| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
7. அபரிஹானியஸுத்தவண்ணனா
7. Aparihāniyasuttavaṇṇanā
37. ஸத்தமே நிப்³பா³னஸந்திகேயேவ சரதீதி கிலேஸனிப்³பா³னஸ்ஸ அனுபாதா³பரினிப்³பா³னஸ்ஸ ச ஸந்திகேயேவ சரதி ‘‘ந சிரஸ்ஸேவ அதி⁴க³மிஸ்ஸதீ’’தி கத்வா . கா³தா²ய அப்பமாத³ரதோதி ஸமத²விபஸ்ஸனாய அப்பமஜ்ஜனே ரதோ அபி⁴ரதோ, அப்பமாதே³னேவ ரத்திந்தி³வங் வீதினாமெந்தோதி அத்தோ². பமாத³ங் ப⁴யதோ பஸ்ஸந்தோதி நிரயூபபத்திஆதி³ப⁴யஹேதுதோ பமாத³ங் ப⁴யதோ பஸ்ஸந்தோ. அப⁴ப்³போ³ பரிஹானாயாதி ஸோ ஏவரூபோ ஸமத²விபஸ்ஸனாத⁴ம்மேஹி மக்³க³ப²லேஹி வா பரிஹானாய அப⁴ப்³போ³. ஸமத²விபஸ்ஸனாதோ ஹி ஸம்பத்ததோ ந பரிஹாயதி, இதரானி ச அப்பத்தானி பாபுணாதீதி.
37. Sattame nibbānasantikeyeva caratīti kilesanibbānassa anupādāparinibbānassa ca santikeyeva carati ‘‘na cirasseva adhigamissatī’’ti katvā . Gāthāya appamādaratoti samathavipassanāya appamajjane rato abhirato, appamādeneva rattindivaṃ vītināmentoti attho. Pamādaṃ bhayato passantoti nirayūpapattiādibhayahetuto pamādaṃ bhayato passanto. Abhabbo parihānāyāti so evarūpo samathavipassanādhammehi maggaphalehi vā parihānāya abhabbo. Samathavipassanāto hi sampattato na parihāyati, itarāni ca appattāni pāpuṇātīti.
அபரிஹானியஸுத்தவண்ணனா நிட்டி²தா.
Aparihāniyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. அபரிஹானியஸுத்தங் • 7. Aparihāniyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. அபரிஹானியஸுத்தவண்ணனா • 7. Aparihāniyasuttavaṇṇanā
