| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. абан̣н̣агасуд̇д̇аван̣н̣анаа
10. Apaṇṇakasuttavaṇṇanā
92. звам̣ мз суд̇анд̇и абан̣н̣агасуд̇д̇ам̣. д̇ад̇т̇а жаариганд̇и ад̇урид̇ажааригам̣.
92.Evaṃme sutanti apaṇṇakasuttaṃ. Tattha cārikanti aturitacārikaṃ.
93. ад̇т̇и бана во г̇ахабад̇аяод̇и гасмаа ааха? со гира г̇аамо адавид̣̇ваарз нивидто. наанаавид̇хаа саман̣аб̣раахман̣аа д̣̇ивасам̣ маг̇г̇ам̣ г̇анд̇ваа сааяам̣ д̇ам̣ г̇аамам̣ ваасад̇т̇ааяа убзнд̇и, д̇зсам̣ д̇з мануссаа ман̃жабийтаани бад̇т̇арид̇ваа баад̣̇з д̇ховид̇ваа баад̣̇з магкзд̇ваа габбияабаанагаани д̣̇ад̇ваа бунад̣̇ивасз ниманд̇зд̇ваа д̣̇аанам̣ д̣̇знд̇и. д̇з басаннажид̇д̇аа д̇зхи сад̣̇д̇хим̣ самманд̇аяамаанаа звам̣ вад̣̇анд̇и ‘‘ад̇т̇и бана во г̇ахабад̇аяо гин̃жи д̣̇ассанам̣ г̇ахид̇а’’нд̇и? над̇т̇и, бханд̇зд̇и. ‘‘г̇ахабад̇аяо винаа д̣̇ассанзна лого на нияяаад̇и, згам̣ д̣̇ассанам̣ ружжид̇ваа камаабзд̇ваа г̇ахзд̇ум̣ ваддад̇и, ‘сассад̇о лого’д̇и д̣̇ассанам̣ г̇ан̣хат̇аа’’д̇и вад̇ваа багганд̇аа. абарад̣̇ивасз ан̃н̃з ааг̇ад̇аа. д̇зби д̇ат̇зва бужчим̣су. д̇з д̇зсам̣ ‘‘аама, бханд̇з, буримзсу д̣̇ивасзсу д̇умхаад̣̇исаа саман̣аб̣раахман̣аа ааг̇анд̇ваа ‘сассад̇о лого’д̇и амхз ид̣̇ам̣ д̣̇ассанам̣ г̇аахаабзд̇ваа г̇ад̇аа’’д̇и аарожзсум̣. ‘‘д̇з б̣аалаа гим̣ ж̇аананд̇и? ‘ужчиж̇ж̇ад̇и аяам̣ лого’д̇и ужчзд̣̇ад̣̇ассанам̣ г̇ан̣хат̇аа’’д̇и звам̣ д̇зби ужчзд̣̇ад̣̇ассанам̣ г̇ан̣хаабзд̇ваа багганд̇аа. зд̇знубааязна ан̃н̃з згажжасассад̇ам̣, ан̃н̃з анд̇аананд̇ам̣ , ан̃н̃з амараавигкзбанд̇и звам̣ д̣̇ваасадти д̣̇идтияо уг̇г̇ан̣хаабзсум̣. д̇з бана згад̣̇идтияамби бад̇идтаад̇ум̣ наасагким̣су. саб̣б̣абажчаа бхаг̇аваа аг̇амааси. со д̇зсам̣ хид̇ад̇т̇ааяа бужчанд̇о ‘‘ад̇т̇и бана во г̇ахабад̇аяо’’д̇иаад̣̇имааха. д̇ад̇т̇а аагааравад̇ийд̇и гааран̣авад̇ий сахзд̇угаа. абан̣н̣агод̇и авирад̣̇д̇хо ад̣̇взж̇жхаг̇аамий згам̣саг̇аахиго.
93.Atthi pana vo gahapatayoti kasmā āha? So kira gāmo aṭavidvāre niviṭṭho. Nānāvidhā samaṇabrāhmaṇā divasaṃ maggaṃ gantvā sāyaṃ taṃ gāmaṃ vāsatthāya upenti, tesaṃ te manussā mañcapīṭhāni pattharitvā pāde dhovitvā pāde makkhetvā kappiyapānakāni datvā punadivase nimantetvā dānaṃ denti. Te pasannacittā tehi saddhiṃ sammantayamānā evaṃ vadanti ‘‘atthi pana vo gahapatayo kiñci dassanaṃ gahita’’nti? Natthi, bhanteti. ‘‘Gahapatayo vinā dassanena loko na niyyāti, ekaṃ dassanaṃ ruccitvā khamāpetvā gahetuṃ vaṭṭati, ‘sassato loko’ti dassanaṃ gaṇhathā’’ti vatvā pakkantā. Aparadivase aññe āgatā. Tepi tatheva pucchiṃsu. Te tesaṃ ‘‘āma, bhante, purimesu divasesu tumhādisā samaṇabrāhmaṇā āgantvā ‘sassato loko’ti amhe idaṃ dassanaṃ gāhāpetvā gatā’’ti ārocesuṃ. ‘‘Te bālā kiṃ jānanti? ‘Ucchijjati ayaṃ loko’ti ucchedadassanaṃ gaṇhathā’’ti evaṃ tepi ucchedadassanaṃ gaṇhāpetvā pakkantā. Etenupāyena aññe ekaccasassataṃ, aññe antānantaṃ , aññe amarāvikkhepanti evaṃ dvāsaṭṭhi diṭṭhiyo uggaṇhāpesuṃ. Te pana ekadiṭṭhiyampi patiṭṭhātuṃ nāsakkhiṃsu. Sabbapacchā bhagavā agamāsi. So tesaṃ hitatthāya pucchanto ‘‘atthi pana vo gahapatayo’’tiādimāha. Tattha ākāravatīti kāraṇavatī sahetukā. Apaṇṇakoti aviraddho advejjhagāmī ekaṃsagāhiko.
