| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೧೦. ಆಪಣಸುತ್ತವಣ್ಣನಾ
10. Āpaṇasuttavaṇṇanā
೫೨೦. ದಸಮೇ ಇಮೇ ಖೋ ತೇ ಧಮ್ಮಾತಿ ಉಪರಿ ಸಹ ವಿಪಸ್ಸನಾಯ ತಯೋ ಮಗ್ಗಾ। ಯೇ ಮೇ ಪುಬ್ಬೇ ಸುತಾವ ಅಹೇಸುನ್ತಿ ಯೇ ಧಮ್ಮಾ ಮಯಾ ಪುಬ್ಬೇ ‘‘ಅರಹತ್ತಫಲಿನ್ದ್ರಿಯಂ ನಾಮ ಅತ್ಥೀ’’ತಿ ಕಥೇನ್ತಾನಂಯೇವ ಸುತಾ ಅಹೇಸುಂ। ಕಾಯೇನ ಚ ಫುಸಿತ್ವಾತಿ ನಾಮಕಾಯೇನ ಚ ಫುಸಿತ್ವಾ ಪಟಿಲಭಿತ್ವಾ। ಪಞ್ಞಾಯ ಚ ಅತಿವಿಜ್ಝ ಪಸ್ಸಾಮೀತಿ ಪಚ್ಚವೇಕ್ಖಣಪಞ್ಞಾಯ ಚ ಅತಿವಿಜ್ಝಿತ್ವಾ ಪಸ್ಸಾಮಿ। ಯಾ ಹಿಸ್ಸ, ಭನ್ತೇ, ಸದ್ಧಾತಿ ಅಯಂ ಕತರಸದ್ಧಾ? ಚತೂಹಿ ಇನ್ದ್ರಿಯೇಹಿ ಸಮ್ಪಯುತ್ತಾ ಸದ್ಧಾ ಹೇಟ್ಠಾ ಕಥಿತಾವ, ಅಯಂ ಪನ ಪಚ್ಚವೇಕ್ಖಣಸದ್ಧಾ। ಸಮ್ಪಯುತ್ತಸದ್ಧಾ ಹಿ ಮಿಸ್ಸಕಾ, ಪಚ್ಚವೇಕ್ಖಣಸದ್ಧಾ ಲೋಕಿಯಾವ। ಸೇಸಂ ಸಬ್ಬತ್ಥ ಉತ್ತಾನಮೇವಾತಿ।
520. Dasame ime kho te dhammāti upari saha vipassanāya tayo maggā. Ye me pubbe sutāva ahesunti ye dhammā mayā pubbe ‘‘arahattaphalindriyaṃ nāma atthī’’ti kathentānaṃyeva sutā ahesuṃ. Kāyena ca phusitvāti nāmakāyena ca phusitvā paṭilabhitvā. Paññāya ca ativijjha passāmīti paccavekkhaṇapaññāya ca ativijjhitvā passāmi. Yā hissa, bhante, saddhāti ayaṃ katarasaddhā? Catūhi indriyehi sampayuttā saddhā heṭṭhā kathitāva, ayaṃ pana paccavekkhaṇasaddhā. Sampayuttasaddhā hi missakā, paccavekkhaṇasaddhā lokiyāva. Sesaṃ sabbattha uttānamevāti.
ಜರಾವಗ್ಗೋ ಪಞ್ಚಮೋ।
Jarāvaggo pañcamo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೦. ಆಪಣಸುತ್ತಂ • 10. Āpaṇasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೦. ಆಪಣಸುತ್ತವಣ್ಣನಾ • 10. Āpaṇasuttavaṇṇanā
