| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
18. අපරඅච්‌ඡරාසඞ්‌ඝාතවග්‌ගො
18. Aparaaccharāsaṅghātavaggo
382. ‘‘අච්‌ඡරාසඞ්‌ඝාතමත්‌තම්‌පි චෙ, භික්‌ඛවෙ, භික්‌ඛු පඨමං ඣානං භාවෙති, අයං වුච්‌චති, භික්‌ඛවෙ – ‘භික්‌ඛු අරිත්‌තජ්‌ඣානො විහරති, සත්‌ථුසාසනකරො ඔවාදපතිකරො, අමොඝං රට්‌ඨපිණ්‌ඩං භුඤ්‌ජති’. කො පන වාදො යෙ නං බහුලීකරොන්‌තී’’ති!
382. ‘‘Accharāsaṅghātamattampi ce, bhikkhave, bhikkhu paṭhamaṃ jhānaṃ bhāveti, ayaṃ vuccati, bhikkhave – ‘bhikkhu arittajjhāno viharati, satthusāsanakaro ovādapatikaro, amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti!
383-389. ‘‘අච්‌ඡරාසඞ්‌ඝාතමත්‌තම්‌පි චෙ, භික්‌ඛවෙ, භික්‌ඛු දුතියං ඣානං භාවෙති…පෙ.… තතියං ඣානං භාවෙති…පෙ.… චතුත්‌ථං ඣානං භාවෙති…පෙ.… මෙත්‌තං චෙතොවිමුත්‌තිං භාවෙති…පෙ.… කරුණං චෙතොවිමුත්‌තිං භාවෙති…පෙ.… මුදිතං චෙතොවිමුත්‌තිං භාවෙති…පෙ.… උපෙක්‌ඛං චෙතොවිමුත්‌තිං භාවෙති…පෙ.….
383-389. ‘‘Accharāsaṅghātamattampi ce, bhikkhave, bhikkhu dutiyaṃ jhānaṃ bhāveti…pe… tatiyaṃ jhānaṃ bhāveti…pe… catutthaṃ jhānaṃ bhāveti…pe… mettaṃ cetovimuttiṃ bhāveti…pe… karuṇaṃ cetovimuttiṃ bhāveti…pe… muditaṃ cetovimuttiṃ bhāveti…pe… upekkhaṃ cetovimuttiṃ bhāveti…pe….
390-393. කායෙ කායානුපස්‌සී විහරති ආතාපී සම්‌පජානො සතිමා විනෙය්‍ය ලොකෙ අභිජ්‌ඣාදොමනස්‌සං; වෙදනාසු වෙදනානුපස්‌සී විහරති…පෙ.… චිත්‌තෙ චිත්‌තානුපස්‌සී විහරති…පෙ.… ධම්‌මෙසු ධම්‌මානුපස්‌සී විහරති ආතාපී සම්‌පජානො සතිමා විනෙය්‍ය ලොකෙ අභිජ්‌ඣාදොමනස්‌සං.
390-393. Kāye kāyānupassī viharati ātāpī sampajāno satimā vineyya loke abhijjhādomanassaṃ; vedanāsu vedanānupassī viharati…pe… citte cittānupassī viharati…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ.
394-397. අනුප්‌පන්‌නානං පාපකානං අකුසලානං ධම්‌මානං අනුප්‌පාදාය ඡන්‌දං ජනෙති වායමති වීරියං 1 ආරභති චිත්‌තං පග්‌ගණ්‌හාති පදහති; උප්‌පන්‌නානං පාපකානං අකුසලානං ධම්‌මානං පහානාය ඡන්‌දං ජනෙති වායමති වීරියං ආරභති චිත්‌තං පග්‌ගණ්‌හාති පදහති. අනුප්‌පන්‌නානං කුසලානං ධම්‌මානං උප්‌පාදාය ඡන්‌දං ජනෙති වායමති වීරියං ආරභති චිත්‌තං පග්‌ගණ්‌හාති පදහති; උප්‌පන්‌නානං කුසලානං ධම්‌මානං ඨිතියා අසම්‌මොසාය භිය්‍යොභාවාය වෙපුල්‌ලාය භාවනාය පාරිපූරියා ඡන්‌දං ජනෙති වායමති වීරියං ආරභති චිත්‌තං පග්‌ගණ්‌හාති පදහති.
