| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. абан̣н̣агасуд̇д̇аван̣н̣анаа
10. Apaṇṇakasuttavaṇṇanā
93. наанаавид̇хаад̇и наанаавид̇хад̣̇идтигаа саман̣аб̣раахман̣аад̇и баб̣б̣аж̇ж̇аамад̇д̇зна саман̣аа, ж̇аад̇имад̇д̇зна б̣раахман̣аа жа. д̣̇ассананд̇и д̣̇идти. г̇ахид̇анд̇и абхинивисса г̇ахид̇ам̣. ид̇и д̇з ад̇д̇ано д̣̇ассанам̣ г̇ахзд̇угаамаа бужчанд̇и. винаа д̣̇ассанзна лого на нияяаад̇ийд̇и вимогкабхааванааяа згзна д̣̇ассанзна винаа лого сам̣саарад̣̇угкад̇о на ниг̇ажчад̇и. згад̣̇идтияамби бад̇идтаад̇ум̣ наасагким̣су сад̣̇д̇хаагаараабхаавад̇о. д̇ат̇аа хи д̇з имааяа д̣̇зсанааяа саран̣зсу бад̇идтахим̣су. яасмаа авибарийд̇з сад̣̇д̇хзяяавад̇т̇усмим̣ уббаннасад̣̇д̇хаа ‘‘аагааравад̇ий’’д̇и ад̇хиббзд̇аа, д̇асмаа яо логз авибарийд̇ад̇хаммад̣̇зсанаа, аяамзвзсаад̇и бавад̇д̇аа маг̇г̇асаад̇ханаг̇ад̇ааяа сад̣̇д̇хааяа гааран̣абхаавад̇о д̇анниссаяаа сад̣̇д̇хаа, саа аагааравад̇ийд̇и вуд̇д̇аа. авад̇т̇усмин̃хи сад̣̇д̇хаа аяуд̇д̇агааран̣ад̇ааяа на аагааравад̇ий. аагааравад̇ийд̇и зд̇т̇а вад̇ий-сад̣̇д̣̇о на гзвалам̣ ад̇т̇ид̇аамад̇д̇ад̣̇ийбаго, ат̇а ко ад̇исаяад̇т̇ад̣̇ийбаго баасам̣сад̇т̇ад̣̇ийбаго ваа д̣̇адтаб̣б̣о. д̇зна аагааравад̇ийд̇и сад̣̇д̇хзяяавад̇т̇увасзна ад̇исаяагааран̣авад̇ийд̇и ваа баасам̣сагааран̣авад̇ийд̇и ваа аяамзд̇т̇а ад̇т̇о. абан̣н̣агод̇и зд̇т̇а яат̇аа ган̃жи ад̇т̇ам̣ саад̇хзд̇ум̣ аарад̣̇д̇хасса баяог̇о вирад̣̇д̇хо, д̇ад̇т̇а агаараго вияа ход̇и бунаби аарабхид̇аб̣б̣ад̇ааяа. авирад̣̇д̇хо бана ад̇т̇асса саад̇ханад̇о абан̣н̣аго, звам̣ аяамби д̇хаммо абхибхавид̇ваа бавад̇д̇анад̇о згам̣сад̇о ‘‘абан̣н̣аго’’д̇и вуд̇д̇о. д̇знааха ‘‘авирад̣̇д̇хо ад̣̇взж̇жхаг̇аамий згам̣саг̇аахиго’’д̇и.
93.Nānāvidhāti nānāvidhadiṭṭhikā samaṇabrāhmaṇāti pabbajjāmattena samaṇā, jātimattena brāhmaṇā ca. Dassananti diṭṭhi. Gahitanti abhinivissa gahitaṃ. Iti te attano dassanaṃ gahetukāmā pucchanti. Vinā dassanena loko na niyyātīti vimokkhabhāvanāya ekena dassanena vinā loko saṃsāradukkhato na nigacchati. Ekadiṭṭhiyampi patiṭṭhātuṃ nāsakkhiṃsu saddhākārābhāvato. Tathā hi te imāya desanāya saraṇesu patiṭṭhahiṃsu. Yasmā aviparīte saddheyyavatthusmiṃ uppannasaddhā ‘‘ākāravatī’’ti adhippetā, tasmā yo loke aviparītadhammadesanā, ayamevesāti pavattā maggasādhanagatāya saddhāya kāraṇabhāvato tannissayā saddhā, sā ākāravatīti vuttā. Avatthusmiñhi saddhā ayuttakāraṇatāya na ākāravatī. Ākāravatīti ettha vatī-saddo na kevalaṃ atthitāmattadīpako, atha kho atisayatthadīpako pāsaṃsatthadīpako vā daṭṭhabbo. Tena ākāravatīti saddheyyavatthuvasena atisayakāraṇavatīti vā pāsaṃsakāraṇavatīti vā ayamettha attho. Apaṇṇakoti ettha yathā kañci atthaṃ sādhetuṃ āraddhassa payogo viraddho, tattha akārako viya hoti punapi ārabhitabbatāya. Aviraddho pana atthassa sādhanato apaṇṇako, evaṃ ayampi dhammo abhibhavitvā pavattanato ekaṃsato ‘‘apaṇṇako’’ti vutto. Tenāha ‘‘aviraddho advejjhagāmī ekaṃsagāhiko’’ti.
94. д̇аб̣б̣ибажжанийгабхууд̇аад̇и д̇ассаа мижчаад̣̇идтияаа бажжанийгабхууд̇аа.
94.Tabbipaccanīkabhūtāti tassā micchādiṭṭhiyā paccanīkabhūtā.
95. нзсанд̇и гусалаанам̣ д̇хаммаанам̣. агусалад̇о нигканд̇абхаавзд̇и асам̣гилидтабхаавз. аанисам̣сод̇и суд̣̇д̇хавибаагад̇аа. висуд̣̇д̇хибагкод̇и висуд̣̇д̇хибхааво барияод̣̇аад̇ад̇аа. абхууд̇ад̇хаммасса д̣̇идтибхаавасса сан̃н̃аабанаа аажигканаа абхууд̇ад̇хаммасан̃н̃аабанаа. сааваж̇ж̇зсу барамаваж̇ж̇з мижчаад̣̇ассанз баг̇г̇ахан̣анд̇и гуд̇о сусийляасса баг̇г̇аход̇и ааха – ‘‘мижчаад̣̇ассанам̣ г̇ан̣ханд̇ассзва сусийляам̣ бахийнам̣ ход̇ий’’д̇и. мижчаад̣̇идтиаад̣̇аяод̇и зд̇т̇а мижчаасан̇габбо баралогаабхааважинд̇аа, мижчааваажаа баралогаабхаававаад̣̇абхууд̇о мусааваад̣̇о, арияаанам̣ бажжанийгад̇аад̣̇аяо. абараабарам̣ уббаж̇ж̇анавасзнаад̇и бунаббунам̣ жид̇д̇з уббаж̇ж̇анавасзна. баабагаа агусалаа д̇хаммаад̇и бажжавзгкан̣асан̃н̃аабанаад̣̇игаалз уббаж̇ж̇анагаа д̇ат̇аабавад̇д̇аа агусалаканд̇хаа.
