| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
१०. आपणसुत्तवण्णना
10. Āpaṇasuttavaṇṇanā
५२०. दसमे इमे खो ते धम्माति उपरि सह विपस्सनाय तयो मग्गा। ये मे पुब्बे सुताव अहेसुन्ति ये धम्मा मया पुब्बे ‘‘अरहत्तफलिन्द्रियं नाम अत्थी’’ति कथेन्तानंयेव सुता अहेसुं। कायेन च फुसित्वाति नामकायेन च फुसित्वा पटिलभित्वा। पञ्ञाय च अतिविज्झ पस्सामीति पच्चवेक्खणपञ्ञाय च अतिविज्झित्वा पस्सामि। या हिस्स, भन्ते, सद्धाति अयं कतरसद्धा? चतूहि इन्द्रियेहि सम्पयुत्ता सद्धा हेट्ठा कथिताव, अयं पन पच्चवेक्खणसद्धा। सम्पयुत्तसद्धा हि मिस्सका, पच्चवेक्खणसद्धा लोकियाव। सेसं सब्बत्थ उत्तानमेवाति।
520. Dasame ime kho te dhammāti upari saha vipassanāya tayo maggā. Ye me pubbe sutāva ahesunti ye dhammā mayā pubbe ‘‘arahattaphalindriyaṃ nāma atthī’’ti kathentānaṃyeva sutā ahesuṃ. Kāyena ca phusitvāti nāmakāyena ca phusitvā paṭilabhitvā. Paññāya ca ativijjha passāmīti paccavekkhaṇapaññāya ca ativijjhitvā passāmi. Yā hissa, bhante, saddhāti ayaṃ katarasaddhā? Catūhi indriyehi sampayuttā saddhā heṭṭhā kathitāva, ayaṃ pana paccavekkhaṇasaddhā. Sampayuttasaddhā hi missakā, paccavekkhaṇasaddhā lokiyāva. Sesaṃ sabbattha uttānamevāti.
जरावग्गो पञ्चमो।
Jarāvaggo pañcamo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १०. आपणसुत्तं • 10. Āpaṇasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १०. आपणसुत्तवण्णना • 10. Āpaṇasuttavaṇṇanā
