| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
аабад̇д̇аанаабад̇д̇иваараван̣н̣анаа
Āpattānāpattivāravaṇṇanā
66. бадин̃н̃аагаран̣ам̣ над̇т̇ийд̇и бужчид̇аб̣б̣аабхаавад̇о. на хи д̣̇уусаго ‘‘гзна жид̇д̇зна вийд̇иггамам̣ агааси, ж̇аанид̇ваа агааси, уд̣̇ааху аж̇аанид̇ваа’’д̇и звам̣ бужчааяа арахад̇и. д̇ад̇т̇зваад̇и взсаалияам̣ махааванз зва. саб̣б̣ан̇г̇аг̇ад̇анд̇и табзд̇ваа гзсаломад̣̇анд̇анакаанам̣ мам̣савинимуд̇д̇адтаанан̃жзва т̇ад̣̇д̇хасугкажамман̃жа уд̣̇агамива д̇злаб̣инд̣̇у авасзсасаб̣б̣асарийрам̣ б̣яаабзд̇ваа тид̇ам̣. сарийрагамбаад̣̇ийнийд̇и аад̣̇и-сад̣̇д̣̇зна агкийнам̣ бийд̇аван̣н̣аад̣̇им̣ сан̇г̇ан̣хаад̇и. бид̇д̇агосагз тид̇анд̇и хад̣̇аяабабпаасаанам̣ анд̇арз яаганамам̣сам̣ ниссааяа бад̇идтид̇з махаагосаад̇агийгосасад̣̇исз бид̇д̇агосз тид̇ам̣. губид̇зд̇и бид̇д̇агосад̇о жалид̇ваа б̣ахи нигканд̇з.
66.Paṭiññākaraṇaṃnatthīti pucchitabbābhāvato. Na hi dūsako ‘‘kena cittena vītikkamaṃ akāsi, jānitvā akāsi, udāhu ajānitvā’’ti evaṃ pucchāya arahati. Tatthevāti vesāliyaṃ mahāvane eva. Sabbaṅgagatanti ṭhapetvā kesalomadantanakhānaṃ maṃsavinimuttaṭṭhānañceva thaddhasukkhacammañca udakamiva telabindu avasesasabbasarīraṃ byāpetvā ṭhitaṃ. Sarīrakampādīnīti ādi-saddena akkhīnaṃ pītavaṇṇādiṃ saṅgaṇhāti. Pittakosake ṭhitanti hadayapapphāsānaṃ antare yakanamaṃsaṃ nissāya patiṭṭhite mahākosātakīkosasadise pittakose ṭhitaṃ. Kupiteti pittakosato calitvā bahi nikkhante.
виссадтажид̇д̇од̇и виссадтабагад̇ижид̇д̇о. яагкуммад̇д̇агод̇и яагкаа гира яасса жид̇д̇ам̣ кибид̇угаамаа хонд̇и, д̇асса сзд̇амукам̣ нийлод̣̇арам̣ сурад̇д̇ахад̇т̇абаад̣̇ам̣ махаасийсам̣ баж̇ж̇алид̇анзд̇д̇ам̣ бхзравам̣ ваа ад̇д̇абхаавам̣ нимминид̇ваа д̣̇ассзнд̇и, бхзравам̣ ваа сад̣̇д̣̇ам̣ саавзнд̇и, гат̇знд̇ассзва ваа мукзна хад̇т̇ам̣ багкибид̇ваа хад̣̇аяамам̣сам̣ мад̣̇д̣̇анд̇и, д̇зна со сад̇д̇о уммад̇д̇аго ход̇и кид̇д̇ажид̇д̇о. д̇знзвааха ‘‘бхзраваани ваа аарамман̣аани д̣̇ассзд̇ваа’’д̇иаад̣̇и. д̇ад̇т̇а бхзраваанийд̇и д̣̇ассанамад̇д̇знзва сад̇д̇аанам̣ бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇ум̣ самад̇т̇аани. нижжамзва уммад̇д̇аго ход̇ийд̇и яасса бид̇д̇агосад̇о бид̇д̇ам̣ жалид̇ваа б̣ахи нигканд̇ам̣ ход̇и, д̇ам̣ санд̇хааяа вуд̇д̇ам̣. яасса бана бид̇д̇ам̣ жалид̇ваа бид̇д̇агосзязва тид̇ам̣ ход̇и б̣ахи анигканд̇ам̣, со анд̇аранд̇араа сан̃н̃ам̣ бадилабхад̇и, на нижжамзва уммад̇д̇аго ход̇ийд̇и взд̣̇ид̇аб̣б̣ам̣. н̃ад̇ваад̇и сан̃н̃аабадилаабхзна ж̇аанид̇ваа. ад̇химад̇д̇ааяаад̇и ад̇хигаббамаан̣ааяа.
Vissaṭṭhacittoti vissaṭṭhapakaticitto. Yakkhummattakoti yakkhā kira yassa cittaṃ khipitukāmā honti, tassa setamukhaṃ nīlodaraṃ surattahatthapādaṃ mahāsīsaṃ pajjalitanettaṃ bheravaṃ vā attabhāvaṃ nimminitvā dassenti, bheravaṃ vā saddaṃ sāventi, kathentasseva vā mukhena hatthaṃ pakkhipitvā hadayamaṃsaṃ maddanti, tena so satto ummattako hoti khittacitto. Tenevāha ‘‘bheravāni vā ārammaṇāni dassetvā’’tiādi. Tattha bheravānīti dassanamatteneva sattānaṃ bhayaṃ chambhitattaṃ lomahaṃsaṃ uppādetuṃ samatthāni. Niccameva ummattako hotīti yassa pittakosato pittaṃ calitvā bahi nikkhantaṃ hoti, taṃ sandhāya vuttaṃ. Yassa pana pittaṃ calitvā pittakoseyeva ṭhitaṃ hoti bahi anikkhantaṃ, so antarantarā saññaṃ paṭilabhati, na niccameva ummattako hotīti veditabbaṃ. Ñatvāti saññāpaṭilābhena jānitvā. Adhimattāyāti adhikappamāṇāya.
аабад̇д̇аанаабад̇д̇иваараван̣н̣анаа нидтид̇аа.
Āpattānāpattivāravaṇṇanā niṭṭhitā.
бад̣̇абхааж̇анийяаван̣н̣анаа нидтид̇аа.
Padabhājanīyavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аабад̇д̇аанаабад̇д̇иваараван̣н̣анаа • Āpattānāpattivāravaṇṇanā