95.Nesanti kusalānaṃ dhammānaṃ. Akusalato nikkhantabhāveti asaṃkiliṭṭhabhāve. Ānisaṃsoti suddhavipākatā. Visuddhipakkhoti visuddhibhāvo pariyodātatā. Abhūtadhammassa diṭṭhibhāvassa saññāpanā ācikkhanā abhūtadhammasaññāpanā. Sāvajjesu paramavajje micchādassane paggahaṇanti kuto susīlyassa paggahoti āha – ‘‘micchādassanaṃ gaṇhantasseva susīlyaṃ pahīnaṃ hotī’’ti. Micchādiṭṭhiādayoti ettha micchāsaṅkappo paralokābhāvacintā, micchāvācā paralokābhāvavādabhūto musāvādo, ariyānaṃ paccanīkatādayo. Aparāparaṃ uppajjanavasenāti punappunaṃ citte uppajjanavasena. Pāpakā akusalā dhammāti paccavekkhaṇasaññāpanādikāle uppajjanakā tathāpavattā akusalakhandhā.
галиг̇г̇аход̇и анад̇т̇абариг̇г̇ахо. со бана яасмаа д̣̇идтзва д̇хаммз абхисамбарааяан̃жа барааж̇аяо ход̇ийд̇и ааха ‘‘барааж̇аяаг̇г̇аахо’’д̇и. д̣̇уссамад̇д̇од̇и зд̇т̇а д̣̇у-сад̣̇д̣̇о ‘‘самаад̣̇инно’’д̇и зд̇т̇ааби аанзд̇ваа яож̇зд̇аб̣б̣од̇и ааха ‘‘д̣̇уббараамадто’’д̇и. яат̇аа д̣̇уббараамадто ход̇и, звам̣ самаад̣̇инно д̣̇уссамад̇д̇о д̣̇усамаад̣̇инно вуд̇д̇о. сагаваад̣̇амзва парид̇ваад̇и ад̇д̇ано над̇т̇игаваад̣̇амзва ‘‘ид̣̇амзва сажжам̣ могхаман̃н̃а’’нд̇и (ма. ни. 2.187; 3.27-28) авад̇хаарзнд̇о ан̃н̃асса огаасаад̣̇аанавасзна парид̇ваа. д̇знааха ‘‘ад̇химужжид̇ваа’’д̇и. ‘‘самб̣уд̣̇д̇хо’’д̇иаад̣̇и ад̇химужжанаагаарад̣̇ассанам̣. рин̃жад̇ийд̇и вивзжзд̇и абанзд̇и. д̇знааха ‘‘важ̇ж̇зд̇ий’’д̇и.
Kaliggahoti anatthapariggaho. So pana yasmā diṭṭheva dhamme abhisamparāyañca parājayo hotīti āha ‘‘parājayaggāho’’ti. Dussamattoti ettha du-saddo ‘‘samādinno’’ti etthāpi ānetvā yojetabboti āha ‘‘dupparāmaṭṭho’’ti. Yathā dupparāmaṭṭho hoti, evaṃ samādinno dussamatto dusamādinno vutto. Sakavādameva pharitvāti attano natthikavādameva ‘‘idameva saccaṃ moghamañña’’nti (ma. ni. 2.187; 3.27-28) avadhārento aññassa okāsaadānavasena pharitvā. Tenāha ‘‘adhimuccitvā’’ti. ‘‘Sambuddho’’tiādi adhimuccanākāradassanaṃ. Riñcatīti viveceti apaneti. Tenāha ‘‘vajjetī’’ti.
96. гадаг̇г̇аход̇и гад̇ам̣ саб̣б̣асо сид̣̇д̇химзва гад̇ваа г̇ахан̣ам̣. со бана ж̇аяалаабхо ход̇ийд̇и вуд̇д̇ам̣ ‘‘ж̇аяаг̇г̇аахо’’д̇и. суг̇г̇ахид̇од̇и судтугаран̣авасзна г̇ахид̇о. субараамадтод̇и судту бараабарам̣ аасзванавасзна аамадто . убхаязнаби д̇асса гаммасса гад̇уубажид̇абхаавам̣ д̣̇ассзд̇и, сод̇т̇ибхааваавахад̇д̇ан̃жа саг̇г̇убабад̇д̇исам̣вад̇д̇анад̇о баабасабхаавабахаанад̇о жа.
96.Kaṭaggahoti kataṃ sabbaso siddhimeva katvā gahaṇaṃ. So pana jayalābho hotīti vuttaṃ ‘‘jayaggāho’’ti. Suggahitoti suṭṭhukaraṇavasena gahito. Suparāmaṭṭhoti suṭṭhu parāparaṃ āsevanavasena āmaṭṭho . Ubhayenapi tassa kammassa katūpacitabhāvaṃ dasseti, sotthibhāvāvahattañca saggupapattisaṃvattanato pāpasabhāvapahānato ca.
97. сахад̇т̇аа гаронд̇ассаад̇и (д̣̇ий. ни. дий. 1.166; сам̣. ни. дий. 2.3.211) сахад̇т̇знзва гаронд̇асса. ниссаг̇г̇ияат̇аавараад̣̇аяоби ид̇ха сахад̇т̇агаран̣знзва сан̇г̇ахид̇аа. бажанам̣ д̣̇аханам̣ виб̣аад̇хананд̇и ааха ‘‘д̣̇ан̣д̣зна бийл̣знд̇ассаа’’д̇и. согам̣ саяам̣ гаронд̇ассаад̇и барасса согагааран̣ам̣ саяам̣ гаронд̇асса, согам̣ ваа уббаад̣̇знд̇асса. барзхи ад̇д̇ано важанагарзхи. саяамби панд̣̇ад̇од̇и барасса виб̣аад̇ханабаяог̇зна саяамби панд̣̇ад̇о. ад̇ибаад̇аяад̇од̇и бад̣̇ам̣ суд̣̇д̇хагад̇д̇уад̇т̇з хзд̇угад̇д̇уад̇т̇з жа вад̇д̇ад̇ийд̇и ааха ‘‘хананд̇ассаби ханаабзнд̇ассаабий’’д̇и.
97.Sahatthā karontassāti (dī. ni. ṭī. 1.166; saṃ. ni. ṭī. 2.3.211) sahattheneva karontassa. Nissaggiyathāvarādayopi idha sahatthakaraṇeneva saṅgahitā. Pacanaṃ dahanaṃ vibādhananti āha ‘‘daṇḍena pīḷentassā’’ti. Sokaṃ sayaṃ karontassāti parassa sokakāraṇaṃ sayaṃ karontassa, sokaṃ vā uppādentassa. Parehi attano vacanakarehi. Sayampi phandatoti parassa vibādhanapayogena sayampi phandato. Atipātayatoti padaṃ suddhakattuatthe hetukattuatthe ca vattatīti āha ‘‘hanantassapi hanāpentassāpī’’ti.