94. над̇т̇и д̣̇иннанд̇иаад̣̇и д̣̇асавад̇т̇угаа мижчаад̣̇идти хздтаа саалзяяагасуд̇д̇з вид̇т̇аарид̇аа. д̇ат̇аа д̇аб̣б̣ибажжанийгабхууд̇аа саммаад̣̇идти.
94.Natthi dinnantiādi dasavatthukā micchādiṭṭhi heṭṭhā sāleyyakasutte vitthāritā. Tathā tabbipaccanīkabhūtā sammādiṭṭhi.
95. нзгкаммз аанисам̣санд̇и яо нзсам̣ агусалад̇о нигканд̇абхаавз аанисам̣со, яо жа вод̣̇аанабагко висуд̣̇д̇хибагко, д̇ам̣ на бассанд̇ийд̇и ад̇т̇о. асад̣̇д̇хаммасан̃н̃ад̇д̇ийд̇и абхууд̇ад̇хаммасан̃н̃аабанаа . ад̇д̇аануггам̣сзд̇ийд̇и табзд̇ваа мам̣ го ан̃н̃о ад̇д̇ано д̣̇ассанам̣ барз г̇ан̣хаабзд̇ум̣ саггод̇ийд̇и ад̇д̇аанам̣ угкибад̇и. барам̣ вамбхзд̇ийд̇и зд̇д̇агзсу ж̇анзсу згоби ад̇д̇ано д̣̇ассанам̣ барз г̇ан̣хаабзд̇ум̣ на саггод̇ийд̇и звам̣ барам̣ хздтаа кибад̇и. буб̣б̣зва ко банаад̇и буб̣б̣з мижчаад̣̇ассанам̣ г̇ан̣ханд̇ассзва сусийляам̣ бахийнам̣ ход̇и, д̣̇уссийлабхааво бажжубадтид̇о. звамассимзд̇и звам̣ асса имз мижчаад̣̇идтиаад̣̇аяо сад̇д̇а. абараабарам̣ уббаж̇ж̇анавасзна бана д̇зязва мижчаад̣̇идтибажжаяаа анзгз баабагаа агусалаа д̇хаммаа уббаж̇ж̇анд̇и наама.
95.Nekkhamme ānisaṃsanti yo nesaṃ akusalato nikkhantabhāve ānisaṃso, yo ca vodānapakkho visuddhipakkho, taṃ na passantīti attho. Asaddhammasaññattīti abhūtadhammasaññāpanā . Attānukkaṃsetīti ṭhapetvā maṃ ko añño attano dassanaṃ pare gaṇhāpetuṃ sakkotīti attānaṃ ukkhipati. Paraṃ vambhetīti ettakesu janesu ekopi attano dassanaṃ pare gaṇhāpetuṃ na sakkotīti evaṃ paraṃ heṭṭhā khipati. Pubbeva kho panāti pubbe micchādassanaṃ gaṇhantasseva susīlyaṃ pahīnaṃ hoti, dussīlabhāvo paccupaṭṭhito. Evamassimeti evaṃ assa ime micchādiṭṭhiādayo satta. Aparāparaṃ uppajjanavasena pana teyeva micchādiṭṭhipaccayā aneke pāpakā akusalā dhammā uppajjanti nāma.
д̇ад̇раад̇и д̇аасу д̇зсам̣ саман̣аб̣раахман̣аанам̣ лад̣̇д̇хийсу. галиг̇г̇аход̇и барааж̇аяаг̇г̇аахо. д̣̇уссамад̇д̇о самаад̣̇иннод̇и д̣̇уг̇г̇ахид̇о д̣̇уббараамадто. згам̣сам̣ парид̇ваа д̇идтад̇ийд̇и зганд̇ам̣ згагодтаасам̣ сагаваад̣̇амзва парид̇ваа ад̇химужжид̇ваа д̇идтад̇и, ‘‘сажз ко над̇т̇и баро лого’’д̇и звам̣ санд̇зязва сод̇т̇ибхааваавахо ход̇и. рин̃жад̇ийд̇и важ̇ж̇зд̇и.
Tatrāti tāsu tesaṃ samaṇabrāhmaṇānaṃ laddhīsu. Kaliggahoti parājayaggāho. Dussamatto samādinnoti duggahito dupparāmaṭṭho. Ekaṃsaṃ pharitvā tiṭṭhatīti ekantaṃ ekakoṭṭhāsaṃ sakavādameva pharitvā adhimuccitvā tiṭṭhati, ‘‘sace kho natthi paro loko’’ti evaṃ santeyeva sotthibhāvāvaho hoti. Riñcatīti vajjeti.
96. сад̣̇д̇хаммасан̃н̃ад̇д̇ийд̇и бхууд̇ад̇хаммасан̃н̃аабанаа.
96.Saddhammasaññattīti bhūtadhammasaññāpanā.
