| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
14. අපරපඨමඣානසුත්‌තං
14. Aparapaṭhamajhānasuttaṃ
264. ‘‘පඤ්‌චිමෙ , භික්‌ඛවෙ, ධම්‌මෙ අප්‌පහාය අභබ්‌බො පඨමං ඣානං උපසම්‌පජ්‌ජ විහරිතුං. කතමෙ පඤ්‌ච? ආවාසමච්‌ඡරියං, කුලමච්‌ඡරියං, ලාභමච්‌ඡරියං, වණ්‌ණමච්‌ඡරියං, අකතඤ්‌ඤුතං අකතවෙදිතං – ඉමෙ ඛො, භික්‌ඛවෙ, පඤ්‌ච ධම්‌මෙ අප්‌පහාය අභබ්‌බො පඨමං ඣානං උපසම්‌පජ්‌ජ විහරිතුං.
264. ‘‘Pañcime , bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, akataññutaṃ akataveditaṃ – ime kho, bhikkhave, pañca dhamme appahāya abhabbo paṭhamaṃ jhānaṃ upasampajja viharituṃ.
‘‘පඤ්‌චිමෙ, භික්‌ඛවෙ, ධම්‌මෙ පහාය භබ්‌බො පඨමං ඣානං උපසම්‌පජ්‌ජ විහරිතුං. කතමෙ පඤ්‌ච? ආවාසමච්‌ඡරියං, කුලමච්‌ඡරියං, ලාභමච්‌ඡරියං, වණ්‌ණමච්‌ඡරියං, අකතඤ්‌ඤුතං අකතවෙදිතං – ඉමෙ ඛො, භික්‌ඛවෙ, පඤ්‌ච ධම්‌මෙ පහාය භබ්‌බො පඨමං ඣානං උපසම්‌පජ්‌ජ විහරිතු’’න්‌ති. චුද්‌දසමං.
‘‘Pañcime, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, akataññutaṃ akataveditaṃ – ime kho, bhikkhave, pañca dhamme pahāya bhabbo paṭhamaṃ jhānaṃ upasampajja viharitu’’nti. Cuddasamaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
