| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
10. абан̣н̣агасуд̇д̇ам̣
10. Apaṇṇakasuttaṃ
92. звам̣ мз суд̇ам̣ – згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ язна саалаа наама госалаанам̣ б̣раахман̣аг̇аамо д̇ад̣̇авасари. ассосум̣ ко саалзяяагаа б̣раахман̣аг̇ахабад̇игаа – ‘‘саман̣о калу бхо г̇од̇амо сагяабуд̇д̇о сагяагулаа баб̣б̣аж̇ид̇о госалзсу жааригам̣ жарамаано махад̇аа бхигкусан̇гхзна сад̣̇д̇хим̣ саалам̣ ануббад̇д̇о. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и. ат̇а ко саалзяяагаа б̣раахман̣аг̇ахабад̇игаа язна бхаг̇аваа д̇знубасан̇гамим̣су; убасан̇гамид̇ваа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. аббзгажжз бхаг̇авад̇аа сад̣̇д̇хим̣ саммод̣̇им̣су; саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су. аббзгажжз бхаг̇авад̇о санд̇игз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су. аббзгажжз д̇ун̣хийбхууд̇аа згаманд̇ам̣ нисийд̣̇им̣су.
92. Evaṃ me sutaṃ – ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena sālā nāma kosalānaṃ brāhmaṇagāmo tadavasari. Assosuṃ kho sāleyyakā brāhmaṇagahapatikā – ‘‘samaṇo khalu bho gotamo sakyaputto sakyakulā pabbajito kosalesu cārikaṃ caramāno mahatā bhikkhusaṅghena saddhiṃ sālaṃ anuppatto. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti. Atha kho sāleyyakā brāhmaṇagahapatikā yena bhagavā tenupasaṅkamiṃsu; upasaṅkamitvā appekacce bhagavantaṃ abhivādetvā ekamantaṃ nisīdiṃsu. Appekacce bhagavatā saddhiṃ sammodiṃsu; sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Appekacce yena bhagavā tenañjaliṃ paṇāmetvā ekamantaṃ nisīdiṃsu. Appekacce bhagavato santike nāmagottaṃ sāvetvā ekamantaṃ nisīdiṃsu. Appekacce tuṇhībhūtā ekamantaṃ nisīdiṃsu.
93. згаманд̇ам̣ нисиннз ко саалзяяагз б̣раахман̣аг̇ахабад̇игз бхаг̇аваа зд̇ад̣̇авожа – ‘‘ад̇т̇и бана во, г̇ахабад̇аяо, гожи манаабо сад̇т̇аа яасмим̣ во аагааравад̇ий сад̣̇д̇хаа бадилад̣̇д̇хаа’’д̇и? ‘‘над̇т̇и ко но, бханд̇з, гожи манаабо сад̇т̇аа яасмим̣ но аагааравад̇ий сад̣̇д̇хаа бадилад̣̇д̇хаа’’д̇и. ‘‘манаабам̣ во, г̇ахабад̇аяо, сад̇т̇аарам̣ алабханд̇зхи аяам̣ абан̣н̣аго д̇хаммо самаад̣̇ааяа вад̇д̇ид̇аб̣б̣о. абан̣н̣аго хи, г̇ахабад̇аяо, д̇хаммо самад̇д̇о самаад̣̇инно, со во бхависсад̇и д̣̇ийгхарад̇д̇ам̣ хид̇ааяа сукааяа. гад̇амо жа, г̇ахабад̇аяо, абан̣н̣аго д̇хаммо’’?
93. Ekamantaṃ nisinne kho sāleyyake brāhmaṇagahapatike bhagavā etadavoca – ‘‘atthi pana vo, gahapatayo, koci manāpo satthā yasmiṃ vo ākāravatī saddhā paṭiladdhā’’ti? ‘‘Natthi kho no, bhante, koci manāpo satthā yasmiṃ no ākāravatī saddhā paṭiladdhā’’ti. ‘‘Manāpaṃ vo, gahapatayo, satthāraṃ alabhantehi ayaṃ apaṇṇako dhammo samādāya vattitabbo. Apaṇṇako hi, gahapatayo, dhammo samatto samādinno, so vo bhavissati dīgharattaṃ hitāya sukhāya. Katamo ca, gahapatayo, apaṇṇako dhammo’’?
94. ‘‘санд̇и , г̇ахабад̇аяо, згз саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и д̣̇иннам̣, над̇т̇и яидтам̣, над̇т̇и худ̇ам̣; над̇т̇и сугад̇ад̣̇уггадаанам̣ 1 гаммаанам̣ палам̣ вибааго, над̇т̇и аяам̣ лого, над̇т̇и баро лого; над̇т̇и маад̇аа, над̇т̇и бид̇аа; над̇т̇и сад̇д̇аа обабаад̇игаа; над̇т̇и логз саман̣аб̣раахман̣аа саммаг̇г̇ад̇аа 2 саммаа бадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. д̇зсам̣язва ко, г̇ахабад̇аяо, саман̣аб̣раахман̣аанам̣ згз саман̣аб̣раахман̣аа уж̇увибажжанийгаваад̣̇аа. д̇з звамаахам̣су – ‘ад̇т̇и д̣̇иннам̣, ад̇т̇и яидтам̣, ад̇т̇и худ̇ам̣; ад̇т̇и сугад̇ад̣̇уггадаанам̣ гаммаанам̣ палам̣ вибааго; ад̇т̇и аяам̣ лого, ад̇т̇и баро лого; ад̇т̇и маад̇аа, ад̇т̇и бид̇аа; ад̇т̇и сад̇д̇аа обабаад̇игаа; ад̇т̇и логз саман̣аб̣раахман̣аа саммаг̇г̇ад̇аа саммаа бадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. д̇ам̣ гим̣ ман̃н̃ат̇а, г̇ахабад̇аяо – ‘нанумз саман̣аб̣раахман̣аа ан̃н̃аман̃н̃асса уж̇увибажжанийгаваад̣̇аа’’’д̇и? ‘‘звам̣, бханд̇з’’.
94. ‘‘Santi , gahapatayo, eke samaṇabrāhmaṇā evaṃvādino evaṃdiṭṭhino – ‘natthi dinnaṃ, natthi yiṭṭhaṃ, natthi hutaṃ; natthi sukatadukkaṭānaṃ 3 kammānaṃ phalaṃ vipāko, natthi ayaṃ loko, natthi paro loko; natthi mātā, natthi pitā; natthi sattā opapātikā; natthi loke samaṇabrāhmaṇā sammaggatā 4 sammā paṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Tesaṃyeva kho, gahapatayo, samaṇabrāhmaṇānaṃ eke samaṇabrāhmaṇā ujuvipaccanīkavādā. Te evamāhaṃsu – ‘atthi dinnaṃ, atthi yiṭṭhaṃ, atthi hutaṃ; atthi sukatadukkaṭānaṃ kammānaṃ phalaṃ vipāko; atthi ayaṃ loko, atthi paro loko; atthi mātā, atthi pitā; atthi sattā opapātikā; atthi loke samaṇabrāhmaṇā sammaggatā sammā paṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Taṃ kiṃ maññatha, gahapatayo – ‘nanume samaṇabrāhmaṇā aññamaññassa ujuvipaccanīkavādā’’’ti? ‘‘Evaṃ, bhante’’.
95. ‘‘д̇ад̇ра, г̇ахабад̇аяо, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и д̣̇иннам̣, над̇т̇и яидтам̣…бз… яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и д̇зсамзд̇ам̣ баадиган̇кам̣? яамид̣̇ам̣ 5 гааяасужарид̇ам̣, важийсужарид̇ам̣, маносужарид̇ам̣ – имз д̇аяо гусалз д̇хаммз абхиниваж̇ж̇зд̇ваа 6 яамид̣̇ам̣ 7 гааяад̣̇ужжарид̇ам̣, важийд̣̇ужжарид̇ам̣, манод̣̇ужжарид̇ам̣ – имз д̇аяо агусалз д̇хаммз самаад̣̇ааяа вад̇д̇иссанд̇и. д̇ам̣ гисса хзд̇у? на хи д̇з бхонд̇о саман̣аб̣раахман̣аа бассанд̇и агусалаанам̣ д̇хаммаанам̣ аад̣̇ийнавам̣ огаарам̣ сам̣гилзсам̣, гусалаанам̣ д̇хаммаанам̣ нзгкаммз аанисам̣сам̣ вод̣̇аанабагкам̣. санд̇ам̣язва бана барам̣ логам̣ ‘над̇т̇и баро лого’ д̇исса д̣̇идти ход̇и; саасса ход̇и мижчаад̣̇идти. санд̇ам̣язва ко бана барам̣ логам̣ ‘над̇т̇и баро лого’д̇и сан̇габбзд̇и; сваасса ход̇и мижчаасан̇габбо. санд̇ам̣язва ко бана барам̣ логам̣ ‘над̇т̇и баро лого’д̇и ваажам̣ бхаасад̇и; саасса ход̇и мижчааваажаа. санд̇ам̣язва ко бана барам̣ логам̣ ‘над̇т̇и баро лого’д̇и ааха; яз д̇з араханд̇о баралогавид̣̇уно д̇зсамаяам̣ бажжанийгам̣ гарод̇и. санд̇ам̣язва ко бана барам̣ логам̣ ‘над̇т̇и баро лого’д̇и барам̣ сан̃н̃аабзд̇и 8; саасса ход̇и асад̣̇д̇хаммасан̃н̃ад̇д̇и 9. д̇ааяа жа бана асад̣̇д̇хаммасан̃н̃ад̇д̇ияаа ад̇д̇аануггам̣сзд̇и, барам̣ вамбхзд̇и. ид̇и буб̣б̣зва ко банасса сусийляам̣ бахийнам̣ ход̇и, д̣̇уссийляам̣ бажжубадтид̇ам̣ – аяан̃жа мижчаад̣̇идти мижчаасан̇габбо мижчааваажаа арияаанам̣ бажжанийгад̇аа асад̣̇д̇хаммасан̃н̃ад̇д̇и ад̇д̇уггам̣санаа баравамбханаа. звамассимз 10 анзгз баабагаа агусалаа д̇хаммаа самбхаванд̇и мижчаад̣̇идтибажжаяаа.
95. ‘‘Tatra, gahapatayo, ye te samaṇabrāhmaṇā evaṃvādino evaṃdiṭṭhino – ‘natthi dinnaṃ, natthi yiṭṭhaṃ…pe… ye imañca lokaṃ parañca lokaṃ sayaṃ abhiññā sacchikatvā pavedentī’ti tesametaṃ pāṭikaṅkhaṃ? Yamidaṃ 11 kāyasucaritaṃ, vacīsucaritaṃ, manosucaritaṃ – ime tayo kusale dhamme abhinivajjetvā 12 yamidaṃ 13 kāyaduccaritaṃ, vacīduccaritaṃ, manoduccaritaṃ – ime tayo akusale dhamme samādāya vattissanti. Taṃ kissa hetu? Na hi te bhonto samaṇabrāhmaṇā passanti akusalānaṃ dhammānaṃ ādīnavaṃ okāraṃ saṃkilesaṃ, kusalānaṃ dhammānaṃ nekkhamme ānisaṃsaṃ vodānapakkhaṃ. Santaṃyeva pana paraṃ lokaṃ ‘natthi paro loko’ tissa diṭṭhi hoti; sāssa hoti micchādiṭṭhi. Santaṃyeva kho pana paraṃ lokaṃ ‘natthi paro loko’ti saṅkappeti; svāssa hoti micchāsaṅkappo. Santaṃyeva kho pana paraṃ lokaṃ ‘natthi paro loko’ti vācaṃ bhāsati; sāssa hoti micchāvācā. Santaṃyeva kho pana paraṃ lokaṃ ‘natthi paro loko’ti āha; ye te arahanto paralokaviduno tesamayaṃ paccanīkaṃ karoti. Santaṃyeva kho pana paraṃ lokaṃ ‘natthi paro loko’ti paraṃ saññāpeti 14; sāssa hoti asaddhammasaññatti 15. Tāya ca pana asaddhammasaññattiyā attānukkaṃseti, paraṃ vambheti. Iti pubbeva kho panassa susīlyaṃ pahīnaṃ hoti, dussīlyaṃ paccupaṭṭhitaṃ – ayañca micchādiṭṭhi micchāsaṅkappo micchāvācā ariyānaṃ paccanīkatā asaddhammasaññatti attukkaṃsanā paravambhanā. Evamassime 16 aneke pāpakā akusalā dhammā sambhavanti micchādiṭṭhipaccayā.
