| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
3. д̇иганибаад̇о
3. Tikanipāto
1. абараасаамаат̇зрийг̇аат̇ааван̣н̣анаа
1. Aparāsāmātherīgāthāvaṇṇanā
д̇иганибаад̇з бан̣н̣авийсад̇ивассаанийд̇иаад̣̇игаа абарааяа саамааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий вибассисса бхаг̇авад̇о гаалз жанд̣̇абхааг̇ааяа над̣̇ияаа д̇ийрз гиннараяонияам̣ ниб̣б̣ад̇д̇и. саа д̇ад̇т̇а гиннарзхи сад̣̇д̇хим̣ гийл̣аабасуд̇аа вижарад̇и. ат̇згад̣̇ивасам̣ сад̇т̇аа д̇ассаа гусалаб̣ийж̇аробанад̇т̇ам̣ д̇ад̇т̇а г̇анд̇ваа над̣̇ийд̇ийрз жан̇гами. саа бхаг̇аванд̇ам̣ д̣̇исваа хадтад̇удтаа сал̣алабубпаани аад̣̇ааяа сад̇т̇у санд̇игам̣ г̇анд̇ваа ванд̣̇ид̇ваа д̇зхи бубпзхи бхаг̇аванд̇ам̣ бууж̇зси. саа д̇зна бун̃н̃агаммзна д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з госамб̣ияам̣ гулагхарз ниб̣б̣ад̇д̇ид̇ваа ваяаббад̇д̇аа саамаавад̇ияаа сахааяигаа худ̇ваа д̇ассаа мад̇агаалз сам̣взг̇аж̇аад̇аа баб̣б̣аж̇ид̇ваа бан̃жавийсад̇и вассаани жид̇д̇асамаад̇хаанам̣ алабхид̇ваа махаллигаагаалз суг̇ад̇оваад̣̇ам̣ лабхид̇ваа вибассанам̣ вад̣дхзд̇ваа саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.2.22-29) –
Tikanipāte paṇṇavīsativassānītiādikā aparāya sāmāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī vipassissa bhagavato kāle candabhāgāya nadiyā tīre kinnarayoniyaṃ nibbatti. Sā tattha kinnarehi saddhiṃ kīḷāpasutā vicarati. Athekadivasaṃ satthā tassā kusalabījaropanatthaṃ tattha gantvā nadītīre caṅkami. Sā bhagavantaṃ disvā haṭṭhatuṭṭhā saḷalapupphāni ādāya satthu santikaṃ gantvā vanditvā tehi pupphehi bhagavantaṃ pūjesi. Sā tena puññakammena devamanussesu saṃsarantī imasmiṃ buddhuppāde kosambiyaṃ kulaghare nibbattitvā vayappattā sāmāvatiyā sahāyikā hutvā tassā matakāle saṃvegajātā pabbajitvā pañcavīsati vassāni cittasamādhānaṃ alabhitvā mahallikākāle sugatovādaṃ labhitvā vipassanaṃ vaḍḍhetvā saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.2.22-29) –
‘‘жанд̣̇абхааг̇аанад̣̇ийд̇ийрз, ахосим̣ гиннарий д̇ад̣̇аа;
‘‘Candabhāgānadītīre, ahosiṃ kinnarī tadā;
ад̣̇д̣̇асаахам̣ д̣̇звад̣̇звам̣, жан̇гаманд̇ам̣ нараасабхам̣.
Addasāhaṃ devadevaṃ, caṅkamantaṃ narāsabhaṃ.
‘‘ожинид̇ваана сал̣алам̣, б̣уд̣̇д̇хасздтассад̣̇аасахам̣;
‘‘Ocinitvāna saḷalaṃ, buddhaseṭṭhassadāsahaṃ;
убасин̇гхи махаавийро, сал̣алам̣ д̣̇зваг̇анд̇хигам̣.
Upasiṅghi mahāvīro, saḷalaṃ devagandhikaṃ.
‘‘бадиг̇г̇ахзд̇ваа самб̣уд̣̇д̇хо, вибассий логанааяаго;
‘‘Paṭiggahetvā sambuddho, vipassī lokanāyako;
убасин̇гхи махаавийро, бзгкамаанааяа мз д̇ад̣̇аа.
Upasiṅghi mahāvīro, pekkhamānāya me tadā.
