| Library / Tipiṭaka / ติปิฎก • Tipiṭaka / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā |
๙. อปรนฺตานุทิฎฺฐินิเทฺทสวณฺณนา
9. Aparantānudiṭṭhiniddesavaṇṇanā
๑๔๒. สญฺญิํ วทนฺตีติ สญฺญีวาทาฯ อสญฺญิํ วทนฺตีติ อสญฺญีวาทาฯ เนวสญฺญีนาสญฺญิํ วทนฺตีติ เนวสญฺญีนาสญฺญีวาทาฯ อถ วา สญฺญีติ ปวโตฺต วาโท สญฺญีวาโท, โส เยสํ อตฺถีติ เต สญฺญีวาทา, ตถา อสญฺญีวาทา, เนวสญฺญีนาสญฺญีวาทา จฯ อุเจฺฉทํ วทนฺตีติ อุเจฺฉทวาทาฯ ทิฎฺฐธโมฺมติ ปจฺจกฺขธโมฺม, ตตฺถ ตตฺถ ปฎิลทฺธอตฺตภาวเสฺสตํ อธิวจนํฯ ทิฎฺฐธเมฺม นิพฺพานํ ทิฎฺฐธมฺมนิพฺพานํ, อิมสฺมิํเยว อตฺตภาเว ทุกฺขวูปสโมติ อโตฺถ, ตํ วทนฺตีติ ทิฎฺฐธมฺมนิพฺพานวาทาฯ อิมสฺมิํ ปนเตฺถ วิตฺถาริยมาเน สาฎฺฐกถํ สกลํ พฺรหฺมชาลสุตฺตํ วตฺตพฺพํ โหติฯ เอวญฺจ สติ อติปปโญฺจ โหตีติ น วิตฺถาริโตฯ ตทตฺถิเกหิ ตํ อเปกฺขิตฺวา คเหตโพฺพฯ
142. Saññiṃ vadantīti saññīvādā. Asaññiṃ vadantīti asaññīvādā. Nevasaññīnāsaññiṃ vadantīti nevasaññīnāsaññīvādā. Atha vā saññīti pavatto vādo saññīvādo, so yesaṃ atthīti te saññīvādā, tathā asaññīvādā, nevasaññīnāsaññīvādā ca. Ucchedaṃ vadantīti ucchedavādā. Diṭṭhadhammoti paccakkhadhammo, tattha tattha paṭiladdhaattabhāvassetaṃ adhivacanaṃ. Diṭṭhadhamme nibbānaṃ diṭṭhadhammanibbānaṃ, imasmiṃyeva attabhāve dukkhavūpasamoti attho, taṃ vadantīti diṭṭhadhammanibbānavādā. Imasmiṃ panatthe vitthāriyamāne sāṭṭhakathaṃ sakalaṃ brahmajālasuttaṃ vattabbaṃ hoti. Evañca sati atipapañco hotīti na vitthārito. Tadatthikehi taṃ apekkhitvā gahetabbo.
อปรนฺตานุทิฎฺฐินิเทฺทสวณฺณนา นิฎฺฐิตาฯ
Aparantānudiṭṭhiniddesavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / ปฎิสมฺภิทามคฺคปาฬิ • Paṭisambhidāmaggapāḷi / ๙. อปรนฺตานุทิฎฺฐินิเทฺทโส • 9. Aparantānudiṭṭhiniddeso
