| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
3. абараа уд̇д̇амаат̇зрийг̇аат̇ааван̣н̣анаа
3. Aparā uttamātherīgāthāvaṇṇanā
яз имз сад̇д̇а б̣ож̇жхан̇г̇аад̇иаад̣̇игаа абарааяа уд̇д̇амааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий вибассисса бхаг̇авад̇о гаалз б̣анд̇хумад̇ийнаг̇арз гулад̣̇аасий худ̇ваа ниб̣б̣ад̇д̇и. саа згад̣̇ивасам̣ сад̇т̇у саавагам̣ згам̣ кийн̣аасавад̇т̇зрам̣ бин̣д̣ааяа жаранд̇ам̣ д̣̇исваа басаннамаанасаа д̇ийн̣и мод̣̇агаани ад̣̇ааси. саа д̇зна бун̃н̃агаммзна д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з госалаж̇анабад̣̇з ан̃н̃ад̇арасмим̣ б̣раахман̣амахаасаалагулз ниб̣б̣ад̇д̇ид̇ваа вин̃н̃уд̇ам̣ бад̇д̇аа ж̇анабад̣̇ажааригам̣ жаранд̇асса сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хаа баб̣б̣аж̇ид̇ваа нажирассзва саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.2.30-36) –
Ye ime satta bojjhaṅgātiādikā aparāya uttamāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī vipassissa bhagavato kāle bandhumatīnagare kuladāsī hutvā nibbatti. Sā ekadivasaṃ satthu sāvakaṃ ekaṃ khīṇāsavattheraṃ piṇḍāya carantaṃ disvā pasannamānasā tīṇi modakāni adāsi. Sā tena puññakammena devamanussesu saṃsarantī imasmiṃ buddhuppāde kosalajanapade aññatarasmiṃ brāhmaṇamahāsālakule nibbattitvā viññutaṃ pattā janapadacārikaṃ carantassa satthu santike dhammaṃ sutvā paṭiladdhasaddhā pabbajitvā nacirasseva saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.2.30-36) –
‘‘наг̇арз б̣анд̇хумад̇ияаа, гумбхад̣̇аасий ахосахам̣;
‘‘Nagare bandhumatiyā, kumbhadāsī ahosahaṃ;
мама бхааг̇ам̣ г̇ахзд̇ваана, г̇ажчам̣ уд̣̇агахааригаа.
Mama bhāgaṃ gahetvāna, gacchaṃ udakahārikā.
‘‘бант̇амхи саман̣ам̣ д̣̇исваа, санд̇ажид̇д̇ам̣ самаахид̇ам̣;
‘‘Panthamhi samaṇaṃ disvā, santacittaṃ samāhitaṃ;
басаннажид̇д̇аа суманаа, мод̣̇агз д̇ийн̣ид̣̇аасахам̣.
Pasannacittā sumanā, modake tīṇidāsahaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
зганавуд̇игаббаани, винибаад̇ам̣ на г̇ажчахам̣.
Ekanavutikappāni, vinipātaṃ na gacchahaṃ.
‘‘самбад̇д̇и д̇ам̣ гарид̇ваана, саб̣б̣ам̣ анубхавим̣ ахам̣;
‘‘Sampatti taṃ karitvāna, sabbaṃ anubhaviṃ ahaṃ;
мод̣̇агз д̇ийн̣и д̣̇ад̇ваана, бад̇д̇аахам̣ ажалам̣ бад̣̇ам̣.
Modake tīṇi datvāna, pattāhaṃ acalaṃ padaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Arahattaṃ pana patvā attano paṭipattiṃ paccavekkhitvā udānavasena –
45.
45.
‘‘яз имз сад̇д̇а б̣ож̇жхан̇г̇аа, маг̇г̇аа ниб̣б̣аанабад̇д̇ияаа;
‘‘Ye ime satta bojjhaṅgā, maggā nibbānapattiyā;
бхаавид̇аа д̇з маяаа саб̣б̣з, яат̇аа б̣уд̣̇д̇хзна д̣̇зсид̇аа.
Bhāvitā te mayā sabbe, yathā buddhena desitā.
46.
46.
‘‘сун̃н̃ад̇ассаанимид̇д̇асса, лаабхинийхам̣ яад̣̇ижчагам̣;
‘‘Suññatassānimittassa, lābhinīhaṃ yadicchakaṃ;
орасаа д̇хийд̇аа б̣уд̣̇д̇хасса, ниб̣б̣аанаабхирад̇аа сад̣̇аа.
