| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
абалоганагаммагат̇ааван̣н̣анаа
Apalokanakammakathāvaṇṇanā
496. зд̇арахи сажзби сааман̣зрод̇иаад̣̇ийсу б̣уд̣̇д̇хаад̣̇ийнам̣ аван̣н̣абхаасанамби агаббияаад̣̇им̣ габбияаад̣̇ибхаавзна д̣̇ийбанамби д̣̇идтивибад̇д̇ияан̃н̃зва бависад̇и. д̇знзва вагкад̇и ‘‘д̇ам̣ лад̣̇д̇хим̣ ниссаж̇ж̇аабзд̇аб̣б̣о’’д̇и. бхигкуунамби зсзва наяо. мижчаад̣̇идтигод̇и б̣уд̣̇д̇хаважанаад̇хиббааяам̣ вибарийд̇ад̇о г̇ан̣ханд̇о, со зва анд̇аг̇г̇аахигааяа д̣̇идтияаа саманнааг̇ад̇од̇и жа вуд̇д̇о. гзжи бана ‘‘сассад̇ужчзд̣̇аанам̣ ан̃н̃ад̇арад̣̇идтияаа саманнааг̇ад̇о’’д̇и вад̣̇анд̇и, д̇ам̣ на яуд̇д̇ам̣, сассад̇ужчзд̣̇аг̇г̇аахасса сааман̣зраанам̣ лин̇г̇анаасанааяа гааран̣ад̇д̇зна хздтаа адтагат̇ааяамзва (махаава. адта. 108) вуд̇д̇ад̇д̇аа, ид̇ха жа д̣̇ан̣д̣агамманаасанааяа зва ад̇хиббзд̇ад̇д̇аа.
496.Etarahi sacepi sāmaṇerotiādīsu buddhādīnaṃ avaṇṇabhāsanampi akappiyādiṃ kappiyādibhāvena dīpanampi diṭṭhivipattiyaññeva pavisati. Teneva vakkhati ‘‘taṃ laddhiṃ nissajjāpetabbo’’ti. Bhikkhūnampi eseva nayo. Micchādiṭṭhikoti buddhavacanādhippāyaṃ viparītato gaṇhanto, so eva antaggāhikāya diṭṭhiyā samannāgatoti ca vutto. Keci pana ‘‘sassatucchedānaṃ aññataradiṭṭhiyā samannāgato’’ti vadanti, taṃ na yuttaṃ, sassatucchedaggāhassa sāmaṇerānaṃ liṅganāsanāya kāraṇattena heṭṭhā aṭṭhakathāyameva (mahāva. aṭṭha. 108) vuttattā, idha ca daṇḍakammanāsanāya eva adhippetattā.
д̇ассааби д̣̇аад̇аб̣б̣од̇и виж̇ж̇амаанам̣ мукараад̣̇ибхаавам̣ ниссааяа аббадибужчид̇вааби бадин̃н̃ам̣ аг̇г̇ахзд̇вааби аабад̇д̇им̣ анааробзд̇вааби д̣̇зсид̇ааяаби аабад̇д̇ияаа кум̣санаад̣̇ид̇о анораманд̇асса д̣̇аад̇аб̣б̣ова. ораманд̇асса бана камаабзнд̇асса на д̣̇аад̇аб̣б̣о.
Tassāpi dātabboti vijjamānaṃ mukharādibhāvaṃ nissāya appaṭipucchitvāpi paṭiññaṃ aggahetvāpi āpattiṃ anāropetvāpi desitāyapi āpattiyā khuṃsanādito anoramantassa dātabbova. Oramantassa pana khamāpentassa na dātabbo.