394-397. Anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ 2 ārabhati cittaṃ paggaṇhāti padahati; uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati. Anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.
398-401. ඡන්‌දසමාධිපධානසඞ්‌ඛාරසමන්‌නාගතං ඉද්‌ධිපාදං භාවෙති… වීරියසමාධිපධානසඞ්‌ඛාරසමන්‌නාගතං ඉද්‌ධිපාදං භාවෙති… චිත්‌තසමාධිපධානසඞ්‌ඛාරසමන්‌නාගතං ඉද්‌ධිපාදං භාවෙති… වීමංසාසමාධිපධානසඞ්‌ඛාරසමන්‌නාගතං ඉද්‌ධිපාදං භාවෙති….
398-401. Chandasamādhipadhānasaṅkhārasamannāgataṃ iddhipādaṃ bhāveti… vīriyasamādhipadhānasaṅkhārasamannāgataṃ iddhipādaṃ bhāveti… cittasamādhipadhānasaṅkhārasamannāgataṃ iddhipādaṃ bhāveti… vīmaṃsāsamādhipadhānasaṅkhārasamannāgataṃ iddhipādaṃ bhāveti….
402-406. සද්‌ධින්‌ද්‍රියං භාවෙති… වීරියින්‌ද්‍රියං භාවෙති… සතින්‌ද්‍රියං භාවෙති… සමාධින්‌ද්‍රියං භාවෙති… පඤ්‌ඤින්‌ද්‍රියං භාවෙති….
402-406. Saddhindriyaṃ bhāveti… vīriyindriyaṃ bhāveti… satindriyaṃ bhāveti… samādhindriyaṃ bhāveti… paññindriyaṃ bhāveti….
407-411. සද්‌ධාබලං භාවෙති… වීරියබලං භාවෙති… සතිබලං භාවෙති… සමාධිබලං භාවෙති… පඤ්‌ඤාබලං භාවෙති….
407-411. Saddhābalaṃ bhāveti… vīriyabalaṃ bhāveti… satibalaṃ bhāveti… samādhibalaṃ bhāveti… paññābalaṃ bhāveti….
412-418. සතිසම්‌බොජ්‌ඣඞ්‌ගං භාවෙති… ධම්‌මවිචයසම්‌බොජ්‌ඣඞ්‌ගං භාවෙති… වීරියසම්‌බොජ්‌ඣඞ්‌ගං භාවෙති… පීතිසම්‌බොජ්‌ඣඞ්‌ගං භාවෙති… පස්‌සද්‌ධිසම්‌බොජ්‌ඣඞ්‌ගං භාවෙති… සමාධිසම්‌බොජ්‌ඣඞ්‌ගං භාවෙති… උපෙක්‌ඛාසම්‌බොජ්‌ඣඞ්‌ගං භාවෙති….
412-418. Satisambojjhaṅgaṃ bhāveti… dhammavicayasambojjhaṅgaṃ bhāveti… vīriyasambojjhaṅgaṃ bhāveti… pītisambojjhaṅgaṃ bhāveti… passaddhisambojjhaṅgaṃ bhāveti… samādhisambojjhaṅgaṃ bhāveti… upekkhāsambojjhaṅgaṃ bhāveti….
419-426. සම්‌මාදිට්‌ඨිං භාවෙති… සම්‌මාසඞ්‌කප්‌පං භාවෙති… සම්‌මාවාචං භාවෙති… සම්‌මාකම්‌මන්‌තං භාවෙති… සම්‌මාආජීවං භාවෙති… සම්‌මාවායාමං භාවෙති… සම්‌මාසතිං භාවෙති… සම්‌මාසමාධිං භාවෙති….
