| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၇. အပရိဟာနိယသုတ္တဝဏ္ဏနာ
7. Aparihāniyasuttavaṇṇanā
၃၇. သတ္တမေ နိဗ္ဗာနသန္တိကေယေဝ စရတီတိ ကိလေသနိဗ္ဗာနသ္သ အနုပာဒာပရိနိဗ္ဗာနသ္သ စ သန္တိကေယေဝ စရတိ ‘‘န စိရသ္သေဝ အဓိဂမိသ္သတီ’’တိ ကတ္ဝာ ။ ဂာထာယ အပ္ပမာဒရတောတိ သမထဝိပသ္သနာယ အပ္ပမဇ္ဇနေ ရတော အဘိရတော, အပ္ပမာဒေနေဝ ရတ္တိန္ဒိဝံ ဝီတိနာမေန္တောတိ အတ္ထော။ ပမာဒံ ဘယတော ပသ္သန္တောတိ နိရယူပပတ္တိအာဒိဘယဟေတုတော ပမာဒံ ဘယတော ပသ္သန္တော။ အဘဗ္ဗော ပရိဟာနာယာတိ သော ဧဝရူပော သမထဝိပသ္သနာဓမ္မေဟိ မဂ္ဂဖလေဟိ ဝာ ပရိဟာနာယ အဘဗ္ဗော။ သမထဝိပသ္သနာတော ဟိ သမ္ပတ္တတော န ပရိဟာယတိ, ဣတရာနိ စ အပ္ပတ္တာနိ ပာပုဏာတီတိ။
37. Sattame nibbānasantikeyeva caratīti kilesanibbānassa anupādāparinibbānassa ca santikeyeva carati ‘‘na cirasseva adhigamissatī’’ti katvā . Gāthāya appamādaratoti samathavipassanāya appamajjane rato abhirato, appamādeneva rattindivaṃ vītināmentoti attho. Pamādaṃ bhayato passantoti nirayūpapattiādibhayahetuto pamādaṃ bhayato passanto. Abhabbo parihānāyāti so evarūpo samathavipassanādhammehi maggaphalehi vā parihānāya abhabbo. Samathavipassanāto hi sampattato na parihāyati, itarāni ca appattāni pāpuṇātīti.
အပရိဟာနိယသုတ္တဝဏ္ဏနာ နိဋ္ဌိတာ။
Aparihāniyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. အပရိဟာနိယသုတ္တံ • 7. Aparihāniyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၇. အပရိဟာနိယသုတ္တဝဏ္ဏနာ • 7. Aparihāniyasuttavaṇṇanā