б̣рахмад̣̇ан̣д̣асса д̣̇аананд̇и карад̣̇ан̣д̣асса уггадтад̣̇ан̣д̣асса д̣̇аанам̣. д̇аж̇ж̇анийяаад̣̇игаммз хи гад̇з оваад̣̇аанусаасаниббад̣̇аанабадигкзбо над̇т̇и. д̣̇иннаб̣рахмад̣̇ан̣д̣з бана д̇асмим̣ сад̣̇д̇хим̣ д̇аж̇ж̇анийяаад̣̇игаммагад̇зхи бадигкид̇д̇амби гаад̇ум̣ на ваддад̇и, ‘‘нзва вад̇д̇аб̣б̣о’’д̇иаад̣̇инаа аалаабасаллаабаад̣̇имад̇д̇ассааби нагаарзна бадигкид̇д̇ад̇д̇аа. д̇ан̃хи д̣̇исваа бхигкуу г̇ийвам̣ баривад̇д̇зд̇ваа ологанамад̇д̇амби на гаронд̇и, звам̣ виваж̇ж̇зд̇аб̣б̣ам̣ ниммад̣̇анагаран̣ад̇т̇амзва д̇асса д̣̇ан̣д̣асса анун̃н̃аад̇ад̇д̇аа. д̇знзва чаннад̇т̇зроби угкзбанийяаад̣̇игаммагад̇оби абхааяид̇ваа б̣рахмад̣̇ан̣д̣з д̣̇иннз ‘‘сан̇гхзнаахам̣ саб̣б̣ат̇аа виваж̇ж̇ид̇о’’д̇и мужчид̇о бабад̇и. яо бана б̣рахмад̣̇ан̣д̣агад̇зна сад̣̇д̇хим̣ н̃ад̇ваа сам̣садто авиваж̇ж̇зд̇ваа вихарад̇и, д̇асса д̣̇уггадамзваад̇и г̇ахзд̇аб̣б̣ам̣ ан̃н̃ат̇аа б̣рахмад̣̇ан̣д̣авид̇хаанасса нирад̇т̇агад̇аабасан̇г̇ад̇о. д̇знаад̇и б̣рахмад̣̇ан̣д̣агад̇зна. яат̇аа д̇аж̇ж̇анийяаад̣̇игаммагад̇зхи, звамзва д̇ад̇о ад̇хигамби сан̇гхам̣аараад̇хзнд̇зна саммаавад̇д̇ид̇аб̣б̣ам̣. д̇ан̃жа ‘‘сорад̇о ниваад̇авуд̇д̇ий’’д̇иаад̣̇инаа саруубад̇о д̣̇ассид̇амзва. д̇знааха ‘‘саммаавад̇д̇ид̇ваа камаабзнд̇асса б̣рахмад̣̇ан̣д̣о бадиббассамбхзд̇аб̣б̣о’’д̇и.
Brahmadaṇḍassa dānanti kharadaṇḍassa ukkaṭṭhadaṇḍassa dānaṃ. Tajjanīyādikamme hi kate ovādānusāsanippadānapaṭikkhepo natthi. Dinnabrahmadaṇḍe pana tasmiṃ saddhiṃ tajjanīyādikammakatehi paṭikkhittampi kātuṃ na vaṭṭati, ‘‘neva vattabbo’’tiādinā ālāpasallāpādimattassāpi nakārena paṭikkhittattā. Tañhi disvā bhikkhū gīvaṃ parivattetvā olokanamattampi na karonti, evaṃ vivajjetabbaṃ nimmadanakaraṇatthameva tassa daṇḍassa anuññātattā. Teneva channattheropi ukkhepanīyādikammakatopi abhāyitvā brahmadaṇḍe dinne ‘‘saṅghenāhaṃ sabbathā vivajjito’’ti mucchito papati. Yo pana brahmadaṇḍakatena saddhiṃ ñatvā saṃsaṭṭho avivajjetvā viharati, tassa dukkaṭamevāti gahetabbaṃ aññathā brahmadaṇḍavidhānassa niratthakatāpasaṅgato. Tenāti brahmadaṇḍakatena. Yathā tajjanīyādikammakatehi, evameva tato adhikampi saṅghaṃārādhentena sammāvattitabbaṃ. Tañca ‘‘sorato nivātavuttī’’tiādinā sarūpato dassitameva. Tenāha ‘‘sammāvattitvā khamāpentassa brahmadaṇḍo paṭippassambhetabbo’’ti.