419-426. Sammādiṭṭhiṃ bhāveti… sammāsaṅkappaṃ bhāveti… sammāvācaṃ bhāveti… sammākammantaṃ bhāveti… sammāājīvaṃ bhāveti… sammāvāyāmaṃ bhāveti… sammāsatiṃ bhāveti… sammāsamādhiṃ bhāveti….
427-434. 3 අජ්‌ඣත්‌තං රූපසඤ්‌ඤී බහිද්‌ධා රූපානි පස්‌සති පරිත්‌තානි සුවණ්‌ණදුබ්‌බණ්‌ණානි. ‘තානි අභිභුය්‍ය ජානාමි පස්‌සාමී’ති – එවංසඤ්‌ඤී හොති… අජ්‌ඣත්‌තං රූපසඤ්‌ඤී බහිද්‌ධා රූපානි පස්‌සති අප්‌පමාණානි සුවණ්‌ණදුබ්‌බණ්‌ණානි. ‘තානි අභිභුය්‍ය ජානාමි පස්‌සාමී’ති – එවංසඤ්‌ඤී හොති… අජ්‌ඣත්‌තං අරූපසඤ්‌ඤී බහිද්‌ධා රූපානි පස්‌සති පරිත්‌තානි සුවණ්‌ණදුබ්‌බණ්‌ණානි. ‘තානි අභිභුය්‍ය ජානාමි පස්‌සාමී’ති – එවංසඤ්‌ඤී හොති… අජ්‌ඣත්‌තං අරූපසඤ්‌ඤී බහිද්‌ධා රූපානි පස්‌සති අප්‌පමාණානි සුවණ්‌ණදුබ්‌බණ්‌ණානි. ‘තානි අභිභුය්‍ය ජානාමි පස්‌සාමී’ති – එවංසඤ්‌ඤී හොති… අජ්‌ඣත්‌තං අරූපසඤ්‌ඤී බහිද්‌ධා රූපානි පස්‌සති නීලානි නීලවණ්‌ණානි නීලනිදස්‌සනානි නීලනිභාසානි. ‘තානි අභිභුය්‍ය ජානාමි පස්‌සාමී’ති – එවංසඤ්‌ඤී හොති… අජ්‌ඣත්‌තං අරූපසඤ්‌ඤී බහිද්‌ධා රූපානි පස්‌සති පීතානි පීතවණ්‌ණානි පීතනිදස්‌සනානි පීතනිභාසානි. ‘තානි අභිභුය්‍ය ජානාමි පස්‌සාමී’ති – එවංසඤ්‌ඤී හොති… අජ්‌ඣත්‌තං අරූපසඤ්‌ඤී බහිද්‌ධා රූපානි පස්‌සති ලොහිතකානි ලොහිතකවණ්‌ණානි ලොහිතකනිදස්‌සනානි ලොහිතකනිභාසානි. ‘තානි අභිභුය්‍ය ජානාමි පස්‌සාමී’ති එවංසඤ්‌ඤී හොති… අජ්‌ඣත්‌තං අරූපසඤ්‌ඤී බහිද්‌ධා රූපානි පස්‌සති ඔදාතානි ඔදාතවණ්‌ණානි ඔදාතනිදස්‌සනානි ඔදාතනිභාසානි. ‘තානි අභිභුය්‍ය ජානාමි පස්‌සාමී’ති – එවංසඤ්‌ඤී හොති….
