Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)

    18. абараажчараасан̇гхаад̇аваг̇г̇аван̣н̣анаа

    18. Aparaaccharāsaṅghātavaggavaṇṇanā

    382. ажчараасан̇гхаад̇амад̇д̇амбийд̇и ид̣̇амби суд̇д̇ам̣ аг̇г̇игканд̇хуубамаадтуббад̇д̇ияам̣язва (а. ни. 7.72) вуд̇д̇ам̣. аббанааббад̇д̇ааяа хи мзд̇д̇ааяа вибаагз гат̇ааязва над̇т̇и. д̇ассааязва адтуббад̇д̇ияаа аяам̣ д̣̇зсанаа аарад̣̇д̇хаад̇и взд̣̇ид̇аб̣б̣аа. д̇ад̇т̇а батаманд̇и ‘‘г̇ан̣анаанубуб̣б̣ад̇аа батамам̣, ид̣̇ам̣ батамам̣ самаабаж̇ж̇ад̇ийд̇и батама’’нд̇и вибхан̇г̇з (вибха. 568) вуд̇д̇ад̇т̇амзва. жхаананд̇и жхаанам̣ наама д̣̇увид̇хам̣ аарамман̣уубаниж̇жхаанан̃жа лагкан̣уубаниж̇жхаанан̃жаад̇и. д̇ад̇т̇а аарамман̣уубаниж̇жхаанам̣ наама адта самаабад̇д̇ияо. д̇аа хи бат̇авийгасин̣аад̣̇ино аарамман̣асса убаниж̇жхаанад̇о аарамман̣уубаниж̇жхаананд̇и вужжанд̇и. лагкан̣уубаниж̇жхаананд̇и вибассанаамаг̇г̇апалаани. вибассанаа хи анижжаад̣̇ивасзна сан̇кааралагкан̣асса убаниж̇жхаанад̇о лагкан̣уубаниж̇жхаанам̣ наама, вибассанааяа бана лагкан̣уубаниж̇жхаанагижжам̣ маг̇г̇зна сиж̇жхад̇ийд̇и маг̇г̇о лагкан̣уубаниж̇жхаанам̣, палам̣ сун̃н̃ад̇аанимид̇д̇ааббан̣ихид̇а-лагкан̣асса ниб̣б̣аанассзва убаниж̇жхаанад̇о лагкан̣уубаниж̇жхаананд̇и вужжад̇и. д̇ад̇т̇а имасмим̣ бана ад̇т̇з аарамман̣уубаниж̇жхаанам̣ ад̇хиббзд̇ам̣. го бана ваад̣̇о яз нам̣ б̣ахулийгаронд̇ийд̇и яз нам̣ батамаж̇жхаанам̣ б̣ахулий гаронд̇и, бунаббунам̣ гаронд̇и, д̇зсу вад̇д̇аб̣б̣амзва над̇т̇и. сзсамзд̇т̇а хздтаа вуд̇д̇анаязнзва взд̣̇ид̇аб̣б̣ам̣.

    382.Accharāsaṅghātamattampīti idampi suttaṃ aggikkhandhūpamaaṭṭhuppattiyaṃyeva (a. ni. 7.72) vuttaṃ. Appanāppattāya hi mettāya vipāke kathāyeva natthi. Tassāyeva aṭṭhuppattiyā ayaṃ desanā āraddhāti veditabbā. Tattha paṭhamanti ‘‘gaṇanānupubbatā paṭhamaṃ, idaṃ paṭhamaṃ samāpajjatīti paṭhama’’nti vibhaṅge (vibha. 568) vuttatthameva. Jhānanti jhānaṃ nāma duvidhaṃ ārammaṇūpanijjhānañca lakkhaṇūpanijjhānañcāti. Tattha ārammaṇūpanijjhānaṃ nāma aṭṭha samāpattiyo. Tā hi pathavīkasiṇādino ārammaṇassa upanijjhānato ārammaṇūpanijjhānanti vuccanti. Lakkhaṇūpanijjhānanti vipassanāmaggaphalāni. Vipassanā hi aniccādivasena saṅkhāralakkhaṇassa upanijjhānato lakkhaṇūpanijjhānaṃ nāma, vipassanāya pana lakkhaṇūpanijjhānakiccaṃ maggena sijjhatīti maggo lakkhaṇūpanijjhānaṃ, phalaṃ suññataanimittaappaṇihita-lakkhaṇassa nibbānasseva upanijjhānato lakkhaṇūpanijjhānanti vuccati. Tattha imasmiṃ pana atthe ārammaṇūpanijjhānaṃ adhippetaṃ. Ko pana vādo ye naṃ bahulīkarontīti ye naṃ paṭhamajjhānaṃ bahulī karonti, punappunaṃ karonti, tesu vattabbameva natthi. Sesamettha heṭṭhā vuttanayeneva veditabbaṃ.

    383. д̣̇уд̇ияанд̇иаад̣̇ийсуби ‘‘г̇ан̣анаанубуб̣б̣ад̇аа д̣̇уд̇ияа’’нд̇иаад̣̇инаа (вибха. 579) наязна ад̇т̇о взд̣̇ид̇аб̣б̣о.

    383.Dutiyantiādīsupi ‘‘gaṇanānupubbatā dutiya’’ntiādinā (vibha. 579) nayena attho veditabbo.

    386-387. мзд̇д̇анд̇и саб̣б̣асад̇д̇зсу хид̇апаран̣ам̣. жзд̇овимуд̇д̇инд̇и жид̇д̇авимуд̇д̇им̣. ид̇ха аббанааббад̇д̇аава мзд̇д̇аа ад̇хиббзд̇аа. гарун̣аад̣̇ийсуби зсзва наяо. имз бана жад̇д̇ааро б̣рахмавихаараа ваддам̣ хонд̇и, ваддабаад̣̇аа хонд̇и, вибассанаабаад̣̇аа хонд̇и, д̣̇идтад̇хаммасукавихаараа хонд̇и, абхин̃н̃аабаад̣̇аа ваа нирод̇хабаад̣̇аа ваа хонд̇и. логуд̇д̇араа бана на хонд̇и. гасмаа? сад̇д̇аарамман̣ад̇д̇аад̇и.

    386-387.Mettanti sabbasattesu hitapharaṇaṃ. Cetovimuttinti cittavimuttiṃ. Idha appanāppattāva mettā adhippetā. Karuṇādīsupi eseva nayo. Ime pana cattāro brahmavihārā vaṭṭaṃ honti, vaṭṭapādā honti, vipassanāpādā honti, diṭṭhadhammasukhavihārā honti, abhiññāpādā vā nirodhapādā vā honti. Lokuttarā pana na honti. Kasmā? Sattārammaṇattāti.

    390. гааяз гааяаанубассийд̇и аанаабаанабаб̣б̣ам̣, ирияаабат̇абаб̣б̣ам̣, жад̇усамбаж̇ан̃н̃абаб̣б̣ам̣, бадигууламанасигаарабаб̣б̣ам̣ , д̇хаад̇уманасигаарабаб̣б̣ам̣, навасиват̇игаабаб̣б̣аани, аж̇жхад̇д̇абаригаммавасзна жад̇д̇аари нийлаад̣̇игасин̣аанийд̇и имасмим̣ адтаарасавид̇хз гааяз д̇амзва гааяам̣ бан̃н̃ааяа анубассанд̇о. вихарад̇ийд̇и ирияад̇и вад̇д̇ад̇и. иминаа имасса адтаарасавид̇хзна гааяаанубассанаасад̇ибадтаанабхаавагасса бхигкуно ирияаабат̇о гат̇ид̇о ход̇и. аад̇аабийд̇и д̇ассзва вуд̇д̇аббагаарасса сад̇ибадтаанасса бхааванагавийриязна вийрияаваа. самбаж̇аанод̇и адтаарасавид̇хзна гааяаанубассанаасад̇ибадтаанасса бариг̇г̇аахигабан̃н̃ааяа саммаа баж̇аананд̇о. сад̇имаад̇и адтаарасавид̇хзна гааяаанубассанаабариг̇г̇аахигааяа сад̇ияаа саманнааг̇ад̇о. винзяяа логз абхиж̇жхаад̣̇оманассанд̇и д̇асмим̣язва гааяасан̇каад̇з логз бан̃жагаамаг̇ун̣игад̇ан̣хан̃жа бадигхасамбаяуд̇д̇ад̣̇оманассан̃жа винзд̇ваа вигкамбхзд̇ваа гааяз гааяаанубассий вихарад̇ийд̇и вуд̇д̇ам̣ ход̇и. зд̇д̇аавад̇аа гааяаанубассанаасад̇ибадтаанавасзна суд̣̇д̇харуубасаммасанамзва гат̇ид̇анд̇и взд̣̇ид̇аб̣б̣ам̣.

    390.Kāyekāyānupassīti ānāpānapabbaṃ, iriyāpathapabbaṃ, catusampajaññapabbaṃ, paṭikūlamanasikārapabbaṃ , dhātumanasikārapabbaṃ, navasivathikāpabbāni, ajjhattaparikammavasena cattāri nīlādikasiṇānīti imasmiṃ aṭṭhārasavidhe kāye tameva kāyaṃ paññāya anupassanto. Viharatīti iriyati vattati. Iminā imassa aṭṭhārasavidhena kāyānupassanāsatipaṭṭhānabhāvakassa bhikkhuno iriyāpatho kathito hoti. Ātāpīti tasseva vuttappakārassa satipaṭṭhānassa bhāvanakavīriyena vīriyavā. Sampajānoti aṭṭhārasavidhena kāyānupassanāsatipaṭṭhānassa pariggāhikapaññāya sammā pajānanto. Satimāti aṭṭhārasavidhena kāyānupassanāpariggāhikāya satiyā samannāgato. Vineyya loke abhijjhādomanassanti tasmiṃyeva kāyasaṅkhāte loke pañcakāmaguṇikataṇhañca paṭighasampayuttadomanassañca vinetvā vikkhambhetvā kāye kāyānupassī viharatīti vuttaṃ hoti. Ettāvatā kāyānupassanāsatipaṭṭhānavasena suddharūpasammasanameva kathitanti veditabbaṃ.

    взд̣̇анаасу взд̣̇анаанубассийд̇и сукаад̣̇ибхзд̣̇аасу взд̣̇анаасу ‘‘сукам̣ взд̣̇анам̣ взд̣̇ияамаано сукам̣ взд̣̇анам̣ взд̣̇ияаамийд̇и баж̇аанаад̇и. д̣̇угкам̣, ад̣̇угкамасукам̣, саамисам̣ ваа сукам̣, нираамисам̣ ваа сукам̣, саамисам̣ ваа д̣̇угкам̣, нираамисам̣ ваа д̣̇угкам̣, саамисам̣ ваа ад̣̇угкамасукам̣, нираамисам̣ ваа ад̣̇угкамасукам̣ взд̣̇анам̣ взд̣̇ияамаано нираамисам̣ ад̣̇угкамасукам̣ взд̣̇анам̣ взд̣̇ияаамийд̇и баж̇аанаад̇ий’’д̇и (д̣̇ий. ни. 2.380; вибха. 363; ма. ни. 1.113) звам̣ вуд̇д̇ам̣ нававид̇хам̣ взд̣̇анам̣ анубассанд̇о. аад̇аабийд̇иаад̣̇инаа банзд̇т̇а нававид̇хзна взд̣̇анаанубассанаасад̇ибадтаанасса бхааванаабариг̇г̇аахигаанам̣ вийрияабан̃н̃аасад̇ийнам̣ васзна ад̇т̇о взд̣̇ид̇аб̣б̣о. логод̇и жзд̇т̇а взд̣̇анаа взд̣̇ид̇аб̣б̣аа.

    Vedanāsu vedanānupassīti sukhādibhedāsu vedanāsu ‘‘sukhaṃ vedanaṃ vediyamāno sukhaṃ vedanaṃ vediyāmīti pajānāti. Dukkhaṃ, adukkhamasukhaṃ, sāmisaṃ vā sukhaṃ, nirāmisaṃ vā sukhaṃ, sāmisaṃ vā dukkhaṃ, nirāmisaṃ vā dukkhaṃ, sāmisaṃ vā adukkhamasukhaṃ, nirāmisaṃ vā adukkhamasukhaṃ vedanaṃ vediyamāno nirāmisaṃ adukkhamasukhaṃ vedanaṃ vediyāmīti pajānātī’’ti (dī. ni. 2.380; vibha. 363; ma. ni. 1.113) evaṃ vuttaṃ navavidhaṃ vedanaṃ anupassanto. Ātāpītiādinā panettha navavidhena vedanānupassanāsatipaṭṭhānassa bhāvanāpariggāhikānaṃ vīriyapaññāsatīnaṃ vasena attho veditabbo. Lokoti cettha vedanā veditabbā.

    жид̇д̇ад̇хаммзсуби зсзва наяо. зд̇т̇а бана жид̇д̇з жид̇д̇аанубассийд̇и ‘‘сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанаад̇ий’’д̇и (д̣̇ий. ни. 2.381; вибха. 365; ма. ни. 1.114) звам̣ вид̇т̇аарид̇з сол̣асаббабхзд̣̇з жид̇д̇з д̇амзва жид̇д̇ам̣ бариг̇г̇аахигааяа анубассанааяа анубассанд̇од̇и ад̇т̇о. д̇хаммзсу д̇хаммаанубассийд̇и ‘‘бан̃жа нийваран̣аани, бан̃жубаад̣̇аанагканд̇хаа, ча аж̇жхад̇д̇игаб̣аахирааяад̇анаани, сад̇д̇а б̣ож̇жхан̇г̇аа, жад̇д̇аари арияасажжааний’’д̇и (д̣̇ий. ни. 2.382-403; вибха. 367-373; ма. ни. 1.115-136) звам̣ годтаасавасзна бан̃жад̇хаа вуд̇д̇зсу д̇хаммзсу д̇хаммабариг̇г̇аахигааяа анубассанааяа д̇з д̇хаммз анубассанд̇од̇и ад̇т̇о. зд̇т̇а бана взд̣̇анаанубассанаасад̇ибадтаанз жа жид̇д̇аанубассанаасад̇ибадтаанз жа суд̣̇д̇хааруубасаммасанамзва гат̇ид̇ам̣, д̇хаммаанубассанаасад̇ибадтаанз руубааруубасаммасанам̣. ид̇и имаани жад̇д̇аариби сад̇ибадтаанаани логияалогуд̇д̇арамиссагаанзва гат̇ид̇аанийд̇и взд̣̇ид̇аб̣б̣аани.

    Cittadhammesupi eseva nayo. Ettha pana citte cittānupassīti ‘‘sarāgaṃ vā cittaṃ sarāgaṃ cittanti pajānātī’’ti (dī. ni. 2.381; vibha. 365; ma. ni. 1.114) evaṃ vitthārite soḷasappabhede citte tameva cittaṃ pariggāhikāya anupassanāya anupassantoti attho. Dhammesu dhammānupassīti ‘‘pañca nīvaraṇāni, pañcupādānakkhandhā, cha ajjhattikabāhirāyatanāni, satta bojjhaṅgā, cattāri ariyasaccānī’’ti (dī. ni. 2.382-403; vibha. 367-373; ma. ni. 1.115-136) evaṃ koṭṭhāsavasena pañcadhā vuttesu dhammesu dhammapariggāhikāya anupassanāya te dhamme anupassantoti attho. Ettha pana vedanānupassanāsatipaṭṭhāne ca cittānupassanāsatipaṭṭhāne ca suddhaarūpasammasanameva kathitaṃ, dhammānupassanāsatipaṭṭhāne rūpārūpasammasanaṃ. Iti imāni cattāripi satipaṭṭhānāni lokiyalokuttaramissakāneva kathitānīti veditabbāni.

    394. ануббаннаананд̇и аниб̣б̣ад̇д̇аанам̣. баабагаананд̇и лаамагаанам̣. агусалаанам̣ д̇хаммаананд̇и агосалласамбхууд̇аанам̣ лобхаад̣̇ид̇хаммаанам̣. ануббаад̣̇ааяаад̇и аниб̣б̣ад̇д̇анад̇т̇ааяа. чанд̣̇ам̣ ж̇анзд̇ийд̇и гад̇д̇угамяад̇аагусалажчанд̣̇ам̣ уббаад̣̇зд̇и. вааяамад̇ийд̇и баяог̇ам̣ бараггамам̣ гарод̇и. вийрияам̣ аарабхад̇ийд̇и гааяигажзд̇асигавийрияам̣ гарод̇и. жид̇д̇ам̣ баг̇г̇ан̣хаад̇ийд̇и д̇знзва сахаж̇аад̇авийриязна жид̇д̇ам̣ угкибад̇и. бад̣̇ахад̇ийд̇и бад̇хаанавийрияам̣ гарод̇и.

    394.Anuppannānanti anibbattānaṃ. Pāpakānanti lāmakānaṃ. Akusalānaṃ dhammānanti akosallasambhūtānaṃ lobhādidhammānaṃ. Anuppādāyāti anibbattanatthāya. Chandaṃ janetīti kattukamyatākusalacchandaṃ uppādeti. Vāyamatīti payogaṃ parakkamaṃ karoti. Vīriyaṃ ārabhatīti kāyikacetasikavīriyaṃ karoti. Cittaṃpaggaṇhātīti teneva sahajātavīriyena cittaṃ ukkhipati. Padahatīti padhānavīriyaṃ karoti.

    уббаннаананд̇и ж̇аад̇аанам̣ ниб̣б̣ад̇д̇аанам̣. гусалаанам̣ д̇хаммаананд̇и госалласамбхууд̇аанам̣ алобхаад̣̇ид̇хаммаанам̣. тид̇ияаад̇и тид̇ад̇т̇ам̣. асаммосааяаад̇и анассанад̇т̇ам̣. бхияяобхаавааяаад̇и бунаббунабхаавааяа. взбуллааяаад̇и вибулабхаавааяа. бхааванааяаад̇и вад̣дхияаа. барибуурияаад̇и барибууран̣ад̇т̇ааяа. аяам̣ д̇аава жад̇уннам̣ саммаббад̇хаанаанам̣ згабад̣̇иго ад̇т̇уд̣̇д̇хааро.

    Uppannānanti jātānaṃ nibbattānaṃ. Kusalānaṃ dhammānanti kosallasambhūtānaṃ alobhādidhammānaṃ. Ṭhitiyāti ṭhitatthaṃ. Asammosāyāti anassanatthaṃ. Bhiyyobhāvāyāti punappunabhāvāya. Vepullāyāti vipulabhāvāya. Bhāvanāyāti vaḍḍhiyā. Paripūriyāti paripūraṇatthāya. Ayaṃ tāva catunnaṃ sammappadhānānaṃ ekapadiko atthuddhāro.

    аяам̣ бана саммаббад̇хаанагат̇аа наама д̣̇увид̇хаа логияаа логуд̇д̇араа жа. д̇ад̇т̇а логияаа саб̣б̣абуб̣б̣абхааг̇з ход̇и, саа гассабасам̣яуд̇д̇абарияааязна логияамаг̇г̇агкан̣зязва взд̣̇ид̇аб̣б̣аа. вуд̇д̇ан̃хи д̇ад̇т̇а –

    Ayaṃ pana sammappadhānakathā nāma duvidhā lokiyā lokuttarā ca. Tattha lokiyā sabbapubbabhāge hoti, sā kassapasaṃyuttapariyāyena lokiyamaggakkhaṇeyeva veditabbā. Vuttañhi tattha –

    ‘‘жад̇д̇ааромз, аавусо, саммаббад̇хаанаа. гад̇амз жад̇д̇ааро? ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и аад̇аббам̣ гарод̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и аад̇аббам̣ гарод̇и, ‘ануббаннаа мз гусалаа д̇хаммаа ануббаж̇ж̇амаанаа анад̇т̇ааяа сам̣вад̇д̇зяяу’нд̇и аад̇аббам̣ гарод̇и, ‘уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяу’нд̇и аад̇аббам̣ гарод̇ий’’д̇и (сам̣. ни. 2.145).

    ‘‘Cattārome, āvuso, sammappadhānā. Katame cattāro? Idhāvuso, bhikkhu ‘anuppannā me pāpakā akusalā dhammā uppajjamānā anatthāya saṃvatteyyu’nti ātappaṃ karoti, ‘uppannā me pāpakā akusalā dhammā appahīyamānā anatthāya saṃvatteyyu’nti ātappaṃ karoti, ‘anuppannā me kusalā dhammā anuppajjamānā anatthāya saṃvatteyyu’nti ātappaṃ karoti, ‘uppannā me kusalā dhammā nirujjhamānā anatthāya saṃvatteyyu’nti ātappaṃ karotī’’ti (saṃ. ni. 2.145).

    зд̇т̇а жа баабагаа агусалаад̇и лобхаад̣̇аяо взд̣̇ид̇аб̣б̣аа. ануббаннаа гусалаа д̇хаммаад̇и самат̇авибассанаа жзва маг̇г̇о жа. уббаннаа гусалаа наама самат̇авибассанаава. маг̇г̇о бана сагим̣ уббаж̇ж̇ид̇ваа нируж̇жхамаано анад̇т̇ааяа сам̣вад̇д̇анаго наама над̇т̇и. со хи паласса бажжаяам̣ д̣̇ад̇ваава нируж̇жхад̇и . буримасмимби ваа самат̇авибассанаава г̇ахзд̇аб̣б̣аад̇и вуд̇д̇ам̣, д̇ам̣ бана на яуд̇д̇ам̣. звам̣ логияаа саммаббад̇хаанагат̇аа саб̣б̣абуб̣б̣абхааг̇з гассабасам̣яуд̇д̇абарияааязна взд̣̇ид̇аб̣б̣аа. логуд̇д̇арамаг̇г̇агкан̣з банзд̇ам̣ згамзва вийрияам̣ жад̇угижжасаад̇ханавасзна жад̇д̇аари наамаани лабхад̇и.

    Ettha ca pāpakā akusalāti lobhādayo veditabbā. Anuppannākusalā dhammāti samathavipassanā ceva maggo ca. Uppannā kusalā nāma samathavipassanāva. Maggo pana sakiṃ uppajjitvā nirujjhamāno anatthāya saṃvattanako nāma natthi. So hi phalassa paccayaṃ datvāva nirujjhati . Purimasmimpi vā samathavipassanāva gahetabbāti vuttaṃ, taṃ pana na yuttaṃ. Evaṃ lokiyā sammappadhānakathā sabbapubbabhāge kassapasaṃyuttapariyāyena veditabbā. Lokuttaramaggakkhaṇe panetaṃ ekameva vīriyaṃ catukiccasādhanavasena cattāri nāmāni labhati.

    д̇ад̇т̇а ануббаннаанам̣ баабагаананд̇и зд̇т̇а ‘‘ануббанно жзва гаамажчанд̣̇о’’д̇иаад̣̇ийсу вуд̇д̇анаязна ад̇т̇о взд̣̇ид̇аб̣б̣о. уббаннаанам̣ баабагаананд̇и зд̇т̇а жад̇уб̣б̣ид̇хам̣ уббаннам̣ вад̇д̇амаануббаннам̣, бхуд̇ваавиг̇ад̇уббаннам̣, огаасагад̇уббаннам̣, бхуумилад̣̇д̇хуббаннанд̇и. д̇ад̇т̇а яз гилзсаа виж̇ж̇амаанаа уббаад̣̇аад̣̇исаман̇г̇ино, ид̣̇ам̣ вад̇д̇амаануббаннам̣ наама. гаммз бана ж̇авид̇з аарамман̣арасам̣ анубхавид̇ваа нируд̣̇д̇хавибааго бхуд̇ваа виг̇ад̇ам̣ наама, гаммам̣ уббаж̇ж̇ид̇ваа нируд̣̇д̇хам̣ бхуд̇ваа виг̇ад̇ам̣ наама. д̇ад̣̇убхаяамби бхуд̇ваавиг̇ад̇уббаннанд̇и сан̇кам̣ г̇ажчад̇и. гусалаагусалагаммам̣ ан̃н̃агаммасса вибаагам̣ бадиб̣аахид̇ваа ад̇д̇ано вибаагасса огаасам̣ гарод̇и, звам̣ гад̇з огаасз вибааго уббаж̇ж̇амаано огаасагаран̣ад̇о бадтааяа уббаннод̇и вужжад̇и, ид̣̇ам̣ огаасагад̇уббаннам̣ наама. бан̃жагканд̇хаа бана вибассанааяа бхууми наама, д̇з ад̇ийд̇аад̣̇ибхзд̣̇аа хонд̇и. д̇зсу анусаяид̇агилзсаа бана ад̇ийд̇аа ваа анааг̇ад̇аа ваа бажжуббаннаа ваад̇и на вад̇д̇аб̣б̣аа. ад̇ийд̇агканд̇хзсу анусаяид̇ааби хи аббахийнаава хонд̇и, анааг̇ад̇агканд̇хзсу анусаяид̇ааби аббахийнаава хонд̇и, бажжуббаннагканд̇хзсу анусаяид̇ааби аббахийнаава хонд̇и, ид̣̇ам̣ бхуумилад̣̇д̇хуббаннам̣ наама. д̇знааху бораан̣аа – ‘‘д̇аасу д̇аасу бхуумису асамуг̇гхаад̇аг̇ад̇аа гилзсаа бхуумилад̣̇д̇хуббаннаад̇и сан̇кам̣ г̇ажчанд̇ий’’д̇и.

    Tattha anuppannānaṃ pāpakānanti ettha ‘‘anuppanno ceva kāmacchando’’tiādīsu vuttanayena attho veditabbo. Uppannānaṃ pāpakānanti ettha catubbidhaṃ uppannaṃ vattamānuppannaṃ, bhutvāvigatuppannaṃ, okāsakatuppannaṃ, bhūmiladdhuppannanti. Tattha ye kilesā vijjamānā uppādādisamaṅgino, idaṃ vattamānuppannaṃ nāma. Kamme pana javite ārammaṇarasaṃ anubhavitvā niruddhavipāko bhutvā vigataṃ nāma, kammaṃ uppajjitvā niruddhaṃ bhutvā vigataṃ nāma. Tadubhayampi bhutvāvigatuppannanti saṅkhaṃ gacchati. Kusalākusalakammaṃ aññakammassa vipākaṃ paṭibāhitvā attano vipākassa okāsaṃ karoti, evaṃ kate okāse vipāko uppajjamāno okāsakaraṇato paṭṭhāya uppannoti vuccati, idaṃ okāsakatuppannaṃ nāma. Pañcakkhandhā pana vipassanāya bhūmi nāma, te atītādibhedā honti. Tesu anusayitakilesā pana atītā vā anāgatā vā paccuppannā vāti na vattabbā. Atītakkhandhesu anusayitāpi hi appahīnāva honti, anāgatakkhandhesu anusayitāpi appahīnāva honti, paccuppannakkhandhesu anusayitāpi appahīnāva honti, idaṃ bhūmiladdhuppannaṃ nāma. Tenāhu porāṇā – ‘‘tāsu tāsu bhūmisu asamugghātagatā kilesā bhūmiladdhuppannāti saṅkhaṃ gacchantī’’ti.