гхарасса бхид̇д̇и анд̇о б̣ахи жа санд̇хид̇аа худ̇ваа тид̇аа гхарасанд̇хи. гин̃жиби асзсзд̇ваа ниравасзсамзва лобод̇и ниллобо. згааг̇аарз нияуд̇д̇о вилобо згааг̇аариго. барид̇о саб̣б̣асо бант̇з хананам̣ барибант̇о. баабам̣ на гарийяад̇и буб̣б̣з асад̇о уббаад̣̇зд̇ум̣ асаггун̣зяяад̇д̇аа, д̇асмаа над̇т̇и баабам̣. яад̣̇и звам̣ гат̇ам̣ сад̇д̇аа баабам̣ бадибаж̇ж̇анд̇ийд̇и ааха – ‘‘сад̇д̇аа бана гаромаад̇и звам̣сан̃н̃ино хонд̇ий’’д̇и. звам̣ гирасса ход̇и ‘‘имзсан̃хи сад̇д̇аанам̣ хим̣саад̣̇игирияаа на ад̇д̇аанам̣ пусад̇и д̇асса нижжад̇ааяа ниб̣б̣игаарад̇д̇аа, сарийрам̣ бана ажзд̇анам̣ гадтагалин̇г̇аруубамам̣, д̇асмим̣ вигобид̇зби на гин̃жи бааба’’нд̇и. куранзминаад̇и нисид̇акурамаяанзминаа. г̇ан̇г̇ааяа д̣̇агкин̣ад̣̇исаа аббад̇ируубад̣̇зсо, уд̇д̇арад̣̇исаа бад̇ируубад̣̇зсод̇и ад̇хиббааязна ‘‘д̣̇агкин̣ан̃жз’’д̇иаад̣̇и вуд̇д̇анд̇и ‘‘д̣̇агкин̣ад̇ийрз мануссаа гагкал̣аа’’д̇иаад̣̇имааха.
Gharassa bhitti anto bahi ca sandhitā hutvā ṭhitā gharasandhi. Kiñcipi asesetvā niravasesameva lopoti nillopo. Ekāgāre niyutto vilopo ekāgāriko. Parito sabbaso panthe hananaṃ paripantho. Pāpaṃ na karīyati pubbe asato uppādetuṃ asakkuṇeyyattā, tasmā natthi pāpaṃ. Yadi evaṃ kathaṃ sattā pāpaṃ paṭipajjantīti āha – ‘‘sattā pana karomāti evaṃsaññino hontī’’ti. Evaṃ kirassa hoti ‘‘imesañhi sattānaṃ hiṃsādikiriyā na attānaṃ phusati tassa niccatāya nibbikārattā, sarīraṃ pana acetanaṃ kaṭṭhakaliṅgarūpamaṃ, tasmiṃ vikopitepi na kiñci pāpa’’nti. Khuranemināti nisitakhuramayaneminā. Gaṅgāya dakkhiṇadisā appatirūpadeso, uttaradisā patirūpadesoti adhippāyena ‘‘dakkhiṇañce’’tiādi vuttanti ‘‘dakkhiṇatīre manussā kakkhaḷā’’tiādimāha.
махааяааг̇анд̇и махаавиж̇ид̇аяан̃н̃асад̣̇исам̣ махааяааг̇ам̣. сийласам̣яамзнаад̇и гааяигаваажасигасам̣варзна. сажжаважанзнаад̇и сажжаваажааяа. д̇асса висум̣ важанам̣ логз г̇аруд̇арабун̃н̃асаммад̇абхаавад̇о. яат̇аа хи баабад̇хаммзсу мусааваад̣̇о г̇ару, звам̣ бун̃н̃ад̇хаммзсу сажжаваажаа. д̇знааха бхаг̇аваа – ‘‘згам̣ д̇хаммамад̇ийд̇ассаа’’д̇иаад̣̇и (д̇ха. ба. 176). вуд̇д̇анаязнзваад̇и ган̣хабагкз вуд̇д̇анаязна. д̇ад̇т̇а хи – ‘‘над̇т̇и баабам̣, над̇т̇и баабасса ааг̇амо’’д̇и ааг̇ад̇ам̣, ид̇ха ‘‘ад̇т̇и бун̃н̃ам̣, ад̇т̇и бун̃н̃асса ааг̇амо’’д̇и ааг̇ад̇ам̣, аяамзва висзсо. сзсам̣ вуд̇д̇асад̣̇исамзваад̇и ‘‘д̇зсамзд̇ам̣ баадиган̇ка’’нд̇и звамаад̣̇им̣ санд̇хааяа вад̣̇ад̇и, д̇ам̣ хздтаа буримаваарасад̣̇исам̣.
Mahāyāganti mahāvijitayaññasadisaṃ mahāyāgaṃ. Sīlasaṃyamenāti kāyikavācasikasaṃvarena. Saccavacanenāti saccavācāya. Tassa visuṃ vacanaṃ loke garutarapuññasammatabhāvato. Yathā hi pāpadhammesu musāvādo garu, evaṃ puññadhammesu saccavācā. Tenāha bhagavā – ‘‘ekaṃ dhammamatītassā’’tiādi (dha. pa. 176). Vuttanayenevāti kaṇhapakkhe vuttanayena. Tattha hi – ‘‘natthi pāpaṃ, natthi pāpassa āgamo’’ti āgataṃ, idha ‘‘atthi puññaṃ, atthi puññassa āgamo’’ti āgataṃ, ayameva viseso. Sesaṃ vuttasadisamevāti ‘‘tesametaṃ pāṭikaṅkha’’nti evamādiṃ sandhāya vadati, taṃ heṭṭhā purimavārasadisaṃ.
100. убхаязнаад̇и хзд̇убажжаяабадисзд̇хаважанзна. сам̣гилзсабажжаяанд̇и сам̣саарз бариб̣бхаманзна гилиннасса малинабхаавасса гааран̣ам̣. вуд̇д̇авибарияааязна висуд̣̇д̇хибажжаяанд̇и сад̣̇д̣̇ад̇т̇о взд̣̇ид̇аб̣б̣о. б̣аланд̇иаад̣̇ийсу сад̇д̇аанам̣ сам̣гилзсаавахам̣ вод̣̇аанаавахан̃жа уссаахасан̇каад̇ам̣ б̣алам̣ ваа, сууравийрабхаавасан̇каад̇ам̣ вийрияам̣ ваа, бурисзна гад̇д̇аб̣б̣о бурисат̇аамо ваа, со зва барам̣ барам̣ таанам̣ аггаманаббад̇д̇ияаа бурисабараггамо ваа над̇т̇и на убалаб̣бхад̇и.
100.Ubhayenāti hetupaccayapaṭisedhavacanena. Saṃkilesapaccayanti saṃsāre paribbhamanena kilinnassa malinabhāvassa kāraṇaṃ. Vuttavipariyāyena visuddhipaccayanti saddattho veditabbo. Balantiādīsu sattānaṃ saṃkilesāvahaṃ vodānāvahañca ussāhasaṅkhātaṃ balaṃ vā, sūravīrabhāvasaṅkhātaṃ vīriyaṃ vā, purisena kattabbo purisathāmo vā, so eva paraṃ paraṃ ṭhānaṃ akkamanappattiyā purisaparakkamo vā natthi na upalabbhati.