гадаг̇г̇аход̇и ж̇аяаг̇г̇аахо. сусамад̇д̇о самаад̣̇иннод̇и суг̇г̇ахид̇о субараамадто. убхаяам̣сам̣ парид̇ваа д̇идтад̇ийд̇и убхаяанд̇ам̣ убхаяагодтаасам̣ сагаваад̣̇ам̣ бараваад̣̇ан̃жа парид̇ваа ад̇химужжид̇ваа д̇идтад̇и ‘‘сажз ко ад̇т̇и баро лого’’д̇и звам̣ санд̇зби ‘‘сажз ко над̇т̇и баро лого’’д̇и звам̣ санд̇зби сод̇т̇ибхааваавахо ход̇и. барад̇оби згам̣саубхаяам̣сзсу иминаава наязна ад̇т̇о взд̣̇ид̇аб̣б̣о.
Kaṭaggahoti jayaggāho. Susamatto samādinnoti suggahito suparāmaṭṭho. Ubhayaṃsaṃpharitvā tiṭṭhatīti ubhayantaṃ ubhayakoṭṭhāsaṃ sakavādaṃ paravādañca pharitvā adhimuccitvā tiṭṭhati ‘‘sace kho atthi paro loko’’ti evaṃ santepi ‘‘sace kho natthi paro loko’’ti evaṃ santepi sotthibhāvāvaho hoti. Paratopi ekaṃsaubhayaṃsesu imināva nayena attho veditabbo.
97. гарод̇од̇и сахад̇т̇аа гаронд̇асса. гаараяад̇од̇и аан̣ад̇д̇ияаа гаарзнд̇асса. чинд̣̇ад̇од̇и барзсам̣ хад̇т̇аад̣̇ийни чинд̣̇анд̇асса. бажад̇од̇и д̣̇ан̣д̣зна бийл̣знд̇асса ваа д̇аж̇ж̇знд̇асса ваа. сожаяад̇од̇и барасса бхан̣д̣ахаран̣аад̣̇ийхи согам̣ саяам̣ гаронд̇ассаби барзхи гаарзнд̇ассаби. гиламад̇од̇и аахааруубажчзд̣̇а-б̣анд̇ханааг̇аараббавзсанаад̣̇ийхи саяам̣ гиламанд̇ассааби барзхи гиламаабзнд̇ассааби. панд̣̇ад̇о панд̣̇аабаяад̇од̇и барам̣ панд̣̇анд̇ам̣ панд̣̇анагаалз саяамби панд̣̇ад̇о барамби панд̣̇аабаяад̇о. баан̣амад̇ибаад̇аяад̇од̇и баан̣ам̣ хананд̇ассаби ханаабзнд̇ассаби. звам̣ саб̣б̣ад̇т̇а гаран̣агаараабанавасзнзва ад̇т̇о взд̣̇ид̇аб̣б̣о.
97.Karototi sahatthā karontassa. Kārayatoti āṇattiyā kārentassa. Chindatoti paresaṃ hatthādīni chindantassa. Pacatoti daṇḍena pīḷentassa vā tajjentassa vā. Socayatoti parassa bhaṇḍaharaṇādīhi sokaṃ sayaṃ karontassapi parehi kārentassapi. Kilamatoti āhārūpaccheda-bandhanāgārappavesanādīhi sayaṃ kilamantassāpi parehi kilamāpentassāpi. Phandato phandāpayatoti paraṃ phandantaṃ phandanakāle sayampi phandato parampi phandāpayato. Pāṇamatipātayatoti pāṇaṃ hanantassapi hanāpentassapi. Evaṃ sabbattha karaṇakārāpanavaseneva attho veditabbo.
санд̇хинд̇и гхарасанд̇хим̣. ниллобанд̇и махаавилобам̣. згааг̇аариганд̇и згамзва гхарам̣ бариваарзд̇ваа вилумбанам̣. барибант̇з д̇идтад̇од̇и ааг̇ад̇ааг̇ад̇аанам̣ ажчинд̣̇анад̇т̇ам̣ маг̇г̇з д̇идтад̇о. гарод̇о на гарийяад̇и баабанд̇и яам̣гин̃жи баабам̣ гаромийд̇и сан̃н̃ааяа гарод̇оби баабам̣ на гарийяад̇и, над̇т̇и баабам̣. сад̇д̇аа бана гаромаад̇и звам̣сан̃н̃ино хонд̇ийд̇и ад̇т̇о. курабарияанд̇знаад̇и куранзминаа, курад̇хаарасад̣̇исабарияанд̇зна ваа. згам̣ мам̣сакаланд̇и згам̣ мам̣сараасим̣. бун̃ж̇анд̇и д̇ассзва взважанам̣. д̇ад̇онид̣̇аананд̇и згамам̣сакалагаран̣анид̣̇аанам̣. д̣̇агкин̣ад̇ийрз мануссаа гагкал̣аа д̣̇аарун̣аа, д̇з санд̇хааяа хананд̇од̇иаад̣̇и вуд̇д̇ам̣. уд̇д̇арад̇ийрз сад̣̇д̇хаа хонд̇и басаннаа б̣уд̣̇д̇хамаамагаа д̇хаммамаамагаа сан̇гхамаамагаа, д̇з санд̇хааяа д̣̇ад̣̇анд̇од̇иаад̣̇и вуд̇д̇ам̣.
