ஆபத்தானாபத்திவாரவண்ணனா

66. படிஞ்ஞாதகரணங் நத்தி² ஸேவேதுகாமதா மக்³கே³ன மக்³க³ப்படிபத்தீதி த்³வின்னங் அங்கா³னங் ஸித்³த⁴த்தா. தூ³ஸிதஸ்ஸ பன மக்³கே³ன மக்³க³ப்படிபத்தி ஏவமேகங் அங்க³ங் ஸித்³த⁴ங், ஸேவேதுகாமதாஸங்கா²தங் ஸாதி³யனங் அஸித்³த⁴ங். தஸ்மா ஸோ புச்சி²த்வா ‘‘ஸாதி³யி’’ந்தி வுத்தபடிஞ்ஞாய நாஸேதப்³போ³. தத்தே²வாதி வேஸாலியங் மஹாவனே ஏவ. ஸப்³ப³ங்க³க³தந்தி ஸப்³ப³காயக³தங். ‘‘லோஹிதங் வியா’’தி வுத்தத்தா கேஸாதீ³னங் வினிமுத்தட்டா²னே ஸப்³ப³த்தா²தி க³ஹேதப்³ப³ங். நிச்சமேவ உம்மத்தகோ ஹோதீதி யஸ்ஸ பித்தகோஸதோ பித்தங் சலித்வா ஸப்³ப³தா³ ப³ஹி நிக்க²ந்தங் ஹோதி, தங் ஸந்தா⁴ய வுத்தங். யஸ்ஸ பன பித்தங் சலித்வா பித்தகோஸேயேவ டி²தங் ஹோதி, கதா³சி வா நிக்க²ந்தங் புன நிக்க²மதி, ஸோபி அந்தரந்தரா ஸஞ்ஞங் படிலப⁴தி பே⁴ஸஜ்ஜேன ச பகதிஆரொக்³யங் படிலப⁴தீதி வேதி³தப்³ப³ங்.

பத³பா⁴ஜனீயவண்ணனானயோ நிட்டி²தோ.