‘‘д̇ад̇ра , г̇ахабад̇аяо, вин̃н̃уу бурисо ид̇и бадисан̃жигкад̇и – ‘сажз ко над̇т̇и баро лого звамаяам̣ бхавам̣ бурисабуг̇г̇ало гааяасса бхзд̣̇аа сод̇т̇имад̇д̇аанам̣ гариссад̇и; сажз ко ад̇т̇и баро лого звамаяам̣ бхавам̣ бурисабуг̇г̇ало гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇и. гаамам̣ ко бана мааху баро лого, ход̇у нзсам̣ бхавад̇ам̣ саман̣аб̣раахман̣аанам̣ сажжам̣ важанам̣; ат̇а жа банааяам̣ бхавам̣ бурисабуг̇г̇ало д̣̇идтзва д̇хаммз вин̃н̃уунам̣ г̇аараяхо – д̣̇уссийло бурисабуг̇г̇ало мижчаад̣̇идти над̇т̇игаваад̣̇о’д̇и. сажз ко ад̇т̇зва баро лого, звам̣ имасса бход̇о бурисабуг̇г̇аласса убхаяад̇т̇а галиг̇г̇ахо – яан̃жа д̣̇идтзва д̇хаммз вин̃н̃уунам̣ г̇аараяхо, яан̃жа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇и. звамассааяам̣ абан̣н̣аго д̇хаммо д̣̇уссамад̇д̇о самаад̣̇инно, згам̣сам̣ парид̇ваа д̇идтад̇и, рин̃жад̇и гусалам̣ таанам̣.
‘‘Tatra , gahapatayo, viññū puriso iti paṭisañcikkhati – ‘sace kho natthi paro loko evamayaṃ bhavaṃ purisapuggalo kāyassa bhedā sotthimattānaṃ karissati; sace kho atthi paro loko evamayaṃ bhavaṃ purisapuggalo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissati. Kāmaṃ kho pana māhu paro loko, hotu nesaṃ bhavataṃ samaṇabrāhmaṇānaṃ saccaṃ vacanaṃ; atha ca panāyaṃ bhavaṃ purisapuggalo diṭṭheva dhamme viññūnaṃ gārayho – dussīlo purisapuggalo micchādiṭṭhi natthikavādo’ti. Sace kho attheva paro loko, evaṃ imassa bhoto purisapuggalassa ubhayattha kaliggaho – yañca diṭṭheva dhamme viññūnaṃ gārayho, yañca kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissati. Evamassāyaṃ apaṇṇako dhammo dussamatto samādinno, ekaṃsaṃ pharitvā tiṭṭhati, riñcati kusalaṃ ṭhānaṃ.
96. ‘‘д̇ад̇ра , г̇ахабад̇аяо, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘ад̇т̇и д̣̇иннам̣…бз… яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и д̇зсамзд̇ам̣ баадиган̇кам̣? яамид̣̇ам̣ гааяад̣̇ужжарид̇ам̣, важийд̣̇ужжарид̇ам̣, манод̣̇ужжарид̇ам̣ – имз д̇аяо агусалз д̇хаммз абхиниваж̇ж̇зд̇ваа яамид̣̇ам̣ гааяасужарид̇ам̣, важийсужарид̇ам̣, маносужарид̇ам̣ – имз д̇аяо гусалз д̇хаммз самаад̣̇ааяа вад̇д̇иссанд̇и. д̇ам̣ гисса хзд̇у? бассанд̇и хи д̇з бхонд̇о саман̣аб̣раахман̣аа агусалаанам̣ д̇хаммаанам̣ аад̣̇ийнавам̣ огаарам̣ сам̣гилзсам̣, гусалаанам̣ д̇хаммаанам̣ нзгкаммз аанисам̣сам̣ вод̣̇аанабагкам̣. санд̇ам̣язва ко бана барам̣ логам̣ ‘ад̇т̇и баро лого’ д̇исса д̣̇идти ход̇и; саасса ход̇и саммаад̣̇идти. санд̇ам̣язва ко бана барам̣ логам̣ ‘ад̇т̇и баро лого’д̇и сан̇габбзд̇и; сваасса ход̇и саммаасан̇габбо. санд̇ам̣язва ко бана барам̣ логам̣ ‘ад̇т̇и баро лого’д̇и ваажам̣ бхаасад̇и; саасса ход̇и саммааваажаа. санд̇ам̣язва ко бана барам̣ логам̣ ‘ад̇т̇и баро лого’д̇и ааха; яз д̇з араханд̇о баралогавид̣̇уно д̇зсамаяам̣ на бажжанийгам̣ гарод̇и. санд̇ам̣язва ко бана барам̣ логам̣ ‘ад̇т̇и баро лого’д̇и барам̣ сан̃н̃аабзд̇и; саасса ход̇и сад̣̇д̇хаммасан̃н̃ад̇д̇и. д̇ааяа жа бана сад̣̇д̇хаммасан̃н̃ад̇д̇ияаа нзвад̇д̇аануггам̣сзд̇и, на барам̣ вамбхзд̇и. ид̇и буб̣б̣зва ко банасса д̣̇уссийляам̣ бахийнам̣ ход̇и, сусийляам̣ бажжубадтид̇ам̣ – аяан̃жа саммаад̣̇идти саммаасан̇габбо саммааваажаа арияаанам̣ абажжанийгад̇аа сад̣̇д̇хаммасан̃н̃ад̇д̇и анад̇д̇уггам̣санаа абаравамбханаа. звамассимз анзгз гусалаа д̇хаммаа самбхаванд̇и саммаад̣̇идтибажжаяаа.
96. ‘‘Tatra , gahapatayo, ye te samaṇabrāhmaṇā evaṃvādino evaṃdiṭṭhino – ‘atthi dinnaṃ…pe… ye imañca lokaṃ parañca lokaṃ sayaṃ abhiññā sacchikatvā pavedentī’ti tesametaṃ pāṭikaṅkhaṃ? Yamidaṃ kāyaduccaritaṃ, vacīduccaritaṃ, manoduccaritaṃ – ime tayo akusale dhamme abhinivajjetvā yamidaṃ kāyasucaritaṃ, vacīsucaritaṃ, manosucaritaṃ – ime tayo kusale dhamme samādāya vattissanti. Taṃ kissa hetu? Passanti hi te bhonto samaṇabrāhmaṇā akusalānaṃ dhammānaṃ ādīnavaṃ okāraṃ saṃkilesaṃ, kusalānaṃ dhammānaṃ nekkhamme ānisaṃsaṃ vodānapakkhaṃ. Santaṃyeva kho pana paraṃ lokaṃ ‘atthi paro loko’ tissa diṭṭhi hoti; sāssa hoti sammādiṭṭhi. Santaṃyeva kho pana paraṃ lokaṃ ‘atthi paro loko’ti saṅkappeti; svāssa hoti sammāsaṅkappo. Santaṃyeva kho pana paraṃ lokaṃ ‘atthi paro loko’ti vācaṃ bhāsati; sāssa hoti sammāvācā. Santaṃyeva kho pana paraṃ lokaṃ ‘atthi paro loko’ti āha; ye te arahanto paralokaviduno tesamayaṃ na paccanīkaṃ karoti. Santaṃyeva kho pana paraṃ lokaṃ ‘atthi paro loko’ti paraṃ saññāpeti; sāssa hoti saddhammasaññatti. Tāya ca pana saddhammasaññattiyā nevattānukkaṃseti, na paraṃ vambheti. Iti pubbeva kho panassa dussīlyaṃ pahīnaṃ hoti, susīlyaṃ paccupaṭṭhitaṃ – ayañca sammādiṭṭhi sammāsaṅkappo sammāvācā ariyānaṃ apaccanīkatā saddhammasaññatti anattukkaṃsanā aparavambhanā. Evamassime aneke kusalā dhammā sambhavanti sammādiṭṭhipaccayā.
‘‘д̇ад̇ра, г̇ахабад̇аяо, вин̃н̃уу бурисо ид̇и бадисан̃жигкад̇и – ‘сажз ко ад̇т̇и баро лого , звамаяам̣ бхавам̣ бурисабуг̇г̇ало гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссад̇и. гаамам̣ ко бана мааху баро лого, ход̇у нзсам̣ бхавад̇ам̣ саман̣аб̣раахман̣аанам̣ сажжам̣ важанам̣; ат̇а жа банааяам̣ бхавам̣ бурисабуг̇г̇ало д̣̇идтзва д̇хаммз вин̃н̃уунам̣ баасам̣со – сийлаваа бурисабуг̇г̇ало саммаад̣̇идти ад̇т̇игаваад̣̇о’д̇и. сажз ко ад̇т̇зва баро лого, звам̣ имасса бход̇о бурисабуг̇г̇аласса убхаяад̇т̇а гадаг̇г̇ахо – яан̃жа д̣̇идтзва д̇хаммз вин̃н̃уунам̣ баасам̣со, яан̃жа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссад̇и. звамассааяам̣ абан̣н̣аго д̇хаммо сусамад̇д̇о самаад̣̇инно, убхаяам̣сам̣ парид̇ваа д̇идтад̇и, рин̃жад̇и агусалам̣ таанам̣.
‘‘Tatra, gahapatayo, viññū puriso iti paṭisañcikkhati – ‘sace kho atthi paro loko , evamayaṃ bhavaṃ purisapuggalo kāyassa bhedā paraṃ maraṇā sugatiṃ saggaṃ lokaṃ upapajjissati. Kāmaṃ kho pana māhu paro loko, hotu nesaṃ bhavataṃ samaṇabrāhmaṇānaṃ saccaṃ vacanaṃ; atha ca panāyaṃ bhavaṃ purisapuggalo diṭṭheva dhamme viññūnaṃ pāsaṃso – sīlavā purisapuggalo sammādiṭṭhi atthikavādo’ti. Sace kho attheva paro loko, evaṃ imassa bhoto purisapuggalassa ubhayattha kaṭaggaho – yañca diṭṭheva dhamme viññūnaṃ pāsaṃso, yañca kāyassa bhedā paraṃ maraṇā sugatiṃ saggaṃ lokaṃ upapajjissati. Evamassāyaṃ apaṇṇako dhammo susamatto samādinno, ubhayaṃsaṃ pharitvā tiṭṭhati, riñcati akusalaṃ ṭhānaṃ.
