‘‘ayaṃ bhikkhū’’tiādi. Odissāti uddisitvā.
аасанагхарам̣ ваад̇и бадимаагхарам̣ ваа, гаараго мануссод̇и самб̣анд̇хо. убанигкзбад̇о г̇ахзд̇ваад̇и самб̣анд̇хо. сан̇гхигзнабийд̇и бисад̣̇д̣̇о на гзвалам̣ жзд̇ияасса убанигкзбзнзва, ат̇а ко сан̇гхигзнабийд̇и д̣̇ассзд̇и.
Āsanagharaṃ vāti paṭimāgharaṃ vā, kārako manussoti sambandho. Upanikkhepato gahetvāti sambandho. Saṅghikenapīti pisaddo na kevalaṃ cetiyassa upanikkhepeneva, atha kho saṅghikenapīti dasseti.
яаабанамад̇д̇ам̣ алабханд̇зхи гаронд̇зхийд̇и яож̇анаа, барибхун̃ж̇анд̇зхи худ̇ваад̇и самб̣анд̇хо. ‘‘вад̇д̇ам̣ гаромаа’’д̇иаад̣̇инаа ‘‘яаабанамад̇д̇а’’нд̇и бад̣̇асса ад̇т̇ам̣ д̣̇ассзд̇и. вихаарз робид̇аа яз паларугкаад̇и яож̇анаа. язсанд̇и ругкаанам̣. д̇зсууд̇и ругкзсу. яз банаад̇и ругкаа бана, абариг̇г̇ахид̇аа хонд̇ийд̇и самб̣анд̇хо. д̇ам̣ банаад̇и абалоганагаммам̣ бана. салаагам̣ г̇ан̣ханд̇и зд̇т̇аад̇и салаагаг̇г̇ам̣, таанам̣. ‘‘яааг̇аг̇г̇абхад̇д̇аг̇г̇а’’ид̇и зд̇т̇ааби зсзва наяо. убосат̇аг̇г̇зд̇и убосат̇асса г̇ахан̣адтаанз, убосат̇аг̇зхзд̇и ад̇т̇о. д̇ад̇т̇аад̇и убосат̇аг̇г̇з. д̇анд̇и абалоганагаммам̣.
Yāpanamattaṃ alabhantehi karontehīti yojanā, paribhuñjantehi hutvāti sambandho. ‘‘Vattaṃ karomā’’tiādinā ‘‘yāpanamatta’’nti padassa atthaṃ dasseti. Vihāre ropitā ye phalarukkhāti yojanā. Yesanti rukkhānaṃ. Tesūti rukkhesu. Ye panāti rukkhā pana, apariggahitā hontīti sambandho. Taṃ panāti apalokanakammaṃ pana. Salākaṃ gaṇhanti etthāti salākaggaṃ, ṭhānaṃ. ‘‘Yāgaggabhattagga’’iti etthāpi eseva nayo. Uposathaggeti uposathassa gahaṇaṭṭhāne, uposathageheti attho. Tatthāti uposathagge. Tanti apalokanakammaṃ.
яам̣ муулад̇ажабад̇д̇аан̇гурабубпапалакаад̣̇анийяаад̣̇ийд̇и яож̇анаа. анд̇осиймааяаад̇и анд̇о убажаарасиймааяа.
Yaṃ mūlatacapattaaṅkurapupphaphalakhādanīyādīti yojanā. Antosīmāyāti anto upacārasīmāya.
сугад̇амзваад̇и сан̇гхзна гад̇амзва. убосат̇ад̣̇ивасзд̇и нид̣̇ассанамад̇д̇ам̣ яасмим̣ гасмим̣жи д̣̇ивасзби гад̇ад̇д̇аа.
Sukatamevāti saṅghena katameva. Uposathadivaseti nidassanamattaṃ yasmiṃ kasmiṃci divasepi katattā.