Orasā dhītā buddhassa, nibbānābhiratā sadā.
47.
47.
‘‘саб̣б̣з гаамаа самужчиннаа, яз д̣̇иб̣б̣аа яз жа маанусаа;
‘‘Sabbe kāmā samucchinnā, ye dibbā ye ca mānusā;
вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и. –
Vikkhīṇo jātisaṃsāro, natthi dāni punabbhavo’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а сун̃н̃ад̇ассаанимид̇д̇асса, лаабхинийхам̣ яад̣̇ижчаганд̇и сун̃н̃ад̇асамаабад̇д̇ияаа жа анимид̇д̇асамаабад̇д̇ияаа жа ахам̣ яад̣̇ижчагам̣ лаабхиний, д̇ад̇т̇а яам̣ яам̣ самаабаж̇ж̇ид̇ум̣ ижчаами яад̇т̇а яад̇т̇а яад̣̇аа яад̣̇аа, д̇ам̣ д̇ам̣ д̇ад̇т̇а д̇ад̇т̇а д̇ад̣̇аа д̇ад̣̇аа самаабаж̇ж̇ид̇ваа вихараамийд̇и ад̇т̇о. яад̣̇иби хи сун̃н̃ад̇ааббан̣ихид̇аад̣̇инаамагасса яасса гассажиби маг̇г̇асса сун̃н̃ад̇аад̣̇ибхзд̣̇ам̣ д̇ивид̇хамби палам̣ самбхавад̇и. аяам̣ бана т̇зрий сун̃н̃ад̇аанимид̇д̇асамаабад̇д̇ияова самаабаж̇ж̇ад̇и. д̇зна вуд̇д̇ам̣ – ‘‘сун̃н̃ад̇ассаанимид̇д̇асса, лаабхинийхам̣ яад̣̇ижчага’’нд̇и. язбхуяяавасзна ваа зд̇ам̣ вуд̇д̇ам̣. нид̣̇ассанамад̇д̇амзд̇анд̇и абарз.
Tattha suññatassānimittassa, lābhinīhaṃ yadicchakanti suññatasamāpattiyā ca animittasamāpattiyā ca ahaṃ yadicchakaṃ lābhinī, tattha yaṃ yaṃ samāpajjituṃ icchāmi yattha yattha yadā yadā, taṃ taṃ tattha tattha tadā tadā samāpajjitvā viharāmīti attho. Yadipi hi suññatāppaṇihitādināmakassa yassa kassacipi maggassa suññatādibhedaṃ tividhampi phalaṃ sambhavati. Ayaṃ pana therī suññatānimittasamāpattiyova samāpajjati. Tena vuttaṃ – ‘‘suññatassānimittassa, lābhinīhaṃ yadicchaka’’nti. Yebhuyyavasena vā etaṃ vuttaṃ. Nidassanamattametanti apare.
яз д̣̇иб̣б̣аа яз жа маанусаад̇и яз д̣̇звалогабарияаабаннаа яз жа мануссалогабарияаабаннаа вад̇т̇угаамаа, д̇з саб̣б̣зби д̇аббадиб̣ад̣̇д̇хачанд̣̇арааг̇аббахаанзна маяаа саммад̣̇зва ужчиннаа, абарибхог̇аарахаа гад̇аа . вуд̇д̇ан̃хи – ‘‘абхаб̣б̣о, аавусо, кийн̣аасаво бхигку гаамз барибхун̃ж̇ид̇ум̣. сзяяат̇ааби буб̣б̣з аг̇аарияабхууд̇о’’д̇и. сзсам̣ вуд̇д̇анаяамзва.
Ye dibbā ye ca mānusāti ye devalokapariyāpannā ye ca manussalokapariyāpannā vatthukāmā, te sabbepi tappaṭibaddhachandarāgappahānena mayā sammadeva ucchinnā, aparibhogārahā katā . Vuttañhi – ‘‘abhabbo, āvuso, khīṇāsavo bhikkhu kāme paribhuñjituṃ. Seyyathāpi pubbe agāriyabhūto’’ti. Sesaṃ vuttanayameva.
абараа уд̇д̇амаат̇зрийг̇аат̇ааван̣н̣анаа нидтид̇аа.
Aparā uttamātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 3. абараауд̇д̇амаат̇зрийг̇аат̇аа • 3. Aparāuttamātherīgāthā