97. ‘‘санд̇и, г̇ахабад̇аяо, згз саман̣аб̣раахман̣аа звам̣ваад̣̇ино звам̣д̣̇идтино – ‘гарод̇о гаараяад̇о, чинд̣̇ад̇о чзд̣̇аабаяад̇о, бажад̇о баажаабаяад̇о, сожаяад̇о сожаабаяад̇о, гиламад̇о гиламаабаяад̇о, панд̣̇ад̇о панд̣̇аабаяад̇о, баан̣амад̇ибаад̇аяад̇о 17, ад̣̇иннам̣ аад̣̇ияад̇о, санд̇хим̣ чинд̣̇ад̇о, ниллобам̣ харад̇о, згааг̇ааригам̣ гарод̇о, барибант̇з д̇идтад̇о, барад̣̇аарам̣ г̇ажчад̇о, мусаа бхан̣ад̇о; гарод̇о на гарийяад̇и баабам̣. курабарияанд̇зна жзби жаггзна яо имиссаа бат̇авияаа баан̣з згам̣ мам̣сакалам̣ згам̣ мам̣сабун̃ж̇ам̣ гарзяяа, над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. д̣̇агкин̣ан̃жзби г̇ан̇г̇ааяа д̇ийрам̣ г̇ажчзяяа хананд̇о гхаад̇знд̇о, чинд̣̇анд̇о чзд̣̇аабзнд̇о, бажанд̇о баажзнд̇о; над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. уд̇д̇аран̃жзби г̇ан̇г̇ааяа д̇ийрам̣ г̇ажчзяяа д̣̇ад̣̇анд̇о д̣̇аабзнд̇о, яаж̇анд̇о яаж̇аабзнд̇о; над̇т̇и д̇ад̇онид̣̇аанам̣ бун̃н̃ам̣, над̇т̇и бун̃н̃асса ааг̇амо. д̣̇аанзна д̣̇амзна сам̣яамзна сажжаваж̇ж̇зна 18 над̇т̇и бун̃н̃ам̣, над̇т̇и бун̃н̃асса ааг̇амо’д̇и. д̇зсам̣язва ко, г̇ахабад̇аяо, саман̣аб̣раахман̣аанам̣ згз саман̣аб̣раахман̣аа уж̇увибажжанийгаваад̣̇аа д̇з звамаахам̣су – ‘гарод̇о гаараяад̇о, чинд̣̇ад̇о чзд̣̇аабаяад̇о, бажад̇о баажаабаяад̇о, сожаяад̇о сожаабаяад̇о, гиламад̇о гиламаабаяад̇о, панд̣̇ад̇о панд̣̇аабаяад̇о, баан̣амад̇ибаад̇аяад̇о, ад̣̇иннам̣ аад̣̇ияад̇о, санд̇хим̣ чинд̣̇ад̇о, ниллобам̣ харад̇о, згааг̇ааригам̣ гарод̇о, барибант̇з д̇идтад̇о, барад̣̇аарам̣ г̇ажчад̇о, мусаа бхан̣ад̇о; гарод̇о гарийяад̇и баабам̣. курабарияанд̇зна жзби жаггзна яо имиссаа бат̇авияаа баан̣з згам̣ мам̣сакалам̣ згам̣ мам̣сабун̃ж̇ам̣ гарзяяа, ад̇т̇и д̇ад̇онид̣̇аанам̣ баабам̣, ад̇т̇и баабасса ааг̇амо. д̣̇агкин̣ан̃жзби г̇ан̇г̇ааяа д̇ийрам̣ г̇ажчзяяа хананд̇о гхаад̇знд̇о, чинд̣̇анд̇о чзд̣̇аабзнд̇о, бажанд̇о баажзнд̇о; ад̇т̇и д̇ад̇онид̣̇аанам̣ баабам̣, ад̇т̇и баабасса ааг̇амо. уд̇д̇аран̃жзби г̇ан̇г̇ааяа д̇ийрам̣ г̇ажчзяяа д̣̇ад̣̇анд̇о д̣̇аабзнд̇о, яаж̇анд̇о яаж̇аабзнд̇о; ад̇т̇и д̇ад̇онид̣̇аанам̣ бун̃н̃ам̣, ад̇т̇и бун̃н̃асса ааг̇амо. д̣̇аанзна д̣̇амзна сам̣яамзна сажжаваж̇ж̇зна ад̇т̇и бун̃н̃ам̣, ад̇т̇и бун̃н̃асса ааг̇амо’д̇и. д̇ам̣ гим̣ ман̃н̃ат̇а, г̇ахабад̇аяо, нанумз саман̣аб̣раахман̣аа ан̃н̃аман̃н̃асса уж̇увибажжанийгаваад̣̇аа’’д̇и? ‘‘звам̣, бханд̇з’’.
97. ‘‘Santi, gahapatayo, eke samaṇabrāhmaṇā evaṃvādino evaṃdiṭṭhino – ‘karoto kārayato, chindato chedāpayato, pacato pācāpayato, socayato socāpayato, kilamato kilamāpayato, phandato phandāpayato, pāṇamatipātayato 19, adinnaṃ ādiyato, sandhiṃ chindato, nillopaṃ harato, ekāgārikaṃ karoto, paripanthe tiṭṭhato, paradāraṃ gacchato, musā bhaṇato; karoto na karīyati pāpaṃ. Khurapariyantena cepi cakkena yo imissā pathaviyā pāṇe ekaṃ maṃsakhalaṃ ekaṃ maṃsapuñjaṃ kareyya, natthi tatonidānaṃ pāpaṃ, natthi pāpassa āgamo. Dakkhiṇañcepi gaṅgāya tīraṃ gaccheyya hananto ghātento, chindanto chedāpento, pacanto pācento; natthi tatonidānaṃ pāpaṃ, natthi pāpassa āgamo. Uttarañcepi gaṅgāya tīraṃ gaccheyya dadanto dāpento, yajanto yajāpento; natthi tatonidānaṃ puññaṃ, natthi puññassa āgamo. Dānena damena saṃyamena saccavajjena 20 natthi puññaṃ, natthi puññassa āgamo’ti. Tesaṃyeva kho, gahapatayo, samaṇabrāhmaṇānaṃ eke samaṇabrāhmaṇā ujuvipaccanīkavādā te evamāhaṃsu – ‘karoto kārayato, chindato chedāpayato, pacato pācāpayato, socayato socāpayato, kilamato kilamāpayato, phandato phandāpayato, pāṇamatipātayato, adinnaṃ ādiyato, sandhiṃ chindato, nillopaṃ harato, ekāgārikaṃ karoto, paripanthe tiṭṭhato, paradāraṃ gacchato, musā bhaṇato; karoto karīyati pāpaṃ. Khurapariyantena cepi cakkena yo imissā pathaviyā pāṇe ekaṃ maṃsakhalaṃ ekaṃ maṃsapuñjaṃ kareyya, atthi tatonidānaṃ pāpaṃ, atthi pāpassa āgamo. Dakkhiṇañcepi gaṅgāya tīraṃ gaccheyya hananto ghātento, chindanto chedāpento, pacanto pācento; atthi tatonidānaṃ pāpaṃ, atthi pāpassa āgamo. Uttarañcepi gaṅgāya tīraṃ gaccheyya dadanto dāpento, yajanto yajāpento; atthi tatonidānaṃ puññaṃ, atthi puññassa āgamo. Dānena damena saṃyamena saccavajjena atthi puññaṃ, atthi puññassa āgamo’ti. Taṃ kiṃ maññatha, gahapatayo, nanume samaṇabrāhmaṇā aññamaññassa ujuvipaccanīkavādā’’ti? ‘‘Evaṃ, bhante’’.
98. ‘‘д̇ад̇ра, г̇ахабад̇аяо, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘гарод̇о гаараяад̇о, чинд̣̇ад̇о чзд̣̇аабаяад̇о, бажад̇о баажаабаяад̇о, сожаяад̇о сожаабаяад̇о, гиламад̇о гиламаабаяад̇о, панд̣̇ад̇о панд̣̇аабаяад̇о, баан̣амад̇ибаад̇аяад̇о, ад̣̇иннам̣ аад̣̇ияад̇о, санд̇хим̣ чинд̣̇ад̇о, ниллобам̣ харад̇о, згааг̇ааригам̣ гарод̇о, барибант̇з д̇идтад̇о, барад̣̇аарам̣ г̇ажчад̇о, мусаа бхан̣ад̇о; гарод̇о на гарийяад̇и баабам̣. курабарияанд̇зна жзби жаггзна яо имиссаа бат̇авияаа баан̣з згам̣ мам̣сакалам̣ згам̣ мам̣сабун̃ж̇ам̣ гарзяяа, над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо. д̣̇агкин̣ан̃жзби г̇ан̇г̇ааяа д̇ийрам̣ г̇ажчзяяа хананд̇о гхаад̇знд̇о…бз… д̣̇аанзна д̣̇амзна сам̣яамзна сажжаваж̇ж̇зна над̇т̇и бун̃н̃ам̣, над̇т̇и бун̃н̃асса ааг̇амо’д̇и д̇зсамзд̇ам̣ баадиган̇кам̣? яамид̣̇ам̣ гааяасужарид̇ам̣, важийсужарид̇ам̣, маносужарид̇ам̣ – имз д̇аяо гусалз д̇хаммз абхиниваж̇ж̇зд̇ваа яамид̣̇ам̣ гааяад̣̇ужжарид̇ам̣, важийд̣̇ужжарид̇ам̣, манод̣̇ужжарид̇ам̣ – имз д̇аяо агусалз д̇хаммз самаад̣̇ааяа вад̇д̇иссанд̇и. д̇ам̣ гисса хзд̇у? на хи д̇з бхонд̇о саман̣аб̣раахман̣аа бассанд̇и агусалаанам̣ д̇хаммаанам̣ аад̣̇ийнавам̣ огаарам̣ сам̣гилзсам̣, гусалаанам̣ д̇хаммаанам̣ нзгкаммз аанисам̣сам̣ вод̣̇аанабагкам̣. санд̇ам̣язва ко бана гирияам̣ ‘над̇т̇и гирияаа’ д̇исса д̣̇идти ход̇и; саасса ход̇и мижчаад̣̇идти. санд̇ам̣язва ко бана гирияам̣ ‘над̇т̇и гирияаа’д̇и сан̇габбзд̇и; сваасса ход̇и мижчаасан̇габбо. санд̇ам̣язва ко бана гирияам̣ ‘над̇т̇и гирияаа’д̇и ваажам̣ бхаасад̇и; саасса ход̇и мижчааваажаа. санд̇ам̣язва ко бана гирияам̣ ‘над̇т̇и гирияаа’д̇и ааха, яз д̇з араханд̇о гирияаваад̣̇аа д̇зсамаяам̣ бажжанийгам̣ гарод̇и. санд̇ам̣язва ко бана гирияам̣ ‘над̇т̇и гирияаа’д̇и барам̣ сан̃н̃аабзд̇и; саасса ход̇и асад̣̇д̇хаммасан̃н̃ад̇д̇и. д̇ааяа жа бана асад̣̇д̇хаммасан̃н̃ад̇д̇ияаа ад̇д̇аануггам̣сзд̇и, барам̣ вамбхзд̇и. ид̇и буб̣б̣зва ко банасса сусийляам̣ бахийнам̣ ход̇и, д̣̇уссийляам̣ бажжубадтид̇ам̣ – аяан̃жа мижчаад̣̇идти мижчаасан̇габбо мижчааваажаа арияаанам̣ бажжанийгад̇аа асад̣̇д̇хаммасан̃н̃ад̇д̇и ад̇д̇уггам̣санаа баравамбханаа. звамассимз анзгз баабагаа агусалаа д̇хаммаа самбхаванд̇и мижчаад̣̇идтибажжаяаа.
