| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
5. абаралагун̣д̣агабхад̣̇д̣̇ияасуд̇д̇аван̣н̣анаа
5. Aparalakuṇḍakabhaddiyasuttavaṇṇanā
65. бан̃жамз самб̣ахулаанам̣ бхигкуунам̣ бидтид̇о бидтид̇од̇и ааяасмаа лагун̣д̣агабхад̣̇д̣̇ияо згад̣̇ивасам̣ самб̣ахулзхи бхигкуухи сад̣̇д̇хим̣ г̇ааманд̇арзна бин̣д̣ааяа жарид̇ваа гад̇абхад̇д̇агижжо бад̇д̇ам̣ вод̣̇агам̣ гад̇ваа т̇авигааяа багкибид̇ваа ам̣сз лаг̇г̇зд̇ваа жийварам̣ сан̇гхарид̇ваа д̇амби ваамам̣сз табзд̇ваа баасаад̣̇игзна абхигганд̇зна бадигганд̇зна аалогид̇зна вилогид̇зна самин̃ж̇ид̇зна басаарид̇зна огкид̇д̇ажагку ирияаабат̇асамбанно ад̇д̇ано сад̇ибан̃н̃аавзбуллам̣ багаасзнд̇о вияа сад̇исамбаж̇ан̃н̃ам̣ суубадтид̇ам̣ гад̇ваа самаахид̇зна жид̇д̇зна бад̣̇з бад̣̇ам̣ нигкибанд̇о г̇ажчад̇и, г̇ажчанд̇о жа бхигкуунам̣ бажчад̇о бажчад̇о г̇ажчад̇и д̇зхи бхигкуухи асам̣миссо. гасмаа? асам̣садтавихаарид̇ааяа. абижа д̇ассааяасмад̇о руубам̣ барибхууд̇ам̣ барибхавадтаанийяам̣ бут̇уж̇ж̇анаа охийл̣знд̇и. т̇зро д̇ам̣ ж̇аанид̇ваа бидтид̇о бидтид̇о г̇ажчад̇и ‘‘маа имз мам̣ ниссааяа абун̃н̃ам̣ басавим̣суу’’д̇и. звам̣ д̇з бхигкуу жа т̇зро жа саавад̇т̇им̣ бад̇ваа вихаарам̣ бависид̇ваа язна бхаг̇аваа д̇знубасан̇гаманд̇и. д̇зна вуд̇д̇ам̣ – ‘‘д̇зна ко бана самаязна ааяасмаа лагун̣д̣агабхад̣̇д̣̇ияо’’д̇иаад̣̇и.
65. Pañcame sambahulānaṃ bhikkhūnaṃ piṭṭhito piṭṭhitoti āyasmā lakuṇḍakabhaddiyo ekadivasaṃ sambahulehi bhikkhūhi saddhiṃ gāmantarena piṇḍāya caritvā katabhattakicco pattaṃ vodakaṃ katvā thavikāya pakkhipitvā aṃse laggetvā cīvaraṃ saṅgharitvā tampi vāmaṃse ṭhapetvā pāsādikena abhikkantena paṭikkantena ālokitena vilokitena samiñjitena pasāritena okkhittacakkhu iriyāpathasampanno attano satipaññāvepullaṃ pakāsento viya satisampajaññaṃ sūpaṭṭhitaṃ katvā samāhitena cittena pade padaṃ nikkhipanto gacchati, gacchanto ca bhikkhūnaṃ pacchato pacchato gacchati tehi bhikkhūhi asaṃmisso. Kasmā? Asaṃsaṭṭhavihāritāya. Apica tassāyasmato rūpaṃ paribhūtaṃ paribhavaṭṭhānīyaṃ puthujjanā ohīḷenti. Thero taṃ jānitvā piṭṭhito piṭṭhito gacchati ‘‘mā ime maṃ nissāya apuññaṃ pasaviṃsū’’ti. Evaṃ te bhikkhū ca thero ca sāvatthiṃ patvā vihāraṃ pavisitvā yena bhagavā tenupasaṅkamanti. Tena vuttaṃ – ‘‘tena kho pana samayena āyasmā lakuṇḍakabhaddiyo’’tiādi.