    абарамби жад̇уб̣б̣ид̇хам̣ уббаннам̣ самуд̣̇аажааруббаннам̣, аарамман̣аад̇хиг̇г̇ахид̇уббаннам̣, авигкамбхид̇уббаннам̣, асамуг̇гхаад̇ид̇уббаннанд̇и. д̇ад̇т̇а самбад̇и вад̇д̇амаанам̣язва самуд̣̇аажааруббаннам̣ наама. сагим̣ жагкууни уммийлзд̇ваа аарамман̣з нимид̇д̇з г̇ахид̇з ануссарид̇аануссарид̇агкан̣з гилзсаа нуббаж̇ж̇иссанд̇ийд̇и на вад̇д̇аб̣б̣аа. гасмаа? аарамман̣асса ад̇хиг̇г̇ахид̇ад̇д̇аа. яат̇аа гим̣? яат̇аа кийругкасса гутаарияаа аахад̇аахад̇адтаанз кийрам̣ на нигкамиссад̇ийд̇и на вад̇д̇аб̣б̣аа, звам̣. ид̣̇ам̣ аарамман̣аад̇хиг̇г̇ахид̇уббаннам̣ наама. самаабад̇д̇ияаа авигкамбхид̇агилзсаа бана имасмим̣ наама таанзна уббаж̇ж̇иссанд̇ийд̇и на вад̇д̇аб̣б̣аа. гасмаа? авигкамбхид̇ад̇д̇аа. яат̇аа гим̣? яат̇аа кийраругкам̣ гутаарияаа ааханзяяум̣, имасмим̣ наама таанз кийрам̣ на нигкамзяяаад̇и на вад̇д̇аб̣б̣ам̣, звам̣. ид̣̇ам̣ авигкамбхид̇уббаннам̣ наама. маг̇г̇зна асамуг̇гхаад̇ид̇агилзсаа бана бхаваг̇г̇з ниб̣б̣ад̇д̇ассааби уббаж̇ж̇анд̇ийд̇и буриманаязнзва вид̇т̇аарзд̇аб̣б̣ам̣. ид̣̇ам̣ асамуг̇гхаад̇ид̇уббаннам̣ наама.

    Aparampi catubbidhaṃ uppannaṃ samudācāruppannaṃ, ārammaṇādhiggahituppannaṃ, avikkhambhituppannaṃ, asamugghātituppannanti. Tattha sampati vattamānaṃyeva samudācāruppannaṃ nāma. Sakiṃ cakkhūni ummīletvā ārammaṇe nimitte gahite anussaritānussaritakkhaṇe kilesā nuppajjissantīti na vattabbā. Kasmā? Ārammaṇassa adhiggahitattā. Yathā kiṃ? Yathā khīrukkhassa kuṭhāriyā āhatāhataṭṭhāne khīraṃ na nikkhamissatīti na vattabbā, evaṃ. Idaṃ ārammaṇādhiggahituppannaṃ nāma. Samāpattiyā avikkhambhitakilesā pana imasmiṃ nāma ṭhānena uppajjissantīti na vattabbā. Kasmā? Avikkhambhitattā. Yathā kiṃ? Yathā khīrarukkhaṃ kuṭhāriyā āhaneyyuṃ, imasmiṃ nāma ṭhāne khīraṃ na nikkhameyyāti na vattabbaṃ, evaṃ. Idaṃ avikkhambhituppannaṃ nāma. Maggena asamugghātitakilesā pana bhavagge nibbattassāpi uppajjantīti purimanayeneva vitthāretabbaṃ. Idaṃ asamugghātituppannaṃ nāma.

    имзсу уббаннзсу вад̇д̇амаануббаннам̣, бхуд̇ваавиг̇ад̇уббаннам̣, огаасагад̇уббаннам̣, самуд̣̇аажааруббаннанд̇и жад̇уб̣б̣ид̇хам̣ уббаннам̣ на маг̇г̇аваж̇жхам̣, бхуумилад̣̇д̇хуббаннам̣, аарамман̣аад̇хиг̇г̇ахид̇уббаннам̣, авигкамбхид̇уббаннам̣, асамуг̇гхаад̇ид̇уббаннанд̇и жад̇уб̣б̣ид̇хам̣ маг̇г̇аваж̇жхам̣. маг̇г̇о хи уббаж̇ж̇амаано зд̇з гилзсз баж̇ахад̇и. со яз гилзсз баж̇ахад̇и, д̇з ад̇ийд̇аа ваа анааг̇ад̇аа ваа бажжуббаннаа ваад̇и на вад̇д̇аб̣б̣аа. вуд̇д̇амби жзд̇ам̣ –

    Imesu uppannesu vattamānuppannaṃ, bhutvāvigatuppannaṃ, okāsakatuppannaṃ, samudācāruppannanti catubbidhaṃ uppannaṃ na maggavajjhaṃ, bhūmiladdhuppannaṃ, ārammaṇādhiggahituppannaṃ, avikkhambhituppannaṃ, asamugghātituppannanti catubbidhaṃ maggavajjhaṃ. Maggo hi uppajjamāno ete kilese pajahati. So ye kilese pajahati, te atītā vā anāgatā vā paccuppannā vāti na vattabbā. Vuttampi cetaṃ –

    ‘‘хан̃жи ад̇ийд̇з гилзсз баж̇ахад̇и? д̇зна хи кийн̣ам̣язва кзбзд̇и, нируд̣̇д̇хам̣ нирод̇хзд̇и, ад̇т̇ан̇г̇ад̇ам̣ ад̇т̇ан̇г̇амзд̇и, ад̇ийд̇ам̣ яам̣ над̇т̇и, д̇ам̣ баж̇ахад̇и. хан̃жи анааг̇ад̇з гилзсз баж̇ахад̇и? д̇зна хи аж̇аад̇ам̣ баж̇ахад̇и, аниб̣б̣ад̇д̇ам̣ ануббаннам̣ абаад̇убхууд̇ам̣ баж̇ахад̇и, анааг̇ад̇ам̣ яам̣ над̇т̇и, д̇ам̣ баж̇ахад̇и. хан̃жи бажжуббаннз гилзсз баж̇ахад̇и? д̇зна хи рад̇д̇о рааг̇ам̣ баж̇ахад̇и, д̣̇удто д̣̇осам̣, муул̣хо мохам̣, виниб̣ад̣̇д̇хо маанам̣, бараамадто д̣̇идтим̣, анидтан̇г̇ад̇о вижигижчам̣, т̇аамаг̇ад̇о анусаяам̣ баж̇ахад̇и, ган̣хасуггаа д̇хаммаа яуг̇анад̣̇д̇хаа вад̇д̇анд̇и, сам̣гилзсияаа маг̇г̇абхааванаа ход̇ийд̇и…бз… д̇зна хи над̇т̇и маг̇г̇абхааванаа, над̇т̇и паласажчигирияаа, над̇т̇и гилзсаббахаанам̣, над̇т̇и д̇хаммаабхисамаяод̇и. ад̇т̇и маг̇г̇абхааванаа…бз… ад̇т̇и д̇хаммаабхисамаяод̇и. яат̇аа гат̇ам̣ вияа? сзяяат̇ааби д̇арун̣о ругко…бз… абаад̇убхууд̇ааязва на баад̇убхаванд̇ий’’д̇и (бади. ма. 3.21).

    ‘‘Hañci atīte kilese pajahati? Tena hi khīṇaṃyeva khepeti, niruddhaṃ nirodheti, atthaṅgataṃ atthaṅgameti, atītaṃ yaṃ natthi, taṃ pajahati. Hañci anāgate kilese pajahati? Tena hi ajātaṃ pajahati, anibbattaṃ anuppannaṃ apātubhūtaṃ pajahati, anāgataṃ yaṃ natthi, taṃ pajahati. Hañci paccuppanne kilese pajahati? Tena hi ratto rāgaṃ pajahati, duṭṭho dosaṃ, mūḷho mohaṃ, vinibaddho mānaṃ, parāmaṭṭho diṭṭhiṃ, aniṭṭhaṅgato vicikicchaṃ, thāmagato anusayaṃ pajahati, kaṇhasukkā dhammā yuganaddhā vattanti, saṃkilesiyā maggabhāvanā hotīti…pe… tena hi natthi maggabhāvanā, natthi phalasacchikiriyā, natthi kilesappahānaṃ, natthi dhammābhisamayoti. Atthi maggabhāvanā…pe… atthi dhammābhisamayoti. Yathā kathaṃ viya? Seyyathāpi taruṇo rukkho…pe… apātubhūtāyeva na pātubhavantī’’ti (paṭi. ma. 3.21).

    ид̇и баал̣ияам̣ аж̇аад̇апаларугко ааг̇ад̇о, ж̇аад̇апаларугко бана д̣̇ийбзд̇аб̣б̣о. яат̇аа хи сапало д̇арун̣амб̣аругко, д̇асса палаани мануссаа барибхун̃ж̇зяяум̣, сзсаани баад̇зд̇ваа бажчияо буурзяяум̣, ат̇ан̃н̃о бурисо д̇ам̣ парасунаа чинд̣̇зяяа. д̇знасса нзва ад̇ийд̇аани палаани наасид̇аани хонд̇и, на анааг̇ад̇абажжуббаннаани жа наасид̇аани. ад̇ийд̇аани хи мануссзхи барибхуд̇д̇аани, анааг̇ад̇аани аниб̣б̣ад̇д̇аани, на саггаа наасзд̇ум̣. яасмим̣ бана самаяз со чинно, д̇ад̣̇аа палааниязва над̇т̇ийд̇и бажжуббаннааниби анаасид̇аани. сажз бана ругко ажчинно асса, ат̇асса бат̇авийрасан̃жа ааборасан̃жа ааг̇амма яаани палаани ниб̣б̣ад̇д̇зяяум̣, д̇аани наасид̇аани хонд̇и. д̇аани хи аж̇аад̇аанзва на ж̇ааяанд̇и, аниб̣б̣ад̇д̇аанзва на ниб̣б̣ад̇д̇анд̇и, абаад̇убхууд̇аанзва на баад̇убхаванд̇и. звамзва маг̇г̇о нааби ад̇ийд̇аад̣̇ибхзд̣̇з гилзсз баж̇ахад̇и, нааби на баж̇ахад̇и. язсан̃хи гилзсаанам̣ маг̇г̇зна канд̇хзсу абарин̃н̃аад̇зсу уббад̇д̇и сияаа, маг̇г̇зна уббаж̇ж̇ид̇ваа канд̇хаанам̣ барин̃н̃аад̇ад̇д̇аа д̇з гилзсаа аж̇аад̇аава на ж̇ааяанд̇и, аниб̣б̣ад̇д̇аава на ниб̣б̣ад̇д̇анд̇и, абаад̇убхууд̇аава на баад̇убхаванд̇и. д̇арун̣абуд̇д̇ааяа ид̇т̇ияаа буна авиж̇ааяанад̇т̇ам̣ б̣яаад̇хид̇аанам̣ рог̇авуубасаманад̇т̇ам̣ бийд̇абхзсаж̇ж̇зхи вааби аяамад̇т̇о вибхаавзд̇аб̣б̣о. звам̣ маг̇г̇о яз гилзсз баж̇ахад̇и, д̇з ад̇ийд̇аа ваа анааг̇ад̇аа ваа бажжуббаннаа ваад̇и на вад̇д̇аб̣б̣аа. на жа маг̇г̇о гилзсз на баж̇ахад̇и. яз бана маг̇г̇о гилзсз баж̇ахад̇и, д̇з санд̇хааяа ‘‘уббаннаанам̣ баабагаана’’нд̇иаад̣̇и вуд̇д̇ам̣.

    Iti pāḷiyaṃ ajātaphalarukkho āgato, jātaphalarukkho pana dīpetabbo. Yathā hi saphalo taruṇambarukkho, tassa phalāni manussā paribhuñjeyyuṃ, sesāni pātetvā pacchiyo pūreyyuṃ, athañño puriso taṃ pharasunā chindeyya. Tenassa neva atītāni phalāni nāsitāni honti, na anāgatapaccuppannāni ca nāsitāni. Atītāni hi manussehi paribhuttāni, anāgatāni anibbattāni, na sakkā nāsetuṃ. Yasmiṃ pana samaye so chinno, tadā phalāniyeva natthīti paccuppannānipi anāsitāni. Sace pana rukkho acchinno assa, athassa pathavīrasañca āporasañca āgamma yāni phalāni nibbatteyyuṃ, tāni nāsitāni honti. Tāni hi ajātāneva na jāyanti, anibbattāneva na nibbattanti, apātubhūtāneva na pātubhavanti. Evameva maggo nāpi atītādibhede kilese pajahati, nāpi na pajahati. Yesañhi kilesānaṃ maggena khandhesu apariññātesu uppatti siyā, maggena uppajjitvā khandhānaṃ pariññātattā te kilesā ajātāva na jāyanti, anibbattāva na nibbattanti, apātubhūtāva na pātubhavanti. Taruṇaputtāya itthiyā puna avijāyanatthaṃ byādhitānaṃ rogavūpasamanatthaṃ pītabhesajjehi vāpi ayamattho vibhāvetabbo. Evaṃ maggo ye kilese pajahati, te atītā vā anāgatā vā paccuppannā vāti na vattabbā. Na ca maggo kilese na pajahati. Ye pana maggo kilese pajahati, te sandhāya ‘‘uppannānaṃ pāpakāna’’ntiādi vuttaṃ.

    на гзвалан̃жа маг̇г̇о гилзсзязва баж̇ахад̇и, гилзсаанам̣ бана аббахийнад̇д̇аа яз уббаж̇ж̇зяяум̣ убаад̣̇иннагканд̇хаа, д̇зби баж̇ахад̇иязва. вуд̇д̇амби жзд̇ам̣ – ‘‘сод̇аабад̇д̇имаг̇г̇ан̃аан̣зна абхисан̇кааравин̃н̃аан̣асса нирод̇хзна сад̇д̇а бхавз табзд̇ваа анамад̇аг̇г̇з сам̣саарз яз уббаж̇ж̇зяяум̣ нааман̃жа руубан̃жа, зд̇т̇зд̇з нируж̇жханд̇ий’’д̇и (жуул̣ава. аж̇ид̇амаан̣авабужчаанид̣̇д̣̇зсо 6) вид̇т̇ааро. ид̇и маг̇г̇о убаад̣̇иннад̇о анубаад̣̇иннад̇о жа вудтаад̇и. бхававасзна бана сод̇аабад̇д̇имаг̇г̇о абааяабхавад̇о вудтаад̇и, сагад̣̇ааг̇аамимаг̇г̇о суг̇ад̇ибхавзгад̣̇зсад̇о, анааг̇аамимаг̇г̇о суг̇ад̇игаамабхавад̇о, арахад̇д̇амаг̇г̇о руубааруубабхавад̇о вудтаад̇и. саб̣б̣абхавзхи вудтаад̇иязваад̇иби вад̣̇анд̇и.

    Na kevalañca maggo kileseyeva pajahati, kilesānaṃ pana appahīnattā ye uppajjeyyuṃ upādinnakkhandhā, tepi pajahatiyeva. Vuttampi cetaṃ – ‘‘sotāpattimaggañāṇena abhisaṅkhāraviññāṇassa nirodhena satta bhave ṭhapetvā anamatagge saṃsāre ye uppajjeyyuṃ nāmañca rūpañca, etthete nirujjhantī’’ti (cūḷava. ajitamāṇavapucchāniddeso 6) vitthāro. Iti maggo upādinnato anupādinnato ca vuṭṭhāti. Bhavavasena pana sotāpattimaggo apāyabhavato vuṭṭhāti, sakadāgāmimaggo sugatibhavekadesato, anāgāmimaggo sugatikāmabhavato, arahattamaggo rūpārūpabhavato vuṭṭhāti. Sabbabhavehi vuṭṭhātiyevātipi vadanti.

    ат̇а маг̇г̇агкан̣з гат̇ам̣ ануббаннаанам̣ уббаад̣̇ааяа бхааванаа ход̇и, гат̇ам̣ ваа уббаннаанам̣ тид̇ияаад̇и? маг̇г̇аббавад̇д̇ияаа зва. маг̇г̇о хи бавад̇д̇амаано буб̣б̣з ануббаннабуб̣б̣ад̇д̇аа ануббанно наама вужжад̇и. анааг̇ад̇абуб̣б̣ан̃хи таанам̣ г̇анд̇ваа ананубхууд̇абуб̣б̣ам̣ ваа аарамман̣ам̣ анубхавид̇ваа вад̇д̇ааро бхаванд̇и; ‘‘анааг̇ад̇адтаанам̣ ааг̇ад̇амха, ананубхууд̇ам̣ аарамман̣ам̣ анубхаваамаа’’д̇и. яаа жасса бавад̇д̇и, аяамзва тид̇и наамаад̇и ‘‘тид̇ияаа бхаавзд̇ий’’д̇и вад̇д̇ум̣ ваддад̇и. звамзд̇асса бхигкуно ид̣̇ам̣ логуд̇д̇арамаг̇г̇агкан̣з вийрияам̣ ‘‘ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяаа’’д̇иаад̣̇ийни жад̇д̇аари наамаани лабхад̇и. аяам̣ логуд̇д̇арамаг̇г̇агкан̣з саммаббад̇хаанагат̇аа. имасмим̣ бана суд̇д̇з логияалогуд̇д̇арамиссагаанзва саммаббад̇хаанаани гат̇ид̇аани.

    Atha maggakkhaṇe kathaṃ anuppannānaṃ uppādāya bhāvanā hoti, kathaṃ vā uppannānaṃ ṭhitiyāti? Maggappavattiyā eva. Maggo hi pavattamāno pubbe anuppannapubbattā anuppanno nāma vuccati. Anāgatapubbañhi ṭhānaṃ gantvā ananubhūtapubbaṃ vā ārammaṇaṃ anubhavitvā vattāro bhavanti; ‘‘anāgataṭṭhānaṃ āgatamha, ananubhūtaṃ ārammaṇaṃ anubhavāmā’’ti. Yā cassa pavatti, ayameva ṭhiti nāmāti ‘‘ṭhitiyā bhāvetī’’ti vattuṃ vaṭṭati. Evametassa bhikkhuno idaṃ lokuttaramaggakkhaṇe vīriyaṃ ‘‘anuppannānaṃ pāpakānaṃ akusalānaṃ dhammānaṃ anuppādāyā’’tiādīni cattāri nāmāni labhati. Ayaṃ lokuttaramaggakkhaṇe sammappadhānakathā. Imasmiṃ pana sutte lokiyalokuttaramissakāneva sammappadhānāni kathitāni.

    398-401. ид̣̇д̇хибаад̣̇зсу чанд̣̇ам̣ ниссааяа бавад̇д̇о самаад̇хи чанд̣̇асамаад̇хи, бад̇хаанабхууд̇аа сан̇каараа бад̇хаанасан̇каараа. саманнааг̇ад̇анд̇и д̇зхи д̇хаммзхи убзд̇ам̣. ид̣̇д̇хияаа баад̣̇ам̣, ид̣̇д̇хибхууд̇ам̣ ваа баад̣̇анд̇и ид̣̇д̇хибаад̣̇ам̣. сзсзсуби зсзва наяо. аяамзд̇т̇а сан̇кзбо, вид̇т̇ааро бана ид̣̇д̇хибаад̣̇авибхан̇г̇з (вибха. 431 аад̣̇аяо) ааг̇ад̇о зва. висуд̣̇д̇химаг̇г̇з (висуд̣̇д̇хи. 2.382) банасса ад̇т̇о д̣̇ийбид̇о. д̇ад̇рааяам̣ бхигку яад̣̇аа чанд̣̇аад̣̇ийсу згам̣ д̇хурам̣ ниссааяа вибассанам̣ вад̣дхзд̇ваа арахад̇д̇ам̣ баабун̣аад̇и , д̇ад̣̇аасса батамид̣̇д̇хибаад̣̇о буб̣б̣абхааг̇з логияо, абарабхааг̇з логуд̇д̇аро. звам̣ сзсаабийд̇и. имасмимби суд̇д̇з логияалогуд̇д̇араава ид̣̇д̇хибаад̣̇аа гат̇ид̇аа.

    398-401. Iddhipādesu chandaṃ nissāya pavatto samādhi chandasamādhi, padhānabhūtā saṅkhārā padhānasaṅkhārā. Samannāgatanti tehi dhammehi upetaṃ. Iddhiyā pādaṃ, iddhibhūtaṃ vā pādanti iddhipādaṃ. Sesesupi eseva nayo. Ayamettha saṅkhepo, vitthāro pana iddhipādavibhaṅge (vibha. 431 ādayo) āgato eva. Visuddhimagge (visuddhi. 2.382) panassa attho dīpito. Tatrāyaṃ bhikkhu yadā chandādīsu ekaṃ dhuraṃ nissāya vipassanaṃ vaḍḍhetvā arahattaṃ pāpuṇāti , tadāssa paṭhamiddhipādo pubbabhāge lokiyo, aparabhāge lokuttaro. Evaṃ sesāpīti. Imasmimpi sutte lokiyalokuttarāva iddhipādā kathitā.

    402-406. сад̣̇д̇хинд̣̇рияам̣ бхаавзд̇ийд̇иаад̣̇ийсу сад̣̇д̇хаава ад̇д̇ано сад̣̇д̇хаад̇хурз инд̣̇адтам̣ гарод̇ийд̇и сад̣̇д̇хинд̣̇рияам̣. вийрияинд̣̇рияаад̣̇ийсуби зсзва наяо. бхаавзд̇ийд̇и зд̇т̇а бана аад̣̇игаммиго яог̇ааважаро д̇ийхи гааран̣зхи сад̣̇д̇хинд̣̇рияам̣ висод̇хзнд̇о сад̣̇д̇хинд̣̇рияам̣ бхаавзд̇и наама. вийрияинд̣̇рияаад̣̇ийсуби зсзва наяо. вуд̇д̇ан̃хзд̇ам̣ –

    402-406.Saddhindriyaṃ bhāvetītiādīsu saddhāva attano saddhādhure indaṭṭhaṃ karotīti saddhindriyaṃ. Vīriyindriyādīsupi eseva nayo. Bhāvetīti ettha pana ādikammiko yogāvacaro tīhi kāraṇehi saddhindriyaṃ visodhento saddhindriyaṃ bhāveti nāma. Vīriyindriyādīsupi eseva nayo. Vuttañhetaṃ –

    ‘‘ассад̣̇д̇хз буг̇г̇алз бариваж̇ж̇аяад̇о, сад̣̇д̇хз буг̇г̇алз сзвад̇о бхаж̇ад̇о баяирубаасад̇о, басаад̣̇анийяз суд̇д̇анд̇з бажжавзгкад̇о имзхи д̇ийхаагаарзхи сад̣̇д̇хинд̣̇рияам̣ висуж̇жхад̇и.

    ‘‘Assaddhe puggale parivajjayato, saddhe puggale sevato bhajato payirupāsato, pasādanīye suttante paccavekkhato imehi tīhākārehi saddhindriyaṃ visujjhati.

    ‘‘гусийд̇з буг̇г̇алз бариваж̇ж̇аяад̇о, аарад̣̇д̇хавийрияз буг̇г̇алз сзвад̇о бхаж̇ад̇о баяирубаасад̇о, саммаббад̇хаанз бажжавзгкад̇о имзхи д̇ийхаагаарзхи вийрияинд̣̇рияам̣ висуж̇жхад̇и.

    ‘‘Kusīte puggale parivajjayato, āraddhavīriye puggale sevato bhajato payirupāsato, sammappadhāne paccavekkhato imehi tīhākārehi vīriyindriyaṃ visujjhati.

    ‘‘мудтассад̇ий буг̇г̇алз бариваж̇ж̇аяад̇о, убадтид̇ассад̇ий буг̇г̇алз сзвад̇о бхаж̇ад̇о баяирубаасад̇о, сад̇ибадтаанз бажжавзгкад̇о имзхи д̇ийхаагаарзхи сад̇инд̣̇рияам̣ висуж̇жхад̇и.

    ‘‘Muṭṭhassatī puggale parivajjayato, upaṭṭhitassatī puggale sevato bhajato payirupāsato, satipaṭṭhāne paccavekkhato imehi tīhākārehi satindriyaṃ visujjhati.

    ‘‘асамаахид̇з буг̇г̇алз бариваж̇ж̇аяад̇о, самаахид̇з буг̇г̇алз сзвад̇о бхаж̇ад̇о баяирубаасад̇о, жхаанавимогкз бажжавзгкад̇о имзхи д̇ийхаагаарзхи самаад̇хинд̣̇рияам̣ висуж̇жхад̇и.

    ‘‘Asamāhite puggale parivajjayato, samāhite puggale sevato bhajato payirupāsato, jhānavimokkhe paccavekkhato imehi tīhākārehi samādhindriyaṃ visujjhati.

    ‘‘д̣̇уббан̃н̃з буг̇г̇алз бариваж̇ж̇аяад̇о, бан̃н̃аванд̇з буг̇г̇алз сзвад̇о бхаж̇ад̇о баяирубаасад̇о, г̇амбхийран̃аан̣ажарияам̣ бажжавзгкад̇о имзхи д̇ийхаагаарзхи бан̃н̃инд̣̇рияам̣ висуж̇жхад̇ий’’д̇и (бади. ма. 1.184-185).

    ‘‘Duppaññe puggale parivajjayato, paññavante puggale sevato bhajato payirupāsato, gambhīrañāṇacariyaṃ paccavekkhato imehi tīhākārehi paññindriyaṃ visujjhatī’’ti (paṭi. ma. 1.184-185).

    зд̇т̇а жа г̇амбхийран̃аан̣ажарияам̣ бажжавзгкад̇од̇и сан̣хасукумам̣ канд̇ханд̇арам̣, ааяад̇ананд̇арам̣, д̇хаад̇анд̇арам̣, инд̣̇рияаб̣алаб̣ож̇жхан̇г̇анд̇арам̣, маг̇г̇анд̇арам̣, паланд̇аран̃жа бажжавзгканд̇ассаад̇и ад̇т̇о. имзсан̃хи д̇ин̣н̣ам̣ д̇ин̣н̣ам̣ гааран̣аанам̣ васзна агад̇аабхинивзсо аад̣̇игаммиго яог̇ааважаро сад̣̇д̇хаад̇хураад̣̇ийсу абхинивзсам̣ бадтабзд̇ваа бхаавзнд̇о авасаанз виваддзд̇ваа арахад̇д̇ам̣ г̇ан̣хад̇и. со яаава арахад̇д̇амаг̇г̇аа имаани инд̣̇рияаани бхаавзд̇и наама, арахад̇д̇апалз бад̇д̇з бхаавид̇инд̣̇рияо наама ход̇ийд̇и. звам̣ имааниби бан̃жинд̣̇рияаани логияалогуд̇д̇араанзва гат̇ид̇аанийд̇и.

    Ettha ca gambhīrañāṇacariyaṃ paccavekkhatoti saṇhasukhumaṃ khandhantaraṃ, āyatanantaraṃ, dhātantaraṃ, indriyabalabojjhaṅgantaraṃ, maggantaraṃ, phalantarañca paccavekkhantassāti attho. Imesañhi tiṇṇaṃ tiṇṇaṃ kāraṇānaṃ vasena akatābhiniveso ādikammiko yogāvacaro saddhādhurādīsu abhinivesaṃ paṭṭhapetvā bhāvento avasāne vivaṭṭetvā arahattaṃ gaṇhati. So yāva arahattamaggā imāni indriyāni bhāveti nāma, arahattaphale patte bhāvitindriyo nāma hotīti. Evaṃ imānipi pañcindriyāni lokiyalokuttarāneva kathitānīti.

    сад̣̇д̇хааб̣алаад̣̇ийсу сад̣̇д̇хааязва агамбияадтзна б̣аланд̇и сад̣̇д̇хааб̣алам̣. вийрияаб̣алаад̣̇ийсуби зсзва наяо. зд̇т̇а хи сад̣̇д̇хаа ассад̣̇д̇хияз на гамбад̇и, вийрияам̣ госаж̇ж̇зна на гамбад̇и, сад̇и мудтассажжзна на гамбад̇и, самаад̇хи уд̣̇д̇хажжз на гамбад̇и, бан̃н̃аа авиж̇ж̇ааяа на гамбад̇ийд̇и саб̣б̣ааниби агамбияадтзна б̣алаанийд̇и вужжанд̇и. бхааванаанаяо банзд̇т̇а инд̣̇рияабхааванааяам̣ вуд̇д̇анаязнзва взд̣̇ид̇аб̣б̣од̇и. имаани логияалогуд̇д̇араанзва гат̇ид̇аанийд̇и.

    Saddhābalādīsu saddhāyeva akampiyaṭṭhena balanti saddhābalaṃ. Vīriyabalādīsupi eseva nayo. Ettha hi saddhā assaddhiye na kampati, vīriyaṃ kosajjena na kampati, sati muṭṭhassaccena na kampati, samādhi uddhacce na kampati, paññā avijjāya na kampatīti sabbānipi akampiyaṭṭhena balānīti vuccanti. Bhāvanānayo panettha indriyabhāvanāyaṃ vuttanayeneva veditabboti. Imāni lokiyalokuttarāneva kathitānīti.

