| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. абарауд̇д̇арад̇т̇зраабад̣̇аанаван̣н̣анаа
7. Aparauttarattheraapadānavaṇṇanā
сад̇д̇амаабад̣̇аанз ниб̣б̣уд̇з логанаат̇амхийд̇иаад̣̇игам̣ ааяасмад̇о абарасса уд̇д̇арад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о ид̇о жад̇уннавуд̇игаббз сид̣̇д̇хад̇т̇асса бхаг̇авад̇о гаалз гулаг̇зхз ниб̣б̣ад̇д̇ид̇ваа ваяаббад̇д̇о вин̃н̃уд̇ам̣ бад̇ваа саасанз лад̣̇д̇хаббасаад̣̇о худ̇ваа убаасагад̇д̇ам̣ нивзд̣̇зси. со сад̇т̇ари бариниб̣б̣уд̇з ад̇д̇ано н̃аад̇агз саннибаад̇зд̇ваа б̣ахубууж̇аасаггаарам̣ сам̣харид̇ваа д̇хаад̇убууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саагзд̇з б̣раахман̣агулз ниб̣б̣ад̇д̇ид̇ваа уд̇д̇арод̇и лад̣̇д̇ханаамо ваяаббад̇д̇о гзнажид̣̇зва гаран̣ийязна саавад̇т̇им̣ г̇ад̇о ган̣д̣амб̣амуулз гад̇ам̣ яамагабаадихаарияам̣ д̣̇исваа басийд̣̇ид̇ваа буна гаал̣агаараамасуд̇д̇ад̣̇зсанааяа абхивад̣дхамаанасад̣̇д̇хо баб̣б̣аж̇ид̇ваа сад̇т̇аараа сад̣̇д̇хим̣ рааж̇аг̇ахам̣ г̇анд̇ваа убасамбад̣̇ам̣ лабхид̇ваа д̇ат̇зва жаранд̇о вибассанам̣ бадтабзд̇ваа нажирассзва чал̣абхин̃н̃о ахоси. чал̣абхин̃н̃о бана худ̇ваа сад̇т̇ари саавад̇т̇ияам̣ вихаранд̇з б̣уд̣̇д̇хубадтаанад̇т̇ам̣ рааж̇аг̇ахад̇о саавад̇т̇им̣ убаг̇ад̇о бхигкуухи – ‘‘гим̣, аавусо, баб̣б̣аж̇ж̇аагижжам̣ д̇аяаа мад̇т̇агам̣ баабид̇а’’нд̇и будто ан̃н̃ам̣ б̣яаагааси.
Sattamāpadāne nibbute lokanāthamhītiādikaṃ āyasmato aparassa uttarattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto ito catunnavutikappe siddhatthassa bhagavato kāle kulagehe nibbattitvā vayappatto viññutaṃ patvā sāsane laddhappasādo hutvā upāsakattaṃ nivedesi. So satthari parinibbute attano ñātake sannipātetvā bahupūjāsakkāraṃ saṃharitvā dhātupūjaṃ akāsi. So tena puññakammena devamanussesu saṃsaranto imasmiṃ buddhuppāde sākete brāhmaṇakule nibbattitvā uttaroti laddhanāmo vayappatto kenacideva karaṇīyena sāvatthiṃ gato kaṇḍambamūle kataṃ yamakapāṭihāriyaṃ disvā pasīditvā puna kāḷakārāmasuttadesanāya abhivaḍḍhamānasaddho pabbajitvā satthārā saddhiṃ rājagahaṃ gantvā upasampadaṃ labhitvā tatheva caranto vipassanaṃ paṭṭhapetvā nacirasseva chaḷabhiñño ahosi. Chaḷabhiñño pana hutvā satthari sāvatthiyaṃ viharante buddhupaṭṭhānatthaṃ rājagahato sāvatthiṃ upagato bhikkhūhi – ‘‘kiṃ, āvuso, pabbajjākiccaṃ tayā matthakaṃ pāpita’’nti puṭṭho aññaṃ byākāsi.
93. арахад̇д̇ам̣ бана бад̇ваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о ниб̣б̣уд̇з логанаат̇амхийд̇иаад̣̇имааха. д̇ам̣ саб̣б̣ам̣ хздтаа вуд̇д̇анаяад̇д̇аа уд̇д̇аанад̇т̇амзваад̇и.
93. Arahattaṃ pana patvā somanassajāto attano pubbacaritāpadānaṃ pakāsento nibbute lokanāthamhītiādimāha. Taṃ sabbaṃ heṭṭhā vuttanayattā uttānatthamevāti.
абарауд̇д̇арад̇т̇зраабад̣̇аанаван̣н̣анаа самад̇д̇аа.
Aparauttarattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. абарауд̇д̇арад̇т̇зраабад̣̇аанам̣ • 7. Aparauttarattheraapadānaṃ