д̇ад̇т̇а д̣̇уб̣б̣ан̣н̣анд̇и вируубам̣. д̇знасса ван̣н̣асамбад̇д̇ияаа сан̣таанасамбад̇д̇ияаа жа абхаавам̣ д̣̇ассзд̇и. д̣̇уд̣̇д̣̇асиганд̇и абаасаад̣̇игад̣̇ассанам̣. д̇знасса ануб̣яан̃ж̇анасамбад̇д̇ияаа аагаарасамбад̇д̇ияаа жа абхаавам̣ д̣̇ассзд̇и. огодимаганд̇и рассам̣. иминаа аарохасамбад̇д̇ияаа абхаавам̣ д̣̇ассзд̇и. язбхуяязна бхигкуунам̣ барибхууд̇аруубанд̇и бут̇уж̇ж̇анабхигкуухи охийл̣ид̇аруубам̣. бут̇уж̇ж̇анаа згажжз чаб̣б̣аг̇г̇ияаад̣̇аяо д̇ассааяасмад̇о г̇ун̣ам̣ аж̇аананд̇аа хад̇т̇аган̣н̣ажуул̣игаад̣̇ийсу г̇ан̣ханд̇аа бараамасанд̇аа гийл̣анд̇аа барибхаванд̇и, на арияаа, галяаан̣абут̇уж̇ж̇анаа ваа.
Tattha dubbaṇṇanti virūpaṃ. Tenassa vaṇṇasampattiyā saṇṭhānasampattiyā ca abhāvaṃ dasseti. Duddasikanti apāsādikadassanaṃ. Tenassa anubyañjanasampattiyā ākārasampattiyā ca abhāvaṃ dasseti. Okoṭimakanti rassaṃ. Iminā ārohasampattiyā abhāvaṃ dasseti. Yebhuyyenabhikkhūnaṃ paribhūtarūpanti puthujjanabhikkhūhi ohīḷitarūpaṃ. Puthujjanā ekacce chabbaggiyādayo tassāyasmato guṇaṃ ajānantā hatthakaṇṇacūḷikādīsu gaṇhantā parāmasantā kīḷantā paribhavanti, na ariyā, kalyāṇaputhujjanā vā.
бхигкуу ааманд̇зсийд̇и гасмаа ааманд̇зси? т̇зрасса г̇ун̣ам̣ багаасзд̇ум̣. звам̣ гира бхаг̇авад̇о ахоси ‘‘имз бхигкуу мама буд̇д̇асса махаанубхаавад̇ам̣ на ж̇аананд̇и, д̇зна д̇ам̣ барибхаванд̇и, д̇ам̣ нзсам̣ д̣̇ийгхарад̇д̇ам̣ ахид̇ааяа д̣̇угкааяа бхависсад̇и, ханд̣̇аахам̣ имасса г̇ун̣з бхигкуунам̣ багаасзд̇ваа барибхавад̇о нам̣ можзссаамий’’д̇и.
Bhikkhū āmantesīti kasmā āmantesi? Therassa guṇaṃ pakāsetuṃ. Evaṃ kira bhagavato ahosi ‘‘ime bhikkhū mama puttassa mahānubhāvataṃ na jānanti, tena taṃ paribhavanti, taṃ nesaṃ dīgharattaṃ ahitāya dukkhāya bhavissati, handāhaṃ imassa guṇe bhikkhūnaṃ pakāsetvā paribhavato naṃ mocessāmī’’ti.