Sandhinti gharasandhiṃ. Nillopanti mahāvilopaṃ. Ekāgārikanti ekameva gharaṃ parivāretvā vilumpanaṃ. Paripanthetiṭṭhatoti āgatāgatānaṃ acchindanatthaṃ magge tiṭṭhato. Karoto na karīyati pāpanti yaṃkiñci pāpaṃ karomīti saññāya karotopi pāpaṃ na karīyati, natthi pāpaṃ. Sattā pana karomāti evaṃsaññino hontīti attho. Khurapariyantenāti khuraneminā, khuradhārasadisapariyantena vā. Ekaṃ maṃsakhalanti ekaṃ maṃsarāsiṃ. Puñjanti tasseva vevacanaṃ. Tatonidānanti ekamaṃsakhalakaraṇanidānaṃ. Dakkhiṇatīre manussā kakkhaḷā dāruṇā, te sandhāya hanantotiādi vuttaṃ. Uttaratīre saddhā honti pasannā buddhamāmakā dhammamāmakā saṅghamāmakā, te sandhāya dadantotiādi vuttaṃ.
д̇ад̇т̇а яаж̇анд̇од̇и махааяааг̇ам̣ гаронд̇о. д̣̇амзнаад̇и инд̣̇рияад̣̇амзна убосат̇агаммзна. сам̣яамзнаад̇и сийласам̣яамзна. сажжаваж̇ж̇знаад̇и сажжаважанзна. ааг̇амод̇и ааг̇аманам̣, бавад̇д̇ийд̇и ад̇т̇о. саб̣б̣ат̇ааби баабабун̃н̃аанам̣ гирияамзва бадигкибанд̇и. суггабагкоби вуд̇д̇анаязнзва взд̣̇ид̇аб̣б̣о. сзсамзд̇т̇а буримаваарз вуд̇д̇асад̣̇исамзва.
Tattha yajantoti mahāyāgaṃ karonto. Damenāti indriyadamena uposathakammena. Saṃyamenāti sīlasaṃyamena. Saccavajjenāti saccavacanena. Āgamoti āgamanaṃ, pavattīti attho. Sabbathāpi pāpapuññānaṃ kiriyameva paṭikkhipanti. Sukkapakkhopi vuttanayeneva veditabbo. Sesamettha purimavāre vuttasadisameva.
100. над̇т̇и хзд̇у над̇т̇и бажжаяод̇и зд̇т̇а бажжаяо хзд̇увзважанам̣. убхаязнааби виж̇ж̇амаанагамзва гааяад̣̇ужжарид̇аад̣̇исам̣гилзсабажжаяам̣ гааяасужарид̇аад̣̇ивисуд̣̇д̇хибажжаяам̣ бадигкибанд̇и. над̇т̇и б̣алам̣, над̇т̇и вийрияам̣, над̇т̇и бурисат̇аамо, над̇т̇и бурисабараггамод̇и сад̇д̇аанам̣ сам̣гилзсид̇ум̣ ваа висуж̇жхид̇ум̣ ваа б̣алам̣ ваа вийрияам̣ ваа бурисзна гаад̇аб̣б̣о наама бурисат̇аамо ваа бурисабараггамо ваа над̇т̇и.
100.Natthi hetu natthi paccayoti ettha paccayo hetuvevacanaṃ. Ubhayenāpi vijjamānakameva kāyaduccaritādisaṃkilesapaccayaṃ kāyasucaritādivisuddhipaccayaṃ paṭikkhipanti. Natthibalaṃ, natthi vīriyaṃ, natthi purisathāmo, natthi purisaparakkamoti sattānaṃ saṃkilesituṃ vā visujjhituṃ vā balaṃ vā vīriyaṃ vā purisena kātabbo nāma purisathāmo vā purisaparakkamo vā natthi.
саб̣б̣з сад̇д̇аад̇и одтаг̇он̣аг̇ад̣̇рабхаад̣̇аяо анавасзсз нид̣̇ассзнд̇и. саб̣б̣з баан̣аад̇и згинд̣̇рияо баан̣о д̣̇винд̣̇рияо баан̣од̇и аад̣̇ивасзна вад̣̇анд̇и. саб̣б̣з бхууд̇аад̇и ан̣д̣агосавад̇т̇игосзсу бхууд̇з санд̇хааяа вад̣̇анд̇и. саб̣б̣з ж̇ийваад̇и саалияаваг̇од̇хумаад̣̇аяо санд̇хааяа вад̣̇анд̇и. д̇зсу хзд̇з вируханабхаавзна ж̇ийвасан̃н̃ино. авасаа аб̣алаа авийрияаад̇и д̇зсам̣ ад̇д̇ано васо ваа б̣алам̣ ваа вийрияам̣ ваа над̇т̇и. нияад̇исан̇г̇ад̇ибхаавабарин̣ад̇аад̇и зд̇т̇а нияад̇ийд̇и нияад̇ад̇аа. сан̇г̇ад̇ийд̇и чаннам̣ абхиж̇аад̇ийнам̣ д̇ад̇т̇а д̇ад̇т̇а г̇аманам̣. бхаавод̇и сабхаавоязва. звам̣ нияад̇ияаа жа сан̇г̇ад̇ияаа жа бхаавзна жа барин̣ад̇аа наанаббагаарад̇ам̣ бад̇д̇аа. язна хи яат̇аа бхавид̇аб̣б̣ам̣, со д̇ат̇зва бхавад̇и. язна но бхавид̇аб̣б̣ам̣, со на бхавад̇ийд̇и д̣̇ассзнд̇и. часвзваабхиж̇аад̇ийсууд̇и часу зва абхиж̇аад̇ийсу тад̇ваа сукан̃жа д̣̇угкан̃жа бадисам̣взд̣̇знд̇и, ан̃н̃аа сукад̣̇угкабхууми над̇т̇ийд̇и д̣̇ассзнд̇и.
