| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. อิทฺธิปาทสํยุตฺตํ
7. Iddhipādasaṃyuttaṃ
๑. จาปาลวโคฺค
1. Cāpālavaggo
๑. อปารสุตฺตวณฺณนา
1. Apārasuttavaṇṇanā
๘๑๓. ฉนฺทํ นิสฺสาย ปวโตฺต สมาธีติ กตฺตุกมฺยตาฉนฺทํ อธิปติํ กตฺวา ปฎิลทฺธสมาธิ ฉนฺธสมาธิฯ ปธานสงฺขาราติ จตุกิจฺจสาธกสฺส สมฺมปฺปธานวีริยเสฺสตํ อธิวจนํฯ เตหีติ ฉนฺทสมาธิปธานสงฺขาเรหิฯ อิทฺธิยา ปาทนฺติ นิปฺผตฺติปริยาเยน อิชฺฌนเฎฺฐน, อิชฺฌนฺติ เอตาย สทฺธา อิทฺธา วุทฺธา อุกฺกํสคตา โหนฺตีติ อิมินา วา ปริยาเยน ‘‘อิทฺธี’’ติ สงฺขาตานํ อุปจารชฺฌานาทิกุสลจิตฺตสมฺปยุตฺตานํ ฉนฺทสมาธิปธานสงฺขารานํ อธิฎฺฐานเฎฺฐน ปาทภูตํ, เสสจิตฺตเจตสิกราสินฺติ อโตฺถฯ สา เอว จ ยถาวุตฺตอิทฺธิ ยสฺมา เหฎฺฐิมา เหฎฺฐิมา อุปริมาย อุปริมาย ปาทภูตา, ตสฺมา วุตฺตํ ‘‘อิทฺธิภูตํ วา ปาทนฺติ อิทฺธิปาท’’นฺติฯ เสเสสูติ วีริยสมาธิอาทีสุฯ ตตฺถ หิ วีริยํ จิตฺตํ วีมํสํ อธิปติํ กตฺวา ปฎิลทฺธสมาธิ วีมํสาสมาธีติ อโตฺถ เวทิตโพฺพฯ อิธาติ อิมสฺมิํ อิทฺธิปาทสํยุเตฺตฯ เอกปริเจฺฉโทว อตฺถนิเทฺทโสฯ
813.Chandaṃnissāya pavatto samādhīti kattukamyatāchandaṃ adhipatiṃ katvā paṭiladdhasamādhi chandhasamādhi. Padhānasaṅkhārāti catukiccasādhakassa sammappadhānavīriyassetaṃ adhivacanaṃ. Tehīti chandasamādhipadhānasaṅkhārehi. Iddhiyā pādanti nipphattipariyāyena ijjhanaṭṭhena, ijjhanti etāya saddhā iddhā vuddhā ukkaṃsagatā hontīti iminā vā pariyāyena ‘‘iddhī’’ti saṅkhātānaṃ upacārajjhānādikusalacittasampayuttānaṃ chandasamādhipadhānasaṅkhārānaṃ adhiṭṭhānaṭṭhena pādabhūtaṃ, sesacittacetasikarāsinti attho. Sā eva ca yathāvuttaiddhi yasmā heṭṭhimā heṭṭhimā uparimāya uparimāya pādabhūtā, tasmā vuttaṃ ‘‘iddhibhūtaṃ vā pādanti iddhipāda’’nti. Sesesūti vīriyasamādhiādīsu. Tattha hi vīriyaṃ cittaṃ vīmaṃsaṃ adhipatiṃ katvā paṭiladdhasamādhi vīmaṃsāsamādhīti attho veditabbo. Idhāti imasmiṃ iddhipādasaṃyutte. Ekaparicchedova atthaniddeso.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. อปารสุตฺตํ • 1. Apārasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. อปารสุตฺตวณฺณนา • 1. Apārasuttavaṇṇanā