бассат̇а нод̇и бассат̇а ну. на жа саа самаабад̇д̇и сулабхаруубаа, яаа д̇зна бхигкунаа асамаабаннабуб̣б̣аад̇и руубасамаабад̇д̇и аруубасамаабад̇д̇и б̣рахмавихаарасамаабад̇д̇и нирод̇хасамаабад̇д̇и паласамаабад̇д̇ийд̇и звам̣ бабхзд̣̇аа саавагасаад̇хааран̣аа яаа гаажи самаабад̇д̇ияо наама, д̇аасу згааби самаабад̇д̇и на сулабхаруубаа, д̣̇уллабхаа, над̇т̇иязва саа д̇зна лагун̣д̣агабхад̣̇д̣̇иязна бхигкунаа асамаабаннабуб̣б̣аа. зд̇знасса яам̣ вуд̇д̇ам̣. ‘‘махид̣̇д̇хиго махаанубхааво’’д̇и, д̇ад̇т̇а махид̣̇д̇хигад̇ам̣ багаасзд̇ваа ид̣̇аани махаанубхаавад̇ам̣ д̣̇ассзд̇ум̣ ‘‘яасса жад̇т̇ааяаа’’д̇иаад̣̇имааха. д̇ам̣ хздтаа вуд̇д̇анаяамзва. зд̇т̇а жа бхаг̇аваа ‘‘зсо, бхигкавз, бхигкуу’’д̇иаад̣̇инаа, ‘‘бхигкавз, аяам̣ бхигку на яо ваа со ваа д̣̇уб̣б̣ан̣н̣о д̣̇уд̣̇д̣̇асиго огодимагод̇и бхигкуунам̣ бидтид̇о бидтид̇о ааг̇ажчад̇ийд̇и жа зд̇д̇агзна на он̃н̃аад̇аб̣б̣о, ат̇а ко махид̣̇д̇хиго махаанубхааво, яам̣гин̃жи саавагзна бад̇д̇аб̣б̣ам̣, саб̣б̣ам̣ д̇ам̣ д̇зна ануббад̇д̇ам̣, д̇асмаа д̇ам̣ баасаан̣ажчад̇д̇ам̣ вияа г̇арум̣ гад̇ваа ологзт̇а, д̇ам̣ во д̣̇ийгхарад̇д̇ам̣ хид̇ааяа сукааяа бхависсад̇ий’’д̇и д̣̇ассзд̇и.
Passatha noti passatha nu. Na ca sā samāpatti sulabharūpā, yā tena bhikkhunā asamāpannapubbāti rūpasamāpatti arūpasamāpatti brahmavihārasamāpatti nirodhasamāpatti phalasamāpattīti evaṃ pabhedā sāvakasādhāraṇā yā kāci samāpattiyo nāma, tāsu ekāpi samāpatti na sulabharūpā, dullabhā, natthiyeva sā tena lakuṇḍakabhaddiyena bhikkhunā asamāpannapubbā. Etenassa yaṃ vuttaṃ. ‘‘Mahiddhiko mahānubhāvo’’ti, tattha mahiddhikataṃ pakāsetvā idāni mahānubhāvataṃ dassetuṃ ‘‘yassa catthāyā’’tiādimāha. Taṃ heṭṭhā vuttanayameva. Ettha ca bhagavā ‘‘eso, bhikkhave, bhikkhū’’tiādinā, ‘‘bhikkhave, ayaṃ bhikkhu na yo vā so vā dubbaṇṇo duddasiko okoṭimakoti bhikkhūnaṃ piṭṭhito piṭṭhito āgacchatīti ca ettakena na oññātabbo, atha kho mahiddhiko mahānubhāvo, yaṃkiñci sāvakena pattabbaṃ, sabbaṃ taṃ tena anuppattaṃ, tasmā taṃ pāsāṇacchattaṃ viya garuṃ katvā oloketha, taṃ vo dīgharattaṃ hitāya sukhāya bhavissatī’’ti dasseti.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о лагун̣д̣агабхад̣̇д̣̇ияасса махид̣̇д̇хигад̇аамахаанубхаавад̇аад̣̇ибхзд̣̇ам̣ г̇ун̣араасим̣ саб̣б̣аагаарад̇о ж̇аанид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ āyasmato lakuṇḍakabhaddiyassa mahiddhikatāmahānubhāvatādibhedaṃ guṇarāsiṃ sabbākārato jānitvā tadatthadīpanaṃ imaṃ udānaṃ udānesi.
