| Library / Tipiṭaka / তিপিটক • Tipiṭaka / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā |
৯. অপরন্তানুদিট্ঠিনিদ্দেসৰণ্ণনা
9. Aparantānudiṭṭhiniddesavaṇṇanā
১৪২. সঞ্ঞিং ৰদন্তীতি সঞ্ঞীৰাদা। অসঞ্ঞিং ৰদন্তীতি অসঞ্ঞীৰাদা। নেৰসঞ্ঞীনাসঞ্ঞিং ৰদন্তীতি নেৰসঞ্ঞীনাসঞ্ঞীৰাদা। অথ ৰা সঞ্ঞীতি পৰত্তো ৰাদো সঞ্ঞীৰাদো, সো যেসং অত্থীতি তে সঞ্ঞীৰাদা, তথা অসঞ্ঞীৰাদা, নেৰসঞ্ঞীনাসঞ্ঞীৰাদা চ। উচ্ছেদং ৰদন্তীতি উচ্ছেদৰাদা। দিট্ঠধম্মোতি পচ্চক্খধম্মো, তত্থ তত্থ পটিলদ্ধঅত্তভাৰস্সেতং অধিৰচনং। দিট্ঠধম্মে নিব্বানং দিট্ঠধম্মনিব্বানং, ইমস্মিংযেৰ অত্তভাৰে দুক্খৰূপসমোতি অত্থো, তং ৰদন্তীতি দিট্ঠধম্মনিব্বানৰাদা। ইমস্মিং পনত্থে ৰিত্থারিযমানে সাট্ঠকথং সকলং ব্রহ্মজালসুত্তং ৰত্তব্বং হোতি। এৰঞ্চ সতি অতিপপঞ্চো হোতীতি ন ৰিত্থারিতো। তদত্থিকেহি তং অপেক্খিত্ৰা গহেতব্বো।
142. Saññiṃ vadantīti saññīvādā. Asaññiṃ vadantīti asaññīvādā. Nevasaññīnāsaññiṃ vadantīti nevasaññīnāsaññīvādā. Atha vā saññīti pavatto vādo saññīvādo, so yesaṃ atthīti te saññīvādā, tathā asaññīvādā, nevasaññīnāsaññīvādā ca. Ucchedaṃ vadantīti ucchedavādā. Diṭṭhadhammoti paccakkhadhammo, tattha tattha paṭiladdhaattabhāvassetaṃ adhivacanaṃ. Diṭṭhadhamme nibbānaṃ diṭṭhadhammanibbānaṃ, imasmiṃyeva attabhāve dukkhavūpasamoti attho, taṃ vadantīti diṭṭhadhammanibbānavādā. Imasmiṃ panatthe vitthāriyamāne sāṭṭhakathaṃ sakalaṃ brahmajālasuttaṃ vattabbaṃ hoti. Evañca sati atipapañco hotīti na vitthārito. Tadatthikehi taṃ apekkhitvā gahetabbo.
অপরন্তানুদিট্ঠিনিদ্দেসৰণ্ণনা নিট্ঠিতা।
Aparantānudiṭṭhiniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / পটিসম্ভিদামগ্গপাল়ি • Paṭisambhidāmaggapāḷi / ৯. অপরন্তানুদিট্ঠিনিদ্দেসো • 9. Aparantānudiṭṭhiniddeso