‘‘ан̃ж̇алим̣ баг̇г̇ахзд̇ваана, ванд̣̇ид̇ваа д̣̇вибад̣̇уд̇д̇амам̣;
‘‘Añjaliṃ paggahetvāna, vanditvā dvipaduttamaṃ;
сагам̣ жид̇д̇ам̣ басаад̣̇зд̇ваа, д̇ад̇о баб̣б̣ад̇амаарухим̣.
Sakaṃ cittaṃ pasādetvā, tato pabbatamāruhiṃ.
‘‘зганавуд̇ид̇о габбз, яам̣ бубпамад̣̇ад̣̇им̣ д̇ад̣̇аа;
‘‘Ekanavutito kappe, yaṃ pupphamadadiṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Arahattaṃ pana patvā attano paṭipattiṃ paccavekkhitvā udānavasena –
39.
39.
‘‘бан̣н̣авийсад̇и вассаани, яад̇о баб̣б̣аж̇ид̇ааяа мз;
‘‘Paṇṇavīsati vassāni, yato pabbajitāya me;
наабхиж̇аанаами жид̇д̇асса, самам̣ лад̣̇д̇хам̣ гуд̣̇аажанам̣.
Nābhijānāmi cittassa, samaṃ laddhaṃ kudācanaṃ.
40.
40.
‘‘алад̣̇д̇хаа жзд̇асо санд̇им̣, жид̇д̇з авасавад̇д̇иний;
‘‘Aladdhā cetaso santiṃ, citte avasavattinī;
д̇ад̇о сам̣взг̇амаабаад̣̇им̣, сарид̇ваа ж̇инасаасанам̣.
Tato saṃvegamāpādiṃ, saritvā jinasāsanaṃ.
41.
41.
‘‘б̣ахуухи д̣̇угкад̇хаммзхи, аббамаад̣̇арад̇ааяа мз;
‘‘Bahūhi dukkhadhammehi, appamādaratāya me;
д̇ан̣хагкаяо ануббад̇д̇о, гад̇ам̣ б̣уд̣̇д̇хасса саасанам̣;
Taṇhakkhayo anuppatto, kataṃ buddhassa sāsanaṃ;
аж̇ж̇а мз сад̇д̇амий рад̇д̇и, яад̇о д̇ан̣хаа висосид̇аа’’д̇и. –
Ajja me sattamī ratti, yato taṇhā visositā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а жид̇д̇асса саманд̇и жид̇д̇асса вуубасамам̣, жзд̇осамат̇амаг̇г̇апаласамаад̇хийд̇и ад̇т̇о.
Tattha cittassa samanti cittassa vūpasamaṃ, cetosamathamaggaphalasamādhīti attho.
д̇ад̇од̇и д̇асмаа жид̇д̇авасам̣ вад̇д̇зд̇ум̣ асамад̇т̇абхаавад̇о. сам̣взг̇амаабаад̣̇инд̇и сад̇т̇ари д̇харанд̇зби баб̣б̣аж̇ид̇агижжам̣ мад̇т̇агам̣ баабзд̇ум̣ асаггонд̇ий бажчаа гат̇ам̣ баабаяиссаамийд̇и сам̣взг̇ам̣ н̃аан̣уд̇раасам̣ аабаж̇ж̇им̣. сарид̇ваа ж̇инасаасананд̇и гаан̣агажчабобамаад̣̇исад̇т̇уоваад̣̇ам̣ (сам̣. ни. 5.1117; ма. ни. 3.252) ануссарид̇ваа. сзсам̣ вуд̇д̇анаяамзва.
Tatoti tasmā cittavasaṃ vattetuṃ asamatthabhāvato. Saṃvegamāpādinti satthari dharantepi pabbajitakiccaṃ matthakaṃ pāpetuṃ asakkontī pacchā kathaṃ pāpayissāmīti saṃvegaṃ ñāṇutrāsaṃ āpajjiṃ. Saritvā jinasāsananti kāṇakacchapopamādisatthuovādaṃ (saṃ. ni. 5.1117; ma. ni. 3.252) anussaritvā. Sesaṃ vuttanayameva.
абараасаамаат̇зрийг̇аат̇ааван̣н̣анаа нидтид̇аа.
Aparāsāmātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. абараасаамаат̇зрийг̇аат̇аа • 1. Aparāsāmātherīgāthā