    418. сад̇исамб̣ож̇жхан̇г̇ам̣ бхаавзд̇ийд̇и зд̇т̇а аяам̣ аад̣̇игаммигаанам̣ гулабуд̇д̇аанам̣ васзна сад̣̇д̇хим̣ ад̇т̇аван̣н̣анааяа бхааванаанаяо. д̇ад̇т̇а сад̇исамб̣ож̇жхан̇г̇анд̇иаад̣̇инаа наязна вуд̇д̇аанам̣ сад̇д̇аннам̣ аад̣̇ибад̣̇аанам̣ д̇аава аяамад̇т̇аван̣н̣анаа – сад̇исамб̣ож̇жхан̇г̇з д̇аава саран̣адтзна сад̇и, саа банзсаа убадтааналагкан̣аа, абилаабаналагкан̣аа ваа. вуд̇д̇амби жзд̇ам̣ – ‘‘яат̇аа, махаарааж̇а , ран̃н̃о бхан̣д̣ааг̇аариго ран̃н̃о саабад̇зяяам̣ абилаабзд̇и ‘зд̇д̇агам̣, махаарааж̇а, хиран̃н̃ам̣, зд̇д̇агам̣ суван̣н̣ам̣, зд̇д̇агам̣ саабад̇зяяа’нд̇и. звамзва ко, махаарааж̇а, сад̇и уббаж̇ж̇амаанаа гусалаагусаласааваж̇ж̇аанаваж̇ж̇ахийнаббан̣ийд̇аган̣хасуггасаббадибхааг̇з д̇хаммз абилаабзд̇и имз жад̇д̇ааро сад̇ибадтаанаа’’д̇и (ми. ба. 2.1.13) вид̇т̇ааро. абилаабанарасаа, гижжавасзнзва хиссаа зд̇ам̣ лагкан̣ам̣ т̇зрзна вуд̇д̇ам̣. асаммосарасаа ваа, г̇ожараабхимукийбхаавабажжубадтаанаа. сад̇и зва самб̣ож̇жхан̇г̇од̇и сад̇исамб̣ож̇жхан̇г̇о.

    418.Satisambojjhaṅgaṃ bhāvetīti ettha ayaṃ ādikammikānaṃ kulaputtānaṃ vasena saddhiṃ atthavaṇṇanāya bhāvanānayo. Tattha satisambojjhaṅgantiādinā nayena vuttānaṃ sattannaṃ ādipadānaṃ tāva ayamatthavaṇṇanā – satisambojjhaṅge tāva saraṇaṭṭhena sati, sā panesā upaṭṭhānalakkhaṇā, apilāpanalakkhaṇā vā. Vuttampi cetaṃ – ‘‘yathā, mahārāja , rañño bhaṇḍāgāriko rañño sāpateyyaṃ apilāpeti ‘ettakaṃ, mahārāja, hiraññaṃ, ettakaṃ suvaṇṇaṃ, ettakaṃ sāpateyya’nti. Evameva kho, mahārāja, sati uppajjamānā kusalākusalasāvajjānavajjahīnappaṇītakaṇhasukkasappaṭibhāge dhamme apilāpeti ime cattāro satipaṭṭhānā’’ti (mi. pa. 2.1.13) vitthāro. Apilāpanarasā, kiccavaseneva hissā etaṃ lakkhaṇaṃ therena vuttaṃ. Asammosarasā vā, gocarābhimukhībhāvapaccupaṭṭhānā. Sati eva sambojjhaṅgoti satisambojjhaṅgo.

    д̇ад̇т̇а б̣од̇хияаа, б̣од̇хисса ваа ан̇г̇од̇и б̣ож̇жхан̇г̇о. гим̣ вуд̇д̇ам̣ ход̇и? яаа хи аяам̣ д̇хаммасаамаг̇г̇ийяааяа логияалогуд̇д̇арамаг̇г̇агкан̣з уббаж̇ж̇амаанааяа лийнуд̣̇д̇хажжабад̇идтаанааяууханагаамасукаад̇д̇агиламат̇аануяог̇аужчзд̣̇асассад̇аабхинивзсаад̣̇ийнам̣ анзгзсам̣ убад̣̇д̣̇аваанам̣ бадибагкабхууд̇ааяа сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇ааяа д̇хаммасаамаг̇г̇ияаа арияасааваго б̣уж̇жхад̇ийд̇и гад̇ваа б̣од̇хийд̇и вужжад̇и, б̣уж̇жхад̇ийд̇и гилзсасанд̇аананид̣̇д̣̇ааяа удтахад̇и, жад̇д̇аари ваа арияасажжаани бадивиж̇жхад̇и, ниб̣б̣аанамзва ваа сажчигарод̇ийд̇и вуд̇д̇ам̣ ход̇и. яат̇ааха – ‘‘сад̇д̇а б̣ож̇жхан̇г̇з бхаавзд̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо’’д̇и (сам̣. ни. 5.378; д̣̇ий. ни. 3.143). д̇ассаа д̇хаммасаамаг̇г̇исан̇каад̇ааяа б̣од̇хияаа ан̇г̇од̇иби б̣ож̇жхан̇г̇о жхаанан̇г̇амаг̇г̇ан̇г̇аад̣̇аяо вияа . яобзса яат̇аавуд̇д̇аббагаарааяа зд̇ааяа д̇хаммасаамаг̇г̇ияаа б̣уж̇жхад̇ийд̇и гад̇ваа арияасааваго б̣од̇хийд̇и вужжад̇и, д̇асса ан̇г̇од̇иби б̣ож̇жхан̇г̇о сзнан̇г̇арат̇ан̇г̇аад̣̇аяо вияа. д̇знааху адтагат̇аажарияаа – ‘‘б̣уж̇жханагасса буг̇г̇аласса ан̇г̇аад̇и ваа б̣ож̇жхан̇г̇аа’’д̇и.

    Tattha bodhiyā, bodhissa vā aṅgoti bojjhaṅgo. Kiṃ vuttaṃ hoti? Yā hi ayaṃ dhammasāmaggīyāya lokiyalokuttaramaggakkhaṇe uppajjamānāya līnuddhaccapatiṭṭhānāyūhanakāmasukhaattakilamathānuyogaucchedasassatābhinivesādīnaṃ anekesaṃ upaddavānaṃ paṭipakkhabhūtāya satidhammavicayavīriyapītipassaddhisamādhiupekkhāsaṅkhātāya dhammasāmaggiyā ariyasāvako bujjhatīti katvā bodhīti vuccati, bujjhatīti kilesasantānaniddāya uṭṭhahati, cattāri vā ariyasaccāni paṭivijjhati, nibbānameva vā sacchikarotīti vuttaṃ hoti. Yathāha – ‘‘satta bojjhaṅge bhāvetvā anuttaraṃ sammāsambodhiṃ abhisambuddho’’ti (saṃ. ni. 5.378; dī. ni. 3.143). Tassā dhammasāmaggisaṅkhātāya bodhiyā aṅgotipi bojjhaṅgo jhānaṅgamaggaṅgādayo viya . Yopesa yathāvuttappakārāya etāya dhammasāmaggiyā bujjhatīti katvā ariyasāvako bodhīti vuccati, tassa aṅgotipi bojjhaṅgo senaṅgarathaṅgādayo viya. Tenāhu aṭṭhakathācariyā – ‘‘bujjhanakassa puggalassa aṅgāti vā bojjhaṅgā’’ti.

    абижа ‘‘б̣ож̇жхан̇г̇аад̇и гзнадтзна б̣ож̇жхан̇г̇аа? б̣од̇хааяа сам̣вад̇д̇анд̇ийд̇и б̣ож̇жхан̇г̇аа, б̣уж̇жханд̇ийд̇и б̣ож̇жхан̇г̇аа, ануб̣уж̇жханд̇ийд̇и б̣ож̇жхан̇г̇аа, бадиб̣уж̇жханд̇ийд̇и б̣ож̇жхан̇г̇аа, самб̣уж̇жханд̇ийд̇и б̣ож̇жхан̇г̇аа’’д̇и иминаа бадисамбхид̣̇аанаязнааби (бади. ма. 2.17) б̣ож̇жхан̇г̇ад̇т̇о взд̣̇ид̇аб̣б̣о. басад̇т̇о сунд̣̇аро жа б̣ож̇жхан̇г̇о самб̣ож̇жхан̇г̇о, сад̇и зва самб̣ож̇жхан̇г̇о сад̇исамб̣ож̇жхан̇г̇о, д̇ам̣ сад̇исамб̣ож̇жхан̇г̇ам̣.

    Apica ‘‘bojjhaṅgāti kenaṭṭhena bojjhaṅgā? Bodhāya saṃvattantīti bojjhaṅgā, bujjhantīti bojjhaṅgā, anubujjhantīti bojjhaṅgā, paṭibujjhantīti bojjhaṅgā, sambujjhantīti bojjhaṅgā’’ti iminā paṭisambhidānayenāpi (paṭi. ma. 2.17) bojjhaṅgattho veditabbo. Pasattho sundaro ca bojjhaṅgo sambojjhaṅgo, sati eva sambojjhaṅgo satisambojjhaṅgo, taṃ satisambojjhaṅgaṃ.

    д̇хаммавижаяасамб̣ож̇жхан̇г̇анд̇иаад̣̇ийсуби жад̇усажжад̇хаммз вижинад̇ийд̇и д̇хаммавижаяо. со бавижаяалагкан̣о, обхаасанарасо, асаммохабажжубадтаано. вийрабхаавад̇о, вид̇хинаа ийраяид̇аб̣б̣ад̇о жа вийрияам̣. д̇ам̣ баг̇г̇ахалагкан̣ам̣, убат̇амбханарасам̣ , аносийд̣̇анабажжубадтаанам̣. бийн̣аяад̇ийд̇и бийд̇и. саа паран̣алагкан̣аа, д̇удтилагкан̣аа ваа, гааяажид̇д̇аанам̣ бийн̣анарасаа, нзсам̣язва од̣̇аг̇яабажжубадтаанаа. гааяажид̇д̇ад̣̇арат̇аббассамбханад̇о бассад̣̇д̇хи. саа убасамалагкан̣аа, гааяажид̇д̇ад̣̇арат̇амад̣̇д̣̇анарасаа, гааяажид̇д̇аанам̣ абарибпанд̣̇асийд̇ибхаавабажжубадтаанаа. самаад̇хаанад̇о самаад̇хи. со авигкзбалагкан̣о, ависааралагкан̣о ваа, жид̇д̇ажзд̇асигаанам̣ самбин̣д̣анарасо, жид̇д̇адтид̇ибажжубадтаано. аж̇жхубзгканад̇о убзгкаа. саа бадисан̇кааналагкан̣аа, самаваахид̇алагкан̣аа ваа, уунаад̇хиганивааран̣арасаа, багкабаад̇убажчзд̣̇анарасаа ваа, маж̇жхад̇д̇абхаавабажжубадтаанаа. сзсам̣ вуд̇д̇анаяамзва. бхаавзд̇ийд̇и б̣руухзд̇и вад̣дхзд̇и, уббаад̣̇зд̇ийд̇и ад̇т̇о.

    Dhammavicayasambojjhaṅgantiādīsupi catusaccadhamme vicinatīti dhammavicayo. So pavicayalakkhaṇo, obhāsanaraso, asammohapaccupaṭṭhāno. Vīrabhāvato, vidhinā īrayitabbato ca vīriyaṃ. Taṃ paggahalakkhaṇaṃ, upathambhanarasaṃ , anosīdanapaccupaṭṭhānaṃ. Pīṇayatīti pīti. Sā pharaṇalakkhaṇā, tuṭṭhilakkhaṇā vā, kāyacittānaṃ pīṇanarasā, nesaṃyeva odagyapaccupaṭṭhānā. Kāyacittadarathappassambhanato passaddhi. Sā upasamalakkhaṇā, kāyacittadarathamaddanarasā, kāyacittānaṃ aparipphandasītibhāvapaccupaṭṭhānā. Samādhānato samādhi. So avikkhepalakkhaṇo, avisāralakkhaṇo vā, cittacetasikānaṃ sampiṇḍanaraso, cittaṭṭhitipaccupaṭṭhāno. Ajjhupekkhanato upekkhā. Sā paṭisaṅkhānalakkhaṇā, samavāhitalakkhaṇā vā, ūnādhikanivāraṇarasā, pakkhapātupacchedanarasā vā, majjhattabhāvapaccupaṭṭhānā. Sesaṃ vuttanayameva. Bhāvetīti brūheti vaḍḍheti, uppādetīti attho.

    д̇ад̇т̇а жад̇д̇ааро д̇хаммаа сад̇исамб̣ож̇жхан̇г̇асса уббаад̣̇ааяа сам̣вад̇д̇анд̇ийд̇и взд̣̇ид̇аб̣б̣аа сад̇исамбаж̇ан̃н̃ам̣ мудтассад̇ибуг̇г̇алабариваж̇ж̇анад̇аа убадтид̇ассад̇ибуг̇г̇аласзванад̇аа д̇ад̣̇ад̇химуд̇д̇ад̇аад̇и. абхигганд̇аад̣̇ийсу хи сад̇д̇асу таанзсу сад̇исамбаж̇ан̃н̃зна, бхад̇д̇анигкид̇д̇агаагасад̣̇исз мудтассад̇ибуг̇г̇алз бариваж̇ж̇анзна, д̇иссад̣̇ад̇д̇ад̇т̇зраабхаяад̇т̇зраад̣̇исад̣̇исз убадтид̇ассад̇ибуг̇г̇алз сзванзна, таананисаж̇ж̇аад̣̇ийсу сад̇исамудтаабанад̇т̇ам̣ ниннабон̣абаб̣бхааражид̇д̇ад̇ааяа жа сад̇исамб̣ож̇жхан̇г̇о уббаж̇ж̇ад̇и. д̇асмаа аад̣̇игаммиго гулабуд̇д̇о имзхи жад̇уухи гааран̣зхи сад̇исамб̣ож̇жхан̇г̇ам̣ самудтаабзд̇ваа д̇ад̣̇зва д̇хурам̣ гад̇ваа абхинивзсам̣ бадтабзд̇ваа ануггамзна арахад̇д̇ам̣ г̇ан̣хаад̇и. со яаава арахад̇д̇амаг̇г̇аа сад̇исамб̣ож̇жхан̇г̇ам̣ бхаавзд̇и наама, палз бад̇д̇з бхаавид̇о наама ход̇и.

    Tattha cattāro dhammā satisambojjhaṅgassa uppādāya saṃvattantīti veditabbā satisampajaññaṃ muṭṭhassatipuggalaparivajjanatā upaṭṭhitassatipuggalasevanatā tadadhimuttatāti. Abhikkantādīsu hi sattasu ṭhānesu satisampajaññena, bhattanikkhittakākasadise muṭṭhassatipuggale parivajjanena, tissadattattheraabhayattherādisadise upaṭṭhitassatipuggale sevanena, ṭhānanisajjādīsu satisamuṭṭhāpanatthaṃ ninnapoṇapabbhāracittatāya ca satisambojjhaṅgo uppajjati. Tasmā ādikammiko kulaputto imehi catūhi kāraṇehi satisambojjhaṅgaṃ samuṭṭhāpetvā tadeva dhuraṃ katvā abhinivesaṃ paṭṭhapetvā anukkamena arahattaṃ gaṇhāti. So yāva arahattamaggā satisambojjhaṅgaṃ bhāveti nāma, phale patte bhāvito nāma hoti.

    сад̇д̇а д̇хаммаа д̇хаммавижаяасамб̣ож̇жхан̇г̇асса уббаад̣̇ааяа сам̣вад̇д̇анд̇и барибужчагад̇аа, вад̇т̇увисад̣̇агирияаа, инд̣̇рияасамад̇д̇абадибаад̣̇анаа, д̣̇уббан̃н̃абуг̇г̇алабариваж̇ж̇анаа, бан̃н̃аванд̇абуг̇г̇аласзванаа, г̇амбхийран̃аан̣ажарияабажжавзгкан̣аа, д̇ад̣̇ад̇химуд̇д̇ад̇аад̇и. д̇ад̇т̇а барибужчагад̇аад̇и канд̇хад̇хаад̇уааяад̇анаинд̣̇рияаб̣алаб̣ож̇жхан̇г̇амаг̇г̇ан̇г̇ажхаанасамат̇авибассанаанам̣ ад̇т̇асанниссид̇абарибужчааб̣ахулад̇аа.

    Satta dhammā dhammavicayasambojjhaṅgassa uppādāya saṃvattanti paripucchakatā, vatthuvisadakiriyā, indriyasamattapaṭipādanā, duppaññapuggalaparivajjanā, paññavantapuggalasevanā, gambhīrañāṇacariyapaccavekkhaṇā, tadadhimuttatāti. Tattha paripucchakatāti khandhadhātuāyatanaindriyabalabojjhaṅgamaggaṅgajhānasamathavipassanānaṃ atthasannissitaparipucchābahulatā.

    вад̇т̇увисад̣̇агирияаад̇и аж̇жхад̇д̇игаб̣аахираанам̣ вад̇т̇уунам̣ висад̣̇абхаавагаран̣ам̣. яад̣̇аа хисса гзсанакаломаа д̣̇ийгхаа хонд̇и, сарийрам̣ ваа уббаннад̣̇осан̃жзва сзд̣̇амаламагкид̇ан̃жа , д̇ад̣̇аа аж̇жхад̇д̇игам̣ вад̇т̇у ависад̣̇ам̣ ход̇и абарисуд̣̇д̇хам̣. яад̣̇аа бана жийварам̣ ж̇ин̣н̣ам̣ гилидтам̣ д̣̇уг̇г̇анд̇хам̣ ваа ход̇и, сзнаасанам̣ ваа углаабам̣, д̇ад̣̇аа б̣аахирам̣ вад̇т̇у ависад̣̇ам̣ ход̇и абарисуд̣̇д̇хам̣. д̇асмаа гзсаад̣̇ижчзд̣̇анзна уд̣̇д̇хам̣вирзжанаад̇ховирзжанаад̣̇ийхи сарийрасаллахугабхаавагаран̣зна ужчаад̣̇ананахаабанзна жа аж̇жхад̇д̇игавад̇т̇у висад̣̇ам̣ гаад̇аб̣б̣ам̣. суужигаммад̇хованараж̇анабарибхан̣д̣агаран̣аад̣̇ийхи б̣аахиравад̇т̇у висад̣̇ам̣ гаад̇аб̣б̣ам̣. зд̇асмин̃хи аж̇жхад̇д̇игаб̣аахирз вад̇т̇умхи ависад̣̇з уббаннзсу жид̇д̇ажзд̇асигзсу н̃аан̣амби ависад̣̇ам̣ ход̇и абарисуд̣̇д̇хам̣ абарисуд̣̇д̇хаани д̣̇ийбагабаллаваддид̇злаад̣̇ийни ниссааяа уббаннад̣̇ийбасикааяа обхаасо вияа. висад̣̇з бана аж̇жхад̇д̇игаб̣аахирз вад̇т̇умхи уббаннзсу жид̇д̇ажзд̇асигзсу н̃аан̣амби висад̣̇ам̣ ход̇и барисуд̣̇д̇хаани д̣̇ийбагабаллаваддид̇злаад̣̇ийни ниссааяа уббаннад̣̇ийбасикааяа обхаасо вияа. д̇зна вуд̇д̇ам̣ – ‘‘вад̇т̇увисад̣̇агирияаа д̇хаммавижаяасамб̣ож̇жхан̇г̇асса уббаад̣̇ааяа сам̣вад̇д̇ад̇ий’’д̇и.

    Vatthuvisadakiriyāti ajjhattikabāhirānaṃ vatthūnaṃ visadabhāvakaraṇaṃ. Yadā hissa kesanakhalomā dīghā honti, sarīraṃ vā uppannadosañceva sedamalamakkhitañca , tadā ajjhattikaṃ vatthu avisadaṃ hoti aparisuddhaṃ. Yadā pana cīvaraṃ jiṇṇaṃ kiliṭṭhaṃ duggandhaṃ vā hoti, senāsanaṃ vā uklāpaṃ, tadā bāhiraṃ vatthu avisadaṃ hoti aparisuddhaṃ. Tasmā kesādicchedanena uddhaṃvirecanaadhovirecanādīhi sarīrasallahukabhāvakaraṇena ucchādananahāpanena ca ajjhattikavatthu visadaṃ kātabbaṃ. Sūcikammadhovanarajanaparibhaṇḍakaraṇādīhi bāhiravatthu visadaṃ kātabbaṃ. Etasmiñhi ajjhattikabāhire vatthumhi avisade uppannesu cittacetasikesu ñāṇampi avisadaṃ hoti aparisuddhaṃ aparisuddhāni dīpakapallavaṭṭitelādīni nissāya uppannadīpasikhāya obhāso viya. Visade pana ajjhattikabāhire vatthumhi uppannesu cittacetasikesu ñāṇampi visadaṃ hoti parisuddhāni dīpakapallavaṭṭitelādīni nissāya uppannadīpasikhāya obhāso viya. Tena vuttaṃ – ‘‘vatthuvisadakiriyā dhammavicayasambojjhaṅgassa uppādāya saṃvattatī’’ti.

    инд̣̇рияасамад̇д̇абадибаад̣̇анаа наама сад̣̇д̇хаад̣̇ийнам̣ инд̣̇рияаанам̣ самабхаавагаран̣ам̣. сажз хисса сад̣̇д̇хинд̣̇рияам̣ б̣алавам̣ ход̇и, ид̇араани манд̣̇аани, д̇ад̇о вийрияинд̣̇рияам̣ баг̇г̇ахагижжам̣, сад̇инд̣̇рияам̣ убадтаанагижжам̣, самаад̇хинд̣̇рияам̣ авигкзбагижжам̣, бан̃н̃инд̣̇рияам̣ д̣̇ассанагижжам̣ гаад̇ум̣ на саггод̇и. д̇асмаа д̇ам̣ д̇хаммасабхаавабажжавзгкан̣зна ваа, яат̇аа ваа манасигарод̇о б̣алавам̣ ж̇аад̇ам̣, д̇ат̇аа аманасигаарзна хаабзд̇аб̣б̣ам̣. ваггалид̇т̇зравад̇т̇у жзд̇т̇а нид̣̇ассанам̣. сажз бана вийрияинд̣̇рияам̣ б̣алавам̣ ход̇и, ат̇а нзва сад̣̇д̇хинд̣̇рияам̣ ад̇химогкагижжам̣ гаад̇ум̣ саггод̇и, на ид̇араани ид̇арагижжабхзд̣̇ам̣. д̇асмаа д̇ам̣ бассад̣̇д̇хаад̣̇ибхааванааяа хаабзд̇аб̣б̣ам̣. д̇ад̇рааби сон̣ад̇т̇зрасса вад̇т̇у д̣̇ассзд̇аб̣б̣ам̣. звам̣ сзсзсуби згасса б̣алавабхаавз сад̇и ид̇арзсам̣ ад̇д̇ано гижжзсу асамад̇т̇ад̇аа взд̣̇ид̇аб̣б̣аа.

    Indriyasamattapaṭipādanā nāma saddhādīnaṃ indriyānaṃ samabhāvakaraṇaṃ. Sace hissa saddhindriyaṃ balavaṃ hoti, itarāni mandāni, tato vīriyindriyaṃ paggahakiccaṃ, satindriyaṃ upaṭṭhānakiccaṃ, samādhindriyaṃ avikkhepakiccaṃ, paññindriyaṃ dassanakiccaṃ kātuṃ na sakkoti. Tasmā taṃ dhammasabhāvapaccavekkhaṇena vā, yathā vā manasikaroto balavaṃ jātaṃ, tathā amanasikārena hāpetabbaṃ. Vakkalittheravatthu cettha nidassanaṃ. Sace pana vīriyindriyaṃ balavaṃ hoti, atha neva saddhindriyaṃ adhimokkhakiccaṃ kātuṃ sakkoti, na itarāni itarakiccabhedaṃ. Tasmā taṃ passaddhādibhāvanāya hāpetabbaṃ. Tatrāpi soṇattherassa vatthu dassetabbaṃ. Evaṃ sesesupi ekassa balavabhāve sati itaresaṃ attano kiccesu asamatthatā veditabbā.

    висзсад̇о банзд̇т̇а сад̣̇д̇хаабан̃н̃аанам̣ самаад̇хивийрияаанан̃жа самад̇ам̣ басам̣санд̇и. б̣алавасад̣̇д̇хо хи манд̣̇абан̃н̃о муд̇хаббасанно ход̇и, авад̇т̇умхи басийд̣̇ад̇и. б̣алавабан̃н̃о манд̣̇асад̣̇д̇хо гзраадигабагкам̣ бхаж̇ад̇и , бхзсаж̇ж̇асамудтид̇о вияа рог̇о ад̇згижчо ход̇и. жид̇д̇уббаад̣̇амад̇д̇знзва гусалам̣ ход̇ийд̇и ад̇ид̇хаавид̇ваа д̣̇аанаад̣̇ийни агаронд̇о нираяз уббаж̇ж̇ад̇и. убхиннам̣ самад̇ааяа вад̇т̇усмим̣язва басийд̣̇ад̇и. б̣алавасамаад̇хим̣ бана манд̣̇авийрияам̣ самаад̇хисса госаж̇ж̇абагкад̇д̇аа госаж̇ж̇ам̣ абхибхавад̇и. б̣алававийрияам̣ манд̣̇асамаад̇хим̣ вийрияасса уд̣̇д̇хажжабагкад̇д̇аа уд̣̇д̇хажжам̣ абхибхавад̇и. самаад̇хи бана вийриязна сам̣яож̇ид̇о госаж̇ж̇з бад̇ид̇ум̣ на лабхад̇и, вийрияам̣ самаад̇хинаа сам̣яож̇ид̇ам̣ уд̣̇д̇хажжз бад̇ид̇ум̣ на лабхад̇и. д̇асмаа д̇ам̣ убхаяам̣ самам̣ гад̇д̇аб̣б̣ам̣. убхаяасамад̇ааяа хи аббанаа ход̇и.

    Visesato panettha saddhāpaññānaṃ samādhivīriyānañca samataṃ pasaṃsanti. Balavasaddho hi mandapañño mudhappasanno hoti, avatthumhi pasīdati. Balavapañño mandasaddho kerāṭikapakkhaṃ bhajati , bhesajjasamuṭṭhito viya rogo atekiccho hoti. Cittuppādamatteneva kusalaṃ hotīti atidhāvitvā dānādīni akaronto niraye uppajjati. Ubhinnaṃ samatāya vatthusmiṃyeva pasīdati. Balavasamādhiṃ pana mandavīriyaṃ samādhissa kosajjapakkhattā kosajjaṃ abhibhavati. Balavavīriyaṃ mandasamādhiṃ vīriyassa uddhaccapakkhattā uddhaccaṃ abhibhavati. Samādhi pana vīriyena saṃyojito kosajje patituṃ na labhati, vīriyaṃ samādhinā saṃyojitaṃ uddhacce patituṃ na labhati. Tasmā taṃ ubhayaṃ samaṃ kattabbaṃ. Ubhayasamatāya hi appanā hoti.

