| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൧൦. ആപണസുത്തവണ്ണനാ
10. Āpaṇasuttavaṇṇanā
൫൨൦. ദസമേ ഇമേ ഖോ തേ ധമ്മാതി ഉപരി സഹ വിപസ്സനായ തയോ മഗ്ഗാ. യേ മേ പുബ്ബേ സുതാവ അഹേസുന്തി യേ ധമ്മാ മയാ പുബ്ബേ ‘‘അരഹത്തഫലിന്ദ്രിയം നാമ അത്ഥീ’’തി കഥേന്താനംയേവ സുതാ അഹേസും. കായേന ച ഫുസിത്വാതി നാമകായേന ച ഫുസിത്വാ പടിലഭിത്വാ. പഞ്ഞായ ച അതിവിജ്ഝ പസ്സാമീതി പച്ചവേക്ഖണപഞ്ഞായ ച അതിവിജ്ഝിത്വാ പസ്സാമി. യാ ഹിസ്സ, ഭന്തേ, സദ്ധാതി അയം കതരസദ്ധാ? ചതൂഹി ഇന്ദ്രിയേഹി സമ്പയുത്താ സദ്ധാ ഹേട്ഠാ കഥിതാവ, അയം പന പച്ചവേക്ഖണസദ്ധാ. സമ്പയുത്തസദ്ധാ ഹി മിസ്സകാ, പച്ചവേക്ഖണസദ്ധാ ലോകിയാവ. സേസം സബ്ബത്ഥ ഉത്താനമേവാതി.
520. Dasame ime kho te dhammāti upari saha vipassanāya tayo maggā. Ye me pubbe sutāva ahesunti ye dhammā mayā pubbe ‘‘arahattaphalindriyaṃ nāma atthī’’ti kathentānaṃyeva sutā ahesuṃ. Kāyena ca phusitvāti nāmakāyena ca phusitvā paṭilabhitvā. Paññāya ca ativijjha passāmīti paccavekkhaṇapaññāya ca ativijjhitvā passāmi. Yā hissa, bhante, saddhāti ayaṃ katarasaddhā? Catūhi indriyehi sampayuttā saddhā heṭṭhā kathitāva, ayaṃ pana paccavekkhaṇasaddhā. Sampayuttasaddhā hi missakā, paccavekkhaṇasaddhā lokiyāva. Sesaṃ sabbattha uttānamevāti.
ജരാവഗ്ഗോ പഞ്ചമോ.
Jarāvaggo pañcamo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. ആപണസുത്തം • 10. Āpaṇasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦. ആപണസുത്തവണ്ണനാ • 10. Āpaṇasuttavaṇṇanā
