| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
९. अपरियापन्नकथावण्णना
9. Apariyāpannakathāvaṇṇanā
७०९-७१०. तस्मा दिट्ठि लोकियपरियापन्ना न होतीति अत्थं वदन्ति, एवं सति अतिप्पसङ्गो होति वीतदोसादिवोहारभावतोति। ततो अञ्ञथा अत्थं वदन्तो ‘‘रूपदिट्ठिया’’तिआदिमाह। तत्थ आदि-सद्देन अरूपदिट्ठिआदिं सङ्गण्हाति। परवादिअधिप्पायवसेन अयमत्थविभावनाति आह ‘‘यदि च परियापन्ना सिया’’ति। तथा च सतीति दिट्ठिया कामधातुपरियापन्नत्ते सतीति अत्थो। तस्माति ‘‘वीतदिट्ठिको’’ति एवं वोहाराभावतो। न हि सा तस्स अविगता दिट्ठि, यतो सो वीतदिट्ठिकोति न वुच्चति। येनाति कामदिट्ठिभावेन।
709-710. Tasmā diṭṭhi lokiyapariyāpannā na hotīti atthaṃ vadanti, evaṃ sati atippasaṅgo hoti vītadosādivohārabhāvatoti. Tato aññathā atthaṃ vadanto ‘‘rūpadiṭṭhiyā’’tiādimāha. Tattha ādi-saddena arūpadiṭṭhiādiṃ saṅgaṇhāti. Paravādiadhippāyavasena ayamatthavibhāvanāti āha ‘‘yadi ca pariyāpannā siyā’’ti. Tathā ca satīti diṭṭhiyā kāmadhātupariyāpannatte satīti attho. Tasmāti ‘‘vītadiṭṭhiko’’ti evaṃ vohārābhāvato. Na hi sā tassa avigatā diṭṭhi, yato so vītadiṭṭhikoti na vuccati. Yenāti kāmadiṭṭhibhāvena.
अपरियापन्नकथावण्णना निट्ठिता।
Apariyāpannakathāvaṇṇanā niṭṭhitā.
चुद्दसमवग्गवण्णना निट्ठिता।
Cuddasamavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१४४) ९. अपरियापन्नकथा • (144) 9. Apariyāpannakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ९. अपरियापन्नकथावण्णना • 9. Apariyāpannakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ९. अपरियापन्नकथावण्णना • 9. Apariyāpannakathāvaṇṇanā