д̇ад̇т̇а нзлан̇г̇од̇и злам̣ вужжад̇и д̣̇осо, наасса зланд̇и нзлам̣ . гим̣ бана д̇ам̣? субарисуд̣̇д̇хасийлам̣. д̇ан̃хи нид̣̇д̣̇осадтзна ид̇ха ‘‘нзла’’нд̇и ад̇хиббзд̇ам̣. д̇ам̣ нзлам̣ бад̇хаанабхууд̇ам̣ ан̇г̇ам̣ зд̇ассаад̇и нзлан̇г̇о. со яам̣ ‘‘рат̇о’’д̇и вагкад̇и, д̇зна самб̣анд̇хо, д̇асмаа субарисуд̣̇д̇хасийлан̇г̇од̇и ад̇т̇о. арахад̇д̇апаласийлан̃хи ид̇хаад̇хиббзд̇ам̣. сзд̇о бажчаад̣̇о зд̇ассаад̇и сзд̇абажчаад̣̇о. бажчаад̣̇од̇и рат̇асса убари ад̇т̇арид̇аб̣б̣агамб̣алаад̣̇и. со бана субарисуд̣̇д̇хад̇хавалабхаавзна сзд̇о ваа ход̇и рад̇д̇анийлаад̣̇ийсу ваа ан̃н̃ад̇аро. ид̇ха бана арахад̇д̇апалавимуд̇д̇ияаа ад̇хиббзд̇ад̇д̇аа субарисуд̣̇д̇хабхаавам̣ убаад̣̇ааяа ‘‘сзд̇абажчаад̣̇о’’д̇и вуд̇д̇ам̣ яат̇аа ан̃н̃ад̇рааби ‘‘рат̇о сийлабаригкааро’’д̇и. зго сад̇исан̇каад̇о аро зд̇ассаад̇и згааро. вад̇д̇ад̇ийд̇и бавад̇д̇ад̇и. рат̇од̇и т̇зрасса ад̇д̇абхаавам̣ санд̇хааяа вад̣̇ад̇и.
Tattha nelaṅgoti elaṃ vuccati doso, nāssa elanti nelaṃ . Kiṃ pana taṃ? Suparisuddhasīlaṃ. Tañhi niddosaṭṭhena idha ‘‘nela’’nti adhippetaṃ. Taṃ nelaṃ padhānabhūtaṃ aṅgaṃ etassāti nelaṅgo. So yaṃ ‘‘ratho’’ti vakkhati, tena sambandho, tasmā suparisuddhasīlaṅgoti attho. Arahattaphalasīlañhi idhādhippetaṃ. Seto pacchādo etassāti setapacchādo. Pacchādoti rathassa upari attharitabbakambalādi. So pana suparisuddhadhavalabhāvena seto vā hoti rattanīlādīsu vā aññataro. Idha pana arahattaphalavimuttiyā adhippetattā suparisuddhabhāvaṃ upādāya ‘‘setapacchādo’’ti vuttaṃ yathā aññatrāpi ‘‘ratho sīlaparikkhāro’’ti. Eko satisaṅkhāto aro etassāti ekāro. Vattatīti pavattati. Rathoti therassa attabhāvaṃ sandhāya vadati.
