| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2-3. අපරිහානසුත්‌තද්‌වයවණ්‌ණනා
2-3. Aparihānasuttadvayavaṇṇanā
32-33. දුතියෙ සත්‌ථුගාරවතාති සත්‌ථරි ගරුභාවො. ධම්‌මගාරවතාති නවවිධෙ ලොකුත්‌තරධම්‌මෙ ගරුභාවො. සඞ්‌ඝගාරවතාති සඞ්‌ඝෙ ගරුභාවො. සික්‌ඛාගාරවතාති තීසු සික්‌ඛාසු ගරුභාවො. අප්‌පමාදගාරවතාති අප්‌පමාදෙ ගරුභාවො. පටිසන්‌ථාරගාරවතාති ධම්‌මාමිසවසෙන දුවිධෙ පටිසන්‌ථාරෙ ගරුභාවො. සත්‌ථා ගරු අස්‌සාති සත්‌ථුගරු. ධම්‌මො ගරු අස්‌සාති ධම්‌මගරු. තිබ්‌බගාරවොති බහලගාරවො. පටිසන්‌ථාරෙ ගාරවො අස්‌සාති පටිසන්‌ථාරගාරවො. තතියෙ සප්‌පතිස්‌සොති සජෙට්‌ඨකො සගාරවො. හිරොත්‌තප්‌පං පනෙත්‌ථ මිස්‌සකං කථිතං.
32-33. Dutiye satthugāravatāti satthari garubhāvo. Dhammagāravatāti navavidhe lokuttaradhamme garubhāvo. Saṅghagāravatāti saṅghe garubhāvo. Sikkhāgāravatāti tīsu sikkhāsu garubhāvo. Appamādagāravatāti appamāde garubhāvo. Paṭisanthāragāravatāti dhammāmisavasena duvidhe paṭisanthāre garubhāvo. Satthā garu assāti satthugaru. Dhammo garu assāti dhammagaru. Tibbagāravoti bahalagāravo. Paṭisanthāre gāravo assāti paṭisanthāragāravo. Tatiye sappatissoti sajeṭṭhako sagāravo. Hirottappaṃ panettha missakaṃ kathitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
2. පඨමඅපරිහානසුත්‌තං • 2. Paṭhamaaparihānasuttaṃ
3. දුතියඅපරිහානසුත්‌තං • 3. Dutiyaaparihānasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-4. සෙඛසුත්‌තාදිවණ්‌ණනා • 1-4. Sekhasuttādivaṇṇanā