сад̇ваяог̇ад̇о, руубаад̣̇ийсу сад̇д̇ависад̇д̇ад̇ааяа жа сад̇д̇аа. баан̣анад̇о ассаасабассаасавасзна бавад̇д̇ияаа баан̣аа. д̇з бана со згинд̣̇рияаад̣̇ивасзна вибхаж̇ид̇ваа вад̣̇ад̇ийд̇и ааха ‘‘згинд̣̇рияо’’д̇иаад̣̇и. ан̣д̣агосаад̣̇ийсу бхаванад̇о бхууд̇аад̇и вужжанд̇ийд̇и ааха ‘‘ан̣д̣агоса…бз… вад̣̇анд̇ий’’д̇и. ж̇ийванад̇о баан̣ам̣ д̇хаарзнд̇о вияа вад̣дханад̇о ж̇ийваад̇и звам̣ сад̇д̇абаан̣абхууд̇аж̇ийвзсу сад̣̇д̣̇ад̇т̇о взд̣̇ид̇аб̣б̣о. над̇т̇и зд̇зсам̣ сам̣гилзсависуд̣̇д̇хийсу васод̇и авасаа. над̇т̇и нзсам̣ б̣алам̣ вийрияан̃жаад̇и аб̣алаа авийрияаа. нияад̇ад̇аад̇и ажчзж̇ж̇асуд̇д̇аавуд̇аабхзж̇ж̇аман̣и вияа нияад̇абавад̇д̇анад̇ааяа г̇ад̇иж̇аад̇иб̣анд̇хабаж̇ахавасзна нияаамо. д̇ад̇т̇а д̇ад̇т̇а г̇амананд̇и чаннам̣ абхиж̇аад̇ийнам̣ д̇аасу д̇аасу г̇ад̇ийсу убаг̇аманам̣ самавааязна самааг̇амо. сабхаавоязваад̇и яат̇аа ган̣дагасса д̇игкад̇аа, габ̣идтапалаанам̣ бариман̣д̣алад̇аа, миг̇абагкийнам̣ вижид̇д̇аагаарад̇аа, звам̣ саб̣б̣ассаби логасса хзд̇убажжаязна винаа д̇ат̇аа д̇ат̇аа барин̣аамо, аяам̣ сабхаавоязва агид̇д̇имоязва. д̇знааха ‘‘язна хий’’д̇иаад̣̇и.
Satvayogato, rūpādīsu sattavisattatāya ca sattā. Pāṇanato assāsapassāsavasena pavattiyā pāṇā. Te pana so ekindriyādivasena vibhajitvā vadatīti āha ‘‘ekindriyo’’tiādi. Aṇḍakosādīsu bhavanato bhūtāti vuccantīti āha ‘‘aṇḍakosa…pe… vadantī’’ti. Jīvanato pāṇaṃ dhārento viya vaḍḍhanato jīvāti evaṃ sattapāṇabhūtajīvesu saddattho veditabbo. Natthi etesaṃ saṃkilesavisuddhīsu vasoti avasā. Natthi nesaṃ balaṃ vīriyañcāti abalā avīriyā. Niyatatāti acchejjasuttāvutābhejjamaṇi viya niyatapavattanatāya gatijātibandhapajahavasena niyāmo. Tattha tattha gamananti channaṃ abhijātīnaṃ tāsu tāsu gatīsu upagamanaṃ samavāyena samāgamo. Sabhāvoyevāti yathā kaṇṭakassa tikkhatā, kabiṭṭhaphalānaṃ parimaṇḍalatā, migapakkhīnaṃ vicittākāratā, evaṃ sabbassapi lokassa hetupaccayena vinā tathā tathā pariṇāmo, ayaṃ sabhāvoyeva akittimoyeva. Tenāha ‘‘yena hī’’tiādi.
сагун̣з ханад̇ийд̇и саагун̣иго, д̇ат̇аа суугариго. луд̣̇д̣̇од̇и ан̃н̃оби яо гожи мааг̇авиго нзсаад̣̇о. баабагаммабасуд̇ад̇ааяа ган̣хаабхиж̇аад̇и наама. бхигкууд̇и саагияаа бхигкуу, мажчамам̣сакаад̣̇анад̇о нийлаабхиж̇аад̇ийд̇и вад̣̇анд̇и. н̃ааяалад̣̇д̇хзби бажжаяз бхун̃ж̇амаанаа ааж̇ийвагасамаяасса виломаг̇аахид̇ааяа ‘‘бажжаязсу ган̣дагз багкибид̇ваа каад̣̇анд̇ий’’д̇и вад̣̇анд̇и. згз баб̣б̣аж̇ид̇аа , яз сависзсам̣ ад̇д̇агиламат̇аануяог̇амануяуд̇д̇аа. д̇ат̇аа хи д̇з ган̣дагз вад̇д̇знд̇аа вияа хонд̇ийд̇и ган̣дагавуд̇д̇игаад̇и вуд̇д̇аа. тад̇ваа бхун̃ж̇анад̣̇аанабадигкзбаад̣̇ивад̇асамааяог̇зна бан̣д̣арад̇араа. ажзлагасаавагаад̇и ааж̇ийвагасаавагз вад̣̇ад̇и. д̇з гира ааж̇ийвагалад̣̇д̇хияаа висуд̣̇д̇хажид̇д̇ад̇ааяа ниг̇ан̣тзхиби бан̣д̣арад̇араа. нанд̣̇аад̣̇аяо хи д̇ат̇ааруубааяа бадибад̇д̇ияаа бад̇д̇аб̣б̣аа, д̇асмаа нанд̣̇аад̣̇аяо ниг̇ан̣тзхи ааж̇ийвагасаавагзхи жа бан̣д̣арад̇араад̇и вуд̇д̇аа ‘‘суггаабхиж̇аад̇ий’’д̇и.
Sakuṇe hanatīti sākuṇiko, tathā sūkariko. Luddoti aññopi yo koci māgaviko nesādo. Pāpakammapasutatāya kaṇhābhijāti nāma. Bhikkhūti sākiyā bhikkhū, macchamaṃsakhādanato nīlābhijātīti vadanti. Ñāyaladdhepi paccaye bhuñjamānā ājīvakasamayassa vilomagāhitāya ‘‘paccayesu kaṇṭake pakkhipitvā khādantī’’ti vadanti. Eke pabbajitā, ye savisesaṃ attakilamathānuyogamanuyuttā. Tathā hi te kaṇṭake vattentā viya hontīti kaṇṭakavuttikāti vuttā. Ṭhatvā bhuñjanadānapaṭikkhepādivatasamāyogena paṇḍaratarā. Acelakasāvakāti ājīvakasāvake vadati. Te kira ājīvakaladdhiyā visuddhacittatāya nigaṇṭhehipi paṇḍaratarā. Nandādayo hi tathārūpāya paṭipattiyā pattabbā, tasmā nandādayo nigaṇṭhehi ājīvakasāvakehi ca paṇḍaratarāti vuttā ‘‘sukkābhijātī’’ti.
аяамзд̇зсам̣ лад̣̇д̇хийд̇и саагун̣игаад̣̇ибхаавуубаг̇аманзна ган̣хаабхиж̇аад̇иаад̣̇ийсу д̣̇угкам̣ сукан̃жа бадисам̣взд̣̇знд̇аа ануггамзна махаагаббаанам̣ жуллаасийд̇исахассаани кзбзд̇ваа ааж̇ийвагабхаавуубаг̇аманзна барамасуггаабхиж̇аад̇ияам̣ тад̇ваа сам̣саарад̇о суж̇жханд̇ийд̇и аяам̣ д̇зсам̣ нияад̇и ааж̇ийвагаанам̣ лад̣̇д̇хи.
