| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๓. เตวีสติมวโคฺค
23. Tevīsatimavaggo
(๒๒๖) ๙. อปรินิปฺผนฺนกถา
(226) 9. Aparinipphannakathā
๙๑๗. รูปํ อปรินิปฺผนฺนนฺติ? อามนฺตาฯ รูปํ น อนิจฺจํ น สงฺขตํ น ปฎิจฺจสมุปฺปนฺนํ น ขยธมฺมํ น วยธมฺมํ น วิราคธมฺมํ น นิโรธธมฺมํ น วิปริณามธมฺมนฺติ? น เหวํ วตฺตเพฺพ…เป.… นนุ รูปํ อนิจฺจํ สงฺขตํ ปฎิจฺจสมุปฺปนฺนํ ขยธมฺมํ วยธมฺมํ วิราคธมฺมํ นิโรธธมฺมํ วิปริณามธมฺมนฺติ? อามนฺตาฯ หญฺจิ รูปํ อนิจฺจํ สงฺขตํ…เป.… วิปริณามธมฺมํ, โน จ วต เร วตฺตเพฺพ – ‘‘รูปํ อปรินิปฺผนฺน’’นฺติฯ
917. Rūpaṃ aparinipphannanti? Āmantā. Rūpaṃ na aniccaṃ na saṅkhataṃ na paṭiccasamuppannaṃ na khayadhammaṃ na vayadhammaṃ na virāgadhammaṃ na nirodhadhammaṃ na vipariṇāmadhammanti? Na hevaṃ vattabbe…pe… nanu rūpaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammanti? Āmantā. Hañci rūpaṃ aniccaṃ saṅkhataṃ…pe… vipariṇāmadhammaṃ, no ca vata re vattabbe – ‘‘rūpaṃ aparinipphanna’’nti.
ทุกฺขเญฺญว ปรินิปฺผนฺนนฺติ? อามนฺตาฯ นนุ ยทนิจฺจํ ตํ ทุกฺขํ 1 วุตฺตํ ภควตา – ‘‘รูปํ อนิจฺจ’’นฺติ? อามนฺตาฯ หญฺจิ ยทนิจฺจํ ตํ ทุกฺขํ วุตฺตํ ภควตา – ‘‘รูปํ อนิจฺจํ’’, โน จ วต เร วตฺตเพฺพ – ‘‘ทุกฺขเญฺญว ปรินิปฺผนฺน’’นฺติ…เป.…ฯ
Dukkhaññeva parinipphannanti? Āmantā. Nanu yadaniccaṃ taṃ dukkhaṃ 2 vuttaṃ bhagavatā – ‘‘rūpaṃ anicca’’nti? Āmantā. Hañci yadaniccaṃ taṃ dukkhaṃ vuttaṃ bhagavatā – ‘‘rūpaṃ aniccaṃ’’, no ca vata re vattabbe – ‘‘dukkhaññeva parinipphanna’’nti…pe….
๙๑๘. เวทนา …เป.… สญฺญา… สงฺขารา… วิญฺญาณํ… จกฺขายตนํ…เป.… ธมฺมายตนํ… จกฺขุธาตุ… ธมฺมธาตุ… จกฺขุนฺทฺริยํ…เป.… อญฺญาตาวินฺทฺริยํ อปรินิปฺผนฺนนฺติ? อามนฺตาฯ อญฺญาตาวินฺทฺริยํ น อนิจฺจํ…เป.… น วิปริณามธมฺมนฺติ? น เหวํ วตฺตเพฺพ…เป.… นนุ อญฺญาตาวินฺทฺริยํ อนิจฺจํ สงฺขตํ…เป.… วิปริณามธมฺมนฺติ? อามนฺตาฯ หญฺจิ อญฺญาตาวินฺทฺริยํ อนิจฺจํ สงฺขตํ ปฎิจฺจสมุปฺปนฺนํ ขยธมฺมํ วยธมฺมํ วิราคธมฺมํ นิโรธธมฺมํ วิปริณามธมฺมํ, โน จ วต เร วตฺตเพฺพ – ‘‘อญฺญาตาวินฺทฺริยํ อปรินิปฺผนฺน’’นฺติฯ
918. Vedanā …pe… saññā… saṅkhārā… viññāṇaṃ… cakkhāyatanaṃ…pe… dhammāyatanaṃ… cakkhudhātu… dhammadhātu… cakkhundriyaṃ…pe… aññātāvindriyaṃ aparinipphannanti? Āmantā. Aññātāvindriyaṃ na aniccaṃ…pe… na vipariṇāmadhammanti? Na hevaṃ vattabbe…pe… nanu aññātāvindriyaṃ aniccaṃ saṅkhataṃ…pe… vipariṇāmadhammanti? Āmantā. Hañci aññātāvindriyaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammaṃ, no ca vata re vattabbe – ‘‘aññātāvindriyaṃ aparinipphanna’’nti.
