| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਅਪਤ੍ਤਕਾਦਿવਤ੍ਥੁਕਥਾ
Apattakādivatthukathā
੧੧੮. ਹਤ੍ਥੇਸੁ ਪਿਣ੍ਡਾਯ ਚਰਨ੍ਤੀਤਿ ਯੋ ਹਤ੍ਥੇਸੁ ਪਿਣ੍ਡੋ ਲਬ੍ਭਤਿ, ਤਦਤ੍ਥਾਯ ਚਰਨ੍ਤਿ। ਸੇਯ੍ਯਥਾਪਿ ਤਿਤ੍ਥਿਯਾਤਿ ਯਥਾ ਆਜੀવਕਨਾਮਕਾ ਤਿਤ੍ਥਿਯਾ; ਸੂਪਬ੍ਯਞ੍ਜਨੇਹਿ ਮਿਸ੍ਸੇਤ੍વਾ ਹਤ੍ਥੇਸੁ ਠਪਿਤਪਿਣ੍ਡਮੇવ ਹਿ ਤੇ ਭੁਞ੍ਜਨ੍ਤਿ। ਆਪਤ੍ਤਿ ਦੁਕ੍ਕਟਸ੍ਸਾਤਿ ਏવਂ ਉਪਸਮ੍ਪਾਦੇਨ੍ਤਸ੍ਸੇવ ਆਪਤ੍ਤਿ ਹੋਤਿ, ਕਮ੍ਮਂ ਪਨ ਨ ਕੁਪ੍ਪਤਿ। ਅਚੀવਰਕਾਦਿવਤ੍ਥੂਸੁਪਿ ਏਸੇવ ਨਯੋ।
118.Hatthesu piṇḍāya carantīti yo hatthesu piṇḍo labbhati, tadatthāya caranti. Seyyathāpi titthiyāti yathā ājīvakanāmakā titthiyā; sūpabyañjanehi missetvā hatthesu ṭhapitapiṇḍameva hi te bhuñjanti. Āpatti dukkaṭassāti evaṃ upasampādentasseva āpatti hoti, kammaṃ pana na kuppati. Acīvarakādivatthūsupi eseva nayo.
ਯਾਚਿਤਕੇਨਾਤਿ ‘‘ਯਾવ ਉਪਸਮ੍ਪਦਂ ਕਰੋਮ, ਤਾવ ਦੇਥਾ’’ਤਿ ਯਾਚਿਤ੍વਾ ਗਹਿਤੇਨ; ਤਾવਕਾਲਿਕੇਨਾਤਿ ਅਤ੍ਥੋ। ਈਦਿਸੇਨ ਹਿ ਪਤ੍ਤੇਨ વਾ ਚੀવਰੇਨ વਾ ਪਤ੍ਤਚੀવਰੇਨ વਾ ਉਪਸਮ੍ਪਾਦੇਨ੍ਤਸ੍ਸੇવ ਆਪਤ੍ਤਿ ਹੋਤਿ, ਕਮ੍ਮਂ ਪਨ ਨ ਕੁਪ੍ਪਤਿ, ਤਸ੍ਮਾ ਪਰਿਪੁਣ੍ਣਪਤ੍ਤਚੀવਰੋવ ਉਪਸਮ੍ਪਾਦੇਤਬ੍ਬੋ। ਸਚੇ ਤਸ੍ਸ ਨਤ੍ਥਿ, ਆਚਰਿਯੁਪਜ੍ਝਾਯਾ ਚਸ੍ਸ ਦਾਤੁਕਾਮਾ ਹੋਨ੍ਤਿ, ਅਞ੍ਞੇ વਾ ਭਿਕ੍ਖੂ ਨਿਰਪੇਕ੍ਖੇਹਿ ਨਿਸ੍ਸਜ੍ਜਿਤ੍વਾ ਅਧਿਟ੍ਠਾਨੁਪਗਂ ਪਤ੍ਤਚੀવਰਂ ਦਾਤਬ੍ਬਂ। ਪਬ੍ਬਜ੍ਜਾਪੇਕ੍ਖਂ ਪਨ ਪਣ੍ਡੁਪਲਾਸਂ ਯਾਚਿਤਕੇਨਾਪਿ ਪਤ੍ਤਚੀવਰੇਨ ਪਬ੍ਬਾਜੇਤੁਂ વਟ੍ਟਤਿ, ਸਭਾਗਟ੍ਠਾਨੇ વਿਸ੍ਸਾਸੇਨ ਗਹੇਤ੍વਾਪਿ ਪਬ੍ਬਾਜੇਤੁਂ વਟ੍ਟਤਿ।
Yācitakenāti ‘‘yāva upasampadaṃ karoma, tāva dethā’’ti yācitvā gahitena; tāvakālikenāti attho. Īdisena hi pattena vā cīvarena vā pattacīvarena vā upasampādentasseva āpatti hoti, kammaṃ pana na kuppati, tasmā paripuṇṇapattacīvarova upasampādetabbo. Sace tassa natthi, ācariyupajjhāyā cassa dātukāmā honti, aññe vā bhikkhū nirapekkhehi nissajjitvā adhiṭṭhānupagaṃ pattacīvaraṃ dātabbaṃ. Pabbajjāpekkhaṃ pana paṇḍupalāsaṃ yācitakenāpi pattacīvarena pabbājetuṃ vaṭṭati, sabhāgaṭṭhāne vissāsena gahetvāpi pabbājetuṃ vaṭṭati.