яам̣ д̇ам̣ бхаг̇авад̇аа аванд̣̇ияагаммам̣ анун̃н̃аад̇анд̇и самб̣анд̇хо. ‘‘д̇асса бхигкуно д̣̇ан̣д̣агаммам̣ гаад̇у’’нд̇и сааман̃н̃ад̇о анун̃н̃аад̇аббагаарам̣ д̣̇ассзд̇ваа буна висзсад̇о анун̃н̃аад̇аббагаарам̣ д̣̇ассзд̇ум̣ ‘‘ат̇а ко’’д̇иаад̣̇ибаал̣и уд̣̇д̇хадаад̇и взд̣̇ид̇аб̣б̣ам̣. имасса абалоганагаммасса таанам̣ ход̇ийд̇и абалоганагаммасса сааман̃н̃асса бавад̇д̇идтаанам̣ ход̇ийд̇и. висзсаб̣яад̇ирзгзна авиж̇ж̇амаанамби д̇ад̣̇ан̃н̃ад̇т̇а аббавад̇д̇им̣ д̣̇ассзд̇ум̣ висзсаниссид̇ам̣ вияа вохарийяад̇и. ‘‘гамман̃н̃зва лагкан̣а’’нд̇и иминаа осааран̣аад̣̇ивасзна г̇ахид̇аавасзсаанам̣ саб̣б̣зсам̣ абалоганагаммасса сааман̃н̃алагкан̣авасзна г̇ахид̇ад̇д̇аа гамман̃н̃зва лагкан̣амассаад̇и гаммалагкан̣анд̇и ниб̣б̣ажанам̣ д̣̇ассзд̇и. ид̣̇ан̃жа вуд̇д̇аавасзсаанам̣ гаммаанам̣ нидтаанадтаанам̣, сан̇каарагканд̇хад̇хаммааяад̇анаани вияа вуд̇д̇аавасзсаканд̇хааяад̇анаананд̇и д̣̇адтаб̣б̣ам̣. д̇знзва вагкад̇и ‘‘аяам̣ банзд̇т̇а баал̣имуд̇д̇агоби гаммалагкан̣авинижчаяо’’д̇иаад̣̇и (бари. адта. 495-496). яат̇аа жзд̇т̇а, звам̣ убари н̃ад̇д̇игаммаад̣̇ийсуби гаммалагкан̣ам̣ вуд̇д̇анд̇и взд̣̇ид̇аб̣б̣ам̣. д̇асса гаран̣анд̇и аванд̣̇ияагаммасса гаран̣авид̇хаанам̣.
Yaṃ taṃ bhagavatā avandiyakammaṃ anuññātanti sambandho. ‘‘Tassa bhikkhuno daṇḍakammaṃ kātu’’nti sāmaññato anuññātappakāraṃ dassetvā puna visesato anuññātappakāraṃ dassetuṃ ‘‘atha kho’’tiādipāḷi uddhaṭāti veditabbaṃ. Imassa apalokanakammassa ṭhānaṃ hotīti apalokanakammassa sāmaññassa pavattiṭṭhānaṃ hotīti. Visesabyatirekena avijjamānampi tadaññattha appavattiṃ dassetuṃ visesanissitaṃ viya voharīyati. ‘‘Kammaññeva lakkhaṇa’’nti iminā osāraṇādivasena gahitāvasesānaṃ sabbesaṃ apalokanakammassa sāmaññalakkhaṇavasena gahitattā kammaññeva lakkhaṇamassāti kammalakkhaṇanti nibbacanaṃ dasseti. Idañca vuttāvasesānaṃ kammānaṃ niṭṭhānaṭṭhānaṃ, saṅkhārakkhandhadhammāyatanāni viya vuttāvasesakhandhāyatanānanti daṭṭhabbaṃ. Teneva vakkhati ‘‘ayaṃ panettha pāḷimuttakopi kammalakkhaṇavinicchayo’’tiādi (pari. aṭṭha. 495-496). Yathā cettha, evaṃ upari ñattikammādīsupi kammalakkhaṇaṃ vuttanti veditabbaṃ. Tassa karaṇanti avandiyakammassa karaṇavidhānaṃ.
‘‘на ванд̣̇ид̇аб̣б̣о’’д̇и иминаа ванд̣̇анд̇ияаа д̣̇уггаданд̇и д̣̇ассзд̇ийд̇и д̣̇адтаб̣б̣ам̣. сан̇гхзна гад̇ам̣ гад̇игам̣ н̃ад̇ваа мад̣̇д̣̇анам̣ вияа хи сан̇гхасаммуд̇им̣ анаад̣̇арзна ад̇иггаманд̇асса аабад̇д̇и зва ход̇и.
‘‘Na vanditabbo’’ti iminā vandantiyā dukkaṭanti dassetīti daṭṭhabbaṃ. Saṅghena kataṃ katikaṃ ñatvā maddanaṃ viya hi saṅghasammutiṃ anādarena atikkamantassa āpatti eva hoti.
бхигкусан̇гхассааби банзд̇ам̣ лаб̣бхад̇иязваад̇и аванд̣̇ияагаммасса убалагкан̣амад̇д̇зна г̇ахид̇ад̇д̇аа бхигкусан̇гхассааби гаммалагкан̣ам̣ лаб̣бхад̇и зва.
Bhikkhusaṅghassāpi panetaṃ labbhatiyevāti avandiyakammassa upalakkhaṇamattena gahitattā bhikkhusaṅghassāpi kammalakkhaṇaṃ labbhati eva.
салаагад̣̇аанадтаанам̣ салаагаг̇г̇ам̣ наама. яааг̇убхад̇д̇аанам̣ бхааж̇анадтаанаани яааг̇аг̇г̇абхад̇д̇аг̇г̇аани наама. зд̇зсуби хи таанзсу саб̣б̣о сан̇гхо убосат̇з вияа саннибад̇ид̇о, гамман̃жа ваг̇г̇агаммам̣ на ход̇и, ‘‘маяамзд̇ам̣ на ж̇аанимхаа’’д̇и бажчаа кияяанд̇ааби на хонд̇и. кан̣д̣асиймааяа бана гад̇з кияяанд̇и. сан̇гхигабажжаяан̃хи ажчиннажийвараад̣̇ийнам̣ д̣̇аад̇ум̣ абалогзнд̇зхи убажаарасиймадтаанам̣ саб̣б̣зсам̣ анумад̇им̣ г̇ахзд̇ваава гаад̇аб̣б̣ам̣. яо бана висабхааг̇абуг̇г̇ало д̇хаммигам̣ абалоганам̣ бадиб̣аахад̇и, д̇ам̣ убааязна б̣ахиубажаарасиймааг̇ад̇ам̣ ваа гад̇ваа кан̣д̣асиймам̣ ваа бависид̇ваа гаад̇ум̣ ваддад̇и.
Salākadānaṭṭhānaṃ salākaggaṃ nāma. Yāgubhattānaṃ bhājanaṭṭhānāni yāgaggabhattaggāni nāma. Etesupi hi ṭhānesu sabbo saṅgho uposathe viya sannipatito, kammañca vaggakammaṃ na hoti, ‘‘mayametaṃ na jānimhā’’ti pacchā khiyyantāpi na honti. Khaṇḍasīmāya pana kate khiyyanti. Saṅghikapaccayañhi acchinnacīvarādīnaṃ dātuṃ apalokentehi upacārasīmaṭṭhānaṃ sabbesaṃ anumatiṃ gahetvāva kātabbaṃ. Yo pana visabhāgapuggalo dhammikaṃ apalokanaṃ paṭibāhati, taṃ upāyena bahiupacārasīmāgataṃ vā katvā khaṇḍasīmaṃ vā pavisitvā kātuṃ vaṭṭati.
яам̣ санд̇хааяа ‘‘абалоганагаммам̣ гарод̇ий’’д̇и сааман̃н̃ад̇о д̣̇ассзд̇и, д̇ам̣ абалоганагаммам̣ саруубад̇о д̣̇ассзд̇умааха ‘‘ажчиннажийварам̣’’ижжаад̣̇и. яад̣̇и абалогзд̇ваава жийварам̣ д̣̇аад̇аб̣б̣ам̣, гим̣ бана аббамад̇д̇агависсаж̇ж̇агасаммуд̇ияаад̇и ааха ‘‘аббамад̇д̇агависсаж̇ж̇анагзна банаа’’д̇иаад̣̇и. наал̣и ваа убад̣дханаал̣и ваад̇и д̣̇ивасз д̣̇ивасз абалогзд̇ваа д̣̇аад̇аб̣б̣асса бамаан̣ад̣̇ассанам̣. д̇зна яаабанамад̇д̇амзва абалогзд̇аб̣б̣ам̣, на ад̇хиганд̇и д̣̇ассзд̇и. згад̣̇ивасам̣язва ваад̇иаад̣̇и д̣̇асавийсад̇ид̣̇ивасаанам̣ згасмим̣ д̣̇ивасзязва д̣̇аад̇аб̣б̣абарижчзд̣̇ад̣̇ассанам̣, д̇зна яаава ж̇ийванд̇и ваа яаава рог̇аа вудтахад̇ийд̇и ваа звам̣ абалогзд̇ум̣ на ваддад̇ийд̇и д̣̇ассзд̇и. ин̣абалиб̣од̇ханд̇и ин̣авад̇т̇ум̣ д̣̇аад̇ум̣ ваддад̇ийд̇и самб̣анд̇хо. д̇ан̃жа ин̣ааяигзхи балиб̣уд̣̇д̇хасса лаж̇ж̇ибзсаласса саасанубагаарагасса бамаан̣аяуд̇д̇амзва габбияабхан̣д̣ам̣ нияамзд̇ваа абалогзд̇ваа д̣̇аад̇аб̣б̣ам̣, на бана сахассам̣ ваа сад̇асахассам̣ ваа махааин̣ам̣. д̇аад̣̇исан̃хи бхигкаажарияавад̇д̇зна саб̣б̣зхи бхигкуухи д̇аад̣̇исасса бхигкуно бариязсид̇ваа д̣̇аад̇аб̣б̣ам̣.
Yaṃ sandhāya ‘‘apalokanakammaṃ karotī’’ti sāmaññato dasseti, taṃ apalokanakammaṃ sarūpato dassetumāha ‘‘acchinnacīvaraṃ’’iccādi. Yadi apaloketvāva cīvaraṃ dātabbaṃ, kiṃ pana appamattakavissajjakasammutiyāti āha ‘‘appamattakavissajjanakena panā’’tiādi. Nāḷi vā upaḍḍhanāḷi vāti divase divase apaloketvā dātabbassa pamāṇadassanaṃ. Tena yāpanamattameva apaloketabbaṃ, na adhikanti dasseti. Ekadivasaṃyeva vātiādi dasavīsatidivasānaṃ ekasmiṃ divaseyeva dātabbaparicchedadassanaṃ, tena yāva jīvanti vā yāva rogā vuṭṭhahatīti vā evaṃ apaloketuṃ na vaṭṭatīti dasseti. Iṇapalibodhanti iṇavatthuṃ dātuṃ vaṭṭatīti sambandho. Tañca iṇāyikehi palibuddhassa lajjipesalassa sāsanupakārakassa pamāṇayuttameva kappiyabhaṇḍaṃ niyametvā apaloketvā dātabbaṃ, na pana sahassaṃ vā satasahassaṃ vā mahāiṇaṃ. Tādisañhi bhikkhācariyavattena sabbehi bhikkhūhi tādisassa bhikkhuno pariyesitvā dātabbaṃ.
убанигкзбад̇од̇и жзд̇ияабадиж̇аг̇г̇анад̇т̇ааяа вад̣дхияаа баяож̇зд̇ваа габбияагаарагзхи табид̇авад̇т̇уд̇о. сан̇гхигзнабийд̇и на гзвалан̃жа д̇ад̇руббаад̣̇ад̇о бажжаяад̣̇ааяагзхи жад̇убажжаяад̇т̇ааяа сан̇гхасса д̣̇иннавад̇т̇унаабийд̇и ад̇т̇о.
Upanikkhepatoti cetiyapaṭijagganatthāya vaḍḍhiyā payojetvā kappiyakārakehi ṭhapitavatthuto. Saṅghikenapīti na kevalañca tatruppādato paccayadāyakehi catupaccayatthāya saṅghassa dinnavatthunāpīti attho.
сан̇гхабхад̇д̇ам̣ гаад̇ум̣ на ваддад̇ийд̇и махаад̣̇аанам̣ д̣̇знд̇зхиби гарияамаанам̣ сан̇гхабхад̇д̇ам̣ вияа гаарзд̇ум̣ на ваддад̇ийд̇и ад̇хиббааяо.
Saṅghabhattaṃ kātuṃ na vaṭṭatīti mahādānaṃ dentehipi kariyamānaṃ saṅghabhattaṃ viya kāretuṃ na vaṭṭatīti adhippāyo.
‘‘яат̇аасукам̣ барибхун̃ж̇ид̇ум̣ ружжад̇ий’’д̇и вуд̇д̇ад̇д̇аа ад̇д̇ано барибхог̇аббахонагам̣ аббам̣ ваа б̣ахум̣ ваа г̇ахзд̇аб̣б̣ам̣, ад̇хигам̣ бана г̇ахзд̇ум̣ на лабхад̇и. убосат̇ад̣̇ивасзд̇и нид̣̇ассанамад̇д̇ам̣, яасмим̣ гисмин̃жи д̣̇ивасзби гад̇ам̣ сугад̇амзва ход̇и. гаронд̇зна ‘‘яам̣ имасмим̣ вихаарз анд̇осиймааяа сан̇гхасанд̇агам̣…бз… яат̇аасукам̣ барибхун̃ж̇ид̇ум̣ маяхам̣ ружжад̇ий’’д̇и звам̣ гад̇игаа гаад̇аб̣б̣аа, д̇ат̇аа д̣̇вийхи д̇ийхиби ‘‘ааяасманд̇аанам̣ ружжад̇ий’’д̇и важанамзва хзд̇т̇а висзсо. д̇зсамбийд̇и ругкаанам̣. саа зва гад̇игаад̇и висум̣ гад̇игаа на гаад̇аб̣б̣аад̇и ад̇т̇о.
‘‘Yathāsukhaṃ paribhuñjituṃ ruccatī’’ti vuttattā attano paribhogappahonakaṃ appaṃ vā bahuṃ vā gahetabbaṃ, adhikaṃ pana gahetuṃ na labhati. Uposathadivaseti nidassanamattaṃ, yasmiṃ kismiñci divasepi kataṃ sukatameva hoti. Karontena ‘‘yaṃ imasmiṃ vihāre antosīmāya saṅghasantakaṃ…pe… yathāsukhaṃ paribhuñjituṃ mayhaṃ ruccatī’’ti evaṃ katikā kātabbā, tathā dvīhi tīhipi ‘‘āyasmantānaṃ ruccatī’’ti vacanameva hettha viseso. Tesampīti rukkhānaṃ. Sā eva katikāti visuṃ katikā na kātabbāti attho.
д̇зсанд̇и ругкаанам̣. сан̇гхо саамийд̇и самб̣анд̇хо. буримавихаарзд̇и буримз яат̇аасукам̣ барибхог̇ад̇т̇ааяа гад̇агад̇игз вихаарз. баривзн̣аани гад̇ваа ж̇аг̇г̇анд̇ийд̇и яад̇т̇а арагкияамаанз палаапалаани, ругкаа жа винассанд̇и, д̇аад̣̇исам̣ таанам̣ санд̇хааяа вуд̇д̇ам̣, д̇ад̇т̇а сан̇гхасса гад̇игаа на бавад̇д̇ийд̇и ад̇хиббааяо. яз бана ругкаа б̣ийж̇аани робзд̇ваа аад̣̇ид̇о бадтааяа бадиж̇аг̇г̇ид̇аа, д̇зби д̣̇асамабхааг̇ам̣ д̣̇ад̇ваа робагзхзва барибхун̃ж̇ид̇аб̣б̣аа. д̇зхийд̇и ж̇аг̇г̇агзхи.
Tesanti rukkhānaṃ. Saṅgho sāmīti sambandho. Purimavihāreti purime yathāsukhaṃ paribhogatthāya katakatike vihāre. Pariveṇāni katvā jaggantīti yattha arakkhiyamāne phalāphalāni, rukkhā ca vinassanti, tādisaṃ ṭhānaṃ sandhāya vuttaṃ, tattha saṅghassa katikā na pavattīti adhippāyo. Ye pana rukkhā bījāni ropetvā ādito paṭṭhāya paṭijaggitā, tepi dasamabhāgaṃ datvā ropakeheva paribhuñjitabbā. Tehīti jaggakehi.
д̇ад̇т̇аад̇и д̇асмим̣ вихаарз. муулзд̇и аад̣̇игаалз, буб̣б̣зд̇и ад̇т̇о. д̣̇ийгхаа гад̇игаад̇и абарижчиннагаалаа яат̇аасукам̣ барибхог̇ад̇т̇ааяа гад̇игаа. ниггуггужжзнаад̇и ‘‘абхааж̇ид̇амид̣̇а’’нд̇и гуггужжам̣ агад̇ваад̇и ад̇т̇о. кияяанамад̇д̇амзвзд̇анд̇и д̇зна кияяанзна б̣ахум̣ каад̣̇анд̇аанам̣ д̣̇осо над̇т̇и ад̇д̇ано барибхог̇аббамаан̣ассзва г̇ахид̇ад̇д̇аа, кияяанд̇зби ад̇д̇ано бахонагам̣ г̇ахзд̇ваа каад̣̇ид̇аб̣б̣анд̇и ад̇хиббааяо.
Tatthāti tasmiṃ vihāre. Mūleti ādikāle, pubbeti attho. Dīghā katikāti aparicchinnakālā yathāsukhaṃ paribhogatthāya katikā. Nikkukkuccenāti ‘‘abhājitamida’’nti kukkuccaṃ akatvāti attho. Khiyyanamattamevetanti tena khiyyanena bahuṃ khādantānaṃ doso natthi attano paribhogappamāṇasseva gahitattā, khiyyantepi attano pahonakaṃ gahetvā khāditabbanti adhippāyo.
г̇ан̣хат̇аад̇и на вад̇д̇аб̣б̣аад̇и д̇ат̇аавуд̇д̇з д̇знзва бхигкунаа д̣̇иннам̣ вияа ман̃н̃зяяум̣, д̇ам̣ ниссааяа мижчааж̇ийвасамбхаво ход̇ийд̇и вуд̇д̇ам̣. д̇знааха ‘‘анувижарид̇ваа’’д̇иаад̣̇и. убад̣дхабхааг̇од̇и згабхигкуно бадивийсад̇о убад̣дхабхааг̇о. д̣̇знд̇зна жа ‘‘зд̇д̇агам̣ д̣̇аад̇ум̣ сан̇гхо анун̃н̃аасий’’д̇и звам̣ ад̇д̇аанам̣ бариможзд̇ваа яат̇аа д̇з сан̇гхз зва басийд̣̇анд̇и, звам̣ вад̇ваа д̣̇аад̇аб̣б̣ам̣.
Gaṇhathāti na vattabbāti tathāvutte teneva bhikkhunā dinnaṃ viya maññeyyuṃ, taṃ nissāya micchājīvasambhavo hotīti vuttaṃ. Tenāha ‘‘anuvicaritvā’’tiādi. Upaḍḍhabhāgoti ekabhikkhuno paṭivīsato upaḍḍhabhāgo. Dentena ca ‘‘ettakaṃ dātuṃ saṅgho anuññāsī’’ti evaṃ attānaṃ parimocetvā yathā te saṅghe eva pasīdanti, evaṃ vatvā dātabbaṃ.