98. ‘‘Tatra, gahapatayo, ye te samaṇabrāhmaṇā evaṃvādino evaṃdiṭṭhino – ‘karoto kārayato, chindato chedāpayato, pacato pācāpayato, socayato socāpayato, kilamato kilamāpayato, phandato phandāpayato, pāṇamatipātayato, adinnaṃ ādiyato, sandhiṃ chindato, nillopaṃ harato, ekāgārikaṃ karoto, paripanthe tiṭṭhato, paradāraṃ gacchato, musā bhaṇato; karoto na karīyati pāpaṃ. Khurapariyantena cepi cakkena yo imissā pathaviyā pāṇe ekaṃ maṃsakhalaṃ ekaṃ maṃsapuñjaṃ kareyya, natthi tatonidānaṃ pāpaṃ, natthi pāpassa āgamo. Dakkhiṇañcepi gaṅgāya tīraṃ gaccheyya hananto ghātento…pe… dānena damena saṃyamena saccavajjena natthi puññaṃ, natthi puññassa āgamo’ti tesametaṃ pāṭikaṅkhaṃ? Yamidaṃ kāyasucaritaṃ, vacīsucaritaṃ, manosucaritaṃ – ime tayo kusale dhamme abhinivajjetvā yamidaṃ kāyaduccaritaṃ, vacīduccaritaṃ, manoduccaritaṃ – ime tayo akusale dhamme samādāya vattissanti. Taṃ kissa hetu? Na hi te bhonto samaṇabrāhmaṇā passanti akusalānaṃ dhammānaṃ ādīnavaṃ okāraṃ saṃkilesaṃ, kusalānaṃ dhammānaṃ nekkhamme ānisaṃsaṃ vodānapakkhaṃ. Santaṃyeva kho pana kiriyaṃ ‘natthi kiriyā’ tissa diṭṭhi hoti; sāssa hoti micchādiṭṭhi. Santaṃyeva kho pana kiriyaṃ ‘natthi kiriyā’ti saṅkappeti; svāssa hoti micchāsaṅkappo. Santaṃyeva kho pana kiriyaṃ ‘natthi kiriyā’ti vācaṃ bhāsati; sāssa hoti micchāvācā. Santaṃyeva kho pana kiriyaṃ ‘natthi kiriyā’ti āha, ye te arahanto kiriyavādā tesamayaṃ paccanīkaṃ karoti. Santaṃyeva kho pana kiriyaṃ ‘natthi kiriyā’ti paraṃ saññāpeti; sāssa hoti asaddhammasaññatti. Tāya ca pana asaddhammasaññattiyā attānukkaṃseti, paraṃ vambheti. Iti pubbeva kho panassa susīlyaṃ pahīnaṃ hoti, dussīlyaṃ paccupaṭṭhitaṃ – ayañca micchādiṭṭhi micchāsaṅkappo micchāvācā ariyānaṃ paccanīkatā asaddhammasaññatti attukkaṃsanā paravambhanā. Evamassime aneke pāpakā akusalā dhammā sambhavanti micchādiṭṭhipaccayā.
‘‘д̇ад̇ра, г̇ахабад̇аяо, вин̃н̃уу бурисо ид̇и бадисан̃жигкад̇и – ‘сажз ко над̇т̇и гирияаа, звамаяам̣ бхавам̣ бурисабуг̇г̇ало гааяасса бхзд̣̇аа сод̇т̇имад̇д̇аанам̣ гариссад̇и; сажз ко ад̇т̇и гирияаа звамаяам̣ бхавам̣ бурисабуг̇г̇ало гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇и. гаамам̣ ко бана мааху гирияаа, ход̇у нзсам̣ бхавад̇ам̣ саман̣аб̣раахман̣аанам̣ сажжам̣ важанам̣; ат̇а жа банааяам̣ бхавам̣ бурисабуг̇г̇ало д̣̇идтзва д̇хаммз вин̃н̃уунам̣ г̇аараяхо – д̣̇уссийло бурисабуг̇г̇ало мижчаад̣̇идти агирияаваад̣̇о’д̇и. сажз ко ад̇т̇зва гирияаа, звам̣ имасса бход̇о бурисабуг̇г̇аласса убхаяад̇т̇а галиг̇г̇ахо – яан̃жа д̣̇идтзва д̇хаммз вин̃н̃уунам̣ г̇аараяхо, яан̃жа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇и. звамассааяам̣ абан̣н̣аго д̇хаммо д̣̇уссамад̇д̇о самаад̣̇инно, згам̣сам̣ парид̇ваа д̇идтад̇и, рин̃жад̇и гусалам̣ таанам̣.
‘‘Tatra, gahapatayo, viññū puriso iti paṭisañcikkhati – ‘sace kho natthi kiriyā, evamayaṃ bhavaṃ purisapuggalo kāyassa bhedā sotthimattānaṃ karissati; sace kho atthi kiriyā evamayaṃ bhavaṃ purisapuggalo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissati. Kāmaṃ kho pana māhu kiriyā, hotu nesaṃ bhavataṃ samaṇabrāhmaṇānaṃ saccaṃ vacanaṃ; atha ca panāyaṃ bhavaṃ purisapuggalo diṭṭheva dhamme viññūnaṃ gārayho – dussīlo purisapuggalo micchādiṭṭhi akiriyavādo’ti. Sace kho attheva kiriyā, evaṃ imassa bhoto purisapuggalassa ubhayattha kaliggaho – yañca diṭṭheva dhamme viññūnaṃ gārayho, yañca kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissati. Evamassāyaṃ apaṇṇako dhammo dussamatto samādinno, ekaṃsaṃ pharitvā tiṭṭhati, riñcati kusalaṃ ṭhānaṃ.
99. ‘‘д̇ад̇ра, г̇ахабад̇аяо, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘гарод̇о гаараяад̇о, чинд̣̇ад̇о чзд̣̇аабаяад̇о, бажад̇о баажаабаяад̇о, сожаяад̇о сожаабаяад̇о, гиламад̇о гиламаабаяад̇о, панд̣̇ад̇о панд̣̇аабаяад̇о, баан̣амад̇ибаад̇аяад̇о, ад̣̇иннам̣ аад̣̇ияад̇о, санд̇хим̣ чинд̣̇ад̇о, ниллобам̣ харад̇о, згааг̇ааригам̣ гарод̇о, барибант̇з д̇идтад̇о, барад̣̇аарам̣ г̇ажчад̇о, мусаа бхан̣ад̇о; гарод̇о гарийяад̇и баабам̣. курабарияанд̇зна жзби жаггзна яо имиссаа бат̇авияаа баан̣з згам̣ мам̣сакалам̣ згам̣ мам̣сабун̃ж̇ам̣ гарзяяа, ад̇т̇и д̇ад̇онид̣̇аанам̣ баабам̣, ад̇т̇и баабасса ааг̇амо. д̣̇агкин̣ан̃жзби г̇ан̇г̇ааяа д̇ийрам̣ г̇ажчзяяа хананд̇о гхаад̇знд̇о, чинд̣̇анд̇о чзд̣̇аабзнд̇о, бажанд̇о баажзнд̇о, ад̇т̇и д̇ад̇онид̣̇аанам̣ баабам̣, ад̇т̇и баабасса ааг̇амо. уд̇д̇аран̃жзби г̇ан̇г̇ааяа д̇ийрам̣ г̇ажчзяяа д̣̇ад̣̇анд̇о д̣̇аабзнд̇о, яаж̇анд̇о яаж̇аабзнд̇о, ад̇т̇и д̇ад̇онид̣̇аанам̣ бун̃н̃ам̣, ад̇т̇и бун̃н̃асса ааг̇амо. д̣̇аанзна д̣̇амзна сам̣яамзна сажжаваж̇ж̇зна ад̇т̇и бун̃н̃ам̣, ад̇т̇и бун̃н̃асса ааг̇амо’д̇и д̇зсамзд̇ам̣ баадиган̇кам̣? яамид̣̇ам̣ гааяад̣̇ужжарид̇ам̣, важийд̣̇ужжарид̇ам̣ , манод̣̇ужжарид̇ам̣ – имз д̇аяо агусалз д̇хаммз абхиниваж̇ж̇зд̇ваа яамид̣̇ам̣ гааяасужарид̇ам̣, важийсужарид̇ам̣, маносужарид̇ам̣ – имз д̇аяо гусалз д̇хаммз самаад̣̇ааяа вад̇д̇иссанд̇и. д̇ам̣ гисса хзд̇у? бассанд̇и хи д̇з бхонд̇о саман̣аб̣раахман̣аа агусалаанам̣ д̇хаммаанам̣ аад̣̇ийнавам̣ огаарам̣ сам̣гилзсам̣, гусалаанам̣ д̇хаммаанам̣ нзгкаммз аанисам̣сам̣ вод̣̇аанабагкам̣. санд̇ам̣язва ко бана гирияам̣ ‘ад̇т̇и гирияаа’ д̇исса д̣̇идти ход̇и; саасса ход̇и саммаад̣̇идти. санд̇ам̣язва ко бана гирияам̣ ‘ад̇т̇и гирияаа’д̇и сан̇габбзд̇и; сваасса ход̇и саммаасан̇габбо. санд̇ам̣язва ко бана гирияам̣ ‘ад̇т̇и гирияаа’д̇и ваажам̣ бхаасад̇и; саасса ход̇и саммааваажаа. санд̇ам̣язва ко бана гирияам̣ ‘ад̇т̇и гирияаа’д̇и ааха; яз д̇з араханд̇о гирияаваад̣̇аа д̇зсамаяам̣ на бажжанийгам̣ гарод̇и. санд̇ам̣язва ко бана гирияам̣ ‘ад̇т̇и гирияаа’д̇и барам̣ сан̃н̃аабзд̇и; саасса ход̇и сад̣̇д̇хаммасан̃н̃ад̇д̇и. д̇ааяа жа бана сад̣̇д̇хаммасан̃н̃ад̇д̇ияаа нзвад̇д̇аануггам̣сзд̇и, на барам̣ вамбхзд̇и. ид̇и буб̣б̣зва ко банасса д̣̇уссийляам̣ бахийнам̣ ход̇и, сусийляам̣ бажжубадтид̇ам̣ – аяан̃жа саммаад̣̇идти саммаасан̇габбо саммааваажаа арияаанам̣ абажжанийгад̇аа сад̣̇д̇хаммасан̃н̃ад̇д̇и анад̇д̇уггам̣санаа абаравамбханаа. звамассимз анзгз гусалаа д̇хаммаа самбхаванд̇и саммаад̣̇идтибажжаяаа.
99. ‘‘Tatra, gahapatayo, ye te samaṇabrāhmaṇā evaṃvādino evaṃdiṭṭhino – ‘karoto kārayato, chindato chedāpayato, pacato pācāpayato, socayato socāpayato, kilamato kilamāpayato, phandato phandāpayato, pāṇamatipātayato, adinnaṃ ādiyato, sandhiṃ chindato, nillopaṃ harato, ekāgārikaṃ karoto, paripanthe tiṭṭhato, paradāraṃ gacchato, musā bhaṇato; karoto karīyati pāpaṃ. Khurapariyantena cepi cakkena yo imissā pathaviyā pāṇe ekaṃ maṃsakhalaṃ ekaṃ maṃsapuñjaṃ kareyya, atthi tatonidānaṃ pāpaṃ, atthi pāpassa āgamo. Dakkhiṇañcepi gaṅgāya tīraṃ gaccheyya hananto ghātento, chindanto chedāpento, pacanto pācento, atthi tatonidānaṃ pāpaṃ, atthi pāpassa āgamo. Uttarañcepi gaṅgāya tīraṃ gaccheyya dadanto dāpento, yajanto yajāpento, atthi tatonidānaṃ puññaṃ, atthi puññassa āgamo. Dānena damena saṃyamena saccavajjena atthi puññaṃ, atthi puññassa āgamo’ti tesametaṃ pāṭikaṅkhaṃ? Yamidaṃ kāyaduccaritaṃ, vacīduccaritaṃ , manoduccaritaṃ – ime tayo akusale dhamme abhinivajjetvā yamidaṃ kāyasucaritaṃ, vacīsucaritaṃ, manosucaritaṃ – ime tayo kusale dhamme samādāya vattissanti. Taṃ kissa hetu? Passanti hi te bhonto samaṇabrāhmaṇā akusalānaṃ dhammānaṃ ādīnavaṃ okāraṃ saṃkilesaṃ, kusalānaṃ dhammānaṃ nekkhamme ānisaṃsaṃ vodānapakkhaṃ. Santaṃyeva kho pana kiriyaṃ ‘atthi kiriyā’ tissa diṭṭhi hoti; sāssa hoti sammādiṭṭhi. Santaṃyeva kho pana kiriyaṃ ‘atthi kiriyā’ti saṅkappeti; svāssa hoti sammāsaṅkappo. Santaṃyeva kho pana kiriyaṃ ‘atthi kiriyā’ti vācaṃ bhāsati; sāssa hoti sammāvācā. Santaṃyeva kho pana kiriyaṃ ‘atthi kiriyā’ti āha; ye te arahanto kiriyavādā tesamayaṃ na paccanīkaṃ karoti. Santaṃyeva kho pana kiriyaṃ ‘atthi kiriyā’ti paraṃ saññāpeti; sāssa hoti saddhammasaññatti. Tāya ca pana saddhammasaññattiyā nevattānukkaṃseti, na paraṃ vambheti. Iti pubbeva kho panassa dussīlyaṃ pahīnaṃ hoti, susīlyaṃ paccupaṭṭhitaṃ – ayañca sammādiṭṭhi sammāsaṅkappo sammāvācā ariyānaṃ apaccanīkatā saddhammasaññatti anattukkaṃsanā aparavambhanā. Evamassime aneke kusalā dhammā sambhavanti sammādiṭṭhipaccayā.
