| Library / Tipiṭaka / തിപിടക • Tipiṭaka / പടിസമ്ഭിദാമഗ്ഗ-അട്ഠകഥാ • Paṭisambhidāmagga-aṭṭhakathā |
൯. അപരന്താനുദിട്ഠിനിദ്ദേസവണ്ണനാ
9. Aparantānudiṭṭhiniddesavaṇṇanā
൧൪൨. സഞ്ഞിം വദന്തീതി സഞ്ഞീവാദാ. അസഞ്ഞിം വദന്തീതി അസഞ്ഞീവാദാ. നേവസഞ്ഞീനാസഞ്ഞിം വദന്തീതി നേവസഞ്ഞീനാസഞ്ഞീവാദാ. അഥ വാ സഞ്ഞീതി പവത്തോ വാദോ സഞ്ഞീവാദോ, സോ യേസം അത്ഥീതി തേ സഞ്ഞീവാദാ, തഥാ അസഞ്ഞീവാദാ, നേവസഞ്ഞീനാസഞ്ഞീവാദാ ച. ഉച്ഛേദം വദന്തീതി ഉച്ഛേദവാദാ. ദിട്ഠധമ്മോതി പച്ചക്ഖധമ്മോ, തത്ഥ തത്ഥ പടിലദ്ധഅത്തഭാവസ്സേതം അധിവചനം. ദിട്ഠധമ്മേ നിബ്ബാനം ദിട്ഠധമ്മനിബ്ബാനം, ഇമസ്മിംയേവ അത്തഭാവേ ദുക്ഖവൂപസമോതി അത്ഥോ, തം വദന്തീതി ദിട്ഠധമ്മനിബ്ബാനവാദാ. ഇമസ്മിം പനത്ഥേ വിത്ഥാരിയമാനേ സാട്ഠകഥം സകലം ബ്രഹ്മജാലസുത്തം വത്തബ്ബം ഹോതി. ഏവഞ്ച സതി അതിപപഞ്ചോ ഹോതീതി ന വിത്ഥാരിതോ. തദത്ഥികേഹി തം അപേക്ഖിത്വാ ഗഹേതബ്ബോ.
142. Saññiṃ vadantīti saññīvādā. Asaññiṃ vadantīti asaññīvādā. Nevasaññīnāsaññiṃ vadantīti nevasaññīnāsaññīvādā. Atha vā saññīti pavatto vādo saññīvādo, so yesaṃ atthīti te saññīvādā, tathā asaññīvādā, nevasaññīnāsaññīvādā ca. Ucchedaṃ vadantīti ucchedavādā. Diṭṭhadhammoti paccakkhadhammo, tattha tattha paṭiladdhaattabhāvassetaṃ adhivacanaṃ. Diṭṭhadhamme nibbānaṃ diṭṭhadhammanibbānaṃ, imasmiṃyeva attabhāve dukkhavūpasamoti attho, taṃ vadantīti diṭṭhadhammanibbānavādā. Imasmiṃ panatthe vitthāriyamāne sāṭṭhakathaṃ sakalaṃ brahmajālasuttaṃ vattabbaṃ hoti. Evañca sati atipapañco hotīti na vitthārito. Tadatthikehi taṃ apekkhitvā gahetabbo.
അപരന്താനുദിട്ഠിനിദ്ദേസവണ്ണനാ നിട്ഠിതാ.
Aparantānudiṭṭhiniddesavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / പടിസമ്ഭിദാമഗ്ഗപാളി • Paṭisambhidāmaggapāḷi / ൯. അപരന്താനുദിട്ഠിനിദ്ദേസോ • 9. Aparantānudiṭṭhiniddeso
