| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๒. อปริหานิยสุตฺตํ
2. Aparihāniyasuttaṃ
๒๒. ‘‘ฉยิเม, ภิกฺขเว, อปริหานิเย ธเมฺม เทเสสฺสามิ, ตํ สุณาถ…เป.… กตเม จ, ภิกฺขเว, ฉ อปริหานิยา ธมฺมา? น กมฺมารามตา, น ภสฺสารามตา, น นิทฺทารามตา, น สงฺคณิการามตา, โสวจสฺสตา, กลฺยาณมิตฺตตา – อิเม โข, ภิกฺขเว, ฉ อปริหานิยา ธมฺมาฯ
22. ‘‘Chayime, bhikkhave, aparihāniye dhamme desessāmi, taṃ suṇātha…pe… katame ca, bhikkhave, cha aparihāniyā dhammā? Na kammārāmatā, na bhassārāmatā, na niddārāmatā, na saṅgaṇikārāmatā, sovacassatā, kalyāṇamittatā – ime kho, bhikkhave, cha aparihāniyā dhammā.
‘‘เย หิ เกจิ, ภิกฺขเว, อตีตมทฺธานํ น ปริหายิํสุ กุสเลหิ ธเมฺมหิ, สเพฺพเต อิเมเหว ฉหิ ธเมฺมหิ น ปริหายิํสุ กุสเลหิ ธเมฺมหิฯ เยปิ หิ เกจิ, ภิกฺขเว, อนาคตมทฺธานํ น ปริหายิสฺสนฺติ กุสเลหิ ธเมฺมหิ, สเพฺพเต อิเมเหว ฉหิ ธเมฺมหิ น ปริหายิสฺสนฺติ กุสเลหิ ธเมฺมหิฯ เยปิ หิ เกจิ, ภิกฺขเว, เอตรหิ น ปริหายนฺติ กุสเลหิ ธเมฺมหิ, สเพฺพเต อิเมเหว ฉหิ ธเมฺมหิ น ปริหายนฺติ กุสเลหิ ธเมฺมหี’’ติฯ ทุติยํฯ
‘‘Ye hi keci, bhikkhave, atītamaddhānaṃ na parihāyiṃsu kusalehi dhammehi, sabbete imeheva chahi dhammehi na parihāyiṃsu kusalehi dhammehi. Yepi hi keci, bhikkhave, anāgatamaddhānaṃ na parihāyissanti kusalehi dhammehi, sabbete imeheva chahi dhammehi na parihāyissanti kusalehi dhammehi. Yepi hi keci, bhikkhave, etarahi na parihāyanti kusalehi dhammehi, sabbete imeheva chahi dhammehi na parihāyanti kusalehi dhammehī’’ti. Dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑-๒. สามกสุตฺตาทิวณฺณนา • 1-2. Sāmakasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๒. สามกสุตฺตาทิวณฺณนา • 1-2. Sāmakasuttādivaṇṇanā