‘‘д̇ад̇ра, г̇ахабад̇аяо, вин̃н̃уу бурисо ид̇и бадисан̃жигкад̇и – ‘сажз ко ад̇т̇и гирияаа, звамаяам̣ бхавам̣ бурисабуг̇г̇ало гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссад̇и. гаамам̣ ко бана мааху гирияаа, ход̇у нзсам̣ бхавад̇ам̣ саман̣аб̣раахман̣аанам̣ сажжам̣ важанам̣; ат̇а жа банааяам̣ бхавам̣ бурисабуг̇г̇ало д̣̇идтзва д̇хаммз вин̃н̃уунам̣ баасам̣со – сийлаваа бурисабуг̇г̇ало саммаад̣̇идти гирияаваад̣̇о’д̇и. сажз ко ад̇т̇зва гирияаа, звам̣ имасса бход̇о бурисабуг̇г̇аласса убхаяад̇т̇а гадаг̇г̇ахо – яан̃жа д̣̇идтзва д̇хаммз вин̃н̃уунам̣ баасам̣со, яан̃жа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссад̇и. звамассааяам̣ абан̣н̣аго д̇хаммо сусамад̇д̇о самаад̣̇инно, убхаяам̣сам̣ парид̇ваа д̇идтад̇и, рин̃жад̇и агусалам̣ таанам̣.
‘‘Tatra, gahapatayo, viññū puriso iti paṭisañcikkhati – ‘sace kho atthi kiriyā, evamayaṃ bhavaṃ purisapuggalo kāyassa bhedā paraṃ maraṇā sugatiṃ saggaṃ lokaṃ upapajjissati. Kāmaṃ kho pana māhu kiriyā, hotu nesaṃ bhavataṃ samaṇabrāhmaṇānaṃ saccaṃ vacanaṃ; atha ca panāyaṃ bhavaṃ purisapuggalo diṭṭheva dhamme viññūnaṃ pāsaṃso – sīlavā purisapuggalo sammādiṭṭhi kiriyavādo’ti. Sace kho attheva kiriyā, evaṃ imassa bhoto purisapuggalassa ubhayattha kaṭaggaho – yañca diṭṭheva dhamme viññūnaṃ pāsaṃso, yañca kāyassa bhedā paraṃ maraṇā sugatiṃ saggaṃ lokaṃ upapajjissati. Evamassāyaṃ apaṇṇako dhammo susamatto samādinno, ubhayaṃsaṃ pharitvā tiṭṭhati, riñcati akusalaṃ ṭhānaṃ.
100. ‘‘санд̇и , г̇ахабад̇аяо, згз саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и хзд̇у, над̇т̇и бажжаяо сад̇д̇аанам̣ сам̣гилзсааяа; ахзд̇уу аббажжаяаа сад̇д̇аа сам̣гилиссанд̇и. над̇т̇и хзд̇у, над̇т̇и бажжаяо сад̇д̇аанам̣ висуд̣̇д̇хияаа; ахзд̇уу аббажжаяаа сад̇д̇аа висуж̇жханд̇и. над̇т̇и б̣алам̣, над̇т̇и вийрияам̣ 21, над̇т̇и бурисат̇аамо, над̇т̇и бурисабараггамо; саб̣б̣з сад̇д̇аа саб̣б̣з баан̣аа саб̣б̣з бхууд̇аа саб̣б̣з ж̇ийваа авасаа аб̣алаа авийрияаа нияад̇исам̣г̇ад̇ибхаавабарин̣ад̇аа часвзваабхиж̇аад̇ийсу сукад̣̇угкам̣ бадисам̣взд̣̇знд̇ий’д̇и. д̇зсам̣язва ко, г̇ахабад̇аяо, саман̣аб̣раахман̣аанам̣ згз саман̣аб̣раахман̣аа уж̇увибажжанийгаваад̣̇аа. д̇з звамаахам̣су – ‘ад̇т̇и хзд̇у, ад̇т̇и бажжаяо сад̇д̇аанам̣ сам̣гилзсааяа; сахзд̇уу саббажжаяаа сад̇д̇аа сам̣гилиссанд̇и. ад̇т̇и хзд̇у, ад̇т̇и бажжаяо сад̇д̇аанам̣ висуд̣̇д̇хияаа; сахзд̇уу саббажжаяаа сад̇д̇аа висуж̇жханд̇и. ад̇т̇и б̣алам̣, ад̇т̇и вийрияам̣, ад̇т̇и бурисат̇аамо, ад̇т̇и бурисабараггамо; на саб̣б̣з сад̇д̇аа саб̣б̣з баан̣аа саб̣б̣з бхууд̇аа саб̣б̣з ж̇ийваа авасаа аб̣алаа авийрияаа 22 нияад̇исам̣г̇ад̇ибхаавабарин̣ад̇аа часвзваабхиж̇аад̇ийсу сукад̣̇угкам̣ бадисам̣взд̣̇знд̇ий’д̇и. д̇ам̣ гим̣ ман̃н̃ат̇а, г̇ахабад̇аяо, нанумз саман̣аб̣раахман̣аа ан̃н̃аман̃н̃асса уж̇увибажжанийгаваад̣̇аа’д̇и? ‘звам̣, бханд̇з’.
100. ‘‘Santi , gahapatayo, eke samaṇabrāhmaṇā evaṃvādino evaṃdiṭṭhino – ‘natthi hetu, natthi paccayo sattānaṃ saṃkilesāya; ahetū appaccayā sattā saṃkilissanti. Natthi hetu, natthi paccayo sattānaṃ visuddhiyā; ahetū appaccayā sattā visujjhanti. Natthi balaṃ, natthi vīriyaṃ 23, natthi purisathāmo, natthi purisaparakkamo; sabbe sattā sabbe pāṇā sabbe bhūtā sabbe jīvā avasā abalā avīriyā niyatisaṃgatibhāvapariṇatā chasvevābhijātīsu sukhadukkhaṃ paṭisaṃvedentī’ti. Tesaṃyeva kho, gahapatayo, samaṇabrāhmaṇānaṃ eke samaṇabrāhmaṇā ujuvipaccanīkavādā. Te evamāhaṃsu – ‘atthi hetu, atthi paccayo sattānaṃ saṃkilesāya; sahetū sappaccayā sattā saṃkilissanti. Atthi hetu, atthi paccayo sattānaṃ visuddhiyā; sahetū sappaccayā sattā visujjhanti. Atthi balaṃ, atthi vīriyaṃ, atthi purisathāmo, atthi purisaparakkamo; na sabbe sattā sabbe pāṇā sabbe bhūtā sabbe jīvā avasā abalā avīriyā 24 niyatisaṃgatibhāvapariṇatā chasvevābhijātīsu sukhadukkhaṃ paṭisaṃvedentī’ti. Taṃ kiṃ maññatha, gahapatayo, nanume samaṇabrāhmaṇā aññamaññassa ujuvipaccanīkavādā’ti? ‘Evaṃ, bhante’.
101. ‘‘д̇ад̇ра , г̇ахабад̇аяо, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и хзд̇у, над̇т̇и бажжаяо сад̇д̇аанам̣ сам̣гилзсааяа; ахзд̇уу аббажжаяаа сад̇д̇аа сам̣гилиссанд̇и. над̇т̇и хзд̇у, над̇т̇и бажжаяо сад̇д̇аанам̣ висуд̣̇д̇хияаа; ахзд̇уу аббажжаяаа сад̇д̇аа висуж̇жханд̇и. над̇т̇и б̣алам̣, над̇т̇и вийрияам̣, над̇т̇и бурисат̇аамо, над̇т̇и бурисабараггамо; саб̣б̣з сад̇д̇аа саб̣б̣з баан̣аа саб̣б̣з бхууд̇аа саб̣б̣з ж̇ийваа авасаа аб̣алаа авийрияаа нияад̇исам̣г̇ад̇ибхаавабарин̣ад̇аа часвзваабхиж̇аад̇ийсу сукад̣̇угкам̣ бадисам̣взд̣̇знд̇ий’д̇и д̇зсамзд̇ам̣ баадиган̇кам̣? яамид̣̇ам̣ гааяасужарид̇ам̣, важийсужарид̇ам̣, маносужарид̇ам̣ – имз д̇аяо гусалз д̇хаммз абхиниваж̇ж̇зд̇ваа яамид̣̇ам̣ гааяад̣̇ужжарид̇ам̣, важийд̣̇ужжарид̇ам̣, манод̣̇ужжарид̇ам̣ – имз д̇аяо агусалз д̇хаммз самаад̣̇ааяа вад̇д̇иссанд̇и. д̇ам̣ гисса хзд̇у? на хи д̇з бхонд̇о саман̣аб̣раахман̣аа бассанд̇и агусалаанам̣ д̇хаммаанам̣ аад̣̇ийнавам̣ огаарам̣ сам̣гилзсам̣, гусалаанам̣ д̇хаммаанам̣ нзгкаммз аанисам̣сам̣ вод̣̇аанабагкам̣. санд̇ам̣язва ко бана хзд̇ум̣ ‘над̇т̇и хзд̇уу’ д̇исса д̣̇идти ход̇и; саасса ход̇и мижчаад̣̇идти. санд̇ам̣язва ко бана хзд̇ум̣ ‘над̇т̇и хзд̇уу’д̇и сан̇габбзд̇и ; сваасса ход̇и мижчаасан̇габбо. санд̇ам̣язва ко бана хзд̇ум̣ ‘над̇т̇и хзд̇уу’д̇и ваажам̣ бхаасад̇и; саасса ход̇и мижчааваажаа. санд̇ам̣язва ко бана хзд̇ум̣ ‘над̇т̇и хзд̇уу’д̇и ааха; яз д̇з араханд̇о хзд̇уваад̣̇аа д̇зсамаяам̣ бажжанийгам̣ гарод̇и. санд̇ам̣язва ко бана хзд̇ум̣ ‘над̇т̇и хзд̇уу’д̇и барам̣ сан̃н̃аабзд̇и; саасса ход̇и асад̣̇д̇хаммасан̃н̃ад̇д̇и. д̇ааяа жа бана асад̣̇д̇хаммасан̃н̃ад̇д̇ияаа ад̇д̇аануггам̣сзд̇и, барам̣ вамбхзд̇и. ид̇и буб̣б̣зва ко банасса сусийляам̣ бахийнам̣ ход̇и, д̣̇уссийляам̣ бажжубадтид̇ам̣ – аяан̃жа мижчаад̣̇идти мижчаасан̇габбо мижчааваажаа арияаанам̣ бажжанийгад̇аа асад̣̇д̇хаммасан̃н̃ад̇д̇и ад̇д̇аануггам̣санаа баравамбханаа. звамассимз анзгз баабагаа агусалаа д̇хаммаа самбхаванд̇и мижчаад̣̇идтибажжаяаа.
