| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੯. ਅਪਰਿਨਿਪ੍ਫਨ੍ਨਕਥਾવਣ੍ਣਨਾ
9. Aparinipphannakathāvaṇṇanā
੯੧੭-੯੧੮. ਅਨਿਚ੍ਚਾਦਿਕੋ ਭਾવੋਤਿ ਅਨਿਚ੍ਚਸਙ੍ਖਾਰਪਟਿਚ੍ਚਸਮੁਪ੍ਪਨ੍ਨਤਾਦਿਕੋ ਭਾવੋ ਧਮ੍ਮੋ ਪਕਤਿ ਏਤਸ੍ਸਾਤਿ ਅਤ੍ਥੋ। ਦੁਕ੍ਖਞ੍ਞੇવ ਪਰਿਨਿਪ੍ਫਨ੍ਨਨ੍ਤਿ ‘‘ਦੁਕ੍ਖਸਚ੍ਚਂ ਸਨ੍ਧਾਯ ਪੁਚ੍ਛਾ ਕਤਾ, ਨ ਦੁਕ੍ਖਤਾਮਤ੍ਤ’’ਨ੍ਤਿ ਅਯਮਤ੍ਥੋ વਿਞ੍ਞਾਯਤਿ ‘‘ਨ ਕੇવਲਞ੍ਹਿ ਪਠਮਸਚ੍ਚਮੇવ ਦੁਕ੍ਖ’’ਨ੍ਤਿ વਚਨੇਨ। ਤਥਾ ਸਤਿ ਪਰવਾਦਿਨਾ ਚਕ੍ਖਾਯਤਨਾਦੀਨਂ ਅਞ੍ਞੇਸਞ੍ਚ ਤਂਸਰਿਕ੍ਖਕਾਨਂ ਧਮ੍ਮਾਨਂ ਪਰਿਨਿਪ੍ਫਨ੍ਨਤਾ ਨਾਨੁਜਾਨਿਤਬ੍ਬਾ ਸਿਯਾ। ਕਸ੍ਮਾ? ਤੇਸਮ੍ਪਿ ਹਿ ਦੁਕ੍ਖਸਚ੍ਚੇਨ ਸਙ੍ਗਹੋ, ਨ ਇਤਰਸਚ੍ਚੇਹਿ। ਯਞ੍ਹਿ ਸਮੁਦਯਸਚ੍ਚਤੋ ਨਿਬ੍ਬਤ੍ਤਂ, ਤਂ ਨਿਪ੍ਪਰਿਯਾਯਤੋ ਦੁਕ੍ਖਸਚ੍ਚਂ , ਇਤਰਂ ਸਙ੍ਖਾਰਦੁਕ੍ਖਤਾਯ ਦੁਕ੍ਖਨ੍ਤਿ ਇਮਮਤ੍ਥਂ ਦਸ੍ਸੇਨ੍ਤੋ ‘‘ਨ ਕੇવਲਞ੍ਹੀ’’ਤਿਆਦਿਮਾਹ। ਤਤ੍ਥ ਨ ਹਿ ਅਨੁਪਾਦਿਨ੍ਨਾਨੀਤਿ ਇਮਿਨਾ ਚਕ੍ਖਾਯਤਨਾਦੀਨਂ ਸਮੁਦਯਸਚ੍ਚੇਨ ਸਙ੍ਗਹਾਭਾવਮਾਹ। ਲੋਕੁਤ੍ਤਰਾਨੀਤਿ ਇਮਿਨਾ ਨਿਰੋਧਮਗ੍ਗਸਚ੍ਚੇਹਿ। ਯਦਿ ਏવਮੇਤ੍ਥ ਯੁਤ੍ਤਿ વਤ੍ਤਬ੍ਬਾ, ਕਿਮੇਤ੍ਥ વਤ੍ਤਬ੍ਬਂ? ਸਭਾવੋ ਹੇਸ ਪਰવਾਦਿવਾਦਸ੍ਸ, ਯਦਿਦਂ ਪੁਬ੍ਬੇਨਾਪਰਮਸਂਸਨ੍ਦਨਂ। ਤਥਾ ਹਿ ਸੋ વਿਞ੍ਞੂਹਿ ਪਟਿਕ੍ਖਿਤ੍ਤੋ। ਤਥਾ ਚੇવ ਤਂ ਅਮ੍ਹੇਹਿ ਤਤ੍ਥ ਤਤ੍ਥ વਿਭਾવਿਤਂ। ਏਤਨ੍ਤਿ ‘‘ਰੂਪਂ ਅਪਰਿਨਿਪ੍ਫਨ੍ਨਂ, ਦੁਕ੍ਖਞ੍ਞੇવ ਪਰਿਨਿਪ੍ਫਨ੍ਨ’’ਨ੍ਤਿ ਯਦੇਤਂ ਤਯਾ વੁਤ੍ਤਂ, ਏਤਂ ਨੋ વਤ ਰੇ વਤ੍ਤਬ੍ਬੇ। ਕਸ੍ਮਾ? ਰੂਪਸ੍ਸ ਚ ਦੁਕ੍ਖਤ੍ਤਾ। ਰੂਪਞ੍ਹਿ ਅਨਿਚ੍ਚਂ ਦੁਕ੍ਖਾਧਿਟ੍ਠਾਨਞ੍ਚ। ਤੇਨ વੁਤ੍ਤਂ ‘‘ਯਦਨਿਚ੍ਚਂ ਤਂ ਦੁਕ੍ਖਂ। ਸਂਖਿਤ੍ਤੇਨ ਪਞ੍ਚੁਪਾਦਾਨਕ੍ਖਨ੍ਧਾ ਦੁਕ੍ਖਾ’’ਤਿ ਚ।
917-918. Aniccādikobhāvoti aniccasaṅkhārapaṭiccasamuppannatādiko bhāvo dhammo pakati etassāti attho. Dukkhaññeva parinipphannanti ‘‘dukkhasaccaṃ sandhāya pucchā katā, na dukkhatāmatta’’nti ayamattho viññāyati ‘‘na kevalañhi paṭhamasaccameva dukkha’’nti vacanena. Tathā