| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
9. அபரினிப்ப²ன்னகதா²வண்ணனா
9. Aparinipphannakathāvaṇṇanā
917-918. அனிச்சாதி³கோ பா⁴வோதி அனிச்சஸங்கா²ரபடிச்சஸமுப்பன்னதாதி³கோ பா⁴வோ த⁴ம்மோ பகதி ஏதஸ்ஸாதி அத்தோ². து³க்க²ஞ்ஞேவ பரினிப்ப²ன்னந்தி ‘‘து³க்க²ஸச்சங் ஸந்தா⁴ய புச்சா² கதா, ந து³க்க²தாமத்த’’ந்தி அயமத்தோ² விஞ்ஞாயதி ‘‘ந கேவலஞ்ஹி பட²மஸச்சமேவ து³க்க²’’ந்தி வசனேன. ததா² ஸதி பரவாதி³னா சக்கா²யதனாதீ³னங் அஞ்ஞேஸஞ்ச தங்ஸரிக்க²கானங் த⁴ம்மானங் பரினிப்ப²ன்னதா நானுஜானிதப்³பா³ ஸியா. கஸ்மா? தேஸம்பி ஹி து³க்க²ஸச்சேன ஸங்க³ஹோ, ந இதரஸச்சேஹி. யஞ்ஹி ஸமுத³யஸச்சதோ நிப்³ப³த்தங், தங் நிப்பரியாயதோ து³க்க²ஸச்சங் , இதரங் ஸங்கா²ரது³க்க²தாய து³க்க²ந்தி இமமத்த²ங் த³ஸ்ஸெந்தோ ‘‘ந கேவலஞ்ஹீ’’திஆதி³மாஹ. தத்த² ந ஹி அனுபாதி³ன்னானீதி இமினா சக்கா²யதனாதீ³னங் ஸமுத³யஸச்சேன ஸங்க³ஹாபா⁴வமாஹ. லோகுத்தரானீதி இமினா நிரோத⁴மக்³க³ஸச்சேஹி. யதி³ ஏவமெத்த² யுத்தி வத்தப்³பா³, கிமெத்த² வத்தப்³ப³ங்? ஸபா⁴வோ ஹேஸ பரவாதி³வாத³ஸ்ஸ, யதி³த³ங் புப்³பே³னாபரமஸங்ஸந்த³னங். ததா² ஹி ஸோ விஞ்ஞூஹி படிக்கி²த்தோ. ததா² சேவ தங் அம்ஹேஹி தத்த² தத்த² விபா⁴விதங். ஏதந்தி ‘‘ரூபங் அபரினிப்ப²ன்னங், து³க்க²ஞ்ஞேவ பரினிப்ப²ன்ன’’ந்தி யதே³தங் தயா வுத்தங், ஏதங் நோ வத ரே வத்தப்³பே³. கஸ்மா? ரூபஸ்ஸ ச து³க்க²த்தா. ரூபஞ்ஹி அனிச்சங் து³க்கா²தி⁴ட்டா²னஞ்ச. தேன வுத்தங் ‘‘யத³னிச்சங் தங் து³க்க²ங். ஸங்கி²த்தேன பஞ்சுபாதா³னக்க²ந்தா⁴ து³க்கா²’’தி ச.
917-918. Aniccādikobhāvoti aniccasaṅkhārapaṭiccasamuppannatādiko bhāvo dhammo pakati etassāti attho. Dukkhaññeva parinipphannanti ‘‘dukkhasaccaṃ sandhāya pucchā katā, na dukkhatāmatta’’nti ayamattho viññāyati ‘‘na kevalañhi paṭhamasaccameva dukkha’’nti vacanena. Tathā sati paravādinā cakkhāyatanādīnaṃ aññesañca taṃsarikkhakānaṃ dhammānaṃ parinipphannatā nānujānitabbā siyā. Kasmā? Tesampi hi dukkhasaccena saṅgaho, na itarasaccehi. Yañhi samudayasaccato nibbattaṃ, taṃ nippariyāyato dukkhasaccaṃ , itaraṃ saṅkhāradukkhatāya dukkhanti imamatthaṃ dassento ‘‘na kevalañhī’’tiādimāha. Tattha na hi anupādinnānīti iminā cakkhāyatanādīnaṃ samudayasaccena saṅgahābhāvamāha. Lokuttarānīti iminā nirodhamaggasaccehi. Yadi evamettha yutti vattabbā, kimettha vattabbaṃ? Sabhāvo hesa paravādivādassa, yadidaṃ pubbenāparamasaṃsandanaṃ. Tathā hi so viññūhi paṭikkhitto. Tathā ceva taṃ amhehi tattha tattha vibhāvitaṃ. Etanti ‘‘rūpaṃ aparinipphannaṃ, dukkhaññeva parinipphanna’’nti yadetaṃ tayā vuttaṃ, etaṃ no vata re vattabbe. Kasmā? Rūpassa ca dukkhattā. Rūpañhi aniccaṃ dukkhādhiṭṭhānañca. Tena vuttaṃ ‘‘yadaniccaṃ taṃ dukkhaṃ. Saṃkhittena pañcupādānakkhandhā dukkhā’’ti ca.
அபரினிப்ப²ன்னகதா²வண்ணனா நிட்டி²தா.
Aparinipphannakathāvaṇṇanā niṭṭhitā.
தேவீஸதிமவக்³க³வண்ணனா நிட்டி²தா.
Tevīsatimavaggavaṇṇanā niṭṭhitā.
கதா²வத்து²பகரண-அனுடீகா ஸமத்தா.
Kathāvatthupakaraṇa-anuṭīkā samattā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (226) 9. அபரினிப்ப²ன்னகதா² • (226) 9. Aparinipphannakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 9. அபரினிப்ப²ன்னகதா²வண்ணனா • 9. Aparinipphannakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. அபரினிப்ப²ன்னகதா²வண்ணனா • 9. Aparinipphannakathāvaṇṇanā