анийгханд̇и нид̣̇д̣̇угкам̣, кобхавирахид̇ам̣ яаанам̣ вияа гилзсабарикобхавирахид̇анд̇и ад̇т̇о. ааяанд̇анд̇и самб̣ахулаанам̣ бхигкуунам̣ бидтид̇о бидтид̇о ааг̇ажчанд̇ам̣. чиннасод̇анд̇и бажчиннасод̇ам̣. багад̇ират̇асса хи сукабавад̇д̇анад̇т̇ам̣ агкасийсзсу наабхияан̃жа убалид̇д̇аанам̣ саббид̇злаад̣̇ийнам̣ сод̇о саванам̣ санд̣̇анам̣ ход̇и, д̇зна со ажчиннасод̇о наама ход̇и. аяам̣ бана чад̇д̇им̣сад̇ияаа сод̇аанам̣ анавасзсад̇о бахийнад̇д̇аа чиннасод̇о наама ход̇и, д̇ам̣ чиннасод̇ам̣. над̇т̇и зд̇асса б̣анд̇хананд̇и аб̣анд̇хано. рат̇уубад̇т̇арасса хи агкзна сад̣̇д̇хим̣ нижжалабхаавагаран̣ад̇т̇ам̣ б̣ахууни б̣анд̇ханаани хонд̇и, д̇зна со саб̣анд̇хано. аяам̣ бана саб̣б̣асам̣яож̇анаб̣анд̇ханаанам̣ анавасзсад̇о баригкийн̣ад̇д̇аа аб̣анд̇хано, д̇ам̣ аб̣анд̇ханам̣. бассаад̇и бхаг̇аваа т̇зрасса г̇ун̣зхи соманассаббад̇д̇о худ̇ваа ад̇д̇аанам̣ вад̣̇ад̇и.
Anīghanti niddukkhaṃ, khobhavirahitaṃ yānaṃ viya kilesaparikhobhavirahitanti attho. Āyantanti sambahulānaṃ bhikkhūnaṃ piṭṭhito piṭṭhito āgacchantaṃ. Chinnasotanti pacchinnasotaṃ. Pakatirathassa hi sukhapavattanatthaṃ akkhasīsesu nābhiyañca upalittānaṃ sappitelādīnaṃ soto savanaṃ sandanaṃ hoti, tena so acchinnasoto nāma hoti. Ayaṃ pana chattiṃsatiyā sotānaṃ anavasesato pahīnattā chinnasoto nāma hoti, taṃ chinnasotaṃ. Natthi etassa bandhananti abandhano. Rathūpattharassa hi akkhena saddhiṃ niccalabhāvakaraṇatthaṃ bahūni bandhanāni honti, tena so sabandhano. Ayaṃ pana sabbasaṃyojanabandhanānaṃ anavasesato parikkhīṇattā abandhano, taṃ abandhanaṃ. Passāti bhagavā therassa guṇehi somanassappatto hutvā attānaṃ vadati.
ид̇и сад̇т̇аа ааяасманд̇ам̣ лагун̣д̣агабхад̣̇д̣̇ияам̣ арахад̇д̇апаласийсзна сужаггам̣, арахад̇д̇апалавимуд̇д̇ияаа сууд̇д̇аражчад̣̇ам̣, суубадтид̇ааяа сад̇ияаа сваарам̣, гилзсабарикобхаабхаавзна абарикобхам̣, д̇ан̣хуубалзбаабхаавзна анубалзбам̣, сам̣яож̇анаад̣̇ийнам̣ абхаавзна аб̣анд̇ханам̣ субаригкид̇д̇ам̣ суяуд̇д̇ам̣ ааж̇ан̃н̃арат̇ам̣ гад̇ваа д̣̇ассзд̇и.
Iti satthā āyasmantaṃ lakuṇḍakabhaddiyaṃ arahattaphalasīsena sucakkaṃ, arahattaphalavimuttiyā suuttaracchadaṃ, sūpaṭṭhitāya satiyā svāraṃ, kilesaparikhobhābhāvena aparikhobhaṃ, taṇhūpalepābhāvena anupalepaṃ, saṃyojanādīnaṃ abhāvena abandhanaṃ suparikkhittaṃ suyuttaṃ ājaññarathaṃ katvā dasseti.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 5. абаралагун̣д̣агабхад̣̇д̣̇ияасуд̇д̇ам̣ • 5. Aparalakuṇḍakabhaddiyasuttaṃ
