| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਇਦ੍ਧਿਪਾਦਸਂਯੁਤ੍ਤਂ
7. Iddhipādasaṃyuttaṃ
੧. ਚਾਪਾਲવਗ੍ਗੋ
1. Cāpālavaggo
੧. ਅਪਾਰਸੁਤ੍ਤવਣ੍ਣਨਾ
1. Apārasuttavaṇṇanā
੮੧੩. ਛਨ੍ਦਂ ਨਿਸ੍ਸਾਯ ਪવਤ੍ਤੋ ਸਮਾਧੀਤਿ ਕਤ੍ਤੁਕਮ੍ਯਤਾਛਨ੍ਦਂ ਅਧਿਪਤਿਂ ਕਤ੍વਾ ਪਟਿਲਦ੍ਧਸਮਾਧਿ ਛਨ੍ਧਸਮਾਧਿ। ਪਧਾਨਸਙ੍ਖਾਰਾਤਿ ਚਤੁਕਿਚ੍ਚਸਾਧਕਸ੍ਸ ਸਮ੍ਮਪ੍ਪਧਾਨવੀਰਿਯਸ੍ਸੇਤਂ ਅਧਿવਚਨਂ। ਤੇਹੀਤਿ ਛਨ੍ਦਸਮਾਧਿਪਧਾਨਸਙ੍ਖਾਰੇਹਿ। ਇਦ੍ਧਿਯਾ ਪਾਦਨ੍ਤਿ ਨਿਪ੍ਫਤ੍ਤਿਪਰਿਯਾਯੇਨ ਇਜ੍ਝਨਟ੍ਠੇਨ, ਇਜ੍ਝਨ੍ਤਿ ਏਤਾਯ ਸਦ੍ਧਾ ਇਦ੍ਧਾ વੁਦ੍ਧਾ ਉਕ੍ਕਂਸਗਤਾ ਹੋਨ੍ਤੀਤਿ ਇਮਿਨਾ વਾ ਪਰਿਯਾਯੇਨ ‘‘ਇਦ੍ਧੀ’’ਤਿ ਸਙ੍ਖਾਤਾਨਂ ਉਪਚਾਰਜ੍ਝਾਨਾਦਿਕੁਸਲਚਿਤ੍ਤਸਮ੍ਪਯੁਤ੍ਤਾਨਂ ਛਨ੍ਦਸਮਾਧਿਪਧਾਨਸਙ੍ਖਾਰਾਨਂ ਅਧਿਟ੍ਠਾਨਟ੍ਠੇਨ ਪਾਦਭੂਤਂ, ਸੇਸਚਿਤ੍ਤਚੇਤਸਿਕਰਾਸਿਨ੍ਤਿ ਅਤ੍ਥੋ। ਸਾ ਏવ ਚ ਯਥਾવੁਤ੍ਤਇਦ੍ਧਿ ਯਸ੍ਮਾ ਹੇਟ੍ਠਿਮਾ ਹੇਟ੍ਠਿਮਾ ਉਪਰਿਮਾਯ ਉਪਰਿਮਾਯ ਪਾਦਭੂਤਾ, ਤਸ੍ਮਾ વੁਤ੍ਤਂ ‘‘ਇਦ੍ਧਿਭੂਤਂ વਾ ਪਾਦਨ੍ਤਿ ਇਦ੍ਧਿਪਾਦ’’ਨ੍ਤਿ। ਸੇਸੇਸੂਤਿ વੀਰਿਯਸਮਾਧਿਆਦੀਸੁ। ਤਤ੍ਥ ਹਿ વੀਰਿਯਂ ਚਿਤ੍ਤਂ વੀਮਂਸਂ ਅਧਿਪਤਿਂ ਕਤ੍વਾ ਪਟਿਲਦ੍ਧਸਮਾਧਿ વੀਮਂਸਾਸਮਾਧੀਤਿ ਅਤ੍ਥੋ વੇਦਿਤਬ੍ਬੋ। ਇਧਾਤਿ ਇਮਸ੍ਮਿਂ ਇਦ੍ਧਿਪਾਦਸਂਯੁਤ੍ਤੇ। ਏਕਪਰਿਚ੍ਛੇਦੋવ ਅਤ੍ਥਨਿਦ੍ਦੇਸੋ।
813.Chandaṃnissāya pavatto samādhīti kattukamyatāchandaṃ adhipatiṃ katvā paṭiladdhasamādhi chandhasamādhi. Padhānasaṅkhārāti catukiccasādhakassa sammappadhānavīriyassetaṃ adhivacanaṃ. Tehīti chandasamādhipadhānasaṅkhārehi. Iddhiyā pādanti nipphattipariyāyena ijjhanaṭṭhena, ijjhanti etāya saddhā iddhā vuddhā ukkaṃsagatā hontīti iminā vā pariyāyena ‘‘iddhī’’ti saṅkhātānaṃ upacārajjhānādikusalacittasampayuttānaṃ chandasamādhipadhānasaṅkhārānaṃ adhiṭṭhānaṭṭhena pādabhūtaṃ, sesacittacetasikarāsinti attho. Sā eva ca yathāvuttaiddhi yasmā heṭṭhimā heṭṭhimā uparimāya uparimāya pādabhūtā, tasmā vuttaṃ ‘‘iddhibhūtaṃ vā pādanti iddhipāda’’nti. Sesesūti vīriyasamādhiādīsu. Tattha hi vīriyaṃ cittaṃ vīmaṃsaṃ adhipatiṃ katvā paṭiladdhasamādhi vīmaṃsāsamādhīti attho veditabbo. Idhāti imasmiṃ iddhipādasaṃyutte. Ekaparicchedova atthaniddeso.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਅਪਾਰਸੁਤ੍ਤਂ • 1. Apārasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਅਪਾਰਸੁਤ੍ਤવਣ੍ਣਨਾ • 1. Apārasuttavaṇṇanā