палаваарзнаад̇и ругкаанам̣ палаг̇ахан̣аваарзна. ругкаа д̇харанд̇ийд̇и ругкаа д̇идтанд̇и, сам̣виж̇ж̇анд̇и ваа . язхийд̇и бхигкуухи робид̇аа, хонд̇ийд̇и самб̣анд̇хо. саа зва гад̇игаад̇и буб̣б̣з гад̇аа саа зва гад̇игаа, ан̃н̃аа гад̇игаа на гаад̇аб̣б̣аад̇и ад̇хиббааяо.
Phalavārenāti rukkhānaṃ phalagahaṇavārena. Rukkhā dharantīti rukkhā tiṭṭhanti, saṃvijjanti vā . Yehīti bhikkhūhi ropitā, hontīti sambandho. Sā eva katikāti pubbe katā sā eva katikā, aññā katikā na kātabbāti adhippāyo.
ан̃н̃асмим̣ вихаарзд̇и ругкаанам̣ тид̇авихаарад̇о ан̃н̃асмим̣ вихаарз. д̇зсанд̇и ругкаанам̣, саамийд̇и самб̣анд̇хо. язбийд̇и ругкааби, робид̇аад̇и самб̣анд̇хо. ан̃н̃ад̇о таанад̇од̇и яож̇анаа. д̇зсууд̇и ругкзсу. зд̇т̇аад̇и вихаарз. д̇зхи банаад̇и баривзн̣асаамигзхи бхигкуухи бана. д̣̇асабхааг̇анд̇и д̣̇асамабхааг̇ам̣. ‘‘зсзва наяо’’д̇и иминаа д̣̇асабхааг̇ам̣ д̣̇ад̇ваад̇и ад̇т̇ам̣ ад̇ид̣̇исад̇и.
Aññasmiṃ vihāreti rukkhānaṃ ṭhitavihārato aññasmiṃ vihāre. Tesanti rukkhānaṃ, sāmīti sambandho. Yepīti rukkhāpi, ropitāti sambandho. Aññato ṭhānatoti yojanā. Tesūti rukkhesu. Etthāti vihāre. Tehi panāti pariveṇasāmikehi bhikkhūhi pana. Dasabhāganti dasamabhāgaṃ. ‘‘Eseva nayo’’ti iminā dasabhāgaṃ datvāti atthaṃ atidisati.
самбхааванийяабхигкунод̇и сийласуд̇аад̣̇ийхи самбхааванийяасса бхигкуно. д̇ад̇т̇аад̇и бораан̣авихаарз. муулзд̇и буб̣б̣з, аад̣̇игаалзд̇и ад̇т̇о. ниггуггужжзнаад̇и ‘‘абхааж̇ид̇амид̣̇а’’нд̇и гуггужжавирахзна. кияяанамад̇д̇амзва д̇анд̇и д̇ам̣ кияяанам̣ кияяанамад̇д̇амзва, на сааман̣зраанам̣ кияяанам̣ рухад̇ийд̇и ад̇т̇о.
Sambhāvanīyabhikkhunoti sīlasutādīhi sambhāvanīyassa bhikkhuno. Tatthāti porāṇavihāre. Mūleti pubbe, ādikāleti attho. Nikkukkuccenāti ‘‘abhājitamida’’nti kukkuccavirahena. Khiyyanamattameva tanti taṃ khiyyanaṃ khiyyanamattameva, na sāmaṇerānaṃ khiyyanaṃ ruhatīti attho.
банасаругканд̇и ган̣дагийпаларугкам̣. аяам̣ саамийжийд̇и аяам̣ бхааж̇зд̇ваа каад̣̇анам̣ ануд̇хаммад̇аа. кааяид̇анд̇и каад̣̇ид̇ам̣. д̣̇виннам̣ д̇ин̣н̣ам̣ гад̇игабадиббассамбханам̣ наязна н̃аад̇ум̣ саггун̣зяяад̇д̇аа д̇ам̣ ад̣̇ассзд̇ваа згассзва гад̇игабадиббассамбханам̣ д̣̇ассзнд̇о ааха ‘‘згабхигкугз банаа’’д̇иаад̣̇и. буримагад̇игаад̇и ‘‘яат̇аасукам̣ барибхун̃ж̇ид̇ум̣ ружжад̇ий’’д̇и (бари. адта. 495-496) бурз гад̇аа гад̇игаа. д̇зсанд̇и сааман̣зраанам̣, паад̇игамманд̇и самб̣анд̇хо. бхааж̇зд̇ваад̇и сааман̣зраанам̣ бхааж̇зд̇ваа. иминаа сааман̣зраанам̣ паад̇игаммам̣ на д̣̇аад̇аб̣б̣амби бхааг̇ам̣ бхааж̇зд̇аб̣б̣анд̇и д̣̇ассзд̇и.