Sabbe sattāti oṭṭhagoṇagadrabhādayo anavasese nidassenti. Sabbe pāṇāti ekindriyo pāṇo dvindriyo pāṇoti ādivasena vadanti. Sabbe bhūtāti aṇḍakosavatthikosesu bhūte sandhāya vadanti. Sabbe jīvāti sāliyavagodhumādayo sandhāya vadanti. Tesu hete viruhanabhāvena jīvasaññino. Avasā abalā avīriyāti tesaṃ attano vaso vā balaṃ vā vīriyaṃ vā natthi. Niyatisaṅgatibhāvapariṇatāti ettha niyatīti niyatatā. Saṅgatīti channaṃ abhijātīnaṃ tattha tattha gamanaṃ. Bhāvoti sabhāvoyeva. Evaṃ niyatiyā ca saṅgatiyā ca bhāvena ca pariṇatā nānappakārataṃ pattā. Yena hi yathā bhavitabbaṃ, so tatheva bhavati. Yena no bhavitabbaṃ, so na bhavatīti dassenti. Chasvevābhijātīsūti chasu eva abhijātīsu ṭhatvā sukhañca dukkhañca paṭisaṃvedenti, aññā sukhadukkhabhūmi natthīti dassenti.
д̇ад̇т̇а ча абхиж̇аад̇ияо наама ган̣хаабхиж̇аад̇и нийлаабхиж̇аад̇и лохид̇аабхиж̇аад̇и халид̣̇д̣̇аабхиж̇аад̇и суггаабхиж̇аад̇и барамасуггаабхиж̇аад̇ийд̇и. д̇ад̇т̇а саагун̣иго суугариго луд̣̇д̣̇о мажчагхаад̇аго жоро жорагхаад̇аго, яз ваа банан̃н̃зби гзжи гуруурагамманд̇аа, аяам̣ ган̣хаабхиж̇аад̇и наама. бхигкуу нийлаабхиж̇аад̇ийд̇и вад̣̇анд̇и. д̇з гира жад̇уусу бажжаязсу ган̣дагз багкибид̇ваа каад̣̇анд̇и. ‘‘бхигкуу жа ган̣дагавуд̇д̇ино’’д̇и аяан̃хи нзсам̣ баал̣иязва. ат̇а ваа ган̣дагавуд̇д̇игаа звам̣ наама згз баб̣б̣аж̇ид̇аад̇и вад̣̇анд̇и. ‘‘саман̣аган̣дагавуд̇д̇игаа’’д̇иби хи нзсам̣ баал̣и. лохид̇аабхиж̇аад̇и наама ниг̇ан̣таа згасаадагаад̇и вад̣̇анд̇и. имз гира буримзхи д̣̇вийхи бан̣д̣арад̇араа. г̇ихий ажзлагасаавагаа халид̣̇д̣̇аабхиж̇аад̇ийд̇и вад̣̇анд̇и. ид̇и ад̇д̇ано бажжаяад̣̇ааяагз ниг̇ан̣тзхиби ж̇здтагад̇арз гаронд̇и. нанд̣̇о, важчо, сан̇гижжо, аяам̣ суггаабхиж̇аад̇ийд̇и вад̣̇анд̇и. д̇з гира буримзхи жад̇уухи бан̣д̣арад̇араа. ааж̇ийвагз бана барамасуггаабхиж̇аад̇ийд̇и вад̣̇анд̇и. д̇з гира саб̣б̣зхи бан̣д̣арад̇араа.
Tattha cha abhijātiyo nāma kaṇhābhijāti nīlābhijāti lohitābhijāti haliddābhijāti sukkābhijāti paramasukkābhijātīti. Tattha sākuṇiko sūkariko luddo macchaghātako coro coraghātako, ye vā panaññepi keci kurūrakammantā, ayaṃ kaṇhābhijāti nāma. Bhikkhū nīlābhijātīti vadanti. Te kira catūsu paccayesu kaṇṭake pakkhipitvā khādanti. ‘‘Bhikkhū ca kaṇṭakavuttino’’ti ayañhi nesaṃ pāḷiyeva. Atha vā kaṇṭakavuttikā evaṃ nāma eke pabbajitāti vadanti. ‘‘Samaṇakaṇṭakavuttikā’’tipi hi nesaṃ pāḷi. Lohitābhijāti nāma nigaṇṭhā ekasāṭakāti vadanti. Ime kira purimehi dvīhi paṇḍaratarā. Gihī acelakasāvakā haliddābhijātīti vadanti. Iti attano paccayadāyake nigaṇṭhehipi jeṭṭhakatare karonti. Nando, vaccho, saṅkicco, ayaṃ sukkābhijātīti vadanti. Te kira purimehi catūhi paṇḍaratarā. Ājīvake pana paramasukkābhijātīti vadanti. Te kira sabbehi paṇḍaratarā.
д̇ад̇т̇а саб̣б̣з сад̇д̇аа батамам̣ саагун̣игаад̣̇аяова хонд̇и, д̇ад̇о висуж̇жхамаанаа сагяасаман̣аа хонд̇и, д̇ад̇о висуж̇жхамаанаа ниг̇ан̣таа, д̇ад̇о ааж̇ийвагасаавагаа, д̇ад̇о нанд̣̇аад̣̇аяо, д̇ад̇о ааж̇ийвагаад̇и аяамзд̇зсам̣ лад̣̇д̇хи. суггабагко вуд̇д̇абажжанийгзна взд̣̇ид̇аб̣б̣о. сзсамид̇хааби буримаваарз вуд̇д̇асад̣̇исамзва.