sati paravādinā cakkhāyatanādīnaṃ aññesañca taṃsarikkhakānaṃ dhammānaṃ parinipphannatā nānujānitabbā siyā. Kasmā? Tesampi hi dukkhasaccena saṅgaho, na itarasaccehi. Yañhi samudayasaccato nibbattaṃ, taṃ nippariyāyato dukkhasaccaṃ , itaraṃ saṅkhāradukkhatāya dukkhanti imamatthaṃ dassento ‘‘na kevalañhī’’tiādimāha. Tattha na hi anupādinnānīti iminā cakkhāyatanādīnaṃ samudayasaccena saṅgahābhāvamāha. Lokuttarānīti iminā nirodhamaggasaccehi. Yadi evamettha yutti vattabbā, kimettha vattabbaṃ? Sabhāvo hesa paravādivādassa, yadidaṃ pubbenāparamasaṃsandanaṃ. Tathā hi so viññūhi paṭikkhitto. Tathā ceva taṃ amhehi tattha tattha vibhāvitaṃ. Etanti ‘‘rūpaṃ aparinipphannaṃ, dukkhaññeva parinipphanna’’nti yadetaṃ tayā vuttaṃ, etaṃ no vata re vattabbe. Kasmā? Rūpassa ca dukkhattā. Rūpañhi aniccaṃ dukkhādhiṭṭhānañca. Tena vuttaṃ ‘‘yadaniccaṃ taṃ dukkhaṃ. Saṃkhittena pañcupādānakkhandhā dukkhā’’ti ca.
ਅਪਰਿਨਿਪ੍ਫਨ੍ਨਕਥਾવਣ੍ਣਨਾ ਨਿਟ੍ਠਿਤਾ।
Aparinipphannakathāvaṇṇanā niṭṭhitā.
ਤੇવੀਸਤਿਮવਗ੍ਗવਣ੍ਣਨਾ ਨਿਟ੍ਠਿਤਾ।
Tevīsatimavaggavaṇṇanā niṭṭhitā.
ਕਥਾવਤ੍ਥੁਪਕਰਣ-ਅਨੁਟੀਕਾ ਸਮਤ੍ਤਾ।
Kathāvatthupakaraṇa-anuṭīkā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੨੬) ੯. ਅਪਰਿਨਿਪ੍ਫਨ੍ਨਕਥਾ • (226) 9. Aparinipphannakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੯. ਅਪਰਿਨਿਪ੍ਫਨ੍ਨਕਥਾવਣ੍ਣਨਾ • 9. Aparinipphannakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੯. ਅਪਰਿਨਿਪ੍ਫਨ੍ਨਕਥਾવਣ੍ਣਨਾ • 9. Aparinipphannakathāvaṇṇanā