Ayametesaṃ laddhīti sākuṇikādibhāvūpagamanena kaṇhābhijātiādīsu dukkhaṃ sukhañca paṭisaṃvedentā anukkamena mahākappānaṃ cullāsītisahassāni khepetvā ājīvakabhāvūpagamanena paramasukkābhijātiyaṃ ṭhatvā saṃsārato sujjhantīti ayaṃ tesaṃ niyati ājīvakānaṃ laddhi.
‘‘над̇т̇и д̣̇инна’’нд̇и вад̣̇анд̇о над̇т̇иго д̣̇аанасса палам̣ бадигкибад̇ийд̇и ааха – ‘‘над̇т̇игад̣̇идти вибаагам̣ бадиб̣аахад̇ий’’д̇и. д̇ат̇аа жзва хздтаа сам̣ван̣н̣ид̇ам̣ ‘‘над̇т̇игад̣̇идти хи над̇т̇ид̇амаахаа’’д̇и. ахзд̇угад̣̇идти убхаяанд̇и гаммам̣ вибааган̃жа убхаяам̣. со хи ‘‘ахзд̇уу абажжаяаа сад̇д̇аа сам̣гилиссанд̇и висуж̇жханд̇ий’’д̇и вад̣̇анд̇о гаммасса вияа вибаагассаби сам̣гилзсависуд̣̇д̇хийнам̣ бажжаяад̇д̇аабхаававажанад̇о д̇ад̣̇убхаяам̣ бадиб̣аахад̇и наама. вибааго бадиб̣аахид̇о ход̇и асад̇и гаммз вибаагаабхаавад̇о. гаммам̣ бадиб̣аахид̇ам̣ ход̇и асад̇и вибаагз гаммасса нирад̇т̇агабхааваабад̇д̇ид̇о. ад̇т̇ад̇од̇и саруубзна. убхаяабадиб̣аахагаад̇и висум̣ висум̣ д̇ам̣д̇ам̣д̣̇идтид̇аа вуд̇д̇ааби саб̣б̣з д̇з над̇т̇игаад̣̇аяо над̇т̇игад̣̇идтиаад̣̇ивасзна бажжзгам̣ д̇ивид̇хад̣̇идтигаа зва убхаяабадиб̣аахагад̇д̇аа. ‘‘убхаяабадиб̣аахагаа’’д̇и хи хзд̇уважанам̣. ахзд̇угаваад̣̇аа жаад̇иаад̣̇и бадин̃н̃ааважанам̣. яо хи вибаагабадиб̣ааханзна над̇т̇игад̣̇идтиго, со ад̇т̇ад̇о гаммабадиб̣ааханзна агирияад̣̇идтиго, убхаяабадиб̣ааханзна ахзд̇угад̣̇идтиго жа ход̇и. сзсад̣̇ваязби зсзва наяо.
‘‘Natthi dinna’’nti vadanto natthiko dānassa phalaṃ paṭikkhipatīti āha – ‘‘natthikadiṭṭhi vipākaṃ paṭibāhatī’’ti. Tathā ceva heṭṭhā saṃvaṇṇitaṃ ‘‘natthikadiṭṭhi hi natthitamāhā’’ti. Ahetukadiṭṭhi ubhayanti kammaṃ vipākañca ubhayaṃ. So hi ‘‘ahetū apaccayā sattā saṃkilissanti visujjhantī’’ti vadanto kammassa viya vipākassapi saṃkilesavisuddhīnaṃ paccayattābhāvavacanato tadubhayaṃ paṭibāhati nāma. Vipāko paṭibāhito hoti asati kamme vipākābhāvato. Kammaṃ paṭibāhitaṃ hoti asati vipāke kammassa niratthakabhāvāpattito. Atthatoti sarūpena. Ubhayapaṭibāhakāti visuṃ visuṃ taṃtaṃdiṭṭhitā vuttāpi sabbe te natthikādayo natthikadiṭṭhiādivasena paccekaṃ tividhadiṭṭhikā eva ubhayapaṭibāhakattā. ‘‘Ubhayapaṭibāhakā’’ti hi hetuvacanaṃ. Ahetukavādā cātiādi paṭiññāvacanaṃ. Yo hi vipākapaṭibāhanena natthikadiṭṭhiko, so atthato kammapaṭibāhanena akiriyadiṭṭhiko, ubhayapaṭibāhanena ahetukadiṭṭhiko ca hoti. Sesadvayepi eseva nayo.
саж̇жхааяанд̇ийд̇и д̇ам̣ д̣̇идтид̣̇ийбагам̣ г̇ант̇ам̣ уг̇г̇ахзд̇ваа батанд̇и. виймам̣санд̇ийд̇и д̇асса ад̇т̇ам̣ вижаарзнд̇и. д̇зсанд̇иаад̣̇и виймам̣санаагаарад̣̇ассанам̣. д̇асмим̣ аарамман̣зд̇и яат̇аабаригаббид̇агаммапалаабхаавад̣̇ийбагз ‘‘над̇т̇и д̣̇инна’’нд̇иаад̣̇инаяаббавад̇д̇ааяа лад̣̇д̇хияаа аарамман̣з. мижчаасад̇и санд̇идтад̇ийд̇и ‘‘над̇т̇и д̣̇инна’’нд̇иаад̣̇ивасзна ануссавуубалад̣̇д̇хз ад̇т̇з д̇ад̣̇аагаарабаривид̇агганзхи савиг̇г̇ахз вияа саруубад̇о жид̇д̇асса бажжубадтид̇з жирагаалабарижаязна ‘‘звамзд̇а’’нд̇и ниж̇жхаанагкамабхаавуубаг̇аманзна ниж̇жхаанагканд̇ияаа д̇ат̇аа г̇ахид̇з бунаббунам̣ д̇ат̇зва аасзванд̇асса б̣ахулийгаронд̇асса мижчаавид̇аггзна самаад̣̇ияамаанаа мижчаавааяаамубад̇т̇амбхид̇аа ад̇ам̣сабхаавам̣ ‘‘д̇ам̣сабхаава’’нд̇и г̇ан̣ханд̇ий мижчаасад̇ийд̇и лад̣̇д̇ханаамаа д̇ам̣лад̣̇д̇хисахаг̇ад̇аа д̇ан̣хаа санд̇идтад̇и . жид̇д̇ам̣ згаг̇г̇ам̣ ход̇ийд̇и яат̇аавуд̇д̇авид̇аггаад̣̇ибажжаяалаабхзна д̇асмим̣ аарамман̣з авадтид̇ад̇ааяа анзгаг̇г̇ам̣ бахааяа згаг̇г̇ам̣ аббид̇ам̣ вияа ход̇и. мижчаасамаад̇хиби хи бажжаяависзсзхи лад̣̇д̇хабхааванааб̣алзхи гад̣̇аажи самаад̇хаанабад̇ируубагижжагаро ход̇иязва ваалавиж̇жханаад̣̇ийсу вияаад̇и д̣̇адтаб̣б̣ам̣. ж̇аванаани ж̇аванд̇ийд̇и анзгагкад̇д̇ум̣ д̇знаагаарзна буб̣б̣абхааг̇иязсу ж̇аванаваарзсу бавад̇д̇зсу саб̣б̣абажчимз ж̇аванаваарз сад̇д̇а ж̇аванаани ж̇аванд̇и. батамаж̇аванз бана сад̇згижчаа хонд̇и, д̇ат̇аа д̣̇уд̇ияаад̣̇ийсууд̇и д̇хаммасабхаавад̣̇ассанамзд̇ам̣, на бана д̇асмим̣ кан̣з д̇зсам̣ сад̇згижчабхааваабаад̣̇анам̣ гзнажи саггаа гаад̇ум̣.