427-434.4 Ajjhattaṃ rūpasaññī bahiddhā rūpāni passati parittāni suvaṇṇadubbaṇṇāni. ‘Tāni abhibhuyya jānāmi passāmī’ti – evaṃsaññī hoti… ajjhattaṃ rūpasaññī bahiddhā rūpāni passati appamāṇāni suvaṇṇadubbaṇṇāni. ‘Tāni abhibhuyya jānāmi passāmī’ti – evaṃsaññī hoti… ajjhattaṃ arūpasaññī bahiddhā rūpāni passati parittāni suvaṇṇadubbaṇṇāni. ‘Tāni abhibhuyya jānāmi passāmī’ti – evaṃsaññī hoti… ajjhattaṃ arūpasaññī bahiddhā rūpāni passati appamāṇāni suvaṇṇadubbaṇṇāni. ‘Tāni abhibhuyya jānāmi passāmī’ti – evaṃsaññī hoti… ajjhattaṃ arūpasaññī bahiddhā rūpāni passati nīlāni nīlavaṇṇāni nīlanidassanāni nīlanibhāsāni. ‘Tāni abhibhuyya jānāmi passāmī’ti – evaṃsaññī hoti… ajjhattaṃ arūpasaññī bahiddhā rūpāni passati pītāni pītavaṇṇāni pītanidassanāni pītanibhāsāni. ‘Tāni abhibhuyya jānāmi passāmī’ti – evaṃsaññī hoti… ajjhattaṃ arūpasaññī bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni. ‘Tāni abhibhuyya jānāmi passāmī’ti evaṃsaññī hoti… ajjhattaṃ arūpasaññī bahiddhā rūpāni passati odātāni odātavaṇṇāni odātanidassanāni odātanibhāsāni. ‘Tāni abhibhuyya jānāmi passāmī’ti – evaṃsaññī hoti….
435-442. රූපී රූපානි පස්‌සති… අජ්‌ඣත්‌තං අරූපසඤ්‌ඤී බහිද්‌ධා රූපානි පස්‌සති සුභන්‌තෙව අධිමුත්‌තො හොති… සබ්‌බසො රූපසඤ්‌ඤානං සමතික්‌කමා පටිඝසඤ්‌ඤානං අත්‌ථඞ්‌ගමා නානත්‌තසඤ්‌ඤානං අමනසිකාරා අනන්‌තො ආකාසොති ආකාසානඤ්‌චායතනං උපසම්‌පජ්‌ජ විහරති… සබ්‌බසො ආකාසානඤ්‌චායතනං සමතික්‌කම්‌ම අනන්‌තං විඤ්‌ඤාණන්‌ති විඤ්‌ඤාණඤ්‌චායතනං උපසම්‌පජ්‌ජ විහරති… සබ්‌බසො විඤ්‌ඤාණඤ්‌චායතනං සමතික්‌කම්‌ම නත්‌ථි කිඤ්‌චීති ආකිඤ්‌චඤ්‌ඤායතනං උපසම්‌පජ්‌ජ විහරති… සබ්‌බසො ආකිඤ්‌චඤ්‌ඤායතනං සමතික්‌කම්‌ම නෙවසඤ්‌ඤානාසඤ්‌ඤායතනං උපසම්‌පජ්‌ජ විහරති… සබ්‌බසො නෙවසඤ්‌ඤානාසඤ්‌ඤායතනං සමතික්‌කම්‌ම සඤ්‌ඤාවෙදයිතනිරොධං උපසම්‌පජ්‌ජ විහරති….
435-442. Rūpī rūpāni passati… ajjhattaṃ arūpasaññī bahiddhā rūpāni passati subhanteva adhimutto hoti… sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ananto ākāsoti ākāsānañcāyatanaṃ upasampajja viharati… sabbaso ākāsānañcāyatanaṃ samatikkamma anantaṃ viññāṇanti viññāṇañcāyatanaṃ upasampajja viharati… sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja viharati… sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati… sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati….