    абижа самаад̇хигаммигасса б̣алавад̇ийби сад̣̇д̇хаа ваддад̇и. зван̃хи сад̣̇д̣̇аханд̇о огаббзнд̇о аббанам̣ баабун̣иссад̇и. самаад̇хибан̃н̃аасу бана самаад̇хигаммигасса згаг̇г̇ад̇аа б̣алавад̇ий ваддад̇и. зван̃хи со аббанам̣ баабун̣аад̇и. вибассанаагаммигасса бан̃н̃аа б̣алавад̇ий ваддад̇и. зван̃хи со лагкан̣абадивзд̇хам̣ баабун̣аад̇и. убхиннам̣ бана самад̇ааяаби аббанаа ход̇иязва. сад̇и бана саб̣б̣ад̇т̇а б̣алавад̇ий ваддад̇и. сад̇и хи жид̇д̇ам̣ уд̣̇д̇хажжабагкигаанам̣ сад̣̇д̇хаавийрияабан̃н̃аанам̣ васзна уд̣̇д̇хажжабаад̇ад̇о госаж̇ж̇абагкигзна жа самаад̇хинаа госаж̇ж̇абаад̇ад̇о рагкад̇и. д̇асмаа саа лон̣ад̇хуубанам̣ вияа саб̣б̣аб̣яан̃ж̇анзсу, саб̣б̣агаммиго амажжо вияа жа саб̣б̣арааж̇агижжзсу, саб̣б̣ад̇т̇а ижчид̇аб̣б̣аа. д̇знааха – ‘‘сад̇и жа бана саб̣б̣ад̇т̇игаа вуд̇д̇аа (сам̣. ни. 5.234) бхаг̇авад̇аа. гим̣ гааран̣аа? жид̇д̇ан̃хи сад̇ибадисаран̣ам̣, аарагкабажжубадтаанаа жа сад̇и, на винаа сад̇ияаа жид̇д̇асса баг̇г̇аханиг̇г̇ахо ход̇ий’’д̇и.

    Apica samādhikammikassa balavatīpi saddhā vaṭṭati. Evañhi saddahanto okappento appanaṃ pāpuṇissati. Samādhipaññāsu pana samādhikammikassa ekaggatā balavatī vaṭṭati. Evañhi so appanaṃ pāpuṇāti. Vipassanākammikassa paññā balavatī vaṭṭati. Evañhi so lakkhaṇapaṭivedhaṃ pāpuṇāti. Ubhinnaṃ pana samatāyapi appanā hotiyeva. Sati pana sabbattha balavatī vaṭṭati. Sati hi cittaṃ uddhaccapakkhikānaṃ saddhāvīriyapaññānaṃ vasena uddhaccapātato kosajjapakkhikena ca samādhinā kosajjapātato rakkhati. Tasmā sā loṇadhūpanaṃ viya sabbabyañjanesu, sabbakammiko amacco viya ca sabbarājakiccesu, sabbattha icchitabbā. Tenāha – ‘‘sati ca pana sabbatthikā vuttā (saṃ. ni. 5.234) bhagavatā. Kiṃ kāraṇā? Cittañhi satipaṭisaraṇaṃ, ārakkhapaccupaṭṭhānā ca sati, na vinā satiyā cittassa paggahaniggaho hotī’’ti.

    д̣̇уббан̃н̃абуг̇г̇алабариваж̇ж̇анаа наама канд̇хаад̣̇ибхзд̣̇зсу аног̇аал̣хабан̃н̃аанам̣ д̣̇уммзд̇хабуг̇г̇алаанам̣ аарагаа бариваж̇ж̇анам̣. бан̃н̃аванд̇абуг̇г̇аласзванаа наама самабан̃н̃аасалагкан̣абариг̇г̇аахигааяа уд̣̇аяаб̣б̣аяабан̃н̃ааяа саманнааг̇ад̇абуг̇г̇аласзванаа. г̇амбхийран̃аан̣ажарияабажжавзгкан̣аа наама г̇амбхийрзсу канд̇хаад̣̇ийсу бавад̇д̇ааяа г̇амбхийрабан̃н̃ааяа бабхзд̣̇абажжавзгкан̣аа. д̇ад̣̇ад̇химуд̇д̇ад̇аа наама таананисаж̇ж̇аад̣̇ийсу д̇хаммавижаяасамб̣ож̇жхан̇г̇асамудтаабанад̇т̇ам̣ ниннабон̣абаб̣бхааражид̇д̇ад̇аа. д̇асмаа аад̣̇игаммиго гулабуд̇д̇о имзхи сад̇д̇ахи гааран̣зхи д̇хаммавижаяасамб̣ож̇жхан̇г̇ам̣ самудтаабзд̇ваа д̇ад̣̇зва д̇хурам̣ гад̇ваа абхинивзсам̣ бадтабзд̇ваа ануггамзна арахад̇д̇ам̣ г̇ан̣хаад̇и. со яаава арахад̇д̇амаг̇г̇аа д̇хаммавижаяасамб̣ож̇жхан̇г̇ам̣ бхаавзд̇и наама, палз бад̇д̇з бхаавид̇о наама ход̇и.

    Duppaññapuggalaparivajjanā nāma khandhādibhedesu anogāḷhapaññānaṃ dummedhapuggalānaṃ ārakā parivajjanaṃ. Paññavantapuggalasevanā nāma samapaññāsalakkhaṇapariggāhikāya udayabbayapaññāya samannāgatapuggalasevanā. Gambhīrañāṇacariyapaccavekkhaṇā nāma gambhīresu khandhādīsu pavattāya gambhīrapaññāya pabhedapaccavekkhaṇā. Tadadhimuttatā nāma ṭhānanisajjādīsu dhammavicayasambojjhaṅgasamuṭṭhāpanatthaṃ ninnapoṇapabbhāracittatā. Tasmā ādikammiko kulaputto imehi sattahi kāraṇehi dhammavicayasambojjhaṅgaṃ samuṭṭhāpetvā tadeva dhuraṃ katvā abhinivesaṃ paṭṭhapetvā anukkamena arahattaṃ gaṇhāti. So yāva arahattamaggā dhammavicayasambojjhaṅgaṃ bhāveti nāma, phale patte bhāvito nāma hoti.

    згаад̣̇аса д̇хаммаа вийрияасамб̣ож̇жхан̇г̇асса уббаад̣̇ааяа сам̣вад̇д̇анд̇и – абааяабхаяабажжавзгкан̣ад̇аа, аанисам̣сад̣̇ассаавид̇аа , г̇аманавийт̇ибажжавзгкан̣ад̇аа, бин̣д̣абаад̇аабажааяанад̇аа, д̣̇ааяаж̇ж̇амахад̇д̇абажжавзгкан̣ад̇аа, сад̇т̇умахад̇д̇абажжавзгкан̣ад̇аа, ж̇аад̇имахад̇д̇абажжавзгкан̣ад̇аа , саб̣рахмажааримахад̇д̇абажжавзгкан̣ад̇аа, гусийд̇абуг̇г̇алабариваж̇ж̇анад̇аа, аарад̣̇д̇хавийрияабуг̇г̇аласзванад̇аа, д̇ад̣̇ад̇химуд̇д̇ад̇аад̇и.

    Ekādasa dhammā vīriyasambojjhaṅgassa uppādāya saṃvattanti – apāyabhayapaccavekkhaṇatā, ānisaṃsadassāvitā , gamanavīthipaccavekkhaṇatā, piṇḍapātāpacāyanatā, dāyajjamahattapaccavekkhaṇatā, satthumahattapaccavekkhaṇatā, jātimahattapaccavekkhaṇatā , sabrahmacārimahattapaccavekkhaṇatā, kusītapuggalaparivajjanatā, āraddhavīriyapuggalasevanatā, tadadhimuttatāti.

    д̇ад̇т̇а ‘‘нираязсу бан̃жавид̇хаб̣анд̇ханагаммагаран̣ад̇о бадтааяа махаад̣̇угкам̣ анубхаванагаалзби, д̇иражчаанаяонияам̣ ж̇аалагкибагуминаад̣̇ийхи г̇ахид̇агаалзби, бааж̇анаган̣дагаад̣̇иббахаарад̇уннасса бана сагадаваханаад̣̇игаалзби, бзд̇д̇ивисаяз анзгааниби вассасахассаани згам̣ б̣уд̣̇д̇ханд̇арамби куббибаасаахи аад̇урийбхууд̇агаалзби, гаалаган̃ж̇игаасурзсу садтихад̇т̇аасийд̇ихад̇т̇аббамаан̣зна адтижаммамад̇д̇знзва ад̇д̇абхаавзна ваад̇аад̇абаад̣̇ид̣̇угкаанубхаванагаалзби на саггаа вийрияасамб̣ож̇жхан̇г̇ам̣ уббаад̣̇зд̇ум̣. аяамзва д̇з бхигку гаало’’д̇и звам̣ абааяабхаяам̣ бажжавзгканд̇ассааби вийрияасамб̣ож̇жхан̇г̇о уббаж̇ж̇ад̇и.

    Tattha ‘‘nirayesu pañcavidhabandhanakammakaraṇato paṭṭhāya mahādukkhaṃ anubhavanakālepi, tiracchānayoniyaṃ jālakkhipakuminādīhi gahitakālepi, pājanakaṇṭakādippahāratunnassa pana sakaṭavahanādikālepi, pettivisaye anekānipi vassasahassāni ekaṃ buddhantarampi khuppipāsāhi āturībhūtakālepi, kālakañjikaasuresu saṭṭhihatthaasītihatthappamāṇena aṭṭhicammamatteneva attabhāvena vātātapādidukkhānubhavanakālepi na sakkā vīriyasambojjhaṅgaṃ uppādetuṃ. Ayameva te bhikkhu kālo’’ti evaṃ apāyabhayaṃ paccavekkhantassāpi vīriyasambojjhaṅgo uppajjati.

    ‘‘на саггаа гусийд̇зна нава логуд̇д̇арад̇хаммаа лад̣̇д̇хум̣, аарад̣̇д̇хавийриязнзва саггаа, аяамаанисам̣со вийрияассаа’’д̇и звам̣ аанисам̣сад̣̇ассаавиноби уббаж̇ж̇ад̇и. ‘‘саб̣б̣аб̣уд̣̇д̇хабажжзгаб̣уд̣̇д̇хамахаасаавагзхи г̇ад̇амаг̇г̇ова г̇анд̇аб̣б̣о, со жа на саггаа гусийд̇зна г̇анд̇у’’нд̇и звам̣ г̇аманавийт̇им̣ бажжавзгканд̇ассааби уббаж̇ж̇ад̇и.

    ‘‘Na sakkā kusītena nava lokuttaradhammā laddhuṃ, āraddhavīriyeneva sakkā, ayamānisaṃso vīriyassā’’ti evaṃ ānisaṃsadassāvinopi uppajjati. ‘‘Sabbabuddhapaccekabuddhamahāsāvakehi gatamaggova gantabbo, so ca na sakkā kusītena gantu’’nti evaṃ gamanavīthiṃ paccavekkhantassāpi uppajjati.

    ‘‘яз д̇ам̣ бин̣д̣абаад̇аад̣̇ийхи убадтаханд̇и, имз д̇з мануссаа нзва н̃аад̇агаа, на д̣̇аасагаммагараа, нааби д̇ам̣ ниссааяа ж̇ийвиссаамаад̇и д̇з бан̣ийд̇аани бин̣д̣абаад̇аад̣̇ийни д̣̇знд̇и. ат̇а ко ад̇д̇ано гаараанам̣ махабпалад̇ам̣ бажжаасийсамаанаа д̣̇знд̇и. сад̇т̇аарааби ‘аяам̣ имз бажжаяз барибхун̃ж̇ид̇ваа гааяад̣̇ал̣хийб̣ахуло сукам̣ вихариссад̇ий’д̇и на звам̣ самбассад̇аа д̇уяхам̣ бажжаяаа анун̃н̃аад̇аа, ат̇а ко ‘аяам̣ имз барибхун̃ж̇амаано саман̣ад̇хаммам̣ гад̇ваа ваддад̣̇угкад̇о мужжиссад̇ий’д̇и д̇з бажжаяаа анун̃н̃аад̇аа. со д̣̇аани д̇вам̣ гусийд̇о вихаранд̇о на д̇ам̣ бин̣д̣абаад̇ам̣ абажааяиссаси. аарад̣̇д̇хавийрияассзва хи бин̣д̣аабажааяанам̣ наама ход̇ий’’д̇и звам̣ бин̣д̣абаад̇аабажааяанам̣ бажжавзгканд̇ассааби уббаж̇ж̇ад̇и махаамид̇д̇ад̇т̇зрасса вияа бин̣д̣абаад̇ияад̇иссад̇т̇зрасса вияа жа.

    ‘‘Ye taṃ piṇḍapātādīhi upaṭṭhahanti, ime te manussā neva ñātakā, na dāsakammakarā, nāpi taṃ nissāya jīvissāmāti te paṇītāni piṇḍapātādīni denti. Atha kho attano kārānaṃ mahapphalataṃ paccāsīsamānā denti. Satthārāpi ‘ayaṃ ime paccaye paribhuñjitvā kāyadaḷhībahulo sukhaṃ viharissatī’ti na evaṃ sampassatā tuyhaṃ paccayā anuññātā, atha kho ‘ayaṃ ime paribhuñjamāno samaṇadhammaṃ katvā vaṭṭadukkhato muccissatī’ti te paccayā anuññātā. So dāni tvaṃ kusīto viharanto na taṃ piṇḍapātaṃ apacāyissasi. Āraddhavīriyasseva hi piṇḍāpacāyanaṃ nāma hotī’’ti evaṃ piṇḍapātāpacāyanaṃ paccavekkhantassāpi uppajjati mahāmittattherassa viya piṇḍapātiyatissattherassa viya ca.

    махаамид̇д̇ад̇т̇зро гира гассагалзн̣з наама бадивасад̇и. д̇асса жа г̇ожараг̇аамз згаа махааубаасигаа т̇зрам̣ буд̇д̇ам̣ гад̇ваа бадиж̇аг̇г̇ад̇и. саа згад̣̇ивасам̣ аран̃н̃ам̣ г̇ажчанд̇ий д̇хийд̇арам̣ ааха – ‘‘амма , асугасмим̣ таанз бураан̣ад̇ан̣д̣улаа, асугасмим̣ кийрам̣, асугасмим̣ сабби, асугасмим̣ паан̣ид̇ам̣, д̇ава бхаад̇игасса аяяамид̇д̇асса ааг̇ад̇агаалз бхад̇д̇ам̣ бажид̇ваа кийрасаббипаан̣ид̇зхи сад̣̇д̇хим̣ д̣̇зхи, д̣̇ад̇ваа д̇ван̃жа бхун̃ж̇зяяааси. ахам̣ бана хияяо баггам̣ баариваасигабхад̇д̇ам̣ ган̃ж̇иязна бхуд̇д̇амхий’’д̇и. д̣̇иваа гим̣ бхун̃ж̇иссаси, аммаад̇и? саагабан̣н̣ам̣ багкибид̇ваа ган̣ад̇ан̣д̣улзхи амб̣илаяааг̇ум̣ бажид̇ваа табзхи, аммаад̇и.

    Mahāmittatthero kira kassakaleṇe nāma paṭivasati. Tassa ca gocaragāme ekā mahāupāsikā theraṃ puttaṃ katvā paṭijaggati. Sā ekadivasaṃ araññaṃ gacchantī dhītaraṃ āha – ‘‘amma , asukasmiṃ ṭhāne purāṇataṇḍulā, asukasmiṃ khīraṃ, asukasmiṃ sappi, asukasmiṃ phāṇitaṃ, tava bhātikassa ayyamittassa āgatakāle bhattaṃ pacitvā khīrasappiphāṇitehi saddhiṃ dehi, datvā tvañca bhuñjeyyāsi. Ahaṃ pana hiyyo pakkaṃ pārivāsikabhattaṃ kañjiyena bhuttamhī’’ti. Divā kiṃ bhuñjissasi, ammāti? Sākapaṇṇaṃ pakkhipitvā kaṇataṇḍulehi ambilayāguṃ pacitvā ṭhapehi, ammāti.

    т̇зро жийварам̣ баарубид̇ваа бад̇д̇ам̣ нийхаранд̇ова д̇ам̣ сад̣̇д̣̇ам̣ суд̇ваа ад̇д̇аанам̣ овад̣̇и – ‘‘махааубаасигаа гира ган̃ж̇иязна баариваасигабхад̇д̇ам̣ бхун̃ж̇и, д̣̇ивааби ган̣абан̣н̣амб̣илаяааг̇ум̣ бхун̃ж̇иссад̇и, д̇уяхам̣ ад̇т̇ааяа бана бураан̣ад̇ан̣д̣улаад̣̇ийни аажигкад̇и. д̇ам̣ ниссааяа ко банзсаа нзва кзд̇д̇ам̣ на вад̇т̇ум̣ на бхад̇д̇ам̣ на вад̇т̇ам̣ бажжаасийсад̇и, д̇иссо бана самбад̇д̇ияо бад̇т̇аяамаанаа д̣̇зд̇и. д̇вам̣ зд̇иссаа д̇аа самбад̇д̇ияо д̣̇аад̇ум̣ сагкиссаси, на сагкиссасийд̇и, аяам̣ ко бана бин̣д̣абаад̇о д̇аяаа сарааг̇зна сад̣̇осзна самохзна на саггаа г̇ан̣хид̇у’’нд̇и бад̇д̇ам̣ т̇авигааяа багкибид̇ваа г̇ан̣тигам̣ мун̃жид̇ваа нивад̇д̇ид̇ваа гассагалзн̣амзва г̇анд̇ваа бад̇д̇ам̣ хздтааман̃жз, жийваран̃жа жийваравам̣сз табзд̇ваа, ‘‘арахад̇д̇ам̣ абаабун̣ид̇ваа на нигкамиссаамий’’д̇и вийрияам̣ ад̇хидтахид̇ваа нисийд̣̇и. д̣̇ийгхарад̇д̇ам̣ аббамад̇д̇о худ̇ваа нивуд̇т̇абхигку вибассанам̣ вад̣дхзд̇ваа бурзбхад̇д̇амзва арахад̇д̇ам̣ бад̇ваа вигасамаанамива бад̣̇умам̣ махаакийн̣аасаво сид̇ам̣ гаронд̇ова нигками. лзн̣ад̣̇ваарз ругкамхи ад̇хивад̇т̇аа д̣̇звад̇аа –

    Thero cīvaraṃ pārupitvā pattaṃ nīharantova taṃ saddaṃ sutvā attānaṃ ovadi – ‘‘mahāupāsikā kira kañjiyena pārivāsikabhattaṃ bhuñji, divāpi kaṇapaṇṇambilayāguṃ bhuñjissati, tuyhaṃ atthāya pana purāṇataṇḍulādīni ācikkhati. Taṃ nissāya kho panesā neva khettaṃ na vatthuṃ na bhattaṃ na vatthaṃ paccāsīsati, tisso pana sampattiyo patthayamānā deti. Tvaṃ etissā tā sampattiyo dātuṃ sakkhissasi, na sakkhissasīti, ayaṃ kho pana piṇḍapāto tayā sarāgena sadosena samohena na sakkā gaṇhitu’’nti pattaṃ thavikāya pakkhipitvā gaṇṭhikaṃ muñcitvā nivattitvā kassakaleṇameva gantvā pattaṃ heṭṭhāmañce, cīvarañca cīvaravaṃse ṭhapetvā, ‘‘arahattaṃ apāpuṇitvā na nikkhamissāmī’’ti vīriyaṃ adhiṭṭhahitvā nisīdi. Dīgharattaṃ appamatto hutvā nivutthabhikkhu vipassanaṃ vaḍḍhetvā purebhattameva arahattaṃ patvā vikasamānamiva padumaṃ mahākhīṇāsavo sitaṃ karontova nikkhami. Leṇadvāre rukkhamhi adhivatthā devatā –

    ‘‘намо д̇з бурисааж̇ан̃н̃а, намо д̇з бурисуд̇д̇ама;

    ‘‘Namo te purisājañña, namo te purisuttama;

    яасса д̇з аасаваа кийн̣аа, д̣̇агкин̣зяяоси маарисаа’’д̇и. –

    Yassa te āsavā khīṇā, dakkhiṇeyyosi mārisā’’ti. –

    уд̣̇аанам̣ уд̣̇аанзд̇ваа, ‘‘бханд̇з, бин̣д̣ааяа бавидтаанам̣ д̇умхаад̣̇исаанам̣ араханд̇аанам̣ бхигкам̣ д̣̇ад̇ваа махаллагид̇т̇ияо д̣̇угкаа мужжиссанд̇ий’’д̇и ааха. т̇зро удтахид̇ваа д̣̇ваарам̣ виварид̇ваа гаалам̣ ологзнд̇о ‘‘баад̇оязваа’’д̇и н̃ад̇ваа бад̇д̇ажийварам̣ аад̣̇ааяа г̇аамам̣ баависи.

    Udānaṃ udānetvā, ‘‘bhante, piṇḍāya paviṭṭhānaṃ tumhādisānaṃ arahantānaṃ bhikkhaṃ datvā mahallakitthiyo dukkhā muccissantī’’ti āha. Thero uṭṭhahitvā dvāraṃ vivaritvā kālaṃ olokento ‘‘pātoyevā’’ti ñatvā pattacīvaraṃ ādāya gāmaṃ pāvisi.

    д̣̇ааригааби бхад̇д̇ам̣ самбаад̣̇зд̇ваа ‘‘ид̣̇аани мз бхаад̇аа ааг̇амиссад̇и, ид̣̇аани мз бхаад̇аа ааг̇амиссад̇ий’’д̇и д̣̇ваарам̣ ологаяамаанаа нисийд̣̇и. саа т̇зрз гхарад̣̇ваарам̣ самбад̇д̇з бад̇д̇ам̣ г̇ахзд̇ваа саббипаан̣ид̇аяож̇ид̇асса кийрабин̣д̣абаад̇асса буурзд̇ваа хад̇т̇з табзси. т̇зро ‘‘сукам̣ ход̇уу’’д̇и анумод̣̇анам̣ гад̇ваа баггаами. сааби д̇ам̣ ологаяамаанаава адтааси. т̇зрасса хи д̇ад̣̇аа ад̇ивияа барисуд̣̇д̇хо чавиван̣н̣о ахоси, виббасаннаани инд̣̇рияаани, мукам̣ б̣анд̇ханаа бавуд̇д̇ад̇аалабаггам̣ вияа ад̇ивияа вирожид̇т̇а.

    Dārikāpi bhattaṃ sampādetvā ‘‘idāni me bhātā āgamissati, idāni me bhātā āgamissatī’’ti dvāraṃ olokayamānā nisīdi. Sā there gharadvāraṃ sampatte pattaṃ gahetvā sappiphāṇitayojitassa khīrapiṇḍapātassa pūretvā hatthe ṭhapesi. Thero ‘‘sukhaṃ hotū’’ti anumodanaṃ katvā pakkāmi. Sāpi taṃ olokayamānāva aṭṭhāsi. Therassa hi tadā ativiya parisuddho chavivaṇṇo ahosi, vippasannāni indriyāni, mukhaṃ bandhanā pavuttatālapakkaṃ viya ativiya virocittha.

    махааубаасигаа аран̃н̃ад̇о ааг̇анд̇ваа ‘‘гим̣, амма, бхаад̇иго д̇з ааг̇ад̇о’’д̇и бужчи. саа саб̣б̣ам̣ д̇ам̣ бавад̇д̇им̣ аарожзси. убаасигаа ‘‘аж̇ж̇а мз буд̇д̇асса баб̣б̣аж̇ид̇агижжам̣ мад̇т̇агам̣ бад̇д̇а’’нд̇и н̃ад̇ваа ‘‘абхирамад̇и д̇з, амма, бхаад̇аа б̣уд̣̇д̇хасаасанз, на угган̣тад̇ий’’д̇и ааха.

    Mahāupāsikā araññato āgantvā ‘‘kiṃ, amma, bhātiko te āgato’’ti pucchi. Sā sabbaṃ taṃ pavattiṃ ārocesi. Upāsikā ‘‘ajja me puttassa pabbajitakiccaṃ matthakaṃ patta’’nti ñatvā ‘‘abhiramati te, amma, bhātā buddhasāsane, na ukkaṇṭhatī’’ti āha.

    бин̣д̣абаад̇игад̇иссад̇т̇зравад̇т̇у бана звам̣ взд̣̇ид̇аб̣б̣ам̣ – махааг̇аамз гира зго д̣̇алид̣̇д̣̇абурисо д̣̇аарувиггаязна ж̇ийвигам̣ габбзд̇и. со д̇знзва гааран̣зна наамам̣ лабхид̇ваа д̣̇аарубхан̣д̣агамахаад̇иссо наама ж̇аад̇о. со згад̣̇ивасам̣ ад̇д̇ано бхарияам̣ ааха – ‘‘гим̣ амхаагам̣ ж̇ийвид̇ам̣ наама, сад̇т̇аараа д̣̇ал̣ид̣̇д̣̇ад̣̇аанасса махабпалабхааво гат̇ид̇о, маяан̃жа ниб̣ад̣̇д̇хам̣ д̣̇аад̇ум̣ на саггома, багкигабхад̇д̇амад̇д̇ам̣ д̣̇ад̇ваа буна уббаннам̣ салаагабхад̇д̇амби д̣̇ассаамаа’’д̇и. саа ‘‘саад̇ху саамий’’д̇и самбадижчид̇ваа бунад̣̇ивасз яат̇аалаабхзна багкигабхад̇д̇ам̣ ад̣̇ааси. бхигкусан̇гхасса жа бажжаязхи ниббариссаяагаало ход̇и, д̣̇ахарасааман̣зраа бан̣ийд̇абхож̇анаани бхун̃ж̇ид̇ваа ‘‘аяам̣ луукаахааро’’д̇и д̇зсам̣ багкигабхад̇д̇ам̣ г̇ахид̇амад̇д̇агамзва гад̇ваа д̇зсам̣ бассанд̇аанам̣язва чад̣д̣зд̇ваа г̇ажчанд̇и.

    Piṇḍapātikatissattheravatthu pana evaṃ veditabbaṃ – mahāgāme kira eko daliddapuriso dāruvikkayena jīvikaṃ kappeti. So teneva kāraṇena nāmaṃ labhitvā dārubhaṇḍakamahātisso nāma jāto. So ekadivasaṃ attano bhariyaṃ āha – ‘‘kiṃ amhākaṃ jīvitaṃ nāma, satthārā daḷiddadānassa mahapphalabhāvo kathito, mayañca nibaddhaṃ dātuṃ na sakkoma, pakkhikabhattamattaṃ datvā puna uppannaṃ salākabhattampi dassāmā’’ti. Sā ‘‘sādhu sāmī’’ti sampaṭicchitvā punadivase yathālābhena pakkhikabhattaṃ adāsi. Bhikkhusaṅghassa ca paccayehi nipparissayakālo hoti, daharasāmaṇerā paṇītabhojanāni bhuñjitvā ‘‘ayaṃ lūkhāhāro’’ti tesaṃ pakkhikabhattaṃ gahitamattakameva katvā tesaṃ passantānaṃyeva chaḍḍetvā gacchanti.

    саа ид̇т̇ий д̇ам̣ д̣̇исваа саамигасса гат̇зси, ‘‘маяаа д̣̇иннам̣ чад̣д̣знд̇ий’’д̇и на бана виббадисаариний ахоси. д̇ассаа саамиго ааха – ‘‘маяам̣ д̣̇уг̇г̇ад̇абхаавзна аяяаанам̣ сукзна барибхун̃ж̇аабзд̇ум̣ наасагкимха. гим̣ ну ко гад̇ваа аяяаанам̣ манам̣ г̇ахзд̇ум̣ сагкиссаамаа’’д̇и? ат̇асса бхарияаа ааха – ‘‘гим̣ вад̣̇зси, саами, сабуд̇д̇агаа д̣̇уг̇г̇ад̇аа наама над̇т̇ийд̇и аяам̣ д̇з д̇хийд̇аа, имам̣ згасмим̣ гулз табзд̇ваа д̣̇ваад̣̇аса гахаабан̣з г̇ан̣хид̇ваа згам̣ кийрад̇хзнум̣ аахара, аяяаанам̣ кийрасалаагабхад̇д̇ам̣ д̣̇ассаама, звам̣ д̇зсам̣ жид̇д̇ам̣ г̇ан̣хид̇ум̣ сагкиссаамаа’’д̇и. со саад̇хууд̇и самбадижчид̇ваа д̇ат̇аа агааси. д̇зсам̣ бун̃н̃зна саа д̇хзну сааяам̣ д̇ийн̣и маан̣игаани, баад̇о д̇ийн̣и маан̣игаани кийрам̣ д̣̇зд̇и. сааяам̣ лад̣̇д̇хам̣ д̣̇ад̇хим̣ гад̇ваа бунад̣̇ивасз д̇ад̇о г̇ахид̇анаванийд̇зна саббим̣ гад̇ваа сасаббибарисзгам̣ кийрасалаагабхад̇д̇ам̣ д̣̇знд̇и. д̇ад̇о бадтааяа д̇асса г̇зхз салаагабхад̇д̇ам̣ бун̃н̃аванд̇аава лабханд̇и.