101. ‘‘Tatra , gahapatayo, ye te samaṇabrāhmaṇā evaṃvādino evaṃdiṭṭhino – ‘natthi hetu, natthi paccayo sattānaṃ saṃkilesāya; ahetū appaccayā sattā saṃkilissanti. Natthi hetu, natthi paccayo sattānaṃ visuddhiyā; ahetū appaccayā sattā visujjhanti. Natthi balaṃ, natthi vīriyaṃ, natthi purisathāmo, natthi purisaparakkamo; sabbe sattā sabbe pāṇā sabbe bhūtā sabbe jīvā avasā abalā avīriyā niyatisaṃgatibhāvapariṇatā chasvevābhijātīsu sukhadukkhaṃ paṭisaṃvedentī’ti tesametaṃ pāṭikaṅkhaṃ? Yamidaṃ kāyasucaritaṃ, vacīsucaritaṃ, manosucaritaṃ – ime tayo kusale dhamme abhinivajjetvā yamidaṃ kāyaduccaritaṃ, vacīduccaritaṃ, manoduccaritaṃ – ime tayo akusale dhamme samādāya vattissanti. Taṃ kissa hetu? Na hi te bhonto samaṇabrāhmaṇā passanti akusalānaṃ dhammānaṃ ādīnavaṃ okāraṃ saṃkilesaṃ, kusalānaṃ dhammānaṃ nekkhamme ānisaṃsaṃ vodānapakkhaṃ. Santaṃyeva kho pana hetuṃ ‘natthi hetū’ tissa diṭṭhi hoti; sāssa hoti micchādiṭṭhi. Santaṃyeva kho pana hetuṃ ‘natthi hetū’ti saṅkappeti ; svāssa hoti micchāsaṅkappo. Santaṃyeva kho pana hetuṃ ‘natthi hetū’ti vācaṃ bhāsati; sāssa hoti micchāvācā. Santaṃyeva kho pana hetuṃ ‘natthi hetū’ti āha; ye te arahanto hetuvādā tesamayaṃ paccanīkaṃ karoti. Santaṃyeva kho pana hetuṃ ‘natthi hetū’ti paraṃ saññāpeti; sāssa hoti asaddhammasaññatti. Tāya ca pana asaddhammasaññattiyā attānukkaṃseti, paraṃ vambheti. Iti pubbeva kho panassa susīlyaṃ pahīnaṃ hoti, dussīlyaṃ paccupaṭṭhitaṃ – ayañca micchādiṭṭhi micchāsaṅkappo micchāvācā ariyānaṃ paccanīkatā asaddhammasaññatti attānukkaṃsanā paravambhanā. Evamassime aneke pāpakā akusalā dhammā sambhavanti micchādiṭṭhipaccayā.
‘‘д̇ад̇ра, г̇ахабад̇аяо, вин̃н̃уу бурисо ид̇и бадисан̃жигкад̇и – ‘сажз ко над̇т̇и хзд̇у, звамаяам̣ бхавам̣ бурисабуг̇г̇ало гааяасса бхзд̣̇аа барам̣ маран̣аа сод̇т̇имад̇д̇аанам̣ гариссад̇и; сажз ко ад̇т̇и хзд̇у, звамаяам̣ бхавам̣ бурисабуг̇г̇ало гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇и. гаамам̣ ко бана мааху хзд̇у, ход̇у нзсам̣ бхавад̇ам̣ саман̣аб̣раахман̣аанам̣ сажжам̣ важанам̣; ат̇а жа банааяам̣ бхавам̣ бурисабуг̇г̇ало д̣̇идтзва д̇хаммз вин̃н̃уунам̣ г̇аараяхо – д̣̇уссийло бурисабуг̇г̇ало мижчаад̣̇идти ахзд̇угаваад̣̇о’д̇и. сажз ко ад̇т̇зва хзд̇у, звам̣ имасса бход̇о бурисабуг̇г̇аласса убхаяад̇т̇а галиг̇г̇ахо – яан̃жа д̣̇идтзва д̇хаммз вин̃н̃уунам̣ г̇аараяхо, яан̃жа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссад̇и. звамассааяам̣ абан̣н̣аго д̇хаммо д̣̇уссамад̇д̇о самаад̣̇инно, згам̣сам̣ парид̇ваа д̇идтад̇и, рин̃жад̇и гусалам̣ таанам̣.
‘‘Tatra, gahapatayo, viññū puriso iti paṭisañcikkhati – ‘sace kho natthi hetu, evamayaṃ bhavaṃ purisapuggalo kāyassa bhedā paraṃ maraṇā sotthimattānaṃ karissati; sace kho atthi hetu, evamayaṃ bhavaṃ purisapuggalo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissati. Kāmaṃ kho pana māhu hetu, hotu nesaṃ bhavataṃ samaṇabrāhmaṇānaṃ saccaṃ vacanaṃ; atha ca panāyaṃ bhavaṃ purisapuggalo diṭṭheva dhamme viññūnaṃ gārayho – dussīlo purisapuggalo micchādiṭṭhi ahetukavādo’ti. Sace kho attheva hetu, evaṃ imassa bhoto purisapuggalassa ubhayattha kaliggaho – yañca diṭṭheva dhamme viññūnaṃ gārayho, yañca kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissati. Evamassāyaṃ apaṇṇako dhammo dussamatto samādinno, ekaṃsaṃ pharitvā tiṭṭhati, riñcati kusalaṃ ṭhānaṃ.
102. ‘‘д̇ад̇ра, г̇ахабад̇аяо, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘ад̇т̇и хзд̇у, ад̇т̇и бажжаяо сад̇д̇аанам̣ сам̣гилзсааяа; сахзд̇уу саббажжаяаа сад̇д̇аа сам̣гилиссанд̇и. ад̇т̇и хзд̇у, ад̇т̇и бажжаяо сад̇д̇аанам̣ висуд̣̇д̇хияаа; сахзд̇уу саббажжаяаа сад̇д̇аа висуж̇жханд̇и. ад̇т̇и б̣алам̣, ад̇т̇и вийрияам̣, ад̇т̇и бурисат̇аамо, ад̇т̇и бурисабараггамо; на саб̣б̣з сад̇д̇аа саб̣б̣з баан̣аа саб̣б̣з бхууд̇аа саб̣б̣з ж̇ийваа авасаа аб̣алаа авийрияаа нияад̇исам̣г̇ад̇ибхаавабарин̣ад̇аа часвзваабхиж̇аад̇ийсу сукад̣̇угкам̣ бадисам̣взд̣̇знд̇ий’д̇и д̇зсамзд̇ам̣ баадиган̇кам̣? яамид̣̇ам̣ гааяад̣̇ужжарид̇ам̣, важийд̣̇ужжарид̇ам̣, манод̣̇ужжарид̇ам̣ – имз д̇аяо агусалз д̇хаммз абхиниваж̇ж̇зд̇ваа яамид̣̇ам̣ гааяасужарид̇ам̣, важийсужарид̇ам̣, маносужарид̇ам̣ – имз д̇аяо гусалз д̇хаммз самаад̣̇ааяа вад̇д̇иссанд̇и. д̇ам̣ гисса хзд̇у? бассанд̇и хи д̇з бхонд̇о саман̣аб̣раахман̣аа агусалаанам̣ д̇хаммаанам̣ аад̣̇ийнавам̣ огаарам̣ сам̣гилзсам̣, гусалаанам̣ д̇хаммаанам̣ нзгкаммз аанисам̣сам̣ вод̣̇аанабагкам̣. санд̇ам̣язва ко бана хзд̇ум̣ ‘ад̇т̇и хзд̇уу’ д̇исса д̣̇идти ход̇и; саасса ход̇и саммаад̣̇идти. санд̇ам̣язва ко бана хзд̇ум̣ ‘ад̇т̇и хзд̇уу’д̇и сан̇габбзд̇и; сваасса ход̇и саммаасан̇габбо. санд̇ам̣язва ко бана хзд̇ум̣ ‘ад̇т̇и хзд̇уу’д̇и ваажам̣ бхаасад̇и; саасса ход̇и саммааваажаа. санд̇ам̣язва ко бана хзд̇ум̣ ‘ад̇т̇и хзд̇уу’д̇и ааха, яз д̇з араханд̇о хзд̇уваад̣̇аа д̇зсамаяам̣ на бажжанийгам̣ гарод̇и. санд̇ам̣язва ко бана хзд̇ум̣ ‘ад̇т̇и хзд̇уу’д̇и барам̣ сан̃н̃аабзд̇и; саасса ход̇и сад̣̇д̇хаммасан̃н̃ад̇д̇и. д̇ааяа жа бана сад̣̇д̇хаммасан̃н̃ад̇д̇ияаа нзвад̇д̇аануггам̣сзд̇и, на барам̣ вамбхзд̇и. ид̇и буб̣б̣зва ко банасса д̣̇уссийляам̣ бахийнам̣ ход̇и, сусийляам̣ бажжубадтид̇ам̣ – аяан̃жа саммаад̣̇идти саммаасан̇габбо саммааваажаа арияаанам̣ абажжанийгад̇аа сад̣̇д̇хаммасан̃н̃ад̇д̇и анад̇д̇уггам̣санаа абаравамбханаа. звамассимз анзгз гусалаа д̇хаммаа самбхаванд̇и саммаад̣̇идтибажжаяаа.
102. ‘‘Tatra, gahapatayo, ye te samaṇabrāhmaṇā evaṃvādino evaṃdiṭṭhino – ‘atthi hetu, atthi paccayo sattānaṃ saṃkilesāya; sahetū sappaccayā sattā saṃkilissanti. Atthi hetu, atthi paccayo sattānaṃ visuddhiyā; sahetū sappaccayā sattā visujjhanti. Atthi balaṃ, atthi vīriyaṃ, atthi purisathāmo, atthi purisaparakkamo; na sabbe sattā sabbe pāṇā sabbe bhūtā sabbe jīvā avasā abalā avīriyā niyatisaṃgatibhāvapariṇatā chasvevābhijātīsu sukhadukkhaṃ paṭisaṃvedentī’ti tesametaṃ pāṭikaṅkhaṃ? Yamidaṃ kāyaduccaritaṃ, vacīduccaritaṃ, manoduccaritaṃ – ime tayo akusale dhamme abhinivajjetvā yamidaṃ kāyasucaritaṃ, vacīsucaritaṃ, manosucaritaṃ – ime tayo kusale dhamme samādāya vattissanti. Taṃ kissa hetu? Passanti hi te bhonto samaṇabrāhmaṇā akusalānaṃ dhammānaṃ ādīnavaṃ okāraṃ saṃkilesaṃ, kusalānaṃ dhammānaṃ nekkhamme ānisaṃsaṃ vodānapakkhaṃ. Santaṃyeva kho pana hetuṃ ‘atthi hetū’ tissa diṭṭhi hoti; sāssa hoti sammādiṭṭhi. Santaṃyeva kho pana hetuṃ ‘atthi hetū’ti saṅkappeti; svāssa hoti sammāsaṅkappo. Santaṃyeva kho pana hetuṃ ‘atthi hetū’ti vācaṃ bhāsati; sāssa hoti sammāvācā. Santaṃyeva kho pana hetuṃ ‘atthi hetū’ti āha, ye te arahanto hetuvādā tesamayaṃ na paccanīkaṃ karoti. Santaṃyeva kho pana hetuṃ ‘atthi hetū’ti paraṃ saññāpeti; sāssa hoti saddhammasaññatti. Tāya ca pana saddhammasaññattiyā nevattānukkaṃseti, na paraṃ vambheti. Iti pubbeva kho panassa dussīlyaṃ pahīnaṃ hoti, susīlyaṃ paccupaṭṭhitaṃ – ayañca sammādiṭṭhi sammāsaṅkappo sammāvācā ariyānaṃ apaccanīkatā saddhammasaññatti anattukkaṃsanā aparavambhanā. Evamassime aneke kusalā dhammā sambhavanti sammādiṭṭhipaccayā.
‘‘д̇ад̇ра, г̇ахабад̇аяо, вин̃н̃уу бурисо ид̇и бадисан̃жигкад̇и – ‘сажз ко ад̇т̇и хзд̇у, звамаяам̣ бхавам̣ бурисабуг̇г̇ало гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссад̇и. гаамам̣ ко бана мааху хзд̇у, ход̇у нзсам̣ бхавад̇ам̣ саман̣аб̣раахман̣аанам̣ сажжам̣ важанам̣; ат̇а жа банааяам̣ бхавам̣ бурисабуг̇г̇ало д̣̇идтзва д̇хаммз вин̃н̃уунам̣ баасам̣со – сийлаваа бурисабуг̇г̇ало саммаад̣̇идти хзд̇уваад̣̇о’д̇и. сажз ко ад̇т̇и хзд̇у , звам̣ имасса бход̇о бурисабуг̇г̇аласса убхаяад̇т̇а гадаг̇г̇ахо – яан̃жа д̣̇идтзва д̇хаммз вин̃н̃уунам̣ баасам̣со, яан̃жа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссад̇и. звамассааяам̣ абан̣н̣аго д̇хаммо сусамад̇д̇о самаад̣̇инно, убхаяам̣сам̣ парид̇ваа д̇идтад̇и, рин̃жад̇и агусалам̣ таанам̣.
‘‘Tatra, gahapatayo, viññū puriso iti paṭisañcikkhati – ‘sace kho atthi hetu, evamayaṃ bhavaṃ purisapuggalo kāyassa bhedā paraṃ maraṇā sugatiṃ saggaṃ lokaṃ upapajjissati. Kāmaṃ kho pana māhu hetu, hotu nesaṃ bhavataṃ samaṇabrāhmaṇānaṃ saccaṃ vacanaṃ; atha ca panāyaṃ bhavaṃ purisapuggalo diṭṭheva dhamme viññūnaṃ pāsaṃso – sīlavā purisapuggalo sammādiṭṭhi hetuvādo’ti. Sace kho atthi hetu , evaṃ imassa bhoto purisapuggalassa ubhayattha kaṭaggaho – yañca diṭṭheva dhamme viññūnaṃ pāsaṃso, yañca kāyassa bhedā paraṃ maraṇā sugatiṃ saggaṃ lokaṃ upapajjissati. Evamassāyaṃ apaṇṇako dhammo susamatto samādinno, ubhayaṃsaṃ pharitvā tiṭṭhati, riñcati akusalaṃ ṭhānaṃ.
103. ‘‘санд̇и, г̇ахабад̇аяо, згз саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и саб̣б̣асо ааруббаа’д̇и. д̇зсам̣язва ко, г̇ахабад̇аяо, саман̣аб̣раахман̣аанам̣ згз саман̣аб̣раахман̣аа уж̇увибажжанийгаваад̣̇аа. д̇з звамаахам̣су – ‘ад̇т̇и саб̣б̣асо ааруббаа’д̇и. д̇ам̣ гим̣ ман̃н̃ат̇а, г̇ахабад̇аяо, нанумз саман̣аб̣раахман̣аа ан̃н̃аман̃н̃асса уж̇увибажжанийгаваад̣̇аа’’д̇и? ‘‘звам̣, бханд̇з’’. ‘‘д̇ад̇ра , г̇ахабад̇аяо, вин̃н̃уу бурисо ид̇и бадисан̃жигкад̇и – яз ко д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и саб̣б̣асо ааруббаа’д̇и, ид̣̇ам̣ мз ад̣̇идтам̣; язби д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘ад̇т̇и саб̣б̣асо ааруббаа’д̇и, ид̣̇ам̣ мз авид̣̇ид̇ам̣. ахан̃жзва 25 ко бана аж̇аананд̇о абассанд̇о згам̣сзна аад̣̇ааяа вохарзяяам̣ – ид̣̇амзва сажжам̣, могхаман̃н̃анд̇и, на мзд̇ам̣ асса бад̇ируубам̣. яз ко д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и саб̣б̣асо ааруббаа’д̇и, сажз д̇зсам̣ бхавад̇ам̣ саман̣аб̣раахман̣аанам̣ сажжам̣ важанам̣, таанамзд̇ам̣ виж̇ж̇ад̇и – яз д̇з д̣̇зваа руубино маномаяаа, абан̣н̣агам̣ мз д̇ад̇руубабад̇д̇и бхависсад̇и. яз бана д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘ад̇т̇и саб̣б̣асо ааруббаа’д̇и, сажз д̇зсам̣ бхавад̇ам̣ саман̣аб̣раахман̣аанам̣ сажжам̣ важанам̣, таанамзд̇ам̣ виж̇ж̇ад̇и – яз д̇з д̣̇зваа аруубино сан̃н̃аамаяаа, абан̣н̣агам̣ мз д̇ад̇руубабад̇д̇и бхависсад̇и. д̣̇иссанд̇и ко бана руубаад̇хигаран̣ам̣ 26 д̣̇ан̣д̣аад̣̇аана-сад̇т̇аад̣̇аана-галаха-виг̇г̇аха-виваад̣̇а-д̇увам̣д̇увам̣-бзсун̃н̃а-мусааваад̣̇аа. ‘над̇т̇и ко банзд̇ам̣ саб̣б̣асо аруубз’’’д̇и. со ид̇и бадисан̇кааяа руубаанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇и.
103. ‘‘Santi, gahapatayo, eke samaṇabrāhmaṇā evaṃvādino evaṃdiṭṭhino – ‘natthi sabbaso āruppā’ti. Tesaṃyeva kho, gahapatayo, samaṇabrāhmaṇānaṃ eke samaṇabrāhmaṇā ujuvipaccanīkavādā. Te evamāhaṃsu – ‘atthi sabbaso āruppā’ti. Taṃ kiṃ maññatha, gahapatayo, nanume samaṇabrāhmaṇā aññamaññassa ujuvipaccanīkavādā’’ti? ‘‘Evaṃ, bhante’’. ‘‘Tatra , gahapatayo, viññū puriso iti paṭisañcikkhati – ye kho te bhonto samaṇabrāhmaṇā evaṃvādino evaṃdiṭṭhino – ‘natthi sabbaso āruppā’ti, idaṃ me adiṭṭhaṃ; yepi te bhonto samaṇabrāhmaṇā evaṃvādino evaṃdiṭṭhino – ‘atthi sabbaso āruppā’ti, idaṃ me aviditaṃ. Ahañceva 27 kho pana ajānanto apassanto ekaṃsena ādāya vohareyyaṃ – idameva saccaṃ, moghamaññanti, na metaṃ assa patirūpaṃ. Ye kho te bhonto samaṇabrāhmaṇā evaṃvādino evaṃdiṭṭhino – ‘natthi sabbaso āruppā’ti, sace tesaṃ bhavataṃ samaṇabrāhmaṇānaṃ saccaṃ vacanaṃ, ṭhānametaṃ vijjati – ye te devā rūpino manomayā, apaṇṇakaṃ me tatrūpapatti bhavissati. Ye pana te bhonto samaṇabrāhmaṇā evaṃvādino evaṃdiṭṭhino – ‘atthi sabbaso āruppā’ti, sace tesaṃ bhavataṃ samaṇabrāhmaṇānaṃ saccaṃ vacanaṃ, ṭhānametaṃ vijjati – ye te devā arūpino saññāmayā, apaṇṇakaṃ me tatrūpapatti bhavissati. Dissanti kho pana rūpādhikaraṇaṃ 28 daṇḍādāna-satthādāna-kalaha-viggaha-vivāda-tuvaṃtuvaṃ-pesuñña-musāvādā. ‘Natthi kho panetaṃ sabbaso arūpe’’’ti. So iti paṭisaṅkhāya rūpānaṃyeva nibbidāya virāgāya nirodhāya paṭipanno hoti.
104. ‘‘санд̇и, г̇ахабад̇аяо, згз саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и саб̣б̣асо бхаванирод̇хо’д̇и. д̇зсам̣язва ко, г̇ахабад̇аяо, саман̣аб̣раахман̣аанам̣ згз саман̣аб̣раахман̣аа уж̇увибажжанийгаваад̣̇аа. д̇з звамаахам̣су – ‘ад̇т̇и саб̣б̣асо бхаванирод̇хо’д̇и. д̇ам̣ гим̣ ман̃н̃ат̇а, г̇ахабад̇аяо, нанумз саман̣аб̣раахман̣аа ан̃н̃аман̃н̃асса уж̇увибажжанийгаваад̣̇аа’’д̇и? ‘‘звам̣, бханд̇з’’. ‘‘д̇ад̇ра, г̇ахабад̇аяо, вин̃н̃уу бурисо ид̇и бадисан̃жигкад̇и – яз ко д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и саб̣б̣асо бхаванирод̇хо’д̇и, ид̣̇ам̣ мз ад̣̇идтам̣; язби д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘ад̇т̇и саб̣б̣асо бхаванирод̇хо’д̇и, ид̣̇ам̣ мз авид̣̇ид̇ам̣. ахан̃жзва ко бана аж̇аананд̇о абассанд̇о згам̣сзна аад̣̇ааяа вохарзяяам̣ – ид̣̇амзва сажжам̣, могхаман̃н̃анд̇и, на мзд̇ам̣ асса бад̇ируубам̣. яз ко д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и саб̣б̣асо бхаванирод̇хо’д̇и, сажз д̇зсам̣ бхавад̇ам̣ саман̣аб̣раахман̣аанам̣ сажжам̣ важанам̣, таанамзд̇ам̣ виж̇ж̇ад̇и – яз д̇з д̣̇зваа аруубино сан̃н̃аамаяаа абан̣н̣агам̣ мз д̇ад̇руубабад̇д̇и бхависсад̇и. яз бана д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘ад̇т̇и саб̣б̣асо бхаванирод̇хо’д̇и, сажз д̇зсам̣ бхавад̇ам̣ саман̣аб̣раахман̣аанам̣ сажжам̣ важанам̣, таанамзд̇ам̣ виж̇ж̇ад̇и – яам̣ д̣̇идтзва д̇хаммз бариниб̣б̣ааяиссаами . яз ко д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и саб̣б̣асо бхаванирод̇хо’д̇и, д̇зсамаяам̣ д̣̇идти саарааг̇ааяа 29 санд̇игз, сам̣яог̇ааяа санд̇игз, абхинанд̣̇анааяа санд̇игз, аж̇жхосаанааяа санд̇игз, убаад̣̇аанааяа санд̇игз. яз бана д̇з бхонд̇о саман̣аб̣раахман̣аа звам̣ваад̣̇ино звам̣д̣̇идтино – ‘ад̇т̇и саб̣б̣асо бхаванирод̇хо’д̇и, д̇зсамаяам̣ д̣̇идти асаарааг̇ааяа санд̇игз, асам̣яог̇ааяа санд̇игз, анабхинанд̣̇анааяа санд̇игз, анаж̇жхосаанааяа санд̇игз, анубаад̣̇аанааяа санд̇игз’’’д̇и. со ид̇и бадисан̇кааяа бхаваанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇и.