Tattha sabbe sattā paṭhamaṃ sākuṇikādayova honti, tato visujjhamānā sakyasamaṇā honti, tato visujjhamānā nigaṇṭhā, tato ājīvakasāvakā, tato nandādayo, tato ājīvakāti ayametesaṃ laddhi. Sukkapakkho vuttapaccanīkena veditabbo. Sesamidhāpi purimavāre vuttasadisameva.
имаасу бана д̇ийсу д̣̇идтийсу над̇т̇игад̣̇идти вибаагам̣ бадиб̣аахад̇и, агирияад̣̇идти гаммам̣ бадиб̣аахад̇и, ахзд̇угад̣̇идти убхаяамби бадиб̣аахад̇и. д̇ад̇т̇а гаммам̣ бадиб̣ааханд̇знааби вибааго бадиб̣аахид̇о ход̇и, вибаагам̣ бадиб̣ааханд̇знааби гаммам̣ бадиб̣аахид̇ам̣. ид̇и саб̣б̣збзд̇з ад̇т̇ад̇о убхаяабадиб̣аахагаа над̇т̇игаваад̣̇аа жзва ахзд̇угаваад̣̇аа агирияаваад̣̇аа жа хонд̇и. яз бана д̇зсам̣ лад̣̇д̇хим̣ г̇ахзд̇ваа рад̇д̇идтаанз д̣̇иваадтаанз нисиннаа саж̇жхааяанд̇и виймам̣санд̇и, д̇зсам̣ – ‘‘над̇т̇и д̣̇иннам̣ над̇т̇и яидтам̣, гарод̇о на гарияад̇и баабам̣, над̇т̇и хзд̇у над̇т̇и бажжаяо’’д̇и д̇асмим̣ аарамман̣з мижчаасад̇и санд̇идтад̇и , жид̇д̇ам̣ згаг̇г̇ам̣ ход̇и, ж̇аванаани ж̇аванд̇и, батамаж̇аванз сад̇згижчаа хонд̇и, д̇ат̇аа д̣̇уд̇ияаад̣̇ийсу. сад̇д̇амз б̣уд̣̇д̇хаанамби ад̇згижчаа анивад̇д̇ино аридтаган̣дагасад̣̇исаа.
Imāsu pana tīsu diṭṭhīsu natthikadiṭṭhi vipākaṃ paṭibāhati, akiriyadiṭṭhi kammaṃ paṭibāhati, ahetukadiṭṭhi ubhayampi paṭibāhati. Tattha kammaṃ paṭibāhantenāpi vipāko paṭibāhito hoti, vipākaṃ paṭibāhantenāpi kammaṃ paṭibāhitaṃ. Iti sabbepete atthato ubhayapaṭibāhakā natthikavādā ceva ahetukavādā akiriyavādā ca honti. Ye pana tesaṃ laddhiṃ gahetvā rattiṭṭhāne divāṭṭhāne nisinnā sajjhāyanti vīmaṃsanti, tesaṃ – ‘‘natthi dinnaṃ natthi yiṭṭhaṃ, karoto na kariyati pāpaṃ, natthi hetu natthi paccayo’’ti tasmiṃ ārammaṇe micchāsati santiṭṭhati , cittaṃ ekaggaṃ hoti, javanāni javanti, paṭhamajavane satekicchā honti, tathā dutiyādīsu. Sattame buddhānampi atekicchā anivattino ariṭṭhakaṇṭakasadisā.
д̇ад̇т̇а гожи згам̣ д̣̇ассанам̣ оггамад̇и, гожи д̣̇вз, гожи д̇ийн̣иби, згасмим̣ огганд̇зби д̣̇вийсу д̇ийсу огганд̇зсуби нияад̇амижчаад̣̇идтигова ход̇и, бад̇д̇о саг̇г̇амаг̇г̇ааваран̣ан̃жзва могкамаг̇г̇ааваран̣ан̃жа, абхаб̣б̣о д̇асса ад̇д̇абхаавасса ананд̇арам̣ саг̇г̇амби г̇анд̇ум̣, баг̇зва могкам̣. ваддакаан̣у наамзса сад̇д̇о бат̇авийг̇обаго. гим̣ банзса згасмим̣язва ад̇д̇абхаавз нияад̇о ход̇и, уд̣̇ааху ан̃н̃асмимбийд̇и? згасмин̃н̃зва нияад̇о, аасзванавасзна бана бхаванд̇арзби д̇ам̣ д̇ам̣ д̣̇идтим̣ рожзд̇иязва. зваруубасса хи язбхуяязна бхавад̇о вудтаанам̣ наама над̇т̇и.
Tattha koci ekaṃ dassanaṃ okkamati, koci dve, koci tīṇipi, ekasmiṃ okkantepi dvīsu tīsu okkantesupi niyatamicchādiṭṭhikova hoti, patto saggamaggāvaraṇañceva mokkhamaggāvaraṇañca, abhabbo tassa attabhāvassa anantaraṃ saggampi gantuṃ, pageva mokkhaṃ. Vaṭṭakhāṇu nāmesa satto pathavīgopako. Kiṃ panesa ekasmiṃyeva attabhāve niyato hoti, udāhu aññasmimpīti? Ekasmiññeva niyato, āsevanavasena pana bhavantarepi taṃ taṃ diṭṭhiṃ rocetiyeva. Evarūpassa hi yebhuyyena bhavato vuṭṭhānaṃ nāma natthi.
д̇асмаа агаляаан̣аж̇анам̣, аасийвисамивораг̇ам̣;
Tasmā akalyāṇajanaṃ, āsīvisamivoragaṃ;
аарагаа бариваж̇ж̇зяяа, бхууд̇игаамо вижагкан̣од̇и.