    Sā itthī taṃ disvā sāmikassa kathesi, ‘‘mayā dinnaṃ chaḍḍentī’’ti na pana vippaṭisārinī ahosi. Tassā sāmiko āha – ‘‘mayaṃ duggatabhāvena ayyānaṃ sukhena paribhuñjāpetuṃ nāsakkhimha. Kiṃ nu kho katvā ayyānaṃ manaṃ gahetuṃ sakkhissāmā’’ti? Athassa bhariyā āha – ‘‘kiṃ vadesi, sāmi, saputtakā duggatā nāma natthīti ayaṃ te dhītā, imaṃ ekasmiṃ kule ṭhapetvā dvādasa kahāpaṇe gaṇhitvā ekaṃ khīradhenuṃ āhara, ayyānaṃ khīrasalākabhattaṃ dassāma, evaṃ tesaṃ cittaṃ gaṇhituṃ sakkhissāmā’’ti. So sādhūti sampaṭicchitvā tathā akāsi. Tesaṃ puññena sā dhenu sāyaṃ tīṇi māṇikāni, pāto tīṇi māṇikāni khīraṃ deti. Sāyaṃ laddhaṃ dadhiṃ katvā punadivase tato gahitanavanītena sappiṃ katvā sasappiparisekaṃ khīrasalākabhattaṃ denti. Tato paṭṭhāya tassa gehe salākabhattaṃ puññavantāva labhanti.

    со згад̣̇ивасам̣ бхарияам̣ ааха – ‘‘маяам̣ д̇хийд̇у ад̇т̇ид̇ааяа лаж̇ж̇ид̇аб̣б̣ад̇о жа муд̇д̇аа, г̇зхз жа но бхад̇д̇ам̣ аяяаанам̣ барибхог̇аарахам̣ ж̇аад̇ам̣. д̇вам̣ яаава ахам̣ ааг̇ажчаами, д̇аава имасмим̣ галяаан̣авад̇д̇з маа бамаж̇ж̇и. ахам̣ гин̃жид̣̇зва гад̇ваа д̇хийд̇арам̣ можзссаамий’’д̇и. со згам̣ бад̣̇зсам̣ г̇анд̇ваа ужчуяанд̇агаммам̣ гад̇ваа чахи маасзхи д̣̇ваад̣̇аса гахаабан̣з лабхид̇ваа ‘‘алам̣ зд̇д̇агам̣ мама д̇хийд̇у можанад̇т̇ааяаа’’д̇и д̇з гахаабан̣з д̣̇уссанд̇з б̣анд̇хид̇ваа ‘‘г̇зхам̣ г̇амиссаамий’’д̇и маг̇г̇ам̣ бадибаж̇ж̇и.

    So ekadivasaṃ bhariyaṃ āha – ‘‘mayaṃ dhītu atthitāya lajjitabbato ca muttā, gehe ca no bhattaṃ ayyānaṃ paribhogārahaṃ jātaṃ. Tvaṃ yāva ahaṃ āgacchāmi, tāva imasmiṃ kalyāṇavatte mā pamajji. Ahaṃ kiñcideva katvā dhītaraṃ mocessāmī’’ti. So ekaṃ padesaṃ gantvā ucchuyantakammaṃ katvā chahi māsehi dvādasa kahāpaṇe labhitvā ‘‘alaṃ ettakaṃ mama dhītu mocanatthāyā’’ti te kahāpaṇe dussante bandhitvā ‘‘gehaṃ gamissāmī’’ti maggaṃ paṭipajji.

    д̇асмим̣ самаяз амб̣арияамахаавихаараваасий бин̣д̣абаад̇ияад̇иссад̇т̇зро ‘‘д̇иссамахаавихаарам̣ г̇анд̇ваа жзд̇ияам̣ ванд̣̇иссаамий’’д̇и ад̇д̇ано васанадтаанад̇о махааг̇аамам̣ г̇ажчанд̇о д̇амзва маг̇г̇ам̣ бадибаж̇ж̇и. со убаасаго т̇зрам̣ д̣̇уурад̇ова д̣̇исваа ‘‘згагова аг̇анд̇ваа иминаа аяязна сад̣̇д̇хим̣ згам̣ д̇хаммагат̇ам̣ сун̣анд̇о г̇амиссаами. сийлаванд̇о хи саб̣б̣агаалам̣ д̣̇уллабхаа’’д̇и взг̇зна т̇зрам̣ самбаабун̣ид̇ваа абхиваад̣̇зд̇ваа сад̣̇д̇хим̣ г̇ажчанд̇о взлааяа убагадтааяа жинд̇зси – ‘‘маяхам̣ хад̇т̇з будагабхад̇д̇ам̣ над̇т̇и, аяяасса жа бхигкаагаало самбад̇д̇о, аяан̃жа мз бариб̣б̣аяо хад̇т̇з ад̇т̇и, згам̣ г̇аамад̣̇ваарам̣ бад̇д̇агаалз аяяасса бин̣д̣абаад̇ам̣ д̣̇ассаамий’’д̇и.

    Tasmiṃ samaye ambariyamahāvihāravāsī piṇḍapātiyatissatthero ‘‘tissamahāvihāraṃ gantvā cetiyaṃ vandissāmī’’ti attano vasanaṭṭhānato mahāgāmaṃ gacchanto tameva maggaṃ paṭipajji. So upāsako theraṃ dūratova disvā ‘‘ekakova agantvā iminā ayyena saddhiṃ ekaṃ dhammakathaṃ suṇanto gamissāmi. Sīlavanto hi sabbakālaṃ dullabhā’’ti vegena theraṃ sampāpuṇitvā abhivādetvā saddhiṃ gacchanto velāya upakaṭṭhāya cintesi – ‘‘mayhaṃ hatthe puṭakabhattaṃ natthi, ayyassa ca bhikkhākālo sampatto, ayañca me paribbayo hatthe atthi, ekaṃ gāmadvāraṃ pattakāle ayyassa piṇḍapātaṃ dassāmī’’ti.

    д̇ассзвам̣ жид̇д̇з уббаннамад̇д̇зязва зго будагабхад̇д̇ам̣ г̇ахзд̇ваа д̇ам̣ таанам̣ самбад̇д̇о. убаасаго д̇ам̣ д̣̇исваа, ‘‘бханд̇з, т̇огам̣ ааг̇амзт̇аа’’д̇и вад̇ваа д̇ам̣ убасан̇гамид̇ваа ааха – ‘‘гахаабан̣ам̣ д̇з, бхо буриса, д̣̇амми, д̇ам̣ мз будагабхад̇д̇ам̣ д̣̇зхий’’д̇и. со жинд̇зси – ‘‘имам̣ бхад̇д̇ам̣ имасмим̣ гаалз маасагамби на аг̇гхад̇и, аяан̃жа маяхам̣ згаваарзнзва гахаабан̣ам̣ д̣̇зд̇и, бхависсад̇зд̇т̇а гааран̣а’’нд̇и жинд̇зд̇ваа ‘‘наахам̣ гахаабан̣зна д̣̇змий’’д̇и ааха. звам̣ санд̇з д̣̇вз г̇ан̣ха, д̇ийн̣и г̇ан̣хаад̇и иминаа нияаамзна саб̣б̣зби д̇з гахаабан̣з д̣̇аад̇угаамо ж̇аад̇о. ид̇аро ‘‘ан̃н̃збисса ад̇т̇ий’’д̇и сан̃н̃ааяа ‘‘на д̣̇зми’’жжзва ааха. ат̇а нам̣ со ааха – ‘‘сажз мз, бхо, ан̃н̃зби ассу, д̇зби д̣̇ад̣̇зяяам̣. на ко банаахам̣ ад̇д̇ано ад̇т̇ааяа г̇ан̣хаами, зд̇асмим̣ мз ругкамуулз зго аяяо нисийд̣̇аабид̇о, д̇уяхамби гусалам̣ бхависсад̇и, д̣̇зхи мз бхад̇д̇а’’нд̇и. д̇зна хи, бхо, г̇ан̣ха, аахара д̇з гахаабан̣зд̇и гахаабан̣з г̇ахзд̇ваа будагабхад̇д̇ам̣ ад̣̇ааси. убаасаго бхад̇д̇ам̣ г̇ахзд̇ваа хад̇т̇з д̇ховид̇ваа т̇зрам̣ убасан̇гамид̇ваа ‘‘бад̇д̇ам̣ нийхарат̇а, бханд̇з’’д̇и ааха. т̇зро бад̇д̇ам̣ нийхарид̇ваа убад̣дхабхад̇д̇з д̣̇иннз бад̇д̇ам̣ бид̣̇ахи. убаасаго ааха – ‘‘аяам̣, бханд̇з, згассзва бадивисо, на саггаа маяаа ид̇о бхун̃ж̇ид̇ум̣. д̇умхаагам̣язва мз ад̇т̇ааяа имам̣ бариязсид̇ваа лад̣̇д̇хам̣, г̇ан̣хат̇а нам̣ мам̣ анугамбам̣ убаад̣̇ааяаа’’д̇и. т̇зро ‘‘ад̇т̇и зд̇т̇а гааран̣а’’нд̇и г̇ахзд̇ваа саб̣б̣ам̣ барибхун̃ж̇и. убаасаго д̇хамагаран̣зна баанийяам̣ бариссаавзд̇ваа ад̣̇ааси. д̇ад̇о нидтид̇абхад̇д̇агижжз т̇зрз убхоби маг̇г̇ам̣ бадибаж̇ж̇им̣су.

    Tassevaṃ citte uppannamatteyeva eko puṭakabhattaṃ gahetvā taṃ ṭhānaṃ sampatto. Upāsako taṃ disvā, ‘‘bhante, thokaṃ āgamethā’’ti vatvā taṃ upasaṅkamitvā āha – ‘‘kahāpaṇaṃ te, bho purisa, dammi, taṃ me puṭakabhattaṃ dehī’’ti. So cintesi – ‘‘imaṃ bhattaṃ imasmiṃ kāle māsakampi na agghati, ayañca mayhaṃ ekavāreneva kahāpaṇaṃ deti, bhavissatettha kāraṇa’’nti cintetvā ‘‘nāhaṃ kahāpaṇena demī’’ti āha. Evaṃ sante dve gaṇha, tīṇi gaṇhāti iminā niyāmena sabbepi te kahāpaṇe dātukāmo jāto. Itaro ‘‘aññepissa atthī’’ti saññāya ‘‘na demi’’cceva āha. Atha naṃ so āha – ‘‘sace me, bho, aññepi assu, tepi dadeyyaṃ. Na kho panāhaṃ attano atthāya gaṇhāmi, etasmiṃ me rukkhamūle eko ayyo nisīdāpito, tuyhampi kusalaṃ bhavissati, dehi me bhatta’’nti. Tena hi, bho, gaṇha, āhara te kahāpaṇeti kahāpaṇe gahetvā puṭakabhattaṃ adāsi. Upāsako bhattaṃ gahetvā hatthe dhovitvā theraṃ upasaṅkamitvā ‘‘pattaṃ nīharatha, bhante’’ti āha. Thero pattaṃ nīharitvā upaḍḍhabhatte dinne pattaṃ pidahi. Upāsako āha – ‘‘ayaṃ, bhante, ekasseva paṭiviso, na sakkā mayā ito bhuñjituṃ. Tumhākaṃyeva me atthāya imaṃ pariyesitvā laddhaṃ, gaṇhatha naṃ maṃ anukampaṃ upādāyā’’ti. Thero ‘‘atthi ettha kāraṇa’’nti gahetvā sabbaṃ paribhuñji. Upāsako dhamakaraṇena pānīyaṃ parissāvetvā adāsi. Tato niṭṭhitabhattakicce there ubhopi maggaṃ paṭipajjiṃsu.

    т̇зро убаасагам̣ бужчи – ‘‘гзна гааран̣зна д̇вам̣ на бхун̃ж̇асий’’д̇и. со ад̇д̇ано г̇аманааг̇аманавид̇хаанам̣ саб̣б̣ам̣ гат̇зси. т̇зро д̇ам̣ суд̇ваа сам̣взг̇аббад̇д̇о жинд̇зси – ‘‘д̣̇уггарам̣ убаасагзна гад̇ам̣, маяаа бана зваруубам̣ бин̣д̣абаад̇ам̣ барибхун̃ж̇ид̇ваа зд̇асса гад̇ан̃н̃унаа бхавид̇аб̣б̣ам̣. саббааяасзнаасанам̣ лабхид̇ваа д̇ад̇т̇зва чавимам̣салохид̇зсу сугканд̇зсуби нисиннабаллан̇гзнзва арахад̇д̇ам̣ аббад̇ваа на удтахиссаамий’’д̇и. со д̇иссамахаавихаарам̣ г̇анд̇ваа ааг̇анд̇угавад̇д̇ам̣ гад̇ваа ад̇д̇ано бад̇д̇асзнаасанам̣ бависид̇ваа бажжад̇т̇аран̣ам̣ ад̇т̇арид̇ваа д̇ад̇т̇а нисинно ад̇д̇ано муулагаммадтаанамзва г̇ан̣хи. со д̇ааяа рад̇д̇ияаа обхаасамад̇д̇амби ниб̣б̣ад̇д̇зд̇ум̣ наасагки. бунад̣̇ивасад̇о бадтааяа бхигкаажаарабалиб̣од̇хам̣ чинд̣̇ид̇ваа д̇ад̣̇зва гаммадтаанам̣ ануломабадиломам̣ вибасси. зд̇знубааязна вибассанд̇о сад̇д̇амз арун̣з саха бадисамбхид̣̇аахи арахад̇д̇ам̣ бад̇ваа жинд̇зси – ‘‘ад̇ивияа мз гиланд̇ам̣ сарийрам̣, гим̣ ну ко мз ж̇ийвид̇ам̣ жирам̣ бавад̇д̇иссад̇и, на бавад̇д̇иссад̇ий’’д̇и. ат̇асса аббавад̇д̇анабхаавам̣ д̣̇исваа сзнаасанам̣ бадисаамзд̇ваа бад̇д̇ажийварамаад̣̇ааяа вихаарамаж̇жхам̣ г̇анд̇ваа бхзрим̣ бахараабзд̇ваа бхигкусан̇гхам̣ саннибаад̇зси.

    Thero upāsakaṃ pucchi – ‘‘kena kāraṇena tvaṃ na bhuñjasī’’ti. So attano gamanāgamanavidhānaṃ sabbaṃ kathesi. Thero taṃ sutvā saṃvegappatto cintesi – ‘‘dukkaraṃ upāsakena kataṃ, mayā pana evarūpaṃ piṇḍapātaṃ paribhuñjitvā etassa kataññunā bhavitabbaṃ. Sappāyasenāsanaṃ labhitvā tattheva chavimaṃsalohitesu sukkhantesupi nisinnapallaṅkeneva arahattaṃ appatvā na uṭṭhahissāmī’’ti. So tissamahāvihāraṃ gantvā āgantukavattaṃ katvā attano pattasenāsanaṃ pavisitvā paccattharaṇaṃ attharitvā tattha nisinno attano mūlakammaṭṭhānameva gaṇhi. So tāya rattiyā obhāsamattampi nibbattetuṃ nāsakkhi. Punadivasato paṭṭhāya bhikkhācārapalibodhaṃ chinditvā tadeva kammaṭṭhānaṃ anulomapaṭilomaṃ vipassi. Etenupāyena vipassanto sattame aruṇe saha paṭisambhidāhi arahattaṃ patvā cintesi – ‘‘ativiya me kilantaṃ sarīraṃ, kiṃ nu kho me jīvitaṃ ciraṃ pavattissati, na pavattissatī’’ti. Athassa appavattanabhāvaṃ disvā senāsanaṃ paṭisāmetvā pattacīvaramādāya vihāramajjhaṃ gantvā bheriṃ paharāpetvā bhikkhusaṅghaṃ sannipātesi.

    сан̇гхад̇т̇зро ‘‘гзна бхигкунаасан̇гхо саннибаад̇ид̇о’’д̇и бужчи. маяаа, бханд̇зд̇и. гимад̇т̇ам̣ саббурисаад̇и. бханд̇з, ан̃н̃ам̣ гаммам̣ над̇т̇и, язсам̣ бана маг̇г̇з ваа палз ваа ган̇каа ад̇т̇и, д̇з мам̣ бужчанд̇ууд̇и. саббуриса д̇аад̣̇исаа наама бхигкуу асанд̇ам̣ г̇ун̣ам̣ на гат̇знд̇и, амхаагам̣ зд̇т̇а ган̇каа над̇т̇и. гим̣ бана д̇з сам̣взг̇агааран̣ам̣ ахоси, гим̣ бажжаяам̣ гад̇ваа арахад̇д̇ам̣ ниб̣б̣ад̇д̇анд̇и. бханд̇з, имасмим̣ махааг̇аамз валлияавийт̇ияам̣ д̣̇аарубхан̣д̣агамахаад̇иссо наама убаасаго ад̇д̇ано д̇хийд̇арам̣ б̣ахи табзд̇ваа д̣̇ваад̣̇аса гахаабан̣з г̇ан̣хид̇ваа д̇зхи згам̣ кийрад̇хзнум̣ г̇ахзд̇ваа сан̇гхасса кийрабхад̇д̇асалаагам̣ бадтабзси, со ‘‘д̇хийд̇арам̣ можзссаамий’’д̇и ча маасз яанд̇асаалааяа бхад̇им̣ гад̇ваа д̣̇ваад̣̇аса гахаабан̣з лабхид̇ваа ‘‘д̇хийд̇арам̣ можзссаамий’’д̇и ад̇д̇ано г̇зхам̣ г̇ажчанд̇о анд̇араамаг̇г̇з мам̣ д̣̇исваа бхигкаажааравзлааяа саб̣б̣зби д̇з гахаабан̣з д̣̇ад̇ваа будагабхад̇д̇ам̣ г̇ан̣хид̇ваа саб̣б̣ам̣ маяхам̣ ад̣̇ааси. ахам̣ д̇ам̣ бин̣д̣абаад̇ам̣ барибхун̃ж̇ид̇ваа ид̇хааг̇анд̇ваа саббааяасзнаасанам̣ лабхид̇ваа ‘‘бин̣д̣аабажааяанагаммам̣ гариссаамий’’д̇и висзсам̣ ниб̣б̣ад̇д̇зсим̣, бханд̇зд̇и. д̇ам̣ таанам̣ самбад̇д̇аа жад̇ассоби барисаа т̇зрасса саад̇хугаарам̣ ад̣̇ам̣су. сагабхаавзна сан̣таад̇ум̣ самад̇т̇о наама наахоси. т̇зро сан̇гхамаж̇жхз нисийд̣̇ид̇ваа гат̇знд̇о гат̇знд̇ова ‘‘маяхам̣ гуудааг̇аарам̣ д̣̇аарубхан̣д̣агамахаад̇иссасса хад̇т̇зна пудтагаалзязва жалад̇уу’’д̇и ад̇хидтааяа анубаад̣̇исзсааяа ниб̣б̣аанад̇хаад̇уяаа бариниб̣б̣ааяи.

    Saṅghatthero ‘‘kena bhikkhunāsaṅgho sannipātito’’ti pucchi. Mayā, bhanteti. Kimatthaṃ sappurisāti. Bhante, aññaṃ kammaṃ natthi, yesaṃ pana magge vā phale vā kaṅkhā atthi, te maṃ pucchantūti. Sappurisa tādisā nāma bhikkhū asantaṃ guṇaṃ na kathenti, amhākaṃ ettha kaṅkhā natthi. Kiṃ pana te saṃvegakāraṇaṃ ahosi, kiṃ paccayaṃ katvā arahattaṃ nibbattanti. Bhante, imasmiṃ mahāgāme valliyavīthiyaṃ dārubhaṇḍakamahātisso nāma upāsako attano dhītaraṃ bahi ṭhapetvā dvādasa kahāpaṇe gaṇhitvā tehi ekaṃ khīradhenuṃ gahetvā saṅghassa khīrabhattasalākaṃ paṭṭhapesi, so ‘‘dhītaraṃ mocessāmī’’ti cha māse yantasālāya bhatiṃ katvā dvādasa kahāpaṇe labhitvā ‘‘dhītaraṃ mocessāmī’’ti attano gehaṃ gacchanto antarāmagge maṃ disvā bhikkhācāravelāya sabbepi te kahāpaṇe datvā puṭakabhattaṃ gaṇhitvā sabbaṃ mayhaṃ adāsi. Ahaṃ taṃ piṇḍapātaṃ paribhuñjitvā idhāgantvā sappāyasenāsanaṃ labhitvā ‘‘piṇḍāpacāyanakammaṃ karissāmī’’ti visesaṃ nibbattesiṃ, bhanteti. Taṃ ṭhānaṃ sampattā catassopi parisā therassa sādhukāraṃ adaṃsu. Sakabhāvena saṇṭhātuṃ samattho nāma nāhosi. Thero saṅghamajjhe nisīditvā kathento kathentova ‘‘mayhaṃ kūṭāgāraṃ dārubhaṇḍakamahātissassa hatthena phuṭṭhakāleyeva calatū’’ti adhiṭṭhāya anupādisesāya nibbānadhātuyā parinibbāyi.

    гаагаван̣н̣ад̇иссамахаарааж̇аа ‘‘зго гира т̇зро бариниб̣б̣уд̇о’’д̇и суд̇ваа вихаарам̣ г̇анд̇ваа саггаарасаммаанам̣ гад̇ваа гуудааг̇аарам̣ саж̇ж̇зд̇ваа т̇зрам̣ д̇ад̇т̇а ааробзд̇ваа ‘‘ид̣̇аани жид̇агадтаанам̣ г̇амиссаамаа’’д̇и угкибанд̇о жаалзд̇ум̣ наасагки. рааж̇аа бхигкусан̇гхам̣ бужчи – ‘‘ад̇т̇и, бханд̇з, т̇зрзна гин̃жи гат̇ид̇а’’нд̇и. бхигкуу т̇зрзна гат̇ид̇авид̇хаанам̣ аажигким̣су. рааж̇аа д̇ам̣ убаасагам̣ баггосаабзд̇ваа ‘‘д̇аяаа ид̇о сад̇д̇ад̣̇ивасамад̇т̇агз гассажи маг̇г̇абадибаннасса бхигкуно будагабхад̇д̇ам̣ д̣̇инна’’нд̇и бужчи. аама, д̣̇зваад̇и. гзна д̇з нияаамзна д̣̇иннанд̇и? со д̇ам̣ гааран̣ам̣ саб̣б̣ам̣ аарожзси. ат̇а нам̣ рааж̇аа т̇зрасса гуудааг̇аарадтаанам̣ бзсзси – ‘‘г̇ажча д̇ам̣ т̇зрам̣ сан̃ж̇аана, со ваа ан̃н̃о ваа’’д̇и. со г̇анд̇ваа саан̣им̣ угкибид̇ваа т̇зрасса мукам̣ д̣̇исваа сан̃ж̇аанид̇ваа д̣̇вийхи хад̇т̇зхи хад̣̇аяам̣ санд̇хаарзнд̇о ран̃н̃о санд̇игам̣ г̇анд̇ваа, ‘‘д̣̇зва, маяхам̣ аяяо’’д̇и ааха. ат̇асса рааж̇аа махаабасаад̇ханам̣ д̣̇аабзси. д̇ам̣ басаад̇хзд̇ваа ааг̇ад̇ам̣ ‘‘г̇ажча бхаад̇ига махаад̇исса маяхам̣, аяяаад̇и вад̇ваа гуудааг̇аарам̣ угкибаа’’д̇и ааха. убаасаго ‘‘саад̇ху, д̣̇зваа’’д̇и г̇анд̇ваа т̇зрасса баад̣̇з ванд̣̇ид̇ваа убхохи хад̇т̇зхи угкибид̇ваа ад̇д̇ано мад̇т̇агз агааси. д̇асмим̣язва кан̣з гуудааг̇аарам̣ аагаасз уббад̇ид̇ваа жид̇агамад̇т̇агз бад̇идтааси. д̇асмим̣ гаалз жид̇агасса жад̇уухиби ган̣н̣зхи саяамзва аг̇г̇иж̇аалаа удтахим̣сууд̇и.

    Kākavaṇṇatissamahārājā ‘‘eko kira thero parinibbuto’’ti sutvā vihāraṃ gantvā sakkārasammānaṃ katvā kūṭāgāraṃ sajjetvā theraṃ tattha āropetvā ‘‘idāni citakaṭṭhānaṃ gamissāmā’’ti ukkhipanto cāletuṃ nāsakkhi. Rājā bhikkhusaṅghaṃ pucchi – ‘‘atthi, bhante, therena kiñci kathita’’nti. Bhikkhū therena kathitavidhānaṃ ācikkhiṃsu. Rājā taṃ upāsakaṃ pakkosāpetvā ‘‘tayā ito sattadivasamatthake kassaci maggapaṭipannassa bhikkhuno puṭakabhattaṃ dinna’’nti pucchi. Āma, devāti. Kena te niyāmena dinnanti? So taṃ kāraṇaṃ sabbaṃ ārocesi. Atha naṃ rājā therassa kūṭāgāraṭṭhānaṃ pesesi – ‘‘gaccha taṃ theraṃ sañjāna, so vā añño vā’’ti. So gantvā sāṇiṃ ukkhipitvā therassa mukhaṃ disvā sañjānitvā dvīhi hatthehi hadayaṃ sandhārento rañño santikaṃ gantvā, ‘‘deva, mayhaṃ ayyo’’ti āha. Athassa rājā mahāpasādhanaṃ dāpesi. Taṃ pasādhetvā āgataṃ ‘‘gaccha bhātika mahātissa mayhaṃ, ayyāti vatvā kūṭāgāraṃ ukkhipā’’ti āha. Upāsako ‘‘sādhu, devā’’ti gantvā therassa pāde vanditvā ubhohi hatthehi ukkhipitvā attano matthake akāsi. Tasmiṃyeva khaṇe kūṭāgāraṃ ākāse uppatitvā citakamatthake patiṭṭhāsi. Tasmiṃ kāle citakassa catūhipi kaṇṇehi sayameva aggijālā uṭṭhahiṃsūti.

    ‘‘маханд̇ам̣ ко банзд̇ам̣ сад̇т̇у д̣̇ааяаж̇ж̇ам̣, яад̣̇ид̣̇ам̣ сад̇д̇а арияад̇ханаани наама, д̇ам̣ на саггаа гусийд̇зна г̇ахзд̇ум̣. яат̇аа хи виббадибаннам̣ буд̇д̇ам̣ маад̇аабид̇аро ‘аяам̣ амхаагам̣ абуд̇д̇о’д̇и бариб̣аахирам̣ гаронд̇и, со д̇зсам̣ ажжаязна д̣̇ааяаж̇ж̇ам̣ на лабхад̇и, звам̣ гусийд̇оби ид̣̇ам̣ арияад̇ханад̣̇ааяаж̇ж̇ам̣ на лабхад̇и, аарад̣̇д̇хавийрияова лабхад̇ий’’д̇и д̣̇ааяаж̇ж̇амахад̇д̇ам̣ бажжавзгкад̇оби уббаж̇ж̇ад̇и.

    ‘‘Mahantaṃ kho panetaṃ satthu dāyajjaṃ, yadidaṃ satta ariyadhanāni nāma, taṃ na sakkā kusītena gahetuṃ. Yathā hi vippaṭipannaṃ puttaṃ mātāpitaro ‘ayaṃ amhākaṃ aputto’ti paribāhiraṃ karonti, so tesaṃ accayena dāyajjaṃ na labhati, evaṃ kusītopi idaṃ ariyadhanadāyajjaṃ na labhati, āraddhavīriyova labhatī’’ti dāyajjamahattaṃ paccavekkhatopi uppajjati.

