| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
93. аабад̇д̇иаавигаран̣авид̇хи
93. Āpattiāvikaraṇavidhi
170. д̇зна ко бана самаязна ан̃н̃ад̇аро бхигку баад̇имогкз уд̣̇д̣̇иссамаанз аабад̇д̇им̣ сарад̇и. ат̇а ко д̇асса бхигкуно зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘на саабад̇д̇игзна убосат̇о гаад̇аб̣б̣о’д̇и. ахан̃жамхи аабад̇д̇им̣ аабанно. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣.
170. Tena kho pana samayena aññataro bhikkhu pātimokkhe uddissamāne āpattiṃ sarati. Atha kho tassa bhikkhuno etadahosi – ‘‘bhagavatā paññattaṃ ‘na sāpattikena uposatho kātabbo’ti. Ahañcamhi āpattiṃ āpanno. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ.
ид̇ха бана, бхигкавз, бхигку баад̇имогкз уд̣̇д̣̇иссамаанз аабад̇д̇им̣ сарад̇и. д̇зна, бхигкавз, бхигкунаа сааманд̇о бхигку звамасса важанийяо – ‘‘ахам̣, аавусо, ид̇т̇аннаамам̣ аабад̇д̇им̣ аабанно. ид̇о вудтахид̇ваа д̇ам̣ аабад̇д̇им̣ бадигариссаамий’’д̇и вад̇ваа убосат̇о гаад̇аб̣б̣о, баад̇имогкам̣ сод̇аб̣б̣ам̣, на д̇взва д̇аббажжаяаа убосат̇асса анд̇арааяо гаад̇аб̣б̣о.
Idha pana, bhikkhave, bhikkhu pātimokkhe uddissamāne āpattiṃ sarati. Tena, bhikkhave, bhikkhunā sāmanto bhikkhu evamassa vacanīyo – ‘‘ahaṃ, āvuso, itthannāmaṃ āpattiṃ āpanno. Ito vuṭṭhahitvā taṃ āpattiṃ paṭikarissāmī’’ti vatvā uposatho kātabbo, pātimokkhaṃ sotabbaṃ, na tveva tappaccayā uposathassa antarāyo kātabbo.
ид̇ха бана, бхигкавз, бхигку баад̇имогкз уд̣̇д̣̇иссамаанз аабад̇д̇ияаа взмад̇иго ход̇и. д̇зна, бхигкавз, бхигкунаа сааманд̇о бхигку звамасса важанийяо – ‘‘ахам̣, аавусо, ид̇т̇аннаамааяа аабад̇д̇ияаа взмад̇иго. яад̣̇аа ниб̣б̣змад̇иго бхависсаами, д̇ад̣̇аа д̇ам̣ аабад̇д̇им̣ бадигариссаамий’’д̇и вад̇ваа убосат̇о гаад̇аб̣б̣о, баад̇имогкам̣ сод̇аб̣б̣ам̣; на д̇взва д̇аббажжаяаа убосат̇асса анд̇арааяо гаад̇аб̣б̣од̇и.
Idha pana, bhikkhave, bhikkhu pātimokkhe uddissamāne āpattiyā vematiko hoti. Tena, bhikkhave, bhikkhunā sāmanto bhikkhu evamassa vacanīyo – ‘‘ahaṃ, āvuso, itthannāmāya āpattiyā vematiko. Yadā nibbematiko bhavissāmi, tadā taṃ āpattiṃ paṭikarissāmī’’ti vatvā uposatho kātabbo, pātimokkhaṃ sotabbaṃ; na tveva tappaccayā uposathassa antarāyo kātabboti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аабад̇д̇ибадигаммавид̇хигат̇аа • Āpattipaṭikammavidhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аабад̇д̇ибадигаммавид̇хигат̇аад̣̇иван̣н̣анаа • Āpattipaṭikammavidhikathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 92. аабад̇д̇ибадигаммавид̇хигат̇аа • 92. Āpattipaṭikammavidhikathā