Panasarukkhanti kaṇṭakīphalarukkhaṃ. Ayaṃ sāmīcīti ayaṃ bhājetvā khādanaṃ anudhammatā. Khāyitanti khāditaṃ. Dvinnaṃ tiṇṇaṃ katikapaṭippassambhanaṃ nayena ñātuṃ sakkuṇeyyattā taṃ adassetvā ekasseva katikapaṭippassambhanaṃ dassento āha ‘‘ekabhikkhuke panā’’tiādi. Purimakatikāti ‘‘yathāsukhaṃ paribhuñjituṃ ruccatī’’ti (pari. aṭṭha. 495-496) pure katā katikā. Tesanti sāmaṇerānaṃ, phātikammanti sambandho. Bhājetvāti sāmaṇerānaṃ bhājetvā. Iminā sāmaṇerānaṃ phātikammaṃ na dātabbampi bhāgaṃ bhājetabbanti dasseti.
сааманд̇аг̇аамзхийд̇и аасаннаг̇аамзхи, ааг̇анд̇ваад̇и самб̣анд̇хо. згам̣ амб̣ам̣ згам̣ лаб̣уж̇анд̇и яож̇анаа. ад̣̇ияяамаанз д̣̇осз д̣̇ассид̇з д̣̇ияяамаанз аанисам̣самби ад̇т̇ад̇о н̃аад̇аб̣б̣анд̇и д̣̇ассзнд̇о ааха ‘‘ад̣̇ияяамаанз хий’’д̇иаад̣̇и.
Sāmantagāmehīti āsannagāmehi, āgantvāti sambandho. Ekaṃ ambaṃ ekaṃ labujanti yojanā. Adiyyamāne dose dassite diyyamāne ānisaṃsampi atthato ñātabbanti dassento āha ‘‘adiyyamāne hī’’tiādi.
г̇ан̣ханд̇аанам̣ мануссаананд̇и самб̣анд̇хо. д̇ад̇од̇и гад̇игавад̇д̇адтабанад̇о. на вад̇д̇аб̣б̣аад̇и палад̣̇аанагулад̣̇уусагад̇д̇аа на вад̇д̇аб̣б̣аа. гинд̇и аажигкид̇аб̣б̣анд̇и ааха ‘‘наал̣игзраад̣̇ийний’’д̇иаад̣̇и. анувижарид̇ваад̇и бад̣̇аанамануггамзна вижарид̇ваа. убад̣дхабхааг̇од̇и бхигкуунам̣ лад̣̇д̇хабхааг̇ад̇о убад̣дхо бхааг̇о. абалогзд̇ваад̇и сан̇гхам̣ аабужчид̇ваа.
Gaṇhantānaṃ manussānanti sambandho. Tatoti katikavattaṭṭhapanato. Na vattabbāti phaladānakuladūsakattā na vattabbā. Kinti ācikkhitabbanti āha ‘‘nāḷikerādīnī’’tiādi. Anuvicaritvāti padānamanukkamena vicaritvā. Upaḍḍhabhāgoti bhikkhūnaṃ laddhabhāgato upaḍḍho bhāgo. Apaloketvāti saṅghaṃ āpucchitvā.
маг̇г̇аг̇амияасад̇т̇авааход̇и маг̇г̇ам̣ г̇амиго сад̇т̇аваахо. сод̇и б̣алаггаарзна г̇ахзд̇ваа каад̣̇анд̇о. чааяаад̣̇ийнанд̇иаад̣̇исад̣̇д̣̇зна аараамаванаани сан̇г̇ахзд̇аб̣б̣аани. сажз ад̇т̇ийд̇и сажз ад̇т̇о ад̇т̇и. палабхарид̇аад̇и палзна барибун̣н̣аа. ‘‘палабхаарид̇аа’’д̇иби баато. паласан̇каад̇зна бхаарзна саманнааг̇ад̇аад̇и ад̇т̇о. абажжаасийсанд̇знаад̇и д̇зсам̣ санд̇игаа д̣̇аанабадид̣̇аанам̣ абажжаасийсанд̇зна. буб̣б̣з вуд̇д̇амзваад̇и буб̣б̣з сан̇гхигадтаанз ‘‘гуд̣̇д̇хо хи со’’д̇иаад̣̇инаа вуд̇д̇амзва. зд̇т̇аад̇и буг̇г̇алигадтаанз.
Maggagamiyasatthavāhoti maggaṃ gamiko satthavāho. Soti balakkārena gahetvā khādanto. Chāyādīnantiādisaddena ārāmavanāni saṅgahetabbāni. Sace atthīti sace attho atthi. Phalabharitāti phalena paripuṇṇā. ‘‘Phalabhāritā’’tipi pāṭho. Phalasaṅkhātena bhārena samannāgatāti attho. Apaccāsīsantenāti tesaṃ santikā dānapaṭidānaṃ apaccāsīsantena. Pubbe vuttamevāti pubbe saṅghikaṭṭhāne ‘‘kuddho hi so’’tiādinā vuttameva. Etthāti puggalikaṭṭhāne.
д̇анд̇и палаараамам̣. сод̇и бадиб̣ало бхигку. бхаарияам̣ гамманд̇и ж̇аг̇г̇анагаммам̣ бхаарияам̣. зд̇д̇агзнаад̇и д̇ад̇ияабхааг̇аубад̣дхабхааг̇амад̇д̇зна. саб̣б̣ам̣ палаарааманд̇и самб̣анд̇хо. муулабхааг̇анд̇и батамабхааг̇ам̣. ‘‘д̣̇асабхааг̇амад̇д̇а’’нд̇и иминаа д̇ад̣̇ад̇т̇ам̣ д̣̇ассзд̇и. д̣̇ад̇ваад̇и сан̇гхасса д̣̇ад̇ваа. сод̇и бхигку. агад̇ааваасанд̇и буб̣б̣з агад̇ам̣ навам̣ сзнаасанам̣. аарааманд̇и сан̇гхасса аараамам̣. д̇зхибийд̇и ниссид̇агзхиби. бисад̣̇д̣̇о аажарияам̣ абзгкад̇и. д̇зсанд̇и ниссид̇агаанам̣. ж̇аг̇г̇ид̇агаалзд̇и ж̇аг̇г̇ид̇аанам̣ ругкаанам̣ бубпапалабхарид̇агаалз. ж̇аг̇г̇анагаалзд̇и ж̇аг̇г̇анамад̇д̇агаалз, ж̇аг̇г̇анамад̇д̇амзва, на ж̇аг̇г̇анагааран̣аа гин̃жи бубпам̣ ваа палам̣ ваа ход̇и, д̇асмим̣ гаалзд̇и ад̇т̇о. ‘‘б̣аху’’нд̇иаад̣̇инаа ваарзд̇аб̣б̣аагаарам̣ д̣̇ассзд̇и.
Tanti phalārāmaṃ. Soti paṭibalo bhikkhu. Bhāriyaṃ kammanti jagganakammaṃ bhāriyaṃ. Ettakenāti tatiyabhāgaupaḍḍhabhāgamattena. Sabbaṃ phalārāmanti sambandho. Mūlabhāganti paṭhamabhāgaṃ. ‘‘Dasabhāgamatta’’nti iminā tadatthaṃ dasseti. Datvāti saṅghassa datvā. Soti bhikkhu. Akatāvāsanti pubbe akataṃ navaṃ senāsanaṃ. Ārāmanti saṅghassa ārāmaṃ. Tehipīti nissitakehipi. Pisaddo ācariyaṃ apekkhati. Tesanti nissitakānaṃ. Jaggitakāleti jaggitānaṃ rukkhānaṃ pupphaphalabharitakāle. Jagganakāleti jagganamattakāle, jagganamattameva, na jagganakāraṇā kiñci pupphaṃ vā phalaṃ vā hoti, tasmiṃ kāleti attho. ‘‘Bahu’’ntiādinā vāretabbākāraṃ dasseti.
паад̇игаммзна ж̇аг̇г̇анд̇о на ад̇т̇ийд̇и яож̇анаа. анаабужчид̇вааваад̇и сан̇гхам̣ анабалогзд̇ваава. ид̇ийд̇и звам̣.
Phātikammena jagganto na atthīti yojanā. Anāpucchitvāvāti saṅghaṃ anapaloketvāva. Itīti evaṃ.
н̃ад̇д̇игаммадтаанабхзд̣̇з бана звам̣ винижчаяо взд̣̇ид̇аб̣б̣од̇и яож̇анаа. осаарзд̇и сан̇гхамаж̇жхам̣ бавзсзд̇и имааяа н̃ад̇д̇ияаад̇и осааран̣аа.
Ñattikammaṭṭhānabhede pana evaṃ vinicchayo veditabboti yojanā. Osāreti saṅghamajjhaṃ paveseti imāya ñattiyāti osāraṇā.
ниссаарияад̇и сан̇гхад̇о б̣ахи гарияад̇и имааяаад̇и ниссааран̣аа. н̃ад̇д̇и убосат̇о наамаад̇и ид̣̇ам̣ гааран̣уубажааравасзна вуд̇д̇ам̣. д̇знааха ‘‘убосат̇агаммавасзна табид̇аа’’д̇и. зсзва наяо н̃ад̇д̇ибавааран̣аа наамаад̇и зд̇т̇ааби.
Nissāriyati saṅghato bahi kariyati imāyāti nissāraṇā. Ñatti uposatho nāmāti idaṃ kāraṇūpacāravasena vuttaṃ. Tenāha ‘‘uposathakammavasena ṭhapitā’’ti. Eseva nayo ñattipavāraṇā nāmāti etthāpi.
анусаасзяяаад̇иаад̣̇инаа батамабурисазяяавибхад̇д̇ивасзна табид̇аа н̃ад̇д̇и ад̇д̇анаа барам̣ самманид̇ум̣ табид̇аа н̃ад̇д̇и наама. анусаасзяяанд̇иаад̣̇инаа уд̇д̇амабурисазяяам̣вибхад̇д̇ивасзна табид̇аа н̃ад̇д̇и ад̇д̇анаава ад̇д̇аанам̣ самманид̇ум̣ табид̇аа н̃ад̇д̇и наама. ад̇д̇анаава ад̇д̇аа ваа баро ваа самманияад̇и имааяа н̃ад̇д̇ияаад̇и саммуд̇и. ниссадтабад̇д̇ажийвараад̣̇ийни д̣̇ийяанд̇и анзнаад̇и д̣̇аанам̣, н̃ад̇д̇и. важжам̣ анабзгкид̇ваа ваажагасса нияад̇анабум̣сагалин̇г̇ад̇д̇аа набум̣сагалин̇г̇авасзна вуд̇д̇ам̣.
Anusāseyyātiādinā paṭhamapurisaeyyavibhattivasena ṭhapitā ñatti attanā paraṃ sammanituṃ ṭhapitā ñatti nāma. Anusāseyyantiādinā uttamapurisaeyyaṃvibhattivasena ṭhapitā ñatti attanāva attānaṃ sammanituṃ ṭhapitā ñatti nāma. Attanāva attā vā paro vā sammaniyati imāya ñattiyāti sammuti. Nissaṭṭhapattacīvarādīni dīyanti anenāti dānaṃ, ñatti. Vaccaṃ anapekkhitvā vācakassa niyatanapuṃsakaliṅgattā napuṃsakaliṅgavasena vuttaṃ.
аабад̇д̇и бадиг̇г̇ан̣хияад̇и анзнаад̇и бадиг̇г̇ахо.
Āpatti paṭiggaṇhiyati anenāti paṭiggaho.
бадимукам̣ убари гад̣дхияад̇и имааяаад̇и бажжуггад̣дханаа.
Paṭimukhaṃ upari kaḍḍhiyati imāyāti paccukkaḍḍhanā.
гаммамзваад̇и лагкияад̇и анзнаад̇и гаммалагкан̣ам̣.
Kammamevāti lakkhiyati anenāti kammalakkhaṇaṃ.
‘‘д̇ат̇аа’’д̇и бад̣̇зна ‘‘гаммалагкан̣ам̣ наамаа’’д̇и бад̣̇ам̣ ад̇ид̣̇исад̇и. д̇ад̇од̇и саб̣б̣асан̇г̇аахиган̃ад̇д̇ид̇о. бараа д̣̇вз н̃ад̇д̇ияо гаммалагкан̣ам̣ наамаад̇и яож̇анаа. ид̇ийд̇иаад̣̇и ниг̇аманам̣.
‘‘Tathā’’ti padena ‘‘kammalakkhaṇaṃ nāmā’’ti padaṃ atidisati. Tatoti sabbasaṅgāhikañattito. Parā dve ñattiyo kammalakkhaṇaṃ nāmāti yojanā. Itītiādi nigamanaṃ.
н̃ад̇д̇ид̣̇уд̇ияагаммадтаанабхзд̣̇з осааран̣аад̣̇ийнам̣ висзсам̣ д̣̇ассзнд̇о ааха ‘‘вад̣дхасса лижчавино’’д̇иаад̣̇и. сиймаасаммуд̇и жаад̇иаад̣̇инаа яож̇анаа гаад̇аб̣б̣аа.
Ñattidutiyakammaṭṭhānabhede osāraṇādīnaṃ visesaṃ dassento āha ‘‘vaḍḍhassa licchavino’’tiādi. Sīmāsammuti cātiādinā yojanā kātabbā.
яаа бана д̣̇вз н̃ад̇д̇ид̣̇уд̇ияагаммаваажаа вуд̇д̇аад̇и яож̇анаа. ид̇ийд̇иаад̣̇и ниг̇аманам̣.
Yā pana dve ñattidutiyakammavācā vuttāti yojanā. Itītiādi nigamanaṃ.
н̃ад̇д̇ижад̇уд̇т̇агаммадтаанабхзд̣̇з яож̇анаанаяо баагадоязва.
Ñatticatutthakammaṭṭhānabhede yojanānayo pākaṭoyeva.
497. жад̇уваг̇г̇агаран̣з гаммзд̇иаад̣̇игааяа д̣̇зсанааяа самб̣анд̇хам̣ д̣̇ассзнд̇о ааха ‘‘ид̇и гаммаани жаа’’д̇иаад̣̇и. д̇ад̇т̇а ид̇ийд̇и звам̣ д̣̇ассзд̇ваад̇и самб̣анд̇хо. д̇ассад̇т̇од̇и д̇асса ‘‘жад̇уваг̇г̇агаран̣з гаммз’’д̇иаад̣̇иважанасса ад̇т̇о взд̣̇ид̇аб̣б̣од̇и самб̣анд̇хо.
497.Catuvaggakaraṇe kammetiādikāya desanāya sambandhaṃ dassento āha ‘‘iti kammāni cā’’tiādi. Tattha itīti evaṃ dassetvāti sambandho. Tassatthoti tassa ‘‘catuvaggakaraṇe kamme’’tiādivacanassa attho veditabboti sambandho.
ид̇и гаммаваг̇г̇аван̣н̣анааяа яож̇анаа самад̇д̇аа.
Iti kammavaggavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гаммаваг̇г̇о • 1. Kammavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / абалоганагаммагат̇аа • Apalokanakammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / абалоганагаммагат̇ааван̣н̣анаа • Apalokanakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / абалоганагаммагат̇ааван̣н̣анаа • Apalokanakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / абалоганагаммагат̇ааван̣н̣анаа • Apalokanakammakathāvaṇṇanā