    ‘‘махаа ко бана д̇з сад̇т̇аа. сад̇т̇уно хи д̇з маад̇угужчимхи бадисанд̇хим̣ г̇ахан̣агаалзби, абхинигкаманзби, абхисамб̣од̇хияамби, д̇хаммажаггаббавад̇д̇анаяамагабаадихаарияад̣̇звороханаааяусан̇кааравоссаж̇ж̇анзсуби, бариниб̣б̣аанагаалзби д̣̇асасахассилогад̇хаад̇у гамбид̇т̇а. яуд̇д̇ам̣ ну д̇з зваруубасса сад̇т̇уно саасанз баб̣б̣аж̇ид̇ваа гусийд̇зна бхавид̇у’’нд̇и звам̣ сад̇т̇умахад̇д̇ам̣ бажжавзгкад̇оби уббаж̇ж̇ад̇и.

    ‘‘Mahā kho pana te satthā. Satthuno hi te mātukucchimhi paṭisandhiṃ gahaṇakālepi, abhinikkhamanepi, abhisambodhiyampi, dhammacakkappavattanayamakapāṭihāriyadevorohanaāyusaṅkhāravossajjanesupi, parinibbānakālepi dasasahassilokadhātu kampittha. Yuttaṃ nu te evarūpassa satthuno sāsane pabbajitvā kusītena bhavitu’’nti evaṃ satthumahattaṃ paccavekkhatopi uppajjati.

    ‘‘ж̇аад̇ияааби д̇вам̣ ид̣̇аани на лаамагаж̇аад̇иго, асамбхиннааяа махаасаммад̇абавзн̣ияаа ааг̇ад̇аоггаагарааж̇авам̣сз ж̇аад̇оси, суд̣̇д̇ход̣̇анамахаарааж̇асса жа махаамааяаад̣̇звияаа жа над̇д̇аа, раахулабхад̣̇д̣̇асса ганидто, д̇аяаа наама зваруубзна ж̇инабуд̇д̇зна худ̇ваа на яуд̇д̇ам̣ гусийд̇зна вихарид̇у’’нд̇и звам̣ ж̇аад̇имахад̇д̇ам̣ бажжавзгкад̇оби уббаж̇ж̇ад̇и.

    ‘‘Jātiyāpi tvaṃ idāni na lāmakajātiko, asambhinnāya mahāsammatapaveṇiyā āgataokkākarājavaṃse jātosi, suddhodanamahārājassa ca mahāmāyādeviyā ca nattā, rāhulabhaddassa kaniṭṭho, tayā nāma evarūpena jinaputtena hutvā na yuttaṃ kusītena viharitu’’nti evaṃ jātimahattaṃ paccavekkhatopi uppajjati.

    ‘‘саарибуд̇д̇амог̇г̇аллаанаа жзва асийд̇и махаасаавагаа жа вийриязнзва логуд̇д̇арад̇хаммам̣ бадивиж̇жхим̣су, д̇вам̣ зд̇зсам̣ саб̣рахмажаарийнам̣ маг̇г̇ам̣ бадибаж̇ж̇аси, на бадибаж̇ж̇асий’’д̇и звам̣ саб̣рахмажааримахад̇д̇ам̣ бажжавзгкад̇оби уббаж̇ж̇ад̇и.

    ‘‘Sāriputtamoggallānā ceva asīti mahāsāvakā ca vīriyeneva lokuttaradhammaṃ paṭivijjhiṃsu, tvaṃ etesaṃ sabrahmacārīnaṃ maggaṃ paṭipajjasi, na paṭipajjasī’’ti evaṃ sabrahmacārimahattaṃ paccavekkhatopi uppajjati.

    гужчим̣ буурзд̇ваа тид̇ааж̇аг̇арасад̣̇исз виссадтагааяигажзд̇асигавийрияз гусийд̇абуг̇г̇алз бариваж̇ж̇знд̇ассааби, аарад̣̇д̇хавийрияз бахид̇ад̇д̇з буг̇г̇алз сзванд̇ассааби, таананисаж̇ж̇аад̣̇ийсу вирияуббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. д̇асмаа аад̣̇игаммиго гулабуд̇д̇о имзхи згаад̣̇асахи гааран̣зхи вийрияасамб̣ож̇жхан̇г̇ам̣ самудтаабзд̇ваа д̇ад̣̇зва д̇хурам̣ гад̇ваа абхинивзсам̣ бадтабзд̇ваа ануггамзна арахад̇д̇ам̣ г̇ан̣хаад̇и. со яаава арахад̇д̇амаг̇г̇аа вийрияасамб̣ож̇жхан̇г̇ам̣ бхаавзд̇и наама, палз бад̇д̇з бхаавид̇о наама ход̇и.

    Kucchiṃ pūretvā ṭhitaajagarasadise vissaṭṭhakāyikacetasikavīriye kusītapuggale parivajjentassāpi, āraddhavīriye pahitatte puggale sevantassāpi, ṭhānanisajjādīsu viriyuppādanatthaṃ ninnapoṇapabbhāracittassāpi uppajjati. Tasmā ādikammiko kulaputto imehi ekādasahi kāraṇehi vīriyasambojjhaṅgaṃ samuṭṭhāpetvā tadeva dhuraṃ katvā abhinivesaṃ paṭṭhapetvā anukkamena arahattaṃ gaṇhāti. So yāva arahattamaggā vīriyasambojjhaṅgaṃ bhāveti nāma, phale patte bhāvito nāma hoti.

    згаад̣̇аса д̇хаммаа бийд̇исамб̣ож̇жхан̇г̇асса уббаад̣̇ааяа сам̣вад̇д̇анд̇и – б̣уд̣̇д̇хаануссад̇и, д̇хаммасан̇гхасийла^ жааг̇ад̣̇звад̇аануссад̇и убасамаануссад̇и, луукабуг̇г̇алабариваж̇ж̇анад̇аа, синид̣̇д̇хабуг̇г̇аласзванад̇аа, басаад̣̇анийяасуд̇д̇анд̇абажжавзгкан̣ад̇аа, д̇ад̣̇ад̇химуд̇д̇ад̇аад̇и.

    Ekādasa dhammā pītisambojjhaṅgassa uppādāya saṃvattanti – buddhānussati, dhammasaṅghasīla^ cāgadevatānussati upasamānussati, lūkhapuggalaparivajjanatā, siniddhapuggalasevanatā, pasādanīyasuttantapaccavekkhaṇatā, tadadhimuttatāti.

    б̣уд̣̇д̇хаг̇ун̣з ануссаранд̇ассааби хи яаава убажаараа сагаласарийрам̣ парамаано бийд̇исамб̣ож̇жхан̇г̇о уббаж̇ж̇ад̇и, д̇хаммасан̇гхаг̇ун̣з ануссаранд̇ассааби, д̣̇ийгхарад̇д̇ам̣ акан̣д̣ам̣ гад̇ваа рагкид̇ам̣ жад̇убаарисуд̣̇д̇хисийлам̣ бажжавзгканд̇ассааби, г̇ихино д̣̇асасийлам̣ бан̃жасийлам̣ бажжавзгканд̇ассааби, д̣̇уб̣бхигкабхаяаад̣̇ийсу бан̣ийд̇абхож̇анам̣ саб̣рахмажаарийнам̣ д̣̇ад̇ваа ‘‘звам̣наама ад̣̇амхаа’’д̇и жааг̇ам̣ бажжавзгканд̇ассааби, г̇ихиноби зваруубз гаалз сийлаванд̇аанам̣ д̣̇иннад̣̇аанам̣ бажжавзгканд̇ассааби, язхи г̇ун̣зхи саманнааг̇ад̇аа д̣̇звад̇д̇ам̣ бад̇д̇аа, д̇ат̇ааруубаанам̣ г̇ун̣аанам̣ ад̇д̇ани ад̇т̇ид̇ам̣ бажжавзгканд̇ассааби, самаабад̇д̇ияаа вигкамбхид̇з гилзсаа садтиби сад̇д̇ад̇иби вассаани на самуд̣̇аажаранд̇ийд̇и бажжавзгканд̇ассааби, жзд̇ияад̣̇ассанаб̣од̇хид̣̇ассанат̇зрад̣̇ассанзсу асаггажжагирияааяа сам̣суужид̇алуукабхаавз б̣уд̣̇д̇хаад̣̇ийсу басаад̣̇асинзхаабхаавзна г̇ад̣̇рабхабидтз раж̇асад̣̇исз луукабуг̇г̇алз бариваж̇ж̇знд̇ассааби, б̣уд̣̇д̇хаад̣̇ийсу басаад̣̇аб̣ахулз муд̣̇ужид̇д̇з синид̣̇д̇хабуг̇г̇алз сзванд̇ассааби, рад̇анад̇д̇аяаг̇ун̣абарид̣̇ийбагз басаад̣̇анийяасуд̇д̇анд̇з бажжавзгканд̇ассааби, таананисаж̇ж̇аад̣̇ийсу бийд̇иуббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. д̇асмаа аад̣̇игаммиго гулабуд̇д̇о имзхи згаад̣̇асахи гааран̣зхи бийд̇исамб̣ож̇жхан̇г̇ам̣ самудтаабзд̇ваа д̇ад̣̇зва д̇хурам̣ гад̇ваа абхинивзсам̣ бадтабзд̇ваа ануггамзна арахад̇д̇ам̣ г̇ан̣хаад̇и. со яаава арахад̇д̇амаг̇г̇аа бийд̇исамб̣ож̇жхан̇г̇ам̣ бхаавзд̇и наама, палз бад̇д̇з бхаавид̇о наама ход̇и.

    Buddhaguṇe anussarantassāpi hi yāva upacārā sakalasarīraṃ pharamāno pītisambojjhaṅgo uppajjati, dhammasaṅghaguṇe anussarantassāpi, dīgharattaṃ akhaṇḍaṃ katvā rakkhitaṃ catupārisuddhisīlaṃ paccavekkhantassāpi, gihino dasasīlaṃ pañcasīlaṃ paccavekkhantassāpi, dubbhikkhabhayādīsu paṇītabhojanaṃ sabrahmacārīnaṃ datvā ‘‘evaṃnāma adamhā’’ti cāgaṃ paccavekkhantassāpi, gihinopi evarūpe kāle sīlavantānaṃ dinnadānaṃ paccavekkhantassāpi, yehi guṇehi samannāgatā devattaṃ pattā, tathārūpānaṃ guṇānaṃ attani atthitaṃ paccavekkhantassāpi, samāpattiyā vikkhambhite kilesā saṭṭhipi sattatipi vassāni na samudācarantīti paccavekkhantassāpi, cetiyadassanabodhidassanatheradassanesu asakkaccakiriyāya saṃsūcitalūkhabhāve buddhādīsu pasādasinehābhāvena gadrabhapiṭṭhe rajasadise lūkhapuggale parivajjentassāpi, buddhādīsu pasādabahule muducitte siniddhapuggale sevantassāpi, ratanattayaguṇaparidīpake pasādanīyasuttante paccavekkhantassāpi, ṭhānanisajjādīsu pītiuppādanatthaṃ ninnapoṇapabbhāracittassāpi uppajjati. Tasmā ādikammiko kulaputto imehi ekādasahi kāraṇehi pītisambojjhaṅgaṃ samuṭṭhāpetvā tadeva dhuraṃ katvā abhinivesaṃ paṭṭhapetvā anukkamena arahattaṃ gaṇhāti. So yāva arahattamaggā pītisambojjhaṅgaṃ bhāveti nāma, phale patte bhāvito nāma hoti.

    сад̇д̇а д̇хаммаа бассад̣̇д̇хисамб̣ож̇жхан̇г̇асса уббаад̣̇ааяа сам̣вад̇д̇анд̇и – бан̣ийд̇абхож̇анасзванад̇аа, уд̇усукасзванад̇аа, ирияаабат̇асукасзванад̇аа, маж̇жхад̇д̇абаяог̇ад̇аа, саарад̣̇д̇хагааяабуг̇г̇алабариваж̇ж̇анад̇аа, бассад̣̇д̇хагааяабуг̇г̇аласзванад̇аа, д̇ад̣̇ад̇химуд̇д̇ад̇аад̇и.

    Satta dhammā passaddhisambojjhaṅgassa uppādāya saṃvattanti – paṇītabhojanasevanatā, utusukhasevanatā, iriyāpathasukhasevanatā, majjhattapayogatā, sāraddhakāyapuggalaparivajjanatā, passaddhakāyapuggalasevanatā, tadadhimuttatāti.

    бан̣ийд̇ан̃хи синид̣̇д̇хам̣ саббааяабхож̇анам̣ бхун̃ж̇анд̇ассааби, сийд̇ун̣хзсу жа уд̇уусу таанаад̣̇ийсу жа ирияаабат̇зсу саббааяауд̇ун̃жа ирияаабат̇ан̃жа сзванд̇ассааби бассад̣̇д̇хи уббаж̇ж̇ад̇и. яо бана махаабурисаж̇аад̇иго саб̣б̣ауд̇уирияаабат̇агкамо ход̇и, на д̇ам̣ санд̇хааязд̇ам̣ вуд̇д̇ам̣. яасса сабхааг̇ависабхааг̇ад̇аа ад̇т̇и, д̇ассзва висабхааг̇з уд̇уирияаабат̇з важ̇ж̇зд̇ваа сабхааг̇з сзванд̇асса уббаж̇ж̇ад̇и. маж̇жхад̇д̇абаяог̇о вужжад̇и ад̇д̇ано жа барасса жа гаммассагад̇абажжавзгкан̣аа. иминаа маж̇жхад̇д̇абаяог̇зна уббаж̇ж̇ад̇и. яо лзд̣д̣уд̣̇ан̣д̣аад̣̇ийхи барам̣ вихзтаяамаано вижарад̇и, зваруубам̣ саарад̣̇д̇хагааяам̣ буг̇г̇алам̣ бариваж̇ж̇знд̇ассааби, сам̣яад̇абаад̣̇абаан̣им̣ бассад̣̇д̇хагааяам̣ буг̇г̇алам̣ сзванд̇ассааби, таананисаж̇ж̇аад̣̇ийсу бассад̣̇д̇хиуббаад̣̇анад̇т̇ааяа ниннабон̣абаб̣бхааражид̇д̇ассааби уббаж̇ж̇ад̇и. д̇асмаа аад̣̇игаммиго гулабуд̇д̇о имзхи сад̇д̇ахи гааран̣зхи бассад̣̇д̇хисамб̣ож̇жхан̇г̇ам̣ самудтаабзд̇ваа д̇ад̣̇зва д̇хурам̣ гад̇ваа абхинивзсам̣ бадтабзд̇ваа ануггамзна арахад̇д̇ам̣ г̇ан̣хаад̇и. со яаава арахад̇д̇амаг̇г̇аа бассад̣̇д̇хисамб̣ож̇жхан̇г̇ам̣ бхаавзд̇и наама, палз бад̇д̇з бхаавид̇о наама ход̇и.

    Paṇītañhi siniddhaṃ sappāyabhojanaṃ bhuñjantassāpi, sītuṇhesu ca utūsu ṭhānādīsu ca iriyāpathesu sappāyautuñca iriyāpathañca sevantassāpi passaddhi uppajjati. Yo pana mahāpurisajātiko sabbautuiriyāpathakkhamo hoti, na taṃ sandhāyetaṃ vuttaṃ. Yassa sabhāgavisabhāgatā atthi, tasseva visabhāge utuiriyāpathe vajjetvā sabhāge sevantassa uppajjati. Majjhattapayogo vuccati attano ca parassa ca kammassakatapaccavekkhaṇā. Iminā majjhattapayogena uppajjati. Yo leḍḍudaṇḍādīhi paraṃ viheṭhayamāno vicarati, evarūpaṃ sāraddhakāyaṃ puggalaṃ parivajjentassāpi, saṃyatapādapāṇiṃ passaddhakāyaṃ puggalaṃ sevantassāpi, ṭhānanisajjādīsu passaddhiuppādanatthāya ninnapoṇapabbhāracittassāpi uppajjati. Tasmā ādikammiko kulaputto imehi sattahi kāraṇehi passaddhisambojjhaṅgaṃ samuṭṭhāpetvā tadeva dhuraṃ katvā abhinivesaṃ paṭṭhapetvā anukkamena arahattaṃ gaṇhāti. So yāva arahattamaggā passaddhisambojjhaṅgaṃ bhāveti nāma, phale patte bhāvito nāma hoti.

    згаад̣̇аса д̇хаммаа самаад̇хисамб̣ож̇жхан̇г̇асса уббаад̣̇ааяа сам̣вад̇д̇анд̇и – вад̇т̇увисад̣̇агирияад̇аа, инд̣̇рияасамад̇д̇абадибаад̣̇анад̇аа, нимид̇д̇агусалад̇аа, самаяз жид̇д̇асса баг̇г̇ан̣ханад̇аа, самаяз жид̇д̇асса ниг̇г̇ан̣ханад̇аа, самаяз самбахам̣санад̇аа, самаяз аж̇жхубзгканад̇аа, асамаахид̇абуг̇г̇алабариваж̇ж̇анад̇аа, самаахид̇абуг̇г̇аласзванад̇аа, жхаанавимогкабажжавзгкан̣ад̇аа, д̇ад̣̇ад̇химуд̇д̇ад̇аад̇и. д̇ад̇т̇а вад̇т̇увисад̣̇агирияад̇аа жа инд̣̇рияасамад̇д̇абадибаад̣̇анад̇аа жа вуд̇д̇анаязнзва взд̣̇ид̇аб̣б̣аа.

    Ekādasa dhammā samādhisambojjhaṅgassa uppādāya saṃvattanti – vatthuvisadakiriyatā, indriyasamattapaṭipādanatā, nimittakusalatā, samaye cittassa paggaṇhanatā, samaye cittassa niggaṇhanatā, samaye sampahaṃsanatā, samaye ajjhupekkhanatā, asamāhitapuggalaparivajjanatā, samāhitapuggalasevanatā, jhānavimokkhapaccavekkhaṇatā, tadadhimuttatāti. Tattha vatthuvisadakiriyatā ca indriyasamattapaṭipādanatā ca vuttanayeneva veditabbā.

    нимид̇д̇агусалад̇аа наама гасин̣анимид̇д̇асса уг̇г̇ахагусалад̇аа. самаяз жид̇д̇асса баг̇г̇ан̣ханад̇аад̇и яасмим̣ самаяз ад̇исит̇илавийрияад̇аад̣̇ийхи лийнам̣ жид̇д̇ам̣ ход̇и, д̇асмим̣ самаяз д̇хаммавижаяавийрияабийд̇исамб̣ож̇жхан̇г̇асамудтаабанзна д̇асса баг̇г̇ан̣ханам̣. самаяз жид̇д̇асса ниг̇г̇ан̣ханад̇аад̇и яасмим̣ самаяз ажжаарад̣̇д̇хавийрияад̇аад̣̇ийхи уд̣̇д̇хад̇ам̣ жид̇д̇ам̣ ход̇и, д̇асмим̣ самаяз бассад̣̇д̇хисамаад̇хиубзгкаасамб̣ож̇жхан̇г̇асамудтаабанзна д̇асса ниг̇г̇ан̣ханам̣. самаяз самбахам̣санад̇аад̇и яасмим̣ самаяз жид̇д̇ам̣ бан̃н̃аабаяог̇аманд̣̇ад̇ааяа ваа убасамасукаанад̇хиг̇амзна ваа нирассаад̣̇ам̣ ход̇и, д̇асмим̣ самаяз адтасам̣взг̇авад̇т̇убажжавзгкан̣зна сам̣взж̇зд̇и. адта сам̣взг̇авад̇т̇ууни наама – ж̇аад̇иж̇арааб̣яаад̇химаран̣аани жад̇д̇аари, абааяад̣̇угкам̣ бан̃жамам̣, ад̇ийд̇з ваддамуулагам̣ д̣̇угкам̣, анааг̇ад̇з ваддамуулагам̣ д̣̇угкам̣, бажжуббаннз аахаарабарияздтимуулагам̣ д̣̇угканд̇и. рад̇анад̇д̇аяаг̇ун̣аануссаран̣зна жа басаад̣̇ам̣ ж̇анзд̇и. аяам̣ вужжад̇и ‘‘самаяз самбахам̣санад̇аа’’д̇и.

    Nimittakusalatā nāma kasiṇanimittassa uggahakusalatā. Samaye cittassa paggaṇhanatāti yasmiṃ samaye atisithilavīriyatādīhi līnaṃ cittaṃ hoti, tasmiṃ samaye dhammavicayavīriyapītisambojjhaṅgasamuṭṭhāpanena tassa paggaṇhanaṃ. Samaye cittassa niggaṇhanatāti yasmiṃ samaye accāraddhavīriyatādīhi uddhataṃ cittaṃ hoti, tasmiṃ samaye passaddhisamādhiupekkhāsambojjhaṅgasamuṭṭhāpanena tassa niggaṇhanaṃ. Samaye sampahaṃsanatāti yasmiṃ samaye cittaṃ paññāpayogamandatāya vā upasamasukhānadhigamena vā nirassādaṃ hoti, tasmiṃ samaye aṭṭhasaṃvegavatthupaccavekkhaṇena saṃvejeti. Aṭṭha saṃvegavatthūni nāma – jātijarābyādhimaraṇāni cattāri, apāyadukkhaṃ pañcamaṃ, atīte vaṭṭamūlakaṃ dukkhaṃ, anāgate vaṭṭamūlakaṃ dukkhaṃ, paccuppanne āhārapariyeṭṭhimūlakaṃ dukkhanti. Ratanattayaguṇānussaraṇena ca pasādaṃ janeti. Ayaṃ vuccati ‘‘samaye sampahaṃsanatā’’ti.

    самаяз аж̇жхубзгканад̇аа наама яасмим̣ самаяз саммаабадибад̇д̇им̣ ааг̇амма алийнам̣ ануд̣̇д̇хад̇ам̣ анирассаад̣̇ам̣ аарамман̣з самаббавад̇д̇ам̣ самат̇авийт̇ибадибаннам̣ жид̇д̇ам̣ ход̇и, д̇ад̣̇аасса баг̇г̇аханиг̇г̇ахасамбахам̣санзсу на б̣яаабаарам̣ аабаж̇ж̇ад̇и саарат̇и вияа самаббавад̇д̇зсу ассзсу. аяам̣ вужжад̇и ‘‘самаяз аж̇жхубзгканад̇аа’’д̇и. асамаахид̇абуг̇г̇алабариваж̇ж̇анад̇аа наама убажаарам̣ ваа аббанам̣ ваа аббад̇д̇аанам̣ вигкид̇д̇ажид̇д̇аанам̣ буг̇г̇алаанам̣ аарагаа бариваж̇ж̇анам̣. самаахид̇абуг̇г̇аласзванад̇аа наама убажаарзна ваа аббанааяа ваа самаахид̇ажид̇д̇аанам̣ сзванаа бхаж̇анаа баяирубаасанаа. д̇ад̣̇ад̇химуд̇д̇ад̇аа наама таананисаж̇ж̇аад̣̇ийсу самаад̇хиуббаад̣̇анад̇т̇ам̣язва ниннабон̣абаб̣бхааражид̇д̇ад̇аа. зван̃хи бадибаж̇ж̇ад̇о зса уббаж̇ж̇ад̇и. д̇асмаа аад̣̇игаммиго гулабуд̇д̇о имзхи згаад̣̇асахи гааран̣зхи самаад̇хисамб̣ож̇жхан̇г̇ам̣ самудтаабзд̇ваа д̇ад̣̇зва д̇хурам̣ гад̇ваа абхинивзсам̣ бадтабзд̇ваа ануггамзна арахад̇д̇ам̣ г̇ан̣хаад̇и. со яаава арахад̇д̇амаг̇г̇аа самаад̇хисамб̣ож̇жхан̇г̇ам̣ бхаавзд̇и наама, палз бад̇д̇з бхаавид̇о наама ход̇и.

    Samaye ajjhupekkhanatā nāma yasmiṃ samaye sammāpaṭipattiṃ āgamma alīnaṃ anuddhataṃ anirassādaṃ ārammaṇe samappavattaṃ samathavīthipaṭipannaṃ cittaṃ hoti, tadāssa paggahaniggahasampahaṃsanesu na byāpāraṃ āpajjati sārathi viya samappavattesu assesu. Ayaṃ vuccati ‘‘samaye ajjhupekkhanatā’’ti. Asamāhitapuggalaparivajjanatā nāma upacāraṃ vā appanaṃ vā appattānaṃ vikkhittacittānaṃ puggalānaṃ ārakā parivajjanaṃ. Samāhitapuggalasevanatā nāma upacārena vā appanāya vā samāhitacittānaṃ sevanā bhajanā payirupāsanā. Tadadhimuttatā nāma ṭhānanisajjādīsu samādhiuppādanatthaṃyeva ninnapoṇapabbhāracittatā. Evañhi paṭipajjato esa uppajjati. Tasmā ādikammiko kulaputto imehi ekādasahi kāraṇehi samādhisambojjhaṅgaṃ samuṭṭhāpetvā tadeva dhuraṃ katvā abhinivesaṃ paṭṭhapetvā anukkamena arahattaṃ gaṇhāti. So yāva arahattamaggā samādhisambojjhaṅgaṃ bhāveti nāma, phale patte bhāvito nāma hoti.

    бан̃жа д̇хаммаа убзкаасамб̣ож̇жхан̇г̇асса уббаад̣̇ааяа сам̣вад̇д̇анд̇и – сад̇д̇амаж̇жхад̇д̇ад̇аа, сан̇каарамаж̇жхад̇д̇ад̇аа, сад̇д̇асан̇каарагзлааяанабуг̇г̇алабариваж̇ж̇анад̇аа, сад̇д̇асан̇каарамаж̇жхад̇д̇абуг̇г̇аласзванад̇аа д̇ад̣̇ад̇химуд̇д̇ад̇аад̇и. д̇ад̇т̇а д̣̇вийхаагаарзхи сад̇д̇амаж̇жхад̇д̇ад̇ам̣ самудтаабзд̇и ‘‘д̇вам̣ ад̇д̇ано гаммзна ааг̇анд̇ваа ад̇д̇анова гаммзна г̇амиссаси, зсоби ад̇д̇ано гаммзна ааг̇анд̇ваа ад̇д̇анова гаммзна г̇амиссад̇и, д̇вам̣ гам̣ гзлааяасий’’д̇и звам̣ гаммассагад̇абажжавзгкан̣зна жа, ‘‘барамад̇т̇ад̇о сад̇д̇оязва над̇т̇и, со д̇вам̣ гам̣ гзлааяасий’’д̇и звам̣ ниссад̇д̇абажжавзгкан̣зна жаад̇и. д̣̇вийхзваагаарзхи сан̇каарамаж̇жхад̇д̇ад̇ам̣ самудтаабзд̇и ‘‘ид̣̇ам̣ жийварам̣ анубуб̣б̣зна ван̣н̣авигааран̃жзва ж̇ин̣н̣абхааван̃жа убаг̇анд̇ваа баад̣̇абун̃чанажол̣агам̣ худ̇ваа яадтигодияаа чад̣д̣анийяам̣ бхависсад̇и, сажз банасса саамиго бхавзяяа, наасса звам̣ винассид̇ум̣ д̣̇ад̣̇зяяаа’’д̇и звам̣ ассаамигабхаавабажжавзгкан̣зна жа, ‘‘анад̣̇д̇ханияам̣ ид̣̇ам̣ д̇аавагаалига’’нд̇и звам̣ д̇аавагаалигабхаавабажжавзгкан̣зна жаад̇и. яат̇аа жа жийварз, звам̣ бад̇д̇аад̣̇ийсуби яож̇анаа гаад̇аб̣б̣аа.