443-452. පථවීකසිණං භාවෙති… ආපොකසිණං භාවෙති… තෙජොකසිණං භාවෙති… වායොකසිණං භාවෙති… නීලකසිණං භාවෙති… පීතකසිණං භාවෙති… ලොහිතකසිණං භාවෙති… ඔදාතකසිණං භාවෙති… ආකාසකසිණං භාවෙති… විඤ්‌ඤාණකසිණං භාවෙති….
443-452. Pathavīkasiṇaṃ bhāveti… āpokasiṇaṃ bhāveti… tejokasiṇaṃ bhāveti… vāyokasiṇaṃ bhāveti… nīlakasiṇaṃ bhāveti… pītakasiṇaṃ bhāveti… lohitakasiṇaṃ bhāveti… odātakasiṇaṃ bhāveti… ākāsakasiṇaṃ bhāveti… viññāṇakasiṇaṃ bhāveti….
453-462. අසුභසඤ්‌ඤං භාවෙති… මරණසඤ්‌ඤං භාවෙති… ආහාරෙ පටිකූලසඤ්‌ඤං භාවෙති… සබ්‌බලොකෙ අනභිරතිසඤ්‌ඤං 5 භාවෙති… අනිච්‌චසඤ්‌ඤං භාවෙති… අනිච්‌චෙ දුක්‌ඛසඤ්‌ඤං භාවෙති… දුක්‌ඛෙ අනත්‌තසඤ්‌ඤං භාවෙති… පහානසඤ්‌ඤං භාවෙති… විරාගසඤ්‌ඤං භාවෙති… නිරොධසඤ්‌ඤං භාවෙති….
453-462. Asubhasaññaṃ bhāveti… maraṇasaññaṃ bhāveti… āhāre paṭikūlasaññaṃ bhāveti… sabbaloke anabhiratisaññaṃ 6 bhāveti… aniccasaññaṃ bhāveti… anicce dukkhasaññaṃ bhāveti… dukkhe anattasaññaṃ bhāveti… pahānasaññaṃ bhāveti… virāgasaññaṃ bhāveti… nirodhasaññaṃ bhāveti….
463-472. අනිච්‌චසඤ්‌ඤං භාවෙති… අනත්‌තසඤ්‌ඤං භාවෙති… මරණසඤ්‌ඤං භාවෙති… ආහාරෙ පටිකූලසඤ්‌ඤං භාවෙති… සබ්‌බලොකෙ අනභිරතිසඤ්‌ඤං භාවෙති… අට්‌ඨිකසඤ්‌ඤං භාවෙති… පුළවකසඤ්‌ඤං 7 භාවෙති… විනීලකසඤ්‌ඤං භාවෙති… විච්‌ඡිද්‌දකසඤ්‌ඤං භාවෙති… උද්‌ධුමාතකසඤ්‌ඤං භාවෙති….
463-472. Aniccasaññaṃ bhāveti… anattasaññaṃ bhāveti… maraṇasaññaṃ bhāveti… āhāre paṭikūlasaññaṃ bhāveti… sabbaloke anabhiratisaññaṃ bhāveti… aṭṭhikasaññaṃ bhāveti… puḷavakasaññaṃ 8 bhāveti… vinīlakasaññaṃ bhāveti… vicchiddakasaññaṃ bhāveti… uddhumātakasaññaṃ bhāveti….
473-482. බුද්‌ධානුස්‌සතිං භාවෙති… ධම්‌මානුස්‌සතිං භාවෙති… සඞ්‌ඝානුස්‌සතිං භාවෙති… සීලානුස්‌සතිං භාවෙති… චාගානුස්‌සතිං භාවෙති… දෙවතානුස්‌සතිං භාවෙති… ආනාපානස්‌සතිං භාවෙති… මරණස්‌සතිං භාවෙති… කායගතාසතිං භාවෙති… උපසමානුස්‌සතිං භාවෙති….