Ārakā parivajjeyya, bhūtikāmo vicakkhaṇoti.
103. над̇т̇и саб̣б̣асо ааруббаад̇и аруубаб̣рахмалого наама саб̣б̣аагаарзна над̇т̇и. маномаяаад̇и жхаанажид̇д̇амаяаа. сан̃н̃аамаяаад̇и аруубаж̇жхаанасан̃н̃ааяа сан̃н̃аамаяаа. руубаанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇ийд̇и аяам̣ лаабхий ваа ход̇и д̇аггий ваа. лаабхий наама руубааважараж̇жхааналаабхий. д̇асса руубааважарз ган̇каа над̇т̇и, аруубааважаралогз ад̇т̇и . со – ‘‘ахам̣ ааруббаа ад̇т̇ийд̇и вад̣̇анд̇аанамби над̇т̇ийд̇и вад̣̇анд̇аанамби сун̣аами, ад̇т̇и над̇т̇ийд̇и бана на ж̇аанаами. жад̇уд̇т̇аж̇жхаанам̣ бад̣̇адтаанам̣ гад̇ваа аруубааважараж̇жхаанам̣ ниб̣б̣ад̇д̇зссаами. сажз ааруббаа ад̇т̇и, д̇ад̇т̇а ниб̣б̣ад̇д̇иссаами, сажз над̇т̇и, руубааважараб̣рахмалогз ниб̣б̣ад̇д̇иссаами. звам̣ мз абан̣н̣аго д̇хаммо абан̣н̣агова авирад̣̇д̇хова бхависсад̇ий’’д̇и д̇ат̇аа бадибаж̇ж̇ад̇и. д̇аггий бана аббадилад̣̇д̇хаж̇жхаано, д̇ассааби руубаж̇жхаанз ган̇каа над̇т̇и, аруубалогз бана ад̇т̇и. со – ‘‘ахам̣ ааруббаа ад̇т̇ийд̇и вад̣̇анд̇аанамби над̇т̇ийд̇и вад̣̇анд̇аанамби сун̣аами, ад̇т̇и над̇т̇ийд̇и бана на ж̇аанаами. гасин̣абаригаммам̣ гад̇ваа жад̇уд̇т̇аж̇жхаанам̣ ниб̣б̣ад̇д̇зд̇ваа д̇ам̣ бад̣̇адтаанам̣ гад̇ваа аруубааважараж̇жхаанам̣ ниб̣б̣ад̇д̇зссаами. сажз ааруббаа ад̇т̇и, д̇ад̇т̇а ниб̣б̣ад̇д̇иссаами. сажз над̇т̇и, руубааважараб̣рахмалогз ниб̣б̣ад̇д̇иссаами. звам̣ мз абан̣н̣аго д̇хаммо абан̣н̣агова авирад̣̇д̇хова бхависсад̇ий’’д̇и д̇ат̇аа бадибаж̇ж̇ад̇и.
103.Natthi sabbaso āruppāti arūpabrahmaloko nāma sabbākārena natthi. Manomayāti jhānacittamayā. Saññāmayāti arūpajjhānasaññāya saññāmayā. Rūpānaṃyeva nibbidāya virāgāya nirodhāya paṭipanno hotīti ayaṃ lābhī vā hoti takkī vā. Lābhī nāma rūpāvacarajjhānalābhī. Tassa rūpāvacare kaṅkhā natthi, arūpāvacaraloke atthi . So – ‘‘ahaṃ āruppā atthīti vadantānampi natthīti vadantānampi suṇāmi, atthi natthīti pana na jānāmi. Catutthajjhānaṃ padaṭṭhānaṃ katvā arūpāvacarajjhānaṃ nibbattessāmi. Sace āruppā atthi, tattha nibbattissāmi, sace natthi, rūpāvacarabrahmaloke nibbattissāmi. Evaṃ me apaṇṇako dhammo apaṇṇakova aviraddhova bhavissatī’’ti tathā paṭipajjati. Takkī pana appaṭiladdhajjhāno, tassāpi rūpajjhāne kaṅkhā natthi, arūpaloke pana atthi. So – ‘‘ahaṃ āruppā atthīti vadantānampi natthīti vadantānampi suṇāmi, atthi natthīti pana na jānāmi. Kasiṇaparikammaṃ katvā catutthajjhānaṃ nibbattetvā taṃ padaṭṭhānaṃ katvā arūpāvacarajjhānaṃ nibbattessāmi. Sace āruppā atthi, tattha nibbattissāmi. Sace natthi, rūpāvacarabrahmaloke nibbattissāmi. Evaṃ me apaṇṇako dhammo apaṇṇakova aviraddhova bhavissatī’’ti tathā paṭipajjati.