    Pañca dhammā upekhāsambojjhaṅgassa uppādāya saṃvattanti – sattamajjhattatā, saṅkhāramajjhattatā, sattasaṅkhārakelāyanapuggalaparivajjanatā, sattasaṅkhāramajjhattapuggalasevanatā tadadhimuttatāti. Tattha dvīhākārehi sattamajjhattataṃ samuṭṭhāpeti ‘‘tvaṃ attano kammena āgantvā attanova kammena gamissasi, esopi attano kammena āgantvā attanova kammena gamissati, tvaṃ kaṃ kelāyasī’’ti evaṃ kammassakatapaccavekkhaṇena ca, ‘‘paramatthato sattoyeva natthi, so tvaṃ kaṃ kelāyasī’’ti evaṃ nissattapaccavekkhaṇena cāti. Dvīhevākārehi saṅkhāramajjhattataṃ samuṭṭhāpeti ‘‘idaṃ cīvaraṃ anupubbena vaṇṇavikārañceva jiṇṇabhāvañca upagantvā pādapuñchanacoḷakaṃ hutvā yaṭṭhikoṭiyā chaḍḍanīyaṃ bhavissati, sace panassa sāmiko bhaveyya, nāssa evaṃ vinassituṃ dadeyyā’’ti evaṃ assāmikabhāvapaccavekkhaṇena ca, ‘‘anaddhaniyaṃ idaṃ tāvakālika’’nti evaṃ tāvakālikabhāvapaccavekkhaṇena cāti. Yathā ca cīvare, evaṃ pattādīsupi yojanā kātabbā.

    сад̇д̇асан̇каарагзлааяанабуг̇г̇алабариваж̇ж̇анад̇аад̇и зд̇т̇а яо буг̇г̇ало г̇ихий ваа ад̇д̇ано буд̇д̇ад̇хийд̇аад̣̇игз, баб̣б̣аж̇ид̇о ваа ад̇д̇ано анд̇зваасигасамаанубаж̇жхааяагаад̣̇игз мамааяад̇и, сахад̇т̇знзва нзсам̣ гзсажчзд̣̇анасуужигаммажийварад̇хованараж̇анабад̇д̇абажанаад̣̇ийни гарод̇и, мухуд̇д̇амби абассанд̇о ‘‘асуго сааман̣зро гухим̣, асуго д̣̇ахаро гухи’’нд̇и бханд̇амиг̇о вияа ид̇о жид̇о жа ологзд̇и, ан̃н̃зна гзсажчзд̣̇анаад̣̇ийнам̣ ад̇т̇ааяа ‘‘мухуд̇д̇ам̣ д̇аава асугам̣ бзсзт̇аа’’д̇и яаажияамааноби ‘‘амхзби д̇ам̣ ад̇д̇ано гаммам̣ на гаарзма, д̇умхз нам̣ г̇ахзд̇ваа гиламиссат̇аа’’д̇и на д̣̇зд̇и, аяам̣ сад̇д̇агзлааяано наама. яо бана жийварабад̇д̇ат̇аалагагад̇д̇араяадтиаад̣̇ийни мамааяад̇и, ан̃н̃асса хад̇т̇зна бараамасид̇умби на д̣̇зд̇и, д̇аавагаалигам̣ яаажид̇о ‘‘маяамби имам̣ д̇ханааяанд̇аа на барибхун̃ж̇аама, д̇умхаагам̣ гим̣ д̣̇ассаамаа’’д̇и вад̣̇ад̇и, аяам̣ сан̇каарагзлааяано наама.

    Sattasaṅkhārakelāyanapuggalaparivajjanatāti ettha yo puggalo gihī vā attano puttadhītādike, pabbajito vā attano antevāsikasamānupajjhāyakādike mamāyati, sahattheneva nesaṃ kesacchedanasūcikammacīvaradhovanarajanapattapacanādīni karoti, muhuttampi apassanto ‘‘asuko sāmaṇero kuhiṃ, asuko daharo kuhi’’nti bhantamigo viya ito cito ca oloketi, aññena kesacchedanādīnaṃ atthāya ‘‘muhuttaṃ tāva asukaṃ pesethā’’ti yāciyamānopi ‘‘amhepi taṃ attano kammaṃ na kārema, tumhe naṃ gahetvā kilamissathā’’ti na deti, ayaṃ sattakelāyano nāma. Yo pana cīvarapattathālakakattarayaṭṭhiādīni mamāyati, aññassa hatthena parāmasitumpi na deti, tāvakālikaṃ yācito ‘‘mayampi imaṃ dhanāyantā na paribhuñjāma, tumhākaṃ kiṃ dassāmā’’ti vadati, ayaṃ saṅkhārakelāyano nāma.

    яо бана д̇зсу д̣̇вийсуби вад̇т̇уусу маж̇жхад̇д̇о уд̣̇аасино, аяам̣ сад̇д̇асан̇каарамаж̇жхад̇д̇о наама. ид̇и аяам̣ убзгкаасамб̣ож̇жхан̇г̇о зваруубам̣ сад̇д̇асан̇каарагзлааяанабуг̇г̇алам̣ аарагаа бариваж̇ж̇знд̇ассааби, сад̇д̇асан̇каарамаж̇жхад̇д̇абуг̇г̇алам̣ сзванд̇ассааби, таананисаж̇ж̇аад̣̇ийсу д̇ад̣̇уббаад̣̇анад̇т̇ам̣ ниннабон̣абаб̣бхааражид̇д̇ассааби уббаж̇ж̇ад̇и. д̇асмаа аад̣̇игаммиго гулабуд̇д̇о имзхи бан̃жахи гааран̣зхи убзгкаасамб̣ож̇жхан̇г̇ам̣ самудтаабзд̇ваа д̇ад̣̇зва д̇хурам̣ гад̇ваа абхинивзсам̣ бадтабзд̇ваа ануггамзна арахад̇д̇ам̣ г̇ан̣хаад̇и. со яаава арахад̇д̇амаг̇г̇аа убзгкаасамб̣ож̇жхан̇г̇ам̣ бхаавзд̇и наама, палз бад̇д̇з бхаавид̇о наама ход̇и. ид̇и имзби сад̇д̇а б̣ож̇жхан̇г̇аа логияалогуд̇д̇арамиссагаава гат̇ид̇аа.

    Yo pana tesu dvīsupi vatthūsu majjhatto udāsino, ayaṃ sattasaṅkhāramajjhatto nāma. Iti ayaṃ upekkhāsambojjhaṅgo evarūpaṃ sattasaṅkhārakelāyanapuggalaṃ ārakā parivajjentassāpi, sattasaṅkhāramajjhattapuggalaṃ sevantassāpi, ṭhānanisajjādīsu taduppādanatthaṃ ninnapoṇapabbhāracittassāpi uppajjati. Tasmā ādikammiko kulaputto imehi pañcahi kāraṇehi upekkhāsambojjhaṅgaṃ samuṭṭhāpetvā tadeva dhuraṃ katvā abhinivesaṃ paṭṭhapetvā anukkamena arahattaṃ gaṇhāti. So yāva arahattamaggā upekkhāsambojjhaṅgaṃ bhāveti nāma, phale patte bhāvito nāma hoti. Iti imepi satta bojjhaṅgā lokiyalokuttaramissakāva kathitā.

    419. саммаад̣̇идтим̣ бхаавзд̇ийд̇и адтан̇г̇игасса маг̇г̇асса аад̣̇ибхууд̇ам̣ саммаад̣̇идтим̣ б̣руухзд̇и вад̣дхзд̇и. сзсабад̣̇зсуби зсзва наяо. зд̇т̇а бана саммаад̣̇ассаналагкан̣аа саммаад̣̇идти. саммааабхиниробаналагкан̣о саммаасан̇габбо. саммаабариг̇г̇аахалагкан̣аа саммааваажаа. саммаасамудтаабаналагкан̣о саммаагамманд̇о. саммаавод̣̇аабаналагкан̣о саммааааж̇ийво. саммаабаг̇г̇ахалагкан̣о саммаавааяаамо. саммааубадтааналагкан̣аа саммаасад̇и. саммаасамаад̇хааналагкан̣о саммаасамаад̇хи.

    419.Sammādiṭṭhiṃ bhāvetīti aṭṭhaṅgikassa maggassa ādibhūtaṃ sammādiṭṭhiṃ brūheti vaḍḍheti. Sesapadesupi eseva nayo. Ettha pana sammādassanalakkhaṇā sammādiṭṭhi. Sammāabhiniropanalakkhaṇo sammāsaṅkappo. Sammāpariggāhalakkhaṇā sammāvācā. Sammāsamuṭṭhāpanalakkhaṇo sammākammanto. Sammāvodāpanalakkhaṇo sammāājīvo. Sammāpaggahalakkhaṇo sammāvāyāmo. Sammāupaṭṭhānalakkhaṇā sammāsati. Sammāsamādhānalakkhaṇo sammāsamādhi.

    д̇зсу згзгасса д̇ийн̣и д̇ийн̣и гижжаани хонд̇и. сзяяат̇ид̣̇ам̣, саммаад̣̇идти д̇аава ан̃н̃зхиби ад̇д̇ано бажжанийгагилзсзхи сад̣̇д̇хим̣ мижчаад̣̇идтим̣ баж̇ахад̇и, нирод̇хам̣ аарамман̣ам̣ гарод̇и, самбаяуд̇д̇ад̇хаммз жа бассад̇и д̇аббадижчаад̣̇агамохавид̇хаманавасзна асаммохад̇о. саммаасан̇габбаад̣̇аяоби д̇ат̇зва мижчаасан̇габбаад̣̇ийни жа баж̇аханд̇и, нирод̇хан̃жа аарамман̣ам̣ гаронд̇и. висзсад̇о банзд̇т̇а саммаасан̇габбо сахаж̇аад̇ад̇хаммз саммаа абхиниробзд̇и, саммааваажаа саммаа бариг̇г̇ан̣хаад̇и, саммаагамманд̇о саммаа самудтаабзд̇и, саммааааж̇ийво саммаа вод̣̇аабзд̇и, саммаавааяаамо саммаа баг̇г̇ан̣хаад̇и, саммаасад̇и саммаа убадтаад̇и, саммаасамаад̇хи саммаа бад̣̇ахад̇и.

    Tesu ekekassa tīṇi tīṇi kiccāni honti. Seyyathidaṃ, sammādiṭṭhi tāva aññehipi attano paccanīkakilesehi saddhiṃ micchādiṭṭhiṃ pajahati, nirodhaṃ ārammaṇaṃ karoti, sampayuttadhamme ca passati tappaṭicchādakamohavidhamanavasena asammohato. Sammāsaṅkappādayopi tatheva micchāsaṅkappādīni ca pajahanti, nirodhañca ārammaṇaṃ karonti. Visesato panettha sammāsaṅkappo sahajātadhamme sammā abhiniropeti, sammāvācā sammā pariggaṇhāti, sammākammanto sammā samuṭṭhāpeti, sammāājīvo sammā vodāpeti, sammāvāyāmo sammā paggaṇhāti, sammāsati sammā upaṭṭhāti, sammāsamādhi sammā padahati.

    аби жзсаа саммаад̣̇идти наама буб̣б̣абхааг̇з наанаагкан̣аа наанаарамман̣аа ход̇и, маг̇г̇агаалз згагкан̣аа згаарамман̣аа. гижжад̇о бана д̣̇угкз н̃аан̣анд̇иаад̣̇ийни жад̇д̇аари наамаани лабхад̇и. саммаасан̇габбаад̣̇аяоби буб̣б̣абхааг̇з наанагкан̣аа наанаарамман̣аа хонд̇и, маг̇г̇агаалз згагкан̣аа згаарамман̣аа. д̇зсу саммаасан̇габбо гижжад̇о нзгкаммасан̇габбо авихим̣саасан̇габбо аб̣яаабаад̣̇асан̇габбод̇и д̇ийн̣и наамаани лабхад̇и. саммааваажаад̣̇аяо д̇аяо буб̣б̣абхааг̇з вирад̇ияоби хонд̇и жзд̇анааяоби, маг̇г̇агкан̣з бана вирад̇ияова. саммаавааяаамо саммаасад̇ийд̇и ид̣̇амби д̣̇ваяам̣ гижжад̇о саммаббад̇хаанасад̇ибадтаанавасзна жад̇д̇аари наамаани лабхад̇и. саммаасамаад̇хи бана буб̣б̣абхааг̇зби маг̇г̇агкан̣зби саммаасамаад̇хиязва.

    Api cesā sammādiṭṭhi nāma pubbabhāge nānākkhaṇā nānārammaṇā hoti, maggakāle ekakkhaṇā ekārammaṇā. Kiccato pana dukkhe ñāṇantiādīni cattāri nāmāni labhati. Sammāsaṅkappādayopi pubbabhāge nānakkhaṇā nānārammaṇā honti, maggakāle ekakkhaṇā ekārammaṇā. Tesu sammāsaṅkappo kiccato nekkhammasaṅkappo avihiṃsāsaṅkappo abyāpādasaṅkappoti tīṇi nāmāni labhati. Sammāvācādayo tayo pubbabhāge viratiyopi honti cetanāyopi, maggakkhaṇe pana viratiyova. Sammāvāyāmo sammāsatīti idampi dvayaṃ kiccato sammappadhānasatipaṭṭhānavasena cattāri nāmāni labhati. Sammāsamādhi pana pubbabhāgepi maggakkhaṇepi sammāsamādhiyeva.

    ид̇и имзсу адтасу д̇хаммзсу бхаг̇авад̇аа ниб̣б̣аанаад̇хиг̇амааяа бадибаннасса яог̇ино б̣ахугаарад̇д̇аа батамам̣ саммаад̣̇идти д̣̇зсид̇аа. аяан̃хи ‘‘бан̃н̃аабаж̇ж̇од̇о бан̃н̃аасад̇т̇а’’нд̇и (д̇ха. са. 16, 20, 29, 34) жа вуд̇д̇аа. д̇асмаа зд̇ааяа буб̣б̣абхааг̇з вибассанаан̃аан̣асан̇каад̇ааяа саммаад̣̇идтияаа авиж̇ж̇анд̇хагаарам̣ вид̇хамид̇ваа гилзсажорз гхаад̇знд̇о кзмзна яог̇ааважаро ниб̣б̣аанам̣ баабун̣аад̇и. д̇зна вуд̇д̇ам̣ – ‘‘ниб̣б̣аанаад̇хиг̇амааяа бадибаннасса яог̇ино б̣ахугаарад̇д̇аа батамам̣ саммаад̣̇идти д̣̇зсид̇аа’’д̇и.

    Iti imesu aṭṭhasu dhammesu bhagavatā nibbānādhigamāya paṭipannassa yogino bahukārattā paṭhamaṃ sammādiṭṭhi desitā. Ayañhi ‘‘paññāpajjoto paññāsattha’’nti (dha. sa. 16, 20, 29, 34) ca vuttā. Tasmā etāya pubbabhāge vipassanāñāṇasaṅkhātāya sammādiṭṭhiyā avijjandhakāraṃ vidhamitvā kilesacore ghātento khemena yogāvacaro nibbānaṃ pāpuṇāti. Tena vuttaṃ – ‘‘nibbānādhigamāya paṭipannassa yogino bahukārattā paṭhamaṃ sammādiṭṭhi desitā’’ti.

    саммаасан̇габбо бана д̇ассаа б̣ахугааро, д̇асмаа д̇ад̣̇ананд̇арам̣ вуд̇д̇о. яат̇аа хи хзран̃н̃иго хад̇т̇зна баривад̇д̇зд̇ваа баривад̇д̇зд̇ваа жагкунаа гахаабан̣ам̣ ологзнд̇о ‘аяам̣ гуудо, аяам̣ чзго’’д̇и ж̇аанаад̇и , звам̣ яог̇ааважароби буб̣б̣абхааг̇з вид̇аггзна вид̇аггзд̇ваа вид̇аггзд̇ваа вибассанаабан̃н̃ааяа ологаяамаано ‘‘имз д̇хаммаа гаамааважараа, имз д̇хаммаа руубааважараад̣̇аяо’’д̇и ж̇аанаад̇и. яат̇аа ваа бана бурисзна годияам̣ г̇ахзд̇ваа баривад̇д̇зд̇ваа баривад̇д̇зд̇ваа д̣̇иннам̣ махааругкам̣ д̇ажчаго ваасияаа д̇ажчзд̇ваа гаммз убанзд̇и, звам̣ вид̇аггзна вид̇аггзд̇ваа вид̇аггзд̇ваа д̣̇иннад̇хаммз яог̇ааважаро бан̃н̃ааяа ‘‘имз д̇хаммаа гаамааважараа, имз д̇хаммаа руубааважараа’’д̇иаад̣̇инаа наязна барижчинд̣̇ид̇ваа гаммз убанзд̇и. д̇зна вуд̇д̇ам̣ – ‘‘саммаасан̇габбо бана д̇ассаа б̣ахугааро, д̇асмаа д̇ад̣̇ананд̇арам̣ вуд̇д̇о’’д̇и.

    Sammāsaṅkappo pana tassā bahukāro, tasmā tadanantaraṃ vutto. Yathā hi heraññiko hatthena parivattetvā parivattetvā cakkhunā kahāpaṇaṃ olokento ‘ayaṃ kūṭo, ayaṃ cheko’’ti jānāti , evaṃ yogāvacaropi pubbabhāge vitakkena vitakketvā vitakketvā vipassanāpaññāya olokayamāno ‘‘ime dhammā kāmāvacarā, ime dhammā rūpāvacarādayo’’ti jānāti. Yathā vā pana purisena koṭiyaṃ gahetvā parivattetvā parivattetvā dinnaṃ mahārukkhaṃ tacchako vāsiyā tacchetvā kamme upaneti, evaṃ vitakkena vitakketvā vitakketvā dinnadhamme yogāvacaro paññāya ‘‘ime dhammā kāmāvacarā, ime dhammā rūpāvacarā’’tiādinā nayena paricchinditvā kamme upaneti. Tena vuttaṃ – ‘‘sammāsaṅkappo pana tassā bahukāro, tasmā tadanantaraṃ vutto’’ti.

    свааяам̣ яат̇аа саммаад̣̇идтияаа, звам̣ саммааваажааяаби убагаараго. яат̇ааха – ‘‘буб̣б̣з ко, г̇ахабад̇и, вид̇аггзд̇ваа вижаарзд̇ваа бажчаа ваажам̣ бхинд̣̇ад̇ий’’д̇и (ма. ни. 1.463). д̇асмаа д̇ад̣̇ананд̇арам̣ саммааваажаа вуд̇д̇аа.

    Svāyaṃ yathā sammādiṭṭhiyā, evaṃ sammāvācāyapi upakārako. Yathāha – ‘‘pubbe kho, gahapati, vitakketvā vicāretvā pacchā vācaṃ bhindatī’’ti (ma. ni. 1.463). Tasmā tadanantaraṃ sammāvācā vuttā.

    яасмаа бана ид̣̇ан̃жид̣̇ан̃жа гариссаамаад̇и батамам̣ ваажааяа сам̣вид̣̇ахид̇ваа логз гамманд̇з баяож̇знд̇и, д̇асмаа ваажаа гааяагаммасса убагааригаад̇и саммааваажааяа ананд̇арам̣ саммаагамманд̇о вуд̇д̇о.

    Yasmā pana idañcidañca karissāmāti paṭhamaṃ vācāya saṃvidahitvā loke kammante payojenti, tasmā vācā kāyakammassa upakārikāti sammāvācāya anantaraṃ sammākammanto vutto.

    жад̇уб̣б̣ид̇хам̣ бана важийд̣̇ужжарид̇ам̣, д̇ивид̇хам̣ гааяад̣̇ужжарид̇ам̣ бахааяа убхаяасужарид̇ам̣ буурзнд̇ассзва яасмаа ааж̇ийвадтамагасийлам̣ буурзд̇и, на ид̇арасса. д̇асмаа д̇ад̣̇убхаяаананд̇арам̣ саммааааж̇ийво вуд̇д̇о.

    Catubbidhaṃ pana vacīduccaritaṃ, tividhaṃ kāyaduccaritaṃ pahāya ubhayasucaritaṃ pūrentasseva yasmā ājīvaṭṭhamakasīlaṃ pūreti, na itarassa. Tasmā tadubhayānantaraṃ sammāājīvo vutto.

    звам̣ суд̣̇д̇хааж̇ийвзна ‘‘барисуд̣̇д̇хо мз ааж̇ийво’’д̇и зд̇д̇аавад̇аа барид̇осам̣ гад̇ваа суд̇д̇аббамад̇д̇зна вихарид̇ум̣ на яуд̇д̇ам̣, ат̇а ко саб̣б̣аирияаабат̇зсу ид̣̇ам̣ вийрияамаарабхид̇аб̣б̣анд̇и д̣̇ассзд̇ум̣ д̇ад̣̇ананд̇арам̣ саммаавааяаамо вуд̇д̇о.

    Evaṃ suddhājīvena ‘‘parisuddho me ājīvo’’ti ettāvatā paritosaṃ katvā suttappamattena viharituṃ na yuttaṃ, atha kho sabbairiyāpathesu idaṃ vīriyamārabhitabbanti dassetuṃ tadanantaraṃ sammāvāyāmo vutto.

    д̇ад̇о аарад̣̇д̇хавийриязнааби гааяаад̣̇ийсу жад̇уусу вад̇т̇уусу сад̇и суубадтид̇аа гаад̇аб̣б̣аад̇и д̣̇ассанад̇т̇ам̣ д̇ад̣̇ананд̇арам̣ саммаасад̇и д̣̇зсид̇аа.

    Tato āraddhavīriyenāpi kāyādīsu catūsu vatthūsu sati sūpaṭṭhitā kātabbāti dassanatthaṃ tadanantaraṃ sammāsati desitā.

    яасмаа бана звам̣ суубадтид̇аа сад̇и самаад̇хисса убагаараанубагаараанам̣ д̇хаммаанам̣ г̇ад̇ияо саманвзсид̇ваа баход̇и згад̇д̇аарамман̣з жид̇д̇ам̣ самаад̇хзд̇ум̣, д̇асмаа саммаасад̇ияаа ананд̇арам̣ саммаасамаад̇хи д̣̇зсид̇од̇и взд̣̇ид̇аб̣б̣о. ид̇и аяамби адтан̇г̇иго маг̇г̇о логияалогуд̇д̇арамиссагова гат̇ид̇о.

    Yasmā pana evaṃ sūpaṭṭhitā sati samādhissa upakārānupakārānaṃ dhammānaṃ gatiyo samanvesitvā pahoti ekattārammaṇe cittaṃ samādhetuṃ, tasmā sammāsatiyā anantaraṃ sammāsamādhi desitoti veditabbo. Iti ayampi aṭṭhaṅgiko maggo lokiyalokuttaramissakova kathito.

    427. аж̇жхад̇д̇ам̣ руубасан̃н̃ийд̇иаад̣̇ийсу аж̇жхад̇д̇аруубз баригаммавасзна аж̇жхад̇д̇ам̣ руубасан̃н̃ий наама ход̇и. аж̇жхад̇д̇ан̃хи нийлабаригаммам̣ гаронд̇о гзсз ваа бид̇д̇з ваа агкид̇аарагааяа ваа гарод̇и, бийд̇абаригаммам̣ гаронд̇о мзд̣̇з ваа чавияаа ваа хад̇т̇абаад̣̇ад̇алзсу ваа агкийнам̣ бийд̇агадтаанз ваа гарод̇и, лохид̇абаригаммам̣ гаронд̇о мам̣сз ваа лохид̇з ваа ж̇ивхааяа ваа агкийнам̣ рад̇д̇адтаанз ваа гарод̇и, од̣̇аад̇абаригаммам̣ гаронд̇о адтимхи ваа д̣̇анд̇з ваа накз ваа агкийнам̣ сзд̇адтаанз ваа гарод̇и. д̇ам̣ бана сунийлам̣ субийд̇ам̣ сулохид̇агам̣ суод̣̇аад̇агам̣ на ход̇и, ависуд̣̇д̇хамзва ход̇и.

    427.Ajjhattaṃ rūpasaññītiādīsu ajjhattarūpe parikammavasena ajjhattaṃ rūpasaññī nāma hoti. Ajjhattañhi nīlaparikammaṃ karonto kese vā pitte vā akkhitārakāya vā karoti, pītaparikammaṃ karonto mede vā chaviyā vā hatthapādatalesu vā akkhīnaṃ pītakaṭṭhāne vā karoti, lohitaparikammaṃ karonto maṃse vā lohite vā jivhāya vā akkhīnaṃ rattaṭṭhāne vā karoti, odātaparikammaṃ karonto aṭṭhimhi vā dante vā nakhe vā akkhīnaṃ setaṭṭhāne vā karoti. Taṃ pana sunīlaṃ supītaṃ sulohitakaṃ suodātakaṃ na hoti, avisuddhameva hoti.

    зго б̣ахид̣̇д̇хаа руубаани бассад̇ийд̇и яассзвам̣ баригаммам̣ аж̇жхад̇д̇ам̣ уббаннам̣ ход̇и, нимид̇д̇ам̣ бана б̣ахид̣̇д̇хаа. со звам̣ аж̇жхад̇д̇ам̣ баригаммасса б̣ахид̣̇д̇хаа жа аббанааяа васзна ‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇ий’’д̇и вужжад̇и. барид̇д̇аанийд̇и авад̣дхид̇аани. суван̣н̣ад̣̇уб̣б̣ан̣н̣аанийд̇и суван̣н̣аани ваа хонд̇и д̣̇уб̣б̣ан̣н̣аани ваа, барид̇д̇авасзнзва ид̣̇ам̣ абхибхааяад̇анам̣ вуд̇д̇анд̇и взд̣̇ид̇аб̣б̣ам̣. д̇аани абхибхуяяаад̇и яат̇аа наама самбаннаг̇ахан̣иго гадажчумад̇д̇ам̣ бхад̇д̇ам̣ лабхид̇ваа ‘‘гим̣ зд̇т̇а бхун̃ж̇ид̇аб̣б̣ам̣ ад̇т̇ий’’д̇и сан̇гад̣дхид̇ваа згагаб̣аламзва гарод̇и, звамзва н̃аан̣уд̇д̇ариго буг̇г̇ало висад̣̇ан̃аан̣о ‘‘гим̣ зд̇т̇а барид̇д̇агз аарамман̣з самаабаж̇ж̇ид̇аб̣б̣ам̣ ад̇т̇и, нааяам̣ мама бхааро’’д̇и д̇аани руубаани абхибхавид̇ваа самаабаж̇ж̇ад̇и, саха нимид̇д̇уббаад̣̇знзвзд̇т̇а аббанам̣ баабзд̇ийд̇и ад̇т̇о. ж̇аанаами бассаамийд̇и иминаа банасса аабхог̇о гат̇ид̇о. со жа ко самаабад̇д̇ид̇о вудтид̇асса, на анд̇осамаабад̇д̇ияам̣. звам̣сан̃н̃ий ход̇ийд̇и аабхог̇асан̃н̃ааяаби жхаанасан̃н̃ааяаби звам̣сан̃н̃ий ход̇и. абхибхавасан̃н̃аа хисса анд̇осамаабад̇д̇ияамби ад̇т̇и, аабхог̇асан̃н̃аа бана самаабад̇д̇ид̇о вудтид̇ассзва.

    Ekobahiddhā rūpāni passatīti yassevaṃ parikammaṃ ajjhattaṃ uppannaṃ hoti, nimittaṃ pana bahiddhā. So evaṃ ajjhattaṃ parikammassa bahiddhā ca appanāya vasena ‘‘ajjhattaṃ rūpasaññī eko bahiddhā rūpāni passatī’’ti vuccati. Parittānīti avaḍḍhitāni. Suvaṇṇadubbaṇṇānīti suvaṇṇāni vā honti dubbaṇṇāni vā, parittavaseneva idaṃ abhibhāyatanaṃ vuttanti veditabbaṃ. Tāni abhibhuyyāti yathā nāma sampannagahaṇiko kaṭacchumattaṃ bhattaṃ labhitvā ‘‘kiṃ ettha bhuñjitabbaṃ atthī’’ti saṅkaḍḍhitvā ekakabalameva karoti, evameva ñāṇuttariko puggalo visadañāṇo ‘‘kiṃ ettha parittake ārammaṇe samāpajjitabbaṃ atthi, nāyaṃ mama bhāro’’ti tāni rūpāni abhibhavitvā samāpajjati, saha nimittuppādenevettha appanaṃ pāpetīti attho. Jānāmipassāmīti iminā panassa ābhogo kathito. So ca kho samāpattito vuṭṭhitassa, na antosamāpattiyaṃ. Evaṃsaññī hotīti ābhogasaññāyapi jhānasaññāyapi evaṃsaññī hoti. Abhibhavasaññā hissa antosamāpattiyampi atthi, ābhogasaññā pana samāpattito vuṭṭhitasseva.

