| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. абаринибпаннагат̇ааван̣н̣анаа
9. Aparinipphannakathāvaṇṇanā
917-918. ид̣̇аани абаринибпаннагат̇аа наама ход̇и. д̇ад̇т̇а –
917-918. Idāni aparinipphannakathā nāma hoti. Tattha –
‘‘д̣̇угкамзва хи самбход̇и, д̣̇угкам̣ д̇идтад̇и взд̇и жа;
‘‘Dukkhameva hi sambhoti, dukkhaṃ tiṭṭhati veti ca;
наан̃н̃ад̇ра д̣̇угкаа самбход̇и, наан̃н̃ам̣ д̣̇угкаа нируж̇жхад̇ий’’д̇и. (сам̣. ни. 1.171) –
Nāññatra dukkhā sambhoti, nāññaṃ dukkhā nirujjhatī’’ti. (saṃ. ni. 1.171) –
важанам̣ ниссааяа д̣̇угкан̃н̃зва баринибпаннам̣, сзсаа канд̇хааяад̇анад̇хаад̇уинд̣̇рияад̇хаммаа абаринибпаннаад̇и язсам̣ лад̣̇д̇хи, сзяяат̇ааби згажжаанам̣ уд̇д̇арабат̇агаанан̃жзва хзд̇уваад̣̇аанан̃жа; д̇з санд̇хааяа руубам̣ абаринибпаннанд̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘сажз руубам̣ абаринибпаннам̣, на анижжаад̣̇исабхаавам̣ сияаа’’д̇и жод̣̇зд̇ум̣ руубам̣ на анижжанд̇иаад̣̇имааха. ид̇аро д̇ат̇ааруубам̣ руубам̣ абассанд̇о бадигкибад̇и. сагаваад̣̇ий нану руубам̣ анижжанд̇иаад̣̇и важанзна д̇асса згам̣ лад̣̇д̇хим̣ бадисзд̇хзд̇ваа д̣̇уд̇ияам̣ бужчанд̇о д̣̇угкан̃н̃зва баринибпаннанд̇иаад̣̇имааха. ат̇асса д̇амби лад̣̇д̇хим̣ бадисзд̇хзд̇ум̣ на яад̣̇анижжанд̇иаад̣̇имааха. д̇ад̇рааяам̣ ад̇хиббааяо – на гзвалан̃хи батамасажжамзва д̣̇угкам̣. яам̣ бана гин̃жи анижжам̣, д̇ам̣ д̣̇угкамзва. руубан̃жа анижжам̣, д̇асмаа д̇амби баринибпаннам̣. ид̇и яам̣ д̇вам̣ вад̣̇зси ‘‘руубам̣ абаринибпаннам̣, д̣̇угкан̃н̃зва баринибпанна’’нд̇и, д̇ам̣ но вад̇а рз вад̇д̇аб̣б̣з ‘‘д̣̇угкан̃н̃зва баринибпанна’’нд̇и. взд̣̇анаад̣̇имуулигаад̣̇ийсуби яож̇анаасу зсзва наяо. д̇хаммааяад̇анад̇хаммад̇хаад̇уусу бана табзд̇ваа ниб̣б̣аанам̣ сзсад̇хаммаанам̣ васзна анижжад̇аа взд̣̇ид̇аб̣б̣аа. инд̣̇рияаани анижжаанзваад̇и.
Vacanaṃ nissāya dukkhaññeva parinipphannaṃ, sesā khandhāyatanadhātuindriyadhammā aparinipphannāti yesaṃ laddhi, seyyathāpi ekaccānaṃ uttarapathakānañceva hetuvādānañca; te sandhāya rūpaṃ aparinipphannanti pucchā sakavādissa, paṭiññā itarassa. Atha naṃ ‘‘sace rūpaṃ aparinipphannaṃ, na aniccādisabhāvaṃ siyā’’ti codetuṃ rūpaṃ na aniccantiādimāha. Itaro tathārūpaṃ rūpaṃ apassanto paṭikkhipati. Sakavādī nanu rūpaṃ aniccantiādi vacanena tassa ekaṃ laddhiṃ paṭisedhetvā dutiyaṃ pucchanto dukkhaññeva parinipphannantiādimāha. Athassa tampi laddhiṃ paṭisedhetuṃ na yadaniccantiādimāha. Tatrāyaṃ adhippāyo – na kevalañhi paṭhamasaccameva dukkhaṃ. Yaṃ pana kiñci aniccaṃ, taṃ dukkhameva. Rūpañca aniccaṃ, tasmā tampi parinipphannaṃ. Iti yaṃ tvaṃ vadesi ‘‘rūpaṃ aparinipphannaṃ, dukkhaññeva parinipphanna’’nti, taṃ no vata re vattabbe ‘‘dukkhaññeva parinipphanna’’nti. Vedanādimūlikādīsupi yojanāsu eseva nayo. Dhammāyatanadhammadhātūsu pana ṭhapetvā nibbānaṃ sesadhammānaṃ vasena aniccatā veditabbā. Indriyāni aniccānevāti.
абаринибпаннагат̇ааван̣н̣анаа.
Aparinipphannakathāvaṇṇanā.
д̇звийсад̇имо ваг̇г̇о.
Tevīsatimo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (226) 9. абаринибпаннагат̇аа • (226) 9. Aparinipphannakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. абаринибпаннагат̇ааван̣н̣анаа • 9. Aparinipphannakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. абаринибпаннагат̇ааван̣н̣анаа • 9. Aparinipphannakathāvaṇṇanā
