| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
14. චුද්‌දසමවග්‌ගො
14. Cuddasamavaggo
(144) 9. අපරියාපන්‌නකථා
(144) 9. Apariyāpannakathā
709. දිට්‌ඨිගතං අපරියාපන්‌නන්‌ති? ආමන්‌තා. මග්‌ගො ඵලං නිබ්‌බානං, සොතාපත්‌තිමග්‌ගො සොතාපත්‌තිඵලං, සකදාගාමිමග්‌ගො සකදාගාමිඵලං, අනාගාමිමග්‌ගො අනාගාමිඵලං, අරහත්‌තමග්‌ගො අරහත්‌තඵලං, සතිපට්‌ඨානං සම්‌මප්‌පධානං ඉද්‌ධිපාදො ඉන්‌ද්‍රියං බලං බොජ්‌ඣඞ්‌ගොති? න හෙවං වත්‌තබ්‌බෙ…පෙ.….
709. Diṭṭhigataṃ apariyāpannanti? Āmantā. Maggo phalaṃ nibbānaṃ, sotāpattimaggo sotāpattiphalaṃ, sakadāgāmimaggo sakadāgāmiphalaṃ, anāgāmimaggo anāgāmiphalaṃ, arahattamaggo arahattaphalaṃ, satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti? Na hevaṃ vattabbe…pe….
710. න වත්‌තබ්‌බං – ‘‘දිට්‌ඨිගතං අපරියාපන්‌න’’න්‌ති? ආමන්‌තා. පුථුජ්‌ජනො ‘‘කාමෙසු වීතරාගො’’ති වත්‌තබ්‌බොති? ආමන්‌තා. ‘‘විගතදිට්‌ඨියො’’ති වත්‌තබ්‌බොති? න හෙවං වත්‌තබ්‌බෙ. තෙන හි දිට්‌ඨිගතං අපරියාපන්‌නන්‌ති.
710. Na vattabbaṃ – ‘‘diṭṭhigataṃ apariyāpanna’’nti? Āmantā. Puthujjano ‘‘kāmesu vītarāgo’’ti vattabboti? Āmantā. ‘‘Vigatadiṭṭhiyo’’ti vattabboti? Na hevaṃ vattabbe. Tena hi diṭṭhigataṃ apariyāpannanti.
අපරියාපන්‌නකථා නිට්‌ඨිතා.
Apariyāpannakathā niṭṭhitā.
චුද්‌දසමවග්‌ගො.
Cuddasamavaggo.
තස්‌සුද්‌දානං –
Tassuddānaṃ –
අකුසලමූලං පටිසන්‌දහති කුසලමූලං, කුසලමූලං පටිසන්‌දහති අකුසලමූලං, සළායතනං ඡවිඤ්‌ඤාණකායා, අරියරූපං මහාභූතානං උපාදාය, ස්‌වෙව අනුසයො තං පරියුට්‌ඨානං, පරියුට්‌ඨානං චිත්‌තවිප්‌පයුත්‌තං, යථාධාතු තඤ්‌ඤෙව අනුසෙති, දිට්‌ඨිගතං අබ්‍යාකතං, දිට්‌ඨිගතං අපරියාපන්‌නන්‌ති.
Akusalamūlaṃ paṭisandahati kusalamūlaṃ, kusalamūlaṃ paṭisandahati akusalamūlaṃ, saḷāyatanaṃ chaviññāṇakāyā, ariyarūpaṃ mahābhūtānaṃ upādāya, sveva anusayo taṃ pariyuṭṭhānaṃ, pariyuṭṭhānaṃ cittavippayuttaṃ, yathādhātu taññeva anuseti, diṭṭhigataṃ abyākataṃ, diṭṭhigataṃ apariyāpannanti.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 9. අපරියාපන්‌නකථාවණ්‌ණනා • 9. Apariyāpannakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 9. අපරියාපන්‌නකථාවණ්‌ණනා • 9. Apariyāpannakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 9. අපරියාපන්‌නකථාවණ්‌ණනා • 9. Apariyāpannakathāvaṇṇanā