    аббамаан̣аанийд̇и вад̣дхид̇аббамаан̣аани, маханд̇аанийд̇и ад̇т̇о. абхибхуяяаад̇и зд̇т̇а бана яат̇аа махаг̇гхасо бурисо згам̣ бхад̇д̇авад̣дхид̇агам̣ лабхид̇ваа ‘‘ан̃н̃амби ход̇у, гим̣ зд̇ам̣ маяхам̣ гариссад̇ий’’д̇и д̇ам̣ на маханд̇ад̇о бассад̇и, звамзва н̃аан̣уд̇д̇аро буг̇г̇ало висад̣̇ан̃аан̣о ‘‘гим̣ зд̇т̇а самаабаж̇ж̇ид̇аб̣б̣ам̣ , наяид̣̇ам̣ аббамаан̣ам̣, на маяхам̣ жид̇д̇згаг̇г̇ад̇аагаран̣з бхааро ад̇т̇ий’’д̇и д̇аани абхибхавид̇ваа самаабаж̇ж̇ад̇и, саха нимид̇д̇уббаад̣̇знзвзд̇т̇а аббанам̣ баабзд̇ийд̇и ад̇т̇о.

    Appamāṇānīti vaḍḍhitappamāṇāni, mahantānīti attho. Abhibhuyyāti ettha pana yathā mahagghaso puriso ekaṃ bhattavaḍḍhitakaṃ labhitvā ‘‘aññampi hotu, kiṃ etaṃ mayhaṃ karissatī’’ti taṃ na mahantato passati, evameva ñāṇuttaro puggalo visadañāṇo ‘‘kiṃ ettha samāpajjitabbaṃ , nayidaṃ appamāṇaṃ, na mayhaṃ cittekaggatākaraṇe bhāro atthī’’ti tāni abhibhavitvā samāpajjati, saha nimittuppādenevettha appanaṃ pāpetīti attho.

    аж̇жхад̇д̇ам̣ аруубасан̃н̃ийд̇и алаабхид̇ааяа ваа анад̇т̇игад̇ааяа ваа аж̇жхад̇д̇аруубз баригаммасан̃н̃аавирахид̇о.

    Ajjhattaṃ arūpasaññīti alābhitāya vā anatthikatāya vā ajjhattarūpe parikammasaññāvirahito.

    б̣ахид̣̇д̇хаа руубаани бассад̇ийд̇и яасса баригаммамби нимид̇д̇амби б̣ахид̣̇д̇хаава уббаннам̣, со звам̣ б̣ахид̣̇д̇хаа баригаммасса жзва аббанааяа жа васзна ‘‘аж̇жхад̇д̇ам̣ аруубасан̃н̃ий згова б̣ахид̣̇д̇хаа руубаани бассад̇ий’’д̇и вужжад̇и. сзсамзд̇т̇а жад̇уд̇т̇аабхибхааяад̇анз вуд̇д̇анаяамзва. имзсу бана жад̇уусу барид̇д̇ам̣ вид̇аггажарид̇авасзна ааг̇ад̇ам̣, аббамаан̣ам̣ мохажарид̇авасзна, суван̣н̣ам̣ д̣̇осажарид̇авасзна, д̣̇уб̣б̣ан̣н̣ам̣ рааг̇ажарид̇авасзна . зд̇зсан̃хи зд̇аани саббааяаани, саа жа нзсам̣ саббааяад̇аа вид̇т̇аарад̇о висуд̣̇д̇химаг̇г̇з жарияанид̣̇д̣̇зсз вуд̇д̇аа.

    Bahiddhā rūpāni passatīti yassa parikammampi nimittampi bahiddhāva uppannaṃ, so evaṃ bahiddhā parikammassa ceva appanāya ca vasena ‘‘ajjhattaṃ arūpasaññī ekova bahiddhā rūpāni passatī’’ti vuccati. Sesamettha catutthaabhibhāyatane vuttanayameva. Imesu pana catūsu parittaṃ vitakkacaritavasena āgataṃ, appamāṇaṃ mohacaritavasena, suvaṇṇaṃ dosacaritavasena, dubbaṇṇaṃ rāgacaritavasena . Etesañhi etāni sappāyāni, sā ca nesaṃ sappāyatā vitthārato visuddhimagge cariyaniddese vuttā.

    бан̃жамаабхибхааяад̇анаад̣̇ийсу нийлаанийд̇и саб̣б̣асан̇г̇аахагавасзна вуд̇д̇ам̣. нийлаван̣н̣аанийд̇и ван̣н̣авасзна. нийланид̣̇ассанаанийд̇и нид̣̇ассанавасзна, абан̃н̃ааяамаанавивараани асамбхиннаван̣н̣аани зганийлаанзва худ̇ваа д̣̇иссанд̇ийд̇и вуд̇д̇ам̣ ход̇и. нийланибхаасаанийд̇и ид̣̇ам̣ бана обхаасавасзна вуд̇д̇ам̣, нийлобхаасаани нийлаббабхааяуд̇д̇аанийд̇и ад̇т̇о. зд̇зна нзсам̣ сувисуд̣̇д̇хад̇ам̣ д̣̇ассзд̇и. висуд̣̇д̇хаван̣н̣авасзнзва хи имаани жад̇д̇аари абхибхааяад̇анаани вуд̇д̇аани. ‘‘нийлагасин̣ам̣ г̇ан̣ханд̇о нийласмим̣ нимид̇д̇ам̣ г̇ан̣хаад̇и бубпасмим̣ ваа вад̇т̇асмим̣ ваа ван̣н̣ад̇хаад̇уяаа ваа’’д̇иаад̣̇игам̣ банзд̇т̇а гасин̣агаран̣ан̃жа баригамман̃жа аббанаавид̇хаанан̃жа саб̣б̣ам̣ висуд̣̇д̇химаг̇г̇з вид̇т̇аарад̇о вуд̇д̇амзва. имаани бана адта абхибхааяад̇анаж̇жхаанаани ваддааниби хонд̇и ваддабаад̣̇агааниби вибассанаабаад̣̇агааниби д̣̇идтад̇хаммасукавихаарааниби абхин̃н̃аабаад̣̇агааниби нирод̇хабаад̣̇агааниби, логияаанзва бана на логуд̇д̇араанийд̇и взд̣̇ид̇аб̣б̣аани.

    Pañcamaabhibhāyatanādīsu nīlānīti sabbasaṅgāhakavasena vuttaṃ. Nīlavaṇṇānīti vaṇṇavasena. Nīlanidassanānīti nidassanavasena, apaññāyamānavivarāni asambhinnavaṇṇāni ekanīlāneva hutvā dissantīti vuttaṃ hoti. Nīlanibhāsānīti idaṃ pana obhāsavasena vuttaṃ, nīlobhāsāni nīlappabhāyuttānīti attho. Etena nesaṃ suvisuddhataṃ dasseti. Visuddhavaṇṇavaseneva hi imāni cattāri abhibhāyatanāni vuttāni. ‘‘Nīlakasiṇaṃ gaṇhanto nīlasmiṃ nimittaṃ gaṇhāti pupphasmiṃ vā vatthasmiṃ vā vaṇṇadhātuyā vā’’tiādikaṃ panettha kasiṇakaraṇañca parikammañca appanāvidhānañca sabbaṃ visuddhimagge vitthārato vuttameva. Imāni pana aṭṭha abhibhāyatanajjhānāni vaṭṭānipi honti vaṭṭapādakānipi vipassanāpādakānipi diṭṭhadhammasukhavihārānipi abhiññāpādakānipi nirodhapādakānipi, lokiyāneva pana na lokuttarānīti veditabbāni.

    435. руубий руубаани бассад̇ийд̇и зд̇т̇а аж̇жхад̇д̇ам̣ гзсаад̣̇ийсу нийлагасин̣аад̣̇ийсу нийлагасин̣аад̣̇ивасзна уббаад̣̇ид̇ам̣ руубаж̇жхаанам̣ руубам̣, д̇ам̣ асса ад̇т̇ийд̇и руубий. б̣ахид̣̇д̇хаа руубаани бассад̇ийд̇и б̣ахид̣̇д̇хааби нийлагасин̣аад̣̇ийни руубаани жхаанажагкунаа бассад̇и. иминаа аж̇жхад̇д̇аб̣ахид̣̇д̇хаавад̇т̇угзсу гасин̣зсу уббаад̣̇ид̇аж̇жхаанасса буг̇г̇аласса жад̇д̇аариби руубааважараж̇жхаанаани д̣̇ассид̇аани . аж̇жхад̇д̇ам̣ аруубасан̃н̃ийд̇и аж̇жхад̇д̇ам̣ на руубасан̃н̃ий, ад̇д̇ано гзсаад̣̇ийсу ануббаад̣̇ид̇аруубааважараж̇жхаанод̇и ад̇т̇о. иминаа б̣ахид̣̇д̇хаабаригаммам̣ гад̇ваа б̣ахид̣̇д̇хаава уббаад̣̇ид̇аж̇жхаанасса буг̇г̇аласса руубааважараж̇жхаанаани д̣̇ассид̇аани.

    435.Rūpī rūpāni passatīti ettha ajjhattaṃ kesādīsu nīlakasiṇādīsu nīlakasiṇādivasena uppāditaṃ rūpajjhānaṃ rūpaṃ, taṃ assa atthīti rūpī. Bahiddhā rūpāni passatīti bahiddhāpi nīlakasiṇādīni rūpāni jhānacakkhunā passati. Iminā ajjhattabahiddhāvatthukesu kasiṇesu uppāditajjhānassa puggalassa cattāripi rūpāvacarajjhānāni dassitāni . Ajjhattaṃ arūpasaññīti ajjhattaṃ na rūpasaññī, attano kesādīsu anuppāditarūpāvacarajjhānoti attho. Iminā bahiddhāparikammaṃ katvā bahiddhāva uppāditajjhānassa puggalassa rūpāvacarajjhānāni dassitāni.

    субханд̇взва ад̇химуд̇д̇о ход̇ийд̇и иминаа сувисуд̣̇д̇хзсу нийлаад̣̇ийсу ван̣н̣агасин̣зсу жхаанаани д̣̇ассид̇аани. д̇ад̇т̇а гин̃жааби анд̇оаббанааяам̣ субханд̇и аабхог̇о над̇т̇и, яо бана висуд̣̇д̇хам̣ субхам̣ гасин̣аарамман̣ам̣ гад̇ваа вихарад̇и, со яасмаа ‘‘субханд̇и ад̇химуд̇д̇о ход̇ий’’д̇и вад̇д̇аб̣б̣ад̇ам̣ аабаж̇ж̇ад̇и, д̇асмаа звам̣ д̣̇зсанаа гад̇аа. бадисамбхид̣̇аамаг̇г̇з бана ‘‘гат̇ам̣ субханд̇взва ад̇химуд̇д̇о ход̇ийд̇и вимогко – ид̇ха бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и…бз… мзд̇д̇ааяа бхаавид̇ад̇д̇аа сад̇д̇аа аббадиггуулаа хонд̇и. гарун̣аасахаг̇ад̇зна…бз… муд̣̇ид̇аасахаг̇ад̇зна…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и…бз… убзгкааяа бхаавид̇ад̇д̇аа сад̇д̇аа аббадиггуулаа хонд̇и. звам̣ субханд̇взва ад̇химуд̇д̇о ход̇ийд̇и вимогко’’д̇и (бади. ма. 1.212) вуд̇д̇ам̣. саб̣б̣асо руубасан̃н̃аананд̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ висуд̣̇д̇химаг̇г̇з вуд̇д̇амзва.

    Subhantvevaadhimutto hotīti iminā suvisuddhesu nīlādīsu vaṇṇakasiṇesu jhānāni dassitāni. Tattha kiñcāpi antoappanāyaṃ subhanti ābhogo natthi, yo pana visuddhaṃ subhaṃ kasiṇārammaṇaṃ katvā viharati, so yasmā ‘‘subhanti adhimutto hotī’’ti vattabbataṃ āpajjati, tasmā evaṃ desanā katā. Paṭisambhidāmagge pana ‘‘kathaṃ subhantveva adhimutto hotīti vimokkho – idha bhikkhu mettāsahagatena cetasā ekaṃ disaṃ pharitvā viharati…pe… mettāya bhāvitattā sattā appaṭikkūlā honti. Karuṇāsahagatena…pe… muditāsahagatena…pe… upekkhāsahagatena cetasā ekaṃ disaṃ pharitvā viharati…pe… upekkhāya bhāvitattā sattā appaṭikkūlā honti. Evaṃ subhantveva adhimutto hotīti vimokkho’’ti (paṭi. ma. 1.212) vuttaṃ. Sabbaso rūpasaññānantiādīsu yaṃ vattabbaṃ, taṃ sabbaṃ visuddhimagge vuttameva.

    443. бат̇авигасин̣ам̣ бхаавзд̇ийд̇и зд̇т̇а бана сагаладтзна гасин̣ам̣, бат̇ави зва гасин̣ам̣ бат̇авигасин̣ам̣. баригаммабат̇авияааби уг̇г̇аханимид̇д̇ассааби бадибхааг̇анимид̇д̇ассааби д̇ам̣ нимид̇д̇ам̣ аарамман̣ам̣ гад̇ваа уббаннаж̇жхаанассааби зд̇ам̣ ад̇хиважанам̣. ид̇ха бана бат̇авигасин̣аарамман̣ам̣ жхаанам̣ ад̇хиббзд̇ам̣. д̇ам̣ хзса бхаавзд̇и. аабогасин̣аад̣̇ийсуби зсзва наяо.

    443.Pathavikasiṇaṃ bhāvetīti ettha pana sakalaṭṭhena kasiṇaṃ, pathavi eva kasiṇaṃ pathavikasiṇaṃ. Parikammapathaviyāpi uggahanimittassāpi paṭibhāganimittassāpi taṃ nimittaṃ ārammaṇaṃ katvā uppannajjhānassāpi etaṃ adhivacanaṃ. Idha pana pathavikasiṇārammaṇaṃ jhānaṃ adhippetaṃ. Taṃ hesa bhāveti. Āpokasiṇādīsupi eseva nayo.

    имаани бана гасин̣аани бхаавзнд̇зна сийлаани сод̇хзд̇ваа барисуд̣̇д̇хасийлз бад̇идтид̇зна яваасса д̣̇асасу балиб̣од̇хзсу балиб̣од̇хо ад̇т̇и, д̇ам̣ убажчинд̣̇ид̇ваа гаммадтаанад̣̇ааяагам̣ галяаан̣амид̇д̇ам̣ убасан̇гамид̇ваа ад̇д̇ано жарияаанугуулавасзна яам̣ яасса саббааяам̣, д̇ам̣ д̇зна г̇ахзд̇ваа гасин̣абхааванааяа анануруубам̣ вихаарам̣ бахааяа ануруубз вихаранд̇зна куд̣̇д̣̇агабалиб̣од̇хубажчзд̣̇ам̣ гад̇ваа саб̣б̣ам̣ бхааванаавид̇хаанам̣ абарихаабзнд̇зна бхаавзд̇аб̣б̣аани. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з (висуд̣̇д̇хи. 1.38 аад̣̇аяо) вуд̇д̇о. гзвалан̃хи д̇ад̇т̇а вин̃н̃аан̣агасин̣ам̣ нааг̇ад̇ам̣, д̇ам̣ ад̇т̇ад̇о аагаасагасин̣з бавад̇д̇авин̃н̃аан̣ам̣. д̇ан̃жа ко аарамман̣авасзна вуд̇д̇ам̣, на самаабад̇д̇ивасзна. д̇ан̃хи ананд̇ам̣ вин̃н̃аан̣анд̇и аарамман̣ам̣ гад̇ваа зса вин̃н̃аан̣ан̃жааяад̇анасамаабад̇д̇им̣ бхаавзнд̇о вин̃н̃аан̣агасин̣ам̣ бхаавзд̇ийд̇и вужжад̇и. имааниби д̣̇аса гасин̣аани ваддааниби хонд̇и ваддабаад̣̇агааниби вибассанаабаад̣̇агааниби д̣̇идтад̇хаммасукавихаарад̇т̇ааниби абхин̃н̃аабаад̣̇агааниби нирод̇хабаад̣̇агааниби, логияаанзва бана на логуд̇д̇араанийд̇и.

    Imāni pana kasiṇāni bhāventena sīlāni sodhetvā parisuddhasīle patiṭṭhitena yvāssa dasasu palibodhesu palibodho atthi, taṃ upacchinditvā kammaṭṭhānadāyakaṃ kalyāṇamittaṃ upasaṅkamitvā attano cariyānukūlavasena yaṃ yassa sappāyaṃ, taṃ tena gahetvā kasiṇabhāvanāya ananurūpaṃ vihāraṃ pahāya anurūpe viharantena khuddakapalibodhupacchedaṃ katvā sabbaṃ bhāvanāvidhānaṃ aparihāpentena bhāvetabbāni. Ayamettha saṅkhepo, vitthāro pana visuddhimagge (visuddhi. 1.38 ādayo) vutto. Kevalañhi tattha viññāṇakasiṇaṃ nāgataṃ, taṃ atthato ākāsakasiṇe pavattaviññāṇaṃ. Tañca kho ārammaṇavasena vuttaṃ, na samāpattivasena. Tañhi anantaṃ viññāṇanti ārammaṇaṃ katvā esa viññāṇañcāyatanasamāpattiṃ bhāvento viññāṇakasiṇaṃ bhāvetīti vuccati. Imānipi dasa kasiṇāni vaṭṭānipi honti vaṭṭapādakānipi vipassanāpādakānipi diṭṭhadhammasukhavihāratthānipi abhiññāpādakānipi nirodhapādakānipi, lokiyāneva pana na lokuttarānīti.

    453. асубхасан̃н̃ам̣ бхаавзд̇ийд̇и асубхасан̃н̃аа вужжад̇и уд̣̇д̇хумаад̇агаад̣̇ийсу д̣̇асасу аарамман̣зсу уббаннаа батамаж̇жхаанасахаг̇ад̇аа сан̃н̃аа, д̇ам̣ бхаавзд̇и б̣руухзд̇и вад̣дхзд̇и, ануббаннам̣ уббаад̣̇зд̇и, уббаннам̣ анурагкад̇ийд̇и ад̇т̇о. д̣̇асаннам̣ бана асубхаанам̣ бхааванаанаяо саб̣б̣о висуд̣̇д̇химаг̇г̇з (висуд̣̇д̇хи. 1.102 аад̣̇аяо) вид̇т̇аарид̇оязва . маран̣асан̃н̃ам̣ бхаавзд̇ийд̇и саммуд̇имаран̣ам̣, кан̣игамаран̣ам̣, самужчзд̣̇амаран̣анд̇и д̇ивид̇хамби маран̣ам̣ аарамман̣ам̣ гад̇ваа уббаж̇ж̇анагасан̃н̃ам̣ бхаавзд̇и, ануббаннам̣ уббаад̣̇зд̇и, уббаннам̣ анурагкад̇ийд̇и ад̇т̇о. хздтаа вуд̇д̇алагкан̣аа ваа маран̣ассад̇иязва ид̇ха маран̣асан̃н̃аад̇и вуд̇д̇аа, д̇ам̣ бхаавзд̇и уббаад̣̇зд̇и вад̣дхзд̇ийд̇и ад̇т̇о. бхааванаанаяо банассаа висуд̣̇д̇химаг̇г̇з (висуд̣̇д̇хи. 1.167 аад̣̇аяо) вид̇т̇аарид̇оязва. аахаарз бадигууласан̃н̃ам̣ бхаавзд̇ийд̇и асид̇абийд̇аад̣̇ибхзд̣̇з габ̣ал̣ийгаарз аахаарз г̇аманабадигуулаад̣̇ийни нава бадигуулаани бажжавзгканд̇асса уббаж̇ж̇анагасан̃н̃ам̣ бхаавзд̇и, уббаад̣̇зд̇и вад̣дхзд̇ийд̇и ад̇т̇о. д̇ассааби бхааванаанаяо висуд̣̇д̇химаг̇г̇з вид̇т̇аарид̇оязва. саб̣б̣алогз анабхирад̇исан̃н̃ам̣ бхаавзд̇ийд̇и саб̣б̣асмимби д̇зд̇хаад̇угз логз анабхирад̇исан̃н̃ам̣ угган̣тид̇асан̃н̃ам̣ бхаавзд̇ийд̇и ад̇т̇о. анижжасан̃н̃ам̣ бхаавзд̇ийд̇и бан̃жаннам̣ убаад̣̇аанагканд̇хаанам̣ уд̣̇аяаб̣б̣аяан̃н̃ат̇ад̇д̇абариг̇г̇аахигам̣ бан̃жасу канд̇хзсу анижжанд̇и уббаж̇ж̇анагасан̃н̃ам̣ бхаавзд̇и. анижжз д̣̇угкасан̃н̃ам̣ бхаавзд̇ийд̇и анижжз канд̇хабан̃жагз бадибийл̣анасан̇каад̇ад̣̇угкалагкан̣абариг̇г̇аахигам̣ д̣̇угканд̇и уббаж̇ж̇анагасан̃н̃ам̣ бхаавзд̇и. д̣̇угкз анад̇д̇асан̃н̃ам̣ бхаавзд̇ийд̇и бадибийл̣анадтзна д̣̇угкз канд̇хабан̃жагз авасавад̇д̇анаагаарасан̇каад̇аанад̇д̇алагкан̣абариг̇г̇аахигам̣ анад̇д̇аад̇и уббаж̇ж̇анагасан̃н̃ам̣ бхаавзд̇и. бахаанасан̃н̃ам̣ бхаавзд̇ийд̇и бан̃жавид̇хам̣ бахаанам̣ аарамман̣ам̣ гад̇ваа уббаж̇ж̇анагасан̃н̃ам̣ бхаавзд̇и. вирааг̇асан̃н̃ам̣ бхаавзд̇ийд̇и бан̃жавид̇хамзва вирааг̇ам̣ аарамман̣ам̣ гад̇ваа уббаж̇ж̇анагасан̃н̃ам̣ бхаавзд̇и. нирод̇хасан̃н̃ам̣ бхаавзд̇ийд̇и сан̇кааранирод̇хам̣ аарамман̣ам̣ гад̇ваа уббаж̇ж̇анагасан̃н̃ам̣ бхаавзд̇и. ниб̣б̣аанам̣ аарамман̣ам̣ гад̇ваа уббаж̇ж̇анагасан̃н̃анд̇иби вад̣̇анд̇и. зд̇т̇а жа саб̣б̣алогз анабхирад̇асан̃н̃аа, анижжасан̃н̃аа, анижжз д̣̇угкасан̃н̃аад̇и имаахи д̇ийхи сан̃н̃аахи б̣алававибассанаа гат̇ид̇аа. буна анижжасан̃н̃ам̣ бхаавзд̇ийд̇иаад̣̇игаахи д̣̇асахи сан̃н̃аахи вибассанаасамаарамбхова гат̇ид̇о.

    453.Asubhasaññaṃ bhāvetīti asubhasaññā vuccati uddhumātakādīsu dasasu ārammaṇesu uppannā paṭhamajjhānasahagatā saññā, taṃ bhāveti brūheti vaḍḍheti, anuppannaṃ uppādeti, uppannaṃ anurakkhatīti attho. Dasannaṃ pana asubhānaṃ bhāvanānayo sabbo visuddhimagge (visuddhi. 1.102 ādayo) vitthāritoyeva . Maraṇasaññaṃ bhāvetīti sammutimaraṇaṃ, khaṇikamaraṇaṃ, samucchedamaraṇanti tividhampi maraṇaṃ ārammaṇaṃ katvā uppajjanakasaññaṃ bhāveti, anuppannaṃ uppādeti, uppannaṃ anurakkhatīti attho. Heṭṭhā vuttalakkhaṇā vā maraṇassatiyeva idha maraṇasaññāti vuttā, taṃ bhāveti uppādeti vaḍḍhetīti attho. Bhāvanānayo panassā visuddhimagge (visuddhi. 1.167 ādayo) vitthāritoyeva. Āhāre paṭikūlasaññaṃ bhāvetīti asitapītādibhede kabaḷīkāre āhāre gamanapaṭikūlādīni nava paṭikūlāni paccavekkhantassa uppajjanakasaññaṃ bhāveti, uppādeti vaḍḍhetīti attho. Tassāpi bhāvanānayo visuddhimagge vitthāritoyeva. Sabbaloke anabhiratisaññaṃ bhāvetīti sabbasmimpi tedhātuke loke anabhiratisaññaṃ ukkaṇṭhitasaññaṃ bhāvetīti attho. Aniccasaññaṃbhāvetīti pañcannaṃ upādānakkhandhānaṃ udayabbayaññathattapariggāhikaṃ pañcasu khandhesu aniccanti uppajjanakasaññaṃ bhāveti. Anicce dukkhasaññaṃ bhāvetīti anicce khandhapañcake paṭipīḷanasaṅkhātadukkhalakkhaṇapariggāhikaṃ dukkhanti uppajjanakasaññaṃ bhāveti. Dukkhe anattasaññaṃ bhāvetīti paṭipīḷanaṭṭhena dukkhe khandhapañcake avasavattanākārasaṅkhātaanattalakkhaṇapariggāhikaṃ anattāti uppajjanakasaññaṃ bhāveti. Pahānasaññaṃ bhāvetīti pañcavidhaṃ pahānaṃ ārammaṇaṃ katvā uppajjanakasaññaṃ bhāveti. Virāgasaññaṃ bhāvetīti pañcavidhameva virāgaṃ ārammaṇaṃ katvā uppajjanakasaññaṃ bhāveti. Nirodhasaññaṃ bhāvetīti saṅkhāranirodhaṃ ārammaṇaṃ katvā uppajjanakasaññaṃ bhāveti. Nibbānaṃ ārammaṇaṃ katvā uppajjanakasaññantipi vadanti. Ettha ca sabbaloke anabhiratasaññā, aniccasaññā, anicce dukkhasaññāti imāhi tīhi saññāhi balavavipassanā kathitā. Puna aniccasaññaṃ bhāvetītiādikāhi dasahi saññāhi vipassanāsamārambhova kathito.

    473. б̣уд̣̇д̇хаануссад̇инд̇иаад̣̇ийни вуд̇д̇ад̇т̇аанзва.

    473.Buddhānussatintiādīni vuttatthāneva.

    483. батамаж̇жхаанасахаг̇ад̇анд̇и батамаж̇жхаанзна сад̣̇д̇хим̣ г̇ад̇ам̣ бавад̇д̇ам̣, батамаж̇жхаанасамбаяуд̇д̇анд̇и ад̇т̇о. сад̣̇д̇хинд̣̇рияам̣ бхаавзд̇ийд̇и батамаж̇жхаанасахаг̇ад̇ам̣ гад̇ваа сад̣̇д̇хинд̣̇рияам̣ бхаавзд̇и б̣руухзд̇и вад̣дхзд̇и. зса наяо саб̣б̣ад̇т̇а.

    483.Paṭhamajjhānasahagatanti paṭhamajjhānena saddhiṃ gataṃ pavattaṃ, paṭhamajjhānasampayuttanti attho. Saddhindriyaṃ bhāvetīti paṭhamajjhānasahagataṃ katvā saddhindriyaṃ bhāveti brūheti vaḍḍheti. Esa nayo sabbattha.

    абараажчараасан̇гхаад̇аваг̇г̇аван̣н̣анаа.

    Aparaaccharāsaṅghātavaggavaṇṇanā.




    Next: 19. гааяаг̇ад̇аасад̇иваг̇г̇аван̣н̣анаа • 19. Kāyagatāsativaggavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 18. абараажчараасан̇гхаад̇аваг̇г̇о • 18. Aparaaccharāsaṅghātavaggo

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 18. абараажчараасан̇гхаад̇аваг̇г̇аван̣н̣анаа • 18. Aparaaccharāsaṅghātavaggavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact