| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
10. අපනිධානසික්‌ඛාපදවණ්‌ණනා
10. Apanidhānasikkhāpadavaṇṇanā
අධිට්‌ඨානුපගන්‌ති අධිට්‌ඨානයොග්‌ගං අයොපත්‌තඤ්‌චෙව මත්‌තිකාපත්‌තඤ්‌ච. සූකරන්‌තකං නාම කුඤ්‌චිකාකොසො විය අන්‌තො සුසිරං කත්‌වා කොට්‌ටිතං.
Adhiṭṭhānupaganti adhiṭṭhānayoggaṃ ayopattañceva mattikāpattañca. Sūkarantakaṃ nāma kuñcikākoso viya anto susiraṃ katvā koṭṭitaṃ.
අඤ්‌ඤං පරික්‌ඛාරන්‌ති පාළියා අනාගතපත්‌තත්‌ථවිකාදිං. ධම්‌මකථං කත්‌වාති ‘‘සමණෙන නාම අනිහිතපරික්‌ඛාරෙන භවිතුං න වට්‌ටතී’’ති එවං ‘‘ධම්‌මකථං කථෙත්‌වා දස්‌සාමී’’ති නික්‌ඛිපතො අනාපත්‌ති.
Aññaṃparikkhāranti pāḷiyā anāgatapattatthavikādiṃ. Dhammakathaṃ katvāti ‘‘samaṇena nāma anihitaparikkhārena bhavituṃ na vaṭṭatī’’ti evaṃ ‘‘dhammakathaṃ kathetvā dassāmī’’ti nikkhipato anāpatti.
අපනිධානසික්‌ඛාපදවණ්‌ණනා නිට්‌ඨිතා.
Apanidhānasikkhāpadavaṇṇanā niṭṭhitā.
සුරාපානවග්‌ගො ඡට්‌ඨො.
Surāpānavaggo chaṭṭho.
