Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    10. аабан̣асуд̇д̇ам̣

    10. Āpaṇasuttaṃ

    520. звам̣ мз суд̇ам̣ – згам̣ самаяам̣ бхаг̇аваа ан̇г̇зсу вихарад̇и аабан̣ам̣ наама ан̇г̇аанам̣ ниг̇амо. д̇ад̇ра ко бхаг̇аваа ааяасманд̇ам̣ саарибуд̇д̇ам̣ ааманд̇зси – ‘‘яо со, саарибуд̇д̇а, арияасааваго д̇ат̇ааг̇ад̇з зганд̇аг̇ад̇о 1 абхиббасанно, на со д̇ат̇ааг̇ад̇з ваа д̇ат̇ааг̇ад̇асаасанз ваа ган̇кзяяа ваа вижигижчзяяа ваа’’д̇и?

    520. Evaṃ me sutaṃ – ekaṃ samayaṃ bhagavā aṅgesu viharati āpaṇaṃ nāma aṅgānaṃ nigamo. Tatra kho bhagavā āyasmantaṃ sāriputtaṃ āmantesi – ‘‘yo so, sāriputta, ariyasāvako tathāgate ekantagato 2 abhippasanno, na so tathāgate vā tathāgatasāsane vā kaṅkheyya vā vicikiccheyya vā’’ti?

    ‘‘яо со, бханд̇з, арияасааваго д̇ат̇ааг̇ад̇з зганд̇аг̇ад̇о абхиббасанно, на со д̇ат̇ааг̇ад̇з ваа д̇ат̇ааг̇ад̇асаасанз ваа ган̇кзяяа ваа вижигижчзяяа ваа. сад̣̇д̇хасса хи, бханд̇з, арияасаавагасса звам̣ баадиган̇кам̣ яам̣ аарад̣̇д̇хавийрияо вихариссад̇и – агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. яам̣ хисса, бханд̇з, вийрияам̣ д̇ад̣̇асса вийрияинд̣̇рияам̣.

    ‘‘Yo so, bhante, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā. Saddhassa hi, bhante, ariyasāvakassa evaṃ pāṭikaṅkhaṃ yaṃ āraddhavīriyo viharissati – akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Yaṃ hissa, bhante, vīriyaṃ tadassa vīriyindriyaṃ.

    ‘‘сад̣̇д̇хасса хи , бханд̇з, арияасаавагасса аарад̣̇д̇хавийрияасса зд̇ам̣ баадиган̇кам̣ яам̣ сад̇имаа бхависсад̇и, барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ануссарид̇аа. яаа хисса, бханд̇з, сад̇и д̇ад̣̇асса сад̇инд̣̇рияам̣.

    ‘‘Saddhassa hi , bhante, ariyasāvakassa āraddhavīriyassa etaṃ pāṭikaṅkhaṃ yaṃ satimā bhavissati, paramena satinepakkena samannāgato, cirakatampi cirabhāsitampi saritā anussaritā. Yā hissa, bhante, sati tadassa satindriyaṃ.

    ‘‘сад̣̇д̇хасса хи, бханд̇з, арияасаавагасса аарад̣̇д̇хавийрияасса убадтид̇ассад̇ино зд̇ам̣ баадиган̇кам̣ яам̣ воссаг̇г̇аарамман̣ам̣ гарид̇ваа лабхиссад̇и самаад̇хим̣, лабхиссад̇и жид̇д̇асса згаг̇г̇ад̇ам̣. яо хисса, бханд̇з, самаад̇хи д̇ад̣̇асса самаад̇хинд̣̇рияам̣.

    ‘‘Saddhassa hi, bhante, ariyasāvakassa āraddhavīriyassa upaṭṭhitassatino etaṃ pāṭikaṅkhaṃ yaṃ vossaggārammaṇaṃ karitvā labhissati samādhiṃ, labhissati cittassa ekaggataṃ. Yo hissa, bhante, samādhi tadassa samādhindriyaṃ.

    ‘‘сад̣̇д̇хасса хи, бханд̇з, арияасаавагасса аарад̣̇д̇хавийрияасса убадтид̇ассад̇ино самаахид̇ажид̇д̇асса зд̇ам̣ баадиган̇кам̣ яам̣ звам̣ баж̇ааниссад̇и – анамад̇аг̇г̇о ко сам̣сааро. буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. авиж̇ж̇ааяа д̇взва д̇амогааяасса асзсавирааг̇анирод̇хо санд̇амзд̇ам̣ бад̣̇ам̣ бан̣ийд̇амзд̇ам̣ бад̣̇ам̣, яад̣̇ид̣̇ам̣ – саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇хо ниб̣б̣аанам̣ 3. яаа хисса, бханд̇з, бан̃н̃аа д̇ад̣̇асса бан̃н̃инд̣̇рияам̣.