Sajjhāyantīti taṃ diṭṭhidīpakaṃ ganthaṃ uggahetvā paṭhanti. Vīmaṃsantīti tassa atthaṃ vicārenti. Tesantiādi vīmaṃsanākāradassanaṃ. Tasmiṃ ārammaṇeti yathāparikappitakammaphalābhāvadīpake ‘‘natthi dinna’’ntiādinayappavattāya laddhiyā ārammaṇe. Micchāsati santiṭṭhatīti ‘‘natthi dinna’’ntiādivasena anussavūpaladdhe atthe tadākāraparivitakkanehi saviggahe viya sarūpato cittassa paccupaṭṭhite cirakālaparicayena ‘‘evameta’’nti nijjhānakkhamabhāvūpagamanena nijjhānakkhantiyā tathā gahite punappunaṃ tatheva āsevantassa bahulīkarontassa micchāvitakkena samādiyamānā micchāvāyāmupatthambhitā ataṃsabhāvaṃ ‘‘taṃsabhāva’’nti gaṇhantī micchāsatīti laddhanāmā taṃladdhisahagatā taṇhā santiṭṭhati . Cittaṃ ekaggaṃ hotīti yathāvuttavitakkādipaccayalābhena tasmiṃ ārammaṇe avaṭṭhitatāya anekaggaṃ pahāya ekaggaṃ appitaṃ viya hoti. Micchāsamādhipi hi paccayavisesehi laddhabhāvanābalehi kadāci samādhānapatirūpakiccakaro hotiyeva vālavijjhanādīsu viyāti daṭṭhabbaṃ. Javanāni javantīti anekakkhattuṃ tenākārena pubbabhāgiyesu javanavāresu pavattesu sabbapacchime javanavāre satta javanāni javanti. Paṭhamajavane pana satekicchā honti, tathā dutiyādīsūti dhammasabhāvadassanametaṃ, na pana tasmiṃ khaṇe tesaṃ satekicchabhāvāpādanaṃ kenaci sakkā kātuṃ.
д̇ад̇т̇аад̇и д̇зсу д̇ийсу мижчаад̣̇ассанзсу. гожи згам̣ д̣̇ассанам̣ оггамад̇ийд̇и яасса згасмим̣язва абхинивзсо аасзванаа жа бавад̇д̇аа, со згам̣язва д̣̇ассанам̣ оггамад̇и. яасса бана д̣̇вийсу, д̇ийсуби ваа абхинивзсанаа бавад̇д̇аа, со д̣̇вз д̇ийн̣и оггамад̇и. зд̇зна яаа буб̣б̣з убхаяабадиб̣ааханад̇аамукзна вуд̇д̇аа ад̇т̇асид̣̇д̇хаа саб̣б̣ад̣̇идтигад̇аа, саа буб̣б̣абхааг̇ияаа. яаа бана мижчад̇д̇анияаамогганд̇и бхууд̇аа, саа яат̇аасагам̣ бажжаяасамуд̣̇ааг̇амасид̣̇д̇хид̇о бхиннаарамман̣аанам̣ вияа висзсаад̇хиг̇амаанам̣ ан̃н̃аман̃н̃ам̣ згаж̇жхам̣ ануббад̇д̇ияаа асам̣гин̣н̣аа зваад̇и д̣̇ассзд̇и. згасмим̣ огганд̇збийд̇иаад̣̇инаа д̇иссаннамби д̣̇идтийнам̣ самаанаб̣алад̇ам̣ самаанапалад̇ан̃жа д̣̇ассзд̇и, д̇асмаа д̇иссоби жзд̇аа згасса уббаннаа ан̃н̃аман̃н̃ам̣ аб̣б̣огин̣н̣аа зва, згааяа вибаагз д̣̇иннз ид̇араа ануб̣алаббад̣̇ааяигаа хонд̇и. ваддакаан̣у наамаад̇и ид̣̇ам̣ важанам̣ нзяяад̇т̇ам̣, на нийд̇ад̇т̇анд̇и д̇ам̣ виварид̇ваа д̣̇ассзд̇ум̣ гим̣ банзсаад̇иаад̣̇и вуд̇д̇ам̣, агусалам̣ наамзд̇ам̣ аб̣алам̣ д̣̇уб̣б̣алам̣, на гусалам̣ вияа махааб̣аланд̇и ааха – ‘‘згасмим̣язва ад̇д̇абхаавз нияад̇о’’д̇и. ан̃н̃ат̇аа саммад̇д̇анияаамо вияа мижчад̇д̇анияаамоби ажжанд̇иго сияаа. яад̣̇и звам̣ ваддакаан̣угаж̇од̇анаа гат̇анд̇и ааха ‘‘аасзванавасзна банаа’’д̇иаад̣̇и, д̇асмаа яат̇аа ‘‘сагим̣ нимуг̇г̇о нимуг̇г̇ова ход̇ий’’д̇и (а. ни. 7.15) вуд̇д̇ам̣, звам̣ ваддакаан̣угаж̇од̇анаа. яаад̣̇исз хи бажжаяз бадижжа аяам̣ д̇ам̣д̇ам̣д̣̇ассанам̣ огганд̇о буна гад̣̇аажи д̇аббадибагкз бажжаяз бадижжа д̇ад̇о сийсугкибанамасса на ход̇ийд̇и на вад̇д̇аб̣б̣ам̣. д̇зна вуд̇д̇ам̣ ‘‘язбхуяязнаа’’д̇и.
Tatthāti tesu tīsu micchādassanesu. Koci ekaṃ dassanaṃ okkamatīti yassa ekasmiṃyeva abhiniveso āsevanā ca pavattā, so ekaṃyeva dassanaṃ okkamati. Yassa pana dvīsu, tīsupi vā abhinivesanā pavattā, so dve tīṇi okkamati. Etena yā pubbe ubhayapaṭibāhanatāmukhena vuttā atthasiddhā sabbadiṭṭhikatā, sā pubbabhāgiyā. Yā pana micchattaniyāmokkanti bhūtā, sā yathāsakaṃ paccayasamudāgamasiddhito bhinnārammaṇānaṃ viya visesādhigamānaṃ aññamaññaṃ ekajjhaṃ anuppattiyā asaṃkiṇṇā evāti dasseti. Ekasmiṃ okkantepītiādinā tissannampi diṭṭhīnaṃ samānabalataṃ samānaphalatañca dasseti, tasmā tissopi cetā ekassa uppannā aññamaññaṃ abbokiṇṇā eva, ekāya vipāke dinne itarā anubalappadāyikā honti. Vaṭṭakhāṇu nāmāti idaṃ vacanaṃ neyyatthaṃ, na nītatthanti taṃ vivaritvā dassetuṃ kiṃ panesātiādi vuttaṃ, akusalaṃ nāmetaṃ abalaṃ dubbalaṃ, na kusalaṃ viya mahābalanti āha – ‘‘ekasmiṃyeva attabhāve niyato’’ti. Aññathā sammattaniyāmo viya micchattaniyāmopi accantiko siyā. Yadi evaṃ vaṭṭakhāṇukajotanā kathanti āha ‘‘āsevanavasena panā’’tiādi, tasmā yathā ‘‘sakiṃ nimuggo nimuggova hotī’’ti (a. ni. 7.15) vuttaṃ, evaṃ vaṭṭakhāṇukajotanā. Yādise hi paccaye paṭicca ayaṃ taṃtaṃdassanaṃ okkanto puna kadāci tappaṭipakkhe paccaye paṭicca tato sīsukkhipanamassa na hotīti na vattabbaṃ. Tena vuttaṃ ‘‘yebhuyyenā’’ti.
