| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๔. จุทฺทสมวโคฺค
14. Cuddasamavaggo
(๑๔๔) ๙. อปริยาปนฺนกถา
(144) 9. Apariyāpannakathā
๗๐๙. ทิฎฺฐิคตํ อปริยาปนฺนนฺติ? อามนฺตาฯ มโคฺค ผลํ นิพฺพานํ, โสตาปตฺติมโคฺค โสตาปตฺติผลํ, สกทาคามิมโคฺค สกทาคามิผลํ, อนาคามิมโคฺค อนาคามิผลํ, อรหตฺตมโคฺค อรหตฺตผลํ, สติปฎฺฐานํ สมฺมปฺปธานํ อิทฺธิปาโท อินฺทฺริยํ พลํ โพชฺฌโงฺคติ? น เหวํ วตฺตเพฺพ…เป.…ฯ
709. Diṭṭhigataṃ apariyāpannanti? Āmantā. Maggo phalaṃ nibbānaṃ, sotāpattimaggo sotāpattiphalaṃ, sakadāgāmimaggo sakadāgāmiphalaṃ, anāgāmimaggo anāgāmiphalaṃ, arahattamaggo arahattaphalaṃ, satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti? Na hevaṃ vattabbe…pe….
๗๑๐. น วตฺตพฺพํ – ‘‘ทิฎฺฐิคตํ อปริยาปนฺน’’นฺติ? อามนฺตาฯ ปุถุชฺชโน ‘‘กาเมสุ วีตราโค’’ติ วตฺตโพฺพติ? อามนฺตาฯ ‘‘วิคตทิฎฺฐิโย’’ติ วตฺตโพฺพติ? น เหวํ วตฺตเพฺพฯ เตน หิ ทิฎฺฐิคตํ อปริยาปนฺนนฺติฯ
710. Na vattabbaṃ – ‘‘diṭṭhigataṃ apariyāpanna’’nti? Āmantā. Puthujjano ‘‘kāmesu vītarāgo’’ti vattabboti? Āmantā. ‘‘Vigatadiṭṭhiyo’’ti vattabboti? Na hevaṃ vattabbe. Tena hi diṭṭhigataṃ apariyāpannanti.
อปริยาปนฺนกถา นิฎฺฐิตาฯ
Apariyāpannakathā niṭṭhitā.
จุทฺทสมวโคฺคฯ
Cuddasamavaggo.
ตสฺสุทฺทานํ –
Tassuddānaṃ –
อกุสลมูลํ ปฎิสนฺทหติ กุสลมูลํ, กุสลมูลํ ปฎิสนฺทหติ อกุสลมูลํ, สฬายตนํ ฉวิญฺญาณกายา, อริยรูปํ มหาภูตานํ อุปาทาย, เสฺวว อนุสโย ตํ ปริยุฎฺฐานํ, ปริยุฎฺฐานํ จิตฺตวิปฺปยุตฺตํ, ยถาธาตุ ตเญฺญว อนุเสติ, ทิฎฺฐิคตํ อพฺยากตํ, ทิฎฺฐิคตํ อปริยาปนฺนนฺติฯ
Akusalamūlaṃ paṭisandahati kusalamūlaṃ, kusalamūlaṃ paṭisandahati akusalamūlaṃ, saḷāyatanaṃ chaviññāṇakāyā, ariyarūpaṃ mahābhūtānaṃ upādāya, sveva anusayo taṃ pariyuṭṭhānaṃ, pariyuṭṭhānaṃ cittavippayuttaṃ, yathādhātu taññeva anuseti, diṭṭhigataṃ abyākataṃ, diṭṭhigataṃ apariyāpannanti.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. อปริยาปนฺนกถาวณฺณนา • 9. Apariyāpannakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๙. อปริยาปนฺนกถาวณฺณนา • 9. Apariyāpannakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๙. อปริยาปนฺนกถาวณฺณนา • 9. Apariyāpannakathāvaṇṇanā