104. бхаванирод̇ход̇и ниб̣б̣аанам̣. саарааг̇ааяа санд̇игзд̇и рааг̇авасзна ваддз раж̇ж̇анасса санд̇игз. сам̣яог̇ааяаад̇и д̇ан̣хаавасзна сам̣яож̇анад̇т̇ааяа. абхинанд̣̇анааяаад̇и д̇ан̣хаад̣̇идтивасзна абхинанд̣̇анааяа. бадибанно ход̇ийд̇и аяамби лаабхий ваа ход̇и д̇аггий ваа. лаабхий наама адтасамаабад̇д̇илаабхий. д̇асса ааруббз ган̇каа над̇т̇и, ниб̣б̣аанз ад̇т̇и. со – ‘‘ахам̣ нирод̇хо ад̇т̇ийд̇иби над̇т̇ийд̇иби сун̣аами, саяам̣ на ж̇аанаами. самаабад̇д̇им̣ баад̣̇агам̣ гад̇ваа вибассанам̣ вад̣дхзссаами. сажз нирод̇хо бхависсад̇и, арахад̇д̇ам̣ бад̇ваа бариниб̣б̣ааяиссаами. но жз бхависсад̇и, ааруббз ниб̣б̣ад̇д̇иссаамий’’д̇и звам̣ бадибаж̇ж̇ад̇и. д̇аггий бана згасамаабад̇д̇ияааби на лаабхий, ааруббз банасса ган̇каа над̇т̇и, бхаванирод̇хз ад̇т̇и. со – ‘‘ахам̣ нирод̇хо ад̇т̇ийд̇иби над̇т̇ийд̇иби сун̣аами, саяам̣ на ж̇аанаами, гасин̣абаригаммам̣ гад̇ваа адтасамаабад̇д̇ияо ниб̣б̣ад̇д̇зд̇ваа самаабад̇д̇ибад̣̇адтаанам̣ вибассанам̣ вад̣дхзссаами. сажз нирод̇хо бхависсад̇и, арахад̇д̇ам̣ бад̇ваа бариниб̣б̣ааяиссаами. но жз бхависсад̇и, ааруббз ниб̣б̣ад̇д̇иссаамий’’д̇и звам̣ бадибаж̇ж̇ад̇и. зд̇т̇ааха – ‘‘ад̇т̇и д̣̇иннанд̇иаад̣̇ийни д̇аава абан̣н̣агаани бхаванд̇у, над̇т̇и д̣̇иннанд̇иаад̣̇ийни бана гат̇ам̣ абан̣н̣агааний’’д̇и. г̇ахан̣авасзна. д̇аани хи абан̣н̣агам̣ абан̣н̣аганд̇и звам̣ г̇ахид̇ад̇д̇аа абан̣н̣агаани наама ж̇аад̇аани.
104.Bhavanirodhoti nibbānaṃ. Sārāgāya santiketi rāgavasena vaṭṭe rajjanassa santike. Saṃyogāyāti taṇhāvasena saṃyojanatthāya. Abhinandanāyāti taṇhādiṭṭhivasena abhinandanāya. Paṭipanno hotīti ayampi lābhī vā hoti takkī vā. Lābhī nāma aṭṭhasamāpattilābhī. Tassa āruppe kaṅkhā natthi, nibbāne atthi. So – ‘‘ahaṃ nirodho atthītipi natthītipi suṇāmi, sayaṃ na jānāmi. Samāpattiṃ pādakaṃ katvā vipassanaṃ vaḍḍhessāmi. Sace nirodho bhavissati, arahattaṃ patvā parinibbāyissāmi. No ce bhavissati, āruppe nibbattissāmī’’ti evaṃ paṭipajjati. Takkī pana ekasamāpattiyāpi na lābhī, āruppe panassa kaṅkhā natthi, bhavanirodhe atthi. So – ‘‘ahaṃ nirodho atthītipi natthītipi suṇāmi, sayaṃ na jānāmi, kasiṇaparikammaṃ katvā aṭṭhasamāpattiyo nibbattetvā samāpattipadaṭṭhānaṃ vipassanaṃ vaḍḍhessāmi. Sace nirodho bhavissati, arahattaṃ patvā parinibbāyissāmi. No ce bhavissati, āruppe nibbattissāmī’’ti evaṃ paṭipajjati. Etthāha – ‘‘atthi dinnantiādīni tāva apaṇṇakāni bhavantu, natthi dinnantiādīni pana kathaṃ apaṇṇakānī’’ti. Gahaṇavasena. Tāni hi apaṇṇakaṃ apaṇṇakanti evaṃ gahitattā apaṇṇakāni nāma jātāni.
105. жад̇д̇ааромзд̇и аяам̣ баадизгго анусанд̇хи. над̇т̇игаваад̣̇о, ахзд̇угаваад̣̇о агирияаваад̣̇о, ааруббаа над̇т̇и нирод̇хо над̇т̇ийд̇и звам̣ваад̣̇ино жа д̣̇взд̇и имз бан̃жа буг̇г̇алаа хздтаа д̇аяо буг̇г̇алаава хонд̇и. ад̇т̇игаваад̣̇аад̣̇аяо бан̃жа зго жад̇уд̇т̇абуг̇г̇алова ход̇и. зд̇амад̇т̇ам̣ д̣̇ассзд̇ум̣ бхаг̇аваа имам̣ д̣̇зсанам̣ аарабхи. д̇ад̇т̇а саб̣б̣ам̣ ад̇т̇ад̇о уд̇д̇аанамзваад̇и.
105.Cattārometi ayaṃ pāṭiekko anusandhi. Natthikavādo, ahetukavādo akiriyavādo, āruppā natthi nirodho natthīti evaṃvādino ca dveti ime pañca puggalā heṭṭhā tayo puggalāva honti. Atthikavādādayo pañca eko catutthapuggalova hoti. Etamatthaṃ dassetuṃ bhagavā imaṃ desanaṃ ārabhi. Tattha sabbaṃ atthato uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
абан̣н̣агасуд̇д̇аван̣н̣анаа нидтид̇аа.
Apaṇṇakasuttavaṇṇanā niṭṭhitā.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. абан̣н̣агасуд̇д̇ам̣ • 10. Apaṇṇakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. абан̣н̣агасуд̇д̇аван̣н̣анаа • 10. Apaṇṇakasuttavaṇṇanā