104. ‘‘Santi, gahapatayo, eke samaṇabrāhmaṇā evaṃvādino evaṃdiṭṭhino – ‘natthi sabbaso bhavanirodho’ti. Tesaṃyeva kho, gahapatayo, samaṇabrāhmaṇānaṃ eke samaṇabrāhmaṇā ujuvipaccanīkavādā. Te evamāhaṃsu – ‘atthi sabbaso bhavanirodho’ti. Taṃ kiṃ maññatha, gahapatayo, nanume samaṇabrāhmaṇā aññamaññassa ujuvipaccanīkavādā’’ti? ‘‘Evaṃ, bhante’’. ‘‘Tatra, gahapatayo, viññū puriso iti paṭisañcikkhati – ye kho te bhonto samaṇabrāhmaṇā evaṃvādino evaṃdiṭṭhino – ‘natthi sabbaso bhavanirodho’ti, idaṃ me adiṭṭhaṃ; yepi te bhonto samaṇabrāhmaṇā evaṃvādino evaṃdiṭṭhino – ‘atthi sabbaso bhavanirodho’ti, idaṃ me aviditaṃ. Ahañceva kho pana ajānanto apassanto ekaṃsena ādāya vohareyyaṃ – idameva saccaṃ, moghamaññanti, na metaṃ assa patirūpaṃ. Ye kho te bhonto samaṇabrāhmaṇā evaṃvādino evaṃdiṭṭhino – ‘natthi sabbaso bhavanirodho’ti, sace tesaṃ bhavataṃ samaṇabrāhmaṇānaṃ saccaṃ vacanaṃ, ṭhānametaṃ vijjati – ye te devā arūpino saññāmayā apaṇṇakaṃ me tatrūpapatti bhavissati. Ye pana te bhonto samaṇabrāhmaṇā evaṃvādino evaṃdiṭṭhino – ‘atthi sabbaso bhavanirodho’ti, sace tesaṃ bhavataṃ samaṇabrāhmaṇānaṃ saccaṃ vacanaṃ, ṭhānametaṃ vijjati – yaṃ diṭṭheva dhamme parinibbāyissāmi . Ye kho te bhonto samaṇabrāhmaṇā evaṃvādino evaṃdiṭṭhino – ‘natthi sabbaso bhavanirodho’ti, tesamayaṃ diṭṭhi sārāgāya 30 santike, saṃyogāya santike, abhinandanāya santike, ajjhosānāya santike, upādānāya santike. Ye pana te bhonto samaṇabrāhmaṇā evaṃvādino evaṃdiṭṭhino – ‘atthi sabbaso bhavanirodho’ti, tesamayaṃ diṭṭhi asārāgāya santike, asaṃyogāya santike, anabhinandanāya santike, anajjhosānāya santike, anupādānāya santike’’’ti. So iti paṭisaṅkhāya bhavānaṃyeva nibbidāya virāgāya nirodhāya paṭipanno hoti.
105. ‘‘жад̇д̇ааромз, г̇ахабад̇аяо, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, г̇ахабад̇аяо, згажжо буг̇г̇ало ад̇д̇анд̇або ход̇и ад̇д̇абарид̇аабанаануяог̇амануяуд̇д̇о. ид̇ха, г̇ахабад̇аяо, згажжо буг̇г̇ало баранд̇або ход̇и барабарид̇аабанаануяог̇амануяуд̇д̇о. ид̇ха, г̇ахабад̇аяо, згажжо буг̇г̇ало ад̇д̇анд̇або жа ход̇и ад̇д̇абарид̇аабанаануяог̇амануяуд̇д̇о баранд̇або жа барабарид̇аабанаануяог̇амануяуд̇д̇о. ид̇ха, г̇ахабад̇аяо, згажжо буг̇г̇ало нзвад̇д̇анд̇або ход̇и наад̇д̇абарид̇аабанаануяог̇амануяуд̇д̇о на баранд̇або на барабарид̇аабанаануяог̇амануяуд̇д̇о; со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и.
105. ‘‘Cattārome, gahapatayo, puggalā santo saṃvijjamānā lokasmiṃ. Katame cattāro? Idha, gahapatayo, ekacco puggalo attantapo hoti attaparitāpanānuyogamanuyutto. Idha, gahapatayo, ekacco puggalo parantapo hoti paraparitāpanānuyogamanuyutto. Idha, gahapatayo, ekacco puggalo attantapo ca hoti attaparitāpanānuyogamanuyutto parantapo ca paraparitāpanānuyogamanuyutto. Idha, gahapatayo, ekacco puggalo nevattantapo hoti nāttaparitāpanānuyogamanuyutto na parantapo na paraparitāpanānuyogamanuyutto; so anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharati.
106. ‘‘гад̇амо жа, г̇ахабад̇аяо, буг̇г̇ало ад̇д̇анд̇або ад̇д̇абарид̇аабанаануяог̇амануяуд̇д̇о ? ид̇ха, г̇ахабад̇аяо, згажжо буг̇г̇ало ажзлаго ход̇и муд̇д̇аажааро хад̇т̇аабалзкано…бз… 31 ид̇и зваруубам̣ анзгавихид̇ам̣ гааяасса аад̇аабанабарид̇аабанаануяог̇амануяуд̇д̇о вихарад̇и. аяам̣ вужжад̇и, г̇ахабад̇аяо, буг̇г̇ало ад̇д̇анд̇або ад̇д̇абарид̇аабанаануяог̇амануяуд̇д̇о.
106. ‘‘Katamo ca, gahapatayo, puggalo attantapo attaparitāpanānuyogamanuyutto ? Idha, gahapatayo, ekacco puggalo acelako hoti muttācāro hatthāpalekhano…pe… 32 iti evarūpaṃ anekavihitaṃ kāyassa ātāpanaparitāpanānuyogamanuyutto viharati. Ayaṃ vuccati, gahapatayo, puggalo attantapo attaparitāpanānuyogamanuyutto.
‘‘гад̇амо жа, г̇ахабад̇аяо, буг̇г̇ало баранд̇або барабарид̇аабанаануяог̇амануяуд̇д̇о? ид̇ха, г̇ахабад̇аяо, згажжо буг̇г̇ало ораб̣бхиго ход̇и суугариго…бз… яз ваа банан̃н̃зби гзжи гуруурагамманд̇аа. аяам̣ вужжад̇и, г̇ахабад̇аяо, буг̇г̇ало баранд̇або барабарид̇аабанаануяог̇амануяуд̇д̇о.
‘‘Katamo ca, gahapatayo, puggalo parantapo paraparitāpanānuyogamanuyutto? Idha, gahapatayo, ekacco puggalo orabbhiko hoti sūkariko…pe… ye vā panaññepi keci kurūrakammantā. Ayaṃ vuccati, gahapatayo, puggalo parantapo paraparitāpanānuyogamanuyutto.
‘‘гад̇амо жа, г̇ахабад̇аяо, буг̇г̇ало ад̇д̇анд̇або жа ад̇д̇абарид̇аабанаануяог̇амануяуд̇д̇о баранд̇або жа барабарид̇аабанаануяог̇амануяуд̇д̇о? ид̇ха, г̇ахабад̇аяо, згажжо буг̇г̇ало рааж̇аа ваа ход̇и кад̇д̇ияо муд̣̇д̇хаавасид̇д̇о…бз… д̇зби д̣̇ан̣д̣ад̇аж̇ж̇ид̇аа бхаяад̇аж̇ж̇ид̇аа ассумукаа руд̣̇амаанаа баригаммаани гаронд̇и. аяам̣ вужжад̇и, г̇ахабад̇аяо, буг̇г̇ало ад̇д̇анд̇або жа ад̇д̇абарид̇аабанаануяог̇амануяуд̇д̇о баранд̇або жа барабарид̇аабанаануяог̇амануяуд̇д̇о.
‘‘Katamo ca, gahapatayo, puggalo attantapo ca attaparitāpanānuyogamanuyutto parantapo ca paraparitāpanānuyogamanuyutto? Idha, gahapatayo, ekacco puggalo rājā vā hoti khattiyo muddhāvasitto…pe… tepi daṇḍatajjitā bhayatajjitā assumukhā rudamānā parikammāni karonti. Ayaṃ vuccati, gahapatayo, puggalo attantapo ca attaparitāpanānuyogamanuyutto parantapo ca paraparitāpanānuyogamanuyutto.
‘‘гад̇амо жа, г̇ахабад̇аяо, буг̇г̇ало нзвад̇д̇анд̇або наад̇д̇абарид̇аабанаануяог̇амануяуд̇д̇о на баранд̇або на барабарид̇аабанаануяог̇амануяуд̇д̇о; со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇и? ид̇ха, г̇ахабад̇аяо, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо…бз… со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣…бз… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и.
‘‘Katamo ca, gahapatayo, puggalo nevattantapo nāttaparitāpanānuyogamanuyutto na parantapo na paraparitāpanānuyogamanuyutto; so anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharati? Idha, gahapatayo, tathāgato loke uppajjati arahaṃ sammāsambuddho…pe… so ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ…pe… tatiyaṃ jhānaṃ… catutthaṃ jhānaṃ upasampajja viharati.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзд̇и. со анзгавихид̇ам̣ буб̣б̣зниваасам̣ ануссарад̇и сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з…бз… яат̇аагаммуубаг̇з сад̇д̇з баж̇аанаад̇и. со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. аяам̣ вужжад̇и, г̇ахабад̇аяо, буг̇г̇ало нзвад̇д̇анд̇або наад̇д̇абарид̇аабанаануяог̇амануяуд̇д̇о на баранд̇або на барабарид̇аабанаануяог̇амануяуд̇д̇о; со анад̇д̇анд̇або абаранд̇або д̣̇идтзва д̇хаммз нижчаад̇о ниб̣б̣уд̇о сийд̇ийбхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇ий’’д̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate…pe… yathākammūpage satte pajānāti. So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘idaṃ dukkha’nti yathābhūtaṃ pajānāti…pe… ‘ayaṃ āsavanirodhagāminī paṭipadā’ti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ayaṃ vuccati, gahapatayo, puggalo nevattantapo nāttaparitāpanānuyogamanuyutto na parantapo na paraparitāpanānuyogamanuyutto; so anattantapo aparantapo diṭṭheva dhamme nicchāto nibbuto sītībhūto sukhappaṭisaṃvedī brahmabhūtena attanā viharatī’’ti.
звам̣ вуд̇д̇з, саалзяяагаа б̣раахман̣аг̇ахабад̇игаа бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зд̇з маяам̣ бхаванд̇ам̣ г̇од̇амам̣ саран̣ам̣ г̇ажчаама д̇хамман̃жа бхигкусан̇гхан̃жа. убаасагз но бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇з’’д̇и.
Evaṃ vutte, sāleyyakā brāhmaṇagahapatikā bhagavantaṃ etadavocuṃ – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Ete mayaṃ bhavantaṃ gotamaṃ saraṇaṃ gacchāma dhammañca bhikkhusaṅghañca. Upāsake no bhavaṃ gotamo dhāretu ajjatagge pāṇupetaṃ saraṇaṃ gate’’ti.
абан̣н̣агасуд̇д̇ам̣ нидтид̇ам̣ д̣̇асамам̣.
Apaṇṇakasuttaṃ niṭṭhitaṃ dasamaṃ.
г̇ахабад̇иваг̇г̇о нидтид̇о батамо.
Gahapativaggo niṭṭhito paṭhamo.
д̇ассуд̣̇д̣̇аанам̣ –
Tassuddānaṃ –
ганд̣̇аранааг̇арасзкавад̇о жа, бод̇алияо буна ж̇ийвагабхажжо;
Kandaranāgarasekhavato ca, potaliyo puna jīvakabhacco;
убаалид̣̇амат̇о гуггураабхаяо, б̣ахувзд̣̇анийяаабан̣н̣агад̇о д̣̇асамо.
Upālidamatho kukkuraabhayo, bahuvedanīyāpaṇṇakato dasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. абан̣н̣агасуд̇д̇аван̣н̣анаа • 10. Apaṇṇakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. абан̣н̣агасуд̇д̇аван̣н̣анаа • 10. Apaṇṇakasuttavaṇṇanā