д̇асмаад̇и яасмаа звам̣ сам̣сааракаан̣убхаавассаби бажжаяо агаляаан̣аж̇ано, д̇асмаа. бхууд̇игаамод̇и д̣̇идтад̇хаммигасамбарааяигабарамад̇т̇аанам̣ васзна ад̇д̇ано г̇ун̣зхи вад̣дхигаамо. яам̣ банзд̇т̇а гзжи вад̣̇анд̇и ‘‘яат̇аа жирагаалабхааванааяа барибаагуубаг̇амалад̣̇д̇хаб̣алад̇д̇аа убаниссаяагусалаа агусалз саб̣б̣асо самужчинд̣̇анд̇и, звам̣ агусалад̇хаммаа д̇ад̇оби жирагаалабхааванаасамбхавад̇о лад̣̇д̇хаб̣алаа худ̇ваа гад̣̇аажи гусалад̇хаммзби самужчинд̣̇анд̇и. зван̃жа гад̇ваа д̣̇ал̣хамижчаабхинивзсасса мижчаад̣̇идтигасса ваддакаан̣угабхааваж̇од̇анааби самад̇т̇ид̇аа ход̇ий’’д̇и яат̇аа д̇ам̣ ‘‘вассабхан̃н̃аанам̣ д̣̇идтий’’д̇и, д̇ам̣ на, мижчад̇д̇анияад̇ад̇хаммаанам̣ жирагаалабхааванаамад̇д̇зна на бадибагкасса баж̇аханасамад̇т̇ад̇аа, ат̇а ко д̇хаммад̇аасид̣̇д̇хзна бажжаяависзсаахид̇асаамад̇т̇иязна ад̇д̇ано бахааяагасабхаавзна бахааяагабхааво бхааванаагусалаанам̣язва вуд̇д̇о, агусалаанам̣язва жа бахаад̇аб̣б̣абхааво ‘‘д̣̇ассанзна бахаад̇аб̣б̣аа’’д̇иаад̣̇инаа наязна, агусалаанам̣язва д̣̇уб̣б̣алабхааво ‘‘аб̣алаанам̣ б̣алийяанд̇ий’’д̇иаад̣̇инаа (су. ни. 776; махаани. 5) (яуд̇д̇инааби наамад̇о ваа ад̇хиг̇аманияо аалого аалогабхаавад̇о б̣аахирааран̣згаа вияа на жзд̇т̇а бадин̃н̃ад̇д̇з бхаавзсад̇аа сод̇уно аасам̣гид̇аб̣б̣аа висзсавасса саад̇хзд̇аб̣б̣ад̇о сааман̃н̃асса жа сод̇убхаавзна ад̇хиббзд̇ад̇д̇аа взд̣̇а-сад̣̇д̣̇асса лобо д̣̇ийбз сабхаавз саад̇ханз яат̇аа д̇ам̣ сад̣̇д̣̇аяабхаавасса нааби висуд̣̇д̇хагаанумаанаад̣̇ивирод̇хасамбхаавад̇о. на хи саггаа анд̇араалогасса б̣аахираалогасса вияа руубагааяам̣ убаад̣̇ааяа руубад̇аа жагкувин̃н̃зяяад̇д̇аад̣̇игз бад̇идтаабзд̇ум̣ саггаад̇и вуд̇д̇ам̣, нануби анд̇араалого авиг̇г̇ахад̇д̇аа взд̣̇анаа вияаад̇и сад̣̇д̇хзва н̃аан̣аалогасса авиж̇ж̇анд̇хагаараа вияа вид̇хаманияабхаавз саб̣б̣зсамби гусалад̇хаммаанам̣ гзнажиби агусалад̇хаммзна самужчинд̣̇анияад̇аа сид̣̇д̇хаава ход̇и). ваддакаан̣угажод̣̇анааяа яам̣ вад̇д̇аб̣б̣ам̣, д̇ам̣ хздтаа вуд̇д̇амзваад̇и д̇идтад̇зсаа б̣аалаж̇анавигад̇т̇анаа.
Tasmāti yasmā evaṃ saṃsārakhāṇubhāvassapi paccayo akalyāṇajano, tasmā. Bhūtikāmoti diṭṭhadhammikasamparāyikaparamatthānaṃ vasena attano guṇehi vaḍḍhikāmo. Yaṃ panettha keci vadanti ‘‘yathā cirakālabhāvanāya paripākūpagamaladdhabalattā upanissayakusalā akusale sabbaso samucchindanti, evaṃ akusaladhammā tatopi cirakālabhāvanāsambhavato laddhabalā hutvā kadāci kusaladhammepi samucchindanti. Evañca katvā daḷhamicchābhinivesassa micchādiṭṭhikassa vaṭṭakhāṇukabhāvajotanāpi samatthitā hotī’’ti yathā taṃ ‘‘vassabhaññānaṃ diṭṭhī’’ti, taṃ na, micchattaniyatadhammānaṃ cirakālabhāvanāmattena na paṭipakkhassa pajahanasamatthatā, atha kho dhammatāsiddhena paccayavisesāhitasāmatthiyena attano pahāyakasabhāvena pahāyakabhāvo bhāvanākusalānaṃyeva vutto, akusalānaṃyeva ca pahātabbabhāvo ‘‘dassanena pahātabbā’’tiādinā nayena, akusalānaṃyeva dubbalabhāvo ‘‘abalānaṃ balīyantī’’tiādinā (su. ni. 776; mahāni. 5) (yuttināpi nāmato vā adhigamaniyo āloko ālokabhāvato bāhirāraṇekā viya na cettha paṭiññatte bhāvesatā sotuno āsaṃkitabbā visesavassa sādhetabbato sāmaññassa ca sotubhāvena adhippetattā veda-saddassa lopo dīpe sabhāve sādhane yathā taṃ saddayabhāvassa nāpi visuddhakaanumānādivirodhasambhāvato. Na hi sakkā antarālokassa bāhirālokassa viya rūpakāyaṃ upādāya rūpatā cakkhuviññeyyattādike patiṭṭhāpetuṃ sakkāti vuttaṃ, nanupi antarāloko aviggahattā vedanā viyāti saddheva ñāṇālokassa avijjandhakārā viya vidhamaniyabhāve sabbesampi kusaladhammānaṃ kenacipi akusaladhammena samucchindaniyatā siddhāva hoti). Vaṭṭakhāṇukacodanāya yaṃ vattabbaṃ, taṃ heṭṭhā vuttamevāti tiṭṭhatesā bālajanavikatthanā.
