| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
அபத்தகாதி³வத்து²கதா²வண்ணனா
Apattakādivatthukathāvaṇṇanā
118. அபத்தசீவரவத்தூ²ஸுபி பத்தசீவரானங் அபா⁴வேபி ‘‘பரிபுண்ணஸ்ஸ பத்தசீவர’’ந்தி கம்மவாசாய ஸாவிதத்தா கம்மகோபங் அவத்வா து³க்கடமேவ வுத்தங். இதரதா² ஸாவனாய ஹாபனதோ கம்மகோபோ ஏவ ஸியா. கேசி பன ‘‘பட²மங் அனுஞ்ஞாதகம்மவாசாய உபஸம்பன்னா விய இதா³னிபி ‘பரிபுண்ணஸ்ஸ பத்தசீவர’ந்தி அவத்வா கம்மவாசாய உபஸம்பன்னாபி ஸூபஸம்பன்னாஏவா’’தி வத³ந்தி, தங் ந யுத்தங். அனுஞ்ஞாதகாலதோ பட்டா²ய ஹி அபராமஸனங் ஸாவனாய ஹாபனவிபத்தி ஏவ ஹோதி ‘‘இத்த²ன்னாமோ ஸங்க⁴ங் உபஸம்பத³ங் யாசதீ’’தி பத³ஸ்ஸ ஹாபனே விய. தம்பி ஹி பச்சா² அனுஞ்ஞாதங், ‘‘ஸங்க⁴ங், ப⁴ந்தே, உபஸம்பத³ங் யாசாமீ’’திஆதி³வாக்யேன அயாசெத்வா தம்பி உபஸம்பாதெ³ந்தோ ‘‘அயங் இத்த²ன்னாமோ ஸங்க⁴ங் உபஸம்பத³ங் யாசதீ’’தி வத்வாவ யதி³ கம்மவாசங் கரோதி, கம்மங் ஸுகதமேவ ஹோதி , நோ சே விபன்னங். ஸப்³ப³பச்சா² ஹி அனுஞ்ஞாதகம்மவாசதோ கிஞ்சிபி பரிஹாபேதுங் ந வட்டதி, ஸாவனாய ஹாபனமேவ ஹோதி. அஞ்ஞே வா பி⁴க்கூ² தா³துகாமா ஹொந்தீதி ஸம்ப³ந்தோ⁴.
118. Apattacīvaravatthūsupi pattacīvarānaṃ abhāvepi ‘‘paripuṇṇassa pattacīvara’’nti kammavācāya sāvitattā kammakopaṃ avatvā dukkaṭameva vuttaṃ. Itarathā sāvanāya hāpanato kammakopo eva siyā. Keci pana ‘‘paṭhamaṃ anuññātakammavācāya upasampannā viya idānipi ‘paripuṇṇassa pattacīvara’nti avatvā kammavācāya upasampannāpi sūpasampannāevā’’ti vadanti, taṃ na yuttaṃ. Anuññātakālato paṭṭhāya hi aparāmasanaṃ sāvanāya hāpanavipatti eva hoti ‘‘itthannāmo saṅghaṃ upasampadaṃ yācatī’’ti padassa hāpane viya. Tampi hi pacchā anuññātaṃ, ‘‘saṅghaṃ, bhante, upasampadaṃ yācāmī’’tiādivākyena ayācetvā tampi upasampādento ‘‘ayaṃ itthannāmo saṅghaṃ upasampadaṃ yācatī’’ti vatvāva yadi kammavācaṃ karoti, kammaṃ sukatameva hoti , no ce vipannaṃ. Sabbapacchā hi anuññātakammavācato kiñcipi parihāpetuṃ na vaṭṭati, sāvanāya hāpanameva hoti. Aññe vā bhikkhū dātukāmā hontīti sambandho.
அனாமட்ட²பிண்ட³பாதந்தி பி⁴க்கூ²ஹி லத்³த⁴பி⁴க்க²தோ அக்³க³ஹிதக்³க³ங் பிண்ட³பாதங். ஸாமணேரபா⁴க³ஸமகோதி எத்த² கிஞ்சாபி ஸாமணேரானம்பி ஆமிஸபா⁴க³ஸ்ஸ ஸமகமேவ தி³ய்யமானத்தா விஸுங் ஸாமணேரபா⁴கோ³ நாம நத்தி², பத்தசீவரபரிகம்மமத்தபடிப³த்³த⁴பப்³ப³ஜ்ஜதாய பன ஸாமணேரஸதி³ஸா ஏதே பண்டு³பலாஸாதி த³ஸ்ஸனத்த²ங் ஏவங் வுத்தந்தி த³ட்ட²ப்³ப³ங். நியதாஸன்னபப்³ப³ஜ்ஜஸ்ஸேவ சாயங் பா⁴கோ³ தீ³யதி. தேனேவ ‘‘யாவ பத்தோ பச்சதீ’’திஆதி³ வுத்தங். ஆமிஸபா⁴கோ³தி விஹாரே தி³ன்னங் ஸங்க⁴ப⁴த்தங், தத்ருப்பாத³ஞ்ச ஸந்தா⁴ய வுத்தங், ந தா³யகானங் கே³ஹேஸு தேஹி தி³ய்யமானங். தேனேவ ஸலாகப⁴த்தாதி³ படிக்கி²த்தங், தா³யகா விப்படிஸாரினோ ஹொந்தீதி. பே⁴ஸஜ்ஜந்திஆதி³னா பன கி³ஹீனங் பே⁴ஸஜ்ஜகரணாதி³தோ³ஸோ எத்த² ந ஹோதீதி த³ஸ்ஸேதி.
Anāmaṭṭhapiṇḍapātanti bhikkhūhi laddhabhikkhato aggahitaggaṃ piṇḍapātaṃ. Sāmaṇerabhāgasamakoti ettha kiñcāpi sāmaṇerānampi āmisabhāgassa samakameva diyyamānattā visuṃ sāmaṇerabhāgo nāma natthi, pattacīvaraparikammamattapaṭibaddhapabbajjatāya pana sāmaṇerasadisā ete paṇḍupalāsāti dassanatthaṃ evaṃ vuttanti daṭṭhabbaṃ. Niyatāsannapabbajjasseva cāyaṃ bhāgo dīyati. Teneva ‘‘yāva patto paccatī’’tiādi vuttaṃ. Āmisabhāgoti vihāre dinnaṃ saṅghabhattaṃ, tatruppādañca sandhāya vuttaṃ, na dāyakānaṃ gehesu tehi diyyamānaṃ. Teneva salākabhattādi paṭikkhittaṃ, dāyakā vippaṭisārino hontīti. Bhesajjantiādinā pana gihīnaṃ bhesajjakaraṇādidoso ettha na hotīti dasseti.
அபத்தகாதி³வத்து²கதா²வண்ணனா நிட்டி²தா.
Apattakādivatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 56. அபத்தகாதி³வத்து² • 56. Apattakādivatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அபத்தகாதி³வத்து²கதா² • Apattakādivatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அபத்தகாதி³வத்து²கதா²வண்ணனா • Apattakādivatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அபத்தகாதி³வத்து²கதா²வண்ணனா • Apattakādivatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 56. அபத்தகாதி³வத்து²கதா² • 56. Apattakādivatthukathā
