| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
абад̇д̇агаад̣̇ивад̇т̇угат̇ааван̣н̣анаа
Apattakādivatthukathāvaṇṇanā
118. абад̇д̇ажийваравад̇т̇уусуби бад̇д̇ажийвараанам̣ абхаавзби ‘‘барибун̣н̣асса бад̇д̇ажийвара’’нд̇и гаммаваажааяа саавид̇ад̇д̇аа гаммагобам̣ авад̇ваа д̣̇уггадамзва вуд̇д̇ам̣. ид̇арат̇аа сааванааяа хаабанад̇о гаммагобо зва сияаа. гзжи бана ‘‘батамам̣ анун̃н̃аад̇агаммаваажааяа убасамбаннаа вияа ид̣̇ааниби ‘барибун̣н̣асса бад̇д̇ажийвара’нд̇и авад̇ваа гаммаваажааяа убасамбаннааби суубасамбаннаазваа’’д̇и вад̣̇анд̇и, д̇ам̣ на яуд̇д̇ам̣. анун̃н̃аад̇агаалад̇о бадтааяа хи абараамасанам̣ сааванааяа хаабанавибад̇д̇и зва ход̇и ‘‘ид̇т̇аннаамо сан̇гхам̣ убасамбад̣̇ам̣ яаажад̇ий’’д̇и бад̣̇асса хаабанз вияа. д̇амби хи бажчаа анун̃н̃аад̇ам̣, ‘‘сан̇гхам̣, бханд̇з, убасамбад̣̇ам̣ яаажаамий’’д̇иаад̣̇иваагязна аяаажзд̇ваа д̇амби убасамбаад̣̇знд̇о ‘‘аяам̣ ид̇т̇аннаамо сан̇гхам̣ убасамбад̣̇ам̣ яаажад̇ий’’д̇и вад̇ваава яад̣̇и гаммаваажам̣ гарод̇и, гаммам̣ сугад̇амзва ход̇и , но жз вибаннам̣. саб̣б̣абажчаа хи анун̃н̃аад̇агаммаваажад̇о гин̃жиби барихаабзд̇ум̣ на ваддад̇и, сааванааяа хаабанамзва ход̇и. ан̃н̃з ваа бхигкуу д̣̇аад̇угаамаа хонд̇ийд̇и самб̣анд̇хо.
118. Apattacīvaravatthūsupi pattacīvarānaṃ abhāvepi ‘‘paripuṇṇassa pattacīvara’’nti kammavācāya sāvitattā kammakopaṃ avatvā dukkaṭameva vuttaṃ. Itarathā sāvanāya hāpanato kammakopo eva siyā. Keci pana ‘‘paṭhamaṃ anuññātakammavācāya upasampannā viya idānipi ‘paripuṇṇassa pattacīvara’nti avatvā kammavācāya upasampannāpi sūpasampannāevā’’ti vadanti, taṃ na yuttaṃ. Anuññātakālato paṭṭhāya hi aparāmasanaṃ sāvanāya hāpanavipatti eva hoti ‘‘itthannāmo saṅghaṃ upasampadaṃ yācatī’’ti padassa hāpane viya. Tampi hi pacchā anuññātaṃ, ‘‘saṅghaṃ, bhante, upasampadaṃ yācāmī’’tiādivākyena ayācetvā tampi upasampādento ‘‘ayaṃ itthannāmo saṅghaṃ upasampadaṃ yācatī’’ti vatvāva yadi kammavācaṃ karoti, kammaṃ sukatameva hoti , no ce vipannaṃ. Sabbapacchā hi anuññātakammavācato kiñcipi parihāpetuṃ na vaṭṭati, sāvanāya hāpanameva hoti. Aññe vā bhikkhū dātukāmā hontīti sambandho.
анаамадтабин̣д̣абаад̇анд̇и бхигкуухи лад̣̇д̇хабхигкад̇о аг̇г̇ахид̇аг̇г̇ам̣ бин̣д̣абаад̇ам̣. сааман̣зрабхааг̇асамагод̇и зд̇т̇а гин̃жааби сааман̣зраанамби аамисабхааг̇асса самагамзва д̣̇ияяамаанад̇д̇аа висум̣ сааман̣зрабхааг̇о наама над̇т̇и, бад̇д̇ажийварабаригаммамад̇д̇абадиб̣ад̣̇д̇хабаб̣б̣аж̇ж̇ад̇ааяа бана сааман̣зрасад̣̇исаа зд̇з бан̣д̣убалаасаад̇и д̣̇ассанад̇т̇ам̣ звам̣ вуд̇д̇анд̇и д̣̇адтаб̣б̣ам̣. нияад̇аасаннабаб̣б̣аж̇ж̇ассзва жааяам̣ бхааг̇о д̣̇ийяад̇и. д̇знзва ‘‘яаава бад̇д̇о бажжад̇ий’’д̇иаад̣̇и вуд̇д̇ам̣. аамисабхааг̇од̇и вихаарз д̣̇иннам̣ сан̇гхабхад̇д̇ам̣, д̇ад̇руббаад̣̇ан̃жа санд̇хааяа вуд̇д̇ам̣, на д̣̇ааяагаанам̣ г̇зхзсу д̇зхи д̣̇ияяамаанам̣. д̇знзва салаагабхад̇д̇аад̣̇и бадигкид̇д̇ам̣, д̣̇ааяагаа виббадисаарино хонд̇ийд̇и. бхзсаж̇ж̇анд̇иаад̣̇инаа бана г̇ихийнам̣ бхзсаж̇ж̇агаран̣аад̣̇ид̣̇осо зд̇т̇а на ход̇ийд̇и д̣̇ассзд̇и.
Anāmaṭṭhapiṇḍapātanti bhikkhūhi laddhabhikkhato aggahitaggaṃ piṇḍapātaṃ. Sāmaṇerabhāgasamakoti ettha kiñcāpi sāmaṇerānampi āmisabhāgassa samakameva diyyamānattā visuṃ sāmaṇerabhāgo nāma natthi, pattacīvaraparikammamattapaṭibaddhapabbajjatāya pana sāmaṇerasadisā ete paṇḍupalāsāti dassanatthaṃ evaṃ vuttanti daṭṭhabbaṃ. Niyatāsannapabbajjasseva cāyaṃ bhāgo dīyati. Teneva ‘‘yāva patto paccatī’’tiādi vuttaṃ. Āmisabhāgoti vihāre dinnaṃ saṅghabhattaṃ, tatruppādañca sandhāya vuttaṃ, na dāyakānaṃ gehesu tehi diyyamānaṃ. Teneva salākabhattādi paṭikkhittaṃ, dāyakā vippaṭisārino hontīti. Bhesajjantiādinā pana gihīnaṃ bhesajjakaraṇādidoso ettha na hotīti dasseti.
абад̇д̇агаад̣̇ивад̇т̇угат̇ааван̣н̣анаа нидтид̇аа.
Apattakādivatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 56. абад̇д̇агаад̣̇ивад̇т̇у • 56. Apattakādivatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / абад̇д̇агаад̣̇ивад̇т̇угат̇аа • Apattakādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / абад̇д̇агаад̣̇ивад̇т̇угат̇ааван̣н̣анаа • Apattakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / абад̇д̇агаад̣̇ивад̇т̇угат̇ааван̣н̣анаа • Apattakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 56. абад̇д̇агаад̣̇ивад̇т̇угат̇аа • 56. Apattakādivatthukathā
