| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਆਪਙ੍ਗਪਞ੍ਹੋ
2. Āpaṅgapañho
੨. ‘‘ਭਨ੍ਤੇ ਨਾਗਸੇਨ, ‘ਆਪਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਆਪੋ ਸੁਸਣ੍ਠਿਤਮਕਮ੍ਪਿਤਮਲੁਲ਼ਿਤਸਭਾવਪਰਿਸੁਦ੍ਧੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਕੁਹਨਲਪਨਨੇਮਿਤ੍ਤਕਨਿਪ੍ਪੇਸਿਕਤਂ ਅਪਨੇਤ੍વਾ ਸੁਸਣ੍ਠਿਤਮਕਮ੍ਪਿਤਮਲੁਲ਼ਿਤਸਭਾવਪਰਿਸੁਦ੍ਧਾਚਾਰੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਆਪਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
2. ‘‘Bhante nāgasena, ‘āpassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, āpo susaṇṭhitamakampitamaluḷitasabhāvaparisuddho, evameva kho, mahārāja, yoginā yogāvacarena kuhanalapananemittakanippesikataṃ apanetvā susaṇṭhitamakampitamaluḷitasabhāvaparisuddhācārena bhavitabbaṃ. Idaṃ, mahārāja, āpassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਆਪੋ ਸੀਤਲਸਭਾવਸਣ੍ਠਿਤੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਬ੍ਬਸਤ੍ਤੇਸੁ ਖਨ੍ਤਿਮੇਤ੍ਤਾਨੁਦ੍ਦਯਸਮ੍ਪਨ੍ਨੇਨ ਹਿਤੇਸਿਨਾ ਅਨੁਕਮ੍ਪਕੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਆਪਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, āpo sītalasabhāvasaṇṭhito, evameva kho, mahārāja, yoginā yogāvacarena sabbasattesu khantimettānuddayasampannena hitesinā anukampakena bhavitabbaṃ. Idaṃ, mahārāja, āpassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਆਪੋ ਅਸੁਚਿਂ ਸੁਚਿਂ ਕਰੋਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਗਾਮੇ વਾ ਅਰਞ੍ਞੇ વਾ ਉਪਜ੍ਝਾਯੇ ਉਪਜ੍ਝਾਯਮਤ੍ਤੇਸੁ ਆਚਰਿਯੇ ਆਚਰਿਯਮਤ੍ਤੇਸੁ ਸਬ੍ਬਤ੍ਥ ਅਨਧਿਕਰਣੇਨ ਭવਿਤਬ੍ਬਂ ਅਨવਸੇਸਕਾਰਿਨਾ। ਇਦਂ, ਮਹਾਰਾਜ, ਆਪਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, āpo asuciṃ suciṃ karoti, evameva kho, mahārāja, yoginā yogāvacarena gāme vā araññe vā upajjhāye upajjhāyamattesu ācariye ācariyamattesu sabbattha anadhikaraṇena bhavitabbaṃ anavasesakārinā. Idaṃ, mahārāja, āpassa tatiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਆਪੋ ਬਹੁਜਨਪਤ੍ਥਿਤੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅਪ੍ਪਿਚ੍ਛਸਨ੍ਤੁਟ੍ਠਪવਿવਿਤ੍ਤਪਟਿਸਲ੍ਲਾਨੇਨ ਸਤਤਂ ਸਬ੍ਬਲੋਕਮਭਿਪਤ੍ਥਿਤੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਆਪਸ੍ਸ ਚਤੁਤ੍ਥਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, āpo bahujanapatthito, evameva kho, mahārāja, yoginā yogāvacarena appicchasantuṭṭhapavivittapaṭisallānena satataṃ sabbalokamabhipatthitena bhavitabbaṃ. Idaṃ, mahārāja, āpassa catutthaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਆਪੋ ਨ ਕਸ੍ਸਚਿ ਅਹਿਤਮੁਪਦਹਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਪਰਭਣ੍ਡਨਕਲਹવਿਗ੍ਗਹવਿવਾਦਰਿਤ੍ਤਜ੍ਝਾਨਅਰਤਿਜਨਨਂ ਕਾਯવਚੀਚਿਤ੍ਤੇਹਿ ਪਾਪਕਂ ਨ ਕਰਣੀਯਂ। ਇਦਂ, ਮਹਾਰਾਜ, ਆਪਸ੍ਸ ਪਞ੍ਚਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ ਮਹਾਰਾਜ, ਭਗવਤਾ, ਦੇવਾਤਿਦੇવੇਨ ਕਣ੍ਹਜਾਤਕੇ –
‘‘Puna caparaṃ, mahārāja, āpo na kassaci ahitamupadahati, evameva kho, mahārāja, yoginā yogāvacarena parabhaṇḍanakalahaviggahavivādarittajjhānaaratijananaṃ kāyavacīcittehi pāpakaṃ na karaṇīyaṃ. Idaṃ, mahārāja, āpassa pañcamaṃ aṅgaṃ gahetabbaṃ. Bhāsitampetaṃ mahārāja, bhagavatā, devātidevena kaṇhajātake –
‘‘‘વਰਞ੍ਚੇ ਮੇ ਅਦੋ ਸਕ੍ਕ, ਸਬ੍ਬਭੂਤਾਨਮਿਸ੍ਸਰ।
‘‘‘Varañce me ado sakka, sabbabhūtānamissara;
ਨ ਮਨੋ વਾ ਸਰੀਰਂ વਾ, ਮਂ-ਕਤੇ ਸਕ੍ਕ ਕਸ੍ਸਚਿ।
Na mano vā sarīraṃ vā, maṃ-kate sakka kassaci;
ਕਦਾਚਿ ਉਪਹਞ੍ਞੇਥ, ਏਤਂ ਸਕ੍ਕ વਰਂ વਰੇ’’’ਤਿ॥
Kadāci upahaññetha, etaṃ sakka varaṃ vare’’’ti.
ਆਪਙ੍ਗਪਞ੍ਹੋ ਦੁਤਿਯੋ।
Āpaṅgapañho dutiyo.