    ‘‘Saddhassa hi, bhante, ariyasāvakassa āraddhavīriyassa upaṭṭhitassatino samāhitacittassa etaṃ pāṭikaṅkhaṃ yaṃ evaṃ pajānissati – anamataggo kho saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Avijjāya tveva tamokāyassa asesavirāganirodho santametaṃ padaṃ paṇītametaṃ padaṃ, yadidaṃ – sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ 4. Yā hissa, bhante, paññā tadassa paññindriyaṃ.

    ‘‘сад̣̇д̇хо со 5, бханд̇з, арияасааваго звам̣ бад̣̇ахид̇ваа бад̣̇ахид̇ваа звам̣ сарид̇ваа сарид̇ваа звам̣ самаад̣̇ахид̇ваа самаад̣̇ахид̇ваа звам̣ баж̇аанид̇ваа баж̇аанид̇ваа звам̣ абхисад̣̇д̣̇ахад̇и – ‘имз ко д̇з д̇хаммаа яз мз буб̣б̣з суд̇аваа ахзсум̣. д̇знаахам̣ зд̇арахи гааязна жа пусид̇ваа вихараами, бан̃н̃ааяа жа ад̇ивиж̇жха 6 бассаамий’д̇и. яаа хисса, бханд̇з, сад̣̇д̇хаа д̇ад̣̇асса сад̣̇д̇хинд̣̇рияа’’нд̇и.

    ‘‘Saddho so 7, bhante, ariyasāvako evaṃ padahitvā padahitvā evaṃ saritvā saritvā evaṃ samādahitvā samādahitvā evaṃ pajānitvā pajānitvā evaṃ abhisaddahati – ‘ime kho te dhammā ye me pubbe sutavā ahesuṃ. Tenāhaṃ etarahi kāyena ca phusitvā viharāmi, paññāya ca ativijjha 8 passāmī’ti. Yā hissa, bhante, saddhā tadassa saddhindriya’’nti.

    ‘‘саад̇ху саад̇ху, саарибуд̇д̇а! яо со, саарибуд̇д̇а, арияасааваго д̇ат̇ааг̇ад̇з зганд̇аг̇ад̇о абхиббасанно, на со д̇ат̇ааг̇ад̇з ваа д̇ат̇ааг̇ад̇асаасанз ваа ган̇кзяяа ваа вижигижчзяяа ваа. сад̣̇д̇хасса хи, саарибуд̇д̇а, арияасаавагасса зд̇ам̣ баадиган̇кам̣ яам̣ аарад̣̇д̇хавийрияо вихариссад̇и – агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. яам̣ хисса, саарибуд̇д̇а, вийрияам̣ д̇ад̣̇асса вийрияинд̣̇рияам̣.

    ‘‘Sādhu sādhu, sāriputta! Yo so, sāriputta, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā. Saddhassa hi, sāriputta, ariyasāvakassa etaṃ pāṭikaṅkhaṃ yaṃ āraddhavīriyo viharissati – akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Yaṃ hissa, sāriputta, vīriyaṃ tadassa vīriyindriyaṃ.

    ‘‘сад̣̇д̇хасса хи, саарибуд̇д̇а, арияасаавагасса аарад̣̇д̇хавийрияасса зд̇ам̣ баадиган̇кам̣ яам̣ сад̇имаа бхависсад̇и, барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ануссарид̇аа. яаа хисса, саарибуд̇д̇а, сад̇и д̇ад̣̇асса сад̇инд̣̇рияам̣.

    ‘‘Saddhassa hi, sāriputta, ariyasāvakassa āraddhavīriyassa etaṃ pāṭikaṅkhaṃ yaṃ satimā bhavissati, paramena satinepakkena samannāgato, cirakatampi cirabhāsitampi saritā anussaritā. Yā hissa, sāriputta, sati tadassa satindriyaṃ.

    ‘‘сад̣̇д̇хасса хи, саарибуд̇д̇а, арияасаавагасса аарад̣̇д̇хавийрияасса убадтид̇ассад̇ино зд̇ам̣ баадиган̇кам̣ яам̣ воссаг̇г̇аарамман̣ам̣ гарид̇ваа лабхиссад̇и самаад̇хим̣, лабхиссад̇и жид̇д̇асса згаг̇г̇ад̇ам̣. яо хисса, саарибуд̇д̇а, самаад̇хи д̇ад̣̇асса самаад̇хинд̣̇рияам̣.

    ‘‘Saddhassa hi, sāriputta, ariyasāvakassa āraddhavīriyassa upaṭṭhitassatino etaṃ pāṭikaṅkhaṃ yaṃ vossaggārammaṇaṃ karitvā labhissati samādhiṃ, labhissati cittassa ekaggataṃ. Yo hissa, sāriputta, samādhi tadassa samādhindriyaṃ.