473-482. Buddhānussatiṃ bhāveti… dhammānussatiṃ bhāveti… saṅghānussatiṃ bhāveti… sīlānussatiṃ bhāveti… cāgānussatiṃ bhāveti… devatānussatiṃ bhāveti… ānāpānassatiṃ bhāveti… maraṇassatiṃ bhāveti… kāyagatāsatiṃ bhāveti… upasamānussatiṃ bhāveti….
483-492. පඨමජ්‌ඣානසහගතං සද්‌ධින්‌ද්‍රියං භාවෙති… වීරියින්‌ද්‍රියං භාවෙති… සතින්‌ද්‍රියං භාවෙති… සමාධින්‌ද්‍රියං භාවෙති… පඤ්‌ඤින්‌ද්‍රියං භාවෙති… සද්‌ධාබලං භාවෙති… වීරියබලං භාවෙති… සතිබලං භාවෙති… සමාධිබලං භාවෙති… පඤ්‌ඤාබලං භාවෙති….
483-492. Paṭhamajjhānasahagataṃ saddhindriyaṃ bhāveti… vīriyindriyaṃ bhāveti… satindriyaṃ bhāveti… samādhindriyaṃ bhāveti… paññindriyaṃ bhāveti… saddhābalaṃ bhāveti… vīriyabalaṃ bhāveti… satibalaṃ bhāveti… samādhibalaṃ bhāveti… paññābalaṃ bhāveti….
493-562. ‘‘දුතියජ්‌ඣානසහගතං…පෙ.… තතියජ්‌ඣානසහගතං…පෙ.… චතුත්‌ථජ්‌ඣානසහගතං…පෙ.… මෙත්‌තාසහගතං…පෙ.… කරුණාසහගතං…පෙ.… මුදිතාසහගතං…පෙ.… උපෙක්‌ඛාසහගතං සද්‌ධින්‌ද්‍රියං භාවෙති… වීරියින්‌ද්‍රියං භාවෙති… සතින්‌ද්‍රියං භාවෙති… සමාධින්‌ද්‍රියං භාවෙති… පඤ්‌ඤින්‌ද්‍රියං භාවෙති… සද්‌ධාබලං භාවෙති… වීරියබලං භාවෙති… සතිබලං භාවෙති… සමාධිබලං භාවෙති… පඤ්‌ඤාබලං භාවෙති. අයං වුච්‌චති, භික්‌ඛවෙ – ‘භික්‌ඛු අරිත්‌තජ්‌ඣානො විහරති සත්‌ථුසාසනකරො ඔවාදපතිකරො, අමොඝං රට්‌ඨපිණ්‌ඩං භුඤ්‌ජති’. කො පන වාදො යෙ නං බහුලීකරොන්‌තී’’ති!
493-562. ‘‘Dutiyajjhānasahagataṃ…pe… tatiyajjhānasahagataṃ…pe… catutthajjhānasahagataṃ…pe… mettāsahagataṃ…pe… karuṇāsahagataṃ…pe… muditāsahagataṃ…pe… upekkhāsahagataṃ saddhindriyaṃ bhāveti… vīriyindriyaṃ bhāveti… satindriyaṃ bhāveti… samādhindriyaṃ bhāveti… paññindriyaṃ bhāveti… saddhābalaṃ bhāveti… vīriyabalaṃ bhāveti… satibalaṃ bhāveti… samādhibalaṃ bhāveti… paññābalaṃ bhāveti. Ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro, amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti!
අපරඅච්‌ඡරාසඞ්‌ඝාතවග්‌ගො අට්‌ඨාරසමො.
Aparaaccharāsaṅghātavaggo aṭṭhārasamo.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 18. අපරඅච්‌ඡරාසඞ්‌ඝාතවග්‌ගවණ්‌ණනා • 18. Aparaaccharāsaṅghātavaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 18. අපරඅච්‌ඡරාසඞ්‌ඝාතවග්‌ගවණ්‌ණනා • 18. Aparaaccharāsaṅghātavaggavaṇṇanā
