| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
абалоганагаммагат̇ааван̣н̣анаа
Apalokanakammakathāvaṇṇanā
495-496. гааяасамбхог̇асаамаг̇г̇ийд̇и сахасзяяабадиг̇г̇ахан̣аад̣̇и. со рад̇од̇и субхз рад̇о. судту орад̇од̇и ваа сорад̇о. ниваад̇авуд̇д̇ийд̇и нийжавуд̇д̇и. бадисан̇каад̇и бадисан̇кааяа н̃аан̣зна убабаригкид̇ваа. яам̣ д̇ам̣ аванд̣̇ияагаммам̣ анун̃н̃аад̇анд̇и самб̣анд̇хо. имасса абалоганагаммасса таанам̣ ход̇ийд̇и звамби абалоганагаммам̣ бавад̇д̇ад̇ийд̇и ад̇т̇о. гаммамзва лагкан̣анд̇и гаммалагкан̣ам̣. осааран̣аниссааран̣абхан̣д̣угаммаад̣̇аяо вияа гамман̃жа худ̇ваа ан̃н̃ан̃жа наамам̣ на лабхад̇и, гаммамзва худ̇ваа убалагкийяад̇ийд̇и ‘‘гаммалагкан̣а’’нд̇и вужжад̇и. зд̇амби гаммалагкан̣амзваад̇и вуд̇д̇агаммалагкан̣ам̣ д̣̇ассзд̇ум̣ ‘‘ажчиннажийвараж̇ин̣н̣ажийваранадтажийвараана’’нд̇иаад̣̇и вуд̇д̇ам̣. ин̣абалиб̣од̇хамбийд̇и ин̣амзва балиб̣од̇хо ин̣абалиб̣од̇хо, д̇амби д̣̇аад̇ум̣ ваддад̇и. сажз д̇аад̣̇исам̣ бхигкум̣ ин̣ааяигаа балиб̣унд̇ханд̇и, д̇ад̇руббаад̣̇ад̇оби д̇асса ин̣ам̣ сод̇хзд̇ум̣ ваддад̇ийд̇и ад̇хиббааяо.
495-496.Kāyasambhogasāmaggīti sahaseyyapaṭiggahaṇādi. So ratoti subhe rato. Suṭṭhu oratoti vā sorato. Nivātavuttīti nīcavutti. Paṭisaṅkhāti paṭisaṅkhāya ñāṇena upaparikkhitvā. Yaṃ taṃ avandiyakammaṃ anuññātanti sambandho. Imassa apalokanakammassa ṭhānaṃ hotīti evampi apalokanakammaṃ pavattatīti attho. Kammameva lakkhaṇanti kammalakkhaṇaṃ. Osāraṇanissāraṇabhaṇḍukammādayo viya kammañca hutvā aññañca nāmaṃ na labhati, kammameva hutvā upalakkhīyatīti ‘‘kammalakkhaṇa’’nti vuccati. Etampi kammalakkhaṇamevāti vuttakammalakkhaṇaṃ dassetuṃ ‘‘acchinnacīvarajiṇṇacīvaranaṭṭhacīvarāna’’ntiādi vuttaṃ. Iṇapalibodhampīti iṇameva palibodho iṇapalibodho, tampi dātuṃ vaṭṭati. Sace tādisaṃ bhikkhuṃ iṇāyikā palibundhanti, tatruppādatopi tassa iṇaṃ sodhetuṃ vaṭṭatīti adhippāyo.
чад̇д̇ам̣ ваа взд̣̇игам̣ ваад̇и зд̇т̇а взд̣̇игаад̇и жзд̇ияасса убари жад̇урассажаяо вужжад̇и. чад̇д̇анд̇и д̇ад̇о уд̣̇д̇хам̣ валаяаани д̣̇ассзд̇ваа гад̇о аг̇г̇ажаяо вужжад̇и. жзд̇ияасса убанигкзбад̇од̇и жзд̇ияз навагаммад̇д̇ааяа убанигкид̇д̇ад̇о, жзд̇ияасанд̇агад̇од̇и вуд̇д̇ам̣ ход̇и. ан̃н̃аа гад̇игаа гаад̇аб̣б̣аад̇и буримагад̇игааяа асан̇г̇ахид̇ад̇д̇аа вуд̇д̇ам̣. д̇зхийд̇и язсам̣ буг̇г̇алигадтаанз д̇идтанд̇и, д̇зхи. д̣̇асабхааг̇анд̇и д̣̇асамабхааг̇ам̣. д̇ад̇т̇аад̇и д̇асмим̣ вихаарз. муулзд̇и буб̣б̣з. ‘‘ид̇о бадтааяа бхааж̇зд̇ваа каад̣̇анд̇уу’’д̇и важанзнзва яат̇аасукам̣ барибхог̇о бадигкид̇д̇о ход̇ийд̇и ааха ‘‘буримагад̇игаа бадиббассамбхад̇ий’’д̇и.
Chattaṃ vā vedikaṃ vāti ettha vedikāti cetiyassa upari caturassacayo vuccati. Chattanti tato uddhaṃ valayāni dassetvā kato aggacayo vuccati. Cetiyassa upanikkhepatoti cetiye navakammattāya upanikkhittato, cetiyasantakatoti vuttaṃ hoti. Aññā katikā kātabbāti purimakatikāya asaṅgahitattā vuttaṃ. Tehīti yesaṃ puggalikaṭṭhāne tiṭṭhanti, tehi. Dasabhāganti dasamabhāgaṃ. Tatthāti tasmiṃ vihāre. Mūleti pubbe. ‘‘Ito paṭṭhāya bhājetvā khādantū’’ti vacaneneva yathāsukhaṃ paribhogo paṭikkhitto hotīti āha ‘‘purimakatikā paṭippassambhatī’’ti.
анувижарид̇ваад̇и бажчад̇о бажчад̇о г̇анд̇ваа. абажжаасийсанд̇знаад̇и д̇зсам̣ санд̇игаа
Anuvicaritvāti pacchato pacchato gantvā. Apaccāsīsantenāti tesaṃ santikā
бажжаяам̣ абажжаасийсанд̇зна. муулабхааг̇анд̇и вуд̇д̇амзвад̇т̇ам̣ вибхаавзд̇и ‘‘д̣̇асабхааг̇амад̇д̇а’’нд̇и. агад̇ааваасам̣ ваа гад̇ваад̇и д̇ад̇о уббаннаааязна гад̇ваа. ж̇аг̇г̇ид̇агаалз жа на ваарзд̇аб̣б̣аад̇и ж̇аг̇г̇ид̇аанам̣ бубпапалабхарид̇агаалз на ваарзд̇аб̣б̣аа. ж̇аг̇г̇анагаалзд̇и ж̇аг̇г̇ид̇ум̣ аарад̣̇д̇хагаалз. н̃ад̇д̇игаммадтаанабхзд̣̇зд̇и н̃ад̇д̇игаммасса таанабхзд̣̇з.
Paccayaṃ apaccāsīsantena. Mūlabhāganti vuttamevatthaṃ vibhāveti ‘‘dasabhāgamatta’’nti. Akatāvāsaṃ vā katvāti tato uppannaāyena katvā. Jaggitakāle ca na vāretabbāti jaggitānaṃ pupphaphalabharitakāle na vāretabbā. Jagganakāleti jaggituṃ āraddhakāle. Ñattikammaṭṭhānabhedeti ñattikammassa ṭhānabhede.
гаммаваг̇г̇аван̣н̣анаа нидтид̇аа.
Kammavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гаммаваг̇г̇о • 1. Kammavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / абалоганагаммагат̇аа • Apalokanakammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / абалоганагаммагат̇ааван̣н̣анаа • Apalokanakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / абалоганагаммагат̇ааван̣н̣анаа • Apalokanakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / абалоганагаммагат̇аа • Apalokanakammakathā