    ‘‘сад̣̇д̇хасса хи, саарибуд̇д̇а, арияасаавагасса аарад̣̇д̇хавийрияасса убадтид̇ассад̇ино самаахид̇ажид̇д̇асса зд̇ам̣ баадиган̇кам̣ яам̣ звам̣ баж̇ааниссад̇и – анамад̇аг̇г̇о ко сам̣сааро. буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. авиж̇ж̇ааяа д̇взва д̇амогааяасса асзсавирааг̇анирод̇хо санд̇амзд̇ам̣ бад̣̇ам̣ бан̣ийд̇амзд̇ам̣ бад̣̇ам̣, яад̣̇ид̣̇ам̣ – саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇хо ниб̣б̣аанам̣. яаа хисса, саарибуд̇д̇а, бан̃н̃аа д̇ад̣̇асса бан̃н̃инд̣̇рияам̣.

    ‘‘Saddhassa hi, sāriputta, ariyasāvakassa āraddhavīriyassa upaṭṭhitassatino samāhitacittassa etaṃ pāṭikaṅkhaṃ yaṃ evaṃ pajānissati – anamataggo kho saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Avijjāya tveva tamokāyassa asesavirāganirodho santametaṃ padaṃ paṇītametaṃ padaṃ, yadidaṃ – sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ. Yā hissa, sāriputta, paññā tadassa paññindriyaṃ.

    ‘‘сад̣̇д̇хо со 9, саарибуд̇д̇а, арияасааваго звам̣ бад̣̇ахид̇ваа бад̣̇ахид̇ваа звам̣ сарид̇ваа сарид̇ваа звам̣ самаад̣̇ахид̇ваа самаад̣̇ахид̇ваа звам̣ баж̇аанид̇ваа баж̇аанид̇ваа звам̣ абхисад̣̇д̣̇ахад̇и – ‘имз ко д̇з д̇хаммаа яз мз буб̣б̣з суд̇аваа ахзсум̣. д̇знаахам̣ зд̇арахи гааязна жа пусид̇ваа вихараами, бан̃н̃ааяа жа ад̇ивиж̇жха 10 бассаамий’д̇и. яаа хисса, саарибуд̇д̇а, сад̣̇д̇хаа д̇ад̣̇асса сад̣̇д̇хинд̣̇рияа’’нд̇и. д̣̇асамам̣.

    ‘‘Saddho so 11, sāriputta, ariyasāvako evaṃ padahitvā padahitvā evaṃ saritvā saritvā evaṃ samādahitvā samādahitvā evaṃ pajānitvā pajānitvā evaṃ abhisaddahati – ‘ime kho te dhammā ye me pubbe sutavā ahesuṃ. Tenāhaṃ etarahi kāyena ca phusitvā viharāmi, paññāya ca ativijjha 12 passāmī’ti. Yā hissa, sāriputta, saddhā tadassa saddhindriya’’nti. Dasamaṃ.

    ж̇арааваг̇г̇о бан̃жамо.

    Jarāvaggo pañcamo.

    д̇ассуд̣̇д̣̇аанам̣ –

    Tassuddānaṃ –

    ж̇араа ун̣н̣аабхо б̣раахман̣о, саагзд̇о буб̣б̣агодтаго;

    Jarā uṇṇābho brāhmaṇo, sāketo pubbakoṭṭhako;

    буб̣б̣аараамз жа жад̇д̇аари, бин̣д̣оло аабан̣зна жаад̇и 13.

    Pubbārāme ca cattāri, piṇḍolo āpaṇena cāti 14.




    Next: 6. суугаракад̇аваг̇г̇о • 6. Sūkarakhatavaggo




    Footnotes:
    1. зганд̇иг̇ад̇о (сий.)
    2. ekantigato (sī.)
    3. ниб̣б̣аананд̇и (?)
    4. nibbānanti (?)
    5. са ко со (сий. сяаа. гам̣.)
    6. бадивиж̇жха (сий. га.) д̇ад̣̇адтагат̇аасу бана ад̇ивиж̇жхид̇ваад̇и ван̣н̣ид̇ам̣
    7. sa kho so (sī. syā. kaṃ.)
    8. paṭivijjha (sī. ka.) tadaṭṭhakathāsu pana ativijjhitvāti vaṇṇitaṃ
    9. са ко со (сий. сяаа. гам̣. бий.)
    10. бадивиж̇жха (га. сий. га.)
    11. sa kho so (sī. syā. kaṃ. pī.)
    12. paṭivijjha (ka. sī. ka.)
    13. сад̣̇д̇хзна д̇з д̣̇асаад̇и (сяаа. гам̣. га.)
    14. saddhena te dasāti (syā. kaṃ. ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. аабан̣асуд̇д̇аван̣н̣анаа • 10. Āpaṇasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. аабан̣асуд̇д̇аван̣н̣анаа • 10. Āpaṇasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact