| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৪. চুদ্দসমৰগ্গো
14. Cuddasamavaggo
(১৪৪) ৯. অপরিযাপন্নকথা
(144) 9. Apariyāpannakathā
৭০৯. দিট্ঠিগতং অপরিযাপন্নন্তি? আমন্তা। মগ্গো ফলং নিব্বানং, সোতাপত্তিমগ্গো সোতাপত্তিফলং, সকদাগামিমগ্গো সকদাগামিফলং, অনাগামিমগ্গো অনাগামিফলং, অরহত্তমগ্গো অরহত্তফলং, সতিপট্ঠানং সম্মপ্পধানং ইদ্ধিপাদো ইন্দ্রিযং বলং বোজ্ঝঙ্গোতি? ন হেৰং ৰত্তব্বে…পে॰…।
709. Diṭṭhigataṃ apariyāpannanti? Āmantā. Maggo phalaṃ nibbānaṃ, sotāpattimaggo sotāpattiphalaṃ, sakadāgāmimaggo sakadāgāmiphalaṃ, anāgāmimaggo anāgāmiphalaṃ, arahattamaggo arahattaphalaṃ, satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti? Na hevaṃ vattabbe…pe….
৭১০. ন ৰত্তব্বং – ‘‘দিট্ঠিগতং অপরিযাপন্ন’’ন্তি? আমন্তা। পুথুজ্জনো ‘‘কামেসু ৰীতরাগো’’তি ৰত্তব্বোতি? আমন্তা। ‘‘ৰিগতদিট্ঠিযো’’তি ৰত্তব্বোতি? ন হেৰং ৰত্তব্বে। তেন হি দিট্ঠিগতং অপরিযাপন্নন্তি।
710. Na vattabbaṃ – ‘‘diṭṭhigataṃ apariyāpanna’’nti? Āmantā. Puthujjano ‘‘kāmesu vītarāgo’’ti vattabboti? Āmantā. ‘‘Vigatadiṭṭhiyo’’ti vattabboti? Na hevaṃ vattabbe. Tena hi diṭṭhigataṃ apariyāpannanti.
অপরিযাপন্নকথা নিট্ঠিতা।
Apariyāpannakathā niṭṭhitā.
চুদ্দসমৰগ্গো।
Cuddasamavaggo.
তস্সুদ্দানং –
Tassuddānaṃ –
অকুসলমূলং পটিসন্দহতি কুসলমূলং, কুসলমূলং পটিসন্দহতি অকুসলমূলং, সল়াযতনং ছৰিঞ্ঞাণকাযা, অরিযরূপং মহাভূতানং উপাদায, স্ৰেৰ অনুসযো তং পরিযুট্ঠানং, পরিযুট্ঠানং চিত্তৰিপ্পযুত্তং, যথাধাতু তঞ্ঞেৰ অনুসেতি, দিট্ঠিগতং অব্যাকতং, দিট্ঠিগতং অপরিযাপন্নন্তি।
Akusalamūlaṃ paṭisandahati kusalamūlaṃ, kusalamūlaṃ paṭisandahati akusalamūlaṃ, saḷāyatanaṃ chaviññāṇakāyā, ariyarūpaṃ mahābhūtānaṃ upādāya, sveva anusayo taṃ pariyuṭṭhānaṃ, pariyuṭṭhānaṃ cittavippayuttaṃ, yathādhātu taññeva anuseti, diṭṭhigataṃ abyākataṃ, diṭṭhigataṃ apariyāpannanti.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৯. অপরিযাপন্নকথাৰণ্ণনা • 9. Apariyāpannakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৯. অপরিযাপন্নকথাৰণ্ণনা • 9. Apariyāpannakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৯. অপরিযাপন্নকথাৰণ্ণনা • 9. Apariyāpannakathāvaṇṇanā