103. жхаанажид̇д̇амаяаад̇и руубааважараж̇жхаанажид̇д̇зна ниб̣б̣ад̇д̇аа. д̇ат̇аа хи д̇зсам̣ висзсзна жхаанаманасаа ниб̣б̣ад̇д̇ад̇д̇аа ‘‘маномаяаа’’д̇и вуд̇д̇аа, ависзсзна бана абхисан̇каараманасаа саб̣б̣зби сад̇д̇аа маномаяаа зва. сан̃н̃аамаяаад̇и зд̇т̇ааби зсзва наяо. д̇знааха ‘‘аруубаж̇жхаанасан̃н̃ааяаа’’д̇и. аяанд̇и руубид̇аабхаавабадибаж̇ж̇анагабуг̇г̇ало. аббадилад̣̇д̇хаж̇жхаанод̇и анад̇хиг̇ад̇аруубаж̇жхаано. д̇ассабийд̇и д̇аггиноби. руубаж̇жхаанз ган̇каа над̇т̇и ануссававасзна лад̣̇д̇хавинижчаяад̇д̇аа.
103.Jhānacittamayāti rūpāvacarajjhānacittena nibbattā. Tathā hi tesaṃ visesena jhānamanasā nibbattattā ‘‘manomayā’’ti vuttā, avisesena pana abhisaṅkhāramanasā sabbepi sattā manomayā eva. Saññāmayāti etthāpi eseva nayo. Tenāha ‘‘arūpajjhānasaññāyā’’ti. Ayanti rūpitābhāvapaṭipajjanakapuggalo. Appaṭiladdhajjhānoti anadhigatarūpajjhāno. Tassapīti takkinopi. Rūpajjhāne kaṅkhā natthi anussavavasena laddhavinicchayattā.
104. саарааг̇ааяаад̇и сарааг̇абхаавааяа. санд̇игзд̇и самийбз, на т̇аамаг̇ад̇аа д̣̇идтинаад̇ид̣̇уурад̇д̇аа сарааг̇аа, на самбаяуд̇д̇ад̇д̇аа. саа хи на т̇аамаг̇ад̇аа ваддабарияаабаннзсу д̇хаммзсу раж̇ж̇ад̇ийд̇и вин̃н̃ааяад̇ийд̇и ааха – ‘‘рааг̇авасзна ваддз раж̇ж̇анассаа’’д̇и. саб̣б̣зби сам̣яож̇анаа д̇ан̣хаавасзнзва самбхаванд̇ийд̇и ааха – ‘‘д̇ан̣хаавасзна сам̣яож̇анад̇т̇ааяаа’’д̇и. ааруббз банасса ган̇каа над̇т̇ийд̇и ануссававасзна лад̣̇д̇ханижчаяам̣ санд̇хааяа вуд̇д̇ам̣. гаамам̣ д̣̇уг̇г̇ад̇ид̣̇угкаанам̣ зганд̇асам̣вад̇д̇анзна над̇т̇игад̣̇идтиаад̣̇ийнам̣ абан̣н̣агад̇аа баагадаа зва, ниббарияааязна бана анаваж̇ж̇асса ад̇т̇асса зганд̇асаад̇хагам̣ абан̣н̣аганд̇и гад̇ваа жод̣̇анаа, сааваж̇ж̇ассаби ад̇т̇асса саад̇ханз згам̣сигабхаавам̣ г̇ахзд̇ваа барихааро. д̇знааха ‘‘г̇ахан̣авасзнаа’’д̇иаад̣̇и. д̇зна рул̣хийвасзна ‘‘над̇т̇и д̣̇инна’’нд̇иаад̣̇ийни абан̣н̣аган̇г̇аани ж̇аад̇аанийд̇и д̣̇ассзд̇и.
104.Sārāgāyāti sarāgabhāvāya. Santiketi samīpe, na thāmagatā diṭṭhinātidūrattā sarāgā, na sampayuttattā. Sā hi na thāmagatā vaṭṭapariyāpannesu dhammesu rajjatīti viññāyatīti āha – ‘‘rāgavasena vaṭṭe rajjanassā’’ti. Sabbepi saṃyojanā taṇhāvaseneva sambhavantīti āha – ‘‘taṇhāvasena saṃyojanatthāyā’’ti. Āruppe panassa kaṅkhā natthīti anussavavasena laddhanicchayaṃ sandhāya vuttaṃ. Kāmaṃ duggatidukkhānaṃ ekantasaṃvattanena natthikadiṭṭhiādīnaṃ apaṇṇakatā pākaṭā eva, nippariyāyena pana anavajjassa atthassa ekantasādhakaṃ apaṇṇakanti katvā codanā, sāvajjassapi atthassa sādhane ekaṃsikabhāvaṃ gahetvā parihāro. Tenāha ‘‘gahaṇavasenā’’tiādi. Tena ruḷhīvasena ‘‘natthi dinna’’ntiādīni apaṇṇakaṅgāni jātānīti dasseti.
105. хздтаа д̇аяо буг̇г̇алаава хонд̇ийд̇и ад̇д̇анд̇або баранд̇абод̇и имасмим̣ жад̇уггз хздтаа д̇аяо буг̇г̇алаа хонд̇и. яат̇аавуд̇д̇аа бан̃жаби буг̇г̇алаа д̣̇уббадибаннаава, д̇ад̇о ад̇т̇игаваад̣̇аад̣̇аяо бан̃жабуг̇г̇алаа саммаабадибаннад̇ааяа имасмим̣ жад̇уггз зго жад̇уд̇т̇абуг̇г̇алова ход̇и. зд̇амад̇т̇ам̣ д̣̇ассзд̇унд̇и ид̇ха хздтаа вуд̇д̇абуг̇г̇алабан̃жагад̣̇ваяам̣ имасмим̣ жад̇уггз зва сан̇г̇ахам̣ г̇ажчад̇ийд̇и вибхааг̇зна д̣̇уббадибад̇д̇исуббадибад̇д̇ияо д̣̇ассзд̇ум̣ бхаг̇аваа имам̣ д̣̇зсанам̣ аарабхийд̇и. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.
105.Heṭṭhātayo puggalāva hontīti attantapo parantapoti imasmiṃ catukke heṭṭhā tayo puggalā honti. Yathāvuttā pañcapi puggalā duppaṭipannāva, tato atthikavādādayo pañcapuggalā sammāpaṭipannatāya imasmiṃ catukke eko catutthapuggalova hoti. Etamatthaṃ dassetunti idha heṭṭhā vuttapuggalapañcakadvayaṃ imasmiṃ catukke eva saṅgahaṃ gacchatīti vibhāgena duppaṭipattisuppaṭipattiyo dassetuṃ bhagavā imaṃ desanaṃ ārabhīti. Yaṃ panettha atthato avibhattaṃ, taṃ suviññeyyameva.
абан̣н̣агасуд̇д̇аван̣н̣анааяа лийнад̇т̇аббагаасанаа самад̇д̇аа.
Apaṇṇakasuttavaṇṇanāya līnatthappakāsanā samattā.
нидтид̇аа жа г̇ахабад̇иваг̇г̇аван̣н̣анаа.
Niṭṭhitā ca gahapativaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. абан̣н̣агасуд̇д̇ам̣ • 10. Apaṇṇakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. абан̣н̣агасуд̇д̇аван̣н̣анаа • 10. Apaṇṇakasuttavaṇṇanā