ทุกฺขเญฺญว ปรินิปฺผนฺนนฺติ? อามนฺตาฯ นนุ ยทนิจฺจํ ตํ ทุกฺขํ วุตฺตํ ภควตา – ‘‘อญฺญาตาวินฺทฺริยํ อนิจฺจ’’นฺติ? อามนฺตาฯ หญฺจิ ยทนิจฺจํ ตํ ทุกฺขํ วุตฺตํ ภควตา – ‘‘อญฺญาตาวินฺทฺริยํ อนิจฺจํ’’, โน จ วต เร วตฺตเพฺพ – ‘‘ทุกฺขเญฺญว ปรินิปฺผนฺน’’นฺติฯ
Dukkhaññeva parinipphannanti? Āmantā. Nanu yadaniccaṃ taṃ dukkhaṃ vuttaṃ bhagavatā – ‘‘aññātāvindriyaṃ anicca’’nti? Āmantā. Hañci yadaniccaṃ taṃ dukkhaṃ vuttaṃ bhagavatā – ‘‘aññātāvindriyaṃ aniccaṃ’’, no ca vata re vattabbe – ‘‘dukkhaññeva parinipphanna’’nti.
อปรินิปฺผนฺนกถา นิฎฺฐิตาฯ
Aparinipphannakathā niṭṭhitā.
เตวีสติมวโคฺคฯ
Tevīsatimavaggo.
ตสฺสุทฺทานํ –
Tassuddānaṃ –
เอกาธิปฺปาเยน เมถุโน ธโมฺม ปฎิเสวิตโพฺพ, อรหนฺตานํ วเณฺณน อมนุสฺสา เมถุนํ ธมฺมํ ปฎิเสวนฺติ, โพธิสโตฺต อิสฺสริยกามการิกาเหตุ วินิปาตํ คจฺฉติ, คพฺภเสยฺยํ โอกฺกมติ, ทุกฺกรการิกํ อกาสิ , อปรนฺตปํ อกาสิ, อญฺญํ สตฺถารํ อุทฺทิสิ, อตฺถิ น ราโค ราคปติรูปโก อตฺถิ น โทโส โทสปติรูปโก อตฺถิ น โมโห โมหปติรูปโก อตฺถิ น กิเลโส กิเลสปติรูปโก, รูปํ อปรินิปฺผนฺนํ อญฺญาตาวินฺทฺริยํ อปรินิปฺผนฺนนฺติฯ
Ekādhippāyena methuno dhammo paṭisevitabbo, arahantānaṃ vaṇṇena amanussā methunaṃ dhammaṃ paṭisevanti, bodhisatto issariyakāmakārikāhetu vinipātaṃ gacchati, gabbhaseyyaṃ okkamati, dukkarakārikaṃ akāsi , aparantapaṃ akāsi, aññaṃ satthāraṃ uddisi, atthi na rāgo rāgapatirūpako atthi na doso dosapatirūpako atthi na moho mohapatirūpako atthi na kileso kilesapatirūpako, rūpaṃ aparinipphannaṃ aññātāvindriyaṃ aparinipphannanti.
ขุทฺทโก อฑฺฒปณฺณาสโกฯ
Khuddako aḍḍhapaṇṇāsako.
ตสฺสุทฺทานํ –
Tassuddānaṃ –
นวํ, นิพฺพุติ, เอกาธิปฺปาโยติฯ
Navaṃ, nibbuti, ekādhippāyoti.
ปณฺณาสกุทฺทานํ –
Paṇṇāsakuddānaṃ –
มหานิยาโม , อนุสยา, นิคฺคโห, ขุทฺทกปญฺจโม;
Mahāniyāmo , anusayā, niggaho, khuddakapañcamo;
ปรปฺปวาทมทฺทนา, สุตฺตมูลสมาหิตา;
Parappavādamaddanā, suttamūlasamāhitā;
อุโชฺชตนา สตฺถุสมเย, กถาวตฺถุปกรเณติฯ
Ujjotanā satthusamaye, kathāvatthupakaraṇeti.
ปญฺจตฺติํสภาณวารํ
Pañcattiṃsabhāṇavāraṃ
กถาวตฺถุปกรณํ นิฎฺฐิตํฯ
Kathāvatthupakaraṇaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. อปรินิปฺผนฺนกถาวณฺณนา • 9. Aparinipphannakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๙. อปรินิปฺผนฺนกถาวณฺณนา • 9. Aparinipphannakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๙. อปรินิปฺผนฺนกถาวณฺณนา • 9. Aparinipphannakathāvaṇṇanā