абажжаасийсанд̇знаад̇и г̇илаанаг̇амигиссараад̣̇ийнам̣ анун̃н̃аад̇абуг̇г̇алаанамби ад̇д̇ано санд̇агам̣ д̣̇знд̇зна абажжаасийсанд̇знзва д̣̇аад̇аб̣б̣ам̣, ананун̃н̃аад̇абуг̇г̇алаанам̣ бана абажжаасийсанд̇знааби д̣̇аад̇ум̣ на ваддад̇ийд̇и. сан̇гхигамзва яат̇аагад̇ид̇ааяа д̣̇аабзд̇аб̣б̣ам̣. ад̇д̇ано санд̇агамби бажжаяад̣̇ааяагаад̣̇ий саяамзва виссаасзна г̇ан̣ханд̇и, на ваарзд̇аб̣б̣аа, лад̣̇д̇хагаббияанд̇и д̇ун̣хий бхавид̇аб̣б̣ам̣. буб̣б̣з вуд̇д̇амзваад̇и ‘‘гуд̣̇д̇хо хи со ругкзби чинд̣̇зяяаа’’д̇иаад̣̇инаа д̇ун̣хийбхаавз гааран̣ам̣ буб̣б̣з вуд̇д̇амзва. д̇зхи гад̇аанад̇т̇аабхаавзби гаарун̃н̃зна д̇ун̣хий бхавид̇ум̣ ваддад̇и, ‘‘г̇ан̣хат̇аа’’д̇иаад̣̇и бана вад̇д̇ум̣ на ваддад̇и.
Apaccāsīsantenāti gilānagamikissarādīnaṃ anuññātapuggalānampi attano santakaṃ dentena apaccāsīsanteneva dātabbaṃ, ananuññātapuggalānaṃ pana apaccāsīsantenāpi dātuṃ na vaṭṭatīti. Saṅghikameva yathākatitāya dāpetabbaṃ. Attano santakampi paccayadāyakādī sayameva vissāsena gaṇhanti, na vāretabbā, laddhakappiyanti tuṇhī bhavitabbaṃ. Pubbe vuttamevāti ‘‘kuddho hi so rukkhepi chindeyyā’’tiādinā tuṇhībhāve kāraṇaṃ pubbe vuttameva. Tehi kataanatthābhāvepi kāruññena tuṇhī bhavituṃ vaṭṭati, ‘‘gaṇhathā’’tiādi pana vattuṃ na vaṭṭati.
г̇арубхан̣д̣ад̇д̇аа…бз… на д̣̇аад̇аб̣б̣анд̇и ж̇ийваругкаанам̣ аараамадтаанийяад̇д̇аа, д̣̇ааруунан̃жа г̇зхасамбхаараанубаг̇ад̇ад̇д̇аа ‘‘саб̣б̣ам̣ д̇вамзва г̇ан̣хаа’’д̇и д̣̇аад̇ум̣ на ваддад̇ийд̇и вуд̇д̇ам̣. агад̇ааваасам̣ ваа гад̇ваад̇и буб̣б̣з авиж̇ж̇амаанам̣ сзнаасанам̣ гад̇ваа ж̇аг̇г̇ид̇агаалз палаваарз самбад̇д̇з.
Garubhaṇḍattā…pe… na dātabbanti jīvarukkhānaṃ ārāmaṭṭhānīyattā, dārūnañca gehasambhārānupagatattā ‘‘sabbaṃ tvameva gaṇhā’’ti dātuṃ na vaṭṭatīti vuttaṃ. Akatāvāsaṃ vā katvāti pubbe avijjamānaṃ senāsanaṃ katvā jaggitakāle phalavāre sampatte.
абалоганагаммагат̇ааван̣н̣анаа нидтид̇аа.
Apalokanakammakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гаммаваг̇г̇о • 1. Kammavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / абалоганагаммагат̇аа • Apalokanakammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / абалоганагаммагат̇ааван̣н̣анаа • Apalokanakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / абалоганагаммагат̇ааван̣н̣анаа • Apalokanakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / абалоганагаммагат̇аа • Apalokanakammakathā