ਸਚੇ ਪਨ ਅਪਕ੍ਕਂ ਪਤ੍ਤਂ ਚੀવਰੂਪਗਾਨਿ ਚ વਤ੍ਥਾਨਿ ਗਹੇਤ੍વਾ ਆਗਤੋ ਹੋਤਿ, ਯਾવ ਪਤ੍ਤੋ ਪਚ੍ਚਤਿ, ਚੀવਰਾਨਿ ਚ ਕਰਿਯਨ੍ਤਿ, ਤਾવ વਿਹਾਰੇ વਸਨ੍ਤਸ੍ਸ ਅਨਾਮਟ੍ਠਪਿਣ੍ਡਪਾਤਂ ਦਾਤੁਂ વਟ੍ਟਤਿ, ਥਾਲਕੇ ਭੁਞ੍ਜਿਤੁਂ વਟ੍ਟਤਿ, ਪੁਰੇਭਤ੍ਤਂ ਸਾਮਣੇਰਭਾਗਸਮਕੋ ਆਮਿਸਭਾਗੋ ਦਾਤੁਂ વਟ੍ਟਤਿ। ਸੇਨਾਸਨਗ੍ਗਾਹੋ ਪਨ ਸਲਾਕਭਤ੍ਤਉਦ੍ਦੇਸਭਤ੍ਤਨਿਮਨ੍ਤਨਾਦੀਨਿ ਚ ਨ વਟ੍ਟਨ੍ਤਿ। ਪਚ੍ਛਾਭਤ੍ਤਮ੍ਪਿ ਸਾਮਣੇਰਭਾਗਸਮੋ ਤੇਲਮਧੁਫਾਣਿਤਾਦਿਭੇਸਜ੍ਜਭਾਗੋ વਟ੍ਟਤਿ। ਸਚੇ ਗਿਲਾਨੋ ਹੋਤਿ, ਭੇਸਜ੍ਜਮਸ੍ਸ ਕਾਤੁਂ વਟ੍ਟਤਿ, ਸਾਮਣੇਰਸ੍ਸ વਿਯ ਚ ਸਬ੍ਬਂ ਪਟਿਜਗ੍ਗਨਕਮ੍ਮਨ੍ਤਿ।
Sace pana apakkaṃ pattaṃ cīvarūpagāni ca vatthāni gahetvā āgato hoti, yāva patto paccati, cīvarāni ca kariyanti, tāva vihāre vasantassa anāmaṭṭhapiṇḍapātaṃ dātuṃ vaṭṭati, thālake bhuñjituṃ vaṭṭati, purebhattaṃ sāmaṇerabhāgasamako āmisabhāgo dātuṃ vaṭṭati. Senāsanaggāho pana salākabhattauddesabhattanimantanādīni ca na vaṭṭanti. Pacchābhattampi sāmaṇerabhāgasamo telamadhuphāṇitādibhesajjabhāgo vaṭṭati. Sace gilāno hoti, bhesajjamassa kātuṃ vaṭṭati, sāmaṇerassa viya ca sabbaṃ paṭijagganakammanti.
ਅਪਤ੍ਤਕਾਦਿવਤ੍ਥੁਕਥਾ ਨਿਟ੍ਠਿਤਾ।
Apattakādivatthukathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੫੬. ਅਪਤ੍ਤਕਾਦਿવਤ੍ਥੁ • 56. Apattakādivatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਪਤ੍ਤਕਾਦਿવਤ੍ਥੁਕਥਾવਣ੍ਣਨਾ • Apattakādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਪਤ੍ਤਕਾਦਿવਤ੍ਥੁਕਥਾવਣ੍ਣਨਾ • Apattakādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਪਤ੍ਤਕਾਦਿવਤ੍ਥੁਕਥਾવਣ੍ਣਨਾ • Apattakādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫੬. ਅਪਤ੍ਤਕਾਦਿવਤ੍ਥੁਕਥਾ • 56. Apattakādivatthukathā